Post: #1
Title: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 06:51 AM
Parent: #0
إمرأة أنتي ..
إمرأة كنتي ..
وستكونين ..
تظلين ..
أجمل إمرأة ..
أشهى إمرأة ..
منحتني ظل حياة ..
ورواء ..
وغناء ..
وألق فتان ..
إمرأة ياااا الله ..
أخذتني منها عينان ..
شفتان ..
خدان ..
قمران ..
إمرأة ..
أضاءت كل دياجي القلب ..
مسحت كل الأحزان ..
غرست فيني فرحاً ..
مرحاً ..
وحياة ..
إمرأة قالت لي
أنت الأول ..
وأنت الآخر ..
وأنا بينهما ..
أنزح دوماً ..
بين فضاءات كانت ..
وبين فضاء يمتزج بعطر ..
الإلفة ..
الحب ..
العشق ..
وكل حروف التأنيث ..
كلوحة فنان فتان ..
مبدع ..
فدعني ..
أرحل فيك ..
وعبر مسامك أتوسد ..
منك الكف ..
القلب ..
وأنام أخيراً ..
فلقد أجهدني البحث ..
فخذني فيك ..
خذني فيك ..
خذني إليك ..
ودعني أتفيأ ظلك ..
أنضو عني وعثاء الهم ..
على صدرك ..
فلا تبخل ..
ـــــــــــــــــ
شدني ردك على عمل بعنوان (لسن للسرير)
|
Post: #2
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: Giwey
Date: 05-03-2009, 07:43 AM
Parent: #1
أشك أن عزاز كتبتها هكذا .. فهى مثقفة وحريفة كتابة
وتلك لغة (رسائل الموبايل)......
ولك التحية أخى مكاوى.....
|
Post: #3
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 10:41 AM
Parent: #2
عزاز لم تكتبها وليست صاحبتها
هذا العمل لي أنا شخصياً
كرد على تعليقها على بوست
لأحد الإخوة الأفاضل
ولأني أعرفها مثقفة خلوقة
يتمشى الحرف بين يديها
كفراش محتفلاً بالربيع
أردت أن أزيح عنها ما علق
وأما كنتي وأنتي فهذه عادتي
في الكتابة شعراً وليس جهلاً مني
بحروف لغة الضاد أو شيء من هذا
القبيل والأجدى تقرأ الموضوع
عامل زي مدرسين العربي أبان صلع
وكروش ديلك ..
خليك حلو عشان نحبك ؟؟
|
Post: #4
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: Giwey
Date: 05-03-2009, 11:06 AM
Parent: #3
مكاوى
تحياتى ...
ولا تزعل يا سيدى
كل ما فى الأمر إنى حبيتك (تعدلها)
عشان الكلمات (تبقى قدر) عزاز وحرفها
الباذخ ولغتها النديّة .... وبس
لك الود من قبل ومن بعد
عبد الرحمن قوى
|
Post: #5
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: صلاح أبودية
Date: 05-03-2009, 11:14 AM
Parent: #4
مكاوى !
لك التحية والود !
عملك جميل وصادق !
أكتب وأكتب ..
وطوّل بالك على كيمان البورد !
|
Post: #17
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:14 PM
Parent: #5
صلاح يا جميل
كلام حبايب وكلكم حبايب
وأثروا جميل في النفس
ما قصرت وما تقصر بيك الأيام
|
Post: #6
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: عزام حسن فرح
Date: 05-03-2009, 11:22 AM
Parent: #4
معتصِم مكاوي ...
Quote: إمرأة أنتي ..
إمرأة كنتي ..
وستكونين ..
تظلين ..
|
أحْمِد الله حمداً كثيراً ... فقد < تَوَغْوَشت > غاية < الوَغْوشه > لما
رأيتُك تُثبِت جِنسُها وتقِر بِأنها < إمرأة > وسبب < وغْوشتي > خَوفي
مِن كَونِك تُحيلُها إلى جِنسٍ آخر ... ولكِنني حمدت الله بعدما قررت أنت
أنها ستظل على جِنسُها وصِفتِها ...
Quote: إمرأة قالت لي
أنت الأول ..
وأنت الآخر ..
|
سجمك ... شوقك ...
دايِر تنوم كمان؟
أشكرك غاية الشُكر ...
|
Post: #7
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: Giwey
Date: 05-03-2009, 11:34 AM
Parent: #6
صلاح أبودية....
ياخى أنا ما عندى كوم..
أنا من (مساكين البورد) أو بالأحرى
(ناس قريعتى راحت) فى هذا المنبر ..
فما (تكومنى ساكت) حتى أسأل ....
مودتى
|
Post: #8
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: سلمى الشيخ سلامة
Date: 05-03-2009, 11:42 AM
Parent: #7
| Quote: فما (تكومنى ساكت) حتى أسأل .... |
يامعتصم ازيك ود امى
دايرة اقول لقوى
كوم يكوم فهو مكوم
ياخ اتكوم زاتو
ونحنا زاتنا ماعندنا كوم
اخر كوم كان "الكوم ذلك المجهول"
معتصم ود امى
نحنا ماكومك من لحمك ودمك
وابكى ياود امى ابكى البكا سمح
خاصة وانه بخليك تكتب
اتكوم واكتب
وعزاز بنية سمحة وفنجرية كتااااااابة تحمد ربها
شخصيا احب جدا طريقتها فى الكتابة
كوم الله قدرك يا معتصم
|
Post: #11
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: DKEEN
Date: 05-03-2009, 11:53 AM
Parent: #8
دي ريدة راسا قبل..
سكينتك ياعزام..
|
Post: #24
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:36 PM
Parent: #11
وااااااد يا دكين ؟؟
الفاقد الحنان مو أنا
أحمدالله أرادب أرادب
وعزاز عزيزة وأعز ولها كل الإعزاز
والمعزة وكتّابتها بتشرح القلب
حتى في مداخلاتها يديها العافية
وإنت كمان يا أبوالحنان كلو !!
|
Post: #23
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:30 PM
Parent: #8
سلمى
أمي
أختي
صديقتي
دفعتي
والله لولا صروف الدهر
ما تركت الحبل على القارب
للتنائي ليمعن في تنائينا
أنتي في كل الحتات الحلوة
في ردهات القلب
|
Post: #9
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: ismeil abbas
Date: 05-03-2009, 11:51 AM
Parent: #7
ألأخ/معتصم مكاوى..
السلام عليكم..
Quote: ولأني أعرفها مثقفة خلوقة
يتمشى الحرف بين يديها
كفراش محتفلاً بالربيع
أردت أن أزيح عنها ما علق
|
لك الشكر الجميل..فالأخت عزاز تستحق كل هذا ألأعزاز...
مودتى..............إسماعيل محمد احمد عباس...
|
Post: #26
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:41 PM
Parent: #9
سمعه .. سماعين .. يا ظريف
بلحيل عزاز أنا اخترتها كعنوان
للبوست ده إعزاز مني ليها
تستاهل الزولة الكتابتها بتخليني
أقراها مرات ومرات
يديك ويديها العافية
|
Post: #10
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: عزام حسن فرح
Date: 05-03-2009, 11:51 AM
Parent: #7
Giwey
صباح/مساء الخير ...
يا خوي الظاهِر إنت ما مُواكِب صلاح أبو دية قاصِد < بِالكيمان > البوست الفتحو الشاعِر
مُعتصِم مكاوي التِحِت ده
كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
وكان قُبال البوست الفوق فاتِح ليهو راس بِعمود أقصُد عمود بِراس
الحنكوشة والحناكيش والمحنكشين حنكشونا حنكشة !!!!؟؟؟ ..
وحقو تمُر على ده كمان يا حبيب ... فوقو دُرر وحاتك دُرر
الجهجه وقلة الفكر وقلة القيمة والتلطيش والتطفيش والفأس مين سرقو ؟؟
ودي إحدى مُعلقاتِهِ الفي رقبتو والبِيسألو منا الله يوم القِيامة
قصيدة جديدة من النوع البيدشدش ويكسر .. مين يفتح البوست ؟؟ ..
أنا ما حابِب أبداً يِفوتك العمود ده
اجترار لما حدث .. وتكرار لما سيحدث !!!
|
Post: #12
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: صلاح أبودية
Date: 05-03-2009, 12:00 PM
Parent: #10
Giwiy
لك التحية !
Quote: Giwey
صباح/مساء الخير ...
يا خوي الظاهِر إنت ما مُواكِب صلاح أبو دية قاصِد < بِالكيمان > البوست الفتحو الشاعِر
مُعتصِم مكاوي التِحِت ده
كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ |
شكرا عزام !
|
Post: #27
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:48 PM
Parent: #10
إستعداد ..
مشهد رقم .....
دشدشة .. تكسير ..
مع حنكشة ومنكشة ..
وعنكلة ..
توم وشمارات
تطفيش .. تلطيش .. قلة فكر وقلة قيمة
أستوب !!
براااافو
عزام ؟؟
ياهو ولا ما ياهو ؟؟
|
Post: #21
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:25 PM
Parent: #7
لأ
والله
ووحياتك
مكانك
القلب
|
Post: #18
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:21 PM
Parent: #6
عزام هوووووي
عزام أخوووووي هووووي
أقعد حكها لمان تجيب الدم كدي
وبعدين تقعد تتفرج عليا (عليا دي حلوة)مش ؟؟
بعدين دينا قالت ليكم
هو سؤال بطلوا المماحكه وجاوبوا عليه
أنا بره هي اللي قالت
ومني أنا دعونا نكتب في صمت
|
Post: #16
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:10 PM
Parent: #4
يا راجل أزعل كيف
إنت الحبيب وإنت الألذ
أوعى أكون هبشتك في الوتر الحساس
ويي بليدنا وكلنا أخواااان
يا حبيب
|
Post: #13
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: Elawad Eltayeb
Date: 05-03-2009, 12:03 PM
Parent: #3
عزاز تستحق التقدير والاحتفاء الحار، فهي مبدعة بحق في كل ما تكتب.
من النادر أن نجد هذا التوازن البديع والزكي والعميق في الشخصية
فهي كالنجمة أينما تحركت إنقشع الظلام وهي كالنسمة أينما طلت حلت الطمأنينة والسلام
ثم إن هي دخلت في أي بوست
تقاطر المبدعون كسرب الحمام
فيحلو لنا يا صديقي المقام
|
Post: #14
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: دينا خالد
Date: 05-03-2009, 02:32 PM
Parent: #13
Quote: معتصم مكاوى
تاريخ التسجيل: 22-04-2009
مجموع المشاركات: 117 |
المتداخلين الافاضل ؟؟؟
نفسى اعرف انتو بتردو على شنو ؟؟
قالوا ليكم دا شعر ،،، شعععععععععر ...
اها كمان دايرين تتدخلو فى الشعر ؟
| Quote: وفروق ما بين النثر وما بين الشعر أيهما أقرب !! (شعر) .. |
لو انتو فالحين جاوبوا
وبطلوا المماحكة ....
ــــــــ
مكاوى ولا يهمك الناس ديل ما تبعك جابهم العنوان ...
واصــــــــل ..
|
Post: #15
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:07 PM
Parent: #14
عفيت منك يا دينا اختي
صحي الجماعة ديل هجموا
من الوينق اليمين
واللعب كلو في الوينق الشمال
والسؤال مازال قائماً
فرد واحد فيهم ما جاوب عليه
ياربي ده من شنو؟؟
|
Post: #19
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: عزام حسن فرح
Date: 05-03-2009, 05:25 PM
Parent: #15
معتصِم مكاوي ...
والله أنا بدأت أحِبك ... بس برضو حقو تفكِر
تكتُب مُذكِراتك ... فكر في الحِكاية دي ...
الشِعِر ده بِعطِل حاجاتك الجُوه وكِده ...
|
Post: #29
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:57 PM
Parent: #19
عزاااااام ..
كر ..
كر ..
كر ..
عليك ..
وعليا ..
أنا بقيت لي عند المذكرات ..
قالوا ليك صباح أنا ..
ولا صباح ..
|
Post: #20
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم الطاهر
Date: 05-03-2009, 05:25 PM
Parent: #15
أقيف فى آخر الصف ..
|
Post: #22
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: عزام حسن فرح
Date: 05-03-2009, 05:29 PM
Parent: #20
دكين ...
عليك الله رجِعا لي ... والله ديواني شاعر إنو خِفَيِف بلاها ... بتين بِترجِعا؟
|
Post: #32
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 06:12 PM
Parent: #22
ولا يهمك يا عزام ..
أكان ما أداك ليها ..
سكينتي جاهزة ..
بس تكون قدرها ؟؟..
|
Post: #25
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: Ishraga Mustafa
Date: 05-03-2009, 05:37 PM
Parent: #20
| Quote: شدني ردك على عمل بعنوان (لسن للسرير) |
وهنا الرد الذى يدلّ على رجاحة عقل عزاز وجمال روحها..
Quote: أرجوُ السماحَ...
إذا جلستُ على الأريكة مُحبطاً.
ومُشتتاً...
ومُبعثراً...
أرجُو سماحكِ...
إن نسيتُ بلاغتي...
لم يبقَ من لُغَةِ الهوى إلا القليلُ!!
نزار قبّاني – تَعِبَ الكلامُ من الكلامِ...
____________
الاخ د. اسامة الخوّاض،
سلامات ...
أعيب على نفسي عدم اطلاعي على ما كتبت سابقالأتبين ما خفي علي و جئت اسأل عنه
و استوقفتني مشاركتك اعلاه، و ارى ممن سبقوني انهم يعدونها شعرا، إن احسنت الظن في النص،
سأعده شعر نثراو قصيدة بيضاء كما يسميها الرومان ...
و ما بين (لسن) و (فقط) لم أجد ما هن له غير السرير الذي ابتدرت بنفيه بـ لسن ، ولا جديد فيه ...
وجدت امراة مصورة كما تصورها اكثر المجتمعات تحفظا، من كونها مزّة النبيذ، و حضن وثير،
وقمرا يضيء بمقدار ما تعكس انت (الرجل) من نور ورضا ، و ميزتها كونك وصلت الذروة معها،
أو أعدت لك ما يسد جوعك ، و الأمّر من ذلك، صورت المألوف بلغة بسيطة
بدت كأنها هي فعلا كل ما تستحقه المراة "المعشوقة" من رصيدك اللغوي ...
ان سلمنا بأنها قصيدة نثر او سردية، فلم اللغة البسيطة و قصيدة النثر تشّرع لك أبواب الوصف بحرية
لا تعيقك بقافية او بحر أو محسنات بديعية؟
و أجدني الآن أقرب و أقرب لنزار فيما قاله في المرأة، يعده البعض ماجنا،
و أراه حررها و أعطاها الخيار أن تكون، بلا صفة "زوجة" ليبرر عشقه
حرر نفسه بأن يكون عاشقا كما ما يريد في حضورها
و ما الشعر هو "أن نكون" عبر تصاوير و معان تتوالد في النص،
وتملأ بنسلها الروح ...
و أرجو ألا يضيق صدرك برأي ...
و أرجو تعود زوجك بالسلامة و تحف بكم السعادة ...
و أهديك مقطع من قصيدة (لو) لنزار قبّاني ...
لو أنكِ كنتِ رفيقةَ دربي...
لفجرَّتُ من شفتيكِ الشُموسَ...
وأخرجتُ من بين نهديكِ...
ألفَ قَمرْ! |
لسن هن للسرير فقط
ورد عزاز فى البوست المشار اليه اعلاه يحرك اى كوامن فى الروح
وكون ردة الفعل كانت كتابة ايا كان شكلها فهذا مايدعو للتفكر والتأمل فيما قالته عزاز
وفيما تكتبه والغوس فى جمالياته...
بصراحة ازعجنى تناول الموضوع بشكل {تنافسى}...
عزاز ملك روحها بت ام روحها
ونحبها لانها تنحب وبتمنحنا بعض من ضىء عقلها ورجاحة رؤيتها ووسامة روحها , الشىء الذى يجعل هذا المكان
جميلا ومحتملا حين قبح...
اكتب يامعتصم وعبر عن مكنونات روحك ما اثارته فيك رجاحة عقل عزاز
هذا مع احترامى للجميع
ومحبتى لعزاز
|
Post: #31
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 06:09 PM
Parent: #25
دكتورة .. ودكتورة .. وكمان دكتورة ..
وحقانية ..
وذات باع طويل في سبر الأغوار ..
وتعرفي مكامن الضرب الجميل
عزاز ..
وأنتي ..
كليكما الأعز ..
يديكي ويديها العافية ..
عزيزات على النفس والقلب ..
وإخوات فارهات فاردات قلوع العزة
|
Post: #30
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 06:01 PM
Parent: #20
وااااقفين ..في ضنبو ..
وكمان زنهاااار ..
يا أومباشي ..
تمام يا فندم ..
|
Post: #28
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-03-2009, 05:53 PM
Parent: #13
العوض يا نقاش ..
نقشتها والله
عزاز مبدعة .. فنانه ..
يدوها حقها بلحيل ..
وينقشنا الله في حبه ..
|
Post: #33
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: عزام حسن فرح
Date: 05-03-2009, 06:23 PM
Parent: #28
معتصم مكاوي ...
Quote: ولا يهمك يا عزام ..
أكان ما أداك ليها ..
سكينتي جاهزة ..
بس تكون قدرها ؟؟.. |
يا زول ما تِتشالق ... مُداخلتي مُعنَونه بِإسم < دكين >
ودكين جاني وشال مِني < سِكين ضُراع > + < سوط عنج > علشان
مسرحِية < عُرس الزين > المُخرِجا الأُستاذ محمد السُني دفع الله
ونُص بورداب الدَوحة حاضرين الحِكاية دي ...
أها تاني ما تِتشالق ساي ... المُداخلات المُعنَونه بِإسم زول
مُعَين ما تتشبر فوقا ...
والله جِنِس مِحن ...
|
Post: #34
Title: Re: عزاز شامي .. وفروق ما بين النثر وما بين الشعر أيهما أقرب !! (شعر) ..
Author: معتصم مكاوي
Date: 05-04-2009, 04:33 AM
Parent: #33
وهو الزمن ده يا عزام يا خويا
أكان الزول ما اتشالق وعينه بقت فدر ده (.......)
ماهي دي الشمارات الأمها بت عم أبوها
تحسبوا لعب ..
|
|