Post: #1
Title: وين؟؟
Author: حبيب نورة
Date: 04-30-2009, 10:36 PM
Parent: #0
فــي جـزيـرة الشـيطان ,نـفـت اقـدارنـا الـقـبيـحـة زولـي وحبـــبي الولـد الـشـين
الـسـمح , الـزول دة مـن نـفـس العـجيـنة الصـنعـت الدهـشـة جـوانا , والله مـا
بتـشبـهـك الـمنافـي , انـت زول بـي حـجـم القـومـية فـي اعـماق المـحـجـوب , والاصـالـة
فـي حـروف العــباسـي , وداء الـثوريـة في مـصـارين( لومـمـبا) (ومارتـن لوثـركـنج)
مـحـرر العبـيد في امـريكا ,الزول دة يا ناس فيه شـي من قـسـوة شــلالات نياجـارا
وشــوية شــوية بـديـك احـسـاس انـك في دلـتا النيجـر , هـادي ورايـق زي البـركـان
الخــامد , لكـن ممـكن في اي لحـظة يثور في وش الكعـب , وما بـقعـد في الـواطـة
ومـا برتـاح الا يـرفـع رايـة السـماحة في كل القصـور الرئاسـية .
امنا حـواء قالت لي ادم اكل من شـجـرة التـبلدي دي وما تمـشـي الخـرتـوم ,
الخـرتـوم دي اختـاها , بلـدنا هنا حنيـنة , مليانة خيـر , وبـتمد ليك قـدح
العـديل والزين , وطـرقة كـسـرة من صـاج الـسترة , أخير من رغـيـف المخـبز
الـتركي المـلون زيـف , كلمـة مـرحـب أتفضـل بتبقي خـريف , تبرد لينا حر الصـيف
, كفتيـرة شـايك (البانجـقلي) يا ادم تمامـة الكيف .... لكن يا جماعة الخير
ادم قال ليها , لا لا انا احـسن أركب قطر الـسـجم واسـافر الخـرتوم , وقال
كدة ويا البـقعة جــاك زول , والقـنقـلـيزة ,, تفـاها من خـشـموا , ومسـك في
التـفـاحة الغـطـسـت حـجـرنا , ورمـتنـا من جـنـة عــدن.
,, ودقـيق الـكسـرة الفي الخرطـوم .. ما بتـجازف من غيـر تحنـيس , وعـمـنا ادم
دخـل القـش ومـا قال كـش!! , والوليدات كبروا , البنت العرســوها , والولد
الـسـاكي الكورة , والـشـافع المباري القراية ام دق , لكن الجـني الابنوس
عجبوا ليك منظر الكاكي , يا أخواننا اصلوا بحب الخـضـار , وعلي كم حـلقة
كـدة من ناس برنامـج كـدة كـلامـو كـتيـير , لحـسن مـخـوا , وفي اول متـحرك ماشـي
لي الجنوب , قال اخير يسـافر لي عـرين المطر , ويحـضـن بي عينوا الزايغة
سـحابة خـط الاستواء , الما بتتعب من الولادة ولا سمعت بي حاجة اسـمها تنظيم
النسل , وقبل ما تتم الاربعـين , الا تلقاها في حالة وحـم جديد علي
طينة جروف , واللا مزيكة وازا , اصـلوا المـطرة هناك من اصـول صـينية ,
بطن السـماء فيها دايما منفوخـة , وبتشـكي من وجـع الــرزاز.
الابنوسي مـشي شايل بندقية خرسـاء ما بتتكلم الا عـشان تقول, الله اكبر
سندحرهم ونـشتت شملهم , ونديهم الحاجة , وفلان داك , ومعاهـو (فلانـة كاريـوكـا)
ناس هجـيج مبالغة والله , ومرة كدة الجني الاغبـش ما راح في نـص الغـابة,
ما كلمتكم ؟؟؟ اااي والله راح تلاتة يوم ومافي زول فتش ليه , فتشـتوا
ملايكة الـسماء , اصلها حنينة وبنت ناس !!
وعرف الامير الخبر , ومرة كدة سمعتوا , يغني ويقول , حليلك بتـسرق
سفـنجـة ومـلايـة ...... وغيـرك بيسـرق خروف السـماية.... تصـدق في واحد
بيسـرق ولاية ؟ ,,,,,,
اها تاني أنقطـع الخبر , ما خليت زول ما سألتوا , شليل وين راح ,
شـليل قالوا شافوا في صـاله المغادرة شايل شنطة هاندباق غبشـاء
بتشـبهوا القبيح السـمح , وبي الدس غفل البنت المضـيفة , وخـش بي الباب
الورا , وتحت الكنبة الاخـيرة رمي جـسدوا التعبان قوة , وسـرح بفكر في
بكرة ,,,, الله ... بكرة مشـكلة ... لكن ما لقيت غير الجزيرة دي يا
ود أمي ؟؟ مالا( سـانت هيلانة ) , ما كويسـة , وكمان تاريخية , نابليون
كان بصـيف فيها , في الشــاطي الاجباري , وبي حراسة مسلحة , معقولة يا
جني تشوت تمثال بعانخي وتعلق صورة ( أتاتورك ) دة كلام شنو ياخ؟
الله من وجعة شوق الناس لي بلدا دغري , انا بحلم بي خريطة مليانة
عواسة , صاج الكسـرة رمز وطني , سيبك من صقر الجديان , وبعدين هي
وين اللحمة عشان يكون في صـقور , .. أها يا اخوي لا قدرت تملأ بطنك فال
, ولا بتقدر تغطي قدحك , شايفك ماشي علي القدح بي سرعة سلحفائية
لا بتوصلك ولا بتخليني ابقي وزير , انا بحلم بي كرسي في البرلمان
, بس انت تكون الرئيس , ورابط هلال السلطة في جبينك , و مكتف بي
الحريرة , وغاطس في الضـريرة عريس , اها انا غير وزارة الرعاية
الاجتماعية دي ما عايز , لكن كيف ؟ داير الزول يعرس الا الجيب مفلس
سيد الشغل قال عايز القعدة والمنظرة , والراس فاضي ما بديه حق
انو يجي ماشـي جمب الدكان ويقول سـلام , لكن نعمل شنو دي قبرص , وديل
ناس قبرص جزيرة الشـيطان .
الجيب فيه خـمـسـة دولارات بس , دولارين لي حلة عـدس فاهمة وخريـجة عدة
مدارس عزابة عليا , وما خدة شهادات في الدراسات الاقتصـادية الحرجة
ومتبنية سياسة التقشق الروسية في الفترة ما قبل (البروسترويكا)
في العهد الاستاليني , والباقي تلاتة دولارات , مقسمة علي الزول بتاع
الصيدلية الببيع دواء المصـران , وحق النيت عشان يقابل حبيب نورة
والله انت زول طيب , حبيب نورة شنوالبتضيع معاه زمنك ؟ انت من زمن
المشاعر المقدسـة دي ؟ صدقني انت طلعت ما مواكب خالص.
الجني الاخضر , سيد الناس ااي فقران , لكن غنيان عفة وروح انسان
فنان , مليان مزيكة , اوتارك مبتورة بس لسة بتعزف , وعشانك انت بس
انا برضو بغني , يا ريت لو البنت سودان كانت معانا , كنا خليناها
تغني لانو صوتا مليان بي بكرة , حسها طعم قراصة , أيقاعا مشوار
عصرية بالدريب الماشي ليك يا السمحة , أها يللا نغني
والله نـحـن مــع الـطـيور المـا بتـعـرف ليـهـا خــرطــة
ولا فـي أيـدا جــواز سـفر
نمـشـي في كل الدروب الواسـعة ديك
والرواكيـب الصـغيرة تبقي اكبر من مدن
والحبيبة تغني لينا الحبيبة تغني لينا
لاهموم تسكن دروبنا ولا يلاقينا الخطر
وين يلاقينا الخطر
لو بقينا مع الطيور الما بتعرف ليها خرطة
ولا فـي ايـدا
جــواز سـفـر
|
Post: #2
Title: Re: وين؟؟
Author: حبيب نورة
Date: 04-30-2009, 10:48 PM
Parent: #1
سهواً سقط الأهداء
للغايب الحاضر
أمير التبلدي ( أبنوسي)
|
Post: #3
Title: Re: وين؟؟
Author: Egbal Elmardi
Date: 05-01-2009, 00:56 AM
Parent: #2
امنا حـواء قالت لي ادم اكل من شـجـرة التـبلدي دي وما تمـشـي الخـرتـوم ,
الخـرتـوم دي اختـاها , بلـدنا هنا حنيـنة , مليانة خيـر , وبـتمد ليك قـدح
العـديل والزين , وطـرقة كـسـرة من صـاج الـسترة , أخير من رغـيـف المخـبز
ادم قال ليها , لا لا انا احـسن أركب قطر الـسـجم واسـافر الخـرتوم , وقال
كدة ويا البـقعة جــاك زول , والقـنقـلـيزة ,, تفـاها من خـشـموا , ومسـك في
التـفـاحة الغـطـسـت حـجـرنا , ورمـتنـا من جـنـة عــدن.
انا بحلم بي خريطة مليانة عواسة , صاج الكسـرة رمز وطني , سيبك من صقر الجديان , وبعدين هي
وين اللحمة عشان يكون في صـقور , .. أها يا اخوي لا قدرت تملأ بطنك فال
, ولا بتقدر تغطي قدحك , شايفك ماشي علي القدح بي سرعة سلحفائية
-----------------------------------------
عجبتنى شديد...
|
Post: #4
Title: Re: وين؟؟
Author: الفاتح ميرغني
Date: 05-01-2009, 02:57 AM
Parent: #3
حبيب نورة
إنك تقص احسن القصص ويعجبني إرتباط رؤيتك بالمفاهيم السائدة، مما يكسبها قدرة عالية في الوصول بسهولة للمتلقى.
تسلم
|
Post: #5
Title: Re: وين؟؟
Author: حيدر حسن ميرغني
Date: 05-01-2009, 03:00 AM
Parent: #4
حبيب يافردة
كلام في كلام
بالله لما تعمل بوست تاني رسلو لي بالماسنجر
اخوك بقى مايشوف كويس
|
Post: #6
Title: Re: وين؟؟
Author: tarig almakki
Date: 05-01-2009, 11:13 AM
Parent: #5
Quote: معقولة يا
جني تشوت تمثال بعانخي وتعلق صورة ( أتاتورك ) دة كلام شنو ياخ؟
الله من وجعة شوق الناس لي بلدا دغري , انا بحلم بي خريطة مليانة
عواسة , صاج الكسـرة رمز وطني , سيبك من صقر الجديان , وبعدين هي
وين اللحمة عشان يكون في صـقور , .. أها يا اخوي لا قدرت تملأ بطنك فال
, ولا بتقدر تغطي قدحك |
شكراً حبيبها وكتير السلام
كلامك حلو برغم المرارة وكلك حلو وشديد الحلاوة
أسجل شديد إعجابي وأوقع وأبصم
وحات المحبة
والله
ده كلام شنو ياخ
|
Post: #7
Title: Re: وين؟؟
Author: baha eassa
Date: 05-01-2009, 07:59 PM
Parent: #6
Quote: والله نـحـن مــع الـطـيور المـا بتـعـرف ليـهـا خــرطــة
ولا فـي أيـدا جــواز سـفر
نمـشـي في كل الدروب الواسـعة ديك
والرواكيـب الصـغيرة تبقي اكبر من مدن
والحبيبة تغني لينا الحبيبة تغني لينا
لاهموم تسكن دروبنا ولا يلاقينا الخطر
وين يلاقينا الخطر
|
حبيب نورة يا رائع .. ..
|
Post: #8
Title: Re: وين؟؟
Author: محمد سنى دفع الله
Date: 05-01-2009, 08:45 PM
Parent: #7
حبيب نورة
حبيب الكل
حبيب الغلابا
|
Post: #9
Title: Re: وين؟؟
Author: Yassir Bainwi
Date: 05-01-2009, 08:53 PM
Parent: #8
Quote: الجني الاخضر , سيد الناس ااي فقران , لكن غنيان عفة وروح انسان
فنان , مليان مزيكة , اوتارك مبتورة بس لسة بتعزف , وعشانك انت بس
انا برضو بغني , يا ريت لو البنت سودان كانت معانا , كنا خليناها
تغني لانو صوتا مليان بي بكرة , حسها طعم قراصة , أيقاعا مشوار
عصرية بالدريب الماشي ليك يا السمحة , أها يللا نغني |
حبيب نورة حبيبنا
يديك العافية ياخ
خالص الود
|
Post: #10
Title: Re: وين؟؟
Author: حامد محمد حامد
Date: 05-01-2009, 09:11 PM
Parent: #9
حبيب نورة يا صاحب
فى بلوغك للمعنى حروفك تاتى كالبنيان وان تهنا فى المعنى فان الدلالات تبقى
فتشدق يا حبيبى , الدنيا ما معرفة وبل غير مضمونة واحذر من لحم الخنزير فى ( مصر)
وخليك جاهز الاسبوع القادم لربما ناتى ونكتشف اماكن مجهولة فى القاهرة القديمة بس بهاء عيسى ما معانا
فتك بعافية
|
Post: #18
Title: Re: وين؟؟
Author: حبيب نورة
Date: 05-02-2009, 01:20 AM
Parent: #10
حامد يا حبيبو
مشتاقين والله لي متاوقاتك دي
Quote: بلوغك للمعنى حروفك تاتى كالبنيان وان تهنا فى المعنى فان الدلالات تبقى
فتشدق يا حبيبى , الدنيا ما معرفة وبل غير مضمونة واحذر من لحم الخنزير فى ( مصر)
وخليك جاهز الاسبوع القادم لربما ناتى ونكتشف اماكن مجهولة فى القاهرة القديمة بس بهاء عيسى ما معانا
فتك بعافية |
ثمح يا عمك
راجيك علي أحر من الجمر
شيل تلفوني من بهاء
|
Post: #17
Title: Re: وين؟؟
Author: حبيب نورة
Date: 05-02-2009, 01:06 AM
Parent: #9
بيناوي
الله يخليك يا رب
تسلممممم
|
Post: #16
Title: Re: وين؟؟
Author: حبيب نورة
Date: 05-02-2009, 01:02 AM
Parent: #8
ود السني الجميل
ألف شكر يا حبيبو
|
Post: #15
Title: Re: وين؟؟
Author: حبيب نورة
Date: 05-02-2009, 00:59 AM
Parent: #7
بهاء عيسي
تسلم يا غالي
وتحية كبيرة لي نادين العسل
|
Post: #14
Title: Re: وين؟؟
Author: حبيب نورة
Date: 05-02-2009, 00:45 AM
Parent: #6
طارق المكي
Quote: أسجل شديد إعجابي وأوقع وأبصم
وحات المحبة
والله
ده كلام شنو ياخ |
دة الوجع الفيني وفيك!
|
Post: #13
Title: Re: وين؟؟
Author: حبيب نورة
Date: 05-02-2009, 00:36 AM
Parent: #5
Quote: حبيب يافردة
كلام في كلام
بالله لما تعمل بوست تاني رسلو لي بالماسنجر
اخوك بقى مايشوف كويس |
حيدر ميرغني
والله يا أخوي
بالرغم من أنو الجو العام ما مساعد
لكن كل ما نجي نكشح لينا حاجة بيجاي
ليك علي تلقاها في مسينجرك
معفية من الجمارك
وعلي نفقتي الخاصة!
|
Post: #12
Title: Re: وين؟؟
Author: حبيب نورة
Date: 05-02-2009, 00:30 AM
Parent: #4
الفاتح يا حبيب
Quote: إنك تقص احسن القصص ويعجبني إرتباط رؤيتك بالمفاهيم السائدة، مما يكسبها قدرة عالية في الوصول بسهولة للمتلقى.
|
والله شهادتك دي شرف
ووسام علي صدري
ربنا يخليك
|
Post: #11
Title: Re: وين؟؟
Author: حبيب نورة
Date: 05-02-2009, 00:26 AM
Parent: #3
أقبال المرضي
أنشاء الله تسلمي يا رب
|
Post: #19
Title: Re: وين؟؟
Author: د.نجاة محمود
Date: 05-02-2009, 02:02 AM
Parent: #11
ابو النسب يا ايها المسلط فينا
ما عايز تترشح؟
التحية لواحد من افضل من كتاب السابير السوداني على الاطلاق
|
Post: #20
Title: Re: وين؟؟
Author: نادية عثمان
Date: 05-02-2009, 02:44 AM
Parent: #19
حبيب نورة
يديك العافية ياخ
خلي بالك منك سمح ؟
|
Post: #22
Title: Re: وين؟؟
Author: حبيب نورة
Date: 05-02-2009, 10:37 PM
Parent: #20
نادية
| Quote: خلي بالك منك سمح ؟ |
ثمح!!!
|
Post: #21
Title: Re: وين؟؟
Author: حبيب نورة
Date: 05-02-2009, 10:32 PM
Parent: #19
دكتورة نجاة
ياختي ترشح شنو؟
البيان دة انا ما سمعتوا
وبعدين البنية رأيها شنو؟
موافقة والا لسة ساكة القراية
وتسلمي طوالي قاعدة تجبري بي خاطري
|
|