Post: #1 Title: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 09:29 AM Parent: #0
السودانيون بطبعهم ولوفين ..
و لأن فرحهم أصبح مسارقة فهم لا يبحثون عن سبب للبهجة و الفرح و السرور ..
مرة حضرت ( بارتي ) مولع في الأبيض و لما سألت عن المناسبة قالوا لي ( ساي كدة ) ..
أهة يا أخوانا لما الناس بتعمل بارتيات ( ساي كدة ) هسع أخونا الدكتور المرشح الرئاسي دة جا ( قنب ) معانا كم يوم كدة و مع إنو ( برانا ) و ( قدانا ) لامن قلنا بس و لدرجة أتمنينا أنه يفوز عشان يخلي لينا المنبر دة ، أهة الزول لمن بقى ماشي و قال ( وداعاً ) دي مش ( مناسبة قوية ) عشان ( نودعو ) بي حفلة كاربة كدة ؟؟ أتعهد لكم بتحمل كافة ( الحاجات ) الخاصة بهذا الحفل بس ساعدونا ( بالألفاظ ) يا جماعة .. باقي نحنا بنودع ( رئيس ) محتمل و كلو حاجة متوقعة ؟؟
أي زول/ـة عنده/ا مشاركة ، قصيدة ، شعر حداسي ، شعر مرخم ، رقصة ، نشيدات ، أغنية كويسة ، أغنية هابطة ،صور ، مقاطع فيديو ، مقاطع قمش ، لغز ، قبعة ، تعارف ، يجي يشارك و الباب يدخل ديناصور.. و علينا جاي يا ..
ـ
يلا أتفضلوا الحفلة حفلتكم و المرشح كسح ، و أي شنكبة عنكبة بنخليهو يرجع تاني ..
Post: #2 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 09:37 AM Parent: #1
أووف .. أووف .. تلاتة أربعة .. تجربة .. تجربة ( الساوند ظابط ) ..
و الآن ..
نستهل حفلنا المتواضع هذا بأغنية ..
يا الله يا رحمن ( سقٍط ) لينا د. عثمان ..
مع الفنانة المقرمة / ستنا مس كول .
ـ
Post: #3 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 09:56 AM Parent: #2
و الآن مع فرقة ( أولاد المنبر ) في فاصل و نواصل من الإنشاد الوطني مع نشيد ..
الطلبة وين ؟؟ مأجزين ..
شماسة و ين ؟؟ مركلسين ..
كهرباء مافي .. مكنات قوية ..
و وووب علي ..
يا ( الرشحوك ) شوية ..
ـ
أبشر يا ريس ..
Post: #4 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 10:07 AM Parent: #3
يا جماعة بالله الشباب الواقفين ورا ( الساوند ) ديل يزحوا لينا شوية كدة ..
و الناس الجوة ( السباتة ) ديل ( يتخارجو ) لينا و ( يدوا ) الناس معاهم فرصة ..
ما عايزين زول يرقص غير ( البنات ) عدييل كدة .. كرهتونا ياخي ..
أصلو ما تسمعوا ليكم صوت ترم ترم إلا تجوا تتكوكبوا لينا هنا ؟؟
يا شباب .. لو سمحتوا .. بالحسنة كدة ..
نحنا عارفين أي زول عايز ( يعبًر ) عن ( شعورو ) لكن ما كدة با أخوانا ..
الغنية الجاية دي مهداة للعريس .. أقصد الرئيس .. ياخي طيب المرشح ..
ــ
ميتينكم ذاتوو
Post: #5 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 10:32 AM Parent: #4
واحد( لاطش ) و ( مضهب ) ..
** شلامو عليكم ..
ـ عليكم السلام ..
** دة شنو ؟؟
ـ دي حفلة وداع .
** الودع منو ؟؟ _ واحد دكتور .
** لا حولااا مالو كان عيااان و لا ( ساي كدة ). _ ياخي ما مات .. ما في زول مات ياخي ، دة زول مترشح ؟؟
** موترشيح وين .. آأ ؟؟ ـ مترشح للرئاسة ..
** وين ؟؟ ـ هنا دة يا خي أنتا مالك سئآل كدة ياخي أنتا أمنجي ؟؟
** منو ؟؟ ـ أنا .
** مالك ؟؟ ـ ملة تمل ميتين أهلك ياخي مالك عايز تكرهنا ؟؟
** أكرهكوم لييه يا أبو الشباب أصلو أنا ( أترشحتا ليكم ) .. ـ خلاس قفل باللاي ..
** طيب معليش ، يا موحترم ، أنا أنسحب .. أنسحب .. قال مرشح ، ياخي بالله إنتو ( واعين ) ؟؟ ـ صدق لا و اللاي ( واعي ) إنتا ..
ـ و أنسحب الزول ( اللاطش ) من الحفلة قبل أن يدخل ( الصيوان ) مترنحاً و هو يضرب كفاً بكراع و يحدث نفسو .. ** باللاي شوف ( المساطيل ) ديل .. مرشح بتاع ( حنانكوم ).. و اللاي لكن قصة.. ** مورشح .. ياخي إنتو قايلين نفسكم ( خواجات ) و اللا ( أولاد راحات ) ؟؟ ** قال مورشح .. و اللاي جنش ( وهمات ) ..
ــ و لا زال الليلو طفلون يحبو ..
Post: #6 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Maawya Hussein Date: 05-04-2009, 10:39 AM Parent: #5
أعلن المحتفي به تأجيل السفريه الي أجل غير مسمي ..
يلا لموا الكراسي ..
Post: #7 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 10:53 AM Parent: #6
Quote: أعلن المحتفي به تأجيل السفريه الي أجل غير مسمي ..
مالك عايز تجيب ( أجلنا ) ياخي ؟؟
عليك الله حاول معاهو ، أقنعوا ، منطقو ، أعمل ليهو أي حاجة ..
الصيوان بتاع حفل الوداع ده ما تخلينا نقلبو ( بيت بكا ) ..
ـ الله يكضب الشينة ..
Post: #9 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Nader Abu Kadouk Date: 05-04-2009, 11:00 AM Parent: #7
Quote: أعلن المحتفي به تأجيل السفريه الي أجل غير مسمي ..
خبر شين
باجد كده الزول ده هرانا و طلع زيتنا
اها الحل شنو
Post: #10 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Maawya Hussein Date: 05-04-2009, 11:03 AM Parent: #9
Quote: اها الحل شنو
شرطه النظام العام يجوا يسوقوا رئيسوم دا ..ولا بنخلي رئيسنا يتصرف
Post: #17 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 01:37 PM Parent: #10
Quote: ..ولا بنخلي رئيسنا يتصرف
هو كان بعرف ( يتصرف ) كان في زول ( أشرشح ) و للا ( أترشح ) ؟؟
ــ
Post: #8 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: adil rahman Date: 05-04-2009, 10:54 AM Parent: #6
يا عصام ممكن أنت الحفلة عاملها براك إنت البتقدم الحفلة والفنان أدى الناس معاك فرصة
عادل عبدالرحمن
Post: #11 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Faisal Elrasheed Date: 05-04-2009, 11:06 AM Parent: #8
Quote: أدى الناس معاك فرصة
طيب صفا ... استرح
عليك الله اقعد خلينا نشوف الفنان
Post: #12 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: أحمد الشايقي Date: 05-04-2009, 11:47 AM
سلام واحترام
يا أخونا المحتفى بــه قــرر
تــمــديــد إقامــتــه في البـــورد
أها شيلو شيلتكـم
أحمد الشايقي
Post: #13 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 11:58 AM Parent: #12
Post: #14 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: بشير أحمد Date: 05-04-2009, 12:23 PM Parent: #13
اسمع يا ابوالشباب
الحفلة دي عملتوا ليها تصريح من ناس النظام العام -اقصد الاخ ابوصلعة- ولا لسع؟
تقجوا صيوانكم ساي كده ؛
بعدين المحتفي به صوتوا عالي كده مالو ؟عمل ازعاج للجيران
بعدين عايزين عسكري ينظم الدخول للصيوان ؛عشان الناس الداخلة بعكاكيزها
يتعمل ليهم كنترول.
_______
تحياتي ياحضرة المستشار.
Post: #15 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: adil rahman Date: 05-04-2009, 12:29 PM Parent: #14
أنا المذيع الداخلي للحفلة دي ، الحفلة فقراتها غني وهيصة ما في أي واحد يجي يقول لي أنا عايز ألقي كلمة أو شعر أو عندي خاطرة للحظة الوداع كله هيصة في هيصة
عادل
Post: #16 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: علاء الدين يوسف علي محمد Date: 05-04-2009, 12:35 PM Parent: #14
دهب يا حبيب يا سعادتك إنت بقيت من الضحكونجية ولا شنو
Post: #22 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 02:51 PM Parent: #16
علاء يا ( نحول ) .. مرحبتين ..
Quote: يا سعادتك إنت بقيت من الضحكونجية ولا شنو
بالله شوف ( آخر الزمن ) يا علاء ..
لكن برضو ( مكسب ) .. أهو برضو أحسن من ( الترشيح ) و ( الشرشحة ) .
Post: #20 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 02:46 PM Parent: #14
د. بشير
أزيك يا حبيب ..
Quote: الحفلة دي عملتوا ليها تصريح من ناس النظام العام -اقصد الاخ ابوصلعة- ولا لسع؟
في الحقيقة ما عملنا ليها أي تصريح و لا واسطة ، و في الحقيقة نحنا ذاتوو عايزين النظام العام يجيئ يفرتقها سرعة .. سرعة .. عشان نودع الزول دة سريه .. سريع ..
Quote: بعدين المحتفي به صوتوا عالي كده مالو ؟عمل ازعاج للجيران
عشان بفتش ليهو في ( أصوات ) يا دكتور ..
Quote: بعدين عايزين عسكري ينظم الدخول للصيوان ؛عشان الناس الداخلة بعكاكيزها
يتعمل ليهم كنترول.
ياخي خليها كدة زي ما هي ، كنترول بتاع شنو !! نحنا عايزنها تفرتتتتتتتتق ، تقول لي كنترول ؟؟
ــ
شوف لينا ( مصل ) ياخي .. قربنا ( نتملص ) ذاتو !!
Post: #19 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-04-2009, 02:29 PM Parent: #12
Post: #21 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: أيوب خليل Date: 05-04-2009, 02:50 PM Parent: #18
نكته بعنوان الترشيح لرئاسة الجمهورية
Post: #23 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد البشرى الخضر Date: 05-04-2009, 04:40 PM Parent: #21
داير اشارك بقصيدة في الحفلة يا مولانا دهب لكن خايف اطلع بستهزأ وكدا
Post: #24 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: سيف الدولة كامل Date: 05-04-2009, 04:47 PM Parent: #23
يا دهب ,,,, صاحبك ده ثعلب تتوقع منه كل حاجه
اسع بجي متلب ,, وبهرينا اديها صنه شويه نشوف اخره
Post: #25 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: osman elrayah Date: 05-04-2009, 07:57 PM Parent: #24
الاخوة الاعزاء اشتقت لكم
ما ان علم المؤتمر الوطنى ببداية حملتى الانتخابية الا وقامت الهيئة القومية للأتصالات بتأكيد ما درجت اؤكده بحظرها للبريد الالكترونى والمواقع ، فلقد جاءتنى اليوم معلومات من د/ ابراهيم عبد الله بالمكتب السياسى بأن كل مجموعاتى بالفيس بوك واللينك الخاص بى بأجراس الحرية ( الحوار ) قد تم حجبها بواسطة هيئة الاتصالات مما يشكل خطرا على عملية التحول الديمقراطى ومما يؤكد ان المؤتمر الوطنى لايرغب فى التحول الديمقراطى . ومن هنا سأبدا بتقديم شكوى لمفوضية الانتخابات والامم المتحدة متمثلة فى السكرتير العام للأمم المتحدة . حمدا لله اننى قد وجدت اكسيس للنت من هنا ، واعلم انهم سيرفعون الحظر حال قرأتهم لهذا البوست ، كما وجهت بتعميم هذه الشكوى للقاعدة الشعبية وتعميمها لمجموع 2 مليون بريد اليكترونى ، هذا فى نفس الوقت فى امريكا توجد 3 آلاف جروب لبراك اوباما ، ولقد قام البيت الابيض والسى اى ايه بعمل صفحات بالفيس بوك .
دعواتكم لنا ، راجيا ان تصل هذه الشكوى للقيادة لتوقف هذا العبث وتمنع تكراره ( علما انهم يظهرونها تارة ويحجبونها تارة )
Post: #26 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: بشير أحمد Date: 05-04-2009, 08:06 PM Parent: #25
هات كرسي ياولد
العريس -اقصدالريس -وصل .
تكبير الكوم ده مشكلة يادكتور ؛ونفخ الذات ابو وام الكبائر
داير تعمل لي نفسكـ اهمية بالرجالة ؛
ياخي انت قته مشتت الجابكـ راجع شنو ؟
Post: #27 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد البشرى الخضر Date: 05-04-2009, 08:47 PM Parent: #26
حفلة و فرتقت
Post: #28 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Mushal Allam Date: 05-04-2009, 10:59 PM Parent: #27
رجع البلد -علي قول ود الامين
Post: #35 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-05-2009, 02:26 PM Parent: #28
Quote: رجع البلد -علي قول ود الامين
رجع الوجع ـ على قول بت أم زقدة ..
Post: #32 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-05-2009, 10:14 AM Parent: #25
Quote: الاخوة الاعزاء اشتقت لكم
أهة كدة حنتكلم في السياسة و الكضب .. دي ( مكنتك ) ؟؟ إنتا ذاتك بتين ( مشيت ) عشان تشتاق ؟؟ ما قاعد ( مهيت ) و ( مبيت ) في الحفلة ، قصدي في ( البورد ) دة .. ..
Quote: ما ان علم المؤتمر الوطنى ببداية حملتى الانتخابية الا وقامت الهيئة القومية للأتصالات بتأكيد ما درجت اؤكده بحظرها للبريد الالكترونى والمواقع ، فلقد جاءتنى اليوم معلومات من د/ ابراهيم عبد الله بالمكتب السياسى بأن كل مجموعاتى بالفيس بوك واللينك الخاص بى بأجراس الحرية ( الحوار ) قد تم حجبها بواسطة هيئة الاتصالات مما يشكل خطرا على عملية التحول الديمقراطى ومما يؤكد ان المؤتمر الوطنى لايرغب فى التحول الديمقراطى .
الليلة ووووووب ، هي حصلت قدر دة ..
Quote: ومن هنا سأبدا بتقديم شكوى لمفوضية الانتخابات والامم المتحدة متمثلة فى السكرتير العام للأمم المتحدة .
و نحنا بنشتكيكم كلكم لي الله بس ..
Quote: حمدا لله اننى قد وجدت اكسيس للنت من هنا ، واعلم انهم سيرفعون الحظر حال قرأتهم لهذا البوست ،
يكونوا عايزين ( يسكسكوا ) معانا هنا يا ربي ؟؟
Quote: كما وجهت بتعميم هذه الشكوى للقاعدة الشعبية وتعميمها لمجموع 2 مليون بريد اليكترونى ، هذا فى نفس الوقت فى امريكا توجد 3 آلاف جروب لبراك اوباما ، ولقد قام البيت الابيض والسى اى ايه بعمل صفحات بالفيس بوك .
غايتو نحنا كقاعدة شعبية و بريدات الكترونية ما وصلنا شيئ ، و لا نفقد شيء سوى عدم رؤياكم الغالية ..
Quote: دعواتكم لنا ، راجيا ان تصل هذه الشكوى للقيادة لتوقف هذا العبث وتمنع تكراره ( علما انهم يظهرونها تارة ويحجبونها تارة )
القيادة ...... الجدادة ..
Post: #31 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-05-2009, 10:04 AM Parent: #24
سيف الدولة / ازيك ..
Quote: صاحبك ده ثعلب تتوقع منه كل حاجه
أهة كان كدة واطاتنا صبحت و نحن واهمين نفسنا بي لا زال الليلو طفلون ..
Post: #29 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-05-2009, 07:30 AM Parent: #23
Quote: داير اشارك بقصيدة في الحفلة يا مولانا دهب
طوالي يا هندسة ، نحنا لاقين شاعر ( صريح ) زيك وين .. يلا جهز قصيدتك دي بس كتر لينا فيها من ( الشجن ) و ( البكاء ) و لو دخلت معاها ( عذابات الوداع ) تكون ما قصرتا ..
Quote: لكن خايف اطلع بستهزأ وكدا
حاشاك يا ( النجيض ) الماك هوين .. هسة في ( ذمتهم ) البستهزأ منو ؟؟
ـ عاد هو ما ( ريس ) ..
Post: #30 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: حيدر حسن ميرغني Date: 05-05-2009, 07:37 AM Parent: #29
ياعصام الريس القادم ده كان عايز يعيني مدير حملتو الانتخابية
ياخي بوظت لينا اللعب
الله يوفقو ويبعده من نيرانكم دي
Post: #33 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: يوسف محمد يوسف Date: 05-05-2009, 10:59 AM Parent: #30
مولانا عصام
ياخوى انا ماشى اشوف لى " جركانة عرقى عيش داشر " من " مستورة " او " اللورى المقلوب " - بالمناسبة الجماعة ديل شغالين ولا راحوا نظام عام .. افتونا - عشان نعرف " نكحل " فى الربة بتاعتكم دى !! انتو المرشح بتاعكم ده مالو زعلان و مكشر وشوه كده ؟ الزول ده الظاهر عليه ما سمع " بحزب البهجة " كلموه بالله قولوا ليه انحنا ماسكانا كشيرة ليها عشرين سنة.. ما تزيدها ياخ !! . . . بس خلينا نلقى " الجركانة " .. عشان تشوفوا هيجيج واحد و فرتيق عمركم ما سمعتوا بيه !
و دعوه ياخ .. نشف جركاناتنا !!
Post: #34 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Ahmed Yousif Abu Harira Date: 05-05-2009, 01:44 PM Parent: #33
REPUBLIC OF SUDAN PRESIDENTIAL CANDIDATE OF THE NEXT PRESIDENCY
REPUBLIC OF SUDAN PRESIDENTIAL CANDIDATE FOR THE NEXT PRESIDENCY
Post: #42 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-06-2009, 12:33 PM Parent: #33
تعرف يا سعادتك بالطريقة دي ما في ( جل ) إلا نجيب ( مستورة ) ذاتا ( تعسكر ) معانا في الحفلة دي و ( تشد ) لينا في ( الصيوان ) ، عشان ما ( تفك ) كلو .. كلو لحدي ما الزول دة ( يفكنا) ..
Quote: بالمناسبة الجماعة ديل شغالين ولا راحوا نظام عام .. افتونا - عشان نعرف " نكحل " فى الربة بتاعتكم دى !!
يا سعادتك هو البلد دي لو فيها نظام عام الزول دي فاكينو فينا لحدت أنصاص الليالي ..
Quote: انتو المرشح بتاعكم ده مالو زعلان و مكشر وشوه كده ؟
عشان يورينا ( العين الحمرا ) من هسة دي .
Quote: بس خلينا نلقى " الجركانة " .. عشان تشوفوا هيجيج واحد و فرتيق عمركم ما سمعتوا بيه !
جداً سعادتك ، كلو تمام .. و كلو جركانة في مكانها .. ـ بس إن شاء الله يتخارج ..
Post: #36 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-06-2009, 09:39 AM Parent: #30
حنين يا حيدر
Quote: ياعصام الريس القادم ده كان عايز يعيني مدير حملتو الانتخابية
يا خااااين ، و كنت عايز تغنج بـ ( الغنيمة ) براك يا حيدر ، يعني هسع كان شفناك وزير لرئاسة الجمهورية على الأقل ، الناس شغالة تحت تحت و نحنا ( دأقسين ) ساكت ..
Quote: ياخي بوظت لينا اللعب
و الله كان جيت للجد يا حنين أخوي حقو تصلي ليك ركعتين شكر و تحمد ربك ..
Quote: الله يوفقو ويبعده من نيرانكم دي
الله يوفقو و يبعدنا نحنا ديل من نيرانو ..
ـ
Post: #37 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: SHIBKA Date: 05-06-2009, 10:28 AM Parent: #36
معليش ياخوان جيتكم متاخرة اها حفلتكم دي شغالة ولي فرتقت
والرئيس المترشح مشي ولي في؟؟
عشان الواحد يواكب معاكم
Post: #38 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد حسن العمدة Date: 05-06-2009, 10:48 AM Parent: #37
Quote: أهة يا أخوانا لما الناس بتعمل بارتيات ( ساي كدة ) هسع أخونا الدكتور المرشح الرئاسي دة جا ( قنب ) معانا كم يوم كدة و مع إنو ( برانا ) و ( قدانا ) لامن قلنا بس و لدرجة أتمنينا أنه يفوز عشان يخلي لينا المنبر دة ، أهة الزول لمن بقى ماشي و قال ( وداعاً ) دي مش ( مناسبة قوية ) عشان ( نودعو ) بي حفلة كاربة كدة ؟؟ أتعهد لكم بتحمل كافة ( الحاجات ) الخاصة بهذا الحفل بس ساعدونا ( بالألفاظ ) يا جماعة ..
يا دهب يا اخوي بارطيات الوداع دي بسووها للرؤساء بعد نهاية فترتهم الرئاسية موش الانتخابية .. اللهم الا في حينا في سكة حديد كوستي كان لو في غنماية ولدت بنعمل ليها بارطي وفرصة الناس تاكل كيك ... بعدين زولنا صلاح غريبة دا - عفوا - اقصد الريح دا ما معروف ام شير ولا الطوبة زويل كضاب كضبا شين خلاس .. الزويل دا لقيتو في الفيس بوك عامل ليهو قروب مسمي شباب الانصار يطالبون حزب الامةبالتحالف مع ( الدكتور ) عثمان مع اني انجعصت وانقشط ليهو في القروب لكن لقيت دمو من الوزن التقيل جدا حتى يقال ان غريبة استشاط غضبا لوجود منافس حقيقي يهدد تقالته ...
الزول دا شخصية حقيقية يا جماعة ؟؟!!! يعني قصدي في جينات بشرية بالطريقة دي ؟؟!!
Post: #62 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-09-2009, 10:42 AM Parent: #38
أخوي الحبيب و د العمدة :
Quote: يا اخوي بارطيات الوداع دي بسووها للرؤساء بعد نهاية فترتهم الرئاسية موش الانتخابية ..
كلامك صاح يا حبيب لكن نحنا و الله ما عندنا قدرة على الإحتمال لحدى الفترة الإنتخابية ، تجئ تقول لينا افترة الرئاسية ؟؟ ياخي عليك الله ما تخوفنا
Quote: اللهم الا في حينا في سكة حديد كوستي كان لو في غنماية ولدت بنعمل ليها بارطي وفرصة الناس تاكل كيك ... بعدين زولنا صلاح غريبة دا - عفوا - اقصد الريح دا ما معروف ام شير ولا الطوبة زويل كضاب كضبا شين خلاس ..
هسع أنحنا لا ( ودعنا ) الزول دة ، و لا أكلنا ( باسطة ) يعني في الحالتين ( أنا ضايع ) ( لازم في سوي كتير صبر ) ..
Quote: الزول دا شخصية حقيقية يا جماعة ؟؟!!!
غايتو لحدي هسع أنا عايش على أمل أنو دي ( الكاميرا الخفية ) و لو طلعت الحكاية صحي ، غايتو إلا من هسة دي الواحد يمشي يشوف ليهو ( أسايلم ) إن شاء الله في ( ميانمار ) ذاتا .
Post: #40 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد فرح Date: 05-06-2009, 10:52 AM Parent: #37
الزول ده اقطع ليكم كهربتو ياأخوانا وللا أخلي
Post: #66 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-12-2009, 11:55 AM Parent: #40
Quote: الزول ده اقطع ليكم كهربتو ياأخوانا وللا أخلي
و الله لو في طريقة تقنعو يقطع ( و شو ) و ( يشتت ) يشوف ( قواعدو ) يكون ليك ( الأجر ) و لو ما في طريقة إلا ( نقطعها ) في ( حنانا ) و نلوك( الصبر ) ..
ــ لك الود ، ومؤونة العمر كله من ( الكهارب ) يا محمد ، ..
Post: #52 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-08-2009, 01:07 AM Parent: #37
Post: #39 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: فدوى الشريف Date: 05-06-2009, 10:50 AM Parent: #36
قال وداع قال
الجا الحفلة دا المرشح زاتو ولا واحد بشبهو؟
عصام دهب وزعتو العشا ولا لسة؟
Post: #41 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: rani Date: 05-06-2009, 11:11 AM Parent: #39
Quote: REPUBLIC OF SUDAN PRESIDENTIAL CANDIDATE FOR THE NEXT PRESIDENCY
REPUBLIC OF The SUDAN PRESIDENTIAL CANDIDATE FOR THE NEXT PRESIDENCY
Post: #43 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: osman elrayah Date: 05-07-2009, 11:28 AM Parent: #41
أخوة المنبر السلام عليكم
الحمد لله لقد عدت من جولة قصيرة ولكنها ناجحة وقفت خلالها على القاعدة الشعبية ، وستلحقها بأذن الله جولات اخرى متعددة و لولايات بعيدة . لقد انتهت المدة المخصصة لى بالمنبر للنقاش ولكن سأدخل من الحين الى الحين لأيصال الخبر و لكى انقل آخر المستجدات على الساحة السياسية . اشكر كل اعضاء المنبر ، خصوصا من وقفوا بجانبى . اما البعض الذين طلبوا منى ان ارحمهم وسألونى بالغالى ان ارحمهم ، أسألهم من يرحم من ؟ هل الجانى يرحم المجنى عليه ام العكس ؟ هل من يسرق ويحظر المواقع والبريد الالكترونى يرحم ويترك الناس لحالها ام يرحم ؟ أيرحم الظالم الذى افقر الشعب ودمر الصحة والتعليم وحول الدولة لحزب ام يرحم ؟
Post: #44 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: SHIBKA Date: 05-07-2009, 11:32 AM Parent: #43
يادكتور والله انت صعععععععععععععب
سؤال الدكتوراة بتاعتك في شنو؟
Post: #45 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Salahaldeen Nadir Date: 05-07-2009, 11:34 AM Parent: #44
ياحليل الهاكر
!
Post: #46 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: حمور زيادة Date: 05-07-2009, 11:40 AM Parent: #45
Quote: وقفت خلالها على القاعدة الشعبية
انا ما حاقول اي شي
Post: #47 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Nader Abu Kadouk Date: 05-07-2009, 11:44 AM Parent: #46
عليك الله يا دكتور ارحمنا
النبي فيك
استحلفك بكل غالي
عليك الله ارحمنا ارحمنا ارحمنا
Post: #48 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Salahaldeen Nadir Date: 05-07-2009, 11:47 AM Parent: #47
Quote: وقفت خلالها على القاعدة الشعبية
ياخ قالو البقيف على القاعدة الشعبية ممكن يشوف المحيط من هناك, صاح الكلام ده؟
مشيت الهرم؟
!
Post: #49 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: عصام دهب Date: 05-07-2009, 11:59 AM Parent: #48
يا جماعة ( خصمتكم ) بالله و النبي ..
ما بتعرفوا ليكم واحد ( قاعدة شعبية ) عشان( يخارج ) مني البوست دة ؟؟
حتى لو بـ ( الدين ) .
نقبل ( المقايضة ) ..
و نصلح ( سراير ) الحديد ..
ــ خلاص ( قنعتا) تب ..
Post: #50 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: حمور زيادة Date: 05-07-2009, 11:59 AM Parent: #48
انصح الدكتور بالتركيز على القاعدة الشعبية و انو ينفض يدو من الناس الهنا ديل. ديل عواليق ما يستاهلو الا عمر البشير و اكعب منو كمان. خليهم لسوء عملم و ركز على القاعدة الشعبية. و لو ركزت كمان على القاعدة المزاد شمال يكون تمام. و كل واحد يقعد كويس عشان الريس وصل يا شباب و بطلو كلام فاضي ؟ من انتم حتى تستهزءوا بالدكتور عثمان الريح مرشح رئاسة الجمهورية .. او كما قئ .. قصدي قيل.
Post: #51 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد مكى محمد Date: 05-07-2009, 12:09 PM Parent: #43
Quote: لقد انتهت المدة المخصصة لى بالمنبر للنقاش ولكن سأدخل من الحين الى الحين لأيصال الخبر و لكى انقل آخر المستجدات على الساحة السياسية .
الاخ عصام والحضور أستأذنكم فى توجيه سؤال لدكتور عثمان. سألتك فى أول نقطة عن موضوع التعليم العالى.وكان ردك بالأجابه عندما يتوفر لك الوقت..وأعتقد أنه توفر..عموما أتمنى لك التوفيق.كذلك أرجو معاملة النخابين بجدية أكثر,فأنت بهم ..
Post: #53 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Rawia Date: 05-08-2009, 03:01 AM Parent: #51
يتخيلي (إنت غالي علي) دي غنية حلوة بتاعة واحدة حلوة ودلوعة ممكن أنزلها ليكم في الاحتفال دا بعدين المهم يتخيلي الدكتور بيستلذ ويستمتع بقلة القيمة والاستهزاء البيلاقيهم هنا(ولا عزاء لصباح حسين الحارقة رزها ساكت) وهذا إن دل على شي إنما يدل على إنه يا إما جديد في شغلانة النت دي ومامصدق إنه في كمية من الناس معبراهو منتبهة ليهو يا إما كمان جديد في حكاية النت دي ومامصدق إنه في ناس معبراهو ومنتبهة ليهو
Post: #54 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: حنين للبلد Date: 05-08-2009, 03:53 AM Parent: #53
Quote: وهذا إن دل على شي إنما يدل على إنه يا إما جديد في شغلانة النت دي ومامصدق إنه في كمية من الناس معبراهو منتبهة ليهو يا إما كمان جديد في حكاية النت دي ومامصدق إنه في ناس معبراهو ومنتبهة ليهو
ههههههههههههههههههههههههههههههه والله ياراوية لو عندك اكاونت عبري زاته اضيفك... الله يصبحك يا الواطة...هههههههه خليتيني اضحك زي المجنونة نص الليل..ههههههههه
Post: #55 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Rawia Date: 05-08-2009, 04:17 AM Parent: #54
_______________________ ردا على مداخلتك الفي بوست دينق شفت الحاجات الله يخليكم لي إنت وود البشرى للبتسووا فيهو دا بس حتكسبوا شنو ياجماعة لما الزول دا يضيع مننا
Post: #56 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Huda AbdelMoniem Date: 05-08-2009, 07:57 AM Parent: #55
bعليك الله اقعد خلينا نشوف الفنان
You make my day
Post: #57 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد البشرى الخضر Date: 05-08-2009, 08:30 AM Parent: #56
Quote: حتكسبوا شنو ياجماعة لما الزول دا يضيع مننا
ما بعرف بالنسبة لبلد لكن انا شخصيا ح اكسب كتير
Post: #58 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: حمور زيادة Date: 05-08-2009, 08:55 AM Parent: #57
انا يا ود البشري عاوز الزول ده يعاين لنفسو من جوه و يسأل روحو سؤال واحد بس .. التمنية و اربعين ساعة السعيدة الغاب فيهم من المنبر باعتبار انو لافي الولايات عشان يلتقي بالقاعدة الشعبية و يتأكد انها قاعده كويس و مرتاحه .. ليه مافي زول رفع بوستاتو دي ؟ الزول جا لقى بوستاتو اظنها في الصفحة السادسة او الصفحة التامنة .. وقع ليك فيها كلها اشتقت لكم وقفت على القاعدة اشتقت لكم وقفت على القاعدة. و بعد شوية وقع لينكات فيس بوك.
يا دكتور عثمان انت خسرت جولة سودانيز اون لاين. و في الاستراتيجية يعلمونك متى تتوقف في حالة الهزيمة او النصر. احيانا تخسر المعركة لأنك واصلتها بعد لحظة النصر. و احيانا تخسر الحرب لأنك لم تعرف متى تعترف بالهزيمة في معركة.
فيا عمك دحين عاين لروحك من جوه عليك الله. سمح ؟
Post: #59 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد البشرى الخضر Date: 05-08-2009, 09:14 AM Parent: #58
حمور يا زيادة ... يتخيل لي غرض المرشح ليس الفوز في الإنتخابات بل خوضها في حد ذاتها لأسباب يعلمها هو و في الإطار دا هو ناجح جدا في تحقيق غرضه فخوض الإنتخابات فقط لا يحتاج برنامج يكون فاهمو و يناقشو أو اسئلة يرد عليها او ناخبين يحرص عليهم تكفيه بعض الأدوات الهينة في مناول يده حساب في سودانيز اون لاين و طاشر قروب في الفيس بووك ووقت و تناحة و برود لا أكثر ثم ما تكون مشت فيك قصة القاعدة الشعبية العمل عليها جولة في اقل من 24 ساعة اصلو القاعدة الشعبية دي " قاعدة" وين؟ فيا عمك ما تاخدو امر ترشيحو دا بجدية لأنو هو نفسه ما جادي فيه
الجدير بالذكر ان زول راوية السألتنا من استفادتنا شنو من طيرانو غير زولكم دا وإن كنت متأكد لو انو اترشح قصادو " بِخرِتو"
Post: #60 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: osman elrayah Date: 05-08-2009, 06:49 PM Parent: #59
Post: #61 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: محمد هشام Date: 05-08-2009, 07:02 PM Parent: #60
الناس تكورك وتنق في موضوعو وزولنا يجي يلصق حاجاتو ويمشي ولا على بالو !!!!! يالله يكون الزول دا مبرمج اوتومتيك ؟؟؟
Post: #63 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: osman elrayah Date: 05-11-2009, 10:57 PM Parent: #61
أطمئنك اننا قد وثقنا كل هذه المضايقات ونحن لا نلقى التهم جذافا كما يظن البعض ، حتى اننى اختصر لكم الاحداث ولكن يمكننى ان اخبركم بالتفاصيل الدامغة التى لا تدع مجالا للشك .كما اهديك هذه الاخبار
الاخوة اعضاء المنبر أشتقت لكم آخر اخبار مسلسل المضايقات التى تنسف اهم مبادىء التحول الديمقراطى ، فبرغم من تحقق بعض الانتصارات فى اماكن معينة الا ان مسلسل المؤامرات لا ينتهى وذلك يرجع لوجود فئات لا تستوعب معنى التحول الديمقراطى والتداول السلمى للسلطة ، بل ان البعض يظن ان دولة السودان اصبحت ملكه خصوصا بعدما تم تركيع غالبية السياسين اما بسطوة المال واما بأختراق بعض الاحزاب وتفتيتها واما لعامل السن حيث ان اغلب السياسين قد استكانوا وذلك يرجع لعامل السن واما بأفقار البعض واما بالهيمنة والسيطرة على مفاصل الدولة وامتلاك عصب الحياة الا وهو المال وذلك بتحويل البنية التحتية لشركات خاصة يمتلك الحزب الحاكم غالبية اسهمها .ولكن اطمئنكم ان زوال هذا الحكم قد ازف ، كل الذى يحتاج له هذا النظام نفس طويل وشباب وسياسة مدروسة ونهج علمى للسياسة الحديثة غير الموجودة حاليا حيث ان اغلب الاحزاب الموجودة لم تتطور لتواكب التطور من حولها .
اما الانتصارات فلقد قامت الهيئة القومية للأتصالات بأرجاع اللينك والمواقع بالفيس بوك ، ولكنها عادت وحظرت البوست وذلك يرجع لوجود بعض من عناصر حزب المؤتمر الشعبى الذين قاموا بالترويج لبعض الجروبات الداعمة للجنايات الدولية . الانتصار الثانى ، عندما علمت بعض الجهات الخطوات التى اتخذتها بخصوص قطع المياه بمنزلى وتأكيد احد المهندسين والعامل الذى قام بالحفر وتبين انه لايوجد مايسد وصول المياه ، ثم من بعد ذلك رجوع المياه خلسة فى يوم العطلة ( السبت ) ، مما ينفى احتمال انسداد البلف الموصل ، حيث لا يمكن ان يفتح دون تدخل من الفنيين مما يعنى ان الذى قام بقفله قام خلسة بفتحه ، ثانيا ومما يؤكد وجود فعل كيدى هو كذب المهندس المسؤل الذى تزامن سفره للقاهرة مع هذا العمل ، وكذبه بتبريره ان العطل سببه انفجار فى شبكة المياه ببحرى ، هل الانفجار يقوم بقطع المياه من بيت واحد ؟؟؟؟؟؟؟؟ ===================================================== PLEASE JOIN THIS GROUP الرجاء الانضمام لهذه المجموعة http://www.facebook.com/group.php?gid=35341701967&ref=mf Also please visit this websites http://www.ajrasalhurriya.net/ar/news_view_2030.html http://www.sudaneseinus.com/forums/showthread.php?t=388 http://www.tagged.com/profile.html
دعوة للمناظرة بين د/ عثمان الريح والرئيس عمر البشير وباقى مرشحى الرئاسة
======================================================== ايضا مواصلة مسلسل المضايقات الآن وهو تأكيد شركة كنار من ان هيئة التصالات تقوم بفلترة بعض المواقع مما يسبب بطأ فى سرعتها ، حيث اننى قد لاحظت ان خدمة الانترنت اصبحت فى ثقيلة جدا خصوصا لبعض المواقع التى تشكل منافسة للحزب الحاكم ، مما جعلنى اتأكد من ذلك بتوصيل جهاز لاب توب وهو يعمل بسرعة جيدة . ملحوظة : شركة كنار تؤكد ان هذا ليس بيدها ولكنه بيد هيئة الاتصالات .
Post: #64 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: حنين للبلد Date: 05-12-2009, 02:11 AM Parent: #63
حسبي الله ونعم الوكيل حسبي الله ونعم الوكيل حسبي الله ونعم الوكيل
وشكيتك على الأقوى مني ومنك...
ياريس حرام عليك..والله حرام عليك..بكيتنا بي دموعنا....
Post: #65 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: يوسف الولى Date: 05-12-2009, 06:07 AM Parent: #64
الاخ صاحب البوست
هل انت عصام دهب زاتو الذى يجبرنا على قراءه كل ما يكتب لاحتواء كتاباته على الثمين من الاراء المدعمه بمعرفه عميقه للقانون والحقوق والمزدانه باحترام الرائ والرائ الاخر ارجو ان لا تكون انت ويكون هكرا قد سطا على حسابك
Post: #67 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: مزمل خيرى Date: 05-12-2009, 12:08 PM Parent: #65
والله انا عندى احساس انى حارجع للريس بكرى مفتاحو واتخارج من المنبر دا ..!!
انت جيتى من وين ياخى ؟ والله انا كان لميت فيك ........
Post: #68 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: osman elrayah Date: 05-13-2009, 11:15 PM Parent: #67
أؤكد لكم اننا سنعمل على اعطاء السودانيين المقيمين خارج السودان الفرصة فى الانتخاب ، ثانيا أؤكد لكم اننى حرصت على المواصلة معكم بنفسى طيلة هذه المدة لثلاثة اسباب ، الاول لأعرفكم على نفسى ليعلم كل سودانى ان كان داخل السودان او خارجه ان هنالك جيل جديد وسياسة علمية جديدة فى السودان . ثانيا لأعادة ثقة المواطن السودانى فى ساسته ووطنه ولكى احض السياسين فى السودان ان يحترموا عقلية المواطن السودانى وليساعدوه لكى يكون فاعلا وان يشارك فى صنع القرار بدلا من ان يفضل الغربة على الرجوع لوطنه . ثالثا حرصت على ان ارد بنفسى على اسئلتكم لكى اعبر لكم عن الفكر الذى احمله بين جنبى ولا اظن ان احدا سيوصله بالنيابة عنى ، ولعلمى بلهفة السودانين المغتربين الذين يحلمون بتغيير افضل لواقع بلدهم المرير ، وما يؤكد ذلك انه وبالرغم من طلبى اكثر من مرة من الذين يختلفون معى فى ايدلوجياتى وسياستى فى المنبر ، بالرغم من اننى قلت لهم ان كانت بوستاتى تضايقكم فيمكنكم ان تمروا فيها ولا تفتحوها فهنالك متصفحون غير مشتركين فى المنبر يريدون قراءة البرنامج الانتخابى كما ان هنالك اسئلة ارد عليها ، اجدهم وللهفتهم بشؤون السودان يعودون ويفتحون البوستات دون ان يشعروا بالرغم من ان هنالك عشرات البوستات التى تعاد وقد وصل عدد القراء فيها 57 الف ولكن لأنها لا تحمل معنى التنافس السياسى لم يعترض عليها احد .
Post: #69 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: داليا حافظ Date: 05-14-2009, 08:02 AM Parent: #68
واااااااااااااااااااااااااي !
Post: #70 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Nader Abu Kadouk Date: 05-14-2009, 08:21 AM Parent: #69
Quote: واااااااااااااااااااااااااي
كمان مهاها
وروروووووووك
Post: #71 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: داليا حافظ Date: 05-14-2009, 08:29 AM Parent: #70
Quote: كمان مهاها
وروروووووووك
يا نادر ده حيخلينا نفول سير سير يا البشير !
تراهو المؤتمر الوطني ده زكي زكاوة .
...........................
عصام إلا بعده تعمل حفل تأبين .
Post: #72 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: osman elrayah Date: 05-14-2009, 04:17 PM Parent: #71
اريد ان اعلمكم ان ما نقوم به فى موقع سودانيز ان لاين وموقع الفيس بوك وموقع ماى اسبيس وموقع تاجيت وموقع تويتر وموقع النيلين ، لا يمثل كل مجهودنا فى صنع الحملة الاعلامية ، فهو مجرد خلق شعبية فى مواقع الانترنت ، وهنالك من يقوم بعرض البرنامج الانتخابى فى الاقاليم ، للمواطنين الذين لا يتعاملون مع الانترنت ، فلقد بلغ عدد المسجلين لدينا حوالى 722 الف مواطن . اما عن الحملات الانتخابية الحقيقية فهى لم تبدأ بعد ، وستقوم بمجرد التقديم للترشح وتقديم الناخبين للتزكية . اما مانقوم به فهو لا مثيل له هنا فى السودان ، فباقى الاحزاب السياسية لا تبذل ربع ما نقوم به من دعاية ، ولا داعى ان نقارن انفسنا مع دول الغرب وامريكا فظروفنا وامكانياتنا تختلف ، كما ان شعبنا يختلف. اما ان كنتم خارج السودان فيجب ان اعلمكم ان التحول الديمقراطى هنا يسير ببطء وما نقوم به يعتبر انجازا ضخما رغم المعوقات التى تضربها الحكومة فهى مسيطرة على الاموال والاعلام ، كما انك لا تسلم من المضايقات التى تنسف كلام الرئيس البشير الذى قال فى حوار صحفى فى صحيفة الصحافة : انه لا توجد مضايقات سياسية ولا توجد بيوت اشباح
Post: #73 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Nader Abu Kadouk Date: 05-14-2009, 04:25 PM Parent: #72
Quote: اريد ان اعلمكم ان ما نقوم به فى موقع سودانيز ان لاين وموقع الفيس بوك وموقع ماى اسبيس وموقع تاجيت وموقع تويتر وموقع النيلين ، لا يمثل كل مجهودنا فى صنع الحملة الاعلامية
ووب علينا كان دي المناظر طيب الفيلم كيف
Post: #74 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: Mushal Allam Date: 05-14-2009, 06:36 PM Parent: #72
Quote: اما مانقوم به فهو لا مثيل له هنا فى السودان ، فباقى الاحزاب السياسية لا تبذل ربع ما نقوم به من دعاية
اسمع يا دكتور:
اما ماتقوم به فهو لا مثيل له من القد ، فباقى الاحزاب السياسية لا تبذل ربع ما تقوم به من بري وتسلط
ارحم نفسك يآآآخي
غايتوا ماسوره واتكسرت الا نشوف الباشمهندس بكري يصلحا
بري بري شديد
اللهم لانسآلك رد القضاء ولكن نسآلك اللطف فيه
Post: #75 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: إسماعيل حسن Date: 05-15-2009, 09:15 AM Parent: #74
يادهب انت براك قمت هبشت الزول وكشكشته اهو جاكم ما تكوركوا ولا حاجة..
الشتايم وتقليل القيمة دى الزول ده بيستحملها كيف ؟ يظهر انه مصفح منها.. وبعدين الرجل شغال بنظرية الجمل ماشي وال ... وما بيعبر اي زول ولا بيعلق شايت فى طرح برنامجه و ما يقوم به وعيييييييييييييك. يااخي والله دى قوة تحمل مدهشة او تكون المسالة كلها على نسق الكاميرا الخفية او ماشابه ولا ايه؟؟
Post: #76 Title: Re: حفلة وداع البورداب للمرشح الرئاسي د. عثمان الريح .. توجد صور و مقاطع فيديو !! Author: osman elrayah Date: 05-15-2009, 04:02 PM Parent: #75
الاخ اسماعيل حسن
اشكرك جدا ، اليوم اجد شهادة بأننى احتملت الكثير . اشكرك مرة اخرى . ==========================================
اما بخصوص اسهاماتى بالعمل العام فمنها مطالباتى للحفاظ على البيئة ومنها استجابة معتمد شرق النيل لكثير من مطالباتى ، كما ان لدى مساهمات حول ابراج الاتصالات فلقد قدمت اوراق من اكبر معهد للأورام فى بريطانيا يؤكد العلاقة المباشرة مابين سرطان الدم والمخ والغدد الليمفاوية وبين اجهزة الاستقبال التى تنصبها شركات الاتصالات فى الاحياء السكنية ولقد قام الصحفى المحترم حيدر المكاشفى بالكتابة لى اكثر من مرة ، واعادت صحيفة اجراس الحرية ذلك المقال ، ولقد اتصلت بى صحيفة اجراس الحرية وطلبت من الاتصال بمسؤول بالمجالس التشريعية لأعطيها مالدى من افادات ، لأن المجلس التشريعى قرر اعطاء مهلة لهذه الشركات لأزالة هذه الابراج من الاحياء السكنية ، كما لدى اسهامات فى مجال التنمية الصحية والاشارة الى مشاكل تدهور الخدمات الصحية والتعليمية فى السودان .
