الاخ محمد فرح: أو من ينوب عنه كهربائياً

سلام عليكم؛


وبجدية جد! ماهو سبب القطوعات الحالية وبكل شفافية؟
حاولت الحصول على سبب منطقي، إذ لابد أن يكون هنالك سبباً ما، فلا يعقل ان تقطع الكهرباء والبلاد تقع تحت خط مستقيم(180 درجة) من الشمس ودرجة الحرارة تصل 45 : وتقطع الكهربا لاسباب غير واضحة:
سمعت احد المسئوليين يقول نعمل بكل طاقتنا لإدارة الأزمة؟ ولم يذكر الأزمة!
أحد التبريرات تقول أن الكهرباء القادمة من السد الجديد أعلى من مستوى الـبنية التحتية الكهربائية، طبعاً ان صحً هذا السبب ، فهو على كل حال سبب، دون التوغل في التقصيرات التي تسببت في قصور البنية التحتية لكنه يظل سبباً.
أحد الصحف صرحت على ًمتن خبر منقول على البوست الذي فردته للتبشير بقدوم الكهرباء - يا محمد فرح-: أن ربع الكهرباء التي يستهلكها السودان تعجز اي دولة عن تغطيتها، وهو تبرير وتصريح مستفز جدا:
تبرير آخر وجدته على احد المواقع الاكترونية يقول: إن نوعية الكهرباء الـquality الذي ينتجه السد تختلف نوعياً عن نوعية الكهرباء القديمة مما سبب تهتكاً للأسلاك والتوصيلات، والحقيقة لأ أعلم ان كان هذا التصريح علمياً مقبول أم لا. أي ان انواع الكهرباء تختلف:
المهم لو هذا سببا فلا يهم لم لا يتم التحسب لهذا الامر: لايهم في الوقت الراهن على الاقل، اذ ان المهم السبب: ما هو السبب؟
ولماذا لا توجد حلول قبل يوليو (هذا ما قرأته مؤخراً)، لماذا مثلاً لا يستمر الحال كما كان عليه قبل السد؟ مراعاةً لظروف الصيف والامراض الناتجة عن القطوعات؟
لماذا يتم التعامل مع السد لحلً تجريبي؟ غير مدروس؟ وهل تدشين السد وافتتاحه أوجبته مذكرة المحكمة الجنائية: ولمّ تغامر الحكومة بمصداقيتها المجروحة اساساً في هذا الظرف التاريخي الحرج بالنسبة لها؟
وهل دبرت الحكومة أمرها للحفاظ على القاعدة الجماهيرية العريضة التي كسبتها بتدشين السد؟
**
هل فؤجئت الحكومة وادارة الكهرباء بالقطوعات أم أن هناك احتمالات مسبقة بتدهور الحال؟
- إن فوجئت ! مالسبب؟ ولو كانت هناك إحتمالات لّم لم يبلغ بها المواطن؟
هل تؤمن الحكومة بأن القطوعات تؤثر سلباً جداً على التنمية التي هي خطها للرد على اوكامبو، فقد قال البشير (سيكون ردنا للمرجفين بمذيداً من التنمية!!).

إبتدرت البوست متوسلاً الجدية والشفافية: ياريت

Quote: أحد الصحف صرحت على ًمتن خبر منقول على البوست الذي فردته للتبشير بقدوم الكهرباء - يا محمد فرح-: أن ربع الكهرباء التي يستهلكها السودان تعجز اي دولة عن تغطيتها، وهو تبرير وتصريح مستفز جدا:

Quote: الاخ محمد فرح: أو من ينوب عنه كهربائياً

كهربائيا مابعرفوا
لكن سـمكيا
ود الباوقه

الاخ كمال:
سلام

انا جادي في ايجاد إجابة،
لذا صفة هذا البوست هو مداخلة واحدة فقط علمية، مقنعة، وتريانة مِن من لهم صلة بالامر:
أما إذا لم تكن هناك إجابة على سؤال (لم تقطع الكهرباء؟ ): فالبوست أولى به القاع
و حتى اخونا محمد فرح إذا ثقل عليه أن يكون صادقاً فلا داعي للرد:
ولا أنتظر مطبلين أو اجابات مترهلة:
فأنا أعلم قبل ان يصبح كيزان الدنيا دي كلها، كيزان.أن (إن شاء الله) و( بإذن الله) يمكن ان تعمل الما بتعمِل
عايز اعرف الممكن يتعمل شنو؟ دلوكتي:
وليش حصل الحصل؟

يامتولى ,, تحياتى ,,

صدقنى رئيسنا ورمز سيادتنا الفريق عمر البشير
الساقوهو يوم 3 مارس وقالوا ليهو السـد جاهـز
يلا نفتحوا قبل مذكرة أوكامبوا دى ماتمرق , صدقنى
هو ذاتو ماعندو إجابه لأسئلتك دى !!
تقول لى محمد فرح أو من ينوب عنه ؟
يأخى فى خمسه أنفار كده عندهم الريموت كنترول حق
المليون ميل مربع ده كلوا . نفسى أعرفهم منو !!
ديل هم البتلقى عندهم الإجابه لكل الأسئله , مش سؤال
واحد بس .

لوك الصبر بـس ,,

سالم سلام:


بلد تعاني من قطوعات كهربائية، حصلت بعد تدشين اكبر سد في الدنيا- علي قولهم-.
قطوعات مشبوهة في وكت كان المواطن يحلم بعالم منوَر علي مدار الجمرة.
سؤال يا صديقي يفترض أن تكون إجابته عند (صبي جبهة) مش كوز كامل التطور..
كما اني افترض وبكل خبث ان الاجابة على سؤالي معروفة لناس الحكومة لكن مانع تملكها للجماهير هو مبدأ عدم الشفافية المتبع:
وأنهم نفر نفر يعرفون ما المانع، فلايمكن أن تدار الازمة كما صرح أحد أكبر مسئول عن قطاع الكهرباء ما لم تكن هناك ازمة واضحة المعالم ومحددة الشكل:
شان كدي أملي في محمد فرح كبير، في إنو يجي يحرجكم بالبينات الثابتات الواضحات دون لبس:
سبحانه واضع سره فيمن تستنكرون :
---
ناذر:
ح يجي الود الحديقة
شايل الرد الحقيقة:

ويوزع في المؤن سنوات سنوات

Quote: ناذر: ح يجي الود الحديقة شايل الرد الحقيقة: ويوزع في المؤن سنوات سنوات

دي حلوة خالص..هههههههههه
لكن يااخوي الشعار اتغير للاتي
لك مؤنة سنة من الكيلوواط

لك مؤنة سنة من الكيلوواط

بل مؤونة عشرة اعوام من السمك البلطي ( المامصدق ) يمشي يشوف بي عينو

Quote: ( المامصدق ) يمشي يشوف بي عينو

يشوف كيف يا باوقة في الضلام ده؟.

Quote: ناذر: ح يجي الود الحديقة شايل الرد الحقيقة: ويوزع في المؤن سنوات سنوات

لقيتك لكن بتاع دردقه صاح
موضوع الكهرباء ده ياحبيب مكاوي زاااااتو حسي بكون ماعارف الحاصل فيو شنو
غايتو أنا آخر زول سألتو قاللي ناس الهيئه لمن ضمنو دخول كهربة السد الشبكه أوقفوا محطات الإنتاج للصيانه لأنو المحطات كانت محتاجه صيانه من فتره طويله
اها قامت كهربة السد خذلت الجماعه مما أحدث هذا العجز

هذا والله أعلم


التعديل في ذاء خذلت

مؤونة عام من الود

سمــــــــــــــك وكهرباء
(البردة والتامبيرة) او السمك المكهرب او كهربة السمك.........
المهم هو سد ورد............. (يعني ليس للاستخدام الكهربي)
ده رد محمد فرح
موضوع الكهرباء ده ياحبيب مكاوي زاااااتو حسي بكون ماعارف الحاصل فيو شنو
وده سؤالك انت
الاخ محمد فرح: أو من ينوب عنه كهربائياً
أتضح انو محمد فرح نجرة نجرة مدنكلة عن الكهرباء وهسع بقي يقول مكاوى وماادراك ما الحاصل شنو......
ويبقي سؤالك منطيقا ومشروع.... الكهرباء وين؟؟؟؟؟؟؟؟؟؟؟؟؟؟؟؟؟؟؟؟

Quote: اها قامت كهربة السد خزلت الجماعه مما أحدث هذا العجز

هكذا يبرر الرجل أمر القطوعات...
متوكل
عليك ب(ناصر أحمد المصطفى) أحد المسؤولين باعلام السد وعضو هذا المنبر.

Quote: الاخ محمد فرح: أو من ينوب عنه كهربائياً

Quote: كهربائيا مابعرفوا لكن سـمكيا ود الباوقه

كاااااااااااااااااااااااااااااااااااااااااااااااااك