Post: #1
Title: فتوى مصرية بتحريم اكل الفسيخ ....
Author: ود الباوقة
Date: 04-21-2009, 05:36 AM
أيد عدد من علماء الدين الفتوى، التى أصدرها الشيخ عبد الحميد الأطرش رئيس لجنة الفتوى السابق بالأزهر الشريف، بتحريم تناول الفسيخ بسبب الرائحة الكريهة التى تنبعث منه وطريقة تخليله المتردية.
يقول د.عبد المعطى بيومى عميد كلية أصول الدين الأسبق بجامعة الأزهر، إن الشيخ عبد الحميد الأطرش استند على القاعدة الشرعية التى تنص على "أحل الله لكم الطيبات وحرم عليكم الخبائث"، وبالتالى كل ما يحدث الضرر بالإنسان حرمه الله، وأيضاً معلقة على آراء ذوى الاختصاص من أهل العلم والأطباء الذين أكدو فساد هذه الأنواع من الأسماك وضررها بصحة متناولها.
وترى دكتورة سعاد صالح عميدة كلية الدراسات الإسلامية بنات سابقاً بجامعة الأزهر، أن رأى الأطباء يؤكد أن الملح الذى يستخدم فى تصنيع هذه الأسماك ومدة بقائها فيه يؤدى إلى تراكم الجراثيم والميكروبات الضارة بالصحة، وأن الله وضع قاعدة فى التحريم بأنه لا ضرر ولا ضرار، وبالتالى هذه "الفتوى صحيحة ويجب الأخذ بها".
ومن جانبه يوضح دكتور أشرف عبد العزيز أستاذ التغذية بكلية الاقتصاد المنزلى بجامعة حلوان، أن عملية التمليح فى الأساس هو طريقة من طرق الحفظ، وأن التمليح الجيد بالكمية الكافية والمدة المناسبة ليس لها أى ضرر، ولكن طريقة تصنيع هذه النوعية من الأسماك بتعريضها لفترة للشمس وإتباعها بالحفظ فى كميات كبيرة من الملح يحدث تهتكاً فى أنسجة السمكة ويجعلها غير صالحة للاستهلاك الآدمى.
ويؤكد عبد العزيز، أن تناول الفسيخ أكلة موسمية يتناولها عادة المصريون مرة واحدة سنوياً، وأن 100 – 150 جراماً منها غير ضارة بالصحة إلا فى حالة مرضى ضغط الدم المرتفع وبعض مرضى القلب.
وعن اعتبار شم النسيم عيداً يحتفل به، يقول المفكر الإسلامى جمال البنا، بأنه عادة مصرية لها دورها فى تماسك الشعب المصرى، مفسراً كراهية الفقهاء الاحتفال بأعياد شم النسيم، بأن أذهانهم لا يوجد بها إلا ما فى أوراقهم، وأنه ليس من المعقول أن تبقى أحوال البشرية كما هى منذ 1000 سنة دون تغيير، فهؤلاء الفقهاء لا يعملون عقولهم. وعيد شم النسيم لا يستحق كل هذا الكلام، والحديث عن أنه حرام أو حلال، فلا يجب أن نحتكم إلى الحلال والحرام فى كل شىء، إلا ما جاء فى القرآن بنص صريح.
وقال البنا إن يوم شم النسيم فى مصر من العادات المصرية القديمة، فكل مجتمع له عاداته وتقاليده، والتى تعتبر أداة لتماسك المجتمع أكثر من الدين.
أما د.محمود عاشور وكيل الأزهر السابق، فرفض التعليق على الموضوع، وقال ليس كل ما تنشره الصحف حقيقياًَ، مشيراً إلى ما نشرته الصحف عن تحريم الفقهاء "لأكل الرنجة والفسيخ" فى شم النسيم، وقال تسأل فى ذلك الفقهاء الذين يكرهون الاحتفال بهذا اليوم، حتى يصححوا آراءهم، لأننى لن أتكلم عن آراء أحد، وقد سبق أن نسب الصحفيون للمفتى كلاماً لم يقله.
المفكر الإسلامى د.مصطفى الشكعة، فسر كراهية الفقهاء ليوم شم النسيم بسبب الممارسات التى تحدث فيه من بعض الأشخاص، الذين وصفهم الشكعة بالمنحلّين، كالرقص فى الحدائق وشرب الخمر وتناول المأكولات الضارة "كالفسيخ"، وهذا يعنى أن الفقهاء لا يكرهون الاحتفال بيوم شم النسيم، ولكن يكرهون ما يحدث به من ممارسات، وهذا لا يجعل الاحتفال به محرماً، لكن إذا تم فى إطار من الالتزام الأخلاقى، فهو بداية لفصل الربيع وعادة مصرية لا علاقة لها بدين أو دولة.
أستاذ الحضارة الإسلامية بجامعة الأزهر د.مجاهد الجندى، جاءت آراؤه واضحة ومباشرة، حيث اعتبر شم النسيم عيداً للأقباط، وما يحدث فيه من منكرات وسلوكيات مخالفة للإسلام وللفكرة السليمة ولعادات الشعب المصرى، وأنه عيد فرعونى. وحول كونه عيداً فرعونياً مصرياً، يوحد أبناء الشعب المصرى من مسلمين ومسيحيين، قال إن الاحتفال بهذا اليوم تحدث به الكثير من المنكرات والسلوكيات القبيحة، فكيف يكون عيداً لتوحيد المسلمين والمسيحيين .أما سبب تحريم مأكولات شم النسيم أنها تضر بالصحة وتسبب ارتفاعاً فى ضغط الدم.
|
Post: #2
Title: Re: فتوى مصرية بتحريم اكل الفسيخ ....
Author: ALZOLZATOO
Date: 04-21-2009, 05:39 AM
Parent: #1
شفت ياود الباوقة جبت لي نفسك العين السمك السمك السمك
اسع فسيخكم بتاع مروي ده بتعرفوا تعملوا منو شربات ولا ح تبلوهو وتشربو مويتو لووول يكه
تحياتي
زاتوووو
|
Post: #3
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 05:41 AM
Parent: #2
كدا اولاد ( بمبا ) يكونوا ضربونا في ( مقتل )
|
Post: #4
Title: Re: فتوى مصرية بتحريم اكل الفسيخ ....
Author: حيدر حسن ميرغني
Date: 04-21-2009, 05:41 AM
Parent: #2
خلاس يازعيم
نربي بط في السد
|
Post: #5
Title: Re: فتوى مصرية بتحريم اكل الفسيخ ....
Author: حمزاوي
Date: 04-21-2009, 05:48 AM
Parent: #4
ود الباوقة اخوي
مسكاقمي
شوف لينا فتوى في التركين
لحقوا لينا أمات طه
صدقني تأكل تركين الميتين في القبر يضعوا ايديهم في نخرتهم من الريحة
ملاحظة يا ود الباوقة اخوي
ليه بوستاتك اليومين دوول كلها منتجات بحرية
|
Post: #6
Title: Re: فتوى مصرية بتحريم اكل الفسيخ ....
Author: Deng
Date: 04-21-2009, 05:55 AM
Parent: #5
ود الباوقة.
ياها دي نهايتك؟
بقيت بتاع فتاوي فسيخ؟
طيب شوفي لي مع عمنا حمزاوي ده. الشرموط والكمبو كمان لو سمحت يا بلطي.
| Quote: وبالتالى كل ما يحدث الضرر بالإنسان حرمه الله، |
هل يعلم هولاء الجهلاء عن نوع وعدد الاطعمة والمأكولات التي تسبب ضرر لصحة الانسان؟
دينق.
|
Post: #7
Title: Re: فتوى مصرية بتحريم اكل الفسيخ ....
Author: المسافر
Date: 04-21-2009, 06:03 AM
Parent: #6
Quote:
ليه بوستاتك اليومين دوول كلها منتجات بحرية
|
عشان المنتجات البحرية بتزيد الذرية
البوستات الجاية عن الكلاب البحرية
وبعد داك بنشوف موضوع الطير في الخمايل
خلينا النكمل سيرة البحر...
وسد الشريك كيف يا أبو هبرة
كدي أهبر لنا على أهلك ديل والحق ليك وظيفة في لجان التعويض
عشان الإنقرياب ديل يشربوك لبن السمك
|
Post: #11
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 06:25 AM
Parent: #7
وسد الشريك كيف يا أبو هبرة
الكلام دا بعدين بتاباه ...
الحي يلاقي ....
ود الكجيك ..
|
Post: #10
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 06:21 AM
Parent: #6
بقيت بتاع فتاوي فسيخ؟
الفريطيق ..
عارف الفتوى دي بتكون زعلتك عشان عارفك بتحب الفسيخ ...
|
Post: #9
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 06:18 AM
Parent: #5
شوف لينا فتوى في التركين
لحقوا لينا أمات طه
الخال حمزاوي ..
التركين دا لو حرموه تاني الا تاكلو ( زغنبوت )
|
Post: #25
Title: Re: فتوى مصرية بتحريم اكل الفسيخ ....
Author: Al-Shaygi
Date: 04-21-2009, 05:40 PM
Parent: #5
الخال حمزاوي سلامات
Quote: ملاحظة يا ود الباوقة اخوي
ليه بوستاتك اليومين دوول كلها منتجات بحرية
|
هو أنت ما عندك خبر؟؟؟
الشي ما شحن له رفاس حق صيد وحسي وصل محطة كريمي بالقطر ومنتظرين يرحلوه للبحيرة.
كان مكضبني أسأل ناس الطيار....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #26
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 10:14 PM
Parent: #25
كان مكضبني أسأل ناس الطيار....
اخونا الشايقي ..
اكد قادمون بان اهلنا الشايقية ( متجدعين ) في السمك اليومين ديل ...
|
Post: #8
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 06:15 AM
Parent: #2
اسع فسيخكم بتاع مروي ده بتعرفوا تعملوا منو شربات ولا ح تبلوهو وتشربو مويتو لووول يكه
زاتوووو
فسيخ مافي سد مروي من بلطي ولي فوق ....
|
Post: #12
Title: Re: فتوى مصرية بتحريم اكل الفسيخ ....
Author: عثمان دغيس
Date: 04-21-2009, 06:30 AM
Parent: #8
والله دي أحلى فتوى في السنوات الأخيرة ..
الحمد لله ياخ ...
وطبعاً إذا كان الفسيخ حرام ..
معناها الملوحة والتركين ديل شرك بالله ومن الكبائر ...
عقبال ما نخلص من كل العفن المدور في بلدنا ...
غايتو فتوى في السلك ...
|
Post: #13
Title: Re: فتوى مصرية بتحريم اكل الفسيخ ....
Author: Nasruddin Al Basheer
Date: 04-21-2009, 07:09 AM
Parent: #12
| Quote: فتوى مصرية بتحريم اكل الفسيخ |
عقبال إصدار فتوى سودانية بتشجيع المريخ..
ما كلها بتنتهي ب إيييخخخ.
|
Post: #14
Title: Re: فتوى مصرية بتحريم اكل الفسيخ ....
Author: Nasruddin Al Basheer
Date: 04-21-2009, 07:10 AM
Parent: #12
حذف للفسيخ
أقصد حذف للتكرار
|
Post: #15
Title: Re: فتوى مصرية بتحريم اكل الفسيخ ....
Author: المسافر
Date: 04-21-2009, 07:34 AM
Parent: #14
Quote:
الكلام دا بعدين بتاباه ...
الحي يلاقي ....
ود الكجيك .. |
فو..
أنا أخو معتصم ود الكجيك...
وين بتدورة الملاقاة يا جنى
في الزيداب؟؟
قايم في الناس ود الباوقة ود الباوقة ومخلي أهلك في الزيداب..
وقلنا ليك ود الكجيك
قلت دي شتيمة دي؟؟
أبتك بطنك
|
Post: #16
Title: Re: فتوى مصرية بتحريم اكل الفسيخ ....
Author: ابو جهينة
Date: 04-21-2009, 08:08 AM
Parent: #15
أبو النسب
هذه مؤامرة مصرية دون أدنى شك.
فهم يريدون بعد تحريم الفسيخ ( الذي هو إبن عما لزم للتركينج ) أن يطلبوا من السودان تحريم التركينج ( وارد الشمال و وارد الكلاكلات ) و ذلك حتى لا نقوم بإنقاص الثروة السمكية في النيل شمال سد مروي و لكى تمر كل الأسماك آمنة مطمئنة إلى ما بعد سد أسوان .. و محل ما يسري يـ .......
يحرموا الفسيخ ولا يحللوا البول ما عندنا بيهم الشغلة
حفظ الله تركينج السودان .. و كول و مرس الغرب و أي أكلة أخرى غتيتية
دمتم عمر
|
Post: #17
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 09:22 AM
Parent: #15
أنا أخو معتصم ود الكجيك...
وين بتدورة الملاقاة يا جنى
الملاقاة خليها بظروفها . ما تستعجل ...
في الزيداب؟؟
قايم في الناس ود الباوقة ود الباوقة ومخلي أهلك في الزيداب..
اهلي في الباوفة . وفي الزيداب .. وفي ام الطيور .. وفي الحصايا الدامر .. وفي الجول ...
الفصاحة عبر النت ساعلة .. اركز بس ...
وقلنا ليك ود الكجيك
قلت دي شتيمة دي؟؟
أبتك بطنك
فتحت على نفسك نار جهنم ...
|
Post: #18
Title: Re: فتوى مصرية بتحريم اكل الفسيخ ....
Author: المسافر
Date: 04-21-2009, 10:00 AM
Parent: #17
نار جهنم عديل كده
عندك مفاتيح أبوابها السبعة؟
ولا ده اسم دلع للمنتجات الجديدة في مصانعكم ؟
يازول إنت بتعرض وين...؟
من تالاك مافي دارة..
ومافي شبابيل...
ولا عندك شرها..
يا زول انمهل تب
يومك التتلب جاي
الركزة بتنعرف
قال اركز ...
ركزة حاج الركز
|
Post: #19
Title: Re: فتوى مصرية بتحريم اكل الفسيخ ....
Author: Muna Khugali
Date: 04-21-2009, 10:44 AM
Parent: #18
Quote: والله دي أحلى فتوى في السنوات الأخيرة ..
الحمد لله ياخ ...
وطبعاً إذا كان الفسيخ حرام ..
معناها الملوحة والتركين ديل شرك بالله ومن الكبائر ...
عقبال ما نخلص من كل العفن المدور في بلدنا ... |
آمييين..
وبالمره تطلع فتوي ضد التوم الني والبصل الني والمراره يا سحاحير..
ود الباوقه ازيك..
|
Post: #20
Title: Re: فتوى مصرية بتحريم اكل الفسيخ ....
Author: ود الباوقة
Date: 04-21-2009, 10:53 AM
Parent: #18
قال اركز ...
ركزة حاج الركز
قرط علي كدا ....
|
Post: #21
Title: Re: فتوى مصرية بتحريم اكل الفسيخ ....
Author: المسافر
Date: 04-21-2009, 10:57 AM
Parent: #20
وافك لها باكم كمان ...
الكد وساع القد
|
Post: #22
Title: Re: فتوى مصرية بتحريم اكل الفسيخ ....
Author: حيدر حسن ميرغني
Date: 04-21-2009, 11:14 AM
Parent: #21
اخوانا العزاز
السافر وود الباوقة
رسوها على بر
اخوكم اتبراوي ماراضي بالحاصل منكم ده
يالمسافر ياخي ماتشتت لينا مجهود ولدنا ده
والله المنبر مابتقعد من دونه
خلوكم احبة
|
Post: #23
Title: Re: فتوى مصرية بتحريم اكل الفسيخ ....
Author: Gaafar Ismail
Date: 04-21-2009, 01:12 PM
Parent: #22
الحبيب ود الباوقة
| Quote: كل ما يحدث الضرر بالإنسان حرمه الله، |
لعل أكبر ضرر يسببه الفسيخ في السودان ، حيث الثقافة الصحية تكاد تكون معدومة ، هو للمصابين بضغط الدم العالي ، إذ يتناول المصاب ، وهو لا يدري أنه مصاب ، الفسيح والذي به نسبة عالية من الملح...فيسبب له ضررا كبيرا قد يؤدي للوفاة.
|
Post: #24
Title: Re: فتوى مصرية بتحريم اكل الفسيخ ....
Author: Zakaria Joseph
Date: 04-21-2009, 03:48 PM
Parent: #23
يا ود الباوقة,
قل بالله كيف سيتم ذبح الاسماك على الطريقة الشرعية?
|
Post: #27
Title: Re: فتوى مصرية بتحريم اكل الفسيخ ....
Author: صلاح أبودية
Date: 04-22-2009, 07:16 AM
Parent: #1
| Quote: فتوى مصرية بتحريم اكل الفسيخ |
ود الباوقة !
هو الحرام العديل عملوا فيهو شنو؟
لمن كمان يجوا للأكل والشراب !!
|
Post: #28
Title: Re: فتوى مصرية بتحريم اكل الفسيخ ....
Author: ود الباوقة
Date: 04-25-2009, 07:22 AM
Parent: #27
اليومين ديل مضيوف ..
اسف لتاخير الردود ...
|
Post: #29
Title: Re: فتوى مصرية بتحريم اكل الفسيخ ....
Author: الصادق صديق سلمان
Date: 04-26-2009, 07:13 AM
Parent: #28
| Quote: قل بالله كيف سيتم ذبح الاسماك على الطريقة الشرعية? |
أعتقد أنها تختلف عن طريقة ذبح الخنازير يا زكريا جوزيف ..
|
Post: #30
Title: Re: فتوى مصرية بتحريم اكل الفسيخ ....
Author: Zakaria Joseph
Date: 04-27-2009, 03:42 PM
Parent: #29
| Quote: أعتقد أنها تختلف عن طريقة ذبح الخنازير يا زكريا جوزيف .. |
الصادق,
سلامات.
انت المزاح دى حرم كمان. عليك الله, كلامك الفوق دى انت فاكر حيستفزنى !!! انا لست يهوديا و لا انا بمسلم و ما عندى اى مشكلة مع الخنزير. يعنى لو إحتجت الى إلتهام a nice ham ساندويش, فسوف اضربه دون تردد. اها قول لى بيذبحو الاسماك شرعيا كيف?
|
|