Post: #1 Title: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-20-2009, 01:27 AM Parent: #0
Post: #2 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: نادية عثمان Date: 04-20-2009, 01:34 AM Parent: #1
مااااااااشغال لكن !!
Post: #3 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-20-2009, 01:51 AM Parent: #2
نادية سلامات انهال مندى اذا اللنك ماشغال اكيد شرقان من دموع الزول البكااى ده لكين ماعارف الحكاية دى تتحل كيف كدى حاولى تانى عسى ولعل
Post: #4 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: haroon diyab Date: 04-20-2009, 07:07 AM Parent: #3
ويوم في يوم غريييييييييييييييب تيتا ياجميل تغطس....تغطس وتجينا بالدرر مشتاقيييييييييييييين
Post: #5 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: كمال علي الزين Date: 04-20-2009, 07:49 AM Parent: #4
(*)
ماسمعت الأغنية كويس ..
فإن كانت (يوم في يوم غريب) أو (النهاية)
فهي إحدى روائع الرائع (الموجوع) : الأستاذ/ هاشم صديق ..
أغنية جميلة .. لحنها وأداها أبوالسيد كعادته مصبغاً عليها روعة الأداء بعد روعة الكلمات ..
تحياتي ياتيتاوي ..
Post: #6 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: كمال علي الزين Date: 04-20-2009, 07:49 AM Parent: #4
(*)
ماسمعت الأغنية كويس ..
فإن كانت (يوم في يوم غريب) أو (النهاية)
فهي إحدى روائع الرائع (الموجوع) : الأستاذ/ هاشم صديق ..
أغنية جميلة .. لحنها وأداها أبوالسيد كعادته مصبغاً عليها روعة الأداء بعد روعة الكلمات ..
تحياتي ياتيتاوي ..
Post: #8 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-20-2009, 02:06 PM Parent: #6
هى النهاية ياكمال او يوم فى يوم غريب فيهو الشمس لمت غروبا وسافرت وهاااااااجرت الكلام ياكمال زى الرصاص من مسدس اتوماتيك تتتتتتتراخ بدون توقف وابوالسيد لبس الكلمات ثوب الابداع اللانهائى
تحياتى ياكمال
Post: #7 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-20-2009, 01:59 PM Parent: #4
هارون دياب كيفك ياعزيزى منعنا الشديد القوى واشواقنا بلا حدود يوم غريب اتخيل لى ياهارون الزول ده اتدردق عديل مشتاقوووون
Post: #9 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: غباشي Date: 04-21-2009, 03:36 AM Parent: #7
يا سلام
Post: #10 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: abdulhalim altilib Date: 04-21-2009, 07:01 AM Parent: #9
أخي عامر ، تحياتي ،
الله يديك العافية ، حاجة جميلة وما تخلص ، وربنا يرحم المبدع العملاق سيد خليفة ، ويطول من عمر سيد الكلام الطاعم والمليان ، أستاذنا هاشم صديق .
شكراً ليك ود تيتاوي .
النهايه أو (يوم في يوم غريب) : هاشم صديق / سيد خليفة
يوم في يوم غريب فيهو الشمس لمت غروبها وسافرت بانت نجوم متفرقه زي الدموع فى خد حبيب ودع حبيبتو السافرت والليل ضفاير حزنو مداها الألم زي التقول عارف النهاية القاربت والكون حزين خايف الهجير شايف الربيع غابت شهورو وهاجرت
شفت الفريق ضامي الفرح فى دار حبيب ضميتو في قلبي الحنين ماتت خطاي ... ضاع الأمل واحترت في خوفي الدفين عاينت لقيت الحبيب في عرشو في تاجو الحزين حولو العيون فيها الفرح بس الفرح في عيونو ماقادر يبين والدمعة في عيني بتودع طيف حبيب خلاهو لي قدر السنين
واشتقت لي طيف الدموع ومشيت طريق اسمو المصير ودعت زهرات الأماني ورجعت لي ألمي الكبير حسيت شعور الراهب السار السنين مشتاق يفتش ليهو دير لمن تعب سالت دموعو علي الدرب خاف الأمل كره المسير
يا حبي عيش كلمات خطاب من الحبيب كان النهاية حرفو الدموع سطرو النحيب والحسرة كانت فيهو غاية خلاني اغرق في المصير وانا لسه عايش في البداية أندم علي الحلم اللي راح واطفي الشموع وابكي النهاية
مودتي ،
( ليمو )
Post: #13 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 06:24 PM Parent: #10
ليمو .. كيف حالك شكرا لايراد القصيدة كاملة وهى وللحقيقة نص غريب وعجيب ومليان بالكلمات المعبرة وفعلا تسمع الاغنية تحسها فى نبرات الراحل سيد خليفة وتشعر بصدق الاحساس لدى الشاعر والمغنى الى الدرجة التى تجعلك تشعر بان كاتب هذه الكلمات هو صاحب التجربة على الواقع تحية لكل مبدع وتحية خاصة لك ياليمو
Post: #11 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 06:10 PM Parent: #9
Post: #12 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: طارق جبريل Date: 04-21-2009, 06:15 PM Parent: #11
اها ناس اركلوجيا العذاب جوا ههههههههههههههه
يا تيتا انت ما عارف اركلوجيا الوجع دة قاعدة تجنني ياخ
Post: #14 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: مجدي عبدالرحيم فضل Date: 04-21-2009, 06:25 PM Parent: #12
الكلمات اللحن الأداء
إحساسك بحالة الشاعر وتوقيع النهاية واليوم غريب فيهو الشمس لملمت كل خيوط شعاعه
ياالوجع حالة خفيفه في حالة شاعرنا ده
يالطيف هسي يتلملموا ناااس الليل وده زعيمهم وصل
تيتاوي مشتاقين وحات الزول الكتب موجوع ده تحياتي
،،،،أبوقصي،،،،
Post: #18 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 07:56 PM Parent: #14
Quote: ياالوجع حالة خفيفه في حالة شاعرنا ده
يالطيف هسي يتلملموا ناااس الليل وده زعيمهم وصل
مجدى ياباوقصى مشتاقين شديد الزول ده موجوع شديد وقالها عديييل لمن تعب وابكى النهاية
Post: #15 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 07:15 PM Parent: #12
Quote: اها ناس اركلوجيا العذاب جوا
ود جبرين .. هى اركلوجيا بس دى اركلوجيا ونستالوجيا وتكنولوجيا ياحبيب نمشى وين من العذاب ده الزول صاحبنا اتدردق واتبشتن فى قلبو الحنين
فى انتظار الزعيم التاريخى الاركولوجى كيكى
Post: #16 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: طارق جبريل Date: 04-21-2009, 07:33 PM Parent: #15
يا تيتا ياخي ممكن نهدي ههههههه
Post: #17 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عبدالرحمن عبدالله أبوشيبة Date: 04-21-2009, 07:53 PM Parent: #16
تيتا الرهيب زي ما قال ليك هارون تغطس كدا وتطلع لينا بالدرر ،، جميل أنت يا صاحبي.
Post: #19 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: Rawia Date: 04-21-2009, 08:18 PM Parent: #17
دا أجمل فيرجن لـ الليلة ديك
Post: #20 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عبدالكريم الامين احمد Date: 04-21-2009, 08:46 PM Parent: #19
اذن انه تيتاوي الشهير بتيتا... يعود ممارسا فينا الشهقة للدردقة والاركلوجيا العجيبة مرة واحد... ابو السيد عليه الرحمة في هذه الاغنية الحنونة الطروبة البكاية مجنن المزازيك جن تاريخي وكلمات شاعرها وجدت لها صوتا مدهش وصولات ورنات موسيقي سلسة ياخي.. طلعت حكاية يا تيتاوي تخلي الزول يبقي مسسسسسسسسسسكين ويتحول الي نقطة تتمدد وتتسع وتهتف طربا..وبهجة...وتحت تحت كده جبجبة زي السم
Post: #25 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 09:15 PM Parent: #19
Quote: دا أجمل فيرجن لـ الليلة ديك
راوية سلامات يعلم الله وانا بسمع الاغنية دى كل مرة تخطر فى ذهنى الرائعة فى الليلة ديك وكمان حااااان الزفاف تحياتى
Post: #23 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 09:12 PM Parent: #17
Quote: .تغطس كدا
ياابو شيبة ماهو زى الكلام ده بطلع الزول من علبو
Post: #26 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 09:20 PM Parent: #23
كيكى الحبيب .. شوووووق من هنا لى اى حتة بعيدة
Quote: هذه الاغنية الحنونة الطروبة البكاية
فارشين من امس وراجينك زعيم الاركلوجيا والكلام البجنن بوبى
Post: #22 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-21-2009, 09:10 PM Parent: #16
Quote: يا تيتا ياخي ممكن نهدي
ياود جبرين تهدى ونص وخمسة
Post: #21 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: ALGARADABI Date: 04-21-2009, 08:50 PM Parent: #15
يا تيتا أعيشك
والله ذكرتني أسامة كان قادينا بالاغنية دي حينا من الدهر
رحم الله الاستاذ سيد خليفة
ومن شوفتك طولنا ونهواك لازلنا
Post: #24 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: محمد عثمان Date: 04-21-2009, 09:14 PM Parent: #21
تيتاوى...
الف حمد لله بالسلامة
ياخى انت برضو ما قصرت تب..
Post: #27 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: نزار باشري ابراهيم Date: 04-21-2009, 09:26 PM
تيتاوى شكرا ليك والرحمة والغفران لسيد خليفة
Post: #28 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: حبيب نورة Date: 04-21-2009, 09:28 PM
عسل
دة كلام زي الفل
تحايا تيتاوي
Post: #31 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-25-2009, 09:43 PM
سلامات يامحمد عثمان وانت طبعا اصلا ما بتقصر تسلم ياحبيب
Post: #30 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عامر تيتاوى Date: 04-25-2009, 05:58 PM Parent: #21
Quote: ذكرتنى اسامة
القردابى الحبيب عمر اسامة ليهو وحشة شديدة الاغنية دى بتذكرنى الكسحى فى الشوارع بتاعت الحلة وتقوم تسمع نغم رادى جوه واحد من الحيشان زى الساعة 8 مسا كده فى مايطلبه المستمعون صاح ولا ما غلط
Post: #29 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عاطف عمر Date: 04-21-2009, 09:30 PM Parent: #1
مشاركة سابقة في بوست للعزيز عمر الفاروق حول نفس الأغنية أرفقه لكم بذات حرارة الذكريات والشجن الأصيل شكراً عامر تيتاوي
Quote: يا الله يا للذكريات
يا عمر الفاروق
ترجعني هذه الأغنية لتلك الفترة الواقعة في المدى الزمني 13/02/1989 و 28/02/1989 . رجعت للسودان لأتوج حباً كبيراً بزواجي بمن اختارها القلب والعقل . فرح معي أحباب كثر بين رفاعة والخرطوم بحري . احتفلوا بنا كل على طريقته . العامل المشترك بينهم كان ذلك الفرح الكبير وهذه الأغنية . فحيثما تتم دعوتنا نجد الإستريو يصدح بها . يبدو أنها كانت الـ ( Hit Song ) لتلك الفترة . معك أتفق أن حنية الكلمات ، وحنية اللحن ، وحنية صوت أبو السيد تضافروا ليعطوا الأغنية هذا الألق .
شكراً لك
تشريمة
صديقي الحبيب عبدالوهاب عمرابي كان يعرف محبتي لهذه الأغنية وذكرياتها فكان يسخر بالقول
" يا أخي في زول عاقل يتذكر ( ليلة الخناجر الطويلة ) هذه ؟؟؟ "
Post: #32 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: سيف الدولة كامل Date: 04-25-2009, 10:06 PM Parent: #29
تحفه يا تيتاوي.... يديك العافية
جيت متلبت قلت شيخنا شيخ النخجي طارق
جبريل ما يشوفني اكان القاه متحكر
ومعاه محمد عثمان..مادام ديل وصلوا
ليلتك فل الفل ...تسلموا كلكم
Post: #33 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: طارق جبريل Date: 04-25-2009, 11:06 PM Parent: #32
Quote: جيت متلبت قلت شيخنا شيخ النخجي طارق
جبريل ما يشوفني اكان القاه متحكر
عاد يا استاذنا سيف النخجي دة كله ودايرني اكون برة اللعبة هههههه
Post: #34 Title: Re: .. الزول الكتب الكلام ده .. موجوع شديييييد .. وسيد خليفة ما قصر !! Author: عادل عوض بلال Date: 04-26-2009, 08:13 AM Parent: #33
يا تيتاوي مالك علينا تقلب في المواجع ...
صدقني أخي العزيز إن من أجمل الأشياء في هذه الدنيا أن تحب ومن أسوأها أن من تحبه تفقده لك الأقدار فيثير في نفسك شجن الذكريات ... ومن أجمل الأحاسيس وأصعبها بأن تذكر جميل وسدته نبضات القلب ولم تزل ذكراه عالقة بالذهن وأمام عينيك يطوف طيفه الجميل وأنت في قمة التأمل مربوع الأيادي حابس أنفاس الشوق وبعينيك وميض دمعات الفراق والصمت المهيب فهذه الأغنية مرت كلماتها الشجية لتنكأ جراح ماض نامت من سنين .... فلك الشكر على الشجن الأليم وإحساسك الراقي الجميل ... متمنياًَ لجراحاتنا أن تندمل ولذكرياتنا الحبيبة أن تنام حين نصحا وأن تصحا حين نغفو ..
