Post: #1
Title: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: jini
Date: 05-03-2009, 11:27 PM
Parent: #0
لاحد اصدفائى الاعزاء تجربتين مر بهما و كثيرا ما يدلل بهما على الفرق بين أريحية الجمهوريين وعسف الكيزان!
الواقعتين الأولى لزميل له فى الحى فى الثورة وقد كان طالبا نجيبا فى كلية الهندسة بجامعة الخرطوم والتى تركها بسب اختلال عقله
حكى لى صديقى ان زميله وهو جاره فى الحى حضر اليه فى المنزل عصر احد الايام وذكر له انه توصل علميا ان الله سبحانه وتعالى شرارة كهربائية وانه ذاهب لاقناع الاستاذ محمود بان الله كهرباء ! وقال لى صديقى انه لم يحمل كلامه محمل الجد!
ولكن لدهشتى حضر الى منزلى بصحبة شخصين وحيونى بادب وقالوا لى ان صديقك هذا زارنا بالامس وتسامرنا واتعشينا سويا ونسبة لتاخر الوقت ابقيناه للمبيت معنا ثم تركاه معى وعقب مغادرتهما قال لى" والله اقنعت ليك الاستاذ محمود وجماعتو لمن آمنو"!
الواقعة التانية لزميل له فى الغرفة وايضا زميل له فى كلية الاداب بجامعة الخرطوم حضر الى الغرفة مساء ذات يوم مخمورا يترنح و فى غمرة انشغال صديقى خرج صاحبنا ليقف بين الداخليات رافعا صوته مؤذنا الله أكبر الله اكبر حى على الصلاة حى على الفلاح الصلاة خير من النوم!
وقبل ان يكمل صاحبنا الاذان انهال عليه الكيزان ضربا مجاهدين فيه جهاد مودع وتركوه يعانى من كسور فى اضلعه ورجله وكدمات فى وجه لدرجة انه امضى عاما كاملا يتعالج متغيبا لعام اكاديمى كامل ! كان يمكن لهؤلاء الاشاوس ارجاعه الى غرفته و الانتظار لليوم التانى واخباره بانه بالرغم من انه كان مخمورا ولكن عقله الباطن ابى الا ان يعلن عن بذرة الخير فيه وهو يرفع نداء الآذان برغم غياب وعيه بسبب الخمر!
ولكن هيهات فكما يقول الجمهوريين بين الكثافة واللطافة فرع نوع وفرق مقدار!
طافت بذهنى هذه الخاطرة وانا ارى احد زملاءنا البورداب لم تشفع له كتاباته الموغلة فى الغرابة والاضطراب ولم تسعفه فى النجاة من الهمز واللمز والغمز والعنف القانوتى وغير القانونى فى بعض الأحيان!!
جنى
|
Post: #2
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: jini
Date: 05-04-2009, 05:05 PM
Parent: #1
والله موش لو عملتوا حفل وداع لو احتفلتوا بالكريسماس برضو كيزان!
جنى
|
Post: #3
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: ود الباوقة
Date: 05-04-2009, 05:11 PM
Parent: #2
والله موش لو عملتوا حفل وداع لو احتفلتوا بالكريسماس برضو كيزان!
جنى
جني الزول وحاتك ..ودعناه البارح بالليل ودغش الرحمن صبح في المنبر ..
|
Post: #4
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: ود الباوقة
Date: 05-04-2009, 05:12 PM
Parent: #3
ما قلت ليك الدكتور الشيء البكنكش فيها تاني ما بفكها ...
|
Post: #5
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: حمور زيادة
Date: 05-04-2009, 05:21 PM
Parent: #4
يا جني صعب شديد الزول يعف عند المغنم زي حال عمنا عنتره ..
و بصراحة الزميل كان غنيمة بااااردة و جا في وكت البورد فيو صاني و عدمان الموضوع ..
اها اي زول شال منو حتة
لكن زي ما قال ليك ود الباوقة ..
الزول حام و جا راجع ..
تعرف ..
من طريقة تعاملو مع الموضوع اظن انو تعامل الناس ( الانت شايفو كيزاني كعب ده ) اظنو كان احسن ليو و ريحو
هسه هو مقتنع اكتر انو هو صاح و انو الناس دي هاجت فيهو عشان هو " اقنعم لأمن آمنوا " فاضطروا يهاجموهو ..
ما شفت الزول قال الهجوم عليو اثبات لاعجاز القران لانو تصديق لقصة ادم و ابليس ؟
فالتعامل شكلو كيزاني لكن جاب نتيجة جمهورية.
و الزميل مبسوط و متكيف.
صدقني انا قايل الحصل ده مرضي بالنسبة ليهو اكتر من انو الناس كان تتطنشو
|
Post: #6
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: بشير أحمد
Date: 05-04-2009, 05:26 PM
Parent: #2
| Quote: والله موش لو عملتوا حفل وداع لو احتفلتوا بالكريسماس برضو كيزان! |
والله ياحيدر ياخوي الكوزنة ما ناكرنها ؛بس الزول ده يحل عن سمانا.
|
Post: #7
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: ود الباوقة
Date: 05-04-2009, 05:29 PM
Parent: #6
جني ..
البارح اخر زول ودعت الدكتور دا انا وقلت ليه شد حيلك وابقى عشرة . ورفعت ليهو الشنطة السومسنايت
في الكومر ودعتوا الله ..
|
Post: #8
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: jini
Date: 05-08-2009, 09:25 PM
Parent: #7
| Quote: ما شفت الزول قال الهجوم عليو اثبات لاعجاز القران لانو تصديق لقصة ادم و ابليس ؟ |
غايتو احسن من القالوا القرود حاربت معاهم!
ولا ما كدة يا ود حمور!
جنى
|
Post: #9
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: Elawad
Date: 05-08-2009, 09:50 PM
Parent: #8
| Quote: طافت بذهنى هذه الخاطرة وانا ارى احد زملاءنا البورداب لم تشفع له كتاباته الموغلة فى الغرابة والاضطراب ولم تسعفه فى النجاة من الهمز واللمز والغمز والعنف القانوتى وغير القانونى فى بعض الأحيان!! |
والله يا جني كلامك دا خلى ضميري يؤنبني على مداخلة لي و من دربي دا حأمشي أمسحا... أبدا ما خطر ببالي الموضوع من الناحية دي.
|
Post: #10
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: عاطف عمر
Date: 05-08-2009, 10:28 PM
Parent: #1
سلام يا جني
ياخ تعرف مرات كدا زنقة الوكت دي تكون حاجة مفيدة خلاص
دخلت المنبر كم مرة ولقيت ( العناوين الرئاسية ) تتطاقش
أقول أخلص الحاجات التانية وأجيهم بالرواقة
أقوم ألقى الـ ( ليت بيرمشن ) بتاعي خلص
وهكذا دواليك
أخيراً أقنعت نفسي بأنو ( رئيسنا ) القادم دا حتى لو فاز ، العساكر ما حيخلوهو يتهنى بالمنصب
وتذكرت أن من مآخذ ( ثوار الإنقاذ ) على السيد الصادق المهدي كلامه الكثير وأنه ( أضاع البلاد ووقت العباد بكثرة الكلام )
كتر خيرك يا حبيب
وقعت لى الشغلانية
|
Post: #11
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: محمد البشرى الخضر
Date: 05-08-2009, 10:31 PM
Parent: #10
يا عمك العوض و يا عمك عاطف
الوقع ليكم شنو بالضبط وقعوه لينا معاكم؟
المعلم جنريتر ولاّ ماسورة عادية
|
Post: #12
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: عاطف عمر
Date: 05-08-2009, 10:37 PM
Parent: #11
وبعدين معاك يا ود البشرى
البيت ما طهرناهو والولد ما شطبناهو
عاوز تدخلنا في مشاكل رئاسية ؟؟
حقاً
من أنت يا ود البشرى ؟؟
|
Post: #13
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: محمد البشرى الخضر
Date: 05-08-2009, 10:43 PM
Parent: #12
| Quote: من أنت يا ود البشرى ؟؟ |
ناخب مستهزئ و مويتهم ما مقطوعة
لا بالجد وقّع الشغلانية الوقعت ليك لأخوك
مسنجر لو مضايق
|
Post: #14
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: عاطف عمر
Date: 05-08-2009, 11:06 PM
Parent: #13
Quote: الأولى لزميل له فى الحى فى الثورة وقد كان طالبا نجيبا فى كلية الهندسة بجامعة الخرطوم والتى تركها بسب اختلال عقله
حكى لى صديقى ان زميله وهو جاره فى الحى حضر اليه فى المنزل عصر احد الايام وذكر له انه توصل علميا ان الله سبحانه وتعالى شرارة كهربائية وانه ذاهب لاقناع الاستاذ محمود بان الله كهرباء ! وقال لى صديقى انه لم يحمل كلامه محمل الجد!
ولكن لدهشتى حضر الى منزلى بصحبة شخصين وحيونى بادب وقالوا لى ان صديقك هذا زارنا بالامس وتسامرنا واتعشينا سويا ونسبة لتاخر الوقت ابقيناه للمبيت معنا ثم تركاه معى وعقب مغادرتهما قال لى" والله اقنعت ليك الاستاذ محمود وجماعتو لمن آمنو"! |
Quote: طافت بذهنى هذه الخاطرة وانا ارى احد زملاءنا البورداب لم تشفع له كتاباته الموغلة فى الغرابة والاضطراب ولم تسعفه فى النجاة من الهمز واللمز والغمز والعنف القانوتى وغير القانونى فى بعض الأحيان!!
|
|
Post: #15
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: Elawad
Date: 05-08-2009, 11:35 PM
والله يا ود البشرى أنا ما وقعت لي أي حاجة على سبيل التأكيد لكن مجرد الاحتمال الفي بالك دا خلاني ألاوز. تجارب في حياتي خلتني أعرف انو الحاجات دي بتحصل و ما عندي غير أقول ليك الله ما وراك في حبيب.
|
Post: #16
Title: Re: يا كافى البلاء البورد دا كله كيزان جمهورى واحد ما فيهو!!!!!!!!!!!!
Author: حمور زيادة
Date: 05-09-2009, 08:48 AM
Parent: #15
Quote: غايتو احسن من القالوا القرود حاربت معاهم!
ولا ما كدة يا ود حمور! |
و نحن يا جني مصيبتنا شنو أي حاكم لينا يحكمنا بالمعجزات ؟
ياخ أصلو نحن بني اسرائيل ؟
و الله حالتنا تحنن عديل.
غايتو انا عن نفسي - و حسب منهج السيد المرشح - بعتبر وجودو في المنبر دليل على اعجاز القران في قصة صبر ايوب.
يعني النحن مستحملنو منو ده ما فارق كتير من صبر ايوب عليه السلام.
|
|