Post: #1
Title: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 10:25 AM
بالأمس تلقينا ضربة موجعة بهزيمة الهلال والسبب صلاح إدريس
فريق متهالك دفاع شوارع والسبب صلاح إدريس
الذي قتل الهلال وواراه الثرى . ورغم ذلك سوف يرد الهلال الصاع صاعين
لفريق أول أغسطس ولكن السؤال المطروح : هل بإستطاعة الهلال المضي قدما في
دوري المجموعات بهذا الحال والدفاع المتهالك ، عمار مرق وحمودة وأمولادي
وبت الحلاوة التي تسمي كورزما وخوازقنا .. والله بقينا نغني نقول :-
حليل زمن الهلال ســاطع
حليل زمن الصبي البارع
حليل الأزرق الناقـــع
حليل جاستن النافــع
|
Post: #2
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 11:12 AM
Parent: #1
صلاح إدريس مرمط الهلال ومرمطنا
صرخة في أذن الحكيم طه علي البشير
وعبدالمجيد منصور ألحقوا الهلال قبل فوات الأوان
ونقول لي الكاردينال تعال أنقذ الهلال
قلنا الروب ..
|
Post: #3
Title: Re: صلاح إدريس إغتال الهلال
Author: صلاح ليون
Date: 04-20-2009, 11:15 AM
Parent: #2
أُثني ..
|
Post: #8
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 12:35 PM
Parent: #3
أخي صلاح
شكرا على مرورك وفعلا نحتاج لتثنية وتثليث وتربيع
لغاية الكابوس ما ينقلع مننا
مع تحياتي ومودتي
|
Post: #4
Title: Re: صلاح إدريس إغتال الهلال
Author: tarig almakki
Date: 04-20-2009, 11:27 AM
Parent: #2
حبيبنا سيف الدين
أنا ما شايف أي مرمطة في الموضوع
النتيجة قد تكون إيجابية
هدفين في الخرطوم ويتأهل الهلال
كان الهلال يتعرض لهزائم أكبر من قبل ولم يتحدث أحد عن الطيب وطه وعبد المجيد وعبد الرحمن
إسم الهلال لمع في فترة صلاح إدريس ووصل الهلال إلى أعلى مستوياته في هذه الفترة
ورغم الإشكالات الكثيرة بينه وبين الإتحاد إلى أننا لو نظرنا للإمور بعقل لعرفنا أن صلاح
جانبه الصواب في الكثير منها .
الرجل جاد بأموال طائلة من أجل الفريق ولم يدخر جهداً في تطوير أداءه وجلب محترفين
لا يهم إن لم يكونوا بالمستوى المطلوب فالكرة لا تعرف ثبات المستويات وعلى سبيل المثال
فشل أنيلكا في الريال وهنري في اليوفي وبوفون في مانشستر والكثير من النجوم الذين لا يختلف
إثنان على مستوياتهم.
ليفربول أقصى ريال مدريد وكانت نتيجة المباراة 4 - صفر في مدريد
بالأمس أقصى فريق إفرتون نادي مانشستر يونايتد من نصف نهائي كأس إنجلتر
ولم يتحدث أحد عن العائلة الأمريكية التي تملك النادي طالما أنها تضخ الأموال
صلاح إدريس ليس المسؤول عن هزيمة الأمس
إسألو مساوي الذي أهدى الهدف للخصم ومرق الذي لم يكن في الموعد ودوسانتوس الذي لم يوفق في التبديلات
|
Post: #6
Title: Re: صلاح إدريس إغتال الهلال
Author: عماد محمود علي
Date: 04-20-2009, 11:58 AM
Parent: #5
ياجمـاعــــــة صلاح إدريس ده كويس خلوه ...
|
Post: #7
Title: Re: صلاح إدريس إغتال الهلال
Author: علاء الدين حيموره
Date: 04-20-2009, 12:05 PM
Parent: #6
الكلام دا قلناه زمان يا اخوي سيف لكن واضح انو ما حا يخلي الهلال الا ينزل من الممتاز
|
Post: #13
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 01:23 PM
Parent: #7
علاء حبيبنا
عليك الله أوكامبو عينو دي ما تقع إلا في البشير
ما شاف صلاح إدريس ده ولا شنو؟
مع تحياتي
|
Post: #12
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 01:14 PM
Parent: #6
الأخ/ محمود
طبعا إنتو عايزين صلاح إدريس يبقى في الهلال
عشان تنكسر شوكة الهلال ؟ ولا مش كده
لا حبيب شوفوا غيرها صلاح حا يمشي حا يمشي وتعال بعدين شوف الهلال
كيف ..
شكرا على مرورك مع تحياتي ومودتي
|
Post: #11
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 01:06 PM
Parent: #5
العزيز أبوقوتة
ما يهمك يا حبيب
والله كلامك صاح في بوستك كوارزما ده والله
ما ينفع يغسل السيارات ناهيك يلعب في الهلال
بالله عليك كوارزما في الميدان زي مروحة التربيزة
جايب لينا سموم ..
بس أنا شايف والله مذكرة أوكامبو للبشير ضلت طريقها
مفروض يعاد توجيه مسار هذه المذكرة لصلاح إدريس مش البشير
مع تحياتي
|
Post: #9
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 12:42 PM
Parent: #4
حبيبنا سيف الدين
أنا ما شايف أي مرمطة في الموضوع
النتيجة قد تكون إيجابية
هدفين في الخرطوم ويتأهل الهلال
أخي/ ود المكي
أول حاجة شكرا على مرورك
وبعدين أنا معاك النتيجة ماهي كبيرة ممكن جدا الهلال يفوز بأكثر
من هدفين لكن حال الهلال ده الليلة ممكن يستمر في دوري المجموعات
هذا ما يزعجنا وربك كريم
مع تحياتي
|
Post: #10
Title: Re: صلاح إدريس إغتال الهلال
Author: نيازي عبدالله مرحوم احمد
Date: 04-20-2009, 12:48 PM
Parent: #9
طيب لو كان الهلال عاد بنتيجه كويس كان حا يكون نفس كلامك
|
Post: #14
Title: Re: صلاح إدريس إغتال الهلال
Author: khaleel
Date: 04-20-2009, 01:32 PM
Parent: #10
ابو السيوف
بالرغم من ان الارباب شطب لاعبي الدفاع السبعة
لكن مباراة الامس كان مشكلة الهلال في وسطه هذا الوسط الممترس الذي لعب ثلاثة مواسم متتالية مع الهلال
لم يعرف كيف يغطي ثغرات الدفاع في مباراة الامس
هذا الراي وصلني من الخبير الرياضي عثمان النعيم
هل يعقل ان ينهزم الهلال من فريق جزيرة رنيويون والاول من اغسطس
انه مسئولية لاعبين وليس صلاح ادريس
|
Post: #16
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 01:54 PM
Parent: #14
الأخ/ خليل
مع إحترامي لوجهة نظرك والخبير النعيم
أحب أقول ليك هزيمتين متتاليتين من فرق مغمورة ماذا يعني ذلك ؟
بعدين الأهداف التي ولجت مرمى الهلال بالأمس الهدف الأول من خطأ لسيف مساوي
الهدف الثاني مشترك بين عمر بخيت ومرق والهدف الثالث كما علمنا من كرة أخرجها المدافع
ديمبا خطأ لتجد مهاجم أنقولا ويحرز منها هدف ثالث .
طيب عليك الله من متين سيف مساوي بلعب طرف يمين وكذلك حموده بشير . أول حاجة مساوي ما مفروض عليه يلعب
طرف يمين ولا حتى حموده بشير الإثنين الآن مساكين بدفعوا في غلطات صلاح إدريس
الذي فرض عليهم بتصرفاته الهوجاء أن يلعبوا في هذه الخانة ولا حول لهم ولا قوة في هذه الخانة الجديدة عليهم
عشان كده ما بنلوم مساوي ولا حمودة ولا مرق ولا ديمبا مرق يا حبيبي كان في كنبة الإحتياطي 3 أو 4 سنوات
وكان على مشارف الشطب . سبحان الله مرق إحتياطي 4 سنوات يجي الليلة يكون أساسي في الفريق عجيب يا كورة أمرك
وعجيب يا صلاح إدريس تقديرك .. بالله عليك يا خليل إخلاء سبيل يوسف محمد وداريوكان
وشطب ريتشارد وجوليت وكرنقو مش جريمة كبيرة في حق الهلال ومحبيه
دي إبادة جماعية لن تغفر لصلاح أبد الأبيد
مع تحياتي
|
Post: #15
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-20-2009, 01:32 PM
Parent: #10
طيب لو كان الهلال عاد بنتيجه كويس كان حا يكون نفس كلامك
أخي/ نيازي
تحياتي لك أولا
ثانيا : والله لو كان النتيجة جات بالعكس يعني الهلال لو كان
عالب 3/1 برضو كنت حا أقول ليك إنو صلاح إدريس إغتال الهلال
ولو كنت متابع الهلال قبل سنة أو سنتين تشوف الفرق يا أخي
بالله عليك معقولة إدارة تشطب ليها 7 لاعبين مرة واحدة وكلهم
مدافعين ؟؟
ثالثا : عليك الله من متين شفت حمودة أو سيف مساوي بلعبوا أطراف
في الدفاع ؟ والله صلاح إدريس إعتال الهلال وإغتالنا معاه
مش كده ولا برضو عندك رأي ؟
مع تحياتي ومودتي وشكرا لمرورك الكريم
|
Post: #17
Title: Re: صلاح إدريس إغتال الهلال
Author: سيف الدين علي محمد الفاضل
Date: 04-22-2009, 08:51 AM
Parent: #15
الأخ/ خليل
طيب يا خليل لو ريتشارد عاد وهو لازال مسجلا بالكشف الأفريقي
وكذلك يوسف محمد هل يمكنهما اللعب مع الهلال في حال دخل الهلال
دوري المجموعات .
مع تحياتي
|
|