|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
Quote: كدا يا كوندي!! حاطب ليل عبداللطيف البوني
لعبد العزيز المبارك اغنية تقول «يا ماري بي بيتنا - جيت صدفة أم جيتنا - بيك هللوا البابين وفرحت شبابيكنا» ولكن عندما سجلت للاذاعة حذفت منها حكاية الابواب والشبابيك، ربما بأمر من لجنة النصوص فأصبحت «بيك سادت الافراح وعم السرور بيتنا»، أو شيء من هذا القبيل المسافة طالت شوية والذاكرة اصبحت خربة مع انو كلها خمسين سنة!! اما المناسبة فهي زيارة الآنسة كوندليزا رايس «55» سنة الى جارتنا وبت حارتنا ليبيا دون ان تعبرنا أو تغشانا لذلك وجدت نفسي اغني لها اغنية عبدالعزيز اعلاه، لمعلومية القاريء الكريم ان علاقتي بهذه الانسانة قد انتهت فبعد ان كانت نديدتي وصديقتي من جانب واحد وتقدمت طالباً يدها من السفارة لدرجة ان صديقنا الفاتح يوسف جبرة الف مسرحية رائعة اسماها آل كوندي وآل البوني، واتمنى عليه اعادة نشرها لمن فاتهم الاستماع. المهم في الامر علاقتي التي هي اصلاً من جانب واحد انتهت مع هذه المخلوقة، لانها لم تعد نديدتي، فأنا رابط في الخمسين وهي شارفت على الخامسة والخمسين، كما انني علمت ومن الاخبار، ان لديها صديقاً شرق اوسطي «اللهم اني صائم» لذلك «سوت الدرب ساسيقة» ففي خلال ثلاثة اشهر زارت الشرق الاوسط خمس عشرة مرة، طبعاً بالنسبة لها هذا خم رماد، لانه قد تبقت لها ثلاثة أشهر وتركب التونسية وتصبح وزيرة سابقة، وتاني «تشمها قدحة» «اللهم اني صائم». رغم كل الذي تقدم وجدت نفسي زعلان منها كيف تزور ليبيا ولا تزورنا، كيف تمر بي بيتنا وما تعبرنا، المعروف ان القائد الاممي القذافي قد ابدى اعجاباً شديداً بها ووصفها بـ «بنتنا»، اشارة الى اصولها الافريقية ولكن رغم ذلك لم يصافحها عندما قابلته بل صافح الوفد المرافق لها «عجبني ليك يا ام عصيبات»، «اللهم اني صائم».. لقد زارتنا كوندي في السودان بعد توقيع الاتفاقية في العام 5002م وقبلت الراحل جون قرنق قبلة سارت بها الركبان وبعدها سافر ولم يعد للقصر الجمهوري «كُج» «اللهم اني صائم»، واظن ان احدهم اخبر القذافي بذلك لذلك وسداً للذرائع تحول الى انصاري سنة عديل كدا. المعروف ان زيارتها لليبيا كانت لتدشين مرحلة جديدة من العلاقات الامريكية الليبية، فليبيا قد اختارت عدم المواجهة مع أمريكا بعد طول مواجهة وهنا يجب ان نحمد للقذافي شجاعته وجرأته وبعده عن الامور «التحت تحت» فكل شيء عنده في العلن فمثلما كان يلعن سنسفيل امريكا والذين خلفوها في العلن، ها هو يصادقها ويقدم لها عرابين الصداقة في العلن، فالرجل جرب المواجهة، وها هو الآن يجرب المصالحة ومن السابق لاوانه الحكم له أو عليه فلننتظر معه الى ان تظهر (آخرتا) فالقذافي مستودع خبرة وتجربة في الحكم وفي العلاقات الدولية، وهذه فرص للدارسين لقراءة تجاربه المثيرة. ويبقى المهم ماذا حملت كوندي للقذافي في ملفها المتعلق بالسودان، فقد كان السودان على رأس الاجندة؟ وما هو رد القذافي على الملف الامريكي بشأن السودان؟ صبراً يبل اللابري ويا خبر بي فلوس وباكر ببلاش، وكدا يا كوندي «اللهم اني صائم».
|
بعد البوني ظهر واحد تاني.. وأسمر يا أسمر
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: أبوبكر أبوالقاسم)
|
سيد الدار سلام
كان اتكلمنا اتقلمنا
بمعنى كان قلت انا ما شايفه الجمال ده .... ح ابقى حاقده ...... صح ولا ما غلط؟
اسي المره دي كان اديناها كتاحه السودان دي 6 شهور + شمس السودان + الكهرباء البتقطع + السخانه ..... المحصله شنو؟؟ ( قول انت بقى)!!!
و يقال و العهده على الراوي ... من حكايه قالها لي الفاضل ... من رواد المنبر
انه كونداليزارايس أصلا والدها كان بيبيع القونقوليز ... و لما اتولدت كونداليزا .... كانت قدم الخير على أبوها ... اللي ما كضب خبر و سماها قونقوليزه .... و أصبح هو ... تاجر كبير ليه شنه و رنه ... و اتفتحت عليه من وسع .... و أصبح يعرف بالريس ... أها بعد ما غنى و اغتنى قام طوالي سافر أمريكا ... و عاش هناك ما شاء له .... و اصبحت قونقوليزه بت الريس (كونداليزا رايس) عند الأمريكان
عشان تاني تعجبك قونقوليزه
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
كتبت بت الهناbitalhana
Quote: كان اتكلمنا اتقلمنا
بمعنى كان قلت انا ما شايفه الجمال ده .... ح ابقى حاقده ...... صح ولا ما غلط؟
اسي المره دي كان اديناها كتاحه السودان دي 6 شهور + شمس السودان + الكهرباء البتقطع + السخانه ..... المحصله شنو؟؟ ( قول انت بقى)!!!
و يقال و العهده على الراوي ... من حكايه قالها لي الفاضل ... من رواد المنبر
انه كونداليزارايس أصلا والدها كان بيبيع القونقوليز ... و لما اتولدت كونداليزا .... كانت قدم الخير على أبوها ... اللي ما كضب خبر و سماها قونقوليزه .... و أصبح هو ... تاجر كبير ليه شنه و رنه ... و اتفتحت عليه من وسع .... و أصبح يعرف بالريس ... أها بعد ما غنى و اغتنى قام طوالي سافر أمريكا ... و عاش هناك ما شاء له .... و اصبحت قونقوليزه بت الريس (كونداليزا رايس) عند الأمريكان
عشان تاني تعجبك قونقوليزه .
|
غرغرغرغرغرغر.
رائعة
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
BitAlhana
كيفك
Quote: كان اتكلمنا اتقلمنا |
دخلتك تفوح منها نزعة سياسية وقلنا (السياسيون يمتنعون)
Quote: بمعنى كان قلت انا ما شايفه الجمال ده .... ح ابقى حاقده ...... صح ولا ما غلط؟ |
صاااااااح
Quote: اسي المره دي كان اديناها كتاحه السودان دي 6 شهور + شمس السودان + الكهرباء البتقطع + السخانه ..... المحصله شنو؟؟ ( قول انت بقى)!!! |
انت الحسادة البيك شنو بدل كدا مش ممكن تقولي كان اديناها دخان طلح حتكون كيييييف؟
خصمتك بربك غيّري السؤال كدا بتكونى انصفت عديل كدا
Quote: و يقال و العهده على الراوي ... من حكايه قالها لي الفاضل ... من رواد المنبر
انه كونداليزارايس أصلا والدها كان بيبيع القونقوليز ... و لما اتولدت كونداليزا .... كانت قدم الخير على أبوها ... اللي ما كضب خبر و سماها قونقوليزه .... و أصبح هو ... تاجر كبير ليه شنه و رنه ... و اتفتحت عليه من وسع .... و أصبح يعرف بالريس ... أها بعد ما غنى و اغتنى قام طوالي سافر أمريكا ... و عاش هناك ما شاء له .... و اصبحت قونقوليزه بت الريس (كونداليزا رايس) عند الأمريكان |
ده كلام غيرة من قديلتها الحلوة دىى ساااى ومن تكية رقيبتها للهمس الدبلوماسي الما خمج
Quote: عشان تاني تعجبك قونقوليزه |
اديك عيوني تشوفيها بيها ؟
تعالي لينا تاني راجعة
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
Quote: شوف كيف حلاة قدلتا تمشي بي مهل راسية في كلمتا تسمو فوق السماك دوام همتا تفرح نفوسنا وكتين نشوف بسمتا
|
يا زعيم
لسه ما شفنا حاجة
بس قلت ارحل .. مع الخيال .... واخوك شاطر في دي
تانيا
انا شايف صورة البروفايل طولت شوية
اقترح عليك تغيير الصورة مع كل بوست جديد ليناسبه
بس دي يبدو لي عايزة شوية فنيات.... شوف طريقة مع بكري
ثالثا
الرهيفة تنقد ..... هيييييييييييييييييع ..... وهلم جرا
انت ضيف الباقي المسجل باسمك .
ولكم حقوق الملكية الفكرية....
رابعا: بيارات البترول بتاعتك دي ما عايزة كهرباء؟
ألحق لانو الكهرباء اليومين ديل بدوها بالقطارة
وسلامتكم
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: حسن طه محمد)
|
شيخ حسن
خليك مشتحف كدا انا قلت ليك غير الابتوب بتاعك او اعمل ري فورمانج عشان تشبع شوف معانا
Quote: انا شايف صورة البروفايل طولت شوية |
غيرناها بالابتسامة المشرقة البتشبه ابتسامة كودندا دى
Quote: اقترح عليك تغيير الصورة مع كل بوست جديد ليناسبه |
Done
Quote: بس دي يبدو لي عايزة شوية فنيات.... شوف طريقة مع بكري |
فنيات شنو انا بقيت فارش تبروقتي مع النت عديل كدا والضيف البطول معاى بطردو طوالي عشان ما يأخر الرد على خالي حسن
Quote: الرهيفة تنقد ..... هيييييييييييييييييع ..... وهلم جرا
انت ضيف الباقي المسجل باسمك . |
لكل مقام مقال يا خال
ولكم حقوق الملكية الفكرية....
Quote: رابعا: بيارات البترول بتاعتك دي ما عايزة كهرباء؟ |
سكرناها لحدى تجي كهربة سد دال الجاييكم يتم الناقصة .
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: حسن طه محمد)
|
ود شيقوق
شوف دي :
ياود شيقوق طشاش الشوف لين متى؟ ما يغرك جمال الجيد و لا نضار بسمتا ولايعجبك عقيداً دقيق وصفه في رقيبتا قونقليزتك فوق رقاب الناس دوام همتا في كتل العوين والجهال مستحسنين خطتا يهود و أمريكان ديمه حافظين نسبتا اوعاك ما تقول بت الهنا يوم حسدتا لا عاجبني رسمها ولا عاجباني صفتها
لوووووووووووووووووووووووووووووووووول
مشروع شاعره وكده
وبعدين ابيت سؤالي ما بغيرواااااا
وقال دخان قال ..... اها برضو الريحه نحاس
بس
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: محمد عثمان محمود)
|
بت الهناء
Quote: ياود شيقوق طشاش الشوف لين متى؟ ما يغرك جمال الجيد و لا نضار بسمتا ولايعجبك عقيداً دقيق وصفه في رقيبتا قونقليزتك فوق رقاب الناس دوام همتا في كتل العوين والجهال مستحسنين خطتا يهود و أمريكان ديمه حافظين نسبتا اوعاك ما تقول بت الهنا يوم حسدتا لا عاجبني رسمها ولا عاجباني صفتها |
نضمك حلو لكن حسادتك تغطي عين الشمس
دحين أنسينا من خلقتا انت رايك شنو في تسكسكتا الزى القمرية دى ؟
وشنو رايك في هزة رقيبتها الزى الحمامة ةدى
وشنو رايك في عقدها المتدلي حلووو من عنقها ده . هي مش بعيدة مهوى القرط ( ما عارف بالقاف ولا بالغين) ؟
وتعالي تاني بحسادتك وضرك ده يمكن تغيري رايك
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: adil rahman)
|
ها يا ود شيقوق ,وما تبارك لي.. اخيرا ما جمعتا
الفورد,, الفورد, الفورد,,, ما بغرز في الرمله
تحياتنا,,,,, واصل تجلي وابداع
وقول لي بت الهنا تبطل حساده
سيف الدوله
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
لوووووووووووووول يكه (محفوظه لي الزول زاتو)
والله يا ود شيقوق و با سيف ضحكتوني
بعد عمري ده كله و سنيني الاسفيريه دي طلعتوني حاسده مش كده؟
و الله تندخر لكم ....
أها وروني الحساده في شنو؟؟
طيب شوف دي يا ود شيقوق .... بقن عليها شنا و طفاسسسسسسسسه .... قرقرقرققرقرقرقرقرقرق
قصة كونداليزا رايس و عصير الفراوله
قصة كوانداليزا رايس وعصير الفراولة الإماراتي كوندوليزا رايس اثناء زيارتها للإمارت محتارة إيش تشرب وأخيرا اختارت عصير الفراوله
طنشت الشغل والناس وتشرب
سلااااااااااام
راح تختنق بعد شوي
شكلها بتسوي دعاية للعصير
اشفطي الله يشفطك ويريحنا منك
الظاهر
مافي فايدة
شوفوا نظرات الشيخ عبدالله بن زايد ،
موقف لا يحسد عليه
شكلها اول مرة تشرب عصير فراولة .. قرقرقرقرقرققرقر
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: سيف الدولة كامل)
|
عزيزنا سيف
عارفاه هظار .... انا روحي رياضيه جداًًُ و إيه الدنيا غير لمة ناس في ساعة خير؟؟
و بعد اذن شيخي الطيب ود شيقوق ... و أستميحه الاذن في التعليق على مداخلاتك ... لانه سيد الدار
بقول انك زول شفيف و رائع و كل تعليقاتك فيها ادب جم و سماحه ولو ادوني فرصه بختارك سفير البورد للنوايا الحسنه
وووووووووووووب اسي يجوا ناس كدي و كدي و يقولوا (توجد جرسه)
تسلم يا خوي
على جنب ................
وين ود شيقوق ؟؟؟ لأني أعلنت عليه الجهاد ....
قرقرققررقققر
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
بت الهناء ( اسم لكن يا خسارة)
Quote: ود شيقوق ما تنرقزني و تستفزني و توترني بي خدوم عوض دي |
شوفي البهبش لي كونداتي دى باللبن برشو بالدم عديل كدا . انا زمان قلت ليك تعالي اديك عيوني دييل تشوفي بيها ما تعذبيني حتك .
Quote: بعدين جايب بروفايلي مالك؟ |
عاجبني ود البادية بس لانو غنى لابو آمنة حامد (وشوشني العبير) زى وشوشة كوندا لما تحكي وتاكية رقبتها لا تحت .
Quote: انا عارفاها دي كلها محاولات يائسه عشان اخت صورتي ابييييييييييييت .... |
اصلها صورة كوندا؟
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
Quote: شوفوا حلاة الهندمة والقدلة والابتسامة وتكية الرقبة |
Quote: «عجبني ليك يا ام عصيبات»، |
Quote: اسي المره دي كان اديناها كتاحه السودان دي 6 شهور + شمس السودان + الكهرباء البتقطع + السخانه ..... المحصله شنو؟؟ ( قول انت بقى)!!! |
Quote: الظاهر ..مافي فايدة ...شوفوا نظرات الشيخ عبدالله بن زايد ، موقف لا يحسد علي |
شيقوق والله انت بتاع محن هسه فى ذمتك المرة دى السمح فيها شنو؟ وقبل ما اكتب اي حاجة اتكيفت من ايمن دياب الخته ليك كلام البوني ده وبت الهنا فى اقتراحها بتعريض الحيزبون كوندى لطقس السودان العجب داك اراهنك لو ما قمت منها صوف وغبار كرعيك يقول يا غربتي.. يا شيقوق امانة تجيك الولية دي ما شفقتك على الكباية والعصير الفيها؟؟ دي بتشفط وكانها طلمبة سحب .
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: أيمن دياب)
|
الاستاذ اسماعيل حسن
Quote: شيقوق والله انت بتاع محن هسه فى ذمتك المرة دى السمح فيها شنو؟ وقبل ما اكتب اي حاجة اتكيفت من ايمن دياب الخته ليك كلام البوني ده وبت الهنا فى اقتراحها بتعريض الحيزبون كوندى لطقس السودان العجب داك اراهنك لو ما قمت منها صوف وغبار كرعيك يقول يا غربتي.. يا شيقوق امانة تجيك الولية دي ما شفقتك على الكباية والعصير الفيها؟؟ دي بتشفط وكانها طلمبة سحب . |
انا ملاحظ انتو معايير وعناصر الجمال عندكم ياها القدييييييييمة ديك وما مواكبين المعايير المعمول بها دوليا انت هسع يا اسماعين اكان دقو ليك الاصبع في صدرك وحلفوك اليمين بتنكر حلاة قدلتها وبتنكر حلاة تكيتها وبتنكر سماحة همستا وبتنكر جاذبية بسمتا خليك من بت الهنا الجات تباري بجاي عشان تخرب بوستي العسل ده .
انت كدى عاين ايمن دياب نزل شنو شوف اى رئيس تزورو الشافعة دى يقوم اول حاجة متلهم ... لا شعوريا حتى لو ام اولادو لصقو
انتظر الجاياك من عموكمال
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
Quote:
عليك الرسول ادينا نمة في قديلة رايس دى وتكيّة رقيبتها للهمس الدبلوماسي .
خليني ابدأ ليك انا : شوف كيف حلاة قدلتا تمشي بي مهل راسية في كلمتا تسمو فوق السماك دوام همتا تفرح نفوسنا وكتين نشوف بسمتا
هيييييع كع |
هـلا هـلا بود شيقوق .. الكتل الغرنوق
النبي عزيز ومكرم ولعيونك وعيون ضيوفك الكرام,
قلب الخصلة جاب قدلة جنى الوزين
وشويـم بالعـنب والبرتكان والتين
شوف عيني الضمير يا شيقا قبضة هين
ود شيقوق مكسـر فوقـو شـوق وحنين
ود الشايقي
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: BitAlhana)
|
سلام ياشيقا
Quote: هسع يا اسماعين اكان دقو ليك الاصبع في صدرك وحلفوك اليمين بتنكر حلاة قدلتها |
Quote: جنس الكسير دة حق جلال الطلبانى..يسمك |
بيني وبينك القدلة ما فيها كلام تب .. لكن ايه حتعمل مع الحلفاوي الجاب ليك طلباني غرقان للنهاية وما اظنك حتلقي ليك فرصة معاه؟؟ لكن فى حاجة مهمة جدا قبل ما انت تواصل تكسرك في كوندي حقوا تنزل لينا آخر صورة ليها بعد ما ركبت التونسية وبقت مواطنة عادية أكيد الرقشة والبهرجة المجهجهاك دى كلها بتكون راحت شمار فى مرقة ولك فى اولبرايت عبرة خليك امين كده واجيب ليها صورة بعد انتهاء البوشية .
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: BitAlhana)
|
بت الهنا
Quote: السلام على ود شيقا و علي ضيوفه الدوام حاضرين كت بدور احرد في شان البوست خالي عوين |
حبابك وافتقدناك وادمناك بس لقيناك براك علا نخت معاك طوبة قبال بكري يقوم عليهو جنو ويخمو يوديهو الكوشة
Quote: الا ود الشايقي البخبره سنين و سنين في شان يرضي ود شيقوق القليبه حنين جاب له كلامان ماهو صحيح و ماهو ورزين خبارك ا الشايقي ؟؟ |
ديل ناس الحكمة وناس الراي البيعرفوا السماحة وبيعرفوا كمان يمرقوا الحد في السروبة عديييييل بدون لولوة .
Quote: غبيت جني الوزين هناك في كريمه مركز مروي متلازمين بنوتنا وسط الداره تحلف تقول قمر دوربن |
هييع كع - انت وقت عندك جنس النضم الحلو دا لاماهو لمتين ؟ في اولى بيهو من كونداي المسجمة خشم البنوت كلهن ؟
Quote: و برضو يا ود شيقوق صورتي ما يختها |
يمكن تكونى سيد احمد او نقد الله عشان كدا ما بتختيها - قالت بت الهناء !!! يمين يكون ود الهناء ذاتو .
| |
|
|
|
|
|
|
Re: اوع تلحس البوست دا يا بكري - دى شخصيات بحب قدلاتا بالحيل - السياسيون يمتنعون (Re: الطيب شيقوق)
|
سماعين حسن
Quote: بيني وبينك القدلة ما فيها كلام تب .. |
يطول عمرك ويخليك
Quote: لكن ايه حتعمل مع الحلفاوي الجاب ليك طلباني غرقان للنهاية وما اظنك حتلقي ليك فرصة معاه؟؟ |
زولك تمساح دميرة بشتنها لي ساى
Quote: لكن فى حاجة مهمة جدا قبل ما انت تواصل تكسرك في كوندي حقوا تنزل لينا آخر صورة ليها بعد ما ركبت التونسية وبقت مواطنة عادية أكيد الرقشة والبهرجة المجهجهاك دى كلها بتكون راحت شمار فى مرقة ولك فى اولبرايت عبرة خليك امين كده واجيب ليها صورة بعد انتهاء البوشية |
وينك انت ؟ يا داب اتفرغت لجيهة رقبتها - الزمن داك كلو كانت مهمومة بدارفور وطالبان وحماس .
اما هسع اتناولت حقوقها المعاشية وشركات بترولها كابة فيها . تاني علا العطور والميك أبات والحكي مع الناس البحبوها بس
بالميّت بتطلع ليك منها بقديلة .
| |
|
|
|
|
|
|
| |