الحنكوشة والحناكيش والمحنكشين حنكشونا حنكشة !!!!؟؟؟ ..

حاحكي ليكم يا مظاليم الوطن
عن واقعة وواقعية شديدة الوقوع
تغلفها كل ألوان الفنون المسرحية
من رأس الكوميديا وإلى أخمص كعب التراجيديا
كدي اللنعدل ونبطل منتشة الحناكيش المثقفين دي
بت مغترب مولودة ومربية ومتقلبة في الاغتراب
أبوها قام عيا يعني جاهو عارض مرضي وعايز دواء
شال الروشته قال لي بتو الحنكوشة
أمشي الأجزخانه جيبي الدواء ده
البنية قالت لي ود خالتها الجايي جديد لنج
ومع ذلك لفه البلد لفيف ما خلا حته
يلاكا نجيب الدواء لي باااابا ؟؟
طلعوا الأجزخانة القريبة ما فيها الدواء
وصفو ليهم واحدة تانية لا قريبة ولا بعيدة
ودخالتها قال ليها : رأيك شنو نمشي (كـُدر)؟؟
قالت ليهو : وااااي إنت متين جيت لمان عرفت الحته
الإسمها (كـُدر) دي أنا المولودة هنا ما بعرفها ..
ودخالتها اندهش ولمان وصلوا البيت قال يحكي لإخواتها الأكبر منها
لمان حكى ليهم ومعاها شوية توم وشمار وكوميديالزوم الحكي وإطالة أمد الدهشة
أخواتها قالوا ليهو وبدهشة حنكوشية مرسومة على عيون المها يا عيون
يخسي عليك يا هناااااي وما لقيت توديها إلا الحته البيئة دي ..حرااااام عليك !!
اللييييلة لو بااااابا سمع بيعمل ليك مشكلة محذرنا ما نمشي الحتات دي !!

ــــــــــــــــــــــــــــــــــــــــــــــــــــــ

ويا أيها الغبش اللي مشي الكدر عامل ليكم عين سمكة اتحدوا
بالله شفتو الحنكشة وصلت ياتو مواصيل ..
وتقولي شنو وتقولي منو ؟؟

جنس كتابه

الله يسترك و يغطي عليك من الجمجارين

هههههههههههه انت من زمان وين يامبدع

اسع الناس كلها راسه ضارب ماعارفين بعد البوست بتاعك الشديد ده يختوك مع المبدعين ولا مع الرجرجة والدهماء

انا غايتو شخصيا كعضو من اعضاء الرجرجة والدهماء برفض تماما انضمامك ا لينا كدي حاول المبدعين يشوفوا ليك بنبر تقعد عليهو لكن شكلك كده ح تكون زي اهل الاعراف وانت ح تكسر بيت الشعر بتاع نزار قباني البقول فيهو لا توجد منطقة وسطى مابين الجنة والنار وح تكون انت قاعد في النص الا ان بقضي الله امرا كان مفعولا .

اسع نادر ده قاعد في بيت العزاء شاف بوستيك ده خاف عليك البركة فيكم يانادر الله يرحمه ويحسن اليه المرحوم علم على راسه نار في القوات المسلحة .

اسمع انصحك اقرا آية الكرسي ود الصائم مايشوف البوست بتاعك ده

تحياتي

زاتوووو

كتّاب يا

مرحب بالاخ العضو الجديد في المنبر..

بداية قوية..
واضافة حقيقة للمنبر..
وقلم واعي..
واصل علي هذا النهج..
لا تكل لا تمل..واتذكر داااااايما بوستيك الاول بتاع الكيمان والاصحاب ..


والسلام عليكم ورحمة الله..

ود العم..؟؟؟

ونقولي شنو وتقول لي منو؟؟




حقوق الطبع ماااااا محفوظة..
بقت حقتي..

هاااا يالصايم هاااا
أسع تلقاك
لا فطرتا
ولا اتغديت
ده إذا كان
ما طردوك من البيت
الأصبع الراسمو ده
ليهو تفسيرات كتيرة
زي الرسم البرسمو أخوانا الملقلقين
ديلك ويقولوا ليك
كل واحد بي رؤيته
بس أنا عرفتو
ده أصبع الساره مش ؟؟
حنكشة بنكشه منكشة

هي يااا سارة
ما كده
فيوز القلب محروقه
ولا أقوليك
أنا حأحول ليك
كل الحقوق
محفوظة
وغير محفوظة
مديرة أعمال يعني
نكتة : زي حكاية واحد أخونا
بيقول لي واحده خطبوها ليهو بالغسب
والله يا فلانه أكان ما بريدك
تديني صدمة طيارة !!! ..
ملعوبة .. مش ؟؟

سارة
وخبراً سار
الجاب السارة
أخوك حديد يعجبك
بس إنتي أقري ساكت
وأدعي لينا
من العيون الحارات
ولو حصلت حأبعت ليك
مخصوص وأحضر بخور تيماني
وما حيتخرجني إلا إنتي
أهه شنو ليك ؟؟
ياهو
ولا ما ياهو ؟؟

ش

ك

ر

ي

ا

ي

ا

بهوت .. بهوت ..
ود البشرى !!! ..

ما أنا يا صاحبي قبل ما أتهيأ للكتابة
عندي كرسي قماش بتاعين المعاشات ديلك
أصفن فيهو فترة وأعاين
للطالعين والطالعات وأكون
الفكره وتوووووف أديها
وتديها مويه تديلك طراوة
وتبعد عنك العين
وأبوظبي ظاااااتها ..

ونحن صغار يا نادر كنا بنغني
بنقول :
الله خلق للنعجة ضلف
والكوم بقرش
والدقه بلااااش ..
دحين أسع نحن عندنا
قرون تكفنا من الجمجارين
ما تخاف علي أخوك حدييييد
يديك العافية

مكاوى,,,,,,,,

والله لو إستمريت بالطريقة دى,,,,

الناس العاملين لينا فيها أدباء ديل
يشوفو ليهم منبر تانى يفنجطو فيهو!!

11 خ عديييييييييييل كدا!!!!!!

المهم,,,
راجع مداخلة أخوك ود البشرى ففيها الكثير,,

قرييييتها
وفاتت حد الحنكشة
بس يا أيمن
زي (ديلا) (عبارة حنكوشيةمستحدثة) نسوي معاهم شنو
ومعاها .. يا هنااااااي ..
وشويتين خايفين نقول
سيد السمك هوووووي ..
ما مرات الرجالة الفايته حدها بقت تتعب
عولمه .. يا عبد !!!

يعنى إنت قصدك إنو عشان شهادة عربية وكدا؟؟؟؟

Quote: قرييييتها وفاتت حد الحنكشة

لكن برضو أرجع أقول ليك,,,

السلوك العريانة ,,,لأ
أبراج الضغط العالى ,,لأ
بتودي التوج!!!!!!!!


تفرغ للإنتاج فذاك ما نحتاجه فى هذا الوقت,,

فهمتنى؟؟؟؟

قواسيب قواسيب مودتى,,

Quote: ونبطل منتشة الحناكيش

ده كلام من الداخل...؟؟؟

Quote: أنا ما بعرف الناس التانين .. بس أصعب حاجة لمان الواحد يجي داخل .. زي المنبر الأنا شايفو جميل ويقوم يصطدم بأنه ناسو كيمان كيمان .. ما أعتقد أنه ممكن يتم تفاعل .. ولا بتاع مجاملات أنا أنا زول بتاع كتابة وكلام بيطلع من جوه الخاطر ..

المجاملات سمحة بتدى الواحد فرصة ينمى نفسو!!!

Quote: ولا بتاع مجاملات أنا

أتذكر كلامى ليك....

Quote: خلى كلامك البطلع من جوه الخاطر يقنع الحاضر.... ما بتاع مجاملات..ما بتنفع ..لازم تجامل حتى لو مجاملة خيفية...والحياة بدون مجاملات ماليها طعم.... الناس هنا كيمان كيمان حسب توجهاتهم..وحسب أفكارهم وحسب رغباتهم .وحسب هواياتهم.. وعلى ما اعتقد يمكن يتم تفاعل حسب المادة المقنعة المطروحة وفى نفس إتجاه كل شخص.. والمنبر ده جميل بالجد..بس أدخل لى جوه..وامرق العندك...وبطل تشاؤم ..وما تفتح فصول تقوية..وخلى ألأمور تمشى على بركة الله.. حا اختبر نوع مجاملتك........المنبر بقى جميل من ما طليت؟؟حا ترد تقول شنو؟؟؟؟

ده كلامك ولأنك كتبت بدون ذكر اسماء تصورت هذا لى لآنه اتى بعد ردى مباشرة..

تذكر هذا: ردك:

Quote: ياسيدي ما قلنا شيء والمجاملة الأنا قاصده التفريق بين الغث والثمين والمفروض تتكتب السمين في الشايفو ده

طيب ده كان غث وللا ثمين...محاولة جيدة..دى مجاملة لطيفة منى..عشان ما تقول الشغلانية كيمان كيمان...

إحترامى ...إسماعيل محمد احمد عباس...

واد يا سمعيل
بحبك رد
وأحبك مداخلة
وأحبك كتابة
وناساً عزاز

يا ود مكاوى !
قومت نفسنا ..
نفتش فى بوست الترحيب !
لقيناك قايم بـ 100
مبروك قرّض على كده !!

مُعتصِم مكاوي ...

كيفك علك طَيِب

أسمع إنت ما تحاوِل تكتِب مُذكِراتك ...

والله يا معتصم سيد الحوش إتلوم معانا
حرمنا من طلتك دى زمن طويييييييييييل
غايتو ننهل من جديدك

حمووودي ياخ بالغت ما كتلتو كتلة لكن
يا عمك ابعد بعد دا
العينة دي تبعي وكدا

Quote: العينة دي تبعي وكدا

ودالبشرى
احسن ليك تبعد
الزول ده من المبدعين
غايتو إلا تجيب معاك كيكي

Quote: أسمع إنت ما تحاوِل تكتِب مُذكِراتك ...

يجازي محنك يا عزام ....
ههههه هههههه

ما زمااااااان كتبتها مذكراتي دي
وبكل الأحبار السرية والما سرية
وبكل اللغات الأحيييييا وما الأحيييييا ؟؟
بتلقاها عند أبوساندرا !!!