موش الهلال دة خليتو ليك يا صلاح ادريس !

ومعاك محمد عادل

يضوي ليكم !
أشبعوا بيهو

ماشي لي ناس الوالي !!!


يازول احسن تجرب حظكـ’ مع ناس المؤتمر الوطني المستقبل ما معروف

حأنتظر فك التسجيلات
بعديها لو الوضع ما اتصلح


ـــــــــــــــــــــــ
هلال الجبال توووش يا معاوية

كفارة يا صاحب، بعدين انت موش أحمر زينا ولا كيف .... لوووووووووووووول

الغريبة يا حسين انا كنت مفتكرك معانا
لكن بيني وبينك اخير ليك جحرك داك في الظروف المارين بيها اليومين ديل
شئ صلاح ادريس
وشئ دي سانتوس
وشئ محمد عادل
وشئ عمار مرق



وغايتو

البخلي عمار مرق في كشف الهلال وما يخلي جوليت وريتشارد شنو ؟

امشى اسال هيثم مصطفى

Quote: وغايتو

بهناك معاوية نزل غنية جميلة ... بدل الجبنة والهبوط
وأنا عملت نيو لوك .. شفت كيف

ولمتين مبارياك غربتك؟؟

الشهادة لله يا حسين
غنوة معاوية ريحتني شديد
ولمتين يا صديقي



لمتين بس ياحسين؟

خدر حسين

سلامات يا غالي

فليذهب صلاح كج ومرق وديمبا ومحمدعادل كمان الي مذبلة التأريخ غير مأسوف عليهم
ويظل الهلال سيد البلد رغم المحن





خالص الود

والله يا بيناوي
لو في زول ضيع الهلال ياهو صلاح ادريس
ليس الا
كرهنا الشعر والصحف والفلس وبارانا للهلال
ياخ الغبش ديل ما عندهم حاجة غير الهلال
اختانا ياخ اختانا ياصلاح ودربك اخضر






ـــــــــــــ
ضاداك في بلدك شردك
(حميد)

خضر
محمد عادل كان مزهول زيك وصلاح ادريس كان بتابع المباراة
وسانتوس قرا الملعب غلط وناس سيدا استهترو

.
.

الزميل العزيز خضر

ياخي أنا زعلان عشانك وعشان خليل وبس .

محمد عادل ده أصلو دائماً بكج الهلال .

محمد عادل ياخي عليك الله شجع لينا أوكامبو عشان تلحقو أمات طه وتخرب زينته خراب الرقدوا .

تحياتي وتقديري

.
.

الازهري
ازيك يا صاحب
والله شاكر ليك روحك السمحة دي وما نجيكم في شينة
غايتو الله يصبر جماهير الهلال

ــــــــــ

علي العفاريت الدخيلة

(حميد)

والله يا محمد عادل
ماعارف اقول ليك شنو
لكن الواحد بقي يلاوز عديل من بوستاتك البتفتحها قبل المباراة

كلمناكم
قلنا ليكم دفاع الهلال قاعد في السهلة
والتسجيلات كشفت الدفاع مرة واحده


قلتو مغرضين

ما ممكن ينشطب اربعة اساسيين ( رتشارد ، داريو كان ، يوسف محمد ، علاء الدين سمبرية )

واتنين احتياطي اول ( جوليت ، كرنقو )
ويقعد احتياطي الاحتياطي حقهم ( عمار مرق )


ده شغل عشوائي

الهلال محتاج لست دفاع كامل وبسرعة

والكلام ده بدون اي جمجره
والله شاهد

يا وليد الهلال محتاج لي حارس اكتر من الدفاع اغلب الاهداف الدخلت مرمي الهلال في المباريات الاخيره اخطاء حراسه ..الهدف التالت وحسب وصف المذيع شايتين الكوره من خط 18 الانقولي !!!اعتماد الهلال علي المعز لاكتر من خمسه مواسم بدون حارس بديل اضر بالهلال ... قون الهلال بعد المعز بقي بوابه !!!

يا وليد جاتكم بتقرقر
قرقروا وربنا يديم الانبساط


ـــــــــــ
بتفق معاك يا صاحب في قرايتك لخط دفاعنا المكشوف
وفي الحقيقة الهلال عايز رئيس نادي واعي وما متهور
وما شاعر وصحفي عديل

هسه يا خضر ما لقيت غير محمد عادل صاحبي ده تفش فيهو غلك..ما تركز على صلاح ادريس
و تسيب محمد عادل هو براه ما ناقص..من شاكوش ميمو وهو مش على بعضو.

أبو السيوف
أخوك بقي يتشاءم عديل بعيد عنك بي تصريحات محمد عادل
أما صلاح دة فشكيناهو للـ حي الما بنوم !
عذبنا والله يا سيف !




دي مطرة شنو دي

Quote: وفي الحقيقة الهلال عايز رئيس نادي واعي وما متهور وما شاعر وصحفي عديل

و ملحن كمان


ياخ ما يعمل لينا غنية للهلال دا وكت بحبه قدر كدا

و بالعدم يغني للهلال العظيم دا يدوم سعدك مع غيري . . .
و يتبعها ببيان بالعمل مرة واحد . .. مرة و الى الابد او بالدارجي كدا " فراق الطريفي لي جملو "


يا صحبي باقي النيل
الله يستر ما يقوم يرحّل مجراه
او يجري من الشمال للجنوب و يفقد تميّزه

كااااااااااااااااااااااااااااااك























ــــــــــــــــــــــــــــــــــــــــــــــــــــ
كدي عيب لي الاتحاد السعودي !!؟؟ احسنك ليك والله

من زمااااااااان كلمناكم
الاحمر من المحال يخسر

ياخ ده لون يخلي التور يهيج
وممكن فوق البيعة ابو رزقة
برضو يهيج وخت إي اسم تاني
تحت الحساب وعلي كيف كيفك

اها شفته ليك لون بيخلي اسيادو
يتفسحو زي لونا ده لووووول
واديها احمر وارجى الله في الكريبة

روح بلا هم معاك ياخ

خدر يا صاحب،
هو الخليناهو ليهو شويَّة!
- فنان: في خيارات تانيّة أسوأها عبد الوهاب وردي..
- ملحن: دي خليها في سرك..
- شاعر: شاعري المفضل حمد حمور..
- صحفي: في خيارات تانيّة -أظرطها- صلاحة غريبة
- سياسي: أخير لي محمد فرح..
___
لكن الهلال ده لو بتخلا ولّ في هلال تاني كان خليناهو..

Quote: ومعاك محمد عادل يضوي ليكم ! أشبعوا بيهو

العزيز/ خضر

سلام

البركة فيكم.. ونعزي الباقين بالتلاتة..

انت غلطان من الأول , تباري لي محمد عادل.. هو شتت ليك ناس الأمة ما يشتت الهلال..
برغم حزني على هزيمة الهلال من فريق أجنبي.. لكن فرحان بالشماتة في صاحب اللسان الطويل ده



روق شوية.. ابواب الصفوة مشرعة ترحب بيك..

تحياتي

Quote: موش الهلال دة خليتو ليك يا صلاح ادريس

سلامي مضموم في يد الجميع ..
وقلده مشوشة بمعزة جميلة ليك ياخضر وياحسين ..


انا داير النسألك ياخضر .. في شان شنو بتسيبك عشقك؟ .. مهما كان! ولي مهما كان! يازول انت مانصيح؟!.. البسيب الصغائر
تنازلاً وبخاطر مكسور حتماً سياتيه يوماً (يسيب)! (الكبائر) مجبور .. ولا شنو ياصاحب ؟ .. ودي (كسرة) الرقبة بعينها ..

النهر الأحمر علمنا ..



ان لا نترك (عِشقنا) ولا عِشق من (نعشقهم) ..

لأي كان ! .. ولا تحت ضغط أي ظرف زماني ولا جغرافي ..

ويحضرني هنا ياصاحب .. تلك (القصص والروايات) التي صاحبت (المعتقلين الشيوعيين) وكيف كابدوا بصلابة بالإحتفاظ بـ ( حبيباتهم) ..
ومنهم من تحدى الظرف (الزماني والمكاني) وأحال (المعتقلات) الى افراح بأعراسهم (منهن) التي اقاموها داخل الزنازين والعنابر .. وتحننو بالصلابة وربضوا النضال (هلال) وأوثقوه بخيط مضفور (بالرفاق) .. والعديل والزين .. كانت .. السجن ليس لنا نحن الأُبى .. السجن ...... و ويارزازة دم حبابك لما نمشي الحزن عرضه ول ......... ومليون سلام ياشعبنا مليون ......... ودموع من عيون مرويةبالعناد والمحنة .. وضحك من قلوب ( دشرانة ) حزن وحنين وجسارة ويقين ..

ويالها من قصص .. ويالها من ضو تجارب ..

تقولي عازو تسيب الهلال .. يارااااااجل .. ولي منو ؟! ..

تعرف ياخضر انا هلالابي .. وموت كمان .. لكن لاعارف دفاعو فيهو منو؟ ولاعاوز منو؟ ولاهجوموا .. وكان لي حارس المرمى داك ؟ انا من زمن
( يور الدكتور) وبعداك عِييييك ..ماناقش ابو النوم ! .. وما متابع إلا من القليل جداً (هنا) والقليل (هناك) .. لكن أسألني انا بحبو موت كيف ؟ .. حأقول ليك لانو هو عِشق لي زول انا بعشقو .. بس ..

فأسمع نصيحة من( لخو) ليك في السافير .. وعارك لدروبك (حصحاصة حصحاصة) ..

ماتسيب ..
ماتسيب ..
ماتسيب ..

وهلالنا فوق ..




واللهم اشهد فلقد بلغت ..


والسلام ختام ..








ـــــ
معليش ياشباب لخروجنا من النص .. لكن الخضر ده زعلني بالحيل ..
معليش تاني وتالت و ......... لحدي ماترضو .. وتأامنو كمان ... هههههه ..

ورسالة اخرى لشاعرنا البديع حسين محي الدين ...
















ـــــــــ
النبي فوقك كان مارسلتلي القميص اللابسو ده بالــ D H L
ههههههههههههههههههههههههههههههههههههههههههههههههههههه

ياخى السعجلة ما كويسة،،،،إنتظر على الأقل بعد مباراة الرد
متأكد تماما،،بإذن الله، انو الهلال سوف يتخطى هذا الفريق بأهداف كثييييييرة. وما حادثة فريق نسراوة النيجيرى ببعيدة مع التأكيد إنو الآن وضعنا أفضل كتييير
****
لكن بينى وبينك لو صلاح إدريس ده واصل فى البى يسوى فيهو ده نحنا الحا نطفشوا من الهلال ومعاهو كمان كمال شداد....!

خدر حسين

الخيل الاصيلة بتجى فى اللفة، لوكو الصبر شوية ، انت عارف الرد حيكون موت ازرق( ما عارف الموت الازرق ده شكلو كيف)

بس الغريبة يا خدر لا انت لا وليد الحسين ماحضرتو معانا الكورة ! الهلال ده إتغلب كيف ما عارف


نهايتو

تعرف ياخضر ،
الواحد ممكن يغير وظيفته ، أو محل سكناه ، أو جنسيته أو حتى دينه ،
اما ناديه ، لالا وألف لالا .
وبالتأكيد ممكن يغير ""رئيسه "" رئيسه ذاته ،
لو جا بالإنتخاب أو بالإنقلاب!!
على ظهر دبابة أو على ظهر دولار.
صدقني ياخضر ،
السعودي بتاعكم دا غير إنه كارثة ،
جاهل ومغرور .
قال جاب برازيلي ،
طلع أي كلام،
حتى المدرب ، البرازيلي ، ما ختاه أساسي ،
شطب جولييت الأساسي في المنتخب ،
شطب ريتشارد وكرنقو وعلاء الين جبريل

الهلال في يوم من الأيام كانت إداراته
من بين مثقفي السودان والآن أرتد إلى هذا الدرك من الأميين وأنصاف المتعلمين.

أما هارون دياب خليهو يشوف تاني
اليبارك ليهو أو حتى يقول ليهو هاردلك !!

تحياتي

هاردلك للهلال ,
خسرتم جوله ولم تخسروا المعركه بعد..!.

ومع راي وليد الفني.

___________________________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

يا خضر ....


ما قلنا ليك !





اها الهلال دا وعرفناهو ، لكن البلد دي البيحلنا منها شنو ؟

انت يازول قايل الهلال دا جاي من وين ؟

ما ياهم السودانيين ديل ذاتم ،

وهسه ما تشوف فصاحة المريخاب دي ، بكري بحصلوا هلال صلاح ادريس دا !


ياخي كويس انك بره البلد دي ، لما تجي راجع عليك الله افتح ليك أي جريدة رياضية وشوف الاسفاف الحاصل :

القصة ما هلال والا مريخ ، القصة أكبر يا صديق !


- آخر حاجة : انا الهلال دا خليتو لي صلاح دا من زمااااااااااان !