كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟

Post: #1
Title: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-26-2009, 05:29 PM

أنا ما بعرف الناس التانين ..
بس أصعب حاجة لمان الواحد يجي داخل ..
زي المنبر الأنا شايفو جميل
ويقوم يصطدم بأنه ناسو كيمان كيمان ..
ما أعتقد أنه ممكن يتم تفاعل ..
ولا بتاع مجاملات أنا
أنا زول بتاع كتابة وكلام بيطلع
من جوه الخاطر ..
وإذا الوضع كده الواحد يكتب عشان يسلي نفسه
وطبعاً ده مش المأمول من المنبر
المنبر تفاعل مشاركات إحساس صادق
مش مجاملات فارغة بتاع كيمان كيمان ..
المنبر ساحة عشان تدي الناس المفيد
وتأخذ منهم الأفيد لكن تقوم تلقى
جو غير صحيح حتدي الناس وتفيدهم كيف
وإنت زاتك الفايدة الحتطلع بيها شنو ؟؟
يبقى في النهاية كلام خارم بارم لا يودي لا يجيب
ويكون المنبر في الحالة دي فقد الخاصية بتاعته
خلونا ناس كباااااااار ونستمر ناس كباااار ..
أعمل ليكم فصل وحصص من جديد ؟؟
أرجعكم الثانوي من تاني ؟؟ ..

Post: #2
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: omer osman
Date: 04-26-2009, 05:52 PM
Parent: #1

معتصم تحياتي

يا اخوي ماتدفق مويتك على الرهاب ساكت بس اسكت اكتب واعمل مداخلات زي ما انت عاوز وزي ما رأسك بقول ليك (في حدود القانون) وماترجي

رد من زول والله هنا في ناس بتكتب كلام زي العسل زول بهبب ليهم مافي وناس تكتب كلام زي البصل تلقي المداخلات بالصف وناس حاجزة في الصف

بي طوبة وهاك ياغزل ياشفيف يارائع يامناضل .... الخ

يازول اكل البعجبك والبس البعجبك وبرضو اكتب البعجبك ..........

وصية زول قديم نسبياً

Post: #17
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:20 AM
Parent: #2

يا سيدي الشكر لك ..
بس نحن من جيل بيقول
قل وأكتب وأوجز
وفيد الناس ..
والشايفو ده أسع
خلي في سرك ..

Post: #3
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: محمد البشرى الخضر
Date: 04-26-2009, 06:19 PM
Parent: #1

حدثنا شيخنا العليم بأخبار المنابر و المتنبرين قائلا
ياتي البرلوم منتشيا فرحا جزلا بنيله الباسويرد , يخيل ان العالم بأسره ينظر إليه و يغبطه
و ينتظر رائع إسهاماته و جليل مشاركاته
ويرفع البرلوم رأسه في فخر ويمد بصره إلى الأفق البعيد ناظرا إلى المستقبل المشرق الذي ينتظر البورد على يديه
حاله كحال الاسكندر يوم وقف على بوابة العالم القديم مستشرفا مستقبله
ثم يرتد اليه بصره حسيرا حين يدرك عظم المهمة الملقاة على عاتقه و كبر المسؤولية المناطة به
فنظرة على حال المنبر تشي بما لا يسر
كيف له ان يصلح من حال هؤلاء البرابرة الهمج الذين ادمنوا الشتم و الفارغة
و ما دروا النعمة العظيمة التي هم فيها ولم يقدروها حق قدرها
لكن آن لهم ان يرعووا ويمنعوا الفوضى فها قد اتاهم دواءهم و السم الذي هو بمقدار عشائهم
ثم يتوكل البرلوم و يخوض اول حروبه ملوحا بسيف الفضيلة و ترس الأخلاق ممتطيا جواد الإصلاح
ثم سكت الشيخ واطرق مليا حتى ظنناه غفا واردنا القيام عن مجلسه
فرفع الشيخ راسه مواصلا و يظل صاحبكم في غيه سادرا متقلبا من حال إلى حال ومن بوست إلى آخر مناديا و صارخا
و رويدا رويدا يشتد عوده و تتفتح بصيرته و يدرك حقائق الأشياء
فيخلع عنه رداء المصلح و يخوض مع الخائضين
ثم ختم الشيخ حديثه بنصيحة
ان لاقاكم احدهم فلا تجادلوه فخير ما يقال لمن هم في هذا الطور

قــوم لِـــف

Post: #4
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: طارق جبريل
Date: 04-26-2009, 06:25 PM
Parent: #3

ياخي اسكت صوط ساكت في سوق ام دفسو دة
ما تقعد تفلعص في الكلام
شوت شوتك ساي
ههههههه

يا زول مرحب بيك

Post: #5
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: باسط المكي
Date: 04-26-2009, 06:45 PM
Parent: #4

Quote: ياخي اسكت صوط ساكت في سوق ام دفسو دة
ما تقعد تفلعص في الكلام
شوت شوتك ساي

مراحب ياخي
اكتب واكتب ...
دة انطباع في البداية ساكت لكن
كل الناس حلوين ..

Post: #6
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: ALazhary2
Date: 04-26-2009, 06:53 PM
Parent: #5

.
.

يامعتصم

كيمان كيمان دي مافيها كلام حاصلة وظاهرة :)

لكن ده مامنع الناس إنها تتفاعل مع بعض ويكون في تبادل للعلاقات الدبلوماسية مابين هذه الكيمان :)

طبعاً كتير جداً بتحصل حروب طاحنة مابين هذه الكيمان لكن في النهاية مجلس الأمن (بكري أبو صلعة) بتدخل لفرض الأمن والسلم المنبري .
:)

.
.

Post: #7
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: النصرى أمين
Date: 04-26-2009, 07:11 PM
Parent: #6

الاخ معتصم مكاوى
مرحب بيك بيناتنا

المنبر ده كيمان وشلليات

اعمل بوستاتك وارفعها براك
وما تشتغل بزول

انا شخصيا لى كم سنة هنا ونجحت انى
ما اعمل شلة وكوم يتداخلو معاى على طول
فى الفاضيه والمليانه

بعمل بوستى وما بقدر اتوقع منو الحيخش فيهو
لانو كل بوست بلقى ناس مختلفين
اسمع كلامى وما حتجيك عوجه
سلام

Post: #8
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: ismeil abbas
Date: 04-26-2009, 07:32 PM
Parent: #7

ألأخ/معتصم مكاوى ..السلام عليكم ومرحب بيك مرة ثانية..

Quote: أنا ما بعرف الناس التانين ..
بس أصعب حاجة لمان الواحد يجي داخل ..
زي المنبر الأنا شايفو جميل
ويقوم يصطدم بأنه ناسو كيمان كيمان ..
ما أعتقد أنه ممكن يتم تفاعل ..
ولا بتاع مجاملات أنا
أنا زول بتاع كتابة وكلام بيطلع
من جوه الخاطر ..

خلى كلامك البطلع من جوه الخاطر يقنع الحاضر....

ما بتاع مجاملات..ما بتنفع ..لازم تجامل حتى لو مجاملة خيفية...والحياة بدون مجاملات ماليها طعم....

الناس هنا كيمان كيمان حسب توجهاتهم..وحسب أفكارهم وحسب رغباتهم .وحسب هواياتهم..

وعلى ما اعتقد يمكن يتم تفاعل حسب المادة المقنعة المطروحة وفى نفس إتجاه كل شخص..

والمنبر ده جميل بالجد..بس أدخل لى جوه..وامرق العندك...وبطل تشاؤم ..وما تفتح فصول تقوية..وخلى ألأمور تمشى على بركة الله..

حا اختبر نوع مجاملتك........المنبر بقى جميل من ما طليت؟؟حا ترد تقول شنو؟؟؟؟

إحترامى وتقديرى لك ومن مر عليك.....................إسماعيل محمد احمد عباس..

Post: #24
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:36 AM
Parent: #8

ياسيدي ما قلنا شيء
والمجاملة الأنا قاصده
التفريق بين الغث والثمين
والمفروض تتكتب السمين
في الشايفو ده

Post: #9
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: GamarBoBa
Date: 04-26-2009, 07:38 PM
Parent: #7

اسمع كلام عمك النصري ده
ختاها ليك واضحة....
Quote: انا شخصيا لى كم سنة هنا ونجحت انى
ما اعمل شلة وكوم يتداخلو معاى على طول
فى الفاضيه والمليانه

شلتك الداير تقبل عليها لقيتهم بجدعوا من اول الصباح تمرق معاها غزوتك لا يدك لا كراعك
لقيتهم بحجزوا في شكله تشتغل يومك كلو اجاويد
بتكتب شعر ولا نثر ولا مبدع دي حسابات بتخضع لمقاييس تانية خالص

المهم اختار مجموعتك من ديل وابقي نابل
من كل ضد وضد زي ما غني محمد عبدة
شيوعيين - كيزان
مناضلين - انتهازيين
هلال - مريخ
شكلات - أجاويد

واهم شي تعرف تكسر تلج لسيد الفنايل السجلك عشان ضمان استمراريتك وكدة وبما انك جديد انصحك ما تكسر تلج لبت سمحة لانو بتبقي ظاهرة وما تشاكلها لانو لو شاكلتها بطلعوا من تحت الواطة ووراء البحار والجبال.
وعيش حياتك

Post: #10
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Amira Elsheikh
Date: 04-26-2009, 07:54 PM
Parent: #9

Quote: واهم شي تعرف تكسر تلج لسيد الفنايل السجلك عشان ضمان استمراريتك وكدة وبما انك جديد انصحك ما تكسر تلج لبت سمحة لانو بتبقي ظاهرة وما تشاكلها لانو لو شاكلتها بطلعوا من تحت الواطة ووراء البحار والجبال.
وعيش حياتك

قمر......

دا انت ولا هكر??

يا اقراء كلام الزول تانى من اول وجديد

ياقوم لف

Post: #11
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: GamarBoBa
Date: 04-26-2009, 08:02 PM
Parent: #10

اميرة
قريته وده ردي ومش متراجع

هكر شنو في الكهربا المافي دي كمان

Post: #27
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:51 AM
Parent: #11

المهم سجلت نقطة عليك
وفازت بالضربة القاضية الفنية
بدون تكسير تلج

Post: #26
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:49 AM
Parent: #10

وأنا البت شن وراني سماحتها
وسماحتها نافعاني بي شنو
ما لي زوجها
أو الداير يتزوجها
وأنا لا ده ولا ده
أحرق رزي فوق كم
المهم سماحتها تكون في البتكتبو
وكونه أقول مثلاً أميرة كتاباتها ناضجة
دي حقيقة ما محتاجه لتكسير تلج
ولا بكري زاتو بيحتاج يكسروا ليهو تلج
وأنا قلتها صريحة وبدون مجاملة
الإخوات الكريمات كتاباتن أنضج
من الشباب وبتطلع بالفايدة
أنضجو يا أولاد شوية ؟؟

Post: #25
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:41 AM
Parent: #9

أنا يا سيدي عندي العضو والعضوة
راكبين في جمل واحد
وكسير تلج ده أنا ما زولو
وتكسر لعضوه ما ميدان أخوك
بس الشايفو
الإخوات الله يديهم العافية
شغلهم حلو
وبيشتغلوا شغل جاد
وشغلهم بينقري وينهضم
وده ما تكسير تلج
دي حقيقة

Post: #23
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:33 AM
Parent: #7

يا جماعة وحياة النبي
واللي نبا النبي نبي
أنا ده ما قصدي
الناس تكتب المفيد أول
والعايز يقرأ يقرأ
بس زي الكلام المقدد
القاعد أشوفو ده بيحزن
وده اقتراحي في الأضية يعني
زي ما قال عادل إمام

Post: #21
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:30 AM
Parent: #6

كلامك سمح وزين وما فيهو غلط
بس بنظرة بسيطة على القاعد ينكتب
في المنبر ده ما فيهو فايده
ونسه وتسلية وتضييع وقت
المنابر تواصل ثقافي
يديك العافية

Post: #20
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:28 AM
Parent: #5

المفروش يكون كله حاجة حلوة
يعني في إخوات جادات عكس أخواننا الشباب
بيدو شغل جديد وجميل
الهمة يا شباب ؟؟

Post: #19
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:25 AM
Parent: #4

ماهو شوت لي شوت يفرق
والشايفو ده شوتان بره الخشبات
داير الناس ينجضوا شويه
أحييك فأنت في الخاطر

Post: #18
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:23 AM
Parent: #3

أنا حقيقي ما قصدت ده كله
قصدي ما شايف كتابات موضوعية تثري
وبس !!
لك الشكر والمرور الجميل

Post: #12
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عزاز شامي
Date: 04-26-2009, 08:05 PM
Parent: #1

شنو يا معتصم ما كنت جاي بسنونك
شاعر بغربة مالك؟؟

انت قبل ما تسجل ما كنت بتقرى البورد؟
يعني حالتو دي "تكشفت" ليك بعد الباسويرد؟

ياهو كلام شيخنا اعلاه ما خاتي فيهو تب ...

قم لعملك و إهدر الباندويث يا رعاك الله
ولا تخرب لنا طبعنا فقد ألفنا بوردنا بشللياته
و رضينا بحكم الربّان يقودها حسب رياح ترانا ولا نراها

العب الدافوري ده رزق اليوم باليوم، وكان ليك بضاعة ما سبقك عليها زول
اعرضها، ونصيبك بيجيك ...

Post: #13
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: هشام حسن
Date: 04-26-2009, 08:42 PM
Parent: #12

الأخ معتصم
عادي يا ماااان زي ما قالوا ليك الشباب أسكت صوط
وأبقى مارق

دي هدية بسيطة كدا
مرحب بيك يا ماان..

Post: #14
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عماد الشبلي
Date: 04-26-2009, 09:03 PM
Parent: #13

Quote: ويقوم يصطدم بأنه ناسو كيمان كيمان ..

معتصم .. ياخي ما تزعل نفسك

الدنيا دي كلها كيمان

من كوم الحم ال كوم البصل ..

انا مثلا ما كنت من كيمانك

وحسي بقيت من كيمانك

كوم + كوم + كوم = كوم واحد كبير

انت بس اجتهد وكبر كومك ,,

Post: #15
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: سمير شيخ ادريس
Date: 04-26-2009, 11:56 PM
Parent: #14

Quote: الدنيا دي كلها كيمان

كيمان عطبرة

Post: #16
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Rawia
Date: 04-27-2009, 01:46 AM
Parent: #15

Quote: كيمان عطبرة

لا .. بخور كيمان

Post: #22
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Hassan Makkawi
Date: 04-27-2009, 05:31 AM
Parent: #16

وآخرة كوم رماد...وكدة

Post: #33
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 06:09 AM
Parent: #22

ما هو ده الخايفين منه ..
إنت يا خوي الملس ليك صورتك
دي كده منو .. ورينا محله
نمشي نملس نحن كمان

Post: #32
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 06:07 AM
Parent: #16

أخدتي نفس من ود شيخ إدريس
بخور كيمان دي حلوة
لكن وبدون تكسير تلج
بنات حواء ألفي المنبر
كتاباتن أقوى من أولاد حواء
والمغالطني يلقاني
قرب ذلك الجبل
ثكلته أمه

Post: #31
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 06:03 AM
Parent: #15

ود شيخ إدريس ؟؟
السيجارة الكاربه دي جبتها من وين
ورينا محلها

Post: #30
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 06:01 AM
Parent: #14

عندي واحد صاحبي الله يرحمه
كنت عاوز أقوم بواجب التعريف ليهو
فقلت للجماعة الزول ده من الرعيل الأول
لمان الناس طلعوا قال ليا
حرام عليك الرعيل دي زي البقر كده
فدحين نحن ناس الرعيل الأول ديل
ياعماد ياخويا
الكلام المفقع القاعد أشوفه
ده ما نازل ليا من زور
الناس تشد حيلها تكتب المفيد
مسألة ينقري دي حينقري ولو بعد حين

Post: #29
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:56 AM
Parent: #13

خليها على الله
والساويها الله في الحجر ........
هديتك مقبولة لمان مقبولة

Post: #28
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 05:55 AM
Parent: #12

قال نكسر تلج
يا عزاز بالجد اسمك فيهو شغل جديد
وكان نزلتو بوست يقولو بيكسر تلج
دي مصيبة شنو آآآآناس
بس حأنزلو
تلج .. تلج

Post: #34
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: ابراهيم الرشيد عبدالرحمن وراق
Date: 04-27-2009, 06:29 AM
Parent: #28

معتصم , تحياتى

اكتب كتابتك وعبر عما فى دواخلك يااخوى واعرض عن الجاهلين

اكيد ح تلقى ناس يحملون نفس افكارك ويتفاعلون مع ماتكتب

يعنى ح تفيد وتستفيد

لك كل الود

Post: #35
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Hassan Makkawi
Date: 04-27-2009, 06:43 AM
Parent: #34

Quote: إنت يا خوي الملس ليك صورتك
دي كده منو .. ورينا محله
نمشي نملس نحن كمان

يا سيد البوست

إذا كانت مداخاتك أعلاة تعنينى
فهذة الصورة لأصغر ابنائى
وهى لا تعنيك بشى ابداً
إذا صورتك محتاجة تمليس
شوف ليك ناس غيرنا يوروك تملسة وين!!!

-----------------

قوم لف

Post: #38
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Abdlaziz Eisa
Date: 04-27-2009, 06:57 AM
Parent: #35

Quote:
يا اخوي ماتدفق مويتك على الرهاب ساكت بس اسكت اكتب واعمل مداخلات زي ما انت
عاوز وزي ما رأسك بقول ليك (في حدود القانون) وماترجي

رد من زول والله هنا في ناس بتكتب كلام زي العسل زول بهبب ليهم مافي وناس تكتب
كلام زي البصل تلقي المداخلات بالصف وناس حاجزة في الصف

بي طوبة وهاك ياغزل ياشفيف يارائع يامناضل .... الخ

يازول اكل البعجبك والبس البعجبك وبرضو اكتب البعجبك ..........

الأخ معتصم

سلام

الكلام الفوق ده جميل..
أكتب.. أكتب... ورد.. رد لكل ما يسرك ويعجبك وما تجد فيه المفيد..

نشاطك بيجيبك ويجيب الناس ليك..

تحياتي
بدالعزيز

Post: #42
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 07:16 AM
Parent: #38

ما عندك مانع يا سيد الناس
بس بيني وبينك البينكتب ده بيسر الخاطر ؟؟
يديك العافية

Post: #41
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 07:14 AM
Parent: #35

لفينا .. يا سيدي !!!!!!

Post: #36
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: ود الباوقة
Date: 04-27-2009, 06:47 AM
Parent: #34

كيمان .. كيمان ..

ما عارف ذكرتني الكمونية ليه ؟؟؟؟

Post: #37
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Hassan Makkawi
Date: 04-27-2009, 06:51 AM
Parent: #36

بعدين خت كلمتين أدناة
عشان نعرف من أى قمقم خرجت...وكدة

Quote: الملف الشخصي ل معتصم مكاوي
اللقب: معتصم مكاوي
: .

عدد البوستات: 57
تاريخ التسجيل: 22-04-2009
محل الاقامة:
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: معتصم حامد عبدالرحيم مكاوي
التلفون:
الجامعة/المعهد:
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
درست المرحلة الابتدائية فى ......و سنة....:
درست المرحلة الثانوية فى ......و سنة....:
درست المرحلة المتوسطة فى ......و سنة....:
شاعرك المفضل:
عدد الاطفال:
معلومات اضافية:
مكان العمل:
مكان الميلاد فى السودان:
صورتى:

Post: #39
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Nader Abu Kadouk
Date: 04-27-2009, 07:05 AM
Parent: #37

اها النكلمك

المنبر ده كيمان كيمان

Post: #45
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: BitAlhana
Date: 04-27-2009, 07:25 AM
Parent: #39

مكاوي يا خوي

المنبر ده كيمان لمن غلط

اها شوف زي حالتي ده .... انا من الرعيل الأول (لكن ما بقر)
وقتها كان البورد ده كلام عجب...
الناس دي كلللللللللللللها بتعرف بعض ووناسين جنس و نسه

اها فتره كده وقفت من الكتابه و جيت اسي لانه عندي و قت فراغ دايره اهدره
و بقبت شغاله في الناس بري .....الا وحاتك انا بقيت لافه صينيه اعلق بي هنا و اكتب بي هنا
... و الزارعنا غير الله اللي يجي يقلعنا

فا انت اعمل زي ... اقرأ البيعجبك و أكتب البيعجبك ...

وبس

Post: #47
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 07:37 AM
Parent: #45

والله الشايفو ده ماهو من صالح المنبر
ولا بخليهو يمشي لي قدام
العلاقات ما قلنا فيها شيء
لكن الكلام الفيهو الفايدة والزبدة
معدوم هنا
يا ربي ده من شنو ؟؟

Post: #46
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 07:32 AM
Parent: #39

مبروك ..
والكوم بي كم ؟؟!!!

Post: #44
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 07:22 AM
Parent: #37

الفاضي بيعمل قاضي
أكتب شيء مفيد أو لا تكتب
خليك مع الزمن المليان

Post: #62
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: محمد كابيلا
Date: 04-27-2009, 11:54 AM
Parent: #44

Quote: الفاضي بيعمل قاضي
أكتب شيء مفيد أو لا تكتب
خليك مع الزمن المليان

انطباع فى محله ......!!؟؟
لكن أكتب شىء مفبد أو لا تكتب
دى ما مهضومه لانو فى كلام انت بتشوفو
مفبد وغبرك لا يراه كذلك ...........!!!
مرحب بيك
محمد كابيلا

Post: #43
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 07:19 AM
Parent: #36

وبالله في أحلا من الكمونية يا صاحبي
الكمونية ولا الكيمان ؟؟ ..
يديك العافية

Post: #40
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 07:12 AM
Parent: #34

ياهو ده كلام العاقلين فعلا يا ودالرشيد
يديك العافية

Post: #48
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: abuguta
Date: 04-27-2009, 07:53 AM
Parent: #40

اخ معتصم

مرحب بييييييك

كلامك الجميل العاوز تقولو شعر ولا نثر
لو شعر اختى القوافى ,,لان الخواض وشلته
بفندوه ليك,,
ولو قصة ما بجيب حق الجاز,,,محسن خالد ظاتو زهج من الناس

اها الرياضة كيف
مريخابى ولا هلالابى,,ترى الكورة وبتكبر ليك الكيمان
لو ازرق اسمع كلام ود البشرى
ولو احمر شوف هارون دياب وين

اسى دخلو عليك 18 شخص,,فيهم 3 جكسويات
ممكن نطلع بخمسة وجسوتين
والله نجاح يدخل الجامعة

احيلك الى بوستات ابوقوتة
موقعنا كمان تحصل عليه من قوقل

كدى اسى لاحظ مشاركات الجماعة ديل
ود البشرى9000
طارق جبريل 7000
ابقوتة6000
راوية
ود الباوقة
اسماعيل عباس

تعرف ديل قدام وشلة لوحدهم عشان كدا رصيدهم عالى
لوووووووووووووووووووول

تحياتى

Post: #49
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Nader Abu Kadouk
Date: 04-27-2009, 07:56 AM
Parent: #48

يا برلوم إستعمل الكوتات عشان إتعرف الرد لي ياتو مداخله

Post: #50
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Nader Abu Kadouk
Date: 04-27-2009, 08:01 AM
Parent: #49

Quote: مبروك ..
والكوم بي كم ؟؟!!!

إنت سآلته سؤال
جاوبنا ليك
الزعل لزومو شنو

تعديل لزوم الكوت و كده

Post: #51
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: abuguta
Date: 04-27-2009, 08:08 AM
Parent: #50

Quote: الزعل لزومو شنو

اخى معتصم الدرس الاول

ردودك اداخلت,,الناس ما بتعرف انت رادى على منو

اما تذكر اسم الشخص او جزو من مشاركتو

يعنى كوبى وبست ,,وبعد التظليل تمش بوق لاقتباس

وتكتب بعدها ردك على المتداخل وكدا

Post: #54
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: أيمن الطيب
Date: 04-27-2009, 08:21 AM
Parent: #49

سلامات أخونا مكاوى,,,
السلام عليكم ومرحب بيك وأنت تحاول تغيير الخط والمسار,,
بعد قراءة البوست والمداخلة الأولى
Quote: ,,,يبقى في النهاية كلام خارم بارم لا يودي لا يجيب
ويكون المنبر في الحالة دي فقد الخاصية بتاعته
خلونا ناس كباااااااار ونستمر ناس كباااار ..
أعمل ليكم فصل وحصص من جديد ؟؟ أرجعكم الثانوي من تاني ؟؟
.. ثم بعدها قراءة ردودك من شاكلة
Quote: إنت يا خوي الملس ليك صورتك
دي كده منو .. ورينا محله
نمشي نملس نحن كمان
بجيك إحساس إنو يا صاحب إنت بديت تخوض فى موية الطملة مع بقية
الخائضين!!!دون أن تشعر !!!!

راجع مداخلة أخوك الكبير محمد البشرى الخضر فهذا الرجل (ربّها) هنا ووالله وما بتخسر وخلى بالك أطول من كدا شوية,,

أخوك السغير أيمن,,

Post: #52
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: معتصم مكاوي
Date: 04-27-2009, 08:08 AM
Parent: #48

بالجد بالجد بالجد
ده أحلا رد جاني
بتاع شعر ؟ أيوه بتاع شعر
بتاع قصة ؟ أيوه بتاع قصة
بتاع قصص ؟ لأ
والجكسنة؟ عديناها
والحنكشة ؟ ما لايقه علينا
هلالابي ؟ ع السكين
أهه الفضل شنو ؟؟
يا سمح إنت
ولذيذ إنت

Post: #53
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: abuguta
Date: 04-27-2009, 08:14 AM
Parent: #52

Quote: أهه الفضل شنو ؟؟
يا سمح إنت
ولذيذ إنت

تعمل زى كدا ,,كوبى بيست وتمشى على اقتباس

وتجى بعدها تقول لى عزيزى ابقوتة
اشكرك يالذيذ

والله كلام المظلل دا لو قلتو لجكسويه
كان المنبر دا له بقى من كيمانك
لا قلتو لابقوتة,,وهل تعلم ان لابقوت معجبين
ادخل الرابط

رابطة معجبي ابقوتة .. مؤتمر القضايا المصيريه

Post: #55
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: الصادق ضرار
Date: 04-27-2009, 09:01 AM
Parent: #53

الاخ معتصم مكاوي
حصل جهزت ليك عصير عشان جاينك ضيوف قمت شربتو براك ؟
ليه ؟
عشان الضيوف اعتذروا و قالوا مابقدروا بجو
او هم جو لكن العصير ما عجبهم
او ممكن يكونوا شربو الحين و رويانين
او ..
عموما ده حال المنبر
بس شوف ليك شيخ و انضم وراه و لو شيخ الشيطان .

مرحب بيك .

Post: #56
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: اميمة مصطفى سند
Date: 04-27-2009, 09:06 AM
Parent: #53

Quote:
راجع مداخلة أخوك الكبير محمد البشرى الخضر فهذا الرجل (ربّها) هنا ووالله وما بتخسر وخلى بالك أطول من كدا شوية,,

معتصم يا أخوي

ده الكلام التمام

حبابك ألف

Post: #57
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: خالد عبد الله محمود
Date: 04-27-2009, 09:22 AM
Parent: #56

Quote: كلمونا المنبر ده كيمان كيمان

معتصم جيب اضانانكـ :
.
.
.
.
.
المنبر ده كيمان كيمان ..

إلا هل بلغت ؟؟؟

Post: #58
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: GamarBoBa
Date: 04-27-2009, 09:29 AM
Parent: #57

Quote: اها شوف زي حالتي ده .... انا من الرعيل الأول (لكن ما بقر)
وقتها كان البورد ده كلام عجب...
الناس دي كلللللللللللللها بتعرف بعض ووناسين جنس و نسه

بت الهنا
كيفنك
والله متذكرك من ايام البورد ده كان بشتغل بالارسال وبشخشخ
مرة مرة شيري وبت قضيم بجوا وناس كتيرة غابت
زيك برضو لموضوع قراية ابتعدنا فترة كدة
ولا يهمك يا بت الهنا
ابقي داخلة وخلاص...ما تحسي بوحشة الحاصل ده عبارة تطور طبيعي (للحاجة الساقعة) زي ما قالت الدعاية المصرية
وابقي خاشة
سلام

Post: #60
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: ismeil abbas
Date: 04-27-2009, 09:56 AM
Parent: #58

ألأخ/معتصم مكاوى السلام عليكم..

ممكن لو سمحت تحدد إلرد بألأسم..يعنى إذا انا المقصود بهذا الرد سوف أرد عليك..وحتى لايحصل إلتباس..
Quote: ياسيدي ما قلنا شيء
والمجاملة الأنا قاصده
التفريق بين الغث والثمين
والمفروض تتكتب السمين
في الشايفو ده

ياسيدى..كلمة من كلمات المجاملة...وأفضل كلمة أخى...

ومن هو المفروض يكتب السمين؟؟

الشايفو إنت يا معتصم غير الذى اراه أنا..وكل ينظر يعينيه...

المجاملة اللطيفة نوع من الدبلوماسية الراقية...وهناك مجاملة يحس بها صاحب الموضوع حسب كتاباته....

الدقة أيضآ مطلوبة....وذكر ألأسماء تزيد ألألفة..وهذه ليست من أنواع المجاملة..

بدون مجاملة..حسيت بأن البوست بدآ يكون جاف وأظن انه سينكسر...حافظ على روح وجمال البوست بقليل من المجاملة..

تقديرى وأحترامى....إسماعيل محمد احمد عباس.....

Post: #59
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: محمد عبد الماجد الصايم
Date: 04-27-2009, 09:47 AM
Parent: #56

الزل قام لفّه لمن راسو لفة!
ديل شنو العالم الباقين ديل!

مكاوي!
أوووع تسمع كلام ود البشرى دا!
واشتغل نصيحة وشعر ونثر .. وجيب سيفكـ وتعال لو داير!
تعال الصباح قول لينا عاوز أغزو بوستات أساسي .. بنمشي معاكـ
تعال بعد الظهر قول عاوزين نخش دافــوري كيكي .. بنخش معاكـ
بعد العصر تعال نمشي نظووووط مع عماد عبد الله .. بنظوط معاكـ
تعال بعد المغرب نتونس مع أب تفة .. بكون واعي لسه .. بنمشي معاكـ
بعد العشا نمشي دافوري هارون دياب وود البشرى .. ما في مشكلة!

بالليل ما تجي نوهائي
يا لمّ فيكـ محمد عادل يا أبو ساندرا!
والأول أخير ليكـ من التاني .. التاني بعمل ليكـ عاهة مستديمة

____________
أبو حتوت.. ما عارف ليه، لكن أتذكرت أبو شيمة الله يطراو بالخير!

Post: #61
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: مبارك السروجي
Date: 04-27-2009, 10:53 AM
Parent: #59

مكاوي آ خوي..

كلامك إلى حد بعيد صحيح.. لكن ليست هذه هي القضية..
إعتقد لما الواحد يكتب .. فهو يكتب لكي يعبر عن شيء بداخله.. ليوصل افكاره.. بغض النظر عن من يقرأ أو لا يقرأ.. يعني سنكتب ليس من أجل شخص أو أشخاص معينين.. ولكن لأشياء في أنفسنا.. هذا مجمل القضية.

مودتي..

Post: #64
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عبدالله كع
Date: 04-27-2009, 12:15 PM
Parent: #61

مكاوي دوت كوم ..

سوطه بي عود يا خي ....
و محل ما تقع في ليك بوست ( كوم ).. اقع واقف بس
وقوم اتنفض وامشي للبوست( الكوم ) البعدو .. لحدي ما تلقي ليك كوم
يلمك ..!!

وخليك مع ود الصايم النجيض ده

Post: #80
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Yassir Tayfour
Date: 04-27-2009, 08:13 PM
Parent: #59

Quote: بالليل ما تجي نوهائي
يا لمّ فيكـ محمد عادل يا أبو ساندرا!
والأول أخير ليكـ من التاني .. التاني بعمل ليكـ عاهة مستديمة

Post: #63
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عبد الغفار عبد الله المهدى
Date: 04-27-2009, 12:10 PM
Parent: #1

الاخ/ معتصم مكاوى
تحياتى
Quote: أنا ما بعرف الناس التانين ..
بس أصعب حاجة لمان الواحد يجي داخل ..
زي المنبر الأنا شايفو جميل
ويقوم يصطدم بأنه ناسو كيمان كيمان ..
ما أعتقد أنه ممكن يتم تفاعل ..
ولا بتاع مجاملات أنا
أنا زول بتاع كتابة وكلام بيطلع
من جوه الخاطر ..
وإذا الوضع كده الواحد يكتب عشان يسلي نفسه
وطبعاً ده مش المأمول من المنبر
المنبر تفاعل مشاركات إحساس صادق
مش مجاملات فارغة بتاع كيمان كيمان ..
المنبر ساحة عشان تدي الناس المفيد
وتأخذ منهم الأفيد لكن تقوم تلقى
جو غير صحيح حتدي الناس وتفيدهم كيف
وإنت زاتك الفايدة الحتطلع بيها شنو ؟؟
يبقى في النهاية كلام خارم بارم لا يودي لا يجيب
ويكون المنبر في الحالة دي فقد الخاصية بتاعته
خلونا ناس كباااااااار ونستمر ناس كباااار ..
أعمل ليكم فصل وحصص من جديد ؟؟
أرجعكم الثانوي من تاني ؟؟ ..

كيمان وشلليات موجودة وبكثرة والله يقدرك تختلف فى الراى او النقاش مع شلة (س) مثلا وبعد شويه عينك ما تشوف الا النور
ولا تكون زول ساكت وتجى ماشى رافع رايتك وتقد تتداخل بهذه الصورة (تسلم يا حبيب...و...) المجاملات التى لاتغنى ولاتسمن من جوع ،مما افقد الحوار حياديته وفرغ المنبر من ضمونه..وبقى زى بيت الفراش اى كوم براهو

Post: #65
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: elfadl abdellatif
Date: 04-27-2009, 12:33 PM
Parent: #63

انا شخصيا اتعقدت
زمان كنت بكتب رايي في الجرايد .. واشتركت في المنتدى مخصوص عشان القى فيد باك feedback لما اكتبه .. وفيد واستفيد .. لكن زي ما قال نميري لا حياة لمن تنادي .. تكتب لمن الكيبورد يصدع وتنتظر زول يقول ليك انعل ابوك انت بتقول في شنو ..
تلقى بوست تقول تتداخل مع الجماعة .. تلقى روحك تتدخل فيما لا يعنيك ..
وتلقى بوست يعجبك عنوانو .. تخش تلقاهو زي قعدة السكر .. ناس كتار .. وكل اتنين تلاتة منزويين في ركن وما تعرف تقعد مع ياتو جماعة .. الويسكي وللا الواين وللا البيرة .. وللا بتاعين النواشف .. وللا القاعدين يشربو في المياه الخالية من الكحول .. احسن حاجة في الحالة دي تجي من بيتكم مستوي .. وتقعد تجوط مع ديل شوية ومع ديل شوية ..
المشكلة في النهاية انو بتبقى حالة ادمان .. ومرضة لا بد من اشباعها

Post: #66
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: محمد فرح
Date: 04-27-2009, 12:35 PM
Parent: #63

Quote: أنا زول كتاب
كلام من جوه الخاطر

ياعيني على الكتابه لمن تكون من جوه الجوه
الغريبه يامكاوي من ردودك مالمسنا الحاجه دي
المهم
اعمل البريحك

Post: #67
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: ALZOLZATOO
Date: 04-27-2009, 01:06 PM
Parent: #66

ياحبيبنا

اول حاجة مرحب بيك في سودانيز اون لاين

ياخي نحن منبرنا ده بيختلف من البدرسوهو في المدارس

اول حاجة تعمل ليك كوم بعد داك تكتب يعني تدق الوتد قبل ماتجيب الحمار ده بينطبق هنا تماما

اها اسع انت قلت زول كتاب والله الجماعة ديل لو ختوك مع الكتابين المبدعين العشرين المبشرين باللجنة ح تندم

انك ما انضميت لي كوم الرجرجة والدهماء ، ياخي قبل يومين واحد ماعندو كوم فتح بوست لي ياسر عرمان الجماعة

طلعوا ليهو كتابتو كلها غلط وسقط املا وانشاء وقواعد وواحد ناقشوا في موضوعوا مافي .

اها اسع انت كمان قبل ماتكتب حرف لازم تكتب بوست تقول يا ا خونا انا قبل ما اجي هنا معجب بي زاتوو وود الصائم وتمبس وتسرد ليك قائمة طويلة بعد داك تكتب اول بوست ليك وهاك يامبدع وانت من زمان كنت وين

لكن تجي داخل كده سااااكت ح تكون زي كابتن كابو لمن الكورة فكت منو لووووووول يكه

اسع عليك الله مش التوقيع بتاعي زاتوووو ده غلط مفروض يكون ذاتو اها مافي واحد قبل كده قال لي الكلام ده غلط

عارف لي شنو ده الكوم يابرلووووووم

اتوكل علي الله واعمل ليك شلة لانو لو ماعملت شلة لو الهاكر ضرب باسوردك ساكت ما ح تلاقي الابكي معاااك

طولنا عليك

تحياتي

زاتووووو

Post: #68
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عصام علي أحمد
Date: 04-27-2009, 01:56 PM
Parent: #67

نصيحة

أبعد من ودالصايم وودالبشري وقضية دارفور واميرة الشيخ واكامبو
وولدي الفي الصورة

مابتجيك عوجه تب

Post: #69
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Abdlaziz Eisa
Date: 04-27-2009, 02:12 PM
Parent: #68

الأخ مكاوي

حدد اسم الشخص او اعمل كوت لكتابته عند ردك..

والله انا ما عارف ردودك معظمها موجهة لمين..

تحياتي
عبدالعزيز

Post: #70
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عادل عبدالعزيز عبد الرحيم
Date: 04-27-2009, 02:36 PM
Parent: #69

اها النقول ليك الكيمان ذاتها خشم بيوت

تحتاج منك الى تفريعات طالما فتحت الموضوع ده

مع تحياتى

بطريقتك دى حتتعب كتير زى ما تعبنا قبلك

Post: #72
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عزام حسن فرح
Date: 04-27-2009, 03:00 PM
Parent: #70

مُعتصِم مكاوي ...

إتْ يا خوي لامِن ترُد على مُداخلة زول أكتِب إسمو بِفوق في التبادي
عاد تكتِب الردود ونقنِب نِحنا نوَزِع فوقا ... ده رد فُلان وده رد عِلان
ما تضَيِع لينا زمنا ساي ...

هسِع كلامي ده ليك ... كيف؟ لأني كتبت إسمك بِفوق وبعدين مُداخلتي

كوم الشعبِية/بحري/الدوحة/أوكامبو

Post: #71
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Hadeer Alzain
Date: 04-27-2009, 02:47 PM
Parent: #69

بعد السلام والترحيب بيك يا أخوي

النديك النصيحة المفيدة يا ود مكاوي ..
أها بعد سعيت الباسوورد .. أهم حاجة تسعى الشلة.

حتى ولو تفتح ليك بوست طويل عريض تقول الرووب
ألحقوني بي شلة ترفع لي بوستاتي و... وتحررا (دي زي حريرة بيت البكاء)... لووووول

بعد داك يوم واحد ما حا تجي تشكي ووتتشكا هنا (وش باسم)

فتناك بعافية يا أخوي ..

Post: #73
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Rawia
Date: 04-27-2009, 03:03 PM
Parent: #71

Quote: هسِع كلامي ده ليك ... كيف؟ لأني كتبت إسمك بِفوق وبعدين مُداخلتي

واحد زايد واحد يساوي أتنين

Post: #74
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: الطيب العامرى
Date: 04-27-2009, 03:59 PM
Parent: #73

فى الفترة دى أدخل على بوستات التعازى والتهانى

وأبقى مارق

Post: #75
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عزام حسن فرح
Date: 04-27-2009, 04:15 PM
Parent: #74

الطَيِب العامري ...

Quote: فى الفترة دى أدخل على بوستات التعازى والتهانى

وأبقى مارق

ولو ماف زول (إنقرض) (موت/زواج) يِقنِب (يِتاوِق) كَدي لِبتين يعني ... هو ده
عضو ولا حرامي يا كافي البلا ...

Post: #76
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عزام حسن فرح
Date: 04-27-2009, 04:19 PM
Parent: #75

معتصِم مكاوي ...

أسمع أقوليك كلام علشان نجي ليك مِن الآخِر ... رأيك شنو في عُمر البشير/التُرابي/
أوكامبو/وإتْجاهك شنو/ورأيك شنو في مُحمد بِن عبدالله صلى الله علَيهِ وسلم/وأملأ ملفك

حرم هسِع أكان نفرِز كومك ونخلص مِن الحِكاية دي ...

Post: #77
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Salah Abdulla
Date: 04-27-2009, 05:46 PM
Parent: #76

أخونا معتصم ..

مرحب بيك والله
شوف يا اللخو ، أول بالتبادي ده ما بيت أبو واحد فينا ، عشان كده الجا وقال ليك مرحب ، أوكي ،
والما جا ما تعتبرو عدوك ، عادي جداً ،وما تنظر العضوية كلها تجي ترحب بمقدمكم الميمون (عااااااادي)
أها نمرة إتنين ، الناس الهنا ديل كلهم ما ولدوهم هنا ، برضو كانوا زي حالتك دي ،
وشوية شوية عرفوا فلان وعلان و(عيييييك) وركّز لي على عيك دي واتذكرها لأنها ( مسجلة) ..
يعني ما تتعقد من نصايحهم ، فهو أكبر منك سناً هنا ، وأصغر منك سناً بره هنا
(الغريبة ، إنت قلت من الرعيل الأول ، وفي البروفايل Single ) عموماً ده ما موضوعنا (في الوقت الراهن)
المهم خليك طبيعي وما تتعقد من ارشاداتهم وتوجيهاتهم.
تالت حاجة ، إنت قلت كتّاب ، ودي يا اللخو ( ورطة ) لو تعلم ، لأنو في المكان ده في
ناس منقطين الكتابة دي (تِنِقّط) عرفت كيف يا أخوي ، وبعدين كتّاب دي منو
البحددها ( معليش عشان نكون واضحين من الأول ) إنت واللا نحن ؟؟ علماً بأننا ما قرينا ليك حاجة خلاف نصايحك دي ..
رابع حاجة (ودي الأهم) أنا بقول ليك ما تركز على قصة الشلليات والكيمان دي ،
أنا بصراحة ما شايفها ، تعرف ليه ؟؟ عشان بخش في أي حتة وبقول كلامي ، واستغفر ربي واتخارج
وعلى افتراض وجودها، فما في زول بيمنعك من إنك تخش وتقول العايزو ، وصدقني
ح تلقى نفسك برااااااك خشيت ، تتثقف بي هنا ،وتضحك بي هناك ، وتخستك بي غادي ، وتتوضأ بي هنوك ،
وتدخل بي حمد وتطلع بي خوجلي ،

وما يهمك ، مش البشير ده ، ختو معاه قرض ، وأوكامبو الخنزير ده ، شيل برطوشك ده
وفي وشو عِدِل ،، زووووول بيسألك مافي ..

وآخر قولنا ، أن ، ما تصعبها وهي ساهلة ..
وإن شاء الله تكون عرفت (راسك من كرعيك ) مش رجليك ..
وما ح أقول ليك زي ودالبشرى ( قوم لف) لأ وألف لأ ، ح أقول ليك قوم أخد ليك
جولة (لفة) كده وتعال صاد يا أخوي..

بالمناسبة ، الصورة الفي بروفايلي دي ما صورتي صورة ( حمادة ) صاحبي الفي السودان (عشان تعرف وكده)..
صورتي شلتها بسبب شلة من الرجرجة والدهماء رفضوا يدخلوني البوست بتاعهم ،
وقالوا لي الدخول هنا ممنوع بالملابس الرسمية ، فاضطريت (أقلع) وأجيهم ، لكن الفارات قاموا جارين..
وبيني وبينك كده والسبب الحقيقي (عليك الله ما تكلم زول) إنو في صورة حقت واحد هنا
إسمو عزّام ، رغم إنها صورة عادية وهو زول شين ساي، لكن الجكس متكسر فيها ، عشان كده
شلت صورتي لحدي ما أشوف لي مصوراتي حريييييف كده (يطلع من الفسيخ شربات) ويعمل لي واحد تكسر الجكس فيني..

أححح ،، فتّرتنِي يا هذا ..

عدّلنا (ساي) البعد شناة عزام ود عمي حسن فرح ..

Post: #78
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عزام حسن فرح
Date: 04-27-2009, 06:03 PM
Parent: #77

إلى Salah Abdulla وآخرين ...

Quote: أشوف لي مصوراتي حريييييف كده

< هُوَ الَّذِي يُصَوِّرُكُمْ فِي الأَرْحَامِ كَيْفَ يَشَاء لاَ إِلَهَ إِلاَّ هُوَ الْعَزِيزُ الْحَكِيمُ > آل عِمران (6)
آمنت بِالله صَدق الله العظيم

Post: #79
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: Salah Abdulla
Date: 04-27-2009, 06:13 PM
Parent: #78

الى معتصم ( سيد البوست ) ومن لفّ لفه ..
Quote: إلى Salah Abdulla وآخرين ...

يا معتصم أنا مش قلت ليك ما تكلم زول ؟؟ تمشي تكلم لي (سيد الشئ زاااااااتو) .
أها خُم وصُر .. عملوها ليك حصة دين ودخلوك مع ( الآخرين ) ..

Post: #81
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: عزام حسن فرح
Date: 04-27-2009, 08:25 PM
Parent: #79

Hadeer Alzain

Quote: أها بعد سعيت الباسوورد ..

والله عجبتني شديد حِكاية < سعيت > دي ... شكيتك على الله
الشي بهَم يا كافي البلا ...

Post: #82
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: سمير شيخ ادريس
Date: 04-27-2009, 10:23 PM
Parent: #81

Quote: ود شيخ إدريس ؟؟
السيجارة الكاربه دي جبتها من وين ورينا محلها

Quote: لفينا .. يا سيدي

من محل لفيتها
طلعت انت ذاتك بتلف وتنسي ؟

Post: #83
Title: Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
Author: حنين للبلد
Date: 04-28-2009, 02:32 AM
Parent: #82

Quote: إنت يا خوي الملس ليك صورتك
دي كده منو .. ورينا محله
نمشي نملس نحن كمان

المداخلة دي كوتها هنا فوق راي...لحدي الواطة ماتصبح ونستشير الشلة ...بجيك راجعة...

اهلا بك..في منبر شلليات اونلاين..

ااي نسيت.... لحدي بكرة ماببيت بي دي.."شغلتك شنو بمليس صورة ولدنا دي..دخلتك بالجد غلط"