Post: #1
Title: شنو الجفا ده يا ناس المنتدى؟
Author: الشفيع وراق عبد الرحمن
Date: 05-03-2009, 03:51 PM
بحمد الله وتوفيقه تمكنت من الدخول وأرسلت شكر وتقدير لأخونا الفاضل بكري ، توقعت بعض كلمات الترحيب، حتى الآن قرأ الموضوع 11 شخص ولم يرحب أحد
شكر وتقدير
حكيت الموضوع لأحد الاصدقاء وقال لي يمكن يكونوا دايرين يشوفوا مويتك شنو أول!!
ما يشاع عن المنتدى أنه يضم مجموعات وتكتلات حزبية وجهوية، ولكن وبكل أمانة حصلت على إذن الدخول دون أن أفصح عن أي توجهات سياسية، فقط أرسلت بريد للأخ بكري وحصلت على تصريح الدخول خلال ساعات
طبعاً كل قارئ يحاول تصنيف أي كاتب من خلال قراءة ما بين السطور وأعلم يقيناً أنه في السياسة لا يوجد حياد طالما كان للشخص راي معين في موقف معين، وأذكر هنا في أحد الافلام الامريكية التي تحكي عن الحرب الاهلية وكان أحد الجنود هاربا بحجة أنه محايد ولا يريد المشاركة في القتال، أمسكت به فرقة وقال له القائدهل انت مع ام ضد العبودية فقال طبعا انا ضد العبودية ولا احبها و... و فقال له القائد إذن خذ هذا الرشاش ودافع عن رأيك
بصراحة لا ألوم أحد على عدم الرد، بالمنتدى الكثير جدا من المواضيع وليس أدل من أنه عند كتابة الموضوع يختفي من الشاشة خلال دقائق
|
Post: #2
Title: Re: شنو الجفا ده يا ناس المنتدى؟
Author: Amira Elsheikh
Date: 05-03-2009, 04:10 PM
Parent: #1
الشفيع....
والله لا جفا لا حفا يا قول حبوبة...
جيت فى وقت صعب شديد خلاس والسبب نص البورد الايام دى مركب
مكنة مرشح للرئاسة والباقيين مطبلاتية..
اها انا القدامك دى مرشحة?? رايك شنو??
يازول مرحب بيك وحبابك الف...وماتاخد فى خاطرك شديد
|
Post: #3
Title: Re: شنو الجفا ده يا ناس المنتدى؟
Author: خالد عبد الله محمود
Date: 05-03-2009, 04:16 PM
Parent: #2
مرحب بيكـ يا الشفيع و أعذر الشباب أنت عارف البوستات بتختفي من الصفحة الأولي في دقائق و عادة الناس ما بتراجع الصفحات الداخلية
* أميرة الشيخ حالتكـ بقت صعبة .. بقيتي تلقطي في أصوات البرالمة ؟؟
|
Post: #4
Title: Re: شنو الجفا ده يا ناس المنتدى؟
Author: Amira Elsheikh
Date: 05-03-2009, 04:30 PM
Parent: #3
| Quote: * أميرة الشيخ حالتكـ بقت صعبة .. بقيتي تلقطي في أصوات البرالمة ؟؟ |
خالد كيفك ووينك??
طولنا مااطاقشنا لينا فى البوست...
انت من زمن برالمة ??والله اسي انا شاكة الزول دا يكون برلوم..
الاهم والمهم شايفة مبارة الهلال باقى ليها ساعات بس
اها حتعوضو ال3 دى??
?قلوبنا الحمراء معاكم
|
Post: #5
Title: Re: شنو الجفا ده يا ناس المنتدى؟
Author: خالد عبد الله محمود
Date: 05-03-2009, 04:52 PM
Parent: #4
| Quote: قلوبنا الحمراء معاكم |
مع إنها شكلها كده من وراء القلب لكن مقبولة ..
و إنشاء الله منصورين ...
غايتو حظكم ده نهايتو وين الله أعلم؟ يومكم التصلو دوري المجموعات كل الفرق القوية تخرج من البطولة؟؟
|
Post: #6
Title: Re: شنو الجفا ده يا ناس المنتدى؟
Author: Amira Elsheikh
Date: 05-03-2009, 04:59 PM
Parent: #5
| Quote: غايتو حظكم ده نهايتو وين الله أعلم؟ |
وانتو حسادتكم دى حدها وين الله اعلم...
سيد البوست اعفى لينا احتينا بوستيك...
كدى بالمناسبة انتى مريخابى ولا هلالابى?
|
Post: #7
Title: Re: شنو الجفا ده يا ناس المنتدى؟
Author: Muna Khugali
Date: 05-03-2009, 05:08 PM
Parent: #6
والله ما جفا..
لكن الظروف بس صعبه شويه!
مرحب بك معنا وبيننا..
|
Post: #8
Title: Re: شنو الجفا ده يا ناس المنتدى؟
Author: نيازي مصطفى
Date: 05-03-2009, 05:44 PM
Parent: #7
الف مرحبا بك في دارك وبين اخوانك .. لم ارى ذلك البوست فكل الاسف ان تاخرت في الترحيب .
|
Post: #9
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-03-2009, 06:09 PM
Parent: #8
مشكورين يا شباب و ما بينا عتاب انا بس حبيت اثيركم شوية
أميرة الشيخ انا هلالابي لكن ما شغال بالكورة كتير الكورة السودانية بقت تسد النفس
|
Post: #10
Title: Re: شنو الجفا ده يا ناس المنتدى؟
Author: سلمى الشيخ سلامة
Date: 05-03-2009, 07:50 PM
Parent: #9
الشفيع وراق
ازيك ود امى
اولا بالتبادى
الهلال لحدى هسى غالب يوههههههههههههههو
المهم ازيك ياوراق
|
Post: #11
Title: Re: شنو الجفا ده يا ناس المنتدى؟
Author: محمد المرتضى حامد
Date: 05-03-2009, 11:16 PM
Parent: #10
مرحب يا الشفيع،
نتمنى لك رحلة سعيدة على متن الخطوط المعقدة والخيوط المتشابكه،
تسلم
|
Post: #12
Title: Re: شنو الجفا ده يا ناس المنتدى؟
Author: علاء الدين يوسف علي محمد
Date: 05-04-2009, 06:24 AM
Parent: #11
مرحبتييييييييييييييييين يا بشمهندس
دة ترحيب مؤقت لحدي ما نرجع ليك تاني
بس الكويس قبل ترحيب ود الرشيد
إبراهيم الرشيد عبد الرحمن وراق
علاء الدين يا الشفيع
علاء الدين يوسف
|
Post: #13
Title: Re: شنو الجفا ده يا ناس المنتدى؟
Author: معتصم مكاوي
Date: 05-04-2009, 06:31 AM
Parent: #1
أنا زااااااتي جديد
وفي الأول قلت كده
فألقموني حجراً
وعرفت أن الله حق
ولازم تبقى ديب وسط الديابة
وإلا ياكلوك
ويقرقشوك
وإنت ولا هنا
ولا هناك
أكتب ساكت أخوي
الداير بيقرأ
والما داير
برضي حيجي يقرأ
|
Post: #14
Title: Re: شنو الجفا ده يا ناس المنتدى؟
Author: BitAlhana
Date: 05-04-2009, 06:38 AM
Parent: #13
ما جفا و لا حفا
لكن البلد حالتها صعبه
الحر و الكهرباء قاطعه ... و الناس يا الله يا الله في حق المواصلات
يازول خش و خرمج ساكت ....
غايتو ناس خوافه خوف ... البرالمه ديل عفيت منهم ... هارشنكم شديد
|
Post: #15
Title: Re: شنو الجفا ده يا ناس المنتدى؟
Author: Nasruddin Al Basheer
Date: 05-04-2009, 07:48 AM
Parent: #14
ألف مرحب بيك يا الشفيع
وأعذرني على تأخير الترحيب
أنا ما بدخل هنا كتير،
لكن بعاين بعيوني..
|
Post: #16
Title: Re: شنو الجفا ده يا ناس المنتدى؟
Author: ابراهيم الرشيد عبدالرحمن وراق
Date: 05-04-2009, 12:10 PM
Parent: #15
الباشمهندس الشفيع
مرحبتين حبابك واليوم السعيد اليلة جابك
انا غايتو زيك ما لى فى حكاية الكيمان دى لكن بخت راسى مع ود عمى
يعنى بقينا كوم وراريق وشوف باقى الشباب المعاك ولو اميين بعمل ليهم
فصل ولو فيهم واحد عصلجت معاه خالص نفتح ليه بوست ونرشحه للرئاسة ومافيش
حد احسن من حد , رايك شنو يكون الزول ده ابو الكلس ؟(وجه ضاحك)
|
Post: #17
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-04-2009, 02:56 PM
Parent: #16
بصراحة يا شباب اخجلتو تواضعنا وأشكر الجميع
إبراهيم وعلاء طلعتو من وين انتو؟ومسجلين من متين؟علاء بقرأ كتاباتك كتير لكن والله ما كنت قايل ده انت وشنو المعارك والاتهامات العنصرية دي؟ اها قولو لي تاني في منو كمان اوع يكون خالد وراق موجود
بخصوص الرئاسة شايف البوستات تطاقش الناس ديل بي جدهم ولا بهزروا؟
أول ما دخلت في واحد مرشح "نسيت اسمه" قال (Goodbye) قلت امكن كراعي حارة
|
Post: #18
Title: Re: شنو الجفا ده يا ناس المنتدى؟
Author: ismeil abbas
Date: 05-04-2009, 06:52 PM
Parent: #17
أخونا الشفيع السلام عليكم.......الجفا الله لاجابو..ومرحب بيك يا اخى..مليون..
إسماعيل محمد احمد عباس....
|
Post: #19
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-04-2009, 07:14 PM
Parent: #18
مشكور أخي اسماعيل وشكراً على المرور
|
Post: #20
Title: Re: شنو الجفا ده يا ناس المنتدى؟
Author: علاء الدين يوسف علي محمد
Date: 05-04-2009, 07:52 PM
Parent: #19
| Quote: إبراهيم وعلاء طلعتو من وين انتو؟ومسجلين من متين؟علاء بقرأ كتاباتك كتير لكن والله ما كنت قايل ده انت وشنو المعارك والاتهامات العنصرية دي؟ اها قولو لي تاني في منو كمان اوع يكون خالد وراق موجود |
الأخ العزيز الباشمهندس الشفيع
حبابك في الأون لاين
أنا من 2004 يا حبيب رغم إنو تاريخ تسجيلي 2007 لأنو أخذتة لي فصلة فصلتين تلاتة كدة غايتو
لكن إبراهومة دة برلوم لسع
تعرِف أول ما إبراهيم خش قلتة ليهو
أعمل ساتر و جهِّز دروعك
أنت في سودانيز أون لاين
و ليك يا حبيب نقول نفس الكلام
هِنا لو الواحد عمل فيها مسكين بجوك ناس بمفاهيم غريبة همها الأول و الأخير التقليل من شأن ما يهمك :
الدين - الوطن - القبيلة - و قد تصل للعائلة و الأنساب
لذلك تجدنا كما تابعت
عموماً أهو إنت جيت و حتشوف براك
مرحب بيك كتير
|
Post: #21
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-04-2009, 08:14 PM
Parent: #20
مشكور على الوصية لكن الناس ديل شكلهم طيبين وما ح يغلطو معاي
قصدي من الدخول الفضفضة مشاركة الهموم بالذات مع المغتربين الزينا وطبعاً انت جربت الغربة ومشاكلها التعليم مشاريع العودة و ... و
|
Post: #22
Title: Re: شنو الجفا ده يا ناس المنتدى؟
Author: ابراهيم الرشيد عبدالرحمن وراق
Date: 05-05-2009, 06:31 AM
Parent: #21
| Quote: الفضفضة مشاركة الهموم |
والله يا الشفيع ياهو سبب دخولنا وفى ناس بتتجاوب معاك وتشاركك فى الهموم والافكار
وانا غايتو بدخل توش فى اى بوست بلقاه يتناسب معاى وفى ناس بتتجاوب معاك وناس
ما بهببو ليك المهم انا بكتب وبافضفض والزارعها الله بتقوم فى الحجر....
بعدين يا اخوى الغربة دى ما كفاك منها تعال داوس معانا فى السودان ده شوية
يعنى نحن نصلح ليكم البلد دى برانا وتجو تلقوها على الجاهز كده ولا شنو ؟
|
Post: #23
Title: Re: شنو الجفا ده يا ناس المنتدى؟
Author: الزنجي
Date: 05-05-2009, 11:38 AM
Parent: #22
الحبيب الغالي الشفيع
مرحب بيك وحبابك الف
العتب على النظر ما شفنا البوست
لكن لمن قرينا الاسم جينا جري
نورت البورد وفى انتظار مساهماتك النيرة
|
Post: #24
Title: Re: شنو الجفا ده يا ناس المنتدى؟
Author: Mohammed Ibrahim Othman
Date: 05-05-2009, 11:57 AM
Parent: #23
شرفت المنتدى أخوي..
|
Post: #25
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-05-2009, 02:28 PM
Parent: #24
| Quote: يعنى نحن نصلح ليكم البلد دى برانا وتجو تلقوها على الجاهز كده ولا شنو ؟ |
إبراهومة ما أظن إنكم قاعدين تصلحوا فيها!!!
العريس بكري أخباره شنو؟ أكيد يكون لسع ما مصدق
وهشام فاق من الشاكوش ولا لسع؟
| Quote: لكن لمن قرينا الاسم جينا جري |
الزنجي مرحب بيك إنت منو في الناس؟ ملفك فاضي
محمد عثمان شكراً على المرور
|
Post: #26
Title: Re: شنو الجفا ده يا ناس المنتدى؟
Author: رغيم عثمان رغيم الحسن
Date: 05-05-2009, 03:39 PM
Parent: #25
تاريخ التسجيل: 22-04-2009
مرحبتين بيك يا دفعه
ههههههههههه
|
Post: #29
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-06-2009, 06:54 AM
Parent: #26
مشكورة على المرور رغيم
ان شاء الجماعة يكونوا رحبوا بيك وما طنشوك زي كده
انا اخدت الترحيب بالقلع
ابراهيم ما قلت لي في منو تاني والزنجي ده منو شكلو من امبده
|
Post: #27
Title: Re: شنو الجفا ده يا ناس المنتدى؟
Author: رغيم عثمان رغيم الحسن
Date: 05-05-2009, 03:48 PM
Parent: #17
| Quote: أول ما دخلت في واحد مرشح "نسيت اسمه" قال (Goodbye) قلت امكن كراعي حارة |
بالعكس والله كراعك بارده شديد بس عندى سؤال ليك يا باشمهندس
| Quote: في واحد مرشح "نسيت اسمه" قال (Goodbye) |
دى عملتها كيف الزول دا ما بدى اى زول فرصه ينساه
ههههههههههههههههههههه
|
Post: #28
Title: Re: شنو الجفا ده يا ناس المنتدى؟
Author: ابراهيم الرشيد عبدالرحمن وراق
Date: 05-06-2009, 06:53 AM
Parent: #27
تحياتى
العريس الان بالقاهرة مستمتع بشهر العسل , اما اخونا هشام الظاهر الشاكوش لخبط كيانه
وقال ماشى ملكال عندهم شغل تبع الشركة لكن اظنه فازى عديل .
لك الود
|
Post: #30
Title: Re: شنو الجفا ده يا ناس المنتدى؟
Author: ابراهيم الرشيد عبدالرحمن وراق
Date: 05-06-2009, 07:44 AM
Parent: #28
سلام الشفيع
الزنجى من الرابعة عدييييييييييييييل, انت ماعرفته ولا شنو؟
اسال معز بوريك
تحياتى
|
Post: #31
Title: Re: شنو الجفا ده يا ناس المنتدى؟
Author: الشيخ إبراهيم الشيخ
Date: 05-06-2009, 08:13 AM
Parent: #30
الشفيع وراق مرحب بيك ياخ وشنو دايرين تقلبوها لينا وراريق
ما سمعتو باخوان اخوان حرام.
الشفيع وراق وين الحي بيك ياخ زمن الحاصل شنو لا صوت ولا صورة
ابراهيم امرق من هنا كفاك انت الكهرباء ده ما قالو طوالي قاطعة
بتخش من وين انت كل دقيقية ناطي .
بعدين الزنجي ده محمد عبدالله ود جيرانا في الرابعة طبعاً انت لمن اغتربت
هو كان في الروضة يا عجوز.
تحياتي لك وللاسرة
|
Post: #32
Title: Re: شنو الجفا ده يا ناس المنتدى؟
Author: ابراهيم الرشيد عبدالرحمن وراق
Date: 05-06-2009, 08:24 AM
Parent: #31
ياشيخو ازيك
والله الكهرباء بقت شغالة تش لكن بقت مصيبتنا فى المويةو, غايتو الله المستعان
كيف اخبار ِش ع المعاكم ناس طمبل وسادات وعبده؟ بلغهم سلامنا وقول ليهم كمال نقالة
فاتيكم فت فى النادى بحكاية غسيل العدة, شوفو شغلكم معاه لمن يرجع.
تحياتى للاسرة الكريمة
|
Post: #33
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-06-2009, 08:45 AM
Parent: #32
شنو المفاجآت دي يا شيخو شويتين و نلقا خالد ع العاطي(البنشرجي) ناطي كمان
أظن آخر مرة اتقابلنا سنة 1988 وين حيك بالله وعايش وين ومسوي شنو مع الدنيا
|
Post: #35
Title: Re: شنو الجفا ده يا ناس المنتدى؟
Author: الشيخ إبراهيم الشيخ
Date: 05-06-2009, 09:34 AM
Parent: #33
الشفيع والله الشوف فات الحد
بعدين 88 ده انا اظن كنت في الابتدائي ياخ
سمعت بيك شهر 8 الفات انك جيت السودان
بس اظن رجعت قبل ما انا اصل البلد
وعم خالد لو عتر في البوست ده بدخل بس الايام ديل
السوق مسخن مع الحر ده اللساتك ماشيه معاه باسطة
الايام ديل ما سوق البنشرجية وكده.
تحياتي للجميع
|
Post: #34
Title: Re: شنو الجفا ده يا ناس المنتدى؟
Author: الشيخ إبراهيم الشيخ
Date: 05-06-2009, 09:28 AM
Parent: #32
ود الرشيد كيفك والعيال
والجاب الكهرباء يجيب ليكم الموية
(ش ع) كلها بخير وما عندهم عوجة بلا الغربة
بعدين كمال ده ما يعمل ليكم حركات ساكت
هو كان بسوي الحلة والشباب بغسلو العدة
قالو حلتو طاعمة كمان .
بالله سلام كيمان للجميع
|
Post: #36
Title: Re: شنو الجفا ده يا ناس المنتدى؟
Author: ابراهيم الرشيد عبدالرحمن وراق
Date: 05-06-2009, 09:50 AM
Parent: #34
| Quote: قالو حلتو طاعمة كمان |
والله ياشيخو امانة ماوقع راجل الليلة بلقاه فى النادى وابشتنو ليك بشتنة
باقى هو منجضنى والمشكلة كل ما يقول كلام امشى عليه يقوم جارى فللى ,
ياحبذا لو الشباب يرسلو لى صوره وهو رابط الجلابية ومنفزر وبيسوط فى الحلة
دى ح تبقى فى السلك
لك الود
|
Post: #37
Title: Re: شنو الجفا ده يا ناس المنتدى؟
Author: شمس الدين ساتى
Date: 05-06-2009, 09:55 AM
Parent: #36
الشفيع سلامات ومرحب بيك ولو إني برضو برلوم
علي كل حال إن شاء الله تكون مريخابي وما مشلخ
|
Post: #38
Title: Re: شنو الجفا ده يا ناس المنتدى؟
Author: الشفيع وراق عبد الرحمن
Date: 05-06-2009, 10:21 AM
Parent: #37
مشكور شمس
لا يا خوي
مشلخ وهلالابي
|
|