|
وثيقة خطيره تفضح الدعم التشادي لحركة اللاعدل ولامساواة (صوره)
|
الوثيقه بتاريخ 16/1/2009 صادره من القنصليه التشاديه بالكفره ومعنونه لجهة الإختصاص وتطلب بوضوح تام دعم المدعو (قهني محمد عبدالله) الذي برفقته 3 سيارات تتبع لحركة العدل والمساواه متوجهه لمنطقة أم جرس بتشاد . المدعو محمد قهني زغاوي من منطقة أم جرس ويعمل بوظيفة إداريه بالقنصليه التشاديه بالكفره . أدناه صوره للوثيقه التي تفضح تورط تشاد الكامل ودعمها اللامحدود للعدل والمساواه .
إلى متى ستظل تشاد تمارس دورها القذر هذا ؟؟؟
|
|
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: عبد اللطيف السيدح)
|
أخ السيدح عبر كل التاريخ والحقب ظل السودان يمد أياديه بيضاء دون سوء لتشاد حكومةً وشعباً دعماً مادياً وخدمياً وحتى معنوياً لكن للأسف الشديد ظلت تشاد تمارس دوراً قذراً وحقيراً جداً دور تشاد ومن خلفها فرنسا في تفعيل الأزمه ومدها بالوقود الكافي لتظل مشتعله كان له الأثر البالغ في إطالة أمد أزمة دارفور وللأسف تم إغراء العميل خليل إبراهيم وقادة العدل والمساواه بالمال والعتاد كما تم إيواء عبدالواحد . اليوم تم فضحهم بهذه الوثيقة الخطيره وغداً سينكشف للعالم أجمع دورهم القذر كاملاً
مؤونة عشرة أعوام من الود
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: omer osman)
|
"الوثيقه صحيحه مليون في الميه"
يعني ب "مليون" دي الناس حتصدقك أكثر !!!!
هسع أنا بالكومبيوتر المتخلف القاعد فيه ممكن أطلع أي وثيقة في العالم بأي لون بأي حرف بأي ختم بأي لوقو إنت عاوزه
لكن برضو الشعبة دي(الجنوب وتشاد) أحسن ليك من شعبة التبشير (وخاصة التبشير البيش بالكهرباء) عارف الجلابة ولياقتهم !!! بسببوا ليك الخرف المبكر كان ما عملت حسابك
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: الصادق ضرار)
|
كدا يا جماعة زحوا لي من صاحبي الصادق ضرار دا .. عليكم الله ما في زول يمسكني منه .. والله يا الصادق إنت زول صاحبي لكن مرات كدا قاعد تظهرها عاملة عدييييييل كدا ..
ياخي إزدواجية معاييرك دي أخير منها فضيحة كهرباء محمد فرح الراحت شمار في مرقة دي..
هسع يعني شنو يا الصادق بلا خجلة جايب ليك صورة لـ "ديبي" و"هندة" وهم بيصوتوا في إنتخابات؟ أوع تقول لي داير تثبت إنه في ديمقراطية في تشاد؟ ولا الفكرة شنو من ورا الصورة؟ كدا عليك الله تعال وقعها لي؟ شفت يال الصادق أخوي الحاجة الوحيدة الممكن أقبلها منك على مضض في الحالة دي إنك تجي تقول مرة "ديبي" أسمح من مرة البشير.. ودي ذاتها ما حأخليك فيها لأنك بتتغزل في حرم رئيسنا الفضلى..(شفت التمييز دا كيف حقت رئيسكم "مرة" وحقت رئيسنا "حرم").. هسع شن قولك يا الصادق كان جا أخونا محمد فرح دا بعد شوية وجاب ليك صور للبشير وهو بيصوت برضو ومعاهو وداد بابكر على يمينه وفاطمة خالد على شماله وفوق للبيعة تكبير وتهليل وشعارنا موسيقى تصويرية؟؟ أها خلاص كدا المشهد دا كدا حيبقى السودان دولة ديمقراطية والبشير خيار الشعب السوداني والعدل والمساواه تبطل جقلبة وتجي تنزل الإنتخابات الجاية؟؟؟
ويعني شنو جايب لي صورة لإدريس ديبي صاري فيها وشه ومادي قدومه وبعاين شذرا كدا؟ ما أخونا محمد فرح بتاع الكهربا دا ذاتو ممكن يجي بعد شوية يجيب ليك صورة للبشير زعلان جدا وصاري فيها وشه وأخلاقه في نخرتو يرغي ويزبد وبيحلف طلاق ثلاثة وبيخت الجماعة تحت جزمته ويقول ليهم موصوا قراراتكم واشربوا مويتها عديييل يعني خلاص كدا البشير حيبقى الأسد النتر ولا تمساح دار كلي ولا "ماغري" ..؟؟؟؟
ويعني شنو جايب ليك شوية مستندات سودانية لمتمردين تشاديين عشان تبرهن على شنو يعني ؟ هسع حكاية السودان متورط في زعزعة أمن تشاد دي محتاجة تتعب روحك وتصرف طاقة قدر دي عشان تثبتها ؟؟ أها قول اجتهدت واثبتها مالك غاضي الطرف عن العكس الصحيح؟ ما ياهو امبارح القريبات دي بعد "غزوة الموز" شفنا أسرى تشاديين مرصوصين في الواطة ووواقفين في راسهم أفراد من "كتبية حجر العسل" زي وقفة أفراد كتببة "هيريبا" في الصورة الإنت جايبها دي؟ وكان على المستندات ماك كنت في المنبر دا لمن اتعرضت مستندات تشادية بالهبل ظهرت بعد "غزوة الموز" واتعرضت هنا دا في منبر الله أكبر دا؟
والسويتو فوق دا كوم ومتاجرتك بأحزان الناس كوم تاني خالص؟ هسع يعني شنو جاي تتاجر بحزن عبدالرحيم محمد حسين الكان ببكي لظروف حزين جدا وقتها (نسيته لكن ما عنده حتى علاقة بالسياسة)، أها في صورة لـ "ديبي" يبيكي فيها أثناء موت ولده ابراهيم القتلتوا مافيا المخدرات والدعارة الكان يتعامل معاها في فرنسا.. يعني خلاص أمشي أفتش على الصورة دي وأجي ألصقها هنا وأتاجر بحزن الراجل؟..
مالكم كيف تحكمون؟
--------- الواحد يغيب من المنبر سنة يجي راجع من أول مداخلة الصادق ضرار يتور ليه نفسه (غايتو جنس غايتو)
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: محمد نور أحمد)
|
محمد فرح و زوار البوست سلام
علي فكرة يا محمد فرح حكاية انه تشاد ( أقصد حكومة تشاد ) مقدمة دعم مادي و معنوي لي حركة العدل و المساواة دي حاجة ما محتاجة إثباتات ولا اوراق ، أي زول متابع الساحة السياسية في الناحية الغربية ( السودان و افريقيا) بقدر يشهد علي كدا و في المقابل كمان الحكومة السودانية مقدمة دعم مادي و معنوي للمعارضة التشادية و مافيش حد أحسن من حد !
والله يا محمد نور البركة في محمد فرح و الصادق ضرار الرجعوك من منفاك الاختياري !! نورت المنبر رغم نفسك الحار و لو عارفين انه بوستات تشاد دي بترجعك كان من زمااااااااان كتبنا عشرين بوست عن تشاد و عن ديبي العاجبكم دا ( ما تصُر لي كدا عااااارفك انت معارضة )
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: محمد نور أحمد)
|
Quote: كدا يا جماعة زحوا لي من صاحبي الصادق ضرار دا .. عليكم الله ما في زول يمسكني منه .. والله يا الصادق إنت زول صاحبي لكن مرات كدا قاعد تظهرها عاملة عدييييييل كدا .. |
و الله جد انا سعيد يا محمد نور التشادي بطلتك . و قبل اي شئ مبروك القناة الفضائية التشادية و شعارو السمح الاسمح من حقنا . جد تلفزيونكم فيهو ابداع واقعي و اكثر حاجه عجبتني النادم الجابوه قاعد يبول في الشارع في كارتي مرجان دفق يعني الامور على الطبيعه .. كمان عجبني فنانكم الشاب البغني لرئيس الجمهورية و هندا ديبي قال : هوي اسد الخلا ديبي طلع منو البرجا .. في لقاء قال هو فنان مشهور و غني في مسرح اسمو قصر الشباب و الاطفال في السودان مكان ده ما اي فنان صغير بيرضوا لي يغني فوقها . شفت جد نحبكم كيف ؟!! لا عاش من يفرقنا .
Quote: ياخي إزدواجية معاييرك دي أخير منها فضيحة كهرباء محمد فرح الراحت شمار في مرقة دي.. مالكم كيف تحكمون؟ |
طبعاً كلامك ده مردود عليك .. انحنا نحفظ الناس اقدارهم و مواقعهم كيف ؟ انا قلت : Quote: مستندات سودانية وجدت بطرف الاسرى السودانين ابان غزو انجمينا |
يعني الناس القطعوا الف كيلو و صلوا انجمينا , حفظت ليهم حقهم و قلت : غزو شوف انت قلت شنو لناس العدل الوصلوا مكان الرئيس بنوم و الطياره بتقوم : اما بخصوص صورة مدام هندا ديبي و ديبي ذاتو , عجبتني الصوره شديد عشان كدا قلت ازين بيهو بوست محمد فرح دا عشان كهربتها ضعيفه و كدا .. عرفت ليش انا ختيت الصوره .
اما الصوره اللي انت بتفتكرها ادريس صاري وجه , في الصوره دي ادريس قاعد يبتسم , النادم دا كان صرا وشو ما بتقابل .. أسألوا محمد نوري بوريكم .
الدعم المتبادل للحركات من الطرفين لا يحتاج الى مستندات او صور للاثبات , و بالتالي محمد فرح سيد البوست دا ما عندو موضوع لأن البوست نفسو مبني على المستند الجابو النادم محمد فرح .. عشان كدا يا حبيب قلت ليهو و دي بردها مستندات بتدعم رأينا.
اما صورة وزير دفاعنا الهمام اللي طالبو بيلو بالتنحي , الراجل قاعد يعبر و بدون ارادته عن وجيعه حاس بيها جوه بطنو .. عمرك لقيت ليك وزير دفاع بيبكي ؟!! ما تخمونا ساكت و تقولوا لينا متاجرة باحزان الناس .. هو لو عندو احساس ما يستقيل و يوفر الحمل التقيل على صاحبو البشير ذي ما قال الطيب مصطفى . بعدين معقول ادريس بكى في وفاة ولدو ابراهيم له الرحمة ؟ النبي على قول دومه نزل لي الصوره دي عشان اشوف الاسد لما يزأر شكلوا بيكون كيف . شفت يا محمد انحنا السودانين ديل نحبكم كبف ؟
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: Nasr)
|
Quote: هسع أنا بالكومبيوتر المتخلف القاعد فيه ممكن أطلع أي وثيقة في العالم بأي لون بأي حرف بأي ختم بأي لوقو إنت عاوزه |
يانصر الوثيقه صحيحه 100% وياريت لو راجعت أخبار اليوم عدد الليله حتلقى معلومات مفصله عن الدعم التشادي للعدل والمساواه والتحركات الحاصله اليومين ديل على الجهه الغربيه يبدو أن هؤلاء الجهله إلتقطوا طعم اوكامبو فمن الواضح أن مباحثات الدوحه لن تستأنف ويبدو أنهم يخططون لمعركة أخرى أثق تماماً أنها لن تكون في صالحهم .
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: علاء الدين يوسف علي محمد)
|
إزيك ياأبو علاء أنا 100% والحمد لله تعرف أكتر حاجه مزعلاني شنو إنو بالجد في خطر داهم على البلاد أو بالأصح في مؤامره تحاك حالياً لتشاد دور كبير جداً فيها قبل فتره القبض على مجموعه تشاديه مسلحه مكونه من 5 أفراد دخلت بسياره لاندكروزر للسودان ولاتزال هناك حالياً قوات تشاديه تربض على الحدود قوامها تقريباً 40 سياره وتزامن أيضا تحركات للعدل والمساواه بقوه قوامها 40 عربة نقل و40 عربة مدفعيه جميعها تشاديه وتحمل لوحات القوات المسلحه التشاديه التحركات كانت من أم جرس والقوه إنقسمت في وادي هور إحداها بقيت هناك وأخرى تحركت لشمال شرق كاري ياري والثالثه لشمال الطينه . عموماً أود هنا تطمين الجميع ان جميع هذه التحركات مرصوده تماماً وأي خطوه أو فرفره تحدث سيكون الرد قوياً جداً وحاسماً للغايه .
مؤونة عام من الود
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: Nazar Yousif)
|
نذار يوسف خليني حسي من الكهرباء والديزل
الصوره دي فيها حاجات غريبه لاحظ الترقيم 1- خليل شايل شنو 2- البطاريه لزومها شنو 3- ديل لسه من زمن الستاير البتجي على شكل سهم ؟؟!!! عدم ذوق مبالغ فيهو
نجي للمهم الليله الحكومه كشفت عن دخول 81 عربه عسكريه تشاديه محمله بالجنود لدارفور ده غير المباحثات السريه القائمه بين دبي وإسرائيل عن دارفور والسودان دور دبي القذر أصبح خطير ومهدد جداً وأصبح لابد من إجتثاث هذا النبت الشيطاني من القاره حتى ينعم الجميع بالإستقرار . أرجو أن يتنبه الغافلون جيداً لهذا الخطر
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: ود الباوقة)
|
الأخ / محمد فرح السلام عليكم أنا أريد أن أصل إلى حقيقة المناضلين في هذا المنبر كل ما تم أيراد خبر يدين الجهات التي تمول الحركات المسلحة في دارفور نطوا مدافعين عن تلك الجهات وأقولها بالفم المليان أنتم عملاء ولا فرق بينكم وبين العدل والمساواة وعبد الواحد بتاع أسرائيل وتشاد . قلنا مليون مرة هنا أن السودان مستهدف خارجياً وإذا أردنا تغيير النظام الحالي ينبغي أن لا يكون التغيير بفوهة البندقية خوفاً من تمزيق الوطن . وثانياً نحن ناس كردفان نعرف حركات دارفور ودورها ونواياها ونعرف دور تشاد من أيام ما يسمى بالنهب المسلح قبل مجئ الأنقاذ نفسها . فهمتوا الدرس يا السادة المناضلين
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: حسن مضوي)
|
Quote: فهمتوا الدرس يا السادة المناضلين |
لا ما فهمنا
Quote: وإذا أردنا تغيير النظام الحالي ينبغي أن لا يكون التغيير بفوهة البندقية خوفاً من تمزيق الوطن |
طاعة ولي الامر واجبة في المفرح و المكره .. الرئيس البشير قال : جبناها بالبندقية الدايرها يشيلها بالبندقية .. يعني الناس ما تطيع ولي الامر و تحمل البندقية و لا كيف ؟ كده انت تزعل الشيخ عبدالرحمن الطقي .
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: حسن مضوي)
|
الأغبياء فقط لا يعرفون الدعم التشادى لحركة العدل والأمر لا يحتاج لإثبات يا عزيزى ولكن السؤال من الذى قدم الدعم للمجاهد خليل فى غزو امدرمان و سبق تحديت مناصرى الدكتور المجاهد خليل فى بيان مصدر تمويل غزو امدرمان وانا متأكد انه يفوق مقدرة الحكومة التشادية منفردة كسرة تم تقسيم العربات والأسلحة بين القوات المسلحة والأمن الوطنى والأحتياطى المركزى بينما تم الحكم بالأعدام على فلول امير المجاهدين تقول لى الطيارة فيها بوري
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: 7abib_alkul)
|
Quote: الأغبياء فقط لا يعرفون الدعم التشادى لحركة العدل والأمر لا يحتاج لإثبات يا عزيزى ولكن السؤال من الذى قدم الدعم للمجاهد خليل فى غزو امدرمان و سبق تحديت مناصرى الدكتور المجاهد خليل فى بيان مصدر تمويل غزو امدرمان وانا متأكد انه يفوق مقدرة الحكومة التشادية منفردة |
حبيب الكل تحيه طيبه الدعم الذي قدم لخليل وبفضله تمكن من الوصول لأمدرمان كان غربياً صرفاً وفرنسا كان لها القدح المعلى في الرد الدعم الغربي لحركات دارفور ملف ضخم جداً يضم بداخله العديد والعديد من الدول الغربيه على رأسها فرنسا ، بريطانيا ، المانيا والنرويج وهناك أيضاً الدعم الصهيوني الـ(لامتناهي)
مؤونة عام من الود
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: محمد فرح)
|
الأخ محمد فرح كما طلبت خلينا الكهرباء ولكن
Quote: نجي للمهم الليله الحكومه كشفت عن دخول 81 عربه عسكريه تشاديه محمله بالجنود لدارفور ده غير المباحثات السريه القائمه بين دبي وإسرائيل عن دارفور والسودان دور دبي القذر أصبح خطير ومهدد جداً وأصبح لابد من إجتثاث هذا النبت الشيطاني من القاره حتى ينعم الجميع بالإستقرار . أرجو أن يتنبه الغافلون جيداً لهذا الخطر |
الأراضى الشرقية مباحة من قبل طيران لم تفتنا الحكومة فيه والأراض الغربية تحركت منها غزوة ام جمينا ، وحركة العدل والمساواة قطعت أكثر 1000 كيلو متر وهى تزحف نحو الخرطوم وبعلم الأجهزة الأمنية ومع هذا حدث ما حدث ، واليوم تقول الحكومة أنها كشفت دخول 81 عربة عسكرية تشادية . فلماذا لم تدمرها ؟
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: محمد عثمان الحاج)
|
Quote: بما أن الوثيقةالمزعومة صادرة في ليبيا فهل المقصود هو اتهام ليبيا بأنها هي التي تدعم الحركة؟ هذا اتهام خطير لدولة ظلت تسعى منذ زمن طويل لإحلال السلام في السودان. |
محمد عثمان دور ليبيا كان ولايزال غامضاً جداً وغير مفهوماً كما هو حال زعيمها القزافي فتارةً ترد أنباءً عن دعمها لحركات التمرد وتارةً تجدها تسعى لإيجاد حل للأزمه عن طريق الحوار لكن أغلب الظن أن لليبيا دور قذر جداً في الأزمه
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: Nazar Yousif)
|
قال حسن مضوي "وإذا أردنا تغيير النظام الحالي ينبغي أن لا يكون التغيير بفوهة البندقية خوفاً من تمزيق الوطن " صحي عين الرضا عن كل عيب كليلة
داير ليك تمزيق وطن أكثر من كدا؟؟؟؟ يذهب الجنوب وتذهب دارفور وحلايب والفشقة والباقي منهوب منهوب؟؟؟
الناس الحاكمين ديل لو إنت منهم قول لهم القول الحق وهو: أرجعو السلطة التي سرقتم بليل لإصحابها المنتخبون ديمقراطيا وإنتظروا الإنتخابات القادمة وانزلو الإنتخابات وما حيحصل ليكم أي عزل سياسي. و لكن سوف تحاسبون علي كل الجرائم التي أرتكبتون في حق الناس بما في ذلك الجريمة المذكورة إعلاه وإذا ما عايزين تسمعوا الحق فالشعب مخير في إزالتكم بكل الوسائل الممكنة وسوف يعمل الشعب السوداني لاسقاطكم لسبب مهم وهو: خوف من تمزيق الوطن وضياعه
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: Nasr)
|
الأخ / NASR تحياتي يا أستاذ * إذا أردنا أن نتكلم عن الديمقراطية وما أدراك ما الديمقراطية نكون كذبنا على أنفسنا السودان أستقل منذ 53 سنة كم عدد السنين التي كان الحكم فيها ديمقراطياً منتخب وكم عدد السنين التي كان فيها الحكم عسكري أتي على ظهر الدبابة أكيد الغلبة للأخير يا عزيزي نحن نعيش في دولة من دول العالم الثالث مثلنا ومثل جيرانا الأفارقة احتراب وانقلابات عسكرية وغيرها . * الخلاصة التي أريد أن أوصلك لها هي أن هذا النظام أكتسب شرعيته بعد التوقيع على اتفاقية نيفاشا يعني حتى الغرب أعترف بشرعية البشير بعد نيفاشا وبموجب الاتفاقية أصبح البشير الرئيس الشرعي لجمهورية السودان . * فالعلة ليست في الحكومة الحالية العلة في ما يسمي بالقوة السياسية السودانية التي فشلت تماماً في وضع دستور ثابت للدولة يحكمها ويسير أمورها ويحفظ حقوق كل السودانيين . * إما بالنسبة لحركات دارفور ودولة تشاد لو كنت في مسرح الأحداث أو كنت من موطني كردفان أكيد حا تغير رأيك فيهم وهنالك حاجات كثيرة مسكوت عنها مورست ضد أهلنا الرعاة الأبرياء في كردفان من هذه الحركات ومعاونيهم . * بالنسبة لحلايب والفشقة التي ذكرتها هل تريد من الحكومة وفي ظل هذا الوضع أن تفتح جبهات مع مصر وأثيوبيا ولكن الحكومة ليست غافلة عن هذه الأشياء فسوف يأتي اليوم الذي ترى فيه الحكومة ترد الصاع صاعين لهؤلاء الذين استغلوا ظروفنا ونهبوا أراضينا . وبالنسبة للجنوب ورينا يعملوا ليه شنو شعب بحارب أكثر من نصف قرن من أجل حق تقرير المصير هل من حقنا أن نتعنت أكثر من اللازم ونزيد من سفك الدماء وزهق الأرواح فالجنوبيين الآن الكرة في ملعبهم فإذا أتحدوا هذا ما نريده وإذا انفصلوا فليذهبوا هذا ما أرادوه . * إما بالنسبة لكلامك الذي ذكرت فيه أن الشعب مخير في إزالة النظام صحيح أن الشعب غير نظامين في انتفاضتين ولكن الآن الظروف اختلفت ففي السابق عندما تكون هنالك انتفاضة شعبية بعد الانتفاضة وسقوط النظام يحدث الفراغ ويأتي الجيش ويملأ هذا الفراغ ولكن هذه المرة لو قامت انتفاضة شعبية هل من المؤكد أن يملأ الجيش هذا الفراغ احتمال لا واحتمال أن تأتي جهات أخرى تسد الفراغ وهذا ما نخشاه . وفي الختام يا عزيزي نتمنى وحدة السودان ولم شتات الشعب السوداني ونقول اللهم لا تجعل الخلاف ديدننا ولك خالص الود
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: محمد فرح)
|
ود فرح
انت كادب واكبر من كادب رايك شنو ؟...
اولا القنصل المكلف اسم غير صحيح ...
ثانيا التاريخ ملفق تمام...
لان القنصل وقتها هو المرحوم عثمان مصطفى جار النبئ توفى اثر عله مفاجاة فى تونس...
وحركة العدل والمساواة ادا كانت تجد دعم من تشاد بهدا المستوى لكان نظام البشير الان فى خبر كان ...
كن صادقا فى مثل هده الامور لانها تدخل حكومتك فى حرج اولا وتتعب الدبلوماسية ايضا كثيرا ..
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: محمد مكى محمد)
|
محمد فرح بعد وثيقتك اللى قدمتها هنا ، جماعتك ناس المؤتمر الوطني في الحكومة جروا جري الى الدوحة وامامهم اكثر من وثيقة وقعتها مع الجارة تشاد ، اولها وثيقة سرت ، الجنادرية بالرياض ، باريس طرابلس ، داكار ، والان يمكن يوقعوا واحدة جديدة تسمى وثيقة الدوحة ، اصلا قلم ( الجاف بتاع المؤتمر الوطني او الحبر السائل دة ما بكمل من التوقيعات ) وثائق التوقيعات في ظل المؤتمر الوطني ادهشت كل العالم ... وربنا كل يوم يكشف لينا ادعاءات وكذب ونفاق جماعة المؤتمر الوطني ، لان لا عهد لهم ولا يحترمون المواثيق سواء مع الدول ، او مع شعبهم ، لكن تلقاهم يرقدوا وينبطحوا للامريكان والدول الغربية واسرائيل ، والجايات اكتر
الكهرباء جات ... وللا يصبروا اهلنا ...
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: مصطفي سري)
|
Quote: محمد فرح بعد وثيقتك اللى قدمتها هنا ، جماعتك ناس المؤتمر الوطني في الحكومة جروا جري الى الدوحة وامامهم اكثر من وثيقة وقعتها مع الجارة تشاد ، اولها وثيقة سرت ، الجنادرية بالرياض ، باريس طرابلس ، داكار ، والان يمكن يوقعوا واحدة جديدة تسمى وثيقة الدوحة ، اصلا قلم ( الجاف بتاع المؤتمر الوطني او الحبر السائل دة ما بكمل من التوقيعات ) وثائق التوقيعات في ظل المؤتمر الوطني ادهشت كل العالم ... |
مصطفى سري وسنظل نجري ونلهث وسنفتح أي كوه أو منفذ تلج منه رياح الحوار اما ماذكرته عن عدم إحترام المواثيق فهذا هو ماكذبت منه للأسف وأنت صحفي منوط بك كتابة الحق ولو كان ضد نفسك . ويمكن أن تتحرى كل الإتفاقيات التي وقعتها الحكومه سواءً مع الحركه او مناوي او جبهة الشرق فهي خير دليل على مدى حفظ الحكومه لعهودها ومواثقيقها .
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: محمد فرح)
|
Quote: الصوره دي فيها حاجات غريبه لاحظ الترقيم 1- خليل شايل شنو 2- البطاريه لزومها شنو 3- ديل لسه من زمن الستاير البتجي على شكل سهم ؟؟!!! عدم ذوق مبالغ فيهو |
محمد فرح ازيييك الاجابة على الاسئلة الما ليها معنى دى الاتى:-
1- خليل شايل منشة عشان يهش بيها الناس الماليهم لازمة ومضايفين خلق الله فى السودان.
2- البطارية عشان عارفين كذبة ابريل حقت الكهرباء الفكيتوها فى الناس.
3- ناس قاعدين فى خلا الله اكبر دايرهم يركبو ستاير سيدار؟؟؟
عالم وهم بشكل
على فكرة اخبار الكهربا شنو؟؟؟؟
| |
|
|
|
|
|
|
ود فرح كيفك لاتكن استغلالى للمواقف .. المرحوم كان يمارس عمله قبل يوم من وفاته ... وانت الان اصبحت رجل كاذب لا تستطيع ان تثبت ان الوثيقة حقيقة ..
| |
|
|
|
|
|
|
Re: وثيقة خطيره تفضح الدعم التشادي لحركة اللاعدل ولامساواة (صوره) (Re: Zakaria Joseph)
|
Quote: و ده عشان خاطر التشادي محمد نور |
ليس محمد نور وحده من طعن الزبانيه في سودانيته ، بل جميع أهل دارفور الذين قال عنهم أحد كبار الزبانيه أنهم ليسوا سودانيين وإتهم حزب الأمه بتجنيسهم ليعزز قوته الإنتخابيه .
هذا الطريق وعر للغايه وسيجر وبالا لا يقوى عليه أحد .
وإلا فما معايير السودانيه ، وما تقول لي إلا تدعم رأس الدوله المجرم !!! ...
| |
|
|
|
|
|
|