Post: #1
Title: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 04:02 AM
Parent: #0
بدخل بوستات عناوينها جاذبة جدا
وأقعد اقرأ لغاية ماعيوني يوجعوني ورأسي يتقل وأحس بحمى عديل من الإرهاق
وكل ده في محاولة فهم اتجاه البوست وكونه ( شايت ) وين .. ومرات كتيرة
بحس إنو الكاتب قاصد شئ والمتداخلين بيتكلموا في شئ ماليهو علاقة بالمكتوب !!
مرات بحن على صاحب البوست ومرات بحن على المتداخلين وأكتر حاجة بحن على روحي
لأنو بحس انو مافاهمة اااااااي شئ .. وأتخارج من البوست
بعد جهد جهيد في محاولات فهم المحتوى دون جدوى !!
وبكون مغيوظة من نفسي وبعاتبها وأقول لروحي : إنتي الشلاقة
ليك شنو طالما مافهمتي ماتتخارجي من أول كلمة
لزومو شنو توجعي عيونك في شئ ماقادرة
تفهميه دي شنو أم مخ تخين دي ياخ ؟!!
وأقوم أطلع وأنا بسأل نفسي ياربي البوست مامفهوم ولا أنا مخي تخين ؟!!
بييييييييكون أنا مخي تخين أكيد !!
في زول بيعاني من حالة زي دي معاي في المنبر ده ولا أنا حالة نادرة ياجماعة ؟؟
ممكن زول ينزل لينا صورة ( مخ ) غير مخي ؟!! ( وش كيف كيف كده ) !!
|
Post: #2
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: Kostawi
Date: 04-20-2009, 04:12 AM
Parent: #1
أنا مش قلت ليك أبعدي من بوستات أبو رزقة!!!
|
Post: #3
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: osman righeem
Date: 04-20-2009, 04:21 AM
Parent: #2
إبتسمي أنت في سودانيز أونلاين
|
Post: #5
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 04:27 AM
Parent: #3
عثمان أخو الخير
والله ياهو ده مرة أضحك
مرة أبكي
مرة أدمدم وأنوم !!
وياهو ده نسوي شنو الله غالب !!
|
Post: #4
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 04:25 AM
Parent: #2
كستاوي ؟؟
يازول هووووي ود الطالب ود السرور يايابا
مالها وردتو الحمراء عيبها لي المامفهوم فيها شنو كمان ؟!!(وش حلاتو )
|
Post: #6
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نوفل عبد الرحيم حسن
Date: 04-20-2009, 05:46 AM
Parent: #4
Quote: مرة أدمدم وأنوم !!
|
طوالي اعملي الحركه دي
المنبر دا مرات زي البيت المسكون
|
Post: #7
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: Galaleldin Abdalla
Date: 04-20-2009, 05:58 AM
Parent: #6
have fun or cancell your membership
I like it this way
you can not tell people what,when and where to say
Galal
|
Post: #21
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 10:32 AM
Parent: #7
Galaleldin Abdalla
| Quote: have fun or cancell your membership |
عارف ؟
مرات الواحد بيزهج ويغادر المكان ده يالشهور
ومرات يجرفه الحنين لونسة بورداب سمحة يقوم يجي يفتح المنبر ومايقفلوا ولا يكنسل زول ولا موضوع
حتى لو مافهم الحاصل ومرات الزهج بيحصل من عدم الفهم واهو غايتو الله كريم
|
Post: #8
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: حسن طه محمد
Date: 04-20-2009, 06:13 AM
Parent: #6
اخت نادية
سلام
مشكلتك في العناوين الجاذبة
أعملي زي اخوك .... أدخلي في العناوين البتطفش واسبحي عكس التيار.
تلقي نفسك وصلت.
والغالبية من العناوين الجاذبة دي زي المثل ما بيقول : سماحة جمل الطين ساكت.
ولا أقول ليك : اعملي شختك بختك.
|
Post: #25
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 11:05 AM
Parent: #8
حسن طه محمد
ابن عمي العزيز
بحاول أعمل بي نصيحتك غايتو إالا في حالة غلبتني
الشلاقة ودخلت مرة مرة بوستات أتاوق وما أفهم وأطلع سمح ؟
|
Post: #15
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 09:06 AM
Parent: #6
نوفل عبد الرحيم حسن
Quote: طوالي اعملي الحركه دي
المنبر دا مرات زي البيت المسكون
|
بالغت فوكا معناها حأكون مدمدمة ونائمة السنة كلها ؟
سلام قولا من رب رحيم
(وجه ضاحك وفي نفس الوكت صاري ومحتار)
يديك العافية يارب
|
Post: #9
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: اسعد الريفى
Date: 04-20-2009, 06:29 AM
Parent: #1
صباح الخير
صورة ملطوشة من الانترنت يمكن تساعد
و غالبا المشكلة بتكون فى التلفبف خلف المركزى
و علاج الحالة دى ساهل جدا .. و ممكن بالصفحة 19 من كتاب التداوى لابن البوردات الراوى تلقى الروشته ..
" البورد البيجيك منو الريح .. ما تقراهو و استريح "
مع تحياتى
|
Post: #10
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: ابوبكر يوسف إبراهيم
Date: 04-20-2009, 07:22 AM
Parent: #9
الأخت نادية
سلامٌ على روحك الطيبة
لا يا أخية أنت لست حالة نادرة ، أنت الحال الذي ينبغي أن يكون الجميع عليها ولكن هيهات فلبعض لا يريد؛ فما عسانا أن نفعل غير الصبر على جار ...
وعشان كده خفّت رجلي ؛ هذا بالإضافة إلى عدم مراعاة البعض لإدبيات الحوار .. وبعض ممن لا تتفق معهم في طرح يعتبرون أن من لا يتفق معهم فهو ضدهم .. المعارضة ظاهرة صحية ولكنها ليس إستعراض عضلات وزعيق .. علينا التحاور؛ الفكر بالفكر .. والحجة بالحجة وبعد ذلك حتى وإن إختلفنا فالإختلاف في وجهات النظر يجب أن لا يفسد للود قضية .. سبق أن كتبت موضوع عن المحكمة ومشكلة دارفور فاتصل بي أحد البورداب هاتفياً ولم يترك أحد من أهلي لم يسبه وبنابي الألفاظ .. ووالله يستعف اللسان عن ذكرها .. نحن محتاجين لمخ آخر لنعيش به على مستوى أهل السباب غير عقلنا الحالي ؛ ولكننا من ناحية مبدئية لن نستطيع لأن ( أهلنا ربونا) !!..معليش أنا لقيت بوستك عشان أتْفَشْ شوية !! تحياتي ومودتي الأخوية
|
Post: #11
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: عمر الفاروق عبد الله الشيخ
Date: 04-20-2009, 07:35 AM
Parent: #10
الاخت نادية سلام ليك
دع الكل يعبر دع الكل يتنفس عبر هذه البوستات فهذا خير من الأوف والإوف وحراق الروح
يعني في بوستات ممكن تتاوق ليها وبعض منها تمر بشارعها وبعض منها تسكن فيها سكنه عديل كده عشان
مانظلم حد
مع كل الود
|
Post: #13
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: Zomrawi Alweli
Date: 04-20-2009, 07:51 AM
Parent: #11
ونحنا متضامنين معاكي يا نادية
وحالتك ممتازة والحمدلله
بس متكلش سمك ولا بيض
لا حولا ولا قوة الا بالله
انا كان عندي واحد صاحبي عندو بنت اسمها نادية خليل محمد وهو كويس لحد دلوكت
|
Post: #18
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 10:00 AM
Parent: #13
زمراوي سلامات
انت الزول الانا بتكلم معاه في الصورة ده
موش الفنان مكي علي إدريس ذاتو ولا إنت ؟؟
|
Post: #32
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 05:58 PM
Parent: #11
عمر الفاروق عبد الله
سلامات
ماقلنا شئ اي زول يكتب البريحو بدون زعل
وطبعا أنا بس بتمنى أفهم المكتوب عشان طالما
مامنشور في المنبر اكيد الكاتب عايز الناس تقراهو
|
Post: #12
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: Yassir Bainwi
Date: 04-20-2009, 07:40 AM
Parent: #10
*
|
Post: #14
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: elfadl abdellatif
Date: 04-20-2009, 09:05 AM
Parent: #12
Quote: *لزومو شنو توجعي عيونك في شئ ماقادرة
تفهميه دي شنو أم مخ تخين دي ياخ ؟!!
وأقوم أطلع وأنا بسأل نفسي ياربي البوست مامفهوم ولا أنا مخي تخين ؟!!
بييييييييكون أنا مخي تخين أكيد !!
في زول بيعاني من حالة زي دي معاي في المنبر ده ولا أنا حالة نادرة ياجماعة ؟؟
|
الاستاذة نادية
تحياتي
غايبة فترة طويلة .. ويظهر انو هارموني ابعدتك قليلا وماهي اخبار النخلات?
انا زمان كنت بدخل البوست بالعنوان لقيت في عناوين خادعة .. وبعد ما اتورط وادخل اضطر اقرا .. لحدي ما اقتنع انو الموضوع ما بيهمني ..
بعد داك بديت اخش باسم الكاتب .. هي اريح فعلا لكن برضو التشتت حاصل لانو صاحب البوست بكون في وادي وبعض المداخلات (تغرد خارج السرب) في النهاية بقيت ادخل مغمض وبدون ما ادخل في تفاصيل اضيف الرد بتاعي (ان وجد)
على كل حال الحالة عامة .. يعني حالتك دي طبيعية وليست مرضية ولا تحتاج الى تحاليل وفحوصات .. واذا كان في خلل فليس في مخك بل في البوست او صاحبو او المتداخلين
سؤال : انتي دايرة تفهمي ليه .. الفهم الشديد ياحنين شقاوة .. مش كدة ?
وذو العقل يشقى في النعيم بعقله واخو الجهالة في الضلالة ينعم
|
Post: #16
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: ismeil abbas
Date: 04-20-2009, 09:25 AM
Parent: #14
ألرائعة..ألأخت/نادية.....
لك التحية..أجزلها....
Quote: بييييييييكون أنا مخي تخين أكيد !!
في زول بيعاني من حالة زي دي معاي في المنبر ده ولا أنا حالة نادرة ياجماعة ؟؟
|
مخك ما تخين بس كبرى دماغك....
أنا حسمت قضيتى بمبدآ فى ناس لو كتبوا فى بوستاتهم عليك الله يا إسماعيل تعال ادخل هنا..بعز الله
وأصوم..أفضل لى من وجع الراس وفقع المرارة..
بوستات عنوانها غير... وتخشى جوة تبقى زى الزول البنضف ليهو بدون مؤاخذة فى كرشة....لحدى ما تطلع من البوست ..تحتار تبتدى من وين عشان ترد على صاحب البوست
أنا بشوف العنوان والكاتب حتى أقرآ وفى ناس كده والله لوما كتبوا عنوان تلقى مداخلاتهم جميلة... خليها على الله بس..........
مودتى............إسماعيل محمد احمد عباس...
|
Post: #37
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 07:05 PM
Parent: #16
إسماعيل عباس
الزول السمح من جوة قلبو الأبيض
تسلم على النصيحة الغالية وربي يفك أسر باس ويردك وترجع بالسلامة يارب
|
Post: #17
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: بدرالدين كاجوري
Date: 04-20-2009, 09:48 AM
Parent: #14
ندوية سلامات
وليك وحشة
عشان تكوني في حالة اكثر من طبيعية اتبعي الاتي :
ابتعدي من البوستات الملغومة (صراع السنة والطرق الصوفية)
الابتعاد عن البوستات سريعة الانفجار (صراعات الامة الشيوعي الليبرالي )
الابتعاد عن بوستات المديدة حرقتني (محاكم الانترنت)
الابتعاد عن بوستات الدلاقين والوصيفاب (بالذات طلحة والراكوبة والخ)
الابتعاد عن البوستات الخارم بارم (محمد عادل)
الابتعاد من بوستات المثقفاتية ( بشبش ومين ومين كدة 9
الابتعاد عن بوستات مناضلي الكيبورد والماوس (الجبهجية وبعض حركات دارفور)
الابتعاد عن بوستات حب العجائز الداير ركائز (عم الموج وعطوفة والخ )
وعليك بي بوستات هند محمد وحاتك انت دي بس البتشبهك ياروعة
وسلام كبير للناس الحلوة بدون منكير وبديكير
وش بعاتي بس
|
Post: #19
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: محمد عبد الماجد الصايم
Date: 04-20-2009, 10:11 AM
Parent: #17
ندوية
يا تخشي الفيلم من بدري
يا نوما هنيئا وأحلاما سعيدة
|
Post: #20
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 10:26 AM
Parent: #19
ود الصائم حبابك
Quote: ندوية
يا تخشي الفيلم من بدري
يا نوما هنيئا وأحلاما سعيدة |
ماانتو لو بتكلمونا الأفلام دي بتدخلوها من كم لي كم كنا دخلنا معاكم ياخ !!( وش مكرفس)
|
Post: #22
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: Hala Hassan
Date: 04-20-2009, 10:39 AM
Parent: #20
ندوية،
إزيك يا صاحبة،،
إطمئنى يا حبيبة،
حالتك ما نادرة،،،
الجماعة ديل زى ما قلتى،
بكونوا دايرين يبرمجوا بالناس الما متابعة كويس،،،
| Quote: ماانتو لو بتكلمونا الأفلام دي بتدخلوها من كم لي كم كنا دخلنا معاكم ياخ !!( وش مكرفس) |
ناس ود الصائم ديل،
سعبين خلاس!!!
ما بتقدرى على مجاراتهم،
ماشاء الله،
المراقبين الدوليين،
24/7 watch....
نصيحتى ،
غايتو كان الشمار حرقك شديد،
عليكى بالتلفون،،،
|
Post: #39
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 07:34 PM
Parent: #22
هالة حسن
ياصحبتي كيفك
تلفون ؟
صاح مرات الشمار بيكتلني لكن مالي درجة التلفون ياخ .. ههههه
|
Post: #23
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: Zomrawi Alweli
Date: 04-20-2009, 10:44 AM
Parent: #20
Quote: زمراوي سلامات
انت الزول الانا بتكلم معاه في الصورة ده
موش الفنان مكي علي إدريس ذاتو ولا إنت ؟؟ |
يا اخني نادية
الذي في الصورة معك هو
الاستاذ وليد عبدالرحمن من كرمة البلد وقد كان يهم باخذ صورة عائلية معك وعائلته ولكنني عاجلتكم باللقطة ولم اتمكن من تكرار الصورة لزحمة المكان.
اما العبدلله فلا احب الظهور في الصور ولانني صاحب الكاميرا بعتبر نفسي داقس في كل المناسبات وما احلى الدقس وبعدين انا زائغ من ناس المؤتمر الوطني عشان ما يرشحوني رئيس للحزب او نائبه.
|
Post: #24
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: ALZOLZATOO
Date: 04-20-2009, 10:52 AM
Parent: #23
ياندوية
انا غايتو مامثلك يمكن اكون انا الحالة النادرة
لانو بفهمها وهي طايرة
ده برضو مابيمنع انك تحني علي انا ياستي والحاصل بي سببو بتي
رجعتي السودان ولا لسع في الرياض
تحياتي
زاتوووو
|
Post: #26
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: alsngaq
Date: 04-20-2009, 12:19 PM
Parent: #24
نادية انت فى حد ذاتك بوست طلاسمه صعبه على المنبر دا
اسي فى كم مداخلة هنا ما عارف احن عليك ام على اصحابه
ا ام على مخي التخين دا وش مشتت بس ما فطير لوول
بالمناسبة تجي الرياض وما اعرف اااااااخ
الوحيدة الكنت حاظهر ليك مع فى الرياض دي
لكن معليش يا خائنة وش باااااكي جدا
السنجــــك
|
Post: #44
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 10:53 PM
Parent: #26
السنجك بالانجليزي
زعلانة منك تلفون ساي ماتقول حمد لله على السلامة يااااااخ ؟
|
Post: #43
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 08:47 PM
Parent: #24
الزول زاااااااتو
أنا بخير وفي السعودية لسا إنت وين وكيفك ؟
|
Post: #38
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 07:12 PM
Parent: #17
بدر الدين كاجوري
سلامات يازول وكيفك
ياخ انت ماتقول لي ماتدخلي المنبر كلو وقدمي استقالتك عدددديل .. هههههه
خلاص معناها انت أعمل لينا منبر نقعد فيهو انا وهند رأس وانت المشرف رأيك شنو ؟
|
Post: #27
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: عماد محمود علي
Date: 04-20-2009, 01:10 PM
Parent: #14
Quote: لزومو شنو توجعي عيونك في شئ ماقادرة
تفهميه دي شنو أم مخ تخين دي ياخ ؟!!
وأقوم أطلع وأنا بسأل نفسي ياربي البوست مامفهوم ولا أنا مخي تخين ؟!!
بييييييييكون أنا مخي تخين أكيد !! |
سلامة مخك انت يا السنيورة !!! معقولة بس انت يكون مخك تخين !!! لا لا لا ياستي البورد دي الايامات دي ضاربه هكر جاب ضقله يكركب ... بوستات تفتح من غير سبب ، بوستات تحمل أسماء ناس غايبة ليها سنين ، وصور توضح بصورة غير لائقه وبوست تدخل وتخرج منه وانت راسك لافي مافهم أي حااااجة ، وبوستات تدخل وماتعرف زاااتو تخرج منها كيف !!! بس الله غالب وبكري ده لازم يشوق ليه صرفه في الحاجات دي قاعد يدي الناس باسوووردات سااااكت لامن البورد بقى ذي سفينة نوح ....
وياستي منتظرين زيارتك .....
|
Post: #45
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 11:31 PM
Parent: #27
عماد محمود علي
تسلم ياراقي
اها الملوحة جاهزة ولا لسة بتتملح ؟
|
Post: #36
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 06:46 PM
Parent: #14
elfadl abdellatif
تسلم من كل شر يارب والنخلات وهارموني كويسين وبيسلموا عليك
والله فعلا مرات عدم الفهم أحسن
والقال الفهم قسم ماكضب ( وش بيضحك خلقة الله )
|
Post: #35
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 06:39 PM
Parent: #12
ياسر بيناوي
سلامات
تسلم يارب على المرور المنقط
|
Post: #29
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 04:43 PM
Parent: #10
أبو بكر يوسف إبراهيم المحترم
ليك زمن مختفي من المنبر أتاريك زعلان شديد من بعض أساليب إدارة الحوار هنا
خليك قريب لأنو بوجودك ووجود الكثيرين أمثالك هنا بكون المنبر بخير والحوار معافى باذن الله
و
ماتزعل بالله تسلم يارب
|
Post: #28
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-20-2009, 03:58 PM
Parent: #9
أسعد الريفي سلامات
غايتو صورة الراجل المخو جايط ده مثل بالضبط صورة مخي لما ادخل بعض البوستات
وعجبني المخ الملون ده .. اللون البمبي ده بالذات محتاج ليهو في مخي المرهق ده ( وش بيحاول يفهم)
|
Post: #30
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: جمال الباقر
Date: 04-20-2009, 05:20 PM
Parent: #28
| Quote: لأنو بحس انو مافاهمة اااااااي شئ .. وأتخارج من البوست |
نفس الشعور
تحياتي استاذة نادية في بوستات روعة وسط الزحمة دي لكن للاسف قليلة العدد
|
Post: #31
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: baha eassa
Date: 04-20-2009, 05:43 PM
Parent: #30
|
Post: #33
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: عادل عبدالعزيز عبد الرحيم
Date: 04-20-2009, 06:13 PM
Parent: #31
دابرة تسلمى
ابعدى من بوستات فلان وفلان وفلان
فهمتى حاجة
ياهو كله زى ده
ابعدى من بوستات الشلل مرات بيتونسوا بيحاجات خاصة بيهم على الاثير ونحن نكون مسطحين
يديك العافبة
الهم واحد
|
Post: #34
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: السمؤال بدرالدين
Date: 04-20-2009, 06:24 PM
Parent: #33
انت في ياتو بلد هسي
عشان نفهم زاتو
|
Post: #40
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: ismeil abbas
Date: 04-21-2009, 08:02 PM
Parent: #34
أختنا الغالية ..الزولة الرائعة..
الحمدالله جات سلامة..أخدت لى هكرة بسيطة كده لكن الجاتنى فى باسوردى سامحتنى..والحمدالله الكلام ألأتكتب وكنت مهكورآ كان فيك.لآنك أخت وبتقدرى..وجيت أشوفو كتب شنو مالقيتو..شكرآ لصديقى الريس أبوجهينة الذى نبهنى..وانا فى البيت.وقام بأللأزم...
| Quote: تسلم على النصيحة الغالية وربي يفك أسر باس ويردك وترجع بالسلامة يارب |
وتشكرى على ألأهتمام...والحمدالله بكرى ماقصر رد علينا الله يديهو العافية..
مودتى..إسماعيل محمد احمد عباس...
|
Post: #41
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 08:38 PM
Parent: #40
الأخ المحترم إسماعيل عباس
الحق المداخلة في البوست بتاعي التاني ماده سمح ؟
والف حمد لله على السلامة ياراقي جدا
|
Post: #42
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: Balla Musa
Date: 04-21-2009, 08:44 PM
Parent: #41
غايتو يانادرة إنت براك الحالة نادية..
|
Post: #46
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: عبد العظيم احمد
Date: 04-21-2009, 11:34 PM
Parent: #42
سلام نادية
حمام الوادى ياراحل
مع البوستات المسائية
|
Post: #57
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-28-2009, 02:02 AM
Parent: #46
عبد العظيم سلامات
القاهرة كيف على حسك ولله ليكم وحشة
|
Post: #55
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-22-2009, 04:06 PM
Parent: #42
د. بلة موسى
حبابك مليون أخوي كيفك وكيف الأولاد
عساكم بألف خير يارب
شفت البقت علينا من عدم الفهم ؟؟
زمان كنا بنتفاهم بالقصائد وهسي لا في قصائد لا عصائد مو هيك ( وش ضاحك خلقة الله )
تحياتي لأسرتك وكن بألف خير
|
Post: #50
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-22-2009, 04:21 AM
Parent: #34
السمؤال بدر الدين
سلامات ياصديق وكيفك
خلي المنبر والصور والحفلات أها صبوحة
وإيمو بتي ماسألتهم مني ليه يوروك أنا وين ؟؟
|
Post: #49
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-22-2009, 02:21 AM
Parent: #33
عادل عبد العزيز
أها وناس فلانة وعلانة وفرتكانة كيف ؟
ههههه
ياولدنا المنبر جميل بكل ناسه بس انا المخي تخييييييين والفهم قسم ( وش ماناقش شئ)
|
Post: #48
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-22-2009, 01:05 AM
Parent: #31
بهاء ياشقيقي
تسلم على الصورة تأكيدا لمصداقية العنوان رغم الاحتمالات !
|
Post: #47
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-21-2009, 11:57 PM
Parent: #30
جمال الباقر
المحترم
تحياتي
وصدقت فعلا في مئات البوستات الجميلة
ووالله هي زادنا في رحلة البحث المنبرية والحمد لله ..
|
Post: #51
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: محمد مختار جعفر
Date: 04-22-2009, 09:54 AM
Parent: #47
| Quote: لأنو بحس انو مافاهمة اااااااي شئ .. وأتخارج من البوست |
نادية .. تحياتى ،
ياحليل زمن الناس بتقرأ وتفهم ، اليوم الكتابة غير الكتابه
والقارىء غير القارىء والفهم أصبح ( مفاهيميه )
كدى فكرى فى برنامج .. بعنوان ( تعالوا نفهم ) ونحن جاهزين بالمشاركة ..
وش ضاحك على القوم !!!
محمد مختار جعفر
|
Post: #52
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نوفل عبد الرحيم حسن
Date: 04-22-2009, 09:59 AM
Parent: #51
ناديه اتاريك ما براك . كلنا حالات نادره
في المنبر المسكون دا قربنا نبقي حالات خاصه ذاتو :D
دخلت بوست غير موفق .. وما فهمت اي شي .. طبعا
اما انه كان فيهو كلام واتحذف .. ولم يشيروا الي الحذف
واما مكتوب بالحبر السري ... واما نحن بقينا مخنا تخين عدييييل كده
|
Post: #53
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: elfadl abdellatif
Date: 04-22-2009, 10:51 AM
Parent: #52
Quote: والقال الفهم قسم ماكضب ( وش بيضحك خلقة الله )
|
خلقة الله ذاتها قسم !
(وشـ وشني العبير)
|
Post: #54
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادر الفضلى
Date: 04-22-2009, 03:38 PM
Parent: #53
Quote:
هل أنا حالة ( نادرة) في المنبر أم بينكم مثلي ياقوم |
ودى دايرة ليها سؤال! ..
أكان ما حالة نادرة فى يومين بس 1739 نقرة فى البوست و52 مداخلة (عند مداخلتى)!
أما عن موضوع البوست برضك حالة نادرة وربما بحكم مهنتك الإعلامية يجعلك تدققين وعايزه
تفهمى كل صغيرة وكبيرة، والمضمون والمقصود شنو .. أما الزينا لما الموضوع ما يقع
ليهو بزوغ طوالى وبفرح كسب زمن مشى لغيرو .. والفاتك فهمو فوتو
ومعذرة إذا شت شمال هنا أو فى بوستات أخرى وتسببت أحياناً فى لجؤك للتغطية والدمدمة
وتفكيرك مشغول يدور فى أفلاك الدهشة!
مع تحياتى
|
Post: #56
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: ismeil abbas
Date: 04-26-2009, 11:43 AM
Parent: #54
شكرآ نادية على لفت ألأنتباه..عدلت ..الله يجازى الهكر...
|
Post: #58
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: salah ismail
Date: 04-28-2009, 02:33 AM
Parent: #56
الفوضي تعريف عكسي للانظمه احيانا تصبح اللغة من اصعب الحدود التي يصعب اجتيازها هنا فقط تصبح الفوضي قانون طفولي طبيعي جميل
الف لام ميم كهيعص وهلم جرا
لا يعلمها الا الله
الفوضي مهمه
|
Post: #59
Title: Re: هل أنا حالة ( نادرة) في المنبر أم بينكم مثلي ياقوم ؟!! إحتمال توجد ( صور) !!
Author: نادية عثمان
Date: 04-28-2009, 02:41 AM
Parent: #51
محمد مختار جعفر
المحترم
عارف ؟
كلامك بالجد أداني فكرة برنامج حأمشي أسجلو
وبعدين أوريك ليهو سمح ؟
|
|