مقاييس الجمال عندي لازال في مُربعِهِ الأَوَلِ

فإني أَحْلُمُ بِمديدةً فَرْعاء ، جَعْدة تقوم فلا يُصيب قَميصُها مِنها إلا مُشاشَتَيْ مَنْكِبَيْها وحَلَمَتيْ ثَدْيَيْها
ورانِفَتيْ ألْيَتَيْها ورُضافَيْ رُكْبَتَيها ، إذا إسْتَلْقَتْ فَرمَيْت تحْتَها بِالأُتْرُجَّة العظيمة نَفَذَتْ مِن الجانِب
الأخرِ ... أي
أبتِ الَّروادِفُ والثَّدِيُّ لِقُمْصِها مَسَّ البُطون وأن تَمَسَّ ظُهورا
وإذا الرَّياح مَعَ الْعَشِيِّ تَناوَحَـتْ نَبَّهْنَ حاسِـدةً وهِجْـنَ غَيـورا


وجارَيت ذلِك بِقَولي :
مَـدَروع فـوقـا يا الهِـدِمْ وحارَماكا مِـن إدْراكـا
باعَداتَـَنْك تُفاحـاً رُخُـصَ مُدردِمـات تِحِتْ مُعْراكا
مِنـو حابَساتَـنَـكْ حَقايِـب إتَوَهَطَـتْ تَمامَ أَوْراكا
وَتَـرَنْكَ شَدَهِـنْ سَواً صفـيـر خابرو ليك بـراكا
شِنْ قَدَرَكَ يا الهِدِمْ عُقباً تمِسْ أو تَطــول إعْراكـا

ــــــــــــــــــــــــــ
مدروع : مَوضوع
الهِدِم : الفُستان
إدراكا : الوصول لِجِسمِها
رُخُص : أول كُل شئ
مُعراكا : رقبتِها / والمُعراكا هي المُفراكا
حقايِب : العجز
إتوهطَت : قعدت
وترنك : مِن وتر العود أو الربابة
إعراكا : عرك الشئ أي تمسح بِهِ

تمشي الهوينا كما يمشي الوحى الوجل

ومقاييس < الجمال > إحتكرها الغرب فأصبحت < المرأة > مُقَيدة بِسِوار < الموضة >
والوزن الذي يُحدِدهُ الرجُل الغربي ... فلما إنْعتقت < المرأة > مِن شرقِية مفهوم
الجمال إستعبدها مفهوم غربي فجعلها أكثر < ذُكورِية > وباتت < المرأة > أشبه
بِفتى جميل ... فما عادت تمشي < الهِوَينا > وإلتصق قميصُها بِكُل جسدِها ، فألغى
ذلِك مفاتِن ...

Quote: تمشي الهوينا كما يمشي الوحى الوجل

عزام

الزولة الفوق دي المغرضين قالوا كان عندها سكري وضغط

شعراء الزمان داك يبدو لي كان مزاجهم عجيب

كانوا يقولون للزول العايز يتزوج : يا اخا العرب (استوثر فراشك)

يعني اختار السمينة عشان تملأ الفرش

وكانو يمجدون الزولة اللي اعلاها خفيف وتحت تقيل

غايتو الكلام ده بتذكروا طشاش طشاش اتقال في ندوة كان فارسها شاعرنا الراحل محمد بشير عتيق

وان شاء الله مقاييسك دي تظل محلها

عزام

شوف مقاييس الجمال والرشاقة في زمنا ده

حصل واحدة عارضة ازياء ماتت السنة الفاتت بسبب النحافة

البت عيزة تبقى معصعصة لامن لحقت التوج

عربان زمان رغم ولعهم بـ (الخلخال) او اللي كان يخلي شعر رأسهم يكلَب

كانوا بيصفوا الزولة السمينة بـ(طرشاء الخلخال)

عشان السمنة (المؤسسة) بتصل طبعا لحدي اسفل الساق

والخلخال بكون مخنوق وما بعمل صوت

شوفت كيف

يا عزام .. تحية طيبة..

صدق شيخنا المتنبي حين قال:

وما أوجهُ الحضر المستحسِنات به
كأوجهِ البدوياتِ الرعابيبِ
حُسنُ الحضارة مجلوبٌ بتطريةٍ
وفي البداوةِ حُسنٌ غير مجلوبِ

أها زي ديل في الزمن ده بياكلو عيش مع الملزق والمحزق؟؟

مودتي

حليلي أنا القُلت :

فإذا قامت لِتعتدِلُ تحسَبُها *** عرجاء والعود في الأصلِ مُنطلِقُ

الاخ عزام

العصر عندكم فى ابوسمرة ما جا

تعرف مقاييس الجمال يحددها الرجال ؟

وهل تعرف ان صناع الموضات 90% منهم رجال

فكانو يفصلون حسب المزاج العام فتحة الرقبة الا ان تصبح طبيعية ؟ومالوفة ؟

فتغير الى فتحة فى الفخذ .لتصبح طبيعية ؟ومالوفة؟

وهكذا هكذا .................................

بعد ان كانت الموضة والموديل هم النحاف جدا وبعد الثراء والخمول الذى ضرب امريكا واوروبا

صار عدد الرجال والنساء السمان اكثر من الموجود بحكم طبيعة العمل والمناخ والبرامج

اضطلرت بيوت الموضة هنالك الى اختيار موضات تاخذ فى حسابها السائد من المجتمع

اى السمان من لنساء والرجال .......................حا انزل ليك فيديو ان شا اللة القاهو ليك

طبعا فى موريتانيا القريبة لاتنوم المراة على ظهرها ابدا بل تنوم على بطنها

حتى اذا ادبرت ادبرت بثمان ..............................................

وكل ما كانت المراءة سمينة جذبت الرجال اليها وكلما ضعفت قل سوقها وقد لا تتزوج

مما ادى الى ان ماتت نساء هنالك اراد اهلهم ان يكونو سمان تسبببو لهم فى امراض قتلتهم .

فلك ان تذهب الى هناك.......

بس حاليا الجمعية الامريكية لمرض السكرى اعتبرتان السمن مرض فى حد زاتة .

انا شخصيا يا عزام بحب البنت الضعيفة من تكون سمينة ما بعاين ليها ....

انت غايتو بتجيب لينا الهوى يوم ...قم لصلاتك يرحمك اللة

اتى رجلٌ هند بنت الخُس الإياديةيستشيرها في إمرأة يتزوجها
فقالت:

(أُنظُر رَمْكاءَ جسيمة، أو بيضاء وسيمه، في بيتِ جد أو بيت حد
أو بيت عِز)
قال: ما تركتِ من النساءِ شيء.
قالت: بلى شرُّ النساءِ تركت..السويداء الممراض، والحُميراء
المِحياض، الكثيرةُ المظاظ.
قيل لها : فايُّ النساءِ أفضل؟
قالت: التي إذا مشت أغبرت،وإذا نطقت صرصرت،مُتورِّكه جارية،
في بطنها جارية،يتبعها جارية.


إذا مشت أغبرت...... دي مره ولا تركتر يا عزام اخوي؟