Post: #1
Title: سلمي أياك نعشق ونستعين!!
Author: حبيب نورة
Date: 04-28-2009, 11:15 PM
للجميع فقط
أهدي النزيف
بس ظالمة الدنيا الصبحت غش , ما ظالمة حروف الريد يا حلوة , الحرف البنده ليك من حس الزول العشقك كلمة , ما عندو ذنب في الجاكم وحشة سكة شوق الناس للصدق المعني , طعم الغنية مرير في حلقك , ما ضقت نغيم الاهــــة في مسامع دنيا بتحلم , لم الصوت الجواك يطلع مبحوح بي قسـوة.
بسمع منك كنت ,,كليمة شوقك لي بنية طفولة , بنية زي ما قال الزول المدهـش , سمحة وسمرية , بي لون قمرية وقولة عيدية ,ومدة أيد الغيم بالمطـرة , بتدي المحل الفيك القمحــة هــدية , لما الاقدار يا أحمد تكمن ليك في بطن الحلم وتقلع منك صوتاً قال يا سلمي ,أتوكل علي حلمك أحمد أخوي , باقي الحلم الفاضـل هسة ,بغمز ليك يا أخويا تخش , مرق الشجن الكان مرسال لي اللوعة ,و مديت جـرحـك تاني نزيف , أصــلا شريانك شجرة سنـطـة , بتفضل شايلة الصـمغ الشـوق جواها , وما حايشــوف الدنيا جنـاها , الا الفاس الحــاني يزور أغصــانا .
طفلة وسلمي , سلمي وطفلة , دلالة شـعر الناس يوم جمعة , ولمـّة فرح النـاس في حفـلة , قصـايد الدنيا قربـان لي طفــلة مليانة شجون , يا أحمد أبقي عشرة علي وصية نبض الجواك بهتف , بقول يا سلمي , خت في بالك انونزيفك معني خريفك , لما الشواق يبداك في من أول , خلي قرايتك في عينيها مناهج , شان تنجح وتلقي شهادتك نظـرة بتبقي الفال لي بـاكر.
غريبة الدنيا وظالمة , زي ما سمع الناس الغنية تنادي , ألا حبيبتك ســودانية , رويانة محــنّة وطيبة نـاس , وكلام ونــّاس رقـة أحــساس
ألا حبيبتك سودانية , أحمد ما تنسي كلام جـواك , وما تتنازل وما تتخازل , ما تخلي الخوف يغشاك بالمـرة , أرفـع صــوتك بي أقدامك
قول للبنت الفيك زي طفــلة , ماني مفارق وماني مغرب ولاني مشرق , محل ما تمشي خطاك تلقيني معالم سكـة أملك , يا أحمد ما تفــكـّّّر يوم , أنو التـاريخ ممكن ينسي , أنك بـعت , ... بنتـاً جواك سودانية , أرفع صـوتك فوق للعالم , ما تخلي هتافك يبقي جـبان , يقلع منك صــوتـاً قـــال يا سـلمـي
|
Post: #2
Title: Re: سلمي أياك نعشق ونستعين!!
Author: حبيب نورة
Date: 04-28-2009, 11:25 PM
Parent: #1
علي فكرة
الكلام ليك يالمنطّط عينيك
دي الأرادة والمقدّر لاح يفوت ولا السكة تشيل خطواتو بعيد
لي متين الخبز الناشف يصبح شاهد علي أتنين
جايعين و سمان من فكرة
شوقين يا سمحة
فرحين يا القمحة
سمحة وقمحة!!
|
Post: #3
Title: Re: سلمي أياك نعشق ونستعين!!
Author: حبيب نورة
Date: 04-28-2009, 11:27 PM
Parent: #2
والسمح سوّي السمح جاب السمح دهب القمح
لا تدعني للأسي يدفعني مدّاً وجزرا
لكن خليني أكتب عن جواتي
و أقول لساتي ما زلتُ ( شادي) في عيون فيروز بالرغم من تزمّرهُ حين
قررت أن تكتب باسمه.. الهوي
الهوي؟؟ ليتهُ هوي !!!
يا بنت يا شجرة
تفاحة برق الغيمة الكضبة هي البشبع منها آدم وجعة وهم
وتزرع أرضو جناين فال... بتطرح يأس في درب المنية الغنية
ضلوع الزولة الأعرج ( حوّة) تسرج لينا خيول كيف نرحل منك
شان نلقاك؟؟؟
طيب أديني تزاكر الرحلة الماشة عليك وبعيد.. أخلفي وعدك بي جيّاتك
جهجهي أستقرار العشم البكرة .. وحلم الجوعان بالكسرة قصيدة
حس خطواتك فرح الغبش الأغنياء عفـّة و موية فول صوت رجلينك ضو الليل
العتمة الشمس.. بس كيف تدّي الشجر اللون الاخضر ؟
ومين بينظّم حركة المرور جوّاك ؟
ما خايفة من تصادم كروية دم عاشقة بي نجمة شوق ضوّاية؟
|
Post: #4
Title: Re: سلمي أياك نعشق ونستعين!!
Author: حبيب نورة
Date: 04-28-2009, 11:41 PM
Parent: #3
يا سلمي
نــفـســك وردة وطـبلـة حـــرب ... ,شــفتـك قـلت كـلام مــدســوس ظـاهـر جـواي , غــنـيـتي غــنـاي , شــكـل الدمـعـة , وفــرّت ســـن البـسـمـة المـالـية خــشــيمـك وجــعـــة !!! ,صـوتـك حـلـّة مـحـشـي الـسكـر فـيهـا زيــادة نـغـم , صــوتـك كـان صــاحـبي الحــيطـة بـالحـيطـة بـعـيد مـنـي ,حـــس الســاقـية الفــيك يــا نــورة ومــويـة زيــر الشــوق !!! جـــابـني عــليـكـي وقــال لــي أمـشـي تـعـال لـي بــكــرة مـــلان فــرحــة أحــزان!!
|
Post: #5
Title: Re: سلمي أياك نعشق ونستعين!!
Author: صديق الموج
Date: 04-28-2009, 11:58 PM
Parent: #4
| Quote: قول للبنت الفيك زي طفــلة , ماني مفارق وماني مغرب ولاني مشرق , محل ما تمشي خطاك تلقيني معالم سكـة أملك , يا أحمد ما تفــكـّّّر يوم , أنو التـاريخ ممكن ينسي , أنك بـعت , ... بنتـاً جواك سودانية , أرفع صـوتك فوق للعالم , ما تخلي هتافك يبقي جـبان , يقلع منك صــوتـاً قـــال يا سـلمـي |
حبيب نورة تاكد..اياك نقرأ ونستبين
نستبين خطاوى الشوق...الوجد...العصف الداخلى والماكول وايات اخرى..
متابعين يا حبيب،،،
|
Post: #6
Title: Re: سلمي أياك نعشق ونستعين!!
Author: علاء الدين حيموره
Date: 04-29-2009, 00:34 AM
Parent: #5
حضور ومتابعة
|
Post: #7
Title: Re: سلمي أياك نعشق ونستعين!!
Author: salah ismail
Date: 04-29-2009, 01:27 AM
Parent: #6
بقول آآآآآآمييييييييييييين
كلام موزون
نزل كل الوحي العندك
لخ الحب والريد والشوق
خلي بواقي اللحظه عجين
بس لكن
سلمي دي مين؟؟؟؟
---------------------------
اولا ليك الشكر اهيها الرائع لك التحيه
|
Post: #8
Title: Re: سلمي أياك نعشق ونستعين!!
Author: abubakr
Date: 04-29-2009, 04:06 AM
Parent: #7
| Quote: طفلة وسلمي , سلمي وطفلة , دلالة شـعر الناس يوم جمعة , ولمـّة فرح النـاس في حفـلة , قصـايد الدنيا قربـان لي طفــلة مليانة شجون , يا أحمد أبقي عشرة علي وصية نبض الجواك بهتف , بقول يا سلمي , خت في بالك انونزيفك معني خريفك , لما الشواق يبداك في من أول , خلي قرايتك في عينيها مناهج , شان تنجح وتلقي شهادتك نظـرة بتبقي الفال لي بـاكر. |
ياصديقي الجميل الجالس القرفصاء .. صباحاتنا نورت .. ياااااخ انت فنان...
|
Post: #9
Title: Re: سلمي أياك نعشق ونستعين!!
Author: حامد محمد حامد
Date: 04-29-2009, 05:00 AM
Parent: #8
الحبيب حبيب نورة
ما للعشاق ذنب فلتستعين
جواك عميق وعارفه كمان جميل
لك التحية
ومتابعين, واصل
|
Post: #17
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:30 AM
Parent: #9
حاااااااااااامد
ياخي وينك
اضرب لي يا مان
| Quote: ما للعشاق ذنب فلتستعين |
مافيش أجمل من كدة!!
شكرن كتيرن!
|
Post: #16
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:24 AM
Parent: #8
أبو بكر يا روعة
| Quote: ياااااخ انت فنان... |
ياخي الجميل ذوقك
وفهمك
و أحساسك بالجمال
تسلمممم
شكرن كتيرن!
|
Post: #15
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:20 AM
Parent: #7
صلاح يا حبيب
| Quote: بقول آآآآآآمييييييييييييين |
ولا الضالين
ضالين الطريق أليها
دي نورة في حفلة تنكرية!!
|
Post: #13
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:16 AM
Parent: #6
حيمورة
تسلممممممم يا منقة
شكرن كتيرن!
|
Post: #12
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:13 AM
Parent: #5
صديق الموج
ياخي تسلم
ومشتاقين يا حبيبو
| Quote: ..اياك نقرأ ونستبين |
.......!
|
Post: #26
Title: Re: سلمي أياك نعشق ونستعين!!
Author: حبيب نورة
Date: 05-06-2009, 09:46 PM
Parent: #5
| Quote: سلمي أياك نعشق ونستعين!! |
|
Post: #10
Title: Re: سلمي أياك نعشق ونستعين!!
Author: عماد محمود علي
Date: 04-29-2009, 05:44 AM
Parent: #4
ليــــه ياســلمى يا ظالمــــة أبيتي حبيب نورة تواسيـــــه .....
حبيب نــــوره إزيــــــــك !!
|
Post: #11
Title: Re: سلمي أياك نعشق ونستعين!!
Author: مدثر محمد ادم
Date: 04-29-2009, 10:14 AM
Parent: #10
Quote: يا سلمي
نــفـســك وردة وطـبلـة حـــرب ... ,شــفتـك قـلت كـلام مــدســوس ظـاهـر جـواي , غــنـيـتي غــنـاي , شــكـل الدمـعـة , وفــرّت ســـن البـسـمـة المـالـية خــشــيمـك وجــعـــة !!! ,صـوتـك حـلـّة مـحـشـي الـسكـر فـيهـا زيــادة نـغـم , صــوتـك كـان صــاحـبي الحــيطـة بـالحـيطـة بـعـيد مـنـي ,حـــس الســاقـية الفــيك يــا نــورة ومــويـة زيــر الشــوق !!! جـــابـني عــليـكـي وقــال لــي أمـشـي تـعـال لـي بــكــرة مـــلان فــرحــة أحــزان!! [/QUOT
|
Post: #14
Title: Re: سلمي أياك نعشق ونستعين!!
Author: خدر
Date: 04-30-2009, 00:16 AM
Parent: #11
قرأنا و فرحنا و حمدنالله
شكرا يا حبيب نورة
|
Post: #20
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:40 AM
Parent: #14
خدر
Quote: قرأنا و فرحنا و حمدنالله
شكرا يا حبيب نورة |
ياخي تسلم
ربنا يخدر قلمك
ويزول ألمك
ويكتر فهمك
شكرن كتيرن!
|
Post: #19
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:36 AM
Parent: #11
مدثر
شكرن كتيرن!
|
Post: #18
Title: Re: سلمي أياك نعشق ونستعين!!
Author: حبيب نورة
Date: 04-30-2009, 00:34 AM
Parent: #10
يا عمدة
ألف شكر
| Quote: ليــــه ياســلمى يا ظالمــــة أبيتي حبيب نورة تواسيـــــه ..... |
|
Post: #21
Title: Re: سلمي أياك نعشق ونستعين!!
Author: BitAlhana
Date: 04-30-2009, 01:07 AM
Parent: #18
كلام جميل؟
لكن نوره طشت؟؟
أوع تقول لي كده ........
|
Post: #22
Title: Re: سلمي أياك نعشق ونستعين!!
Author: سيف الدولة كامل
Date: 04-30-2009, 02:20 AM
Parent: #21
العاشق الولهان,,,,,, حبيب نوره
والله لو سمعك قيس بن الملوح
لمال طرباونسي ليلي
يا صحبي والله انت مدرسة
فضفض خلينا نبتهج معاك
الله يديك العافية
|
Post: #24
Title: Re: سلمي أياك نعشق ونستعين!!
Author: حبيب نورة
Date: 04-30-2009, 09:02 PM
Parent: #22
سيف الدولة كامل
Quote: العاشق الولهان,,,,,, حبيب نوره
والله لو سمعك قيس بن الملوح
لمال طرباونسي ليلي
يا صحبي والله انت مدرسة
فضفض خلينا نبتهج معاك
الله يديك العافية |
ياخي قدر دة!!!
الله يجبر بي خاطرك
قول آآآمين!
|
Post: #23
Title: Re: سلمي أياك نعشق ونستعين!!
Author: حبيب نورة
Date: 04-30-2009, 08:59 PM
Parent: #21
بت الهنا والمني
يختي ما قبيل قلنا سلمي دي نورة متنكرة بس
قالت خايفة من العوازل وحاتك
شكرن كتيرن!
|
Post: #25
Title: Re: سلمي أياك نعشق ونستعين!!
Author: حبيب نورة
Date: 04-30-2009, 09:51 PM
Parent: #23
وين؟؟
|
|
|