"لو " هذه للتمني المتاح وليس بعيد المنال وخاص بهذا المنبر ( واكيد منابر اخري سودانية ) .. تمني متاح يعني ليس حلما و لا يستوجب بروتكولات ولا مبالغ مادية ... لو هذه لجعل الجميل هو الغالب ... فهنالك وسط الغث والقبيح جميل كثير متاح ولكن اما يحجبه بخل او سوء اختيار للطريق دون قصد او بقصد او هروبا من الجمال لخشية من امر ما في الخاطر .... لو ولو ... للتوضيح وارجو الا يظن من غابت اسماؤهم بانني قصدت ولكني ارجو العفو ان نسيت فقلة الجمال والجميل تصيب عقولنا وابصارنا بغشاوة فننسي دون قصد ... ولذا فانا لا اريد تعقيبا علي هذه المداخلة الا ان يضيف الجميع اسماء يروون انني قد نسيت ان اذكرها .. المهم لو كتب هؤلاء ابداعا جماليا يتقنونه جيدا لتغيير واقع المنبر وخرس المتهالكون العابثون ( وهنا لا اطلب ان يبتعد هؤلاء عن امور الحياة اليومية في كتاباتهم وما نعيشه ويعيشه السودان من صعوبات وصراعات ولكن في خضم هذه الصراعات الكثيرة والتي اهلكتنا جميعا في الداخل والخارج في مقدور هؤلاء ان يضخو فينا بعض من دم وهواء نقي .. وا): عزاز شامي لو كتبت وما سكتت شاهين شاهين لو واصل رسمه الابداعي حروفا غادة عبد العزيز لو كتبت وبس طلال عفيفي لو صور كتابة وصورا ورسما دكين لو كتب دون مماحكة تيمبس لو كتب عن الابداع والفن وامدرمان والعباسية مني خوجلي لو كتبت زي زمان سناء جعفر لو صورت الواقع بفلم لا ينته (وبطلت الكسل) مصدق لو رسم كاريكاترات علي طول حليمة لو كتبت وتركت حكاية صفحة مسودة وصفحات بيضا سلمي سلامة لو كتبت وكتبت وكتبت بدرالدين الامين لو واصل الكتابة بانتظام وطلع الكرفتة والجزمة وقعد في الواطة بس يكتب عماد عبدالله لو بس عرف انو الديامة كتار ويمكن كل العاصمة ديامة وكتب بعدد الديامة الطيب شيقوق لو بطل ملاوعة وقعدات سوق الناقة وقندهار وهييع وكع وواصل قصة عمر ومشوار سنين ودالمرتضي لو بطل الكسل وكتب في مواضيع كتيرة ودالقرشي لو واصل في كتاباته الفنية احمد طراوة لو ترك امور الطب في المنبر وواصل في امور الفن خضر حسن بس يكتب اي حاجة مصطفي سري يتذكر انو شغلانتو اصلا كتابة ووالده بيعلم الناس الكتابة نادية عثمان تكتب عن حاجات كتيرة بس ما اعلامية ( الفضائيات التطير ) ابوجهينة يخلي كلمة ونص ويكمل ياااخ عبدالعزيز عيسي بس يجيب صور ويرسم كاريكاترات محمد جعفر خطوط ابداعية يكتر منها د. محمد حسن يكتب زي زمااااان حبيب نورة يقعد زي ما عايز بس يكتب نور الهدي يكتب رسما شول اشوال يكتب تشريحا لواقع غاب عن كثيرين منا قصدا او تجاهلا او جهلا او حسن نية كيكي يكتب اي حاجة نجوان ياريت ترجع تكتب زي زماااااان ممكونة وبس تكتب مهما كان الظرف والظروف واللمكونيين وكلهم كارلوس يكتب الماضي الذي يعرفه جيدا فيسل هليل يكتب اسمو بالعربي ويجمع كل الصور الجميلة ودالمنسي .. في حاجات كتيرة بيعرفا غير الانجمامة بس تقول شنو ؟؟ سمية بت الناظر طلحة دي ممكن تملا المنبر ابداعا بس تقول شنو ؟ دومة دي عندها امكانات كتابية مهولة وقصص بس ياريت تنتبه لذلك نجاة الامين والله ممكن تكتب اشياء مفيدة جدا جدا تماضر الخنساء ممكن تكتب نثرا وشعرا هند محمد كتاباتها رقيقة وشعرها جميل شذي بلة حروفها جميلة وراقية بس تكتب الكيك عندك كتير غير السياسة ماجدة خوجلي هي بس تكتب بت ربيع لو كتبت في المحطات لحد ما الركاب ينزلو وحنواصل لما الذاكرة الكهل الخربة ترتاح شوية ارجو ان تضيفو اسماء وارجو من اصحاب الاسماء المساعدة في ضخ هواء نقي ونسيم عليل
وانت ذاتك يا مؤيد تكتب بشرف... شذي بلة هي ذاتها ايزابيلا
Post: #5 Title: Re: لو ........ Author: محمد المرتضى حامد Date: 04-23-2009, 04:57 PM Parent: #1
Quote: ودالمرتضي لو بطل الكسل وكتب في مواضيع كتيرة
الباش، سلامات يا مولاي، يا سيدي المسألة ما كسل بل واقع عملي يتعارض رأسيا وأفقيا مع التواجد المستمر في هذا المكان الجميل بأهله وكتاباتهم ، ورغم ذلك أرى أني من أنشط الأعضاء هنا رغم قلة معرفتي وسفور جهلي ، فمنذ التحاقي بالمنبر قبل ما يقارب ثلاثة أعوام ابتدرت 14 بوست تجدها في (المكتبة) وتسبب الهكر في مسح بوست عن (المعلومة بنت الميداح) و بوست آخر (زول سمح) وحاليا لي بوست يبدو أنك لم تره بعنوان بنات أودادن.. على أية حال أشكر لك أن أدرجتني ضمن الأسماء اللامعة أعلاه والتي بيني وبينها ما بين الثرى والسِماك الأعلى.
سلامات وعودا طيبا وحميدأ,, أول ما تبادر إلى ذهنى بعد قراءة عنوان البوست كان هو هذه الأغنية!!! وبعد أن جاءنا الأستاذ فتحى الصديق بالرابط ما بين ما ورد بخاطرى و بين ذاك البوست كان لزاما أن يغنى وردى فعذرا لفرض السماع,,
ولو يعيد التاريخ نفسه !!
Post: #13 Title: Re: لو ........ Author: abubakr Date: 04-24-2009, 04:08 AM Parent: #12
يافتحي كتر خيرك .. الذاكرة صارت في حاجة الي بطاريات جديدة كل يوم .. ذكرتني بك وبما كتبت انا يوما في معني ان نلم شتات ما يجمعنا ونحاول ان نجعله قاسما مشتركا نقويه بعمل وصناعة فشعوب الارث الشفاهي لا تعمر طويلا متحدة وانما تبقي شتات ويتمزق نسيجها وتتوزع في اركان الدنيا تتجرأ ذكريات ايام مضت .. عمل وصناعة اولا واولا ثم وغناء وشعر وكتابة ورسما ومسرحا (الفن عامة) يمكن ان يتحول صناعة كذلك ولا يبقي للهواة فقط ...
Post: #14 Title: Re: لو ........ Author: abubakr Date: 04-24-2009, 04:10 AM Parent: #13
ياايمن قطعت خالص لحد ما الواحد قال انو هاجرت تاني .. كتر خير "لو" الجابتك ... خليك قريب فانت قادر علي اشياء جميلة كتيرة
Post: #16 Title: Re: لو ........ Author: abubakr Date: 04-24-2009, 04:15 AM Parent: #14
سلمي صبحي دون ان يقطع احد استرسالها كتابة انيقة الزوول يكتب عن مخزون فني كبير خلاهو في سحارة حبوبتو حتي يستمتع به وحده يااااخ تعال زمراوي اي زمراوي الاتنين دون فرز البيكتب شعر والبيكتب نثر الشايقي الاتنين صاحب االملوخية والمحامي بس يكتبو
دينا خالد لديها اشياء جميلة كتيرة يمكن ان تكتبها وتللي "لووول"
Post: #15 Title: Re: لو ........ Author: BitAlhana Date: 04-24-2009, 04:13 AM Parent: #13
أبوبكر سلام
ماتنسى شرنوبي لما يكتب عن العشق و الهوى
وبجيكم صاااااااااااااده
Post: #17 Title: Re: لو ........ Author: abubakr Date: 04-24-2009, 04:19 AM Parent: #15
كتر خيرك شرنوبي قريبي بغيب كتييييييييير لحدما الواحد يفتكر انو بقي من اغنياء العالم البيستاجرو مركبات فضائية وبيسافرو القمر تغيير شوية بعيدا عن دنيانا .. هو بيس يكتب وحيوصل القمر مجانا
Post: #18 Title: Re: لو ........ Author: abubakr Date: 04-24-2009, 04:23 AM Parent: #17
ناظر عموم عمد ومشايخ وغفرا المشخصاتية محمد السني دفع الله .. يا جماعة الزول دة مليان حاجات متيرة عن الفن والمسرح والشعر ومسرح الطفل والسينما والانتاج الفني وووووو بس اليكتب .. يا جماعة تاريخ السودان القديم ما قبل الاستقلال جمع من دفاتر رحالة جو ماريين او دفاتر يوميات ضباط في جيوش غازية او مارة .. نحن فضلنا امة شفاهة فارجو ان نهتم بكتابة العندنا برانا عشان الاجيال الجاية ما تكون في حوسة اكتر مما هي فيه الان
Post: #19 Title: Re: لو ........ Author: abubakr Date: 04-24-2009, 04:25 AM Parent: #18
Post: #20 Title: Re: لو ........ Author: abubakr Date: 04-24-2009, 04:29 AM Parent: #19
ونواصل هسع جماعة يقولو الرطاني السجمان دة نسي اسامينا ويكجنوني .. ياجماعة والله الذاكرة شغالة بسنادات ودايما ذاكرة امثالي يتنسي القريب وقالو انو الواحد كلما يكبر( انا اكبر من دومة ياجماعة عشان شايفكم واقعيين خالتو وعمتو وحبوبة .. دي بنية ) الذاكرة ببتذكر البعيد وتنسي القريب يعني انا بتذكر العشا وبنسي الفطور وبطلع لابس الشراب كل واحد لون وحاجات عجيبة فبالله سامحوني
Post: #21 Title: Re: لو ........ Author: abubakr Date: 04-24-2009, 04:31 AM Parent: #20
اتذكرت واحدة كتابة اسمها صفاء فقيري
Post: #22 Title: Re: لو ........ Author: abubakr Date: 04-24-2009, 04:34 AM Parent: #21
وواحدة اسمها زي اسم اختي "عشة بت فاطمة " بس اندنا "اشه بت فاتنة" المهم دي عندها امكانات تصويرية عظيمة بس تجي مرة كل سنتيين وتغيب ...مهمتكم انو تخلوها بجاي وبالذات ناس مسقط ومعهدالموسيقي والمسرح
Post: #23 Title: Re: لو ........ Author: abubakr Date: 04-24-2009, 04:35 AM Parent: #22
Post: #24 Title: Re: لو ........ Author: abubakr Date: 04-24-2009, 04:37 AM Parent: #23
رقية وراق كتاباتها راقية
Post: #25 Title: Re: لو ........ Author: abubakr Date: 04-24-2009, 04:43 AM Parent: #24
ودييل عندما مقدرات ابداعية وممكن يكتبو اشياء كثيرة غير/مع السياسة
ودجبرالله خدر
Post: #26 Title: Re: لو ........ Author: abubakr Date: 04-24-2009, 04:45 AM Parent: #25
وناس بيكتبو ويغيبو ويكتبو ويغيبو
محمد عبدالجليل هاشم خلف الله مجدي عبدالرحيم
Post: #27 Title: Re: لو ........ Author: رأفت ميلاد Date: 04-24-2009, 05:00 AM Parent: #24
لو أبوبكر ساب الخفسات العجيبة دى
مشتاقين والله
تعرف نفسى فى بوست مقفول تعمله أنت ويشارك فيه .. علوبة .. والمحرب والعائلة .. ومولاناعادل .. وبت طلحة .. وأبو العزايم أخوان .. ومنى خوجلى .. ويكون البطل الفاتح جبرة .. والباب مفتوح .. بس شيقوق تكون على رقابة مكثفة
Post: #28 Title: Re: لو ........ Author: abubakr Date: 04-24-2009, 05:08 AM Parent: #27
Quote: مشتاقين والله
ما قلت ليكم الواحد لما يعجز ذاكرتو بتنسي الاقربون .. اها رافت دة كتاب وعندو حاجات كتيرة يقولا قبل ما ينسي كلام الاعراب ونحتاج مترجميين .. المهم البنية كيف ..
تعرف الجاعة دييل الا يعملو ليهم مؤتمر بتاع جي 10 زي الجي 20 عشان يجو ونشتري لينا كلبا هاوند نشممو دلاقيين ود شيقوق كلها ونوقفو في الباب بشان ما يعتب باب المؤتمر تب ..
تسلم
Post: #29 Title: Re: لو ........ Author: abubakr Date: 04-24-2009, 05:22 AM Parent: #28
قريبنا فاضلابي فنان يرسم ويكتب...... بس بعيدا عن تداخلات عقائدية
Post: #30 Title: Re: لو ........ Author: abubakr Date: 04-24-2009, 05:24 AM Parent: #29
الطاهر ساتي قريبنا لو وجه امكانياته في الكتابة الي غير السياسية او شوية كدة وشوية كدة ..صعبة دي
Post: #31 Title: Re: لو ........ Author: الطيب شيقوق Date: 04-24-2009, 05:34 AM Parent: #27
Quote: الطيب شيقوق لو بطل ملاوعة وقعدات سوق الناقة وقندهار وهييع وكع وواصل قصة عمر ومشوار سنين
انت يا مسنوح بتخليني ؟
من امبارح بدودر فيك للبوست ده عشان اصرفك من هناك - اها الليلة اتورطت . الليلة المنبر كلو بجيك بهنا واى واحد عايز ليهو ملوة رد شد حيلك وانا ماشي اسوط بهناك ومحل رهيفة تنقد.
الاسماء التى سقطت سهوا :
فاروق حامد - كان تجانست كتاباته عن السياسة بحاجات تانية حامياني
محمد على طه المك - كان صبر واتحكر للكتابة
كبر - اكان كتب باسلوبه السلس عن القضايا الاجتماعية
محمد هارون - اكان نسى اوكامبو
بريمة - اكان ابعد من شرك ام كيكي
ناهد بشير الطيب -اكان بطلت الجري وراء الشمارات لزوم طباخة مواد اعلامية
مولانا حسن طه - كان وجد قرين لايت من ام الاولاد
كرار التهامي - اكان ترك السياسة والطب واتجه للكتابة الادبية
عبد الرحمن حلاوي - ( بقولها ليهو في المسنغر)
سوما - كان قالت بسم الله وكتبت عن الموليته والضهاري والعنكوليب والتقابة ( الرطاني اكيد مسطح) نان اخوك قاعد بشرح ليك
نادر ابو كدوك - كان
عبدو ود جاد الله - كان جانا قادل كل صباحية رمى ليهو كلمتين وعيييييييك
ابو بكر الرطاني - كان ترك الكتابة جوة الناموسية
الزاكي عبد الحميد - كان غفل عن الدادئيين
ود الخضر - كان كتب بعد صلاة العشاء
جاييكم
Post: #40 Title: Re: لو ........ Author: abubakr Date: 04-24-2009, 09:09 AM Parent: #31
Quote: سوما - كان قالت بسم الله وكتبت عن الموليته والضهاري والعنكوليب والتقابة ( الرطاني اكيد مسطح) نان اخوك قاعد بشرح ليك
دي بتكتب شعر بيفهمو الرطان زي فبالله الديكشنري القاطعو من راسك دة خليهو لروحك ...
Post: #32 Title: Re: لو ........ Author: Hawari Nimir Date: 04-24-2009, 05:35 AM Parent: #27
لو محسن خالد..كتب و لون الدنيا بالروايات..و القصص لو فضيلي جماع..ملآ البورد شعر ونثر.. لو منوت...سخي لينا و كتب..يا هذا المليان ابداع و ذكريات و ادب لو بهاء..خلي البكاء..وكتب..(فهو اديب اريب) لو خدر..عطر البورد اعنيات و انغام...فله صوت شجي طروب ..وفنــــــــــان لو سوداني عجوز رجع و كتب عن ذكرياته في ؤبوع السودان.. لو عادل عبد الرحمن...رجع وكتب..شعرا...نثرا..وقصص لو خالد ماسا...كتب و الطق الخاص.. لو شيري جات و خلت الغياب..وكتبت اول الحكي... لو الموصلي...جاءنا..وحلل و دوزن للموسيقي... لو... لو... لو... لو.. لو...كثيرة يا باشمنهدس.. بس اخرها..... لو انت يا باشمهندس ابوبكر...ما تفيب و خليــــــــــك علي طول متواجد لك كل الامنيات الطيية.. دوما هواري
Post: #33 Title: Re: لو ........ Author: الطيب شيقوق Date: 04-24-2009, 05:49 AM Parent: #32
رافت ميلاد
Quote: .. بس شيقوق تكون على رقابة مكثفة
متابع ما تخاف وراصد كل التحركات وعايزو يتوحل هنا عشان امشي اسوط بهناك
Post: #34 Title: Re: لو ........ Author: abubakr Date: 04-24-2009, 06:24 AM Parent: #33
فضيلي جماع بعد ما يصصح ويحضر ويحاضر والشغل كلو يخلص
Post: #35 Title: Re: لو ........ Author: abubakr Date: 04-24-2009, 06:25 AM Parent: #34
حيدر بدوي وانثربلوجيا الاعلام
Post: #36 Title: Re: لو ........ Author: abubakr Date: 04-24-2009, 07:19 AM Parent: #32
Quote: لك كل الامنيات الطيية..
كتر خيرك كتييير ياهواري .. ارجو ان تستمر تساهم هنا بحثا عن هؤلاء ...انها محاولة اضعف الايمان استنفارا لجميل في دواخل كل هؤلاء لو اجتمع بعض منه هنا لطغي الجميل وذهب القبيح ... الكلمة مسئولية وانا اردنا ان نكون هنا فيجب ان نقاوم ونصر علي ان يذهب كل قبيح يخترق منابرنا ...انها مسئولية فاما ان نكون هنا محرضيين لجميل وخير واما ان نذهب ونرحل من هنا
Post: #37 Title: Re: لو ........ Author: abubakr Date: 04-24-2009, 07:21 AM Parent: #36
لو البنية تيسير عووضة بس حاولت ان تكون زياراتها القليلة هي لكتابة جميلة هي متمكنة منها
Post: #38 Title: Re: لو ........ Author: abubakr Date: 04-24-2009, 08:04 AM Parent: #37
Post: #41 Title: Re: لو ........ Author: mamkouna Date: 04-24-2009, 09:55 AM Parent: #39
مرات بستغرب لما الناس تكتب عن فساد المنبر و فراغه من المضمون... كيف يكون العدد الهائل دا من المبدعين موجود هنا و يكون في إسفاف او إبتذال أو عدم موضوع !!؟؟؟ كل البيحتاجو الواحد انو يكون عندو قدرة على تمييز الصالح من الطالح... و بعد كدا هو سيٌد كي بوردو و ماوسو... بي نقرة أو كليك واحدة ممكن يُثري معلوماتو او يَرثي لحالو... و هو حر في إختياراتو...! ............
شكراً يا باش لإدراج إسمي في قائمتك الذهبية.. I am flattered !
Post: #42 Title: Re: لو ........ Author: محمد سنى دفع الله Date: 04-24-2009, 10:04 AM Parent: #41
سيدي ومولاي ابونا الحنين بدينا نكتب في تاريخنا لكن لي الأطفال واوعدك تكون اول من يراجعوا ويقدم ليهو يا حبيبتا مودتي ومحبتي الأبدية
Post: #43 Title: Re: لو ........ Author: حامد محمد حامد Date: 04-24-2009, 10:22 AM Parent: #42
Quote: مرات بستغرب لما الناس تكتب عن فساد المنبر و فراغه من المضمون...
تفاحة عطنة واحد تفسد كل الصندوق وكلمة نابية واحدة تتكاثر بسرعة والشر في دواخلنا مجتهد جدا فنتهافت علي ماهو يبدو لنا مثيرا وما هو الا شر وهكذا تضيع اجتهادات وابداعات كثيرة في تلك الزحمة ... ما قصدت انو القادريين علي رسم ابتسامة وابداع هنا كثيرون وانا احاول استنهاضهم كاضعف الايمان
صديقيين اسفيريين من ايام منابر الافرنجية لديهما ادوات رسم وكتابة متقنة ومخزون من ارث : احمد المرضي المعز ابونورة
وابن خالتي الكسلان : بشري سليمان
واسماء قراءت لها ابداعات : عادل التجاني عزام حسن عبدالله داش الفاتح يسن ريهان الريح ناصر الاحيمر اولاد ابوالعزائم ابوالريش هشام ادم عبدالله عثمان نادوس سيفيان بشير حسام صحافة خالد بحر
والبنية الكتابة : سمرية
وزولا كتاب وواسع المعرفة والصداقات :
جني
وكاتب في القلب شعرة بيضاء :
ابوعسل السيد
ونواصل رغم ان مثل هذه المداخلات قليلة القراء والرواد ولكن الامل في ان يعود هؤلاء ليثرو هذا المنبر وتكون كتاباتهم الابداعية الباعثة علي الخير والامل والعمل حافزا يعطي لهذا المنبر رونقا
اميمة مصطفي سند ( الجينات لها دور كبير في تشكيل وجدانا وامكانتنا)
Post: #50 Title: Re: لو ........ Author: سلمى الشيخ سلامة Date: 04-24-2009, 10:51 PM Parent: #49
ياصحبى الجميل ازيك وبركة الشفناك طيب عارف الكتابة مزاج والمزاج صعب لكن بنحاول تسلم وتسلم يااجمل زول
Post: #51 Title: Re: لو ........ Author: abubakr Date: 04-25-2009, 04:34 AM Parent: #50
Quote: ياصحبى الجميل ازيك وبركة الشفناك طيب عارف الكتابة مزاج والمزاج صعب لكن بنحاول تسلم وتسلم يااجمل زول
ياصحبي الجميل .. الغرض ليس البدء فورا بالكتابة ولكن التواجد من خلال كتابات جميلة وخصوصا الغالبية التي غابت بحيث يكثر الجميل ويتوالري القبيح الذي يملا المنبر شجار وصراعا
Post: #52 Title: Re: لو ........ Author: سمية الحسن طلحة Date: 04-25-2009, 12:34 PM Parent: #51
Quote: سمية بت الناظر طلحة دي ممكن تملا المنبر ابداعا بس تقول شنو ؟
بما أن الغرض من البوست التحفيز وليس التعقيب وذكر أسماء أنت نسيت تذكرا فعلا نسيت وكان ممكن أذكرك بس تقول شنو ؟
ابوبكر سيداحمد الصائغ (المعروف ب بكري الصائغ) موثق حريص ونابه ومرجع لاحداث كثيرة خلال العقود التي قاربت الست الماضية منذ استقلال السودان .. الان ونذ فترة اصاب اشتراكه في المنبر ما اصابني يوما واصاب البعض وامل ان تحل العقدة ويعود ليفيض معلومة ..
ياجماعة اسعد الريفي كاتب مميز وبالوراثة ويبدو ان ذاكرتي الخربة ستؤدي بي الي مهالك فلقد نسيت اسماء كثيرة فارجو المعذرة وما تزعلو لو نسينا اسما فالغرض تحفيز وتحريض للكتابة الواعية المفيدة في محاولة لمناهضة الكتابات الفالتة .. ارجو ممن يزور هذا البوست القليل الاقبال عليه ان يضيف اسما غاب عني عليكم الله
Post: #66 Title: Re: لو ........ Author: Abdlaziz Eisa Date: 04-27-2009, 04:48 AM Parent: #61
الباشمهندس ابوبكر
سلام
المنبر هذا ممتلئ بشخصيات جميلة ومتفردة.. الهنات هنا وهناك غبشت الرؤيا وأضعفت الصوت..
يا ريت.. أو أحسن نقول: لو ولو تطلع الأقلام الحبيسة لتعطر سماوات المنبر..بالجمال.
ويك اند طويل في كوالالمبور أبعدني عن المنبر..
تحياتي عبدالعزيز
Post: #67 Title: Re: لو ........ Author: دينا خالد Date: 04-28-2009, 07:03 PM Parent: #66
ابو بكر سلامات يا راجل يا ذواق !
Quote: دينا خالد لديها اشياء جميلة كتيرة يمكن ان تكتبها وتللي "لووول
ما فهمنا ! اعد
Post: #68 Title: Re: لو ........ Author: فيصل محمد خليل Date: 04-28-2009, 08:17 PM Parent: #67
عزيزى الباشمهندس
تحية من الشباك ولو ود الموج بطل مناقرة المسئولين ولو قمر بوبا ظهر وبان على طول الازمان ولو بكرى ابو بكر لحس بوستات شيقوق ولو ولو ولو لو اني اعرف ان الحب خطير جدا ما احببت لو اني أعرف ان البحر عميق جدا ما ابحرت لو اني اعرف خاتمتي ما كنت بدأت
كيمـــو ..لو مابقة عمــو
Post: #70 Title: Re: لو ........ Author: abubakr Date: 04-29-2009, 02:12 AM Parent: #68
Quote: كيمـــو ..لو مابقة عمــو
انتو لو مابقيتو عيال اخواتو !!! المهم لو كيمو كان بيكتب مباشرة حتي تتوسع القاعدة وما يجي العرريب يقو شخصية "صورية"
Post: #69 Title: Re: لو ........ Author: abubakr Date: 04-29-2009, 02:08 AM Parent: #67
Quote: ما فهمنا !
اولا في خطا مطبعي (من علامات الكبر) وهو ان "تللي" هي "تخلي" او تتركي "لوووول" فالعنوايين مهمة بحيث انها هي التي تعبر عن المضمون
Post: #71 Title: Re: لو ........ Author: فيصل محمد خليل Date: 04-29-2009, 10:37 AM Parent: #69
ولــو ياسر تمتام كلو يوم يدينا فاصل
Post: #72 Title: Re: لو ........ Author: فيصل محمد خليل Date: 04-29-2009, 07:12 PM Parent: #71
انتة عارف يا باشمهندس عنوان البوست يأخذنى اللى كل( الولوات) الشهيرة فى مجالات الشعر والادب والغناء وعلى ايامنا اشتهرت اغنية لصلاح مصطفى بقول فيها:ـ لو لو بتحبنى لو لو بتعزنى ما كان فى مرة يوم فارقتنى
وايضاالشاعر صلاح جاهين يقول:ـ
آه لـو أنا ومحبـوبي
آه لـو أنا ومحبـوبي جـزنا الفضـى
فـى سـفينة وحـدينا.. وأشـيا رضا
سـاعة صـفا تعجبنـا نرجـع لـهـا
والهـم قبـل ما ييجي… يبقى مضى
عـجبي !!
لك كل الود كيمــــو
Post: #73 Title: Re: لو ........ Author: فيصل محمد خليل Date: 04-29-2009, 07:24 PM Parent: #72
برتاح لكتابة
استاذنا عمرعبدالسلام
و ايمن الطيب بيقعد ليك الكلام.
سألتكم بالذي ركز الارض معبد
اتحفونا
Post: #74 Title: Re: لو ........ Author: محمد أبوالعزائم أبوالريش Date: 04-29-2009, 08:08 PM Parent: #73
الإنسان الباشمهندس أبوبكر ....
يقيني أن كل إنسان يملك إبداعٍ ما داخله .. يختلف خروجه كماً وكيفاً من إنسان لآخر، وكل من ذكرت .. وغيرهم كثيرين .. بل وكل (سكان) هذه المساحة يملكون شيئاً من الجمال. تحجب الجمال أحياناً غيوم مشاحنات لا تترك مجالاً للإبداع ليخرج ويسطع. أرجو أن يكون هذا البوست دعوة وصرخة لنبذ الفجور في الخلاف، والإستفادة من الإختلاف.
تحياتي ... وما تغيب علينا كتير
التعديل للإعتذار عن تجاوزنا لهذه الجملة: ((لا اريد تعقيبا علي هذه المداخلة))
Post: #75 Title: Re: لو ........ Author: abubakr Date: 04-30-2009, 02:27 AM Parent: #74
ياابوالعزايم وفيصل ... "لو" المتاحة دي والما بتكلف سفر ولا مصاريف ممكن تعمل حاجات كثيرة من ترطيب لنفوس البشر و وراحة بال وصفاء ذهن فالنفس التعبانة الزهجانة والذهن المشوش بتجعل الحياة رمادية في احسن الظروف ...لو كل واحد نظف مثلا قدام بيتو ولو كل واحد ما قال "انا مالي" وهو بيشوف الخطا ولو كل واحد ادي "حصة " مجانا في الحلة يعلم الكبار والغلابة المابيقدرو يمشو مدرسة ولو كل واحد عمل شغلو بكفاءة واقتدار وبطل ياكلو فول في المكتب ولو كل واحد بكطل يتونس وقت الشغل ولو الفضائيات السودانية اتقفلت وريحتنا من الفوضي في اللبس والرتابة وقلة الابداع واللبس المبهدل ومكياج البنات العجيب ولو الموظفة والمدرسة والماشة بيت البكا و او العاملة بطلت تحاكي ندي القلعة وتجي الشغل وكانها ماشة حفلة لو الجلاليتن النيجرية والطواقي العمانية تركوها لاهلها ولبسنا ما لدينا من لبس يلبسه اهل السودان ولو عرف اغنياء الغفلة انو الثروة هي فان تكون امينا والفلوس لو مكتوبة عليك بتجييك لكن كومشينات وهي في الاساس سرقة فحرام وما بتنفعك ..التمايز بين البشر يجب ان يكون بالعمل ونظافة اليد والبدن وليس بمال اتي من حرام وما في داع للغش يا اغنياء الغفلة لو الناس خلت البوبار وهي اساسا سارقة حق الغلابة بوبار في شنو ؟ اتقو الله
Post: #76 Title: Re: لو ........ Author: محمد أبوالعزائم أبوالريش Date: 04-30-2009, 04:19 AM Parent: #75
باشمهندس أبوبكر .. إضافة بعض أقلام أرى أنها تستحق: * شاب حديث الإنضمام للبورد، ولكنه دخل بخطى واثقة وثابتة .. حمّور زيادة. * صاحب الكتابة المتميزة .. الأخ كمال علي الزين.
لك التحية
Post: #77 Title: Re: لو ........ Author: معتصم مكاوي Date: 04-30-2009, 04:22 AM Parent: #1
ولو تعمل عمل الشيطان والدنيا من غير (لو) مليانه بالشياطين يعني فضلت لو بس ؟؟
Post: #78 Title: Re: لو ........ Author: فيصل محمد خليل Date: 04-30-2009, 05:33 AM Parent: #77
