السيد مدير إدارة الكهرباء - في عصرِ زيتِ الكاز يطلبُ شاعر ثوباً وترفلُ في الحرير قِحابُ

نعم هذا هو لسان حالي إليك ، فقد عدت من عملي لظروف ما رابعة النهار و الشمس في كبد السماء و كالعادة حينما وصلت لمنزلنا كانت الأمانة الموكل إليكم إيصالها إلينا مأجوراً في غير ذات الموضع حيثما يجب أن تكون ، قاطعة منذ العاشرة صباحاً .
إلى الآن فالأمر عاديٌ جداً ... أوليس كذلك يا سيدي ؟
لكن أنظر ما هو بغير العادة ، كنت قد استخدمت شارع النيل كي أختصر على نفسي في هذه النهارية الحارة الإزدحامات و الاختناقات المرورية فهل تُصدِّق يا سيدي أن لمبات شارع النيل كانت مُضاءة!!!؟
نعم ... تتبعثر أشعة أنواركم نهاراً جهاراً و نتشتّتُ نحن يمنة و يسرة نبحث عن ظِلٍ يقينا أشعة الشمس الملتهبة و حرارة الرمضاء التي نجدها في كل مكان ليست فيه الأمانة الموكلة إليكم.
لقد عُدت أدراجي و التقطت لسيادتكم هذه الصور ولكن لا أدري لماذا ....!!!
عجبي والله عجبي
هذا الموضوع كان يجب رفعه قبل ساعتين من الآن لكن لم أتمكن من ذلك بسبب إنقطاع التيار الكهربائي و الذي ما عاودنا إلا اللحظة في تمام الخامسة إلا ربعاً مساءاً منذ العاشرة صباحاً.
و حتى لا تبتئس سيدي فنحن نخاف أن تجرح مشاعركم كلماتنا إليكم فقد عنيت بعنواني (لمبات) شارع النيل مقارنة بحال البؤساء مِنّا.

يعني إحنا قاعدين في الحر و السخانة فاسخانا عز النهار
و لمبات و أنوار الشوارع مُضاءة نهاراً جهاراً يا ربي دة فائض ما محتاجنو إنتو!!!!؟
المنظر دة شفتو أكتر من مرة لكن المرة دي قلتة لازم يتصور
تتصوّر!!!؟

و الغريبة إنو الأنوار دي تُضاء نهاراً و يتم إطفاءها ليلاً
والله حاجة عجيبة ياخ
كحتاج لي لي تعليق زول مسطول في الشغلانة دي
ياربي لو عرضناها لمسطول يقول شنو!!!؟
ثم من بعدها لمسئول لنرى ماذا سيضيف على قول المسطول

بالله عليك

كل هذا الفساد الحكومي المستشري

والممسك بخناق الوطن لم تجد إلا كم لمبه مضاءه

نهارا كي تصورها ؟

أم هو نقد من باب كفى بالإنقاذ نبلا أن تعد معايبها؟؟

يا أرباب
إنت قايلني شغال مُعارضة ولا شنو!!!؟
يا أخوي أنا مواطن غلبان ساي
و كل ما يمسني كمواطن في لحمي الحي أجاهر به و أقول للأعور إنت أعور في عينو الواحدة
لو كايس ليك زول مُعارضة شغال زي أخونا عبدو قابل الله يديهو العافية إحصاءات للخسائر و الممتلكات شوف ليك زول أرباب زيك كدة في النضال الجديد
الإسمو أنقد فقط و غني النقدة النقدة النقدة
إذاً أنت رجل مناضِل
ياخ قوم لِف مع السخانة الهاردانا دي

والله ياعلاء اخوي غايظاني حكاية اللمبات المولعة في الهجيرة وماخدة إنجمامة بالليل دي

Quote: والله ياعلاء اخوي غايظاني حكاية اللمبات المولعة في الهجيرة وماخدة إنجمامة بالليل دي

مرحبتين يا حيدر
في واحد من البوستات حكيت قصة عمّن لينا راقد مستشفى و أنا مُكلّف بجلب المياه الباردة للناس الركبوا اللواري و قبّلوا و جوا المستشفى عِدِل و حلفوا طلاقات ما يفارقوها لامن عمّنا يقوم بالسلامة و لاعتقادهم إنو تلج المصانع مُلوّث يُصِرون علي إنو الموية تجيهم من البيت من التلاجة يومين متتاليات أملأ التلاجة و أعبي القوالِب للتلج أقوم الصباح ألقاها سليقة
ياخ حالتنا صعبة عديييييييييييييييييييييل
و للأسف الكهربا فاكِنها في الشوارع بالنهار و طافينها بالليل
دة فهم شنو ما عارف

Quote: نعم هذا هو لسان حالي إليك ، فقد عدت من عملي لظروف ما رابعة النهار و الشمس في كبد السماء و كالعادة حينما وصلت لمنزلنا كانت الأمانة الموكل إليكم إيصالها إلينا مأجوراً في غير ذات الموضع حيثما يجب أن تكون ، قاطعة منذ العاشرة صباحاً . إلى الآن فالأمر عاديٌ جداً ... أوليس كذلك يا سيدي ؟ لكن أنظر ما هو بغير العادة ، كنت قد استخدمت شارع النيل كي أختصر على نفسي في هذه النهارية الحارة الإزدحامات و الاختناقات المرورية فهل تُصدِّق يا سيدي أن لمبات شارع النيل كانت مُضاءة!!!؟ نعم ... تتبعثر أشعة أنواركم نهاراً جهاراً و نتشتّتُ نحن يمنة و يسرة نبحث عن ظِلٍ يقينا أشعة الشمس الملتهبة و حرارة الرمضاء التي نجدها في كل مكان ليست فيه الأمانة الموكلة إليكم. لقد عُدت أدراجي و التقطت لسيادتكم هذه الصور ولكن لا أدري لماذا ....!!! عجبي والله عجبي هذا الموضوع كان يجب رفعه قبل ساعتين من الآن لكن لم أتمكن من ذلك بسبب إنقطاع التيار الكهربائي و الذي ما عاودنا إلا اللحظة في تمام الخامسة إلا ربعاً مساءاً منذ العاشرة صباحاً. و حتى لا تبتئس سيدي فنحن نخاف أن تجرح مشاعركم كلماتنا إليكم فقد عنيت بعنواني (لمبات) شارع النيل مقارنة بحال البؤساء مِنّا.

دا انجليزي دا يا مرسي

Quote: دا انجليزي دا مرسي

علي الحرام عربي يا همبول أفندي

للأسف ماقاعد ألف

ولا أدخن أي نوع من أي لون .

ألف شنو ياخ أنا لافي من 1989

Quote: ألف شنو ياخ أنا لافي من 1989

لو لافي برة يبقى لِف و تعال تلقانا نحن يانا نحن
و من فرّط شنو؟

يا دوبك فهمت سياسة الانقاذ?

بعد 20 سنة ?

ذكرتني النكتة الحكوها في جنينة الحيوان

و ضحكت كل الحيوانات ما عدا الحمار ضحك بعد

مرور سنة من سماعه للنكتة.


يا عم انت فاهم الدنيا بالقلبه والا ايه ?

Quote: ذكرتني النكتة الحكوها في جنينة الحيوان و ضحكت كل الحيوانات ما عدا الحمار ضحك بعد مرور سنة من سماعه للنكتة.

و أنا أقول شايفك وين قُبّال كِدة

لالا يا فيصل هذا تشبيه غير منصف

كده حيزعل
.
.


.

الحمار.

Quote: لالا يا فيصل هذا تشبيه غير منصف كده حيزعل . . . الحمار.

لازم يزعل مادام في أحمّر مِنُّو لافي من 89 بدون لِبدة و سرِج و لِجام
عايِر يعني
و العاير هو المطلوق من البربندي و فزّة

والله حمار عاير مطلوق في البريه

خير من حمار ملجم لم يرحمه أسياده

ولم يراعوا دبرة ظهره .

حمار عاير مطلوق في البريه

Quote: حمار عاير مطلوق في البريه

رحم الله دحيشاً عرِف قدر نفسه

إنت ظاهر كنت عامل فيها أسد و دخلت الماسورة
و طلعت أي كلاااااااااااااااام
أهة بعد داك مشيت جدة !!!!!؟
هل ما زال في جُعبتك شيء
ولا خلاص كلو ببح

Quote: صديقي العزيز الحقيقة هناك خلاف بين اسامة عبدالله ومكاوى ..اسامة مصر ان ايراد كهرباء السد تؤول للسدود كهبئة مستقلة ومكاوي يصر اتباعها للشبكة القومية دي الغنائم يا شيخنا

علاء

ده تفاعل صديقي قرشي مع البوست في رسالتو البريدية

رأيك شنو؟

سناريو من ولماذا؟

لا ولن أتهم أحد

لكنى أدرك حاجة المؤتمر الوطنى

هذه الأيام لإدانة الهيئة القومية لكهرباء السودان من أجل

ان( يحلها) ويكون بالإضافة للشركة الجديدة التى ستتكفل بتوزيع كهرباء سد مروى

ربما عدة تغييرلت أخرى كى يبدوا الأمر

وكأنما يعمل المؤتمر الوطنى وفق خطة إصلاحية

ونقول هنا كما قلنا من قبل ( الإختشوا ماتوا)

الأمر هنا ليس معنيا بانتقادك أنت صاحب الخيط

لكن المسألة اكبر

Quote: الأمر هنا ليس معنيا بانتقادك أنت صاحب الخيط لكن المسألة اكبر

شوف
صاحب الخيط ذاتو بقول ليك
كان تأكدت من كلامك القلتو دة بمستندات تعال كيل و صاحب الخيط بكيل معاك بي مكيالين
لأنو لا نقبل أن تُفعل بنا الأفاعيل لأجل تمرير أجِندة إن صحّت روايتك ..
إن صحّت

Quote: علاء ده تفاعل صديقي قرشي مع البوست في رسالتو البريدية رأيك شنو؟

حيدر يا صديقي
كان ماشة للسد أو للكهرباء في النهاية أنا المواطن (جحا) عايز كهرباء و بدفع لأجلها مُقدماً و بتقطع
يبقى لو إنقطاع الكهرباء بسبب خلافات شخصية (بإعتبار إنو المفروض قروش السد و الكهرباء للمالية)
يبقى لو شخصية يُفترض الإتنين ديل يجيبوهم لينا في فسحة المولد و بِنعرِف شُغلنا معاهم كوييييييييييييييس وقتها

اليوم الإثنين صباحاً4 مايو 2009م و في تمام الساعة الحادية عشر من صباح ذات اليوم و من شارع النيل تم التقاط هذه الصور و لا حاجة للشرح











فقط نقول من المسئول و الكهرباء فيالبيوت مافي!!!!؟

عليك الله البشتنة شنو؟؟؟؟؟

ما كان تصور الدقن بس كفاية...؟

لكن انت ما قلت ما جبان وما بتخاف..وتصف الآخرين بالخوف..طيب يا أخوي لو انت راجل صحي صحي نزل باقي الصورة يعني نزل صورة وشك كله..ياااااااااااااااااااااااااااااااا حمار الله في بلاد الله..
انت بتنسى بسرعة...
وزي ما قال اللخو..20 سنة يااااااااااااااااا دوبك فهمت النكتة..؟؟؟
عالم ما بتستحي..!!.

وينك.....؟؟

انا ما شي البيت وبكرة من الصباح بجيك..
افضل حاجة ترسل الباسورد للجماعة هناك..ناس (...................) وطبعا انت عارفهم كايسين ليها من زمان. وطبعا بكونوا خرمانين شديد..!!.