Post: #1
Title: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامحوني
Author: عزام حسن فرح
Date: 04-28-2009, 12:23 PM
Parent: #0
أو كُنت شِيوعي أو مؤتمر وطني (ما كوز) أو مؤتمر وطني ( كوز )
أو مؤتمر شعبي ( ما كوز ) أو مؤتمر شعبي ( كوز )
أو إتِحادي ديمُقراطي ( موالي ) أو إتِحادي ديمُقراطي ( ما مُوالي )
أو أمة ( موالي ) أو أمة( ما مُوالي )
يعني المطلوب مني شنو ... أعمل شنو علشان الناس تتقبلني بِالشكل أو النُسخة الجديدة لازِم يِكون في حل ... لازِم ... لأن كُلنا بِنغلط ... بِنطمع ... بِننبهِر ... المال والسُلطة مُمكِن يخليوني أظلُم الناس ... لكِن ... عرِفت إني غلطان وإني ظلمت ناس كُتار ... أعمل شنو ... أقبِل وين ... الناس ممكِن تسامحني ولا خلاص على كِده ... ولو خلاص فايده الخُطب والنصائِح وأتبع السيئة الحسنة تمْحوها شنو ... يعني أبقى ظالِم طالما إنتو ما عاوزين تسامحوني ولا شنو ...
|
Post: #2
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: محمد عبد الماجد الصايم
Date: 04-28-2009, 12:28 PM
Parent: #1
لما تشوف حلمة ودنكـ!
|
Post: #4
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Nader Abu Kadouk
Date: 04-28-2009, 12:44 PM
Parent: #2
عزام تعتمد على نوع العذاب ماذا فعلت بالإنسان المعين
المده الزمنيه ليها تأثير شديد
عندك نميري لو كان رجع في السنين الاولى بعد الإنتفاضه كان تقبل الناس بكون مختلف
ببساطه الإجابه على التسؤل لا يمكن تكون بلا او نعم
|
Post: #8
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 12:55 PM
Parent: #2
محمد عبدالماجِد الصائِم ...
Quote: لما تشوف حلمة ودنكـ! |
وأكان قطعت ليك حلمه أضاني وقُلت ليك أطلع فوقا بِمداسك بس سامحني بِتسامحني ...
|
Post: #3
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: مها عبد الله
Date: 04-28-2009, 12:37 PM
Parent: #1
Quote: أو كُنت شِيوعي
أو مؤتمر وطني (ما كوز) أو مؤتمر وطني ( كوز )
أو مؤتمر شعبي ( ما كوز ) أو مؤتمر شعبي ( كوز )
أو إتِحادي ديمُقراطي ( موالي ) أو إتِحادي ديمُقراطي ( ما مُوالي )
أو أمة ( موالي ) أو أمة( ما مُوالي ) |
سامحتك سامحتك سامحتك كتييييييير مع الإعتزار لصاحبة الأغنية ( أصاله )
Quote: إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامحوني |
دي نهائي مافيها مُسامحه !!
|
Post: #5
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 12:47 PM
Parent: #3
مها عبدالله ...
Quote: دي نهائي مافيها مُسامحه !! |
ليه كِده يا مها هو الزول أكان قتلو قتيل عديل كدي في الدِية في العفو الما بخليك تسامحي في التلطِش والتِخِبت والتِشِلِت شنو ... أها النقول ما سامحتيني ... أعمل شنو يعني ... أقنِب ألطِش وأخيِت وأشلِت كدي لِبتين ... لازِم يكون في نفاج ... لازِم يِكون بابِك مُوارِب ... لازِم يِكون في فَرقة أصلو قلبِك ده حجر ... أيوه أنا عذبت فُلان وعِلان لامِن كُنت مُتعصِب أو بحافِظ على موقعي ... على جاهي ... على سُلطتي ... بس ... هسِع خلاص عِرفت إنو الله حق تُبت ... رجعت ... تقومي تقول لي ما مُسامحاك ... أرجع تاني لطِش الناس ...
معقول كِده يا مها ...
|
Post: #6
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Siham Elmugammar
Date: 04-28-2009, 12:52 PM
Parent: #5
Quote: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح |
يا عزام انسى الا دى......نوهائى مافى طريقة الله يسامحك فى حقو...عشان هو الله غفار و تواب لكن نحن البشر ديل ما بنسامحك لو بقيت نبى... عشان نحن بشر...و نقابلك يوم العدل الاكبر ونقيف ندق باب الله ياخد لينا حقنا تالت و متلت
حنكك بيش
|
Post: #7
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 12:53 PM
Parent: #5
Nader Abukadouk
Quote: عزام تعتمد على نوع العذاب ماذا فعلت بالإنسان المعين
المده الزمنيه ليها تأثير شديد |
ما أكتر مِن سَيِدنا بِلال السامح المُهِم ما أكتر مِن نلسون مانديلا الطلع وسامح
مبدأ مُسامحة الغلطان ... الآثِم ... المُجرِم غير المقبوض علَيهِ ... لأنو في فرق لامِن تقبُض علي وأنا برتكِب الجريمة وتحكُم علي وبين إني براي أجي أقول ليك أنا ياهو العذبتك سنة كدي وأنا غلطان ودايرك تسامحني ... زي ده حقو يكون ليهو حل ...
|
Post: #10
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Osama Mohammed
Date: 04-28-2009, 01:02 PM
Parent: #7
ده ياهو المثل البقول ....
(دقّو وأتعضرلو )
طيب لو انت جيت لي واحد واعتذرته ليهو . لكن في اثناء الحبس كنت بتكفت فيهو وتشلت فيهو وتقول ليهو ( ياكافر يا زنديق عاوز تتظاهر عشان تفشّل دولة الاسلام ) ... وجيت واتعذرته للراجل وسامحك لكن بي طلب انو يديك كف واحد وشلوت واحد وبعد الكف والشلوت يقول ليك ( انا مسلم زيك لكن الكنت بتعمل فيهو داك كان غلط) ... بتقبل ؟
انتو البورد ده الليلة فيهو وجع أمن ولا شنو ؟
|
Post: #11
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: osman righeem
Date: 04-28-2009, 01:02 PM
Parent: #7
المسامح ربنا نحن وي دونت و حنزر وازرة وزر أخري
وحتصير معلقه فيك و في عقابك لي يو الدين حتي لو سامحناك لن يرحل عنك العار
|
Post: #12
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 01:03 PM
Parent: #7
Siham Elmugammar
Quote: يا عزام انسى الا دى......نوهائى مافى طريقة الله يسامحك فى حقو...عشان هو الله غفار و تواب لكن نحن البشر ديل ما بنسامحك لو بقيت نبى... عشان نحن بشر...و نقابلك يوم العدل الاكبر ونقيف ندق باب الله ياخد لينا حقنا تالت و متلت |
الله ذاتو عِندو عجايِب ... لامِن الله يِسامحني بِكون الذنب السويتو فوقكِ إتمحى إتْشال ... لكِن لأنو عادِل بِقوم بِيديكي حسنات قدُر ظُلمي ليكي أو بِشيل مِنك سيئات قدُر ظُلمي ليكي ...
لا بيش ولا شِتين ... حنك مَجَيَه وزين
|
Post: #20
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: مها عبد الله
Date: 04-28-2009, 01:55 PM
Parent: #5
Quote: أيوه أنا عذبت فُلان وعِلان لامِن كُنت مُتعصِب أو بحافِظ على موقعي ... على جاهي ... على سُلطتي ... بس ... هسِع خلاص عِرفت إنو الله حق تُبت ... رجعت ... تقومي تقول لي ما مُسامحاك ... أرجع تاني لطِش الناس ...
|
يعني هسه سلطه مافي وجاه ( بخ بخ ) الشخصيه دي ما غريبه عليً !! أوعه تكون الطيب سيخه !! برضو ما مسامحاك يا عزام واصل ( شلِت شلِيتك )
|
Post: #9
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: محمد أبوالعزائم أبوالريش
Date: 04-28-2009, 12:58 PM
Parent: #3
Quote: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح |
الله يرحم أم كلثوم قالت: عايزنا نرجع زي زمان ........ قول للزمان ارجع يا زمان وهات لي قلب لا داب ولا حب ... ولا انجرح ولا شاف حرمان
عزّام ... ذكرتني معمر القذافي سألوهو مرة في الجزيرة عن تسليمو بابكر النور لنميري .... وكان ردّو ما معناهو إنو كان لسة (صغير) وجديد على السياسة. طبعاً ما اعتذر ولا شئ. وافرض إنو اعتذر .... بابكر النور حيرجع؟
|
Post: #13
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 01:13 PM
Parent: #9
Osama Mohammed
Quote: طيب لو انت جيت لي واحد واعتذرته ليهو . لكن في اثناء الحبس كنت بتكفت فيهو وتشلت فيهو وتقول ليهو ( ياكافر يا زنديق عاوز تتظاهر عشان تفشّل دولة الاسلام ) ... وجيت واتعذرته للراجل وسامحك لكن بي طلب انو يديك كف واحد وشلوت واحد وبعد الكف والشلوت يقول ليك ( انا مسلم زيك لكن الكنت بتعمل فيهو داك كان غلط) ... بتقبل ؟ |
وكتين أخدت تِشِلِتك التِعيفي راجي بيهو شنو ... تعفي لي يعني تعفي وأكون طامِع كمان في إحسانك ... يا زول أنا نِدمت وسافي التُراب وجيت لا عِندك قُلت ليك أنا غلطان و مسكت لي كِرعينك وطالِب عفوك ... تقول لي عِلا أشلِتك ... سمِح ماسِك كِرعينك فوق كم ...
|
Post: #15
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 01:20 PM
Parent: #13
osman righeem
Quote: وحتصير معلقه فيك و في عقابك لي يو الدين |
ده كلام ده ... وذنب عقابي شنو في السويتو أنا في خلق الله كُل زول يا زول مَعلق مِن عرقوبو ... أنا على كُل حال جيتك وطلبت عفوك ... وإت أبيت ... الله كريم ... لو عفى لي ما بِظلُمك ... لكِن إتْ لو فعيت لي بعد ندمي ودمعي بِتكون كظمت غيظك وأحسنت بعد عفوك عني ... وده والله أخير مِن عِبادة سنين ...
|
Post: #14
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Siham Elmugammar
Date: 04-28-2009, 01:17 PM
Parent: #9
Quote: الله ذاتو عِندو عجايِب ... لامِن الله يِسامحني بِكون الذنب السويتو فوقكِ إتمحى إتْشال ... لكِن لأنو عادِل بِقوم بِيديكي حسنات قدُر ظُلمي ليكي أو بِشيل مِنك سيئات قدُر ظُلمي ليكي ...
|
يا عزام ياخ البعرفو انا انو الله بيسامح فى حقو و حق الناس بخلى للناس دى كيف يوم القيامة ما عارفاها لكن نظرا لانو الله ادى حق القصاص فى الدنيا دى لاهل المقتول يا اما يقتصو او يقبلو الدية او يعفو ح افترض انو ده الح يحصل فى يوم القيامة اهااااااا مسامحة ناهيييييييييييييى و ح نشحد الله لبتاع الامن العذب الناس ده (ما انت... لانو الجاى صعب ما احب يكون موجة لشخصك الكريم) انو يعصجو......
|
Post: #17
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Siham Elmugammar
Date: 04-28-2009, 01:24 PM
Parent: #14
Quote: وأكان قطعت ليك حلمه أضاني وقُلت ليك أطلع فوقا بِمداسك بس سامحني بِتسامحني ... |
اصالة عن نفسى و نيابة عن ود الصايم يمين مش كان قطعت حلمة اضانك يا خ لو قطعت نخرتك و اوصالك الاربعة و طلبت يعلقوك من نصك مافى سماااااااااااااااااااااااح
برضو حنكك بيش ________________________________________ انت يا عزام مالك قاتح نيران ذى دى ما كنت ولد كويس مكسر و مكسرين فيك :):):):):)
|
Post: #18
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 01:28 PM
Parent: #14
Siham Elmugammar
Quote: اهااااااا مسامحة ناهيييييييييييييى |
Quote: و ح نشحد الله لبتاع الامن العذب الناس ده انو يعصجو...... |
أمانة ما عصرتي علي شديد يا بِت المُجمر ... الله في
|
Post: #16
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: abubakr
Date: 04-28-2009, 01:23 PM
Parent: #9
Quote: وافرض إنو اعتذر .... بابكر النور حيرجع؟ |
شاهدت اكثر من مرة افلاما توثيقية من رواندا تبين مدي الخراب والقتل والابادة التي حدثت ثم تاتي باطراف كانت تعيش او تعيش في مكان واحد من القبيلتيين التي ابادت احدهما الاخري ويكون الموضوع نوع من التصالح بين احد افراد المغدور به والقاتل ...ومعظم القتلة والمغدلوريين كانو يعيشون مثلا في قرية واحدة او منطقة واحدة او جيران وتتدخل الكنيسة او جهة دينية لرعاية الصلح او التصالح او السماح ويحكي القاتل قصته وكيف غدر بجاره او جارته او طفلتهم وهو يعرفهم جيدا ويوما ماكان هنالك تزاوج بين الاسرتيين ولم اجد في اقوال القتلة الذين استمعت اليهم ما يفيد بسبب يجععله يقتل سوي انه كان لابد ان يقتل ودون رحمة ...وياتي اهل المغدور به او بها او زوجة المغدور به/ها او ام المغدور به/ها ويحكون ماساتهم بالتفصيل وتراهم كلهم في حيرة من امر القاتل واحيانا تتم المواجهة مع عزومة غداء او عشاء عند اهل المغدور به او زوجته ....كنت احاول دائما ان امعن النظر في وجه الشخص الذي يمثل المغدور به وهو يتحدث ( وفي معظم الاحايين امراة اغتيل زوجها او احد اطفالها) فلا اجد تناغما بين قوله/ه عن الصفح والتسامح وتعابير وجه/ها ... وكذلك كنت اتابع وجه القاتل فاجد خوفا اكثر منه ندما ... الامر يااعزائي يتجاوز كلمة "سماح واتصافيناوانا غلطان " .. البشر غير الملائكة ولذا وضعت قوانيين لتعاقب المذنبيين وهم علي الارض وليسو تحتها
|
Post: #19
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Osama Mohammed
Date: 04-28-2009, 01:49 PM
Parent: #16
Quote: وكتين أخدت تِشِلِتك التِعيفي راجي بيهو شنو ... تعفي لي يعني تعفي وأكون طامِع كمان في إحسانك ... يا زول أنا نِدمت وسافي التُراب وجيت لا عِندك قُلت ليك أنا غلطان و مسكت لي كِرعينك وطالِب عفوك ... تقول لي عِلا أشلِتك ... سمِح ماسِك كِرعينك فوق كم ... |
عفو بدون كفيت مافي ...... وبدل ما اديك كفوفك وشلاليتك الكتيرة ديك عاوز اديك شلوت وكف واحد غير كده ..... لملم عفشك واتخارج ... انت ما عاوز تطلب مني عفو انت عاوز (تأمرني بانو اعفي منك ) .... عزام اسمع كلام بت المجمر دي ....
مافي عفو ملح يا تتسجن زي ما سجنتني يا تاخد كف وشلوت .... وبعدين نعفي عنك
ثمح ؟
|
Post: #21
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 04:40 PM
Parent: #19
abubakr
لا بِتاعت رواندا دي تقتيل وتمثيل وسادِية ... أنا بتكلم على التِكِفِت والتِشِلِت والتِلِكِم بس ... أصلي كُنت مؤمِن ومُعتقِد بِالإتِجاة الحاكِم البلد وكُنت خايِف إنو التجرُبة الحتخلي الحقول تشتعِل قمحاً ووعداُ وتمني تفشل ... كُنت مُتيقِن بِصلاح ونزاهة الحكومة ... كُنت ببكي لامِن ناس المُعارضة يِشتِمو ناس الحكومة ... أنا كُنت غلطان ... غلطان ... فُقت لِقيت روحي ظلمت ناس كُتار ... وما عارِف أعمل شنو سألت ناس الدين قالو لي خلي الناس تعفي ليك ... وأها تراني طالِب عفوكُم طالِب تسامحوني ... كِفاية علي إني ما قادِر أنوم الليل ... ما قادِر أعيش زي الناس ... أولادي هجرتهُم مِن كُتر ما أنا خجلان منهُم ... زوجتي مُجافياني مِن زمن ... نسابتي حاربوني ... أهلي لفظوني ... ما عِندي أصحاب ... ما عِندي أصدِقاء ...
|
Post: #22
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: abubakr
Date: 04-28-2009, 04:51 PM
Parent: #21
Quote: لا بِتاعت رواندا دي تقتيل وتمثيل وسادِية ... أنا بتكلم على التِكِفِت والتِشِلِت والتِلِكِم بس ... أصلي كُنت مؤمِن ومُعتقِد بِالإتِجاة الحاكِم البلد وكُنت خايِف إنو التجرُبة الحتخلي الحقول تشتعِل قمحاً ووعداُ وتمني تفشل ... كُنت مُتيقِن بِصلاح ونزاهة الحكومة ... كُنت ببكي لامِن ناس المُعارضة يِشتِمو ناس الحكومة ... أنا كُنت غلطان ... غلطان ... فُقت لِقيت روحي ظلمت ناس كُتار ... وما عارِف أعمل شنو سألت ناس الدين قالو لي خلي الناس تعفي ليك ... وأها تراني طالِب عفوكُم طالِب تسامحوني ... كِفاية علي إني ما قادِر أنوم الليل ... ما قادِر أعيش زي الناس ... أولادي هجرتهُم مِن كُتر ما أنا خجلان منهُم ... زوجتي مُجافياني مِن زمن ... نسابتي حاربوني ... أهلي لفظوني ... ما عِندي أصحاب ... ما عِندي أصدِقاء ... |
ياقريبي كرامة الانسان هي التي تجعله يموت من اجلها والتعذيب بانواع ما ذكرت والترهيب لقتل روح الانسان وكرامته ابادة لقيم وبالتالي ليس هنالك ما يبرر ذلك فالانسان اهم من حقول القمح واصلو عايزين القمح لمين ....؟؟؟ انت (الافتراضي) يجب ان تنال عقابا صارما حتي تكون عبرة لغيرك مستقبلا ... في مثل هذه الجرائم القانون وحده هو الذي يقرر وليست العواطف ...وكل نفس بما كسبت رهينة ....
__________
انت ياقريبي بعيد عنك وعن البحبوك اما انت(الافتراضي) فبالله اديللو كما يقول اهلنا
|
Post: #23
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: أسامه الكرور
Date: 04-28-2009, 04:51 PM
Parent: #21
لن أسامحك ... ليس للتشفى .. ولكن لأجل أطفالى وأطفالك الذين لاذنب لهم .. لأجل ألا يكررها غيرك وهو مطمئن لتسامحنا لن أسامحك إطلاقاً
|
Post: #24
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 04:54 PM
Parent: #21
Osama Mohammed
Quote: عفو بدون كفيت مافي |
أنا طلعت مِن الأمن وكانت رُتبتي (رائِد) وبكفِت في الناس مِن (مُلازِم) يعني إنت عاوِزني أستحمل (4) ألف كف و(4) شلوت و(4) بُنيه ... أنا كفت (أ) مِن الناس واحِد كف وواحِد شلوت وواحِد (بُنَيه) و(أ) ده مشا بعد داك بيتُم ... أها أنا بعد كُل واحِد يِخلص حقو أمِش وين هو أنا حألحق أخلِص حق الناس ... ما بكون مُتْ مِن أول (100) كف ... وبِتكون إنت سبب موتي لأنو ياتو كف هو السبب موتي ... ده إشتراك في جريمة مع سبق الإصرار ... إنت ما دايِر تسامِح في كف وشلوت وبُنيه وبتقول الله ياخُد ليك حقكك مني ... أها الله بعدين حيسوي فيك شنو وإنت قتلتني فوق كف وشلوت وبُنيه ... أخير العفو ... على الأقل إنت حتاخُد حقك يوم القِيامة ... على الأقل إنت هسِع عايِش ... أنا مَيِت بِالحيا ...
|
Post: #25
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Elbagir Osman
Date: 04-28-2009, 05:14 PM
Parent: #24
هدف مقاومي التعذيب الأساسي
هو توبة جلادي التعذيب
واستعادتهم إنسانيتهم
التوبة تستلزم
الإعتراف بالذنب
قبول العقاب
تعويض الضحية
العفو
حق للضحايا وحدهم
ليس لغيرهم
لا الدولة ولا حزب ولا تجمع ولا إتفاقية ولا منظمة
تسقط حقوق الضحايا
وليس من حق ضحية التنازل عن حقوق الضحايا الآخرين لأنها شخصية وأصيلة
المثال على تعويض الضحايا الذي يمكن القياس عليه
تعويض المسلم الكندي من أصل سوري
ماهر عرار
الذي - بسبب التعذيب الذي تعرض له في سوريا بتواطؤ الشرطة الإتحادية الكندية-
أعتذر له رئيس الوزراء والحكومة أعتذر له البرلمان استقال رئيس الشرطة دفعت له الحكومة مبلغ 12000000 (إثنا عشر مليون دولار) كتسوية خارج المحكمة حتي لا يقاضي الحكومة
وقيمة الإنسان واحدة
في كل المجتمعات
وكرامتهم واحدة
الباقر موسى
|
Post: #26
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: مزمل خيرى
Date: 04-28-2009, 06:17 PM
Parent: #25
عزام يا قرييبى
عشان انت بلدينا بنسامحك .. انت عارف أهلك المحس ديل قلوبهم حنينة
أنا بضمن ليك منطقة المحس عموما ح تسامحك ..!!
ياشيخ ربنا بيغفر .. نحن شنو ؟؟؟
|
Post: #27
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Badreldin Ahmed Musa
Date: 04-28-2009, 06:24 PM
Parent: #26
فضح الجلادين هو الضمان الوحيد ان لا يفعلها اخرين.
يجب ان ينشر كل من تم تعذيبه كل التفاصيل و الاسماء لكي يعرف الناس مدي لا انسانية مستغلي السلطة
و لكي يعرف كل من سولت له نفسه فعل ذلك بشاعة ما قام به.
فضيحة ان يدعو الجلاد لدولة فضيلة و يمارس الشذوذ على ضحاياه
فضيحة ان يدعي الجلاد كمال الاخلاق و يمارس الارهاب
-------------------------
عزام
سلامات
لا
|
Post: #28
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: ناصر احمد الامين
Date: 04-28-2009, 06:25 PM
Parent: #26
و انا برضو مسامحك
|
Post: #29
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 06:50 PM
Parent: #28
مُزمِل خيري
قريبي وسِري
حليلك ...
Quote: عزام يا قرييبى عشان انت بلدينا بنسامحك .. انت عارف أهلك المحس ديل قلوبهم حنينة أنا بضمن ليك منطقة المحس عموما ح تسامحك ..!! ياشيخ ربنا بيغفر .. نحن شنو ؟؟؟ |
بِالله مُش كِده ... يعني بعد ما أكُب دِميعاتي وأسِف التُراب شِن أسوي عًقُب الناس مالُم بِقو قاسيين كِده ... ما كُل الخلق بِتغلط ... أنا ما مِن البشر ولا شنو يعني ... أنا دايِر العفو ...
|
Post: #30
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 06:59 PM
Parent: #29
ناصِر أحمد الأمين ...
وما حتندم والله ... أصلو إنت دايِر شنو يعني ... حقك يرجع ليك أو تتشفى فوقي ... حقك ده ضِمنو ليك الله يوم القِيامة أو يِعَوضو ليك وتلقاهو في عِيالك أو صحتك أو يِخارجك مِن سعير جُهنم ... التِشِفي ما بِشبهك وإنت الإكتويت بِنار غبائي وحقدي ... إنت عاقِل لأنك إتعظت بي ... والسعيد البِتعظ بِأخو ...
كتر خيرك يا خوي كتر خيرك ...
|
Post: #31
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 07:04 PM
Parent: #30
Badreldin Ahmed Musa
Quote: فضح الجلادين هو الضمان الوحيد ان لا يفعلها اخرين. يجب ان ينشر كل من تم تعذيبه كل التفاصيل و الاسماء لكي يعرف الناس مدي لا انسانية مستغلي السلطة و لكي يعرف كل من سولت له نفسه فعل ذلك بشاعة ما قام به. فضيحة ان يدعو الجلاد لدولة فضيلة و يمارس الشذوذ على ضحاياه فضيحة ان يدعي الجلاد كمال الاخلاق و يمارس الارهاب
------------------------- عزام سلامات
لا |
يِسلِمك الله إنشاءالله ...
بس كلامك ده فوق الأمنجي المُدسين ... الطابور الخامِس ... أنا يا خوي جيت براي بِكِرْعيني ودايِر العفو مِنك ...
|
Post: #32
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Badreldin Ahmed Musa
Date: 04-28-2009, 07:33 PM
Parent: #31
عزام
سلامات
Quote: بس كلامك ده فوق الأمنجي المُدسين ... الطابور الخامِس ... أنا يا خوي جيت براي بِكِرْعيني ودايِر العفو مِنك ... |
كويس يا عزام
ورينا و احكي لينا
1-عذبت كم زول و اذكر اسماءهم
2-اعترف بكل حالات التعذيب التي شهدتها و من قاموا بها و الاساليب التي استعملت و اسماء الضحايا
3-انواع الاوامر التي كانت تصدر: هل مثلا في اوامر بممارسة الفاحشة على المعتقلين و من هم الضباط
الذين اصدروا الاوامر
4-هل شهدت اغتيال معارضين، كيف تم اغتيالهم؟
5-هل مارست او زملاءك الاعتداء على النساء و الفتيات المعتقلات؟
------------------------ عزام ما تدخل نفسك في حتة ضيقة!
|
Post: #33
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: معتصم ود الجمام
Date: 04-28-2009, 07:36 PM
Parent: #31
عزام يا جميل رايك شنو في الزول او الناس الكتلو د/ علي فضل بتلك الطريقة البشعة ... وانكارهم انهم قتلوه وعاوزين يلبسوها للملاريا بدون اي خجل .. هل تعتقد العم فضل سيغفر لهولاء القتلة هل سيرضى عن شخص امره ان يدفن ابنه دون تشريح و....و,,, صراحة بحلاوة روحك ومزحك ومواقفك الجميلة لا يعجبني ان تكون بطل هذة الحكاية القبيحــــة حتى ولو بالافتراض ...
التعديل لاضافة حتى لو بالافتراض
|
Post: #34
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Amin Mahmoud Zorba
Date: 04-28-2009, 07:42 PM
Parent: #31
عزام سلامات هناك شئ مهم جداً اريد اللفت له النظر هناك مجموعة كبيرة من الذين تعرضو لإ نتهاك جسدي واغتصاب وتحرش في ظل حيكومة الانقاذ كثيرون تشردت اسرهم وتعرضت للضياع بسبب الاعتقال وهولاء لا اعتقد انهم يؤمنون بقضاء او قانون
وسوف تظهر ظاهرة في التاريخ السوداني القريب
أن ينتقم المظلوم من الظالم
قتلاً أو خطفاً ليمارس معه ما كان يفعله به ومايضمن اي واحد عذب او اهان كرامة او اغتصب او ذل او انتهك من أن يسير في الشارع او يقعد في بيتهم اوفي عربته وهو مطمئن
العنف لا يولد الا العنف
ومافي راجل بخاف من راجل
لكي لا تحدث مثل هذه الجرائم [b[Uلابد من شفافية واعترافات من قبل رجال الامن بما كان يحدث بل تصوير كل ذلك العنف في شكل دراما توثقية وحفظة كأرشيف للاجيال القادمة بكل ماحدث
واتفق تماما مع الباقر في ما حدث من شكل معالجة من قبل الحكومة الكندية للمواطن السوري
|
Post: #35
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: يوسف الولى
Date: 04-28-2009, 08:12 PM
Parent: #34
الاخ عزام اليك تلك القصه
عن أنس بن مالك – رضى الله عنه – أتى رجل من أهل مصر إلى عمر بن الخطاب رضى الله عنه فقال : يا أمير المؤمنين عائذ بك من الظلم قال : عذت بمعاذ ، قال : سابقت ابن عمرو بن العاص فسبقته ، فجعل يضربنى بالسوط ويقول : أنا ابن الأكرمين ، فكتب عمر إلى عمرو يأمره بالقدوم عليه ، ويَقْدم بابنه معه ، فقدم ، فقال عمر : أين المصرى؟ خذ السوط فاضرب فجعل يضربه بالسوط ، ويقول عمر : اضرب ابن الألْيَمَيْن ، قال أنس : فضرب ، فوالله لقد ضربه ونحن نحب ضربه ، فما أقلع عنه حتى تمنينا أنه يرفع عنه ، ثم قال عمر للمصرى : ضع على صلعة عمرو ، فقال : يا أمير المؤمنين إنما ابنه الذى ضربنى ، وقد اشتفيت منه فقال عمر لعمرو : مُذْ كم تعبدتم الناس وقد ولدتهم أمهاتهم أحراراً ؟ ( لم يذكر الشيخ عائض القرنى الجملة هكذا و إنما قال : متى استعبدتم الناس وقد ولدتهم أمهاتهم أحراراً ؟) ، قال : يا أمير المؤمنين لم أعلم ولم يأتنى.
التخريج : أخرجها ابن عبد الحكم فى " فتوح مصر و أخبارها " صـ 290 ، وأوردها محمد بن يوسف الكاندهلوى فى " حياة الصحابة " ( 2 / 88 ) باب : عدل النبى صلى الله عليه وسلم وأصحابه قال : وأخرج ابن عبد الحكم عن أنس – رضى الله عنه – ثم ذكر القصة . ثم قال : كذا فى "منتخب كنز العمال " ( 4 /420 ) وبالرجوع إلى " كنز العمال فى سنن الأقوال و الأفعال " للعلامة علاء الدين المتقى بن حسام الدين الهندى وجِد أن القصة تقع فى " كنز العمال " ( 12 /660 ) ورقم ( 36010 ) وعزاه لابن العبد الحكم أيضاً
|
Post: #36
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: معاوية الأرباب
Date: 04-28-2009, 08:13 PM
Parent: #34
القصاص القصاص
تاكل نارك بس يا معلم.
|
Post: #37
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 08:35 PM
Parent: #36
Badreldin Ahmed Musa
Quote: عزام ما تدخل نفسك في حتة ضيقة! |
يا زول أكتِب مُداخلتك وإتخارج ... ضَيقة ما ضَيقة ما عِندك بيها شغله لو ما عاجبك الطرح ... بس غادِر ...
|
Post: #38
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 08:42 PM
Parent: #37
مُعتصِم ود الجمام ...
Quote: صراحة بحلاوة روحك ومزحك ومواقفك الجميلة لا يعجبني ان تكون بطل هذة الحكاية القبيحــــة حتى ولو بالافتراض ... |
معليش يا خوي ... بس أنا بشوف غير كِده ... التعذيب الذي يؤدي لِلقتل ده شعراً ما عِندنا ليهو رقبة ... لأنو الحِكاية بِتبقى في يد أهل القتيل ... ودي ما بنقدر ندخل فوقا ... بس أنا عاوِز أعرِف رأي الناس شنو في حال زول زي ده ... وبرضو عاوِز زول زي ده يِعرِف حاجة ... يِعرِف هل مُمكِن الناس تسامحو ولا ما مُمكِن ...
والله يا ود الجمام إتخَيلت إنو في زول أمنجي عمل كِده وتاب وما عارِف يسوي شنو ولا يِقبِل وين ... لأنو ما مُمكِن نقفِل الباب في وشو أصلو إنتو < سارتانا الذي لا يرحم > ولا جيليانو جيما في فيلم < الله يرحم أما أنا فلا >
|
Post: #40
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: محمد الجيلى
Date: 04-28-2009, 08:46 PM
Parent: #37
عزام أخوى
موضوع يستحق الوقوف فيه ملئياً قبل الرد ...
التسامح هو من تعاليم ديننا الحنيف بغض النظر عن الجرم المرتكب
فمسامحة الذنب تنبع من الروح الطيبه الشفيفه المعتقه بالكرم الإيمانى
بعدين فى ملاحيظ فى سؤال البوست !!!
ياخ ممكن اكون انتى الأمنجى البتعذب ده مجرد آداة بيد آخر ...
أو زولن طرطور ساااى وبتتنفخ بالكلام
ولا كيفن يااخوى ...
ـــــــــــــــــــــ
الواحد معاكـ ياشفت أصلو ماإدقس فى رأى
|
Post: #43
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: محمد الجيلى
Date: 04-28-2009, 09:00 PM
Parent: #37
عزام إسالنى الله من قبيل كتبتا مداخله طويييله وقدمتها والسجمان ده قال لى مشت
جيت صادى للبوست لقيتا مافى
بحاول اجابدا واجى راجع
تحاياى
|
Post: #39
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Shiraz Abdelhai
Date: 04-28-2009, 08:46 PM
Parent: #36
بافتراض ان سؤالك افتراضي فقط.....بسلم عليك ولو حقيقي........مافى ليك اي سلام.....
,,,يا عزيزي,مبدأ عفا الله عما سلف هو ما نئن من وزره الآن ونعانى الأمرين... فتأتى الدول الاستعماريه الكبري وتحتل...وتمتلك..وتستعبد....,وتستنفذ... وتذهب بالصفقه....بعد ان بذرت ما بذرت من فتنه ..... ويأتى زمن التحرر الوطنى ونبذ الاستعمار بكل أشكاله ولا يحاكم احد ولا تجرم اى دوله.... ..........وندفع الثمن................ ثم تأتى ديكتاتوريه عقب الأخرى.....فتقتل وتشرد وتفقر....ووتقطع الأوصال...وتغير القوانين.... وتبيع الوطن لتمتلئ خزائن زبانيها ...ويستشهد الامام طه.... وعبد الخالق والشفيع والعطا وجوزيف وعلى فضل ومحمد عبد السلام والمئات الذين لا نعيهم ولا نعرف اسمائهم ...ثم تاتى ديمقراطيه جربانه.....فتجبن من التغيير الجذري وتخاف من المد الجماهيري الثوري فتبيعنا وتفرط......... وأثناء هذا كله........... تعيش طفيليات الأمن على لحم البشر........... فهل تستطيع يا عزام ان تذل اخيك الانسان لاختلافه معك فكريا.... لدرجة ان ياكل حذاءك....ويشرب بولك؟؟؟ هل تستطيع ان تعذب وتعذب من لا يراك ويديه مقيده خلف ظهره لدرجة الموت؟؟؟ هل تستطيع ان تغتصب بشرا ...رجلا كان او امراه...الا اذا كنت مريض وقذر وحيوان؟؟؟؟ ..وتقلع ضفورو بزرديه؟؟وتفقأعيونو باعقاب سجاير؟؟وترميهو للكلاب البويلسيه الجائعه لتاخذ ما تبقي من كرامته؟؟ ..... كيف نعفى؟؟ما هو العفو؟؟...فقدنا هذه الكلمه فى قاموس السياسه السودانيه لا عفو...لا مسامحه...بل محاسبه وقصاص.... لا عفو ولا مسامحه بل محاسبه وقصاص.... المحاسبه للسدنه...المحاسبه لنميري...المحاسبه لسارقي ديمقراطيتنا ... والمحاسبه لبائعيها.... ثم القصاص القصاص من كلاب الأمن!!!!!!!!....وبس!!
|
Post: #41
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 08:51 PM
Parent: #39
Shiraz Abdelhai
بافتراض ان سؤالك افتراضي فقط.....بسلم عليك ولو حقيقي........مافى ليك اي سلام..... معليش دي مُعاناتنا مع الأعضاء الجُدُد ... أنا مُسامحك ...
Quote: لا عفو ولا مسامحه بل محاسبه وقصاص.... المحاسبه للسدنه...المحاسبه لنميري...المحاسبه لسارقي ديمقراطيتنا ... والمحاسبه لبائعيها.... ثم القصاص القصاص من كلاب الأمن!!!!!!!!....وبس!! |
برضو رأي
|
Post: #42
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 08:59 PM
Parent: #41
محمد الجَيلي ...
Quote: الواحد معاكـ ياشفت أصلو ماإدقس فى رأى |
أصلو ما تقدُس ... الداقسلها شنو ...
|
Post: #44
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: Badreldin Ahmed Musa
Date: 04-28-2009, 09:09 PM
Parent: #42
Quote: يا زول أكتِب مُداخلتك وإتخارج ... ضَيقة ما ضَيقة ما عِندك بيها شغله لو ما عاجبك الطرح ... بس غادِر ... |
عزام
سلام
اللئامة عليك شنو يا اخوي
انت قايل انا بتداخل معاك لو ما انك طرحت موضوع يجب ان يقال فيه رائ؟
راجع لو انا اتداخلت معاك قبل اليوم!
اها لبست مركوبي و اتخارجت!
|
Post: #45
Title: Re: نفترِض إني كُنت شغال زمان في الأمن وعذبت لي ناس كُتار وربنا هداني ودايِر وتُبتْ ... بِتسامح
Author: عزام حسن فرح
Date: 04-28-2009, 09:23 PM
Parent: #44
Badreldin Ahmed Musa
Quote: انت قايل انا بتداخل معاك لو ما انك طرحت موضوع يجب ان يقال فيه رائ؟ |
برضو ما رحمتني وقُلت رأيك ... غايتو الواحِد مُمكِن يدخُل الجنة صبُر ساي ...
QUOTE] يجب ان يقال فيه رائ؟ |
طَيِب تفتكِر إنو كلامك التِحِت ده < رأي > يا ####### ما قادِر أقولا ليك مُش لأنو إنت ما بِتستاهل ... لإني مُتربي وود ناس ...
Quote: عزام ما تدخل نفسك في حتة ضيقة! |
ده تهديد يا زول ... عليك الله تاني ما تجي ...
|