أهلني يا عمو الحكم..قصيدة بقلم متقاعد

أهلني يا عمو الحكم..
خليني أمشي مع الكبار..
الدورة دي.. داخلين ملح..
حياتو قال نلعب كدا..
لا تصفيات داقينا فيها حجر دغش..
لا أهلي لا قطناً كعب متأهلين..
بلنتي يا عمو الحكم..
حاضر شباب.. بس أدخلو الخط مثلوا..
حاضرين خلاص..
ودخلنا جوة الخط بعد مليون سنة..
مرات تسلل ومرة ما بعرف شنو..
يلا المهم..صفر خلاص..
جات البلنتي بعد نهاية الأزمنة..
كان رسمي كان زمناً إضافي ومحتسب ..
يهمس حكمنا... خلاص شباب ..ما يهمكم..
شوتوها خلوا الناس تهيص وتنبسط..
قام الولد شات الكفر..بس ما ظبط..
قباض خلاص حارس السجم..شعرك قبيح..
طششت بعيون الولد..
طار البلنتي خلاص نهايتنا ابتدت..
كدي يا حكم ما تباصرا..شوف لينا صرفة ندخلها..
قال الحكم ..ما مشكلة..الضربة دي لازم تعاد..
لكن أقول ليكم كلام؟ شوف يا ولد...
والله آخر مرة ليك..
يا ولدي ما احرجتني..
ياخ شوف طريقة تدخلها..
الحمد لله يا شباب ..
مبروك خلاص..اتأهلوا..
لكن أقول ليكم كلام؟؟
من هسي دي..
مبروك على المجموعة نقاطة الهلال..

__________
قلم متقاعد..

مامتمنى حاجه غير إنو الهلال يقع مع المريخ في مجموعه واحده
حتكون نقاط الهلال دي في الجيب

Quote: مامتمنى حاجه غير إنو الهلال يقع مع المريخ في مجموعه واحده حتكون نقاط الهلال دي في الجيب

والله مافي ضمان يا محمد فرح...

الحال من بعضه...وكدا


قلم متقاعد خالص

طبعا قصيدة حداسية روعة تؤهلك لبلوغ مراحل متقدمة من قائمة منتجي الشعر الاونطة .

لكن أقول ليكم كلام؟؟
من هسي دي..
مبروك على المجموعة نقاطة الهلال.

ياخي دي بالغت فيها دي عبقرية شاعرية وخيال فنان

دمت بخير يا راعي البرادو

أساسينا يااااخ

Quote: طبعا قصيدة حداسية روعة تؤهلك لبلوغ مراحل متقدمة من قائمة منتجي الشعر الاونطة .

مش كدا بالله؟؟

الغريبة في ناس قالوا دي ما (حداسة) وما (أوانطة)..

لكن للضمان كدا.. أنا مساك في (التقاعد)...

أحسن لي

شكراً يا جميل.....