للأسف الشديد ياأخوانا ودي حاجه حارقاني من جوووووووه إنو نحنا ماقاعدين نطلع حاجاتنا السمحه بي الصوره المناسبه أو بالأصح ماقاعدين نروج لي بلدنا كما ينبغي بلدنا السودان ياأخوانا أو أرض المليون ميل دي تذخر بالجمال أينما ذهبت وتنقلت من كل النواحي الطبيعه العمران العادات التقاليد حاجاتنا الحلوه دي كلها حرام ندفنها ومانظهرها كما يجب الليله العالم كلو بتكلم عن دارفور ومشاكل السودان والجنائيه بدأ إسم السودان يقترن في الأذهان بالموت , الحرب , الدمار والمشاكل
دايرين نملا البوست ده بي حاجاتنا الحلوه من كل ربوع السودان برضو دايرين نغني هنا للوطن للأسف الوطنيه بدت تقل شديد عن كتير من الناس وفي الأجيال الجديده أعتقد السودان يستحق أن تحتفي به ونغني له حتى آخر نفس وللا ماكده سآتيكم لاحقاً بصور وأغنيات وقصائد أتمنى مشاركة الجميع بدون إستثناء
كلُ أجزائه لنا وطنٌ إذ نباهي به و نفتتنُ نتغني بحسنه أبداً و دونَه لا يروقنا حسَنُ لو هجرناهُ فالقلوبُ به و لها في ربوعِه سكنُ حيث كنا حدتْ بنا ِذكرٌ
ملؤها الشوقُ كلنا أمِنُ
نتملّي جماله لنري هل لترفيهِ عيشه ثمنُ غير هذي الدماء نبذلها كالفدائي حين ُيمتحن بسخاءٍ بجرأةٍ بقوي لا يني جُهدُها و لا تهن تستهين الخطوبُ في جَلدٍ تلك تنهالُ و هي تتّزن *** ***
أيها الناسُ نحن من نفرٍ عمّروا الأرض حيثما قطنوا ُيذكر المجد كلما ذُكروا و هو يعتز حين يقترن حكّموا العدل في الوري زمناً أتُري هل يعود ذا الزمن ردد الدهر حسن سيرتهم ما بها حِطّة و لا درن نزحوا لا ليظلموا أحداً لا و لا لإضطهادِ من أمِنوا و كثيرون في صدورهمو تتنزّي الأحقاد و الإحن دوحةُ العُرب أصلها كرمٌ و الي العُرب تُنسب الِفطن أيقظ الدهر بينهم فتناً و لكم أفنت الوري الفتن
*** ***
يا بلاداً حوَت مآثرنا كالفراديس فيضها مِنن فجّر النيل في أباطحها يكفل العيش و هي تحتضن رقصت تلكم الرياض له و تثنّت غصونها اللدن و تغني هزارُها فرحا كعشوقٍ حدا به الشجن حفِل الشيب و الشباب معا و بتقديسك القمين عُنوا نحن بالروح للسودانِ فداً فلتدم أنت أيها الوطن أنا سوداني أنا أنا سوداني أنا
احب مكان، وطنى السودان أعز مكان ،عندى السودان لانو حسانه ،أعف حسان طير و صوادح وروض جنان الانسام بالطيب تغشاهو والاقمار حفت بسماهو والازهار تبسم فى رباهو فيها رقة وفيها حنان أحب مكان وطنى السودان فيهو النيل النيل الخالد فيهو الخال والعم والوالد فيهو تراث من طارف وتالد والخيرات اشكال والوان احب مكان عندى السودان السودان اشراقة جديدة فى افريقيا وبسمة سعيدة
نتمني ان يعم السلام ارجاء هذا الوطن حتي تكون هنالك فرصه حقيقه للتنميه والنهضه فالسودان غنيابخيراته غنيا بموارده الطبيعيه وثروته الحيوانيه وارضيه الخصبه
الأخ محمد فرح ممكن أطلب؟ صورة حواشة (فاقعة) بياض قطن جديد موسم 2008 أو 2009 نقبل صور موسم 2004 يالله صورة محالج مارنجان وعمال يشتغلون بالداخل وجوارهم أكوم من (بال) القطن صورة طائرة (رش) تحلق على بعد 10 أمتار فوق نمرة قمح في الشربة الثالة؟ صورة مصنع نسيج مدني أو النيل الأزرق والأنتاج بالمستودعات؟ أح ياصور وياصور الوجع أكبر ليتنا نستطيع تذوق حلاوتكم .. مرارتها لم نذق أو نسمع بها ؟ هل يصلح العطار ما أفسده الدهر؟ مستحيل ، مستحيل ... أخبار سد السمك معك شنو؟ مودتي الشفيع
الشفيع والله ياخوي انا حتة القطن دي واجعاني شدييييد زمان كنا بنزرع ملايين الافدنه من القطن في خطة العام ده السودان حيزرع 380 ألف فدان بس التركيز على البترول سيفقد السودان الكثير والكثير أتمنى أن يزدهر القطاع الزراعي وزراعة القطن تحديداً حسي الوجع خلّي دايرين نغني للبلد ياحبيب فمساحات الجمال ضخمه للغايه
جزاك الله خيرا أخي محمد فرح حقا صور جميلة فهل من مزيد
و نسأل الله عز وجل أن يحفظ بلادنا من كل شر ومحنة
Post: #20 Title: Re: فلنغني جميعاً : حلاة بلدي وحلاة نيلها وحلاة الطيبه والطيبين (صور) Author: سيف الدين حسن العوض Date: 04-23-2009, 07:29 AM Parent: #19
شطرا جزيلا لك يااخ محمد فرح فعلا السودان محتاج لمثل تلك الجهود افتح قوقل او اى ياهو واكتب السودان في صور ستجد العجب العجاب صور ما معروفة من وين وعليه اي صورة ترفعها اكتب عليها السودان
Quote: شطرا جزيلا لك يااخ محمد فرح فعلا السودان محتاج لمثل تلك الجهود افتح قوقل او اى ياهو واكتب السودان في صور ستجد العجب العجاب صور ما معروفة من وين وعليه اي صورة ترفعها اكتب عليها السودان
الحبيب سيف الدين كما ذكرت نحتاج لجهد كبير جداً لتحسين صورة السودان خارجياً هذا الأمر يحتاج لجهد إعلامي ضخم جداً كما أننا كأفراد نتحمل هذه المسئولية على عاتقنا بإمكاننا أن ندر دخلاً خرافياً إذا إستقطبنا السياح إلى السودان فهذا الوطن مليء بكل ماهو مدهش من طبيعه وجمال وتراث وتاريخ .
مؤونة عام من الود
Post: #23 Title: Re: فلنغني جميعاً : حلاة بلدي وحلاة نيلها وحلاة الطيبه والطيبين (صور) Author: كمال علي الزين Date: 04-23-2009, 11:17 AM Parent: #17
Quote: في خطة العام ده السودان حيزرع 380 ألف فدان بس التركيز على البترول سيفقد السودان الكثير والكثير أتمنى أن يزدهر القطاع الزراعي وزراعة القطن تحديداً
سلامات يامحمد فرح..
خليك في الصور , المعلومات الترويجية دي خليها بتورط
خليك في الصور , المعلومات الترويجية دي خليها بتورط
ياأبو كمال سمح هاك الصور دي وياريت تلكعنا بي حاجه من جرابك ياظريف لم أقرأ لك إطلاقاً اي غزل في هذا الوطن ماتحرمنا
إبداعات أخواننا الجنوبيين تجدونها في شارع الغابه (مع اللفه جوار الطرمبه)
النسخه السودانيه من عمارة يعقوبيان
حتى الطير يجيها جيعان من أطرافها تقيها شبع
Post: #24 Title: Re: فلنغني جميعاً : حلاة بلدي وحلاة نيلها وحلاة الطيبه والطيبين (صور) Author: كمال علي الزين Date: 04-23-2009, 11:17 AM Parent: #17
Quote: في خطة العام ده السودان حيزرع 380 ألف فدان بس التركيز على البترول سيفقد السودان الكثير والكثير أتمنى أن يزدهر القطاع الزراعي وزراعة القطن تحديداً
سلامات يامحمد فرح..
خليك في الصور , المعلومات الترويجية دي خليها بتورط
الحبيب أيمن الطيب الأغنيه ادت البوست نكهه جميله تشكرات أفندم أهديك النص ده
جدودنا زمان وصونا على الوطن على التراب الغالي الما ليهو تمن نحن حافظين للوصية جوه في قلوبنا الوفية ذكراهم بتلهمنا وتشجينا بعزيمة قوية ************************** ليك يا بلدنا عاد صارفين روح ونية صاينين للتراب وحافظين للوصية جدودنا زمان وصونا على الوطن على التراب الغالي الما ليه تمن
************************** بي سواعدنا القوية حققنا استقلالنا ورفعنا علم الحرية بيهوا الشعب احتفل يوم جمع صفوفو واتشمر للعمل بي وحدة نضالو كم حقق أمل جدودنا زمان وصونا على الوطن على التراب الغالي الما ليه تمن
