هل يمكنك التعرف على هذا الشخص؟ رجاء؟

أواجه صعوبة في معرفة الشخص الذي يظهر على يمين الصورة (ويسار النميري) مرتديا overalls

تقديري ان الصورة لها علاقة بمشروع سكر كنانة (ظهور شخصيات بالزي الخليجي) إضافة لظهور بدرالدين سليمان (وزير الصناعة)

ذهب تفكيري للدكتور عثمان النذير, ولكن مقربون منه قالو بأن (لا)

الرجاء المساعدة

لا توجد جوائز


تم تعديل الصورة لوضعها الطبيعي وبالتالي يصبح الشخص المطلوب (يمين) الصورة

شكرا عادل عثمان على الملاحظة

!

الحالة أنا قلت بس البوست يطلع الناس تجيب (أرار) الزول ده بسيرتو الذاتيه؟

وللا عشان مافي جوائز؟

طيب
سعيد الحظ الذي يتعرف على الشخص المقصود سيتلقى خبرا مفرحا خلال إسبوع


!

Quote: سعيد الحظ الذي يتعرف على الشخص المقصود سيتلقى خبرا مفرحا خلال إسبوع

وهنالك احد الاخوات لم تلتفت لسؤال الاخ صلاح
سكاها كلب وخطيبها عمل حادث

Quote: وهنالك احد الاخوات لم تلتفت لسؤال الاخ صلاح سكاها كلب وخطيبها عمل حادث

ده الحيحصل بالضبط

!

انت داير بيهو شنو؟؟

سلام يا صلاح

ياخى عندى تجربة زى دى قبال كده .. نصحنى واحد أخت الإيميل للقراء .. والبوست عندو زوار كويسين ..



لكن بينى وبينك الزول شكلو ما غريب .. يمكن يكون تبع نميرى ما المشروع .. أمن ولا مصيبة زمان .. لآنه شكله متقدم الناس شوية ..
أدينا خبر كان لقيت حاجة .. عمومآ شكرآ على الصورة الإرشيفية

تحياتى

ياخي انت ده عايز بيهو شنو

كدي بالله شوف لي معاك اللابسة توب برتقالي دييييييييييييييك منو وشها يسر القلب


تحياتي

زاتوووو

الاخ صلاح الدين

لو مانى غلطان حاجة كدة ...الوقيع...رئيس المشروع انذاك

والله اعلم

سلام

في خيارات؟

غايتو الوراه عم بشير عبادي

ما قربت الشغله

... ؟؟؟؟؟؟

فعلا الوراه بشير عبادي

لذلك يمكن الاستنتاجات تمشي في إتجاه آخر ليس له علاقة بكنانة

بعدين محاولة الأخ بإنو يمكن يكون الوقيع..

فالمقصود محمد بشير الوقيع..وكان أيضا وزير للصناعة

ورئيس مجلس إدارة كنانة..وفي كل الأحوال ليس هو هذا الشخص

الأخ/ صلاح الدين سلامات

لاحظ أنه يحمل جهاز ووكـــى طووكـــــى بيده اليمنى.

يلبس نفس لون اليونيفورم- أوفرأول ، أو أبرول- بتاع سلاح الجــــو ... أرجح أنه من طاقم طائرة عسكرية كانت تقل نميرى.


مؤكـــــــد أنه رتبة عسكرية.

الصورة دى مقلوبة يا صلاح الدين. الشمال يمين واليمين شمال. لاحظ اوسمة ونياشين نميرى فى جيب بدلته. وساعة الزول البتسأل عنه. وتوب بثينة خليل والزولة التانية ملفوف بالشمال.
الزول البتسأل عنه ده غالبآ يكون مهندس مصنع سكر كنانة. يرافق الرئيس ويشرح له الموقع عند افتتاح المصنع. المصنع كبير جدآ. وجهاز اللاسلكى للتخاطب مع باقى المهندسين والعمال فى كافة ارجاء المصنع ومراحل صناعة السكر من المزرعة الى شوال السكر الابيض المكتوب عليهو بالاخدر، والدخل السوق الاسود . ههههه

http://www.kenana.com/broadband/kenana.htm

Quote: في خيارات؟ غايتو الوراه عم بشير عبادي

و الورا بشير عبادي الرشيد الطاهر
الزول دا غالبا مهندس المشروع...

Quote: أمن ولا مصيبة زمان

Quote: أرجح أنه من طاقم طائرة عسكرية كانت تقل نميرى

لأ ما أفتكر

الراجل أولا يعاني من خلل في النظر و معلق نظارة (قراءة او نظر) و الاتنين disqualify لإنو يكون طاقم طيران
والكرش الظاااهرة من تحت الأوفرأوولز برضو ماااا بتاعت رجل عسكري (I think )

Quote: محمد بشير الوقيع

لأ ليس هو بشهادة مقربين له

الراجح عندي انه إداري رفيع لمشروع أو مهندس مقيم (ربما)

شكرا للجميع


!

Quote: نصحنى واحد أخت الإيميل للقراء .. والبوست عندو زوار كويسين ..

عملا بنصيحة العم رأفت

لمن يتعرف علي الشخص من زوار الموقع غير الأعضاء يمكن مراسلتي على العنوان التالي

[email protected]


!

صلاح الدين ..

ياخي ده ما زول ..

ده (همبول) نميري الكان بيخوف بيهو المعارضين ..

Quote: ده (همبول) نميري الكان بيخوف بيهو المعارضين

الأخ محمد إبراهيم

لو صح ما قلت لتعرف عليه المعارضون


فوق لرفع نسبة المشاهدة

!

لسه ياصلاح ما عرفتوا الزول منو ?

سلام يا صاحبي

Quote: سلام يا صاحبي

وعليكم السلام ورحمة الله

أبدا والله الحالة انا والله لما متشارط مع ناس

!

بالله ما عرفتوا الزول ده منو؟؟

لا حوله ولا قوة الا بالله



كنت اعتقد ان الوحيد الذى يعرفه هو الأخ عادل عثمان




اجتهدوا شوية وركزو فى الصورة اكثر



تحياتي لكم

الاخ شاهين

اعرف الرجل شخصيا مهندس اسمه ابراهيم علي. كان كبير مهندسي المصنع ثم خرج من السودان للعمل في ابوظبي لاكثر من 20 سنة . لست متاكدا ان كان على قيد الحياة لكني استطيع ان اتاكد ان كان للامر اهمية.
فائق تقديري
عماد

Quote: اعرف الرجل شخصيا مهندس اسمه ابراهيم علي

مشكوووور يا أخي

Quote: كان كبير مهندسي المصنع

تعني مصنع سكر كنانة

Quote: الاخ شاهين

تعني صلاح الدين



شكرا جزيلا يا أخي


!

كتب الاخ هشام مدنى
كنت اعتقد ان الوحيد الذى يعرفه هو الأخ عادل عثمان

سلامات يا هشام مدنى

أنا لم اتشرف بمعرفة هذا الشخص. لماذا تعتقد اننى الوحيد الذى يعرفه، مع انك استغربت عدم معرفة المتداخلين له.؟

Eng Faroog Osman Hamadalla

Eng Faroog Osman Hamadalla

تقصد شقيق المرحوم فاروق عثمان حمد الله؟

يللا انا كده بقيت ماعارف
هل هو

Quote: ابراهيم علي. كان كبير مهندسي المصنع

أم

Quote: Eng Faroog Osman Hamadalla

ياريت لو في زول ممكن يأكد أيهما صحيح

شكرا

!

أخوة وأخوات أرسلو مشكورن عبر الأيميل

Ali E Fadlalla

Quote: He is the late Ibrahim Ali Khalifa, mechanical engineer, graduate of university of Khartoum, class of 1963. Worked for ministry of public works and construction and later in Kenana. His home town is Elshawwal, White Nile Province.

2saf zoo

Quote: الصوره هى للمهندس محمد الحسن الامين اول مدير لكنانة

Afaf elhag

Quote: this man is Mr. osman alnazeer

لكم جميعا شكري وتقديري

!

Quote: Dear Mr. Salahaldeen Nadir, Ref. the pic you've featured on Sudaneseonline website: I couldn't figure out the gentleman at the forefront. Most likely he was one of the technical managerial staff of Kenana. However, I surely can tell the names of some people on the photo: the Arabian gentleman behind your unknown guy and to the left of Dr. Beshir Abadi and the late Er Rashid El Tahir, is Sheikh Ahmed Abdalla Al Ekeil, Saudi Arabia's former member on Kenana Board of Directors and President of the Saudi Real Estate Development Bank. The other Gulf person, with eye glasses, to the right of Mr. Badredin Sulieman and immediately behind the gentleman in military unifrom, is Sheikh Abdulrahman Salim El Atiqi, former Minister of Finance of Kuwait. The event definitely dates back to the late seventies, sometime through 1976, 77, 78, etcetera. The young woman behind Lady Buthayna is, most probably, her niece, Fathiya O Salih, who used to accompany the First Lady on such visits. Best regards. M..Ahmed, Arizona.

الأخ محمدأحمد مشاركتك كانت اكثر من مفيدة لك جزيل شكري

!

Quote: كدي بالله شوف لي معاك اللابسة توب برتقالي

Quote: The young woman behind Lady Buthayna is, most probably, her niece, Fathiya O Salih, who used to accompany the First Lady on such visits.

!

Quote: The event definitely dates back to the late seventies, sometime through 1976, 77, 78,

The event is the inauguration of Kenana Sugar Factory on 3 March 1981
3March is of course the National Unity Day after Addis Ababa Peace Accord with Southern rebels in 1972

مناسبة الصورة، كما ورد فى موقع مصنع كنانة، هى افتتاح المصنع فى 3 مارس 1981
و3 مارس هو عيد الوحدة الوطنية بعد توقيع اتفاقية اديس ابابا مع المتمردين الجنوبيين عام 1972


لا اظن ان الشخص المذكور هو شقيق المرحوم فاروق عثمان حمد الله، المهندس الزراعى قاسم حمد الله الذى تخرج من الاتحاد السوفييتى، وكان يعمل فى مشاريع الزراعة فى الرنك. وهو كان متزوجآ من ابنة احد وزراء حكومة الرئيس التشيلى سلفادور الليندى التى اطاح بها انقلاب الجنرال بينوشيه المدعوم من المخابرات الامريكية عام 1973