الهـــــــلال سيكون علي راس احدي مجموعات دوري الثمانيه

اولا الف مبروك لهلال الملايين بالتأهل المستحق ولولا سوء الطالع لانتهت المباره بفوز الهلال باربعه اهداف دون مقابل علي اقل تقدير
ومبروك للسودان وهو يرسم اسمه باحرف من ذهب في دوري المجموعات

يتبع

الف مبروووووووووووووووووووووووووووووووووك

الله يبارك فيك يابو السيوف

قبل الدخول في تحليل المباره اتوقع ان يتم تصنبف الهلال مع النجم الساحلي التونسي علي المستوي الاول قياسا علي نتاجهم في البطولات الافريقيه في الخمس سنوات وهو القياس الذي يرتكز عليه تصنيف الفرق في هذه المرحله و ساقوم بجلب الفقره التي تتحدث عن ذلك من لوائح الكاف
طبعا من الواضح ان الذي سيساعد علي هذا الموقع للهلال هو خروج الاهلي القاهري و اسيك ابيدجان من المنافسه وهما الفريقان الوحيدان من الفرق المتنافسه اللذان كانا سيحتلان تصنيفا اعلي من الهلال ان كانا تاهلا

كما توقع ان يتم تصنيف المريخ في المرتبه الثانيه قياسا علي نتائجه في الكونفدراليه في العاميين السابقيين
عليه فمن المحتمل ان يقع الهلال والمريخ في مجموعه واحده

قدم الهلال اجمل مباره له علي المستوي الافريقي في هذا العام واكبر ايجابيات هذه المباره ان الهلال اعاد اكتشاف خط دفاعه المكون من احمد الفاضل-اسامه التعاون-باري ديمبا- سيف مساوي
فقد كان خط دفاع الهلال متماسكاطيله زمن المباره ولم يشكل هجوم اول اغسطس خطوره تذكر علي مرمي الهلال طيله التسعين دقيقه
ومع ذلك فقد كانت هناك بعض السلبيات البسيطه في التغطيه في بعض الاحيان وفي البطء في احيان اخري ولكن هذه الاخطاء يمكن معالجتها بسهوله من خلال ان لعب هذه المجموعه مباريات اكثر ليحدث الانسجام بينهم فهذه هي المباره الثانيه فقط لهذه المجموعه بعد مباره حي العرب الدوريه

مجموعة الهلال

1- الهلال السودان

2-كانو نيجيريا

3- موتوموتايا موزمبيث
4- المريخ السودان

يا جمال ياخي ما تظلم اخوانا الوصيفاب ديل
اي نعم هم برالمه في قصه دوري التمانيه في بطوله الكبار
لكن نتائجهم فب الكونفدراليه بتخليهم يصنفوا في المرتبه التانيه

مبرووووووووووووووووووووووووووووووووووووووووك

انه الهلال وكفى

من غيرنا يعطى لهذا الشعب معنى ان يعيش وينتصر

دعونا نفرح ونبتهج بهذا التأهل وبعدين نشوف المطلوب شنو

حتما سنعود

Quote: الهـــــــلال سيكون علي راس احدي مجموعات دوري الثمانيه

بواسطة......!!!!
بااااااااااااااااااااااااااااع
وكاااااااااااااااااااااااااااكـ

Quote: بواسطة......!!!! بااااااااااااااااااااااااااااع

يا هارون والله الا كان الاتحاد الافريقي يكون اشتري لينا الكوره دي
يا خي كدي بالله اتخيل انو الهلال كان طار اللليله شوف الفرق الفضلت:
المريخ السوداني: فريق غير معروف في البطوله الكبري
فريقين من نيجريا واحد اسمو كانو والتاني ما عارف اسمو شنو والاتنين مجهولين
فريق من موريشص ولا جزر القمر ما عارف
وقس علي ذلك بقيه الفرق ما عدا النجم الساحلي
تعرف الهلال لو طار اكان عبسي حياتو لغي بطول الابطال هذا العام لعدم اهليتها

يابوب.....

ياخ الف مبرووووك ...

والله كيفنى فوز الهلال وكون المريخ والهلال الاتنين فى دورى المجموعات

فدا انتصار للسودان وللكرة السودانية ودا الاهم انا عندى..

Quote: والله كيفنى فوز الهلال وكون المريخ والهلال الاتنين فى دورى المجموعات

سيادتها بالله برضو الرياضه من اهتمامتها
اظن لم يخب حدثنا تماما عندما رشحنا سيادتهالرئاسه الجمهوريه
معا من اجل فوز اميره الشيخ لئاسه الجمهوريه
والله يبارك فيك يا سيادتو

سلامات يا بكور ومشتاقيين ياخي

Quote: دعونا نفرح ونبتهج بهذا التأهل وبعدين نشوف المطلوب شنو

ياخينا افرح وابتهج ذي ما انت عايز انت هلالابي سيد بلد تقعد تقوم علي كيفك



________________________________________
انا جاي السودان الشهر الجاي لو ربنا سهل

آى أسياد بلد نقعد نقوم على كيفنا

لكن المطلوب كتير وخصوصا انو الهلال حيكون على رأس احدى المجموعات







ـــــــــــــــــــــــــــــــــــــــــــ
مرحب بيك بالسودان .... انا الان بالهند وحتى مارس القادم

Quote: انه الهلال وكفى من غيرنا يعطى لهذا الشعب معنى ان يعيش وينتصر

الحكام!

بوب
كيف الحال
مبروك التأهل .. وإن كان معيوباً
هل هنالك إحتمال قيام مباريتى النهائى الذهاب والإياب بأمدرمان؟

على حسب البروتكولات التى تليق بصاحب المقام الرفيع
كان سيد البلد اخر الواصلين الى دورى المجموعات واول مجموعته
بينما الوصيف البرلوم كان اول الواصلين واخر مجموعته

اول حاجه مبروك لشعب جمهورية الهلال هذا الصعود و عقبال الكأس

Quote: اتوقع ان يتم تصنبف الهلال مع النجم الساحلي التونسي

وده الشئ المؤكد على حسب متابعاتنا لموقع الاتحاد الافريقى
وكان فى برنامج فى دريم علا مااعتقد ( او المحور ) بشير
لان الاهلى و النجم تصنيف اول
اسيك و القطن و الهلال تصنيف تانى
تصنيف تالت
والان بعد ان طار الاهلى و القطن واسيك
حيكون النجم و الهلال تصنيف اول
وده انجاز يحسب للهلال و السودان ,
خصوصا لو صعد الهلال لدور الاربعه
وظل موجود فى هذه البطوله فى السنوات القادمه
حيكون له وجود آخر و تصنيف اول حتى لو كان موجود حينها الاهلى و القطن و اسيك


التوقيع
هلالابى و الحمد لله

مبروك يا اهله


المبارا معاده الان ..نحضر بي اعصاب بارده


النيل الازرق

Quote: المبارا معاده الان ..نحضر بي اعصاب بارده

معاويه يا حسين الف مبروك التاهل
لم استطع مشاهده الاعاده ولكني قمت بتسجيل ما بثه تلفزيون السودان اظن ان البث بدأ من الدقيقه 30 في الشوط الاول وساقوم بمشاهدته مره اخري باعصاب بارد لمواصله تحليل الايجابيات والسلبيات من وجهه نظري

Quote: وده الشئ المؤكد على حسب متابعاتنا لموقع الاتحاد الافريقى وكان فى برنامج فى دريم علا مااعتقد ( او المحور ) بشير لان الاهلى و النجم تصنيف اول اسيك و القطن و الهلال تصنيف تانى تصنيف تالت والان بعد ان طار الاهلى و القطن واسيك حيكون النجم و الهلال تصنيف اول وده انجاز يحسب للهلال و السودان ,

شكرا يا طارق علي المعلومات القيمه
بوصول الهلال والمريخ لدوري المجموعات فقد ضمن السودان التمثيل بفريقين في هذه البطوله العام القادم ايضا مما يفتح الباب لفريق ثالث لتمثيل السودان في الكونفدراليه وهو ما يزيد الدوري الممتاز قوه لان كل الفرق الاخري الان ستقاتل للحصول علي المركز الثالث في حين ان الاعوام السابقه كان هذا المركز لا يعني شئ ولا فرق بينه وبين المركز العاشر

يا بوب
دون شك الهلال والنجم الساحلى فى المستوى الأول لكن البرلوم دا ربك يعلم لكن الثانى دى مجهجه

سلامات يا رغيم
نعم كان الاتحاد الافريقي مراعيا للبرتكول بوصول سيد البلد وفارس افريقيا كا خر المتاهليين لدوري المنجموعات وبعدها اوصد الباب وطلب من جميع الفرق المتاهله الوقوف احتراما وتبجيلا

Quote: مبروك التأهل .. وإن كان معيوباً

سلامات يا نادر
وريني العيب وين في تاهل الهلال
الهلال تاهل عن جداره واستحقاق
ضربة الجزاء صحيحه ميه في الميه
وشوف براك:


دي حركه كاريكا الاولي وواضح عرقله المدافع لقدمه



ودي حركه مدثر التانيه ولاحظ استمرار العرقله مع الشد
يعني دي ضربة جزاء مركبه و ليست ضربة جزاء واحد

وكذلك اعادة الضربه فهو صحيح علي حسب نص القانون واليك الدليل


لاحظ مهند لم يسدد الكره بعد وهناك لاعبيين من الفريق المنافس في اقصي يمين الصوره داخل ال18

الحكم صرف ضربة جزاء اخري في الشوط الثاني في المخالفه التي ارتكبت مع امبيلي

بوب
شكرا لدحض اكاذيب الحاقدين المرجفين
كما ارجو فتح بوست منفصل بهذة الصور فأنا متصل بواسطة الجوال ولا اتمكن من وضع الصور
لك الود

حبيب الكل
مبروك التاهل وعقبال الظفر بالكاس الغاليه
اي زول عايز يستعمل الصور دي ويفتح بيها بوستات فهو له كامل الاذن بذلك
الغريبه اخوانا المريخاب ديل قبل سنتين لمن الحكم اعاد ليهم ضربه جزاء في مباره الاسماعيلي دافعو عن الحدث دفاع المستميت

بوب
سلام
إجتهاد غير موفق منك بهذه الصور الثابته لمغالطة الحقيقة
اللقطة التلفزيونية المتحركة بسرعتها العادية والبطيئه
واضح منها أولاً أن المدافع الأنجولى وصلت رجله للكرة وقطعها
وما بدى بعد ذلك من تلاحم كاريكا به هو لاحق وكاريكا هو الإرتمى بجسمه فيه
من إيرادك للصور فلديك تسجيل الفديو، فالرجاء إنزال فيديو الحالة كاملة
والتى أعادها التلفزيون بالبطئ ودع الناس تحكم

أما الصورة الأخيرة التى جئت بها لإثبات أن الإعادة صحيحة، أين مهند الطاهر
لتقول لاحظ ان مهند لم يسدد الكرة بعد !!
وهل الصورة عن التنفيذ الأول ام الثانى لضربة الجزاء ..!!

لو كنت واثقاً مما تقول آتى باللقطة التلفزيونية دون بتر بما فيها التسيدتين

أما عن ضربة الجزاء الثانية أنا لم أشاهدها أرجو أيضاً عرضها
وإن صحت فإحتسابه للضربة الأولى الظالمة والإعادة الظالمة لها منعته من إحتسابها

ولا تقل هذه بتلك، فالهدف الأول أثر على سير المباراة

يابوب والله لو سمعت كلامي ماااا تتعب نفسك مع المزملاب ديل ..ياخ دا بيقول ليك وين مهند في الصوره !!! ترد عليهو تقول ليهو شنو تاني !!

نحلل في سلبيات وايجابيات المباراه احسن لينا

ودي ضربه الجزاء اوضح من الشمس


http://www.justin.tv/clip/76a9ef09465ad602

من زاويه تانيه





مافي زول يجي يقول مهند وين !

Quote: يابوب والله لو سمعت كلامي ماااا تتعب نفسك مع المزملاب ديل ..ياخ دا بيقول ليك وين مهند في الصوره !!! ترد عليهو تقول ليهو شنو تاني

معاوية
خليك من الكلام الفارغ وأبقى فى صورك وفيديوهاتك
الصور التى أنزلها بوب كبيرة فلم يظهر لى الجزء الأيسر من الصورة
ولقد أدركت انت ذلك بإنزال صورة بحجم أصغر

القيديو يوضح أن ضربة الجزاء غير صحيحة
ويوضح أن قرار إعادة الضربة صحيح .. الإعادة للقطة أثناء المبارة لم تظهر جزئية دخول اللاعبين أقصى اليمين

عموما مبروك التأهل بالإعادة الصحيحة لتنفيذ ركلةالجزاء الغير صحيحة

عمر تحياتى
هذه إضافة لوجهة نظرى عن ضربة الجزاء بعد الإطلاع على (الشريط) والصور كاملة:

* عن إحتساب الركلة فلم يكن هنالك ما يحجب الحكم من مشاهدة الحالة، لم تكن هنالك زحمة لاعبين، ولذلك وقوعه فى خطأ إحتسابها يشكك فى ذمته. المدافع وصلت قدمه للكرة وأبعدها أعقب ذلك تلاحم جسمى اللاعبين والكورة بعيدة وفى إتجاه معاكس للمرمى خلف المهاجم وبعيده عنه، وبذلك لم يتضرر المهاجم اللهم إلا إذا أعتبره إعتراض منع المهاجم (بدون كرة) الوصول للحارس البارع والتعبير له عن مدى إعجابه به!. والتلاحم ذاته تسبب فيه المهاجم. هى حالة إما يواصل الحكم اللعب أو يحسبها ضد المهاجم .. إحتسابها ضربة جزاء قرار غير صحيح وظالم.

* الحالة فى الشوط الثانى (إن صحت) ولم تحسب ضربة جزاء، لا يمكن إعتبارها هذه بتلك! فالهدف الأول غير مجريات المباراة معنوياً للاعبين وخططياللفريقين. فقد لا تحدث الحالة وكذلك الهدف الثانى (هجمة مرتدة للهلال) على فريق غير خطته وحساباته بسبب الهدف الأول الظالم.

*اما عن إعادة تنفيذ الركلة الأولى، فماذا عن التسديدة الثانية .. الم يتداخل أحد؟
الصور أدناه لركلة الجزاء المعادة .. لم يلتزم الحكم ومساعده بتطبيق القانون لصالح الأنجولين بإعادة الركلة عندما دخل أحد لاعبى الهلال داخل الصندوق قبل تسديد الركلة.



__________________________-

أخبار مصطفى بوب بالله (آخر حديث لى معه كان على وشك الإنتقال من معقل الهنود الحمر (للمدينة)
تحياتى له ولك وللأسرة

عمر تحياتى
هذه إضافة لوجهة نظرى عن ضربة الجزاء بعد الإطلاع على (الشريط) والصور كاملة:

* عن إحتساب الركلة فلم يكن هنالك ما يحجب الحكم من مشاهدة الحالة، لم تكن هنالك زحمة لاعبين، ولذلك وقوعه فى خطأ إحتسابها يشكك فى ذمته. المدافع وصلت قدمه للكرة وأبعدها أعقب ذلك تلاحم جسمى اللاعبين والكورة بعيدة وفى إتجاه معاكس للمرمى خلف المهاجم وبعيده عنه، وبذلك لم يتضرر المهاجم اللهم إلا إذا أعتبره إعتراض منع المهاجم (بدون كرة) الوصول للحارس البارع والتعبير له عن مدى إعجابه به!. والتلاحم ذاته تسبب فيه المهاجم. هى حالة إما يواصل الحكم اللعب أو يحسبها ضد المهاجم .. إحتسابها ضربة جزاء قرار غير صحيح وظالم.

* الحالة فى الشوط الثانى (إن صحت) ولم تحسب ضربة جزاء، لا يمكن إعتبارها هذه بتلك! فالهدف الأول غير مجريات المباراة معنوياً للاعبين وخططياللفريقين. فقد لا تحدث الحالة وكذلك الهدف الثانى (هجمة مرتدة للهلال) على فريق غير خطته وحساباته بسبب الهدف الأول الظالم.

*اما عن إعادة تنفيذ الركلة الأولى، فماذا عن التسديدة الثانية .. الم يتداخل أحد؟
الصور أدناه لركلة الجزاء المعادة .. لم يلتزم الحكم ومساعده بتطبيق القانون لصالح الأنجولين بإعادة الركلة عندما دخل أحد لاعبى الهلال داخل الصندوق قبل تسديد الركلة.



__________________________-

أخبار مصطفى بوب بالله (آخر حديث لى معه كان على وشك الإنتقال من معقل الهنود الحمر (للمدينة)
تحياتى له ولك وللأسرة

سلام تاني يا نادر:
طبعا مساله ضربه الجزاء مساله تقديريه وانا في تقديري الضربه صحيحه لان المهاجم حينما ابعد الكره المره الاولي اخذ قدم مدثر معه و عندما ابعدت الكره خلفهما معا كان يمكن لمدثر ان يلحلق الكره
المدافع اعترض مدثر من الدوران واللحاق بالكره مره اخري بالاضافه الي شده من الرقبه وعرقله قدمه للمره الثانيه كما توضح الصوره الثابته
ضربة الجزاء الثانيه اوضح من الشمس والحكم كان علي بعد امتار من الحدث ولم يحتسيها وانا لم اقل هذه بتلك انا اقول لو ان الحكم كان يحابي الهلال كما تقول لاحتسب الضربه الثانيه ايضا
كويس جدا انك اقتنعت بصحه اعاده ضربه الجزاء للمره الاولي اما بالنسبه للضربه الثانيه فالصوره دليل عليك يا نادر لان ما اراه انا في الصوره ان لاعب الهلال واقف تماما علي خط المرمي و ليس داخل الخط وحتي لو كان داخل الخط فهو في ظهر الحكم وبعيد جدا من رجل الرايه
مشكلتك يا نادر انك اتفرجت المباره بنظارات حمراء سميكه
اخلعهم يا نادر وستري الدنيا اجمل وابهي واروع
تحياتي

______________________
مصطفي سيذهب للسودان هذا الاسبوع في زياره لده اسبوع ويعود ليحزم حقائبه للمدينه

سلام تاني يا نادر:
طبعا مساله ضربه الجزاء مساله تقديريه وانا في تقديري الضربه صحيحه لان المهاجم حينما ابعد الكره المره الاولي اخذ قدم مدثر معه و عندما ابعدت الكره خلفهما معا كان يمكن لمدثر ان يلحلق الكره
المدافع اعترض مدثر من الدوران واللحاق بالكره مره اخري بالاضافه الي شده من الرقبه وعرقله قدمه للمره الثانيه كما توضح الصوره الثابته
ضربة الجزاء الثانيه اوضح من الشمس والحكم كان علي بعد امتار من الحدث ولم يحتسيها وانا لم اقل هذه بتلك انا اقول لو ان الحكم كان يحابي الهلال كما تقول لاحتسب الضربه الثانيه ايضا
كويس جدا انك اقتنعت بصحه اعاده ضربه الجزاء للمره الاولي اما بالنسبه للضربه الثانيه فالصوره دليل عليك يا نادر لان ما اراه انا في الصوره ان لاعب الهلال واقف تماما علي خط المرمي و ليس داخل الخط وحتي لو كان داخل الخط فهو في ظهر الحكم وبعيد جدا من رجل الرايه
مشكلتك يا نادر انك اتفرجت المباره بنظارات حمراء سميكه
اخلعهم يا نادر وستري الدنيا اجمل وابهي واروع
تحياتي

______________________
مصطفي سيذهب للسودان هذا الاسبوع في زياره لده اسبوع ويعود ليحزم حقائبه للمدينه

Quote: كويس جدا انك اقتنعت بصحه اعاده ضربه الجزاء للمره الاولي اما بالنسبه للضربه الثانيه فالصوره دليل عليك يا نادر لان ما اراه انا في الصوره ان لاعب الهلال واقف تماما علي خط المرمي و ليس داخل الخط

عمر بوب
سلام
عاين فى اللقطة كويس هنالك لاعبين من الهلال واحد واقف على الخط والثانى أمامه داخل الصندوق {راجع الفيديو)

الحكم كان واقف غلط وخاصة إذا كان حريص على تطبيق حرفية القانون، رجل الخط الحالة واضحه له (راجع الفيديو)


سنختلف فى تقدير حالة ضرية الجزاء، وكل ما وصفته عن تفاصيل تشابك اللاعبين قد حسبته والحالة فى رأى ليست صحيحة. والحكم فى احسن أحواله إندفع بقرار مشكوك فيه ربما وقوفاً مع أصحاب الأرض، وعندما نجح الحارس فى صد التسديدة الأولى، كان ذلك مخرجاً له، ولكنه لجأ لتطبيق حرفية القانون فى حالة دخول لاعبين مدافعين لم يأثروا على الضربة. ونشاهد كثيراً تغاضى الحكام عن حالات مشابهة وإلا أضطروا لإعادة الضربة مرات عديدة. وما دام إلتزم بالحرفية فدخول أحد لاعبى الهلال فى المرة الثانية يحسب عليه وعلى مساعده.

لم أنظر للمباراة أو الحالة بمنظار أحمر، ولم يسعدنى مستوى المريخ مع كمبالا سيتى، ولا أرى أنه بمستواه هذا سيفعل شيئاً. المريخ والهلال لعباأمام فريقين محدودى الإمكانات الفنية، ولاعبينهم صغار الحجم. فلم يتعرضا للعب الإفريقى القوى العنيف أو للعب المنظم والقدرات الفردية. ورغم ذلك جاء التأهل هزيلاً للفريقين،زاده هزالاً ضربة الجزاء الظالمة.

مع تقديرى

الهلال في المستوي الاول شيئ طبيعي

وبذلك لم يتضرر المهاجم اللهم إلا إذا أعتبره إعتراض منع المهاجم (بدون كرة) الوصول للحارس البارع والتعبير له عن مدى إعجابه به!. والتلاحم ذاته تسبب فيه المهاجم.

غايتوا جنس غايتو

حلوة واللة المزيلاب دي اوي اوي

شكرا يا بدر الدين علي المرور


___________________
كامل تضامني مع محمد عبد الماجد الصائم مرشح رئاسه الجمهوريه

مبروك لهلال السودان التاهل و من قبل مبروك لمريخ الصفوة التأهل ايضاً
و مبروك للسودان الوطن الحبيب وجود فريقين يمثلانه فى كبرى البطولات الافريقية
بغض النظر عن الكيفية التى تاهل بها الهلال و عن اللغط الدائر حول ذلك دعونا نفرح بهذه المرحلة فالانجاز كبير للسودان
اعتقد اننا يجب ان نتخلى عن المثالية القاتلة فى التعامل مع مثل هذه البطولات و التى كم حرمت فرقنا من التتويج
برغم من مريخيتى الصارخة الا اننى لا ارى ما يعيب فى تأهل الهلال امس و هو تأهل نحتاج له جميعاً
الاخوة الذين سارعوا لتصنيف الهلال فى المستوى الاول و المريخ فى المستوى الثانى و بعضهم الذى اسرف فى التصنيف اعتقد ان كل ذلك لايعنى شيئاً فى كرة القدم الحديثة و يكفينا دليلاً خروج من تم تصنيفهم على المستوى الاول دون ان يبلغوا دور المجموعات ( الاهلى ، اسيك) و كرة القدم اصبحت عطاء مسكوب داخل المستطيل الاخضر...

دورى المجموعات يحتاج الى اعداد من نوع خاص و يحتاج كذلك الى تضافر كل المجهودات و الى التفاف جميع محبى و اقطاب الناديين حولهما و قبل ذلك وقوف الدولة ( عدا اتحاد الكرة طبعاً) مع هذين العملاقين القادمين بقوة نحو نهائيات هذه البطولةباذن الله

دعونا نتمنى ان يكون النهائى ام درمانياً صرفاً و سوداني الهوى

شكرا يا كوستا علي الكلام العاقل الرزين
والامنيات للهلال والمريخ ان يسير قدما في هذه المنافسه
وان يكون التهائي سودانيا صرفا
ان حدث ذلك فستكون سمعه طيبه للكره السودانيه
وعندها لكل حادث حديث

حكم امبارح سواها واضحة
بيقولوا الكاش بيقلل النقاش
اما بخصوص من سيكون على رأس المجموعة
كل الفرق السبعة وصلت بمستوى عال
إلا الهلال وصل بالتحكيم
وممكن يقسموا الفرق على المجموعتين بكل سهولة وما شرط مين في الرأس ومين في الذيل
دا للسبعة العظام
وممكن يضيفوا فريق التحكيم الهلال في اي مجموعة

خربتوا الوسط الرياضي

يا حمزاوي سيري ناقمندو ياخي
كلامك ده رايك وهو محل تقديرنا رغم خلاف وجهات النظر
اها الاتحاد الافريقي اللهو منظم البطوله دي بيفتكر انو الهلال مصنف في المرتبه الاولي
امشي ارفع قضيه علي الاتحاد الافريقي موضحا وجهه نظرك دي - اللهي محل تقدرينا ذي ما قلت ليك- عسي ولعل الاتحاد الافريقي يقتنع بكلامك ويعيد النظر في تصنيف الهلال
الي ذلك الحين نحنا حنمسك قوي في تصنيف الاتحاد الافريقي وتظل وجهه نظرك هي وجهه نظرك

خربتوا الوسط الرياضي

حمزاوي

مسكاقمي

والله البيسمع كلامك ده بيقول انت من ايطاليا


يا راجل الوسط الرياضي المخربنو ما معروفين

ناس الرشاوي الظاهره ولا نعددهم ليك

حياتهم كلها بالرشاوي

ودخلو الوسط الرياضي بالرشاوي

نقول ولا نسكت

شكرا عباس والف مبروك التاهل
اخونا حمزاوي دا هلالابي زعلان نسأل الله ان يهديه سبل الرشاد
هو بالله في نوبي بيقي مريخابي؟؟؟



________________________________
واسالو فيصل نوبي ان كنتم لا تعلمون

سلامات يا قريبي

Quote: هو بالله في نوبي بيقي مريخابي؟؟؟ ________________________________ واسالو فيصل نوبي ان كنتم لا تعلمون

اللهم أكتبني مسلما هلالياً ..
اللهم أمتني مؤمناً هلالياً ..
الحمدلله رب العالمين أن جعل الهلال في دمائنا يجري
الله أكبر و العزة للهلال ..
الله ...الوطن ...الهلال ..


_
أبوقوتة يحييكم من القنبلة الكانت موقوتة

سلامات يا ياسر

Quote: الهلال في المستوي الاول شيئ طبيعي

ادناه هي الفقره السابعه من تنظيم البطولات الافريقيه وتتحدث عن تصنيف الفرق في دوري المجموعات

Quote: The seeded teams of each group will be determined by the Organising committee on the basis of the results achieved by the clubs of the country to which the qualified clubs belong in the previous CAF inter-clubs competitions.

وتترجم:
(ستقوم اللجنه المنظمه بتصنيف الفرق بناء علي نتائج الفرق التي تنتمي للدوله التي ينتمي اليها الفريق المراد تصنيفه في مسابقات الاتحاد الافريقي السابقه)
بناء علي الفقره اعلاه والمعطيات التاليه:
1/ الهلال صنف في المستوي الثاني العام الماضي في وجود الاهلي القاهري والنجم الساحلي واسيك اذن من المنطقي ان يتم تصنيف الهلال في المرحله الاولي في غياب اسيك والاهلي خاصه ان بقيه الفرق ليس لها باع في البطولات الافريقيه ما عدا المريخ الذي كان متوجدا في الكونفدراليه في العاميين السابقيين ووصل الي نهايتها في العام قبل الماضي
2/ من الواضح ان الكاف يصنف الهلال اعلي من المريخ في هذه البطوله لان المريخ بدا مشواره من الدور التمهيدي بينما بدا الهلال من دوري ال 32
3/ لا يمكن تصنيف فريق بدا من الدوري التمهيدي في مرتبه اعلي من فريق بدا من دوري ال32 وعلي ما اظن ان كل الفرق المتاهله بدات من الدوري التمهيدي ما عدا الهلال والنجم بما فيهم فريق المريخ كما ذكر انفا

عمر بوب

مبرووووووووووووووووووووووووك

والله ما كنت اعتقد ان بطل انغولا حمام نافق

ألف مبروك لسيد البلد التأهل الذى أستحقه عن جدارة

أنه الهلال حبيب الملايين وسيد الكرة

كل الامنيات الطيبة بمزيد من الانتصارات فى عالم الكرة

شكرا عمر بوب

Quote: ألف مبروك لسيد البلد التأهل الذى أستحقه عن جدارة أنه الهلال حبيب الملايين وسيد الكرة

شكرا يا هند واتمني ان يعمل الهلال اداره وجهاز فني لتجاوز بعض السلبيات التي ظهرت امس حتي يحقق امنيات الملايين عاشقة الهلال

Quote: والله ما كنت اعتقد ان بطل انغولا حمام نافق

سلام يا وليد القرود
بطل انغولا لم يكن حمام نافق لكن الهلال كان في احسن حالاته - هذا لا يعني ان الاهلال كان ممتاز
ان شاء الله تكون اقتنعت انو امبيلي احسن من قودوين


______________________________________
واحسن من وارغو كمان

عمر بوب وزوار البوست تحياتي وتقديري
مبروك للهلال تأهله من الباب الضيّق لدوري المجموعات، نعم من الباب الضيق لأن الهلال لم يكن الهلال في هذه المباراة ولا في أي مباراة أخرى خلال الموسمين الأخرين، وأياً كانت الأسباب، هلال الأمس كان مروضاً ولولا ضعف فريق الأول من أغسطس لخرج الهلال أمس من المنافسة ولحق بالأهلي القاهري.
كورة الهلال أمس عبارة عن دافوري وعك كروي، وفنياً الهلال اليوم لا يرقى للصيت والسمعة التي صنعها لتاريخه، تباعد خطوط تااام والاعتماد على تطفيش الكورة كيفما أتفق، بطء شديد في الحركة ما عدا اللاعب ليلو، تكتيك + لياقة زيرو، ولتقريب المسالة فلنعقد مقارنة بين مستوى الهلال القوي فنياً والذي صرع الأهلي القاهري بكل جبروته وقوته وحنكته في مجاهل أفريقيا بالثلاثة مع الرأفة في أغسطس 2007 ومستواه المهزوز المخجل أمس في مباراة لولا الحظ الذي خدم الهلال فيها لما أستطاع ان يتجاوز هذا الأول من أغسطس اليافع المغامر، ولعلمك فإن الحظ في كرة القدم لا يخدم في كل المباريات.
يا عمر آمل أن نكون صادقين أمام أنفسنا ما دمنا نحب الهلال، ونعترف أن الهلال بشكله الحالي سيعاني الأمرين من فرق دوري المجموعات وشخصياً لا أتوقع أن يستمر الهلال حتى السيمي فاينال كما حدث في عام 2007م.

Quote: تعرف الهلال لو طار اكان عبسي حياتو لغي بطول الابطال هذا العام لعدم اهليتها

اجمل ما قراءت من جمال كلمات

لا خلاص اديهو عديل الكاس ما شايلو فى بيتكم ؟وليه راس احدى المجموعات على كيفك الكوره مدوره يا رجع لى اشوت تانى ؟ادنى اخر مره ياحكم صدقنى بجيبهاقون لو غلبتو مالكم مع استاد المريخ دا اخر احترامكم للمريخ المره الجاى لا تلعبو فى الليق لانكم ما راقين ؟؟؟؟؟؟؟؟؟؟؟؟؟ دى الكوره كده مدوره

أخي نادر
مبروك للهلال تأهله من الباب الضيّق لدوري المجموعات،


لقد جانبك التوفيق في ما ذهبت إليه
فقل لي بربك من الذي تأهل من الباب الضيق؟ الهلال أم المريخ ؟
يا حبيبي إنتو في عقر داركم تعادلتم يعني لو كان كمبالا سيتي جاب قون تاني
كنتو حا تروحوا في خبر كان
الهلال فاز 2/صفر يعني شباكنا لم تهتز ولم يتعرض مرمانا لهجمة خطرة

خليك واقعي شوية وسيب التعصب في النهاية الهلال والمريخ نصر للكرة السودانية

مع تحياتي

أخي العزيز سيف خالص التحايا
أولاً ...على رسلك يا رجل، أنا أعشق الهلال حتى الثمالة، ومع كل ذلك عندما يلعب الهلال أو المريخ أو أي فريق سوداني آخر ضد فرق أجنبية ألبس لون ذلك الفريق وأشجعه، فأنا قبل أن أكون من القبيلة الزرقاء تملؤني الوطنية فخراً وإعزازاً.
ثانياً ... الهلال تعبان، ما قدمه الهلال أمس لا يشفع له الاستمرار في هذه البطولة، فحتى مباراة الأمس الهلال لم يلاقي فرق من الوزن الثقيل ودونك ما كان من أمر الأول من أغسطس أمس، فقد كان حملاً وديعاً ولكأنه اكتفى بأهدافه التي أحرزها في بلده وقرر عدم الهجوم في أم درمان للتسجيل في مرمى الهلال، على عكس ما نتوقعه من الفرق التي صعدت لدوري المجموعات، وسترى ذلك، آملاً أن تتذكر حديثي لك في هذا البوست.
لقد ذكرت ما لم تقرأه أنت في مشاركتي وقلت أن حبنا للهلال يجب أن يدفعنا لقول الحقيقة، ويجب أن نكون واقعيين.
الهلال أمس يا سيف لم يضع الفريق الخصم تحت الضغط المتوقع من فريق مطالب بهدفين نظيفين حتى يعبر، علاوة على أن شكل الهلال أمس أصلاً لم يكن مؤهلاً للعب هذا الدور في ظل وجود محورين بنزعة دفاعية أكثر منها هجومية ولم يبرحا منطقة دفاع الهلال إلا في مرات قليلة.
لاعبي الهلال كان بطيئين جداً ويتناقلون كرات طويلة من العمق لعمق دفاع الفريق الخصم وكأنهم لا يعرفون الكرة الحديثة والخطط والمناورات والضغط على الخصم.
اللياقة البدنية والذهنية للاعبين كانت ضعيفة وخطوط الفريق متباعدة ولا تحس بأن هناك خطة بعينها يعتمد عليها الفريق.
المرحلة القادمة للهلال صعبة وصعبة جداً، وشكل الهلال الحالي شئنا أم أبينا لا يبشر بنتائج مرضية.
مع خالص احترامي وتقديري

Quote: عندما يلعب الهلال أو المريخ أو أي فريق سوداني آخر ضد فرق أجنبية ألبس لون ذلك الفريق وأشجعه،

Nadir: Are you serious!!!!! you need to ####### your memory

Salam and congratulation Inb Bob

هاهاها
أزيك يا ناصر
أيوة والله جادي، ما كبرنا يا مان، حليل ايام الوعيك عاك الزمان داك.
تحياتي

Quote: الهـــــــلال سيكون علي راس احدي مجموعات دوري الثمانيه

معليش ياريس دقت في العارضة المرة دي....!!!

النجم الساحلي علي راس مجموعة
ومريخ السودان علي راس مجموعة

وباقي الصفراب قرررررررررررعة

لماذا ياتري أشرك الهلال في بطولة الاندية الافريقية علي الرغم من أنه
لم يكن بطلا في العام ا لسابق لبلاده?
ولماذا وضع المريخ في الدوري التأهيلي علي الرغم من أنه بطل السودان
بينما أعفي الهلال من تلك المرحلة?

سلامات يا كمال عباس
الاجابه ببساطه علي اسئلتك لانو الهلال مصنف اعلي من المريخ لدي الاتحاد الافريقي
استغرب لفريق بدأ البطوله من الدور التمهيدي يدعي انه سيصنف في مرتبه اعلي من فريق اعفي من خوض الدور التمهيدي لنفس المنافسه

Quote: 2/ من الواضح ان الكاف يصنف الهلال اعلي من المريخ في هذه البطوله لان المريخ بدا مشواره من الدور التمهيدي بينما بدا الهلال من دوري ال 32

يا هارون كدي اقرأ الفقره الفوق دي كويس وابني عليها
المريخ سوف يصنف علي المستوي الثاني نسبه لتواجده في الكونفدراليه في العاميين السابقيين
اما هذه البطوله فالمريخ ليس له فيها اي تاريخ وقبل هذه المره لم يصل حتي الي دوري ال16 فيها
واوعك بس تكون قريت كلام مزمل بتاع النقاط داك تكون دقست دقسه كبيره

Quote: Nadir: Are you serious

سلامات يا ناصر
العقل ما جاء لاخونا هذا من انو كبر كما يدعي هو
العقل جاء من مريم بت الحسين ولولاها لظل صاحبنا هذا علي جهالته الاولي رغم كبره

Quote: العقل ما جاء لاخونا هذا من انو كبر كما يدعي هو العقل جاء من مريم بت الحسين ولولاها لظل صاحبنا هذا علي جهالته الاولي رغم كبره

أنا مريم بنت الحسين طلعتني من الجهالة الأولى وعرفت البي والعلي، لكين مسكينة دكتورتناالله يديها العافية ليومك تنضف في كوديب السنين وما وصلت لحل.

Quote: ثانياً ... الهلال تعبان، ما قدمه الهلال أمس لا يشفع له الاستمرار في هذه البطولة، فحتى مباراة الأمس الهلال لم يلاقي فرق من الوزن الثقيل ودونك ما كان من أمر الأول من أغسطس أمس، فقد كان حملاً وديعاً ولكأنه اكتفى بأهدافه التي أحرزها في بلده وقرر عدم الهجوم في أم درمان للتسجيل في مرمى الهلال، على عكس ما نتوقعه من الفرق التي صعدت لدوري المجموعات، وسترى ذلك، آملاً أن تتذكر حديثي لك في هذا البوست. لقد ذكرت ما لم تقرأه أنت في مشاركتي وقلت أن حبنا للهلال يجب أن يدفعنا لقول الحقيقة، ويجب أن نكون واقعيين. الهلال أمس يا سيف لم يضع الفريق الخصم تحت الضغط المتوقع من فريق مطالب بهدفين نظيفين حتى يعبر، علاوة على أن شكل الهلال أمس أصلاً لم يكن مؤهلاً للعب هذا الدور في ظل وجود محورين بنزعة دفاعية أكثر منها هجومية ولم يبرحا منطقة دفاع الهلال إلا في مرات قليلة. لاعبي الهلال كان بطيئين جداً ويتناقلون كرات طويلة من العمق لعمق دفاع الفريق الخصم وكأنهم لا يعرفون الكرة الحديثة والخطط والمناورات والضغط على الخصم. اللياقة البدنية والذهنية للاعبين كانت ضعيفة وخطوط الفريق متباعدة ولا تحس بأن هناك خطة بعينها يعتمد عليها الفريق. المرحلة القادمة للهلال صعبة وصعبة جداً، وشكل الهلال الحالي شئنا أم أبينا لا يبشر بنتائج مرضية

سلام يا نادر:
خليني ابدأ معاك من نقاط الخلاف
اولا البطوله ما فبها اي فرق من الوزن الثقيل و في مجملها تدهور مستوي الفرق المشاركه فيه لا سباب موضوعيه جدا وهي هجره الللاعبين الافارقه للعب في اوربا في بداية مشوارهم الكروي خاصه لاعبي غرب ووسط افريقيا علي عكس ما كان يحدث سابقا عندما كان اللاعبين يتالقون في انديتهم اولا ثم منتخابتهم ثم يجدوا طريقا الي اوربا الان كشافي المواهب يجوبون القاره طولا وعرضا لاكتشاف المواهب في سن مبكره جدا ليكرروا تجربه صمويل ايتو, ديدي دروجبا, وسلومون كالو علي سبيل المثال لانهم في هذه السن ارخص ثمناويمكن صقل مواهبهم بصوره صحيحه لهذا تجد ان البطوله سيطر عليها انديه شمال افريفيا بشكل شبه مطلق في السبع سنوات الاخيره وغابت عنها الفرق التي كان اسمها يزلزل اسم الفاره من امثال الاشانتي كوتوكو, كانون ياوندي وبنسبه اقل اسيك ابيديجانووجدت فرق اخري فرصتها للظهور في هذه البطوله ومن ضمنها الهلال والذي هو احسن حالا من بقيه الفرق الاخري ان لم يكن لشئ فعطفا علي تاريخه في هذه البطوله وللتدليل علي ضعف الفرق فقد شاهدت جزء مقدر من الشوط الاول لمباره الاهلي وكانو تركت ها ظنا مني بان الاهلي سينتصر علي الاقل بثلاث اهداف نسبه لتواضع مستوي الفريق النيجيري ولكنني فوجئت عندما علمت ان المباره انتهت تعادليه والادهي ان الفريق النيجيري كان متقدما بهدفين
2/ ثانيا الهلال كان ولابد ان يلعب بلاعبين ارتكازلان اي هدف يدخل مرماه كان سيعقد حسابته تماما ويقتل فيه الروح المعنويه ولكن طالما هو شباكه فلو احزر هدف في اي لحظه كان سيندفع لاحراز الهدف الثاني وان لم يحرز هدف حتي منتصف الشوط الثاني فالبقطع كان المدرب سيسحب احد لاعبي الارتكاز ليدخل مهاجمهذا بالاضافه الي ان متوسط دفاع الهلال لعب فيه اسامه التعاون لاول مره افريقيا ولثالث مره او نحو ذلك منذ انضمامه للهلال
3/ الهلال لم يكن سيئاامس وتقديري انه كان فوق الوسط بقليل وفي ظني ايضا انها احسن مباره يؤديها الهلال افريقيا هذا العام والعام السابق باستثناء مبارته مع انيمبا في الخرطوم في دوري المجموعات العام السابق

سوف اتي لعيوب الهلال التي اتفق فيها معك

يا عمر والله كلامك القلتو ده كلللللو على العين والرأس، وخليني أنطط ليك من حتة الاحتراف وأثرها في تواضع مستوى الفرق لي موضوع المستوى والكورة الصاح (دق الجلد على أصولو) (همي الأول والأخير) هسه الأهلي ده طلعتو انت قايلها ساي كده، أنا حضرت مباراة الأهلي وكانو، يا حبيب ناس الأهلي ديل هاجمو كما ينبغي للهجوم أن يكون، لكن والله بت الكلب ابت عديييل كده، أي نعم في شوية استهتار منهم وتقليل من شأن الخصم وداهم التوج، لكن بعد ده كلو الأهلي ده لعب كورة مقنعة مقارنة بالعك السوهو الهلال والمريخ.
يا عمر ياخ كورتنا مجوبغة لا ليها أول ولا آخر، نص تايه، هجوم حاير ودفاع يباصر حالو يااااااله يالله.
بعدين نقطة محورين (إرتكازين) دي عشان ما يدخل مرماك ما بتفق معاك فيها لأنو خير وسيلة للدفاع عشان ما يخش مرماك هدف هي الهجوم والهجوم بضراوة والضغط على حامل الكرة ابتداء من دفاع الخصم عشان ما تتبني هجمة منظمة ضدك، ثم قول انو ده منطق المدرب ما قلنا حاجة، لما شاف الفريق الخصم تعبان ومتراجع وبعتمد على قتل الزمن ليه ما سحب عمر بخيت مثلاً وزاد فعالية الهجوم باي لاعب ذا نزعة هجومية؟؟
لظروف البث السيء انا حضرت الشوط الثاني فقط للمباراة، وكل ما حكمت عليه من خلال مشاهدتي فقط للشوط الثاني، وأنا بحلف ليك يا عمر إنو الهلال ده طيلة الشوط الثاني ما نقل ليهو كورة ممرحلة أثمرت عن هجمة، كل الفرص والسوانح على قلتها، حتى تلك الكرات الخطرة على مرمى الخصم التي صداها عارض وقائم المرمى كانت كور مشتتة وتائه، ودونك هدف ليلو أمبيلي كورة مشتتة من الدفاع تماها هيثم مصطفى لي قدام وليلو أكل المدافعين جري ووضع الكرة باحترافية عالية جداً أعجبتني أيما إعجاب.
يا عمر ياخي المغصة شديدة من تالا الهلال والمريخ ديل ... برجع ليك تاني لسه عندي كلام كتير

ناتي لما نتفق حوله حول اداء الهلال:
الهلال عنده مشكله حقيقيه في نقل الكره الي الامام بصوره ممنهجه ودا في تقديري راجع لثلاث اسباب:
1/ خط وسط الهلال بطئ جداوجميع افراده يلعبون الباص للزميل وهم ثابتين اي انهم لايلعبون الباص للزميل ويتحركو ليكسبو مساحه وزمن من اجل خلخله الفريق الخصم هذا العيب لازم الهلال حتي في 2007 زمن ريكاردو الذي نجح كثيرا في تنظيم طريقه لعب الهلال وهي مهمه لم تكن بالسهله ولكنه فشل في اضافه عامل السرعه ما غطي علي هذا العيب في 2007 هو سرعه اطراف الهلال خاصه بوسف محمد و اجاده قودوين للتحرك بدون كره في خط الهجوم هذا هو السبب في تقديري الذي جعل الهلال يتقدم في البطوله ولكنه لم يكن كافيا للفوز بها نسبه لانعدام عامل السرعه. المباره الوحيده التي لعبها الهلال بسرعه وفيها ترك لاعبو وسط الهلال اللعب الثابت هي مباره الاهلي القاهري خاصه في شوطها الثاني والذي ظهر فيه الهلال كفريق عالمي كما قال طاهر ابو زيد
2/ اللعب الساكن من خط وسط الهلال خاصه لاعبي الارتكاز واخص عمر بخيت اكثر يجعل الهلال يكثر من التمرير العرضي في مناطقه الخلفيه ثم الارسال الطويل اما من لاعبي الارتكاز او قلبي الدفاع واسامه التعاون مثال ظاهر لهكذا تمريرات والمعروف ان التمرير الطويل يسهل من مهمه دفاع الخصم اي كان مستواه.
3/ هجوم الهلال لا يجيد وضع المدافعين علي ظهورهم لتلقي التمريرات البينيه من صانعي الالعاب وان كان كاريكا وامبيلي احسن بكثير من مهاجمي الهلال في العام السابق هذا العيب يشترك فيه معهم هيثم والذي مع تقدم سنه اصبح ابطأ حركة
بطء خط وسط الهلال عيب مزمن ولا اظنه حيتصلح بين ليله وضحاهاوهو الذي يجعل الهلال متباعد الخطوط في فترات من اي مبار وان كنت امل كثير ان يحسنه قليلا المدرب الجديدو لكنه لم يفعل بل العكس اظن ان المدرب قد خرب قليلا من الطريقه المنظمه التي بناها ريكاردو
النقطه الايجابيه في الهلال التي تميزه من العام السابق هو سرعه خط الهجوم وخاصه امبيلي كما ذكرت ولو ارتفعت سرعه لاعبي خط الوسط قليلا فاعتقد ان الهلال له فرصه في التقدم في هذه البطوله والا فانه لن يتعدي دوري المجموعات

برنابا تيموثاوس
سلام
علي رسلك يا سيدي انا لم اصنف الهلال علي راس مجموعه علي كيفي انا بنيت توقعي علي لوائح الاتحاد الافريقي المنظم للبطوله واذا عندك ما يدحض كلامي ده جيبو لي
غني عن القول ان وضع الهلال في راس مجموعه لا يعني فوزه بالكاس لان الملعب هو من سيحدد ذلك وضعه في راس مجموعه سيعطيه بعض المميزات ولكنه لن يغني اطلاقا عن فوزه في مباريته ان كان ينوي المضي قدما في هذه البطوله

يا سلام يابوب يا موسوعي
الجماعة المزملاباببرطعوا ساي فقد علمهم ثقافة التبخيس وما عمايلهم عند دكنا لحصون الأهلي القاهري ببعيدة
انتو مزمز ده موش ياهو السماكم دلاقيييين.. وقد صدق

Quote: لو كنت واثقاً مما تقول آتى باللقطة التلفزيونية دون بتر بما فيها التسيدتين

قد تنكر العين ضوء الشمس من رمد..
ياخ حمام كمبالا اللاعب بعشرة أخبارو شنو.. حمام لاقى حمام ووصيفاب لاقو تمهيداب..
احتراماتي

ياخ وين أحمد الريح ده.. ياخي ده والله راجل جميل بشكل.. إن شاء الله يكون بخير وصحة وعافية،، آآآمييين

في تصرف وجد الدهشة والاستغراب من نادي الهلال رفض المسؤولون بالمريخ استخدام نجوم الهلال الغرفة الخاصة بلاعبي المريخ في مباراة


الهلال واغسطس الانغولي ووجه المريخ الهلال باستخدام غرف الفريق الضيف وتحويل الضيوف في غرف لاعبي المريخ مما اثار ذلك الدهشة والتساؤلات وسط المسئولين بالهلال وكادت تحدث كارثة بالاستاد لولا تدخل اللجنة المنظمة للمباراة التي منحت الهلال احقية الاختيار بوصفه في ملعبه..


منقول
ــــــــــــــــــــــــــــــــــــــــــــــــــــــــــــــــــــــــــــــــــــــــ

أما عن التحكيم
فلسنا بحاجة للدفاع عن أنفسنا
يكفي ضربة الجزاء الثانية التي لم تحتسب

أما عن هيئة الإتهام
يكفيهم خزياً حكم مباراتهم مع الإسماعيلي
واللجنة المنظمة لبطولة سيكافا وقراراتها في شأن مباراتهم مع سيمبا التنزاني
ولجنة تحكيمهم بالإتحاد إبتداءً بدرمة مروراً بعامر عثمان
إنتهاءً بحكم مباراتهم مع حي العرب والدقائق الإضافية التي تحتسب كأنها مكسرات حسب الطلب


لو قلنا تحكيم إنتو أسياد الرشاوي
ولو جيتو للفضايح كفاية السبعات والأربعات
ولو جيتو لي سوء المعاملة فدونكم ما حدث في مسألة غرف اللاعبين
وكان للملاعب فثمن الطابق الثاني فالفاتورة الشعب هو من سددها

قومو لفو ياخ

كتب الباش كوتش عمر بوب :

Quote: فقد كان خط دفاع الهلال متماسكاطيله زمن المباره ولم يشكل هجوم اول اغسطس خطوره تذكر علي مرمي الهلال طيله التسعين دقيقه ومع ذلك فقد كانت هناك بعض السلبيات البسيطه في التغطيه في بعض الاحيان وفي البطء في احيان اخري

يا بوب كلامك الفوق ده متناقض جدآ
ولتسهل لك المتابعة وتبين التناقض
قسمتها لك على 3 سطور

السطر الأول : يتحدث عن تماسك دفاع الهلال
السطر الثاني : يؤكد ان الدفاع المتماسك لم يختبر
السطر الثالث يقول ان الدفاع المتماسك الذي لم يختبر كانت به سلبيات وبطء وعدم تغطية

شفت التناقض يا عمر ؟

الحقيقة المرة يا صديقي ان فريقنا المحبوب كان تعبان
وانه صعد على كتف فريق حديث تنقصه الخبرة اللازمة

فريقنا كان متباعد الخطوط
والحماس كان منعدم
والتدريب ، كالعادة ، عقيم وغير منتج

فريق بهذه الحالة لاحظ له في المرحلة القادمة
وسيتجرع الهزائم ويجرعنا المرائر والمغصة

مالم يتدارك الحال ويتم تدعيمه
وعلمنا ان قودوين و ريتشارد في الطريق و اخرين

سوف يحسم أمر المجموعات نهائيا يوم الخميس القادم
CAF meetings begin today
05-05-2009

Zoom The Confederation of African Football will begin a 3-day meeting of three of its committees today, taking place prior to the inter-clubs draw on May 7, at the headquarters in Egypt .
CAF Organizing Committee for Inter-clubs Competitions, Executive Committee and Referees’ Committee are holding their respective meetings to examine ,among other issues, reports on matches being played since the beginning of the year.
This will be followed by the Champions League and Confederation Cup draw for group stage, which the eliminations of the earlier was concluded last weekend.
The qualified teams for the Champions league group stage are Kano Pillars, Zesco United, Merriekh, Heartland, TP Mazembe, ESS, Monomotapa and Al Hilal.
For the Confederation Cup, the group stage teams will be known after the second 1/8 finals between the losers of Champions League 1/8 finals and the winners of the Confederation Cup first 1/8 finals.
The top two from each group will qualify for the semi finals.

The final of the Champions League will be played on 06, 07 or 08 November 2009 while the Confederation Cup champion will be decided on 04, 05 or 06 December 2009.

Ahly of Egypt is the current champions of the Champions League and CS Sfaxien of Tunisia won the 2008 edition of Confederation Cup.


http://www.cafonline.com/football/news/2680-caf-meetings-begin-today.html

يا جماعة الخير

بخصوص التصنيف
إذا سار الكاف بنفس لائحة العام الماضي فسوف يكون الهلال والنجم الساحلي
على رأس كل مجموعة لكن وردت اليوم أخبار تفيد بأن الكاف بصدد تغيير نظام
تصنيف الفرق بمجموع البطولتين الكونفيدرالية والأبطال وإذا تم التعديل فإن
المريخ والنجم الساحلي سوف يكونان على رأس كل مجموعة . وعلى كل لا يهمنا
إن وضع الهلال على رأس مجموعة أو المريخ المهم إنو الهلال والمريخ ضمن دوري الكبار
هذا ما وددت الإفادة عن آخر الأخبار .
وربنا يوفق الهلال والمريخ معا للنهائي وعندها لكل مقام مقال

مع تحياتي

لكن ياحنين لقيتك خطييييييييييييير

Quote: يا بوب كلامك الفوق ده متناقض جدآ ولتسهل لك المتابعة وتبين التناقض قسمتها لك على 3 سطور السطر الأول : يتحدث عن تماسك دفاع الهلال السطر الثاني : يؤكد ان الدفاع المتماسك لم يختبر السطر الثالث يقول ان الدفاع المتماسك الذي لم يختبر كانت به سلبيات وبطء وعدم تغطية شفت التناقض يا عمر ؟ الحقيقة المرة يا صديقي ان فريقنا المحبوب كان تعبان وانه صعد على كتف فريق حديث تنقصه الخبرة اللازمة فريقنا كان متباعد الخطوط والحماس كان منعدم والتدريب ، كالعادة ، عقيم وغير منتج فريق بهذه الحالة لاحظ له في المرحلة القادمة وسيتجرع الهزائم ويجرعنا المرائر والمغصة مالم يتدارك الحال ويتم تدعيمه وعلمنا ان قودوين و ريتشارد في الطريق و اخرين

والله....
الكبير كبيييييييييييييييييييييير
تحليل ولا المستكاوي زااااااااااااااااتو
نقشتها كيفن دي ياحنين.....؟
ياريس....
امسكوا في الزول ده قوي وخليكم من بااااااااااااااااع
يمكن تجيبوا مريسة تام زينو....!!!
برضو.....
كاااااااااااااااااااااااااااكـ

البوب قريبي
سرن اقمندو
دقت في العارضة
والهلال صار حمام ميت
الاحمرين في رأس المجموعتين
شوفوا الهلال التريلا ( الحمام الميت )
حتربطوه في ياتو رأس
والرأسين أحمر
واشريري
واشريري
واشريري


تحياتي للاستاذ مختار

Quote: فقد كان خط دفاع الهلال متماسكاطيله زمن المباره ولم يشكل هجوم اول اغسطس خطوره تذكر علي مرمي الهلال طيله التسعين دقيقه ومع ذلك فقد كانت هناك بعض السلبيات البسيطه في التغطيه في بعض الاحيان وفي البطء في احيان اخري

سلامات يا ابو ساندرا
يا حبيباقرأالكلام within its content وشوف ما تحته وركز عليه لانو انا لو قلت ان الفريق الخصم لم يشكل اي خطوره علي الاطلاق طيله زمن المباره يبقي كلامك صحيح ولكنني قلت انه لم يشكل خطوره تذكر اي انه شكل بعض الخطوره ولكن لقلتها وعدم فاعليتها يمكن التجاوز عنها وعدم زكرها ثم قلت انه ومع ذلك وهي اداه استثناء للدفاع المتماسك له بعض الاخطاء ولم اقل ان هذا الدفاع المتماسك لم يترك اي شارده ولا وارده طوال زمن المباره
يا ابو ساندرا لا تنسي ان الهلال كان يلاعب فريقا انتصر عليه بثلاث اهداف و الفريق يلعب كره منظمه جدا( قطع شك اكثر تنظيما من الهلال) وتكيك عالي ومنيط للغايه, هل كنت تتوقع ان يستلم الهلال الميدان بالطول والعرض ويسجل الاهداف وقتما يشاء وكيفما يشاء
هذا لايعني ان الهلال لم تكن به عيوب - شوف ردي الفوق لنادر عشان تعرف راي في سلبيات الهلال

Quote: وكان للملاعب فثمن الطابق الثاني فالفاتورة الشعب هو من سددها

كلام جميل ياطارق ... طيب والمقصورة التي تم تشييدها لملعبكم التعبان قبل مباراة الوداد المغربي !!! هل تم تشييدها من مال الراحل المقيم الطيب عبد الله ؟ ولا من مال صلاح إدريس ؟ ياخي إختشوا ...

Quote: لو قلنا تحكيم إنتو أسياد الرشاوي

حقيقي ما نحن الحولنا رقم ( 2 ) إلى رقم ( 12 ) بالرشاااااوي .....

Quote: ولو جيتو للفضايح كفاية السبعات والأربعات

وسبعات الجبل الأخضر كيف ؟!!! والخمسات الثلاثة مراااات متتتالية في دورة أبها كان كيييف ؟!!! ودي أسأل عنها زميلنا هنا بالبورد حارسكم السابق الاخ ( هشام الطيب ) والانسحاب من دورة أبها بعد هزيمتكم من الهلال السعودي كان كييييف ؟ ياخي والله صحيح الاختشوا مااااتوا ... خليكم أنتو حييين !!!!!!!!!!!!!!!!!! .

سلام يا طارق:
انا اعتقد ان الحكم لم يحابي الهلال بقدر ما يحابي اي حكم في العالم اصحاب الارض
قد يكون تغاضي عن بعض الحلات التي لم تؤثر اطلاقا عن سير المباره ولكن القرات التي قد تؤثر فالهلال تضرر اكثر
1/ ضربه جزاء صحيحه لم تحسب للهلال
2/ اعتقد ان الاعب الذي ارتكب البلنتي مع مدثر قد نال انذارا قبل ذلك وهذا هو مصدر احتجاج لاعبي الهلال الشديد بان الاعب يجب ان يطرد ولم اجد حتي الان من يؤكد ان ذلك الانذار الذي ناله اللاعب كان الانذار الاول ام التاني

يا عمر بوب
صاحبي الديابي ده اندس وين بعد كلام شمس المعارف

وين بتاع الدوحه اسمو منو اظن هارون دياب
جايب ليهو كرين و صفارة حكم
و الله شمس المعارف طق طق المسائل جنس طق و الشريط و اضح وضوح الشمس في في دوحة النهار طبعا شمس الدوحة حارقة

لطفي

Quote: اتوقع ان يتم تصنبف الهلال مع النجم الساحلي التونسي علي المستوي الاول قياسا علي نتاجهم في البطولات الافريقيه في الخمس سنوات

الاخ عمر
اها ظهرت حقيقة التصنيف واتعرف منو الفى المستوى الاول ومنو الوصيفو
باللة كنتو منظرين الهلال يجي قدام المريخ
بامارة شنو
لاكاسات لا استاد
وتأهل باعادة البلنتيات
ده الاتحاد الافريقى ماكمال شداد

عفوا حاولو مرة اخري
التصنيف الاول مشغول حالياً
بالنجم والنجمة

تخريمة
عمر
يشرفنى التعرف عليك فانا مقيم فى الدوحة وسمامع باسمك لكن لم أتشرف بمقابلتك

Quote: قبل الدخول في تحليل المباره اتوقع ان يتم تصنبف الهلال مع النجم الساحلي التونسي علي المستوي الاول قياسا علي نتاجهم في البطولات الافريقيه

يا عزيزي

المسالة حسابات وليس توقع وهناك طريقه لاختيار المستويات لم يقتنع بها الهلالاب لما جاتهم من الكاف الان المريخ مصنف اول بجانب النجم الساحلي ما زيمبي والهلال مستوي تاني مما بعني وقوع اما ما زيمبي او الهلال في مجموعة المريخ بذلك يتجنب المريخ النجم الساحلي والهلال يتجنب ما زيمبي

توقعي لتصنيف الهلال علي رأس احدي المجموعات كان مبنيا علي تاريخه في هذه البطولهوالذي وصل فيها لدوري المجموعات للمره الثالثه علي التوالي وبناءا علي ان المريخ وهو الفريق الوحيد المنافس الذي له تاريخ في البطولات الافريقيه كان قد بدأ فيها من الدور التمهيدي علي عكس الهلا والنجم اللذان اعفيا من الدور التمهيدي وعليه فان التصنيف المنطقي هو ان يكون الفريق المعفي من الدور التمهيدي اعلي درجه من الذي شارك في الدوري التمهيدي.
عموما نبارك للاخوه المريخاب تصنيف المريخ علي راس احدي المجموعات كاول فريق سوداني ينال هذا الشرف ونؤكد ان التصنيق قد يعطي بعض المميزات لكنه لايغني اطلاقا عن الفوز في ملعب المباره
مع الامنيات للفريقين بالمضي قدما في البطوله