Post: #1
Title: ويتواصل مسلسل حريق النخيل في القري النوبية تجاوز عددها الثلاثين الف بعد حريق الأمس
Author: Medhat Osman
Date: 05-05-2009, 12:04 PM
Parent: #0
بالامس احترقت ما يقارب ال1000 نخلة في قرية ابو راقة في السكوت وبذا يتجاوز عدد النخيل المحروقة الثلاثين الف نخلة بعد حرائق شبت في نخيل جزيرة صاي ونخيل ارنتي وكرمة خلال الشهور القليلة الماضية.
السؤال من المسؤول؟؟؟
ولماذا في هذا التوقيت بالذات.؟؟؟
لم نسمع بحريق النخيل بهذه الضخامة الا في خلال هذه الفترة.
وهل كل هذا مربوط بمخطط تنفيذ السدود وخاصة ان كلام ناس الحكومة دائما ان هذه المناطق فقيرة يجب ان ترحلوا منها ونذكر ما قاله احد افراد الامن عندما اعتقلوا عبد الحكيم نصر قال له الامنجي انتو المفروض تفرحوا لما يرحلوكم من هنا.!!!!!!!
طبعا المفروض ما نتحدث عن انقاذ النخيل في حالات الحرائق لانو ناس الانقاذ عندهم رأي في انقاذ البشر.
فيديو حريق نخيل جزيرة صاي.
http://www.youtube.com/watch?v=rUCE9-wWXAY
|
Post: #2
Title: Re: ويتواصل مسلسل حريق النخيل في القري النوبية تجاوز عددها الثلاثين الف بعد حريق الأمس
Author: GamarBoBa
Date: 05-05-2009, 12:24 PM
يا مدحت...
ليومين ماضيين تابعنا ما آال ليه الوضع في ابراقة..فهذا الحريق كان سيئا علي اهلنا
اذا وضعنا للنخلة في اسوأ الفروض خمسة مليون بالقديم فإن خسائر اهلنا يتجاوز 2 مليون دولار
لهم الله
وسبقي الارض ارضنا
تحياتي
|
Post: #3
Title: Re: ويتواصل مسلسل حريق النخيل في القري النوبية تجاوز عددها الثلاثين الف بعد حريق الأمس
Author: Medhat Osman
Date: 05-05-2009, 01:59 PM
Parent: #2
عزيزي قمر بوبا
ربنا يعوض الاهل في ابوراقة.
وبما انك من قرية ابوراقة عرفتوا السبب المباشر للحريق الهائل.؟؟؟
|
Post: #4
Title: Re: ويتواصل مسلسل حريق النخيل في القري النوبية تجاوز عددها الثلاثين الف بعد حريق الأمس
Author: GamarBoBa
Date: 05-05-2009, 02:08 PM
Parent: #3
مدحت الاحصائيات الاخيرة تقول 2500 نخلة تقريبا
والسبب غير معروف حتي الآن
|
Post: #5
Title: Re: ويتواصل مسلسل حريق النخيل في القري النوبية تجاوز عددها الثلاثين الف بعد حريق الأمس
Author: عبدالغفار محمد سعيد
Date: 05-05-2009, 02:11 PM
Parent: #4
السبب غير معروف!!!
|
Post: #6
Title: Re: ويتواصل مسلسل حريق النخيل في القري النوبية تجاوز عددها الثلاثين الف بعد حريق الأمس
Author: الطاهر ساتي
Date: 05-05-2009, 05:39 PM
Parent: #5
أنا بارجح الإهمال ..
اهلنا ديل بينضفوا الجنائن وبيحرقوا الوسخ فى اى مكان
ومرات كتيرة مابيتابعوا الحرق لحدما النار تموت
بيخلوها وبيمشوا يشوفوا اشغال تانية
ومعظم الحرائق دى حصلت نص النهار والعصريات
ودى أوقات عمل والناس بتكون لافة في الجنائن والمزارع وكدة
لو حصلت حريقة بالليل مثلا كان ممكن يثير علامات استفهام
وانا تابعت الحريقة القبل دى وخسائرها كانت كتيرة
ولاقيت الأعمام المتضررين ومن كلامهم عرفت بان السبب كان اهمال
هم ذاتهم اكدوا ( نضافة زريبة ولا جنينة ما متذكرها كويس )
قذافي ع المنطلب كان عمل معاهم شغل لو لميت فيهو بانزلو
والخسائر بتتفاقم لعدم وجود عربة مطافئ
والاهالى هم البطفوها بالجرادل والتراب
اتخيل الشمالية كلها مافيها عربية مطافئ الا فى دنقلا
لحدما تصل المحس النار بتكون قضت على الاخضر واليابس
واتذكر الاهل في الحادثة الاولى ناشدوا حكومة الولاية بتوفير عربات مطافئ في عبرى ودلقو والبرقيق
لكن لاحياة لمن تناشد.. ودى الحادثة التالتة وبرضوا ماحيفكرو يجيبوا عربة مطافئ
وبرضوا ماننسى طريقة زراعتنا للنخيل
معظما مامزروعة بالطريقة العلمية المفروض تراعى فتح مسارات وممرات واسعة تحسبا للحرائق
وضف لذلك عدم تنظيف النخيل من الشتول الصغيرة والحشائش البتقوم جنبها نحن بنسميها ( كوشي )
الكوشي ده بيزيد اشتعال النار وتوزيعابسرعة رهيبة خاصة لو فى هواء
غايتو الحوادث المتكررة دى محتاجة الناس تقعد مع المحليات والشياخات وتضع ليها كمية من الاحتياطات ( غربة مطافئ وغيرها )
وكذلك بث التحذيرات بان الواحد فيهم ينضف زريبتو ولا جنيتوا في الوقت المناسب ويلم الوسخ و يحرقوبعيد
ويراقب عملية النضافة ومايمشي بعيد قبل مايتأكد من ان النار ماتت
......
والله يعوض المتضررين خيرا
|
Post: #7
Title: Re: ويتواصل مسلسل حريق النخيل في القري النوبية تجاوز عددها الثلاثين الف بعد حريق الأمس
Author: Medhat Osman
Date: 05-06-2009, 09:23 AM
Parent: #6
استاذ طاهر ساتي.
سلام.
اقدر وجهة نظرك والاهمال موجود.
لكن الغريبة كل الحرائق في القري المزكورة يقولون ان الاسباب غير معروفة.
والاخ قمر بوبا من قرية ابو راقة ومتابع الوضع يقول ان السبب غير معروف في الحريق الاخير.
الله يكضب الشينة.
|
|