Post: #1
Title: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 03:50 PM
الدكتور سليمان الرفاعي اخ وزميل مهنة
تخرج من جامعة الخرطوم 94م كلية العلوم البيطرية /شمبات.
|
Post: #2
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: كمال علي الزين
Date: 05-01-2009, 03:55 PM
Parent: #1
(*)
عاوزين تعهد بأنو ما (كوز) ..
):
|
Post: #3
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 04:12 PM
Parent: #2
كمال
تحياتي؛؛؛
Quote: عاوزين تعهد بأنو ما (كوز) ..
|
والله ماكوز أقرب للجماعة ديلاك.
والله لو ربنا جابو البورد هنا ح تتفاجا.
|
Post: #4
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 04:18 PM
Parent: #3
غايتو يابكري ح ادفّق ليك الباندويث ده
لمن يقول الرووب ؛
عثمان الريح براهو البشتت قصب البتاع ده.
|
Post: #5
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 04:22 PM
Parent: #4
سليمان الرفاعي معروف لدينا
معلوم مكان سكنه في جدة
ومعلوم سكن اهله في السودان
وكل بياطرة جدة بيعرفوه من سنة 96 م
يعني اي استدعاءات جاهزين ياحبة.
_________
الله لا كسبك يامحمد ناصر ؛
هسع في داعي لنقتنا دي كلها ؟
|
Post: #6
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: كمال علي الزين
Date: 05-01-2009, 04:29 PM
Parent: #4
(*)
طالما ماكوز ..
مرحب بيهو ..
|
Post: #7
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-01-2009, 04:40 PM
Parent: #6
سلام يا ناس
سليمان الرفاعي البطري!- البطري دي مصطلح يعرفه فقط الزراعيون و البياطرة ملان بالمناكفة و الود.
من انقى و اجمل (عقلا) من عرفت
رجل جميل يحب الجمال.
صديق عزيز و لديه ما ينفع به الناس.
ارجو ان يكون بيننا.
|
Post: #8
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ASHRAF MUSTAFA
Date: 05-01-2009, 04:47 PM
Parent: #7
ولدنا بشير احمد
اشواقنا لامن مدفقة بيغادي
كل ما تاتي به جميل
نثني
|
Post: #11
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 05:08 PM
Parent: #8
اخونا وابونا /اشرف مصطفي
تحياتي؛؛؛
Quote: ولدنا بشير احمد
اشواقنا لامن مدفقة بيغادي
كل ما تاتي به جميل
نثني |
تشكر علي التثنية
وشكرا علي ثقتك الغالية.
|
Post: #9
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 04:56 PM
Parent: #7
الاخ/بدر الدين احمد
تحياتي؛؛؛
Quote: صديق عزيز و لديه ما ينفع به الناس.
ارجو ان يكون بيننا. |
والنِعم فيه .
اهو اخونا بدر الدين طلع بيعرفو يابكري
يلا اتلحلح معانا شوية عشان ما ندفق البتاع.
ايميل الدكتور :
alrufai9(at)hotmail.com
|
Post: #10
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-01-2009, 05:08 PM
Parent: #9
أحي الدكتورين بشير وسليمان الرفاعي....
سليمان الرفاعي رجل يتمتع بنقاء صوفي
ورجل يمتلك قدرة جيدة للحوار الراقي
والانيق ....وهو بلا اي مبالغة رجل سمح
اذا باع (رغم انه لا يبيع شي) وسمح اذا تكلم
يجبرك علي السماع وبشغف.....وعليه لا ادعم
دخوله للمنبر فحسب وانما سأكون في عجالة
لاري اثر انامله ...وعصارة فكره الوضاح...
فارجو ياباشمهندس ان تشرف به منبرك ومنبرنا...
ولكم ودي...
علي فكرة سليمان له من الملكات والمعرفة
الشاملة بمشروع الجزيرة وسيضيف للكيك مصدر
جديد عن مشروع الجزيرة .....
|
Post: #13
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 07:24 PM
Parent: #10
الاخ/ابراهيم النعمة
تحياتي؛؛؛
Quote: أحي الدكتورين بشير وسليمان الرفاعي....
سليمان الرفاعي رجل يتمتع بنقاء صوفي
ورجل يمتلك قدرة جيدة للحوار الراقي
والانيق ....وهو بلا اي مبالغة رجل سمح
اذا باع (رغم انه لا يبيع شي) وسمح اذا تكلم
يجبرك علي السماع وبشغف.....وعليه لا ادعم
دخوله للمنبر فحسب وانما سأكون في عجالة
لاري اثر انامله ...وعصارة فكره الوضاح...
فارجو ياباشمهندس ان تشرف به منبرك ومنبرنا...
ولكم ودي...
علي فكرة سليمان له من الملكات والمعرفة
الشاملة بمشروع الجزيرة وسيضيف للكيك مصدر
جديد عن مشروع الجزيرة ..... |
شكرا علي كلماتك الرقيقة في حق الدكتور سليمان .
_________
ياهندسة للتاكد من سلامة الطلب
تلفون د/سليمان الرفاعي 00966506619624 جدة
بدون مفتاح (0506619624)
|
Post: #12
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-01-2009, 06:21 PM
Parent: #6
ودالزين
حبابكـ تاني
Quote: طالما ماكوز ..
مرحب بيهو .. |
كتّر خيركـ ماقصّرت؛
اها ماك داير خلو طرف من الخدمة الالزامية؟
|
Post: #14
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: شوقي مهدي مصطفي
Date: 05-01-2009, 07:27 PM
Parent: #12
| Quote: اها ماك داير خلو طرف من الخدمة الالزامية؟ |
ما عرفناه
لكن كامل التضامن مع الدكتور لحين الباسويرد
محبتي
|
Post: #15
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: هاشم الحسن
Date: 05-01-2009, 10:28 PM
Parent: #14
أولاً، لكن التوليرانس ما عندك يا بشير... توليرانس بياطرة بس!
ثانياً، أثني على سليمان في المفيدين،
كنت أتوقعه هنا منذ أمد و استغرب غيابه المتعمد المديد.
ثالثاً، مع بشير و بقية الإخوة، أتضامن المذكور أعلاه عند السيد بكري
و عند الناس...
قال قائلهم الكريم:طيب، بالبلدي كدا... يا هو دا...
زولن ما هوين و الله، بيد إنه عريبي جزيرة من (الرِبع)...
أصفر
طويل
شديد الهدوء
كان نحيفاً و ربما لا يزال
و كان شعره أسوداً فاحماً فلربما الآن قد وخطته خيوط شيب (مبكر)
و كان طبعه هادئاً و خلقه رزيناً فيرجح أن يكون ذلك كما كان
و ما كان بسف السعوط رغم أن الحُقة تجوز في حق من يكون كمثله
و كان و حتى حينه "شمباتي" من ذوي الحنين بعبق الأمونات و الزنجبيل.
و ما كوز يا كمال.
و لا كان لينبغي له و لا هو في الغاوين...
و شكراً على تلفون الرفاعي يا بشير
لو ما اتصل عليه بكري للاطمئنان و ما يحتاج، نحفظه نحن ليوم تتسهل علينا...
و مبدئياً كدا، مرحباً بك في المنبر يا سليمان يا رفاعي
و لو إنك تأخرت حبتين!
|
Post: #16
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Abubakr Osman
Date: 05-02-2009, 04:36 AM
Parent: #15
سليمان تربال ود ترابلة
وما هو زولن هوين
عربى جزيرة اخو اخوان
من معالم جدة منذ منتصف التسعينات
ما فيهو كلام ولا فيهو لا شق لا طق
اثنى وابصم بالعشرة واضمنوا ليكم اكثر من نفسى
يلا يا بكرى عجليهو بالباسويرد
|
Post: #17
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: علاء الدين صلاح محمد
Date: 05-02-2009, 05:25 AM
Parent: #16
سليمان الرفاعي البطري معروف لدينا
ارجو ان يكون بيننا.
|
Post: #18
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: محمد الشيخ أرباب
Date: 05-02-2009, 06:24 AM
Parent: #17
بعد كل هذه الشهادات والتعهدات
نثني ونثني
|
Post: #29
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-04-2009, 08:20 PM
Parent: #18
الاخ/محمد الشيخ ارباب
تحياتي؛؛؛
Quote: بعد كل هذه الشهادات والتعهدات
نثني ونثني |
تشكر ياحبيب.
|
Post: #23
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-03-2009, 06:39 AM
Parent: #17
الاخ/علاء الدين صلاح
شكرن علي التثنية والتضامن.
|
Post: #22
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-02-2009, 03:39 PM
Parent: #16
الاخ/ابوبكر عثمان
تحياتي؛؛؛
| Quote: اثنى وابصم بالعشرة واضمنوا ليكم اكثر من نفسى |
الحمدلله ليقينا ضامن
عفيت منكـ يا الكلس.
يلا يابكري رفقا بالـ bits
|
Post: #20
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-02-2009, 10:22 AM
Parent: #15
الاخ/هاشم الحسن
تحياتي؛؛؛
Quote: أولاً، لكن التوليرانس ما عندك يا بشير... توليرانس بياطرة بس!
ثانياً، أثني على سليمان في المفيدين،
|
الشمباتة رُجال الجامعة
تحت شعار (عالم خالي من انفلونزا الجراجير ).
Quote: طيب، بالبلدي كدا... يا هو دا...
زولن ما هوين و الله، بيد إنه عريبي جزيرة من (الرِبع)...
أصفر
طويل
شديد الهدوء
كان نحيفاً و ربما لا يزال
و كان شعره أسوداً فاحماً فلربما الآن قد وخطته خيوط شيب (مبكر)
و كان طبعه هادئاً و خلقه رزيناً فيرجح أن يكون ذلك كما كان
و ما كان بسف السعوط رغم أن الحُقة تجوز في حق من يكون كمثله
و كان و حتى حينه "شمباتي" من ذوي الحنين بعبق الأمونات و الزنجبيل.
و ما كوز يا كمال.
و لا كان لينبغي له و لا هو في الغاوين...
|
هييييع ابشر بالخير ياود العوامرة.
كتّر خيرك ؛يوم شكركـ مايجي ان شاء الله.
|
Post: #37
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: على تاج الدين على
Date: 05-07-2009, 06:48 PM
Parent: #15
Quote: زولن ما هوين و الله، بيد إنه عريبي جزيرة من (الرِبع)...
أصفر
|
سلام يادكتور...بشير.... الراجل شكلو طلع نسيبنا من(الربع) الف مرحب
واهلا وسهلا...بدكتور...سليمان الرفاعى.
|
Post: #19
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-02-2009, 07:35 AM
Parent: #14
اخونا الصحفي/شوقي مهدي
تحياتي؛؛؛
شكرن علي تضامنك.
|
Post: #21
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أيوب خليل
Date: 05-02-2009, 12:07 PM
Parent: #19
زميلي دراستي وصديقي بكلية الزراعة شمبات الدكتور سليمان الرفاعي
نُثني ونبصم بالعشرة لإنضمامه بالمنبر ،
الدكتور سليمان الرفاعي زوج المرحومه والمغفور لها بإذن الله تعالى ناهد عز الدين التي وافتها المنية وتم
نعيها في هذا المنبر بتاريخ الأربعاء 28/03/2007م في تمام الساعة الثانية والنصف ظهراً بتوقيت السعودية ،،
صديقي وعزيزي الدكتور سليمان الرفاعي :
تحياتي للإبن أحمد سليمان الرفاعي والشيخ الرفاعي والمنبر مُحتاج لأمثالك يا حبيب ،، وشكراً دكتور بشير
وسليمان الرفاعي يستحق العضوية حقيقةً.
|
Post: #24
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أيوب خليل
Date: 05-03-2009, 07:52 AM
Parent: #21
لم يكن الزميل سليمان الرفاعي على مدى ستة سنوات زميل دراسة فقط بل كان أخاً، وصديقاً ورفيق درب ممتد على مسافة زمنية تلونت فيها الأحداث والصور وهو في تفاعل مستمر في سبيل أن يكون على قدر المسؤولية التي أُنيطت به عن قناعة ممن أوكل إليه المهام لأنه وجد فيه الكفؤ الذي يعي المسؤولية ويقدرها، فكان مثال المثابر على العمل بحب وشغف وتفان جعل منه دائرة عمل مكتملة التلاحم من ناحية الجودة والاتقان في تناول الأحداث وتكامل الممارسة في سبيل عمل تام يوجب الاحترام والإشادة من المعني والآخذ، وذلك لأنه كان يراعي الأمانة في العمل تلك الأمانة التي ولدت معه، فكان الصادق الذي لا يعرف الزيف والمغالطة أو التدليس، بل كان اطار عمله وتعامله هو الصدق والوفاء، حيث كان المحب الوفي بين زملائة وزميلاتهفي الجامعة في تلك الفترة التي قضيناها سوياً ، إذ تجد في حديثه كما في تعامله، الحب، والوفاء، فهو محب للوفاء والصدق لأنه وفيَّ بمعنى الكلمة، وفي صلاته مع الناس ومحب لهم، فبادلوه جميع الزملاء والزميلات الحب والوفاء حتى الذين حاولوا أن يختلفوا معه لم يبادلهم كما تصوروا إلا بالحب والتقبل بروح سمحة ما كان منهم، فما كان منهم إلا أن تراجعوا واعتذروا منه لأنه أهل للاحترام حيث يقسر من أراد به السوء أن يعدل ويرجع، لأنه لم يجد إلا رجلاً بعيداً عن المشاحنات والملاسنات والتحدث عن الآخرين ومسائل الآخرين إلا بما ينفع ويساعد ويساند، لقد تعرض لمواقف مختلفة ولكنه هو.. هوالرجل الوفي الصادق.
لهذا كان محبوباً من الجميع لأنه أحب الجميع فأحبوه، فهو صديق الجميع ومحب الجميع، والمحبوب من الجميع وكل هذا يأتى من جراء حسن تعامله مع الناس والذين كان يرى نفسه فيهم على مبدأ أحب للآخر ما تحب أن يعاملك به، فهو يعي ويدرك بحسه الإنساني الصادق أن الإنسان مهما كان من القساوة والعنف يلين عند العمل الطيب فكان تعامله الطيب والنقاء والصفاء والصراحة، وحب الخير للناس، لقد كان في حيرة شديدة وكان يتألم حسرة على زملاء فقدهم وفقدناهم جميعاً حتى هذه اللحظة ولا ندري أين هم الآن ؟
وما قيل عنه يا أعزائي هو جزء من أجزاء يعرفها كل من عايشها.
رجل صديق صدوق صادق الوعد منصف ، على قول الشاعر:
سلام على الدنيا إذا لم يكن بها
صديق صدوق صادق الوعد منصفا
سيكون لكتاباتك هنا أخي سليمان الرفاعي صدى أوسع لكي نتعلم منك دماثه الاخلاق
نحتاجك هنا لتتواصل مع أصدقائك يا سليمان الرفاعي
نحتاج لأخلاق مثل أخلاقك في هذا المنبر
نحتاج إلى من يملك الكتابه الراقية مثلك صديقي سليمان والتي تصل الى القلب بأسلوب جميل وشيق .....
قمة في الاخلاق والاحترام ، ...
والنعم بك والله ، ومن يمتلك مثل اخلاقك لابد ان يعامل برقي ،
وشهادتك غالية ودليل على معدنك الطيب ياطيب ، ...
|
Post: #25
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-03-2009, 08:40 AM
Parent: #21
صديقي العزيز/ايوب خليل
تحياتي؛؛؛
Quote: نُثني ونبصم بالعشرة لإنضمامه بالمنبر ،
|
دوما اعرفك كذلكـ
تشكر ياحبيب
تحياتك وصلت للدكتور ؛
وبيشكرك وكل الاخوان الذين دعموه.
|
Post: #26
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-03-2009, 02:46 PM
Parent: #25
**
|
Post: #27
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-04-2009, 08:11 AM
Parent: #26
فوق من اجل باسويرد للدكتور سليمان الرفاعي
|
Post: #28
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أيوب خليل
Date: 05-04-2009, 01:00 PM
Parent: #27
فوق لأبو أحمد
|
Post: #30
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أيوب خليل
Date: 05-05-2009, 06:23 AM
Parent: #28
(*)
|
Post: #31
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: حيدر حسن ميرغني
Date: 05-05-2009, 06:28 AM
Parent: #30
يا دكتور
أمس بالمساء عملت تزكية لعضوية ود الرفاعي
راحت وين؟
ودي تزكية جديدة
|
Post: #32
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: الرفاعي عبدالعاطي حجر
Date: 05-05-2009, 07:27 AM
Parent: #31
اثني سليمان الرفاعي
بالدخول الى المتبر
ولا اعتقد انه يحتاج
مصل مضاد لخلوه من مرض
الكوزنة او الاصابة به
من قبل وليكن دعمنا هو
بمثابة الشهادة المفقودة
هنا سليمان معروف لدينا
جدا يا هندسة .
ليتك بشير تنزل رقم الايميل
العنوان البريدي وليراسل سليمان
بكري ليلا وشكرا يابشير احمد يازول
يازين.
..............................حجر.
|
Post: #33
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: قيقراوي
Date: 05-05-2009, 12:25 PM
Parent: #32
مكسب الف
د. سليمان الرفاعي اضافة لأي فضاء يحل فيه
|
Post: #35
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-06-2009, 04:57 PM
Parent: #32
تشكر اخي الرفاعي عبد العاطي حجر.
ـــــــــــــ
ياهندسة ايميل الدكتور سليمان الرفاعي
[email protected]
|
Post: #34
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-06-2009, 07:44 AM
Parent: #31
الاخ/حيدر حسن ميرغني
تحياتي؛؛؛
Quote: أمس بالمساء عملت تزكية لعضوية ود الرفاعي
راحت وين؟
|
يمكن شالها الحرامي
تشكر علي التزكية مرتين.
|
Post: #36
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-07-2009, 06:33 PM
Parent: #34
سوف لن نمل رفع البوست
من اجل عضوية سليمان الرفاعي ....
لننهل من آراه النيرة .....
ارشح اول مواضيع الرفاعي مشروع الجزيرة
فشكراً باشمهندس بكري .....
|
Post: #38
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-07-2009, 07:19 PM
Parent: #36
ابراهيم النعمة
سلام
| Quote: ارشح اول مواضيع الرفاعي مشروع الجزيرة |
كمان شن عرف البياطرة بمشروع الجزيرة، كدي اليجي يفتي!
كفاية قلعوا مننا الانتاج الحيواني!
والله ياهو!
يا بكرييييييي سليمان دا زول حبوب و مهم وجوده، عايزين سليمان
عايزين سليمان!!!
|
Post: #39
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-08-2009, 00:57 AM
Parent: #38
بدرالدين سلامي:
عارف يابدرالدين دكتور سليمان يحب الجزيرة اكثر من اي شي
ودائم الحديث عن الجزيرة ومشروع الجزيرة ويتحسر اسي والم
عندما يأتي من اجازته ويحدثك عن الخراب الذي حاق بالمشروع،لذلك
تجدني ارشحه ليلحق بالكيك ووووووووو
ودي طبعاً بهدف رفع البوست
|
Post: #40
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: خالد العبيد
Date: 05-08-2009, 01:06 AM
Parent: #39
سلام يا بشير
وتحياتي
جيت اثني لكن خايف يلبسوه فنلتي الحمرا دي
الزول ده انا لا بعرفو لا شفتو
عجبني اسمو فيه موسيقى وكده
|
Post: #41
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-08-2009, 01:36 AM
Parent: #40
ابراهيم النعمة
سلام ياخ
عارف، و انا كمان
طبعا سليمان من الناس البشيلوا حمل اهلهم و بهتم بهم و الا ما كان الرفاعي بتاعنا!
دايرين سليمان!
|
Post: #42
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-08-2009, 01:41 AM
Parent: #41
خالد العبيد
سلامات
عساك بخير يا زول؟
يا خالد، الاسم بي نورته مش كدة؟
سليمان ود ناس و محترم و اخو اخوات- عمايل المصريين
و عربي جزيرة-دي عشان تكف العين
|
Post: #43
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-09-2009, 07:36 AM
Parent: #40
الاخ/خالد العبيد
تحياتي؛؛؛
Quote: جيت اثني لكن خايف يلبسوه فنلتي الحمرا دي
الزول ده انا لا بعرفو لا شفتو
عجبني اسمو فيه موسيقى وكده |
انت عارف ياخالد الزول ده لو جا هنا
ياقلع فنيلتكـ الحمراء العاجباكـ دي
يا انا اديتو جلابتي ؛والحشاش يملا شبكتو.
تشكر علي التثنية يا أمير.
|
Post: #44
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-09-2009, 03:01 PM
Parent: #43
Quote: ياقلع فنيلتكـ الحمراء العاجباكـ دي
يا انا اديتو جلابتي ؛والحشاش يملا شبكتو.
|
شيخنا بشير سلام
سليمان زول حقاني لو داير فنلة حمراء ولا جلابيةبيضة مكوية
المهم خليه أصل ونشوف...........
|
Post: #45
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: هاشم الحسن
Date: 05-10-2009, 00:17 AM
Parent: #44
و أين الرفاعي؟
معقولة بكري ما صدّق بالباسوورد لسع؟
يا سليمان، رسل ليه ميل ياخ و معاه لينك البوست دا...
|
Post: #46
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أكرم فاروق
Date: 05-10-2009, 00:57 AM
Parent: #45
سليمان الرفاعى .. مطلوب وجودك بشدة .. فأنا(وهذى أول مداخلاتى..عربون حب شمباتى خاص) أحتاج الى رفيق ..لك التحية ياصديق .. وفى انتظار حضورك (الباهى أبداًً) ..
وتحية(شمباتية) وسلامات كثيرة للصديق بدرالدين موسى
أكرم فاروق
|
Post: #47
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: SAIF MUstafa
Date: 05-10-2009, 01:39 AM
Parent: #45
بدر الدين
علاء الدين
هاشم
أصحابنا فى الزمن السمح..
وباقى الشمباتة ومحبى العريبى سليمان
تحياتى
حقيقة ما قصرتوا تب فى حقو... ماخليتو لينا أضافة ...لكين قلت بس مايفوتنى شرف انو أضم صوتى للمنادين بوجود الدكتور سليمان بيننا..
ويا العربى كلمة دكتور دى ما واقعة لى.. لكين تقول شنو.. على قول الزراعى الساخر ... هى كلمة نحن ما بتكلفنا حاجة وبترييحكم...
أنا غايتو لو بكرى ما جابك سريع سا دعو إلى أضراب كل الشمباتة وأصحابهم عن الكتابة...
يلا يابكرى عليك شيخى تجيب لينا العربى... ولا أنا بديه باسووردى وأبقى ليكم سيف البطرى ..أنا لاقى؟؟؟
تسلموا
سيف
|
Post: #48
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: SAIF MUstafa
Date: 05-10-2009, 01:51 AM
Parent: #47
أكرم
أزيك
أنتا يا زول جيت ناطى من وين؟؟؟ا
أعمينى ويطرشنى ما قايلك هنا ؟؟؟
بعدين ياخى نحن ما معاك تقول داير رفقة؟؟؟...
بالمناسبة رفقة دا... اسم الألبوم السمح بتاع نانسى...
تسلم وأنشاء الله العربى يضوى ليك ويغنى ليك زاتو... ونحن لينا الله وحياة الغيتو...
سيف
|
Post: #49
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-10-2009, 03:51 AM
Parent: #48
اكرم فاروق
سلام، تحايا و بركة الشوفة
والله الف مليون مرحب بيك اونلاين
اها بس شد حيلك ما تبقى زي تبيدي و امير فاروق الشالو الباسوردات و ناموا في الخط
بيني و بينك قعدت احسب لقيت البياطرة كتار لمن شلت هم-وش ضاحك بانبساطة، قبل يومين كنت معبيها للسما مع
طلعت الطيب لكنه واضح انه ما قدر يجمع و يتذكرني.
لكن اتذكرت في انعام، و سيف الزراعي الذي باعنا للمحاماة، وفي احمد الياس و في بريمة.
انت عارف انا ما عندي شعبية لو ما كدة و الله كنت فتحت بوست ضخم للترحيب بيك.
ياخ ان شاء الله نشوف الرفاعي قريب معانا.
|
Post: #50
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: هاشم الحسن
Date: 05-10-2009, 06:23 AM
Parent: #49
يا مرحبابك يا أكرم فاروق،
تستاهل بوست ترحيب و الله لولا إن جمهوري أندر من مساهمة لبن عصافير الجنة في إرواء عطش جماهير بدر الدين التي شكا من ندرتهم.
ياخي إنشاء الله تتسهل عليك القعدة برفقة سيف و سليمان!ّ
| Quote: قبل يومين كنت معبيها للسما مع طلعت الطيب لكنه واضح انه ما قدر يجمع و يتذكرني. |
بالله عليك يا بدر الدين هو الأستاذ طلعت الطيب أصلاً بطري شمباتي؟
....
ما قلتا لي لكن!
....
يعني الدكاترة مقلبونا
بشير طلع بشيري
و طلعت طلع حقاني
و الرفاعي قرّب يطلع
خاتف لون فلنة ود العبيد!؟
أما كان إذن أجدى للبياطرة أن يجتمعوا على قلب جهة واحدة
ثم يعملوا إنقلاب؟
....
يا زوووول!!!!!
....
و تييييب، لكن بالطريقة دي معناتو حنقوم نسحب نص تحفظنا على حتّة "الريكونستركشن" و نجيِّر زي ربع كدا من حفاوتنا لصالح ذكرى العزيز الغالي هربرت ماركوز، و نوظف كل تضامننا مع الرفاعي، و نتحّفظ على الباقي من كسور مشاعرنا لحين ميسرة أو لبرهة مسرّة.
***
يا حبيبنا سيف إزيّك،
وليمتكم عمرانة تب،
و مشكور على بطاقات الدعوة الأنيقة
إلا بس، شن نسو في النفيسة؟
مسدودة!
وإنتا واحشنا "بالأوي" والله!
***
يا بكري ياخ ما تبالغ،
وين الرفاعي وين؟
شو يعني بتريد حضرتك؟
ضمانات واجد في،
اتصالات مضمون في،
أمان زيادة هبطرش في،
نحنا حاضرين تأمينات في،
كلشي زيادة موجود في!
ليش إنتا تسهيلات ما في؟
|
Post: #51
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: سيف النصر محي الدين محمد أحمد
Date: 05-10-2009, 06:54 AM
Parent: #50
شكرا يا بشير..عرفت سليمان الرفاعي في جدة وهو كما قال الزملاء قبلي و زيادة
ارجو أن يستجيب بكري لطلبنا .
|
Post: #52
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: سيف النصر محي الدين محمد أحمد
Date: 05-10-2009, 06:58 AM
Parent: #51
و بالمناسبة د. سليمان استضاف كامل عضوية الجمعية الطبية بجدة يوم الجمعة عبر شركة الادوية التي يعمل
بها و يمثلها في فندق خمسة نجوم و رعى المحاضرة الاكاديمية التي قدمت خلال التجمع فله اجزل الشكر.
|
Post: #53
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-10-2009, 11:59 AM
Parent: #52
شكراً لكل البياطرة واصدقاء البياطرة الذين مروا
من خلال هذا الخيط.
ابوصلعة لسع عامل نايم.
|
Post: #54
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أكرم فاروق
Date: 05-11-2009, 02:33 AM
Parent: #50
الاعزاء بدر الدين وهاشم
نشكركم على الترحيب الحار ..
بدر الدين .. عرفت اخوك تمام ..مع تقدم السن والعيال والسيستم .. اخوك اكيد بعانى من ضعف الانتاج .. اكيد مابعيد من ناس أمير فاروق .. التحية والشوق الكتير لأمير فاروق وانعام وكل الشمباتة الحلوين
هاشم ..بمناسبة الوليمة .. جهز ليمونك ساى ياحبيب ..
أكرم فاروق
|
Post: #55
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أكرم فاروق
Date: 05-11-2009, 02:44 AM
Parent: #54
سيف
مرحبتين .. طبعا موجود ومتابع خالص
أما بخصوص النطة .. والرفقة .. سليمان بطرى ودفعة و قريب دا حيكون (روكى) بيجاى .. انت وهاشم وبدر الدين مابتنطبق عليكم الشروط دى ..
أكرم فاروق
|
Post: #56
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-11-2009, 04:25 AM
Parent: #55
هاشم الحسن
سلامات
Quote: يعني الدكاترة مقلبونا
بشير طلع بشيري
و طلعت طلع حقاني
و الرفاعي قرّب يطلع
خاتف لون فلنة ود العبيد!؟ |
اتخيل يا هاشم!
ناسكم ديل خترين خلاس
من زمان ماكلننا حنك!
|
Post: #57
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-11-2009, 08:39 PM
Parent: #56
فوق من اجل سليمان الرفاعي
اما ان لنا نراه؟
|
Post: #58
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-13-2009, 10:34 AM
Parent: #57
فوقين يا ابراهيم النعمة.
|
Post: #59
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أكرم فاروق
Date: 05-16-2009, 08:47 PM
Parent: #56
نطالب .. ونهدى
صورة من زمن الداخلية .. سليمان فى الوسط على وحسبو باليمين ايهاب وأكرم وجلال بالشمال
لهم ولشمبات التحايا والاشواق
أكرم
|
Post: #60
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-17-2009, 03:17 AM
Parent: #59
هاشم الحسن
سلامات
| Quote: تستاهل بوست ترحيب و الله لولا إن جمهوري أندر من مساهمة لبن عصافير الجنة في إرواء عطش جماهير بدر الدين التي شكا من ندرتهم. |
يا هاشم كلامك دا والله يشهد بتملكك ناصية العربية و الانشاء، ياخ والله عجبني عجب!
لكن ياخ انت عندك ناس و كتاباتك طاعمة، انا زول بتاع عنكبة، عشان كدة ما ربيت جماهير، وبعدين لا بعرف
شعر ولا نثر اجيب بيهم الحمام! غايتو الله يكون في عوننا!
ياخ سليمان دا مالو اتاخر كدة؟
|
Post: #61
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-22-2009, 08:11 AM
Parent: #60
Quote: يا هاشم كلامك دا والله يشهد بتملكك ناصية العربية و الانشاء، ياخ والله عجبني عجب!
لكن ياخ انت عندك ناس و كتاباتك طاعمة، انا زول بتاع عنكبة، عشان كدة ما ربيت جماهير، وبعدين لا بعرف
شعر ولا نثر اجيب بيهم الحمام! غايتو الله يكون في عوننا!
ياخ سليمان دا مالو اتاخر كدة؟ |
|
Post: #62
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-22-2009, 01:32 PM
Parent: #59
Quote:
|
شكرا يا اكرم فاروق؛
لو شفتو الدكتور اليوم ؛عيني باردة
بحاول اجيب صورة حديثة.
|
Post: #63
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Badreldin Ahmed Musa
Date: 05-22-2009, 05:36 PM
Parent: #62
بشير،
اكرم،
و سيف
سلامات
دحين اب جلابية في الصورة دي سيف مصطفي و لا زول بشبهو؟
غايتو انا قدرت اعرف اكرم، سليمان و علي !
|
Post: #64
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: Inaam Saad
Date: 05-22-2009, 09:08 PM
Parent: #63
تحايا لكم جميعا وشكراً يا بشير على هذا البوست
نعم ليكون سليمان الرفاعي بيننا
وسلام كتير للشمباتة وللأصدقاء بدر سيف هاشم واكرم فاروق
ويا بكري ياخ أدي سليمان دا password بسرعة عليك الله
|
Post: #65
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: awad abugdeiri
Date: 05-23-2009, 02:24 AM
Parent: #64
شكرا الاخ بشير
Quote: نعم ليكون سليمان الرفاعي بيننا
|
وكل الود لاصدقائى ا لشمباتة
اكرم ودالحسن والسمين وجلال عقاد وغيرهم...
وفى انتظارك يالرفاعى.
عوض ابوجديرى
شمباتى (بالانتساب)
|
Post: #66
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: هاشم الحسن
Date: 05-23-2009, 03:56 AM
Parent: #65
يا بكري،
و الله بالغتتتتـــا عديل كدا...
الرفاعي دا، زي ما شايف، مجمع عليه شقيش ما قبلتا!
يعني داير تزكية من عمادة الطلاب و لّه شني الحكاية؟
يا سليمان، عليك الله الترسل ميل لي عمّك دا و معاه رابط البوست... حـ يفصِل.
|
Post: #67
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-23-2009, 03:35 PM
Parent: #66
وهذه صورة حديثة للدكتور سليمان الرفاعي
من اليمين الدكتور سليمان
وابنه محمد في الوسط
التاني في الشمال ده مابعرفو.
|
Post: #68
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: اسامه هاشم
Date: 05-23-2009, 04:10 PM
Parent: #67
يا الله
الاخ بشير
شكرا لك ... انه الرجل الذي كنت ابحث عنه اكثر من عشرين عاما
افترقنا قبل ان اكمل المرحلة الثانوية في تلك المدرسة حيث انتقلت
لمدرسة اخرى ... كنا اولاد دفعة... كان وربما ما زال عقله وتفكيره وطريقة تحدثه
اكبر من عمره... كان وحتما ما زال يسبقنا في كل شئ... تحياتي لك اخي
سليمان ولكل اهل الزاهراب ومرحبا بك قلما رصينا قويا صادعا بالحق
كما عهدناك... هذا قطعا بعد ان يسمح لك بالدخول الباشمهندس بكري
ولا نظن انه سيتاخر كثيرا على ارسال الباسورد لك
سنتواصل انشاء الله معك بعد ان منحنا صاحب البوست ما يكفي من العنوان
اسامه
|
Post: #69
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: SAIF MUstafa
Date: 05-23-2009, 05:18 PM
Parent: #68
ألأخ بشير
وجميع محبى صاحبنا العربى
تحياتى
معقولة ياجماعة الزول دا لسه ما جا؟؟
يا أخونا بكري ليه كدة يا أخى؟؟؟
هسع عليكم الله العربى دا وجاهة ساكت كدة مش مفروض أدوه باسورد ليه وواحد تانى لى وليده دا ربنا يخليه...
شكرا على الصور ياشباب
تحياتنا لدكتورة أنعام الطلتها بقت زى هلال العيد فى كلفورنيا.. الله يسألم قالو هناك العيد بجى كل خمس سنين مرة...مش صحى يا بدر..؟؟.
يا حليل زمنكم... وزمن العربى..
تسلمو
|
Post: #70
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 05-23-2009, 10:14 PM
Parent: #69
| Quote: التاني في الشمال ده مابعرفو. |
بالله عليك يابشير ده بفراسة الجزيرة بس بغباك؟؟مش الشبه باين ؟؟
ياخي ده اخو سليمان .....ركز بس ....اسمه الشيخ ....
|
Post: #71
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-23-2009, 10:29 PM
Parent: #70
الاخ/ابراهيم النعمة
تحياتي؛؛؛
Quote: بالله عليك يابشير ده بفراسة الجزيرة بس بغباك؟؟مش الشبه باين ؟؟
ياخي ده اخو سليمان .....ركز بس ....اسمه الشيخ .... |
تعرف يا ابراهيم اخوي لحظة كتابة ورفع الصورة
الدكتور سليمان جاء العيادة وقال لي نفس كلامك ده
وقلت ليهو خلاص ح اعدّلها ؛
فعلا هو اخوه الشيخ
الدكتور خرب علينا الشافع محمد بالاضنين.
|
Post: #72
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-24-2009, 02:50 PM
Parent: #71
يلا يابكري الراجل منتظر.
|
Post: #73
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: أكرم فاروق
Date: 05-24-2009, 08:47 PM
Parent: #63
ٍسلامات حارة للجميع .. الشمباتة و(المنتسبين)
بدر الدين .. والله انا كنت خايف واحد فيكم يسأل من الزول اب جلابية .. لانو للأسف الشديد رغم زمالتوا ومعزتو ا الغالية اسمو طار .. قدر ما حاولت اجيبو ماقدرت.... له منى المعذرة .. واكيد حايقدر عوامل تقدم السن وخراب الذاكرة المصاحب ..
بشير .. شكرا لصورة سليمان الحديثة ...
أكرم فاروق
|
Post: #74
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-25-2009, 03:36 PM
Parent: #73
تحية كبيرة د. أكرم
معاً لحضور الرفاعي هنا...مؤكدأنه سيضيف الكثير لنوستالجيا شمبات
|
Post: #75
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-26-2009, 04:41 PM
Parent: #74
**
|
Post: #76
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-27-2009, 02:57 PM
Parent: #75
يا بكري الراجل منتظر علي الباب وسيتأذنك الدخول !!!!!
|
Post: #77
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: بشير أحمد
Date: 05-29-2009, 12:11 PM
Parent: #76
امس الخميس الدكتور كان حاضر معانا
احتفالية في جدة مع مجموعة من البورداب؛
الصور لاحقا.
|
Post: #78
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: مزمل خيرى
Date: 05-29-2009, 08:10 PM
Parent: #77
بشير
الزول دا لسع ما جا.؟؟
معقولة بس ؟
|
Post: #79
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: bent awad el kareem
Date: 05-30-2009, 08:04 AM
Parent: #78
صوتنا معاكم لكل جميل للحوش الواسع
يدنا معاكم ....... من آجل كل جميل ومفيد
|
Post: #80
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: bent awad el kareem
Date: 05-30-2009, 08:39 AM
Parent: #78
صوتنا معاكم لكل جميل للحوش الواسع
يدنا معاكم ....... من آجل كل جميل ومفيد
|
Post: #81
Title: Re: الاخ/بكري ..الدكتور سليمان الرفاعي في إنتظار الباسويرد(يوجد تعهد)...
Author: ibrahim alnimma
Date: 06-05-2009, 07:03 AM
Parent: #80
Quote: بشير
الزول دا لسع ما جا.؟؟
معقولة بس ؟ |
|
|