Post: #17 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-23-2009, 02:50 PM Parent: #10
Safa Fagiri
ياحبيبة إنتي وين مسجلة غياب ؟
عساك طيبة ياصفاء وخليك قريبة
محبة وشوق هتووووووووون
Post: #12 Title: Re: كرهت الحب !! ( يوجد شعر وغاوون) وبدون صور ومستندات !! Author: معتصم مكاوي Date: 04-23-2009, 05:50 AM
يا نادية يا جميلة ومستحيلة .. ما قالوا : محل ماماشي .. ماشي وراك .. تكتبي في الآوت أكتب ليك .. تكتبي في الإن برضو أكتب .. حتروحي مني فين ؟؟ إنتي .. وشعرك .. وحروفك المضيئة .. وكلامك .. وكل شيء .. كل شيء .. وبرااااااااامجك .. جميلين بشكل .. ده جبتي من وين ده كلو ؟؟ .. عيني بااااردة ..
Post: #13 Title: Re: كرهت الحب !! ( يوجد شعر وغاوون) وبدون صور ومستندات !! Author: بابكر عثمان مكي Date: 04-23-2009, 08:31 AM Parent: #12
Quote:
كل الزمان قلناه عهود
أصبح خداع ودموع ملام !!
وهاك قولي في آخر الوداع
أنا جد ( كرهتك) والسلام !!
هذا توقيع نهائي مؤلم
شكرا استاذة نادية ..
اليك هذا الطلب المتشائم ايضا
Quote: لانك.. اول من ادخل في عالمي الكئيب توليفة الفرح المعافي ثم البسني ثوب الدهشة الأولي وعشق الوطن الخرافة ثم دس شرايينه في دمي لتموت انسجة المخافة كان حتما ان تزول بيننا كل اقبية الانتظار وكل ابعاد المسافة .. فلا تكرهيني .. الا حين يندلق الكاس .. بما تبقي من سلافة ولاتحرقيني .. الا بعد ان تضعي التبغ في اجمل لفافة .
تري لماذا تكون الخاتمه دائما الكراهية حين يكون العشق عميقا جدا
Post: #14 Title: Re: كرهت الحب !! ( يوجد شعر وغاوون) وبدون صور ومستندات !! Author: فتحي الصديق Date: 04-23-2009, 08:54 AM Parent: #13
Quote: ولو على الصور والمستندات الا أرجع أفتشهم في سنة 1850م بلقاهم ؟؟!
في صور ومستندات كتيييرة.....كثيرة جدا.
غرامك مزيف ضميرك عدم هويتك عشقتك كرهتك نعم كرهتك لأنك مجرد قناع وكم مسرحية بطلها الألم
من أغنية ل (لطيفة) ذات كره ما..
Post: #23 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-23-2009, 06:45 PM Parent: #14
فتحي الصديق سلام
لازززززم تتصرف وتنزل الأغنية دي أنا مابعرف سمح؟
Post: #15 Title: Re: كرهت الحب !! ( يوجد شعر وغاوون) وبدون صور ومستندات !! Author: ismeil abbas Date: 04-23-2009, 09:11 AM Parent: #13
الرائعة..نادية..
Quote: أصبح خداع ودموع ملام !!
وهاك قولي في آخر الوداع
أنا جد ( كرهتك) والسلام !!
لكنى وا ضيعة رجاى.......[ خليتنى مكسور الجناح ..
سقيتنى بعد الحلوة مر..
من بعد ما فات ألأوان..
من اغنيات الزمن الجميل..من بعد مافات ألأوان..
على كيفك..تقومى وتقعدى وتقولى وتبوحى..1850..1580..1085.1058..مافى خيارات...
جميل هذا البوح المريح..رغم الشجن..بس وضع النقاط فوق الحروف وحسم القضية..
تحياتى...........إسماعيل محمد احمد عباس..
Post: #16 Title: Re: كرهت الحب !! ( يوجد شعر وغاوون) وبدون صور ومستندات !! Author: عبدالله الشقليني Date: 04-23-2009, 12:32 PM Parent: #15
تحية للقلم الذي يكتُب ما يصلُح للغناء، ... ولا يكره أبدا .
Post: #19 Title: Re: كرهت الحب !! ( يوجد شعر وغاوون) وبدون صور ومستندات !! Author: عمر عبد الله فضل المولى Date: 04-23-2009, 04:49 PM Parent: #16
Quote: الجفوة من طرفك عذاب
شكرا الاخت الشاعرة نادية لهذه القصيدة الرائعة .
الحفوة من الطرف عذاب لا شك في ذلك قال الشاعر
وإذا سحابة صد حب أبرقت تركت حلاوة كل حب علقما
تحياتي واحترامي
Post: #32 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-24-2009, 04:33 AM Parent: #19
الأخ عمر عبد الله فضل المولى
شكرا لمرورك الطيب وبالفعل جفاء المحبين مر بطعم العلقم !
كن بخير
Post: #29 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-23-2009, 09:35 PM Parent: #16
عبد الله الشقليني
يارجلا تحمل نقاء الكون في قلبك الأبيض
شكراً جميلاً لكلماتك الطيبات
Quote: تحية للقلم الذي يكتُب ما يصلُح للغناء، ... ولا يكره أبدا .
Post: #25 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-23-2009, 08:59 PM Parent: #15
إسماعيل عباس
أيها الشقيق والصديق العزيز
شكرا جميلا لحضورك الباهي الجميل
وفعلا بعض الأمور تستحق حسمها بوضع النقاط على الحروف
وإنها القضية لكن بالنسبة لي شعار المحبة هو الأعلى ولا تجد للبغضاء
طريقا إلا في مفردات بعض أشعاري .. والشعراء طبعا يقولون ما لايفعلون .. ولا كيف ؟؟!
Post: #21 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-23-2009, 05:22 PM Parent: #13
الأخ الفاضل
بابكر عثمان مكي
Quote: تري لماذا تكون الخاتمه دائما الكراهية حين يكون العشق عميقا جدا
أنا لا أؤمن أبدا بنظرية تحول العشق والمحبة الحقيقية والخالصة الى كراهية وبغضاء
فالقلب الذي يحب من المستحيل ان ينسرب الى شرايينه الكره والحقد على المحبوب
مهما كانت قساوته وجفاه وظلمه للحبيب .. هذه قناعة تصل حد اليقين لدي .. البحب مابكره !!
حتى وإن أعلنها في كل كتاباته الشعرية فهنا فقط تأكد أن الشعراء يقولون مالا يفعلون !!
Post: #20 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-23-2009, 04:59 PM Parent: #12
معتصم مكاوي
سلامااااااات هنا وهناك
تسلم على الإطراء اللطيف والثناء العاطر
وسعيدة أن لامست كلماتي دواخلك الطيبة
وأتمنى أن أكون عند حسن ظنكم بي دوما يارب
Post: #22 Title: Re: كرهت الحب !! ( يوجد شعر وغاوون) وبدون صور ومستندات !! Author: مدثر محمد ادم Date: 04-23-2009, 05:48 PM Parent: #20
الرائعة ندوية سلامات
Quote: حبلك شنق نبض الحروف
صمتك كتم فيني الكلام
الجفوة من طرفك عذاب
وحروبنا ماضاقت سلام
كم في هواك عشت السراب
وصبحت قصور الريد حطام
كل الوعود البينا زيف
الهمسة والشوق والهيام
غرويدة العين في الوريد
وتنهيدة الروح في المسام
طفلتنا والبيت الجميل
والرفعة والشأن والمقام
كل الزمان قلناه عهود
أصبح خداع ودموع ملام !!
وهاك قولي في آخر الوداع
أنا جد ( كرهتك) والسلام !!
تسلم حروفك ياصاحبة
تيف تيف
Post: #33 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-24-2009, 05:21 AM Parent: #22
مدثر محمد آدم
ياصديق الحرف الحريق
شكرا لمرورك الوردي الجميل
كن دوما بألف خير
Post: #24 Title: Re: كرهت الحب !! ( يوجد شعر وغاوون) وبدون صور ومستندات !! Author: Adil Osman Date: 04-23-2009, 07:47 PM
Quote: ضحكك شرح قلب السماء رطب الصحراء و لمس عصب الجبل دوزن الحزن المهاجر فى المقل صحى انوار المداين و غازل النيل و السهل ضحكك وصول حزمة رسائل من اهل
اضحكى تضحك الدنيا ..و تفيض
اضحكى تصحى الكهارب فى الشوارع ينكسر سور الموانع و تبدا اعراس المزارع و المصانع
و توصل الناس
الروائع
يا روائع اضحكى
Post: #26 Title: Re: كرهت الحب !! ( يوجد شعر وغاوون) وبدون صور ومستندات !! Author: baha eassa Date: 04-23-2009, 09:05 PM Parent: #24
تسلمي ياصاحبة اجمل حرف .. واجمل روح؟
Post: #35 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-24-2009, 06:27 AM Parent: #26
شقيقي وأخي وصديقي العزيز
بـــــــــــهاء عيسى
تسلم على الكلام الطيب ياخال إيمو
وعلى الهدية الحلوة
ماعندك لينا غنية سمحة كده ومناسبة للبوست ؟؟
Post: #34 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 04-24-2009, 05:49 AM Parent: #24
عادل عثمان (ود أبوي)
تسلم على المرور الباهي
والنصيحة الغالية
أضحكي؟
انا ؟
طييييييييب
تسلم يازول ياراقي
Post: #27 Title: Re: كرهت الحب !! ( يوجد شعر وغاوون) وبدون صور ومستندات !! Author: محمد الجيلى Date: 04-23-2009, 09:17 PM
بعدكـ فتح سككـ العذاب
والشوق إليكـ عانى الصعاب
الليله جيت شايل عتاب
والريد إليكـ يامستطاب
ناديه ...
كلمك مزين والسلام
ـــــــــــــــــــــــ
الساعه رحيل تمتطى الألم
Post: #28 Title: Re: كرهت الحب !! ( يوجد شعر وغاوون) وبدون صور ومستندات !! Author: غادة عبدالعزيز خالد Date: 04-23-2009, 09:31 PM Parent: #27
Quote: وهاك قولي في آخر الوداع
أنا جد ( كرهتك) والسلام !!
لا أدرى لماذا يوجد في الدنيا الوداع لماذا نبتعد ونعاني في حياتنا من الضياع متاهة هي.. هل من الأفضل أن أمضي.. أن أبعد.. بدون سلام ولا كلام.. أم هل أودع.. ويبقى الحلقم في الحلق.. والذكرى عالقا... نفارق على نوتة موسيقية راقية أجمل من قطع حبال الود.. إلى الأبد..
نادية إزيك
Post: #30 Title: Re: كرهت الحب !! ( يوجد شعر وغاوون) وبدون صور ومستندات !! Author: WAD ELGAALI#4 Date: 04-23-2009, 10:02 PM Parent: #28
بيحبك عن جد ترتمي فيهو وتبكي وتشكي ظلم الدنيا والناس والأقربين والغرباء ؟!!
اللحظة دي ياممكونة وأنا بفتش عن الصديقة
دي جيتي إنتي في المكان ده وبكيت معاك وقلدتك شدديد
وإرتحت رغم العبرة المازالت محشورة بالعرض في حلقي !!
شكرا ياحبيبة وطمنيني عليك سمح ؟
Post: #59 Title: Re: كرهت الحب !! ( يوجد شعر وغاوون) وبدون صور ومستندات !! Author: Abdlaziz Eisa Date: 04-27-2009, 06:37 AM Parent: #58
Quote:
ثم في العام 1850 م ذاتو ماكان إكتشفوا الكراهية صاح ؟؟
ده كلام شعراء .. إنت ماغاوون ولا شنو ؟؟ ( وجه بسوم خلقة الله )
الأخت نادية
سلام
كلامك ده ذكرني بهند آكلة الأكباد.. طبعا أكلتها بحقد كما روى لنا التاريخ!! آخ الحقد درجة أعلى من الكراهية.. وعندما يدخل قلب حواء.. يا إلهي.. نقول على الأرض السلام.. يعني الكراهية المرفوعة للقوة حقد قديمة واقدم من 1850م.. والنيل ده البقولو فيه الكلام الكثير من حب و"جكيس" لما يأخذ عزيز لدينا تتبدل مشاعرنا تجاهه.. لكن طبعا كلام شعر..
تحياتي عبدالعزيز
Post: #60 Title: Re: كرهت الحب !! ( يوجد شعر وغاوون) وبدون صور ومستندات !! Author: ismeil abbas Date: 04-27-2009, 05:57 PM Parent: #59
Quote: الله يرحمك يامحمد الحاج يااااارب
كان بحب الأغنية دي شديد ( قلب موجوع) !!
اللهم آمين يارب....ويرحمنا برحمته اجمعين........
ولك يا ذات القلب الموجوع أيضآ قلب محب للجميع...رغم ألألم ورغم الجراح.ورغم أعداء نجاحك...
مودتى.......إسماعيل محمد احمد عباس...
Post: #61 Title: Re: كرهت الحب !! ( يوجد شعر وغاوون) وبدون صور ومستندات !! Author: حسين محي الدين Date: 04-27-2009, 09:25 PM Parent: #60
Quote: (وش ضحوك خلقة الله)
صدقت ياندوية
حضور في بستانك الانيق
مودتي
Post: #62 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 05-02-2009, 04:22 AM Parent: #61
كرهت الحب عشان كان ليك
وكرهت قليبي شان حباك
كرهتك يوم ضحكت علي
وجيتني كأنك إنت ملاك !
جيت شايل كراريس ريد
وتحلف بالذي سواك !!
إنك توفي وعد الريد
ويروح برد الفؤاد بي دفاك !
كرهتك إنت جد كضاب
ورودك في الأساس أشواك !
كرهت زمن عرفتك فيه
وقلت حبيبي ما أحلاك !
طلعت وهم سراب خداع
صباحك زيف وبرضو مساك !
كرهت حلم حلمتو في يوم
أكون جنبك شريكة معاك
بطعم الحنضل المطحون
شربت المُر كتير في هواك
ياما سهرت أبكي الليل
يشهد قمري والافلاك !!
ياما صبرت حاضنة الشوق
أعد ساعاتي شان القاك !
هديتك روحي وردة حب
ورهنت سنيني منتظراك
لا بتستاهل الدمعات
ولا قلبي الحزين هماك
كرهتك من صميمي خلاص
وبقدر اقولها أتحداك !!
كــــــــــرهتــــــك !!!
تموز في ليلة قمرية من العام 1900م
Post: #74 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 05-04-2009, 10:16 AM Parent: #61
الشاعر الجميل حسين محي الدين
كيفك ووينك مسجل غياب ؟
تسلم على المرور المفرح وماتغيب كتير سمح ؟
Post: #64 Title: Re: كرهت الحب !! ( يوجد شعر وغاوون) وبدون صور ومستندات !! Author: mamkouna Date: 05-02-2009, 10:07 AM Parent: #58
ندوية... راجعي إي-ميلك..
Post: #71 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 05-03-2009, 08:52 PM Parent: #64
ممكونة حبيبتي
راجعي إيميلك سمح ؟
Post: #66 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 05-02-2009, 03:12 PM Parent: #46
EL fahal Abdelatif
تسلم على المرور الطيب
وفعلا الكراهية من علامات تصحر القلب وجفافه !
حمانا الله
Post: #63 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 05-02-2009, 04:52 AM Parent: #37
جلال الدين سلامات
شكرا لحضورك الجميل ومداخلاتك الطيبة
عظمة الحب تكمن في الأخذ والعطاء بذات القدر
بين الحبيبين فلو فقد إحداهما خاصية العطاء مات الحب بكل أسف !!
مامن حبيبة تستطيع أن تعطي حبها لمن لا يستحق وهي لن تكره ولكنها ستكف عن الحب !!
Post: #65 Title: Re: كرهت الحب !! ( يوجد شعر وغاوون) وبدون صور ومستندات !! Author: علاء الدين حيموره Date: 05-02-2009, 01:36 PM Parent: #63
Quote: الله يرحمك يامحمد الحاج يااااارب
اللهم آميييييييييين
Post: #72 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 05-04-2009, 06:52 AM Parent: #65
علاء الدين حيمورة
محمد الحبيب كان زول جميل شديد
الله يرحمه يستاهل الدعوات الطيبات
وربنا يستجيب يارب
بتصل بيك تلفون سمح ؟
Post: #67 Title: Re: كرهت الحب !! ( يوجد شعر وغاوون) وبدون صور ومستندات !! Author: معتصم مكاوي Date: 05-02-2009, 03:20 PM
والله لو طال الملام ما بكرهك يا نادية ياست الكلام الطالع من الثغر العسل ـــــــــــــــــــــ
الله يا نادية زيديني 00 أنا أحوج ما أكون ؟؟
Post: #70 Title: Re: كرهت الحب !! ( يوجد شعر وغاوون) وبدون صور ومستندات !! Author: العوض المسلمي Date: 05-03-2009, 07:54 PM Parent: #67
العزيزه ناديه عارف انه الكره ده لما تم توزيعه لم يصرف لكي منه شئيا ...
وعارف قلبك المليان حب ومحنه بلا فرز او تصنيف ...
عارف حبك لكل الناس وحبك لعملك وحبك لوطنك .,,,
وزوله بتقول درر فالكره هو اخر شئ يمر ببابها ...
Quote: وجيتني كأنك إنت ملاك !
جيت شايل كراريس ريد
وتحلف بالذي سواك !!
إنك توفي وعد الريد
ويروح برد الفؤاد بي دفاك !
Post: #73 Title: Re: كرهت الحب !! ( يوجد شعر وغاوون) وبدون صور ومستندات !! Author: نادية عثمان Date: 05-04-2009, 07:35 AM Parent: #70