Post: #1
Title: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 07:21 AM
Parent: #0
هناك الكثيرون الذين يقيمون فى الغرب .. ويريدون معرفة كيفية بناء المنازل أوال شقق أو العقارات فى السودان .. كيف يتم بناءها ؟
هل يتم بواسطة بنوك؟ أو يتم بناءها بواسطة شركات خاصة؟ وكيفية التعاقد؟
أيضاً هناك سؤال مطروح حول كيفية إيجاد قطعة الأرض وطرق تمليكها للمواطن السودانى والأجنبى؟
من يملك معلومة .. أرجو أن يساهم بها هنا.
تحياتى
بريمة
|
Post: #2
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: ود الباوقة
Date: 04-19-2009, 07:42 AM
Parent: #1
هل يتم بواسطة بنوك؟
اخي بريمة..
بنك فيصل الاسلامي يقوم حاليا بالبناء على نظام التقسيط وبشروط معينة .
|
Post: #3
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: محمد على طه الملك
Date: 04-19-2009, 08:31 AM
Parent: #2
ماك خايف من بير السايفون?
وصيتي ليك في بنوك كتيره بتبني شقق وبيوت وتبيعا بالاقساط..
درب السلامة احسن..
تحياتي.
|
Post: #4
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: ahmed haneen
Date: 04-19-2009, 08:59 AM
Parent: #3
| Quote: بنك فيصل الاسلامي يقوم حاليا بالبناء على نظام التقسيط وبشروط معينة |
اوعك يابريمة
يا دوبك داير تفلس...
يا زول لم قروشك عليك ..
وابقي حريص ...
علي باليمين تباري ود الباوقة دا .. يوديك التوووج
|
Post: #5
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: محمد عبد الماجد الصايم
Date: 04-19-2009, 09:21 AM
Parent: #4
| Quote: للمواطن السودانى والأجنبى؟ |
كـدي حدد لينا إنتا ياتو في ديل؟
|
Post: #6
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-19-2009, 11:47 AM
Parent: #5
البنك العقاري التجاري - بنك متخصص في البناء والتشييد يبني ويملك إذا عندك قطعة أرض البنك يقوم ببنائها لك بالإقساط وتوجد به إدارة هندسية متخصصة ويقوم بعمليات المقاولة - إذا ما عندك قطعة أرض في شركات أخري متخصصة في بناء وبيع الأراضي والتخطيطات السكنية - لو عندك قطعة أرض ودايره بناء تعال لينا في البنك العقاري وما بنقصر معاك
|
Post: #7
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 12:49 PM
Parent: #2
ود الباوقه
سلامات وألف شكر
كده أبحث لينا الموضوع بجدية .. وجيب لينا الأرقام .. فى إحد سمنارات شركتنا، كنا نقدم مقترحات مستقبلية وأنا طرحت فكرة الأستمثار فى السودان، نتيجة سهولة الحصول على الخبرة .. والموارد Infrastructure
واحد فيهم عنده فكرة بناء شركة Wal Mart فى السودان هى شركة روسية معروفة تتاجر فى السلع المنزلية .. والشركة عبارة عن مول ضخم
هناك ثانى يحاول إيجاد محل لبيع منتجات السينما الهندية ويجعل محله نقطة إنطلاق لأفريقيا
وغيرهم .. أفكار تخبط الرأس ..
كان أهم سؤالين:
الحصول على قطعة الأرض المناسبة وكيفية بناءها
التمويل والبناء، وشروط الأستيراد والتصدير
ذهبت إلى صفحة بنك فيصل الأسلامى وكل البنوك العاملة فى السودان لم إجابة على التساؤولات.
شروط الأستيراد والتصدير ممكن نجدها من وزراة التجارة
تحياتى
بريمة
|
Post: #8
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 12:53 PM
Parent: #7
الملك
سلامات
Quote: ماك خايف من بير السايفون?
وصيتي ليك في بنوك كتيره بتبني شقق وبيوت وتبيعا بالاقساط..
درب السلامة احسن..
تحياتي. |
صدق والله أغريتنى .. برضك جيب لينا الأسماء والتلفونات ..
أنا شخصياً ما عايز أبنى إلا إذا أم الأولاد دا شيئ تانى.. أنا بقارى راعى خلا .. واليوم البرجع فيهو السودان .. فى الصيف تجدنى فى بحر العرب وفى الخريف تجدنى فى سوق الخيرسان فى مدينة الأبيض .. والباقى رحلة صيف وشتاء بين الموقعين.
بريمة
|
Post: #9
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 12:57 PM
Parent: #8
أحمد حنين
سلامات
Quote: اوعك يابريمة
يا دوبك داير تفلس...
يا زول لم قروشك عليك ..
وابقي حريص ...
علي باليمين تباري ود الباوقة دا .. يوديك التوووج |
أنت باقى عليك عندك أسرار المهنة .. أفتينا يا أخى ما الذى يجعلك تتخوف؟
وبعدين خليك قريب أنا عايزك تعمل س وج لكل زول جاء بفكرة .. صحيحها وخطأها.
بريمة
|
Post: #10
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 12:59 PM
Parent: #9
محمد عبدالماجد
| Quote: كـدي حدد لينا إنتا ياتو في ديل؟ |
واحد من الأثنين.
بريمة
|
Post: #11
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 01:09 PM
Parent: #10
الأخت هويدا
سلامات
| Quote: البنك العقاري التجاري - بنك متخصص في البناء والتشييد يبني ويملك إذا عندك قطعة أرض البنك يقوم ببنائها لك بالإقساط وتوجد به إدارة هندسية متخصصة ويقوم بعمليات المقاولة - إذا ما عندك قطعة أرض في شركات أخري متخصصة في بناء وبيع الأراضي والتخطيطات السكنية - لو عندك قطعة أرض ودايره بناء تعال لينا في البنك العقاري وما بنقصر معاك |
برضى مشيت لموقع البنك العقارى .. وهو أول بنك بحثت عنه .. ما فى أى شيئ فى موقع البنك.
والله يا هويدا حاجة تخجل .. مثلاً فى الوصلة التالى هو أحد البنوك التى أتعامل معها فى أمريكا منذ حضورى .. Bank of America
أدخلى فى موقعهم .. لو الواحد عايز لبن الطير يلقاه .. ليه نحن كده.
https://www.bankofamerica.com
كيف نتقدم بهده الطريقه
لكن كدى خلى زعلى منهم، جيبى لينا التفاصيل .. وسوف نتصلوا بهم.
تحياتى
بريمة
|
Post: #12
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-19-2009, 01:14 PM
Parent: #11
الأخ بريمة - فعلا موقع البنك الآن لا يوجد به ا لكثير بل جاري تحديثه في هذه الأيام ليكون مواكبا للحداثه - بس فعلا البنك بقدم خدمات كبيرة خاصة فيما يخص العقارات بس لما انت تبقي جاهز رسل لي وريني عاوز شنو بالظبط وأنا بوريك كل التفاصيل المطلوبة وإن شاء الله معانا حا تلقي البريحك
|
Post: #15
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 01:35 PM
Parent: #12
هويدا
الف شكر .. أنت كده واحد من ناسى ح أرجع ليهم فى أى شيئ بنكى فى السودان ..
ولو ضبطت الحكاية .. بتاعت الول مارت .. ح يكون هناك إستثمار ضخم
أعطيت الناس تلفون سفارتنا فى أمريكا .. كل مرة يتصلوا .. ما يلقوا إجابه .. يجونى يقولوا ما لقينا المعلومة العايزنها
وأعرفوا أن مواقع البنوك على الشبكة الألكترونية إستثمار مهم جداً للبنوك .. ودخلونا فى حتت بناء شبكة متخصصه للبنك .. Interactive Web Sites
عليكم بس بدق صدوركم.
بريمة
|
Post: #13
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Nasruddin Al Basheer
Date: 04-19-2009, 01:19 PM
Parent: #11
أمسك قوي يا بريمة في ناس مشـروع سندس العقاري..
|
Post: #14
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-19-2009, 01:27 PM
Parent: #13
Quote: البنك العقاري التجاري - بنك متخصص في البناء والتشييد يبني ويملك إذا
عندك قطعة أرض البنك يقوم ببنائها لك بالإقساط وتوجد به إدارة هندسية متخصصة
ويقوم بعمليات المقاولة - إذا ما عندك قطعة أرض في شركات أخري متخصصة في بناء
وبيع الأراضي والتخطيطات السكنية - لو عندك قطعة أرض ودايره بناء تعال لينا في
البنك العقاري وما بنقصر معاك |
تسمح لي بي عرضة في الفسحة دي يا بريمة...
يا هويدا شرف الدين...ما شايفاني لي سنتين اشحد في كسار الطوب؟
حا نديك رسالة داخلية...
|
Post: #18
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-19-2009, 01:41 PM
Parent: #14
الأخ ناصر حسين والله تشرف انا جاهزه وفي انتظار رسالتك الداخلية
|
Post: #16
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 01:37 PM
Parent: #13
نصر الدين
سلامات وبسرعة ألحق السوق
Quote:
أمسك قوي يا بريمة في ناس مشـروع سندس العقاري.. |
سندس العقارى .. دا شنو؟ وين وكيف الواحد يجد المعلومة؟
سمعنا سندس الزراعى .. لكن العقارى؟
بريمة
|
Post: #17
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 01:40 PM
Parent: #16
نزار حسين
سلامات
Quote: ما شايفاني لي سنتين اشحد في كسار الطوب؟
|
ما لك يا أخى خوفتينى .. المصداقية مهمة جداً .. ما يمشوا ناسى يقعوا وقعة ال 60 سودانى فى ماليزيا.
بريمة
|
Post: #19
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: abullif
Date: 04-19-2009, 02:20 PM
Parent: #17
هذة مساهمتى من واقع محاولاتى التى لم تكل من اجل بناء البيت الحلم لى ولاسرتى الصغرى والكبرى ايضا. ولانى اعمل فى السودان لفترة فاقت 16 عاما اخرها وظيفه بدخل ممتاز ( مقارنه بمستوى دخول الموظفين فى الشركات الخاصه) فمن المستحيل تقريابالنسبه لى شراء قطعه ارض او منزل ولذلك فكرنا واشقائى داخل وخارج السودان فى اعادة بناء منزل الاسرة بشكل حديث لكى يسع الجميع:
هنال عدد من البنوك تقوم بالتمويل العقارى وينقسم الى اثنين.
1. تمويل شراء منزل جاهز وتقوم به بنوك السلام (هاتف 747000 183 249 ), بنك الخرطوم (يوجد لدى هاتف احد موظفى التسويق, ساقوم بالاتصال به للموافقه)
الشروط:
بيت مبنى جاهز تم تشييدة لفترة لا تزيد عن 3 سنوات (بنك السلام) او 15 عام بنك الخرطوم.
ان يكون لديك حساب جارى لدى البنك وشهادة تحويل راتب شهرى.
مبلف التمويل لا يزيد عن نصف مرتبك الشهرى مضروبا فى فترة التمويل وهى 60 شهر لبنك السلام و15 عاما لبنك الخرطوم.
اصدار شهادة من مخدمك بتحويل كافه مستحقاتك للبنك فى حاله تركك العمل او اى سبب اخر يمنعك من دفع اقساطك الشهريه.
دفع 10% مقدم التمويل ( السلام) و15% (الخرطوم)
نسبه المرابحه(السنويه) 8.5% للسلام وتتراوح بين 8.2 و9.5 (حسب فترة التمويل لبنك الخرطوم).
رسوم اداريه للرهن وخلافه حوالى 6 الف جنيه.
وللحقيقه مستوى الخدمه ممتاز فى هذين البنكين ومافى تتلته كتيرة بعد ان تقدم كافه المستندات المطلوبه.
الان الى الحساب: منزل بجبرة مربع 18 ( احسن مربع) يبلغ حوالى 250 الف جنيه ، مساحته 300 متر ومبنى طابق ارضى بطريقه Load Bearing ,اى حاله وسط بين البناء التقليدى ونظام التسليح الخرسانى وهذا المنزل لايحتمل سوى طابق ارضى واول وللحقيقه يكون جيد جدا لسكن الاسر الصغيرة. واذا تمنكنت من اعلاة واشترى البنك منزلك السعيد لمدة 10 سنوات عليك دفع مبلغ شهرى حوالى 3.500 جنيه شهريا= 1800 دولار .
اكمل لاحقا طريقه التمويل للبناء وتلك قصه اخرى.
|
Post: #20
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-19-2009, 02:23 PM
Parent: #17
حكايتي ما بتخوف يا بريمة...
لكن الستين سوداني مالهم؟؟؟؟ (شكلو شمار حار)
|
Post: #21
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 02:39 PM
Parent: #20
نزار
يا زول دا شمار حار وبس .. مصرى ضرب ليك 60 سودانى وطشا .. رسل ليهم عقودات مضروبه ووداهم ماليزيا وهناك تم عليهم المقصر كل واحد 500 دولار وكسح لليوم وأخوانا خشومهم ملح ملح بهناك.
وناسى ديل أنا بتعامل معهم بصورة أو أخرى خلال 10 سنوات .. وحسع كضبت ليهم عن الأستثمار فى السودان .. وخايف أوقعهم وأخوك يكون خسر سمعته وعينو تنقد فى مكان العمل.
من خلال قرائتى للشبكات الإلترونية للبنوك .. فهمت أن السودان مازال أمامه الكثير لضمانات الأستثمار.
بريمة
|
Post: #22
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 02:52 PM
Parent: #21
الأخ abullif
مليون شكر على هذه المعلومات ..
Quote: الشروط:
بيت مبنى جاهز تم تشييدة لفترة لا تزيد عن 3 سنوات (بنك السلام) او 15 عام بنك الخرطوم.
ان يكون لديك حساب جارى لدى البنك وشهادة تحويل راتب شهرى.
مبلف التمويل لا يزيد عن نصف مرتبك الشهرى مضروبا فى فترة التمويل وهى 60 شهر لبنك السلام و15 عاما لبنك الخرطوم.
اصدار شهادة من مخدمك بتحويل كافه مستحقاتك للبنك فى حاله تركك العمل او اى سبب اخر يمنعك من دفع اقساطك الشهريه.
دفع 10% مقدم التمويل ( السلام) و15% (الخرطوم)
نسبه المرابحه(السنويه) 8.5% للسلام وتتراوح بين 8.2 و9.5 (حسب فترة التمويل لبنك الخرطوم).
رسوم اداريه للرهن وخلافه حوالى 6 الف جنيه.
وللحقيقه مستوى الخدمه ممتاز فى هذين البنكين ومافى تتلته كتيرة بعد ان تقدم كافه المستندات المطلوبه.
الان الى الحساب: منزل بجبرة مربع 18 ( احسن مربع) يبلغ حوالى 250 الف جنيه ، مساحته 300 متر ومبنى طابق ارضى بطريقه Load Bearing ,اى حاله وسط بين البناء التقليدى ونظام التسليح الخرسانى وهذا المنزل لايحتمل سوى طابق ارضى واول وللحقيقه يكون جيد جدا لسكن الاسر الصغيرة. واذا تمنكنت من اعلاة واشترى البنك منزلك السعيد لمدة 10 سنوات عليك دفع مبلغ شهرى حوالى 3.500 جنيه شهريا= 1800 دولار .
|
أولاً بخصوص الشروط ..
نحن المغتربون .. هل هناك شروط مغايرة لنا .. يعنى مثلاً أن يضع الواحد ضمان مالى للبنك يعادل أقساط عام كامل .. حتى لو الواحد فقد وظيفته لا يتأثر العقد وكده.
مافهمت النقطة الأخيرة التى قلت فيها إلى الحساب .. هل أنت تعنى أن لديك بيت فى مربع 18 والبنك بناه ليك ويطالبك بمبلغ 1800 دولار شهرياً أم هو مثال ..؟
1800*12*10 = 168000 يعنى 168 ألف دولار فى حالة إتمام العقد .. وهذا مبلغ خرافى لمنزل بتلك المواصفات.
بريمة
|
Post: #23
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: abullif
Date: 04-19-2009, 10:05 PM
Parent: #22
الاخ بريمه،
الحساب صحيح تماما لان نسبه تمويل المرابحه مرتفعه جدا. ايضا, لاعلم لى عن تمويل من هم خارج السودان واظنه غير ممكن لان ضمان التمويل هو المرتب الشهرى بضمانه رب العمل ثم رهن العقار نفسه لصالح البنك الممول واخيرا الشيكات الشهريه.
وشكرا
ابو الليف
|
Post: #24
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: الطيب شيقوق
Date: 04-19-2009, 10:19 PM
Parent: #23
بريمة
انت مسجم مالك اسمعني بس
امشي عولك وايام الدرتية بعد الخريف استنفر الصبيان يمشوا يكسروا ليك النال وطوالي تعمل ليك قطية وكرنك وراكوبة تونس فيها شيابك ومحل رهيفة تنقد. سيبك من الشئ البحميك غمضة العين
|
Post: #38
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-20-2009, 11:52 PM
Parent: #24
المحامى شيقوق
يا أخى والله أخوك ما عشمان حتى فى قطيه .. قعر شجرة عرديب لها ضل .. يكفينى .. وأنا مقتنع بكده ..
وأنت حالك شنو؟ إن شاء الله لميت فى لساتك الكورولا ..!!
Quote: بريمة
انت مسجم مالك اسمعني بس
امشي عولك وايام الدرتية بعد الخريف استنفر الصبيان يمشوا يكسروا ليك النال وطوالي تعمل ليك قطية وكرنك وراكوبة تونس فيها شيابك ومحل رهيفة تنقد. سيبك من الشئ البحميك غمضة العين |
شوف يا ود شيقوق .. أنا الأيامات دى طارح نفسى رجل أعمال .. بسرعة للذين يرغبون فى كوتات الملايات الأمريكية .. السوق واقع الوطا
يا حبذا ناس السعودية والخليج.
بريمة
|
Post: #25
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-19-2009, 10:29 PM
Parent: #23
الأخ أبوالليف
شكراً على التنوير المهم .. منتظرنك فى الأتى:
| Quote: اكمل لاحقا طريقه التمويل للبناء وتلك قصه اخرى. |
وأنت تتحدث عن نسبة مرابحة أقلها 8.2% .. طيب دا الربا ذاتو .. وين الأسلام هنا .. والحكومة تقول أنها أسلامية؟
بريمة
|
Post: #36
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: AnwarKing
Date: 04-20-2009, 10:06 PM
Parent: #25
Quote: وأنت تتحدث عن نسبة مرابحة أقلها 8.2% ..
طيب دا الربا ذاتو .. وين الأسلام هنا .. والحكومة تقول أنها أسلامية؟ |
والناس الهنا دي بتأذن في مالطة يعني؟؟؟
ما قلنا دخلوا الناس المساجد...وهجموا على الأسواق...
مصيرك بكرة تتعلم يا بريمة...ولسع جاييك التقيل بتاع ناس "علي تاج الدين علي"
اللي هو...أنتا من وين...وأحسب خمسة أسماء لجدودك من ورا...
المهم ربنا يوفقك يا حبيب
أنور
|
Post: #37
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: على تاج الدين على
Date: 04-20-2009, 10:46 PM
Parent: #36
Quote: مصيرك بكرة تتعلم يا بريمة...ولسع جاييك التقيل بتاع ناس "علي تاج الدين علي"
اللي هو...أنتا من وين...وأحسب خمسة أسماء لجدودك من ورا...
المهم ربنا يوفقك يا حبيب
أنور |
التعقيد الادارى كان زمان ..اما الان هناك تصور جديد فى دوائر التخطيط
وهو ان المعركة الجديدة بعد الجنائية ...هى كيفية الارتقاء بهذا الانسان السودانى
المتفرد....فى الاستنارة والفهم...رغم الجوع والمرض والعنت ...ولذلك من الاولويات
تقديم ارقى واسرع واسهل الخدمات لسكان المهجر من السودانيين بغض النظر عن
انتماءاتهم. حتى انت ياكنج....ستذلل لك كل الصعاب ...بس خليك مواكب بمعنى اخر
قم بمراجعات باستمرار للموقف .
|
Post: #39
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 00:01 AM
Parent: #36
أنور كنج
سلامات ..
Quote: مصيرك بكرة تتعلم يا بريمة...ولسع جاييك التقيل بتاع ناس "علي تاج الدين علي"
اللي هو...أنتا من وين...وأحسب خمسة أسماء لجدودك من ورا...
المهم ربنا يوفقك يا حبيب
أنور |
طيب يا أخى ما تخلينى نخوض التجربة فى الأول .. الأحباط لزومه شنو؟
لا يا أخى أنا ليس شيخ كبير من أخوى على تاج الدين .. هم بخافوا أيضاً من الشيوخ الواصلين.
بخصوص أجدادى .. 16 جد واصلين .. بعد داك ما عارف شيئ.
تسلم
بريمة
|
Post: #26
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: على تاج الدين على
Date: 04-19-2009, 10:37 PM
Parent: #22
سلام...ياباشمهندس....بريمة
لدى صديق وزميل محامى ...متخصص فى تسجيل الشركات...وعلى دراية بقانون الاستثمار فى
السودان...وكذلك يعمل مستشارا قانونيا...لاحد الشركات العقارية التى تبنى وتبيع
بالتقسيط...ممكن نساله ليك..كما لدى صديق حميم يعمل مديرا لقسم الاستثمار بالبنك السودانى الفرنسى
يمكن نستفسره...ونوافيك بكل شئ.
تحياتى
على تاج الدين
|
Post: #27
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-20-2009, 06:04 AM
Parent: #26
يا أخ بريمة
ما تسمع كلام الناس ديل خليك معاي انا وتعال أو رسل زول وبنوريك كل شروطنا وبعدين انت شوف البعجبك
|
Post: #28
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: abullif
Date: 04-20-2009, 07:54 AM
Parent: #27
الاخ بريمه,
سلام
التمويل للبناء:
بنك السلام
1. ان تمتلك قطعه ارض فى ولايه الخرطوم لديها شهادة بحث.
2. عمل الخرط الهندسيه المجازة من اثنين من المهندسين الاختصاصيين ويكلف ذلك حوالى 8.000 ج بواسطه مكتب هندسى واقل من ذلك بكثير عن طريق معارفك.
3. الحصول على ترخيص البناء ويتطلب ذلك ان يكون (الحكر) سارى المفعول او ان يتم تجديدة ويكلف ذلك حوالى 18.000 جنيه فى احياء الدرجه الثالثه. بعد ذلك يصدر التصريح بعد دفع 3 ج فى مجموع المساحه الكليه للمبنى يشمل الطوابق المتعددة. يعنى اذا كنت تنوى تشييد مبنى من طابقين زائد ارضى يكون الحساب بجمع مساحه كل طابق وضربه فى 3 ج.
4. ترخيص من الصرف الصحى.
يقوم البنك بتمويلك بشراء (مواد البناء) وانت تدبر المقاول بمعرفتك ويكون الاستشارى من البنك. يعنى تجيب فواتير مبدئيه من السوق ويصدر البنك شيكات لصالح المحلات ولكن عليك فى هذى الخاله ان تضيف مبلغ القيمه المضافه (VAT) وهى 15% لمجموع ما يشتريه لك البنك.
لا يوجد دفع مقدم ونسبه تمويل المرابحه 8.5% سنويا.
|
Post: #29
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: abullif
Date: 04-20-2009, 09:00 AM
Parent: #28
الاخ بريمه,
اسمح لى ان اسديك هذة النصيحه لعمل مشروعك فى السودان
If you want somethiing done, Do it yourself
وسلام للجميع
|
Post: #42
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 00:29 AM
Parent: #28
أبوالليف
دى يا أخى حسابات صعبة خلاص
Quote: الاخ بريمه,
سلام
التمويل للبناء:
بنك السلام
1. ان تمتلك قطعه ارض فى ولايه الخرطوم لديها شهادة بحث.
2. عمل الخرط الهندسيه المجازة من اثنين من المهندسين الاختصاصيين ويكلف ذلك حوالى 8.000 ج بواسطه مكتب هندسى واقل من ذلك بكثير عن طريق معارفك.
3. الحصول على ترخيص البناء ويتطلب ذلك ان يكون (الحكر) سارى المفعول او ان يتم تجديدة ويكلف ذلك حوالى 18.000 جنيه فى احياء الدرجه الثالثه. بعد ذلك يصدر التصريح بعد دفع 3 ج فى مجموع المساحه الكليه للمبنى يشمل الطوابق المتعددة. يعنى اذا كنت تنوى تشييد مبنى من طابقين زائد ارضى يكون الحساب بجمع مساحه كل طابق وضربه فى 3 ج.
4. ترخيص من الصرف الصحى.
يقوم البنك بتمويلك بشراء (مواد البناء) وانت تدبر المقاول بمعرفتك ويكون الاستشارى من البنك. يعنى تجيب فواتير مبدئيه من السوق ويصدر البنك شيكات لصالح المحلات ولكن عليك فى هذى الخاله ان تضيف مبلغ القيمه المضافه (VAT) وهى 15% لمجموع ما يشتريه لك البنك.
لا يوجد دفع مقدم ونسبه تمويل المرابحه 8.5% سنويا. |
يعنى حوالى 4 ألف دولار للخرطة
حوالى 9 ألف دولار لترخيص البناء
زائد قيمة المساحة مضروبة فى 3 ج
زائد القيمة المضافة
طيب .. الواحد ما أحسن يشترى بيت جاهز بدل البلاوى دى ..
وبعدين لا يوجد دفع مقدم دى معناه .. No down payment وهذه لا تجعل القرض أسلامى. ولا شنو؟
بريمة
|
Post: #30
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: احمد العمار
Date: 04-20-2009, 09:39 AM
Parent: #27
تحياتى يا بريمة والحضور
| Quote: رسل زول وبنوريك كل شروطنا |
العزيزة / هويدا
انا سوف ارسل لك زول عشان يشوف شروطكم ان شاء الله تعجبو
أحمد العمار
|
Post: #31
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-20-2009, 10:01 AM
Parent: #30
الأخ / أحمد ما في أي مشكلة يشرف وتشرف انت كمان
|
Post: #32
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: awadharoun
Date: 04-20-2009, 11:05 AM
Parent: #31
انت وين ياهويدا في ياتو فرع شايف في البروفايل مكان العمل اركويت
هناك في فرع للبنك العقاري والا نحن طولنا من السودان
وكبي المعلومات العندك هنا احسن لينا
|
Post: #33
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: الزنجي
Date: 04-20-2009, 11:08 AM
Parent: #31
لدي بنك الخرطوم مشروع برجين بامدرمان يتم عرضهم هذة الايام بمعرض سيتي سكيب العقاري
فى الفترة من 19-23 أبريل 2009 وهو عبارة عن شقق سكنية فخمة
يمكن مراجعة الدائرة العقارية بالبنك
|
Post: #34
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-20-2009, 11:33 AM
Parent: #33
الأخ عوض هارون - اشكرك اركويت دي مكان الشغل القديم - هسع انا شغالة في الرئاسة شارع البلدية
|
Post: #43
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 00:32 AM
Parent: #30
ول ابا العمار
سلامات
Quote: تحياتى يا بريمة والحضور
|
يا أخى دى معمعة عجيبة ..
الله يهون بس
تحياتى
بريمة
|
Post: #41
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 00:09 AM
Parent: #27
شكراً مجدداً الأستاذه هويدا
صديقنى أنت رمز للخبرة السودانية فى مجال العلاقات العامة وخدمة الزبائن Customer Service Exellence Award
تسلمى
بريمة
|
Post: #40
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 00:06 AM
Parent: #26
العزيز على تاج الدين
لك التحية وألف شكر
ما بتقصر .. ووافينى ما لديك من معلومات ..
أيميلى
[email protected]
وأرجو كل من الأخوة الذين يبحثون عن مورد للبضائع الأمريكية .. وأنا أقوم بكل الأجراءات حتى الشحن وما عليهم إلا التخليص ..
فى السودان .. المجال مفتوح لدارفور وجنوب السودان وجنوب كردفان والنيل الأزرق .. بشرط البضائع لا تمر عبر مناطق حكومة الشمال (الكلام دا قرار أمريكى)
بريمة
|
Post: #35
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: اسامة كمال الخولي
Date: 04-20-2009, 05:33 PM
Parent: #1
الاخ بريمة
لك الشكر لطرح هذا الموضوع الهام ، تمنياتنا لك بالتوفيق
الاخت هويدا
لك الشكر لروح المبادرة ارجو ان توفقي في مساعدة الاخرين بحكم عملك ، ارسلت لك بريد داخلي يرجى الاطلاع عليه
مع مودتي
|
Post: #44
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: ahmed haneen
Date: 04-21-2009, 06:53 AM
Parent: #35
بريمة
تحياتي
انا ماشي بكرة السودان .. وبجيب ليك خبر هويدا دي
يا هويدا شرف الدين ..
نلم فيك وين ..؟
وفي ياتو قسم من البنك ..
يمكن ناس البنك ديل ما يدخلونا قبال ما ندفع الضرائب
|
Post: #45
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-21-2009, 07:12 AM
Parent: #44
أشكر جميع المتداخلين واليوم حا انزل ليكم الشروط العامة وبعد كدا أي زول عندو حاجه خاصة يجينا براهو ويا أحمد حنين تجي بالسلامه بعد ما تجي السودان (وما تنسي الهدايا) تجي الرئاسة واقعه شمال مجمع الإنقاذ الطبي - شارع البلدية تدخل بالباب البفتح شرق تجي في الإستقبال تقول ليهم عاوز اقابل هويدا شرف الدين - المدير التنفيذي أها يا جماعه الزول دا بعد كدا قصرت معاهو
|
Post: #46
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: صلاح الدين عبدالله محمد
Date: 04-21-2009, 08:46 AM
Parent: #45
ااخى بريمة
انت موضوعك التقسيط
لك نصيحة مجرب
اياك واياك
من البنوك بالسودان
تدي قروشك لى واحد هناك ياكل النص ويعمل ليك الدايرة افضل
وبعدين ناس الجهات الحكومية جنهم اكل بالواضح المباشر
عشان تخلص الورق القالوه ليك دا انت ضربت التكلفة الرسمية البتمشى للدولة بالمستندات
ولكن عشان تصل ليها حا تدفع كم غير الرسمى تحت اى مسمى دى ماتفوتك
|
Post: #47
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-21-2009, 09:31 AM
Parent: #46
حا اوريك شويه شويه اوكي
عندنا اول حاجه
المرابحه والمشاركه والمقاوله والمضاربه والسلم وكلو
بس نتكلم عن المقاوله
وهي تشييد مبني بمواصفات معينه يحددها العميل ويتفق علي سداد الأقساط
شروط التمويل وفقا لصيغة المقاولة:-
إستيفاء كافة المستندات والمعلومات الأساسية لتقديم طلب التمويل.
إستخراج شهادة بحث جديده بغرض التأكد لأغراض الدراسه والتقييم للعقار المراد رهنه.
تقييم العقار المراد رهنه بواسطة الإداره الهندسيه للبنك.
الحصول علي تصريح بناء للعقار المراد تشييده واعتماد الخرط والرسومات الهندسيه من الجهات المختصه
اعداد التقديرات الماليه من المقاول المنفذ
في هامش ارباح للبنك
قسط اول حوالي 20% من تكلفة المشروع
وبتم ليكم الباقي
|
Post: #48
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-21-2009, 09:57 AM
Parent: #47
Quote: عاوز اقابل هويدا شرف الدين - المدير التنفيذي
أها يا جماعه الزول دا بعد كدا قصرت معاهو |
من هسي يا هويدا خلي اسمي في الريسيبشان
في قائمة شهر يوليو 2009
ومن هسي انا غير ارض في الازهري درجة اولي ما عندي شي
بديكم ليها انتو ابنوها...وشيلو حقكم مطبوق...وخلوا لي البناء
بعد ما تشيلو حقكم ...او تبنوا لي اوضتين وتشيلوا الباقي غتاس
اذا كما بتبنوا بي ضمانات الاغتراب ممكن احول ليكم بضمان السفارة
|
Post: #49
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-21-2009, 10:26 AM
Parent: #48
يا نزار ما عنك مشكله بس تجي بالسلامه
|
Post: #50
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 11:44 AM
Parent: #45
أحمد حنين
منتظرين تفاصيل التفاصيل بعد المقابلة مع المدير .. الأستاذه هويدا
شهرى يوليو قريب للحى إن شاء الله.
بريمة
|
Post: #52
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 11:52 AM
Parent: #50
المدير التنفيذى للبنك العقارى الأستاذه هويدا شرف الدين
هنا مربط الفرس ..
Quote: شروط التمويل وفقا لصيغة المقاولة:-
1- إستيفاء كافة المستندات والمعلومات الأساسية لتقديم طلب التمويل.
2- إستخراج شهادة بحث جديده بغرض التأكد لأغراض الدراسه والتقييم للعقار المراد رهنه.
3- تقييم العقار المراد رهنه بواسطة الإداره الهندسيه للبنك.
4- الحصول علي تصريح بناء للعقار المراد تشييده واعتماد الخرط والرسومات الهندسيه من الجهات المختصه
5- اعداد التقديرات الماليه من المقاول المنفذ
6 هامش ارباح للبنك
7- قسط اول حوالي 20% من تكلفة المشروع
|
أرجو أن تبدأى لينا واحد واحد وبتفاصيل التفاصيل ..
أدى واحد من الموظفين مستندات الشروط وخليهو يطبعها ليك فى الكمبيوتر .. وأنت تعملى copy and paste حتى ما نأخذوا من زمنك أكثر من اللزوم.
تحياتى
بريمة
|
Post: #51
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: ahmed haneen
Date: 04-21-2009, 11:52 AM
Parent: #45
| Quote: ويا أحمد حنين تجي بالسلامه بعد ما تجي السودان (وما تنسي الهدايا) تجي الرئاسة واقعه شمال مجمع الإنقاذ الطبي - شارع البلدية تدخل بالباب البفتح شرق تجي في الإستقبال تقول ليهم عاوز اقابل هويدا شرف الدين - المدير التنفيذي أها يا جماعه الزول دا بعد كدا قصرت معاهو |
شكرا اختي هويدا ...
وهديتك جاهزة ... (ايسكريم شطة بالشوكلاته.. رهيب)
وبعدين يا هويدا اختي قالو بنككم دا ..فلس ...
وبقيتوا تفنشوا في الناس ..
ان شاء الله لي بكرة نلقاك قاعدة في وظيفتك
|
Post: #53
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 11:58 AM
Parent: #51
الأخ صلاح الدين
سلامات ..
Quote: ااخى بريمة
انت موضوعك التقسيط
لك نصيحة مجرب
اياك واياك
من البنوك بالسودان
تدي قروشك لى واحد هناك ياكل النص ويعمل ليك الدايرة افضل
وبعدين ناس الجهات الحكومية جنهم اكل بالواضح المباشر
عشان تخلص الورق القالوه ليك دا انت ضربت التكلفة الرسمية البتمشى للدولة بالمستندات
ولكن عشان تصل ليها حا تدفع كم غير الرسمى تحت اى مسمى دى ماتفوتك |
تجربتك يبدو عليها غير سعيدة ..
يبدو عليك ممكون شديد ..
كده بالله شاركنا فى تفاصيلها .. أى بنك وكيف كانت صيغ المرابحة أو الأقساط وغيرها
بريمة
|
Post: #54
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-21-2009, 12:36 PM
Parent: #53
الأخ احمد حنين
فعلا البنك مر في الشهور الفاتت بمشاكل سيوله كبيره لكن البنك الأن تحت اشراف وادارة بنك السودان المركزي يعني ما في أي مشاكل الآن
|
Post: #55
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-21-2009, 12:54 PM
Parent: #54
وحتى تعم الفائدة هنا صفحة كل البنوك العاملة فى السودان:
http://www.bankofsudan.org/arabic/id/bankingsystem/banks.htm
والصفحة يبدو عليها معدة بواسطة بنك السودان.
أنا ذاتى ما عارف بنك السودان بعمل فى شنو؟ ليه ما يتبنى حكاية العقود وضمان المغتربين؟
بريمة
|
Post: #56
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: معاوية المدير
Date: 04-23-2009, 05:10 AM
Parent: #55
أخي بريمة...
ســلامـ...
لك جزيل الشكر علي هذا البوست المعلوماتي المفيد.
لي بعض الإستفسارات, كلفني أحد أصدقائ أن أطرحها عبر
مساحتكم هذه املآ أن نجد عندكم الجواب الكافي.
تتلخص الإستفسارات في الآتي:
قطعة أرض مساحتها 45 متر.
عرضها 30 متر.
طولها 15 متر.
المراد تشييد(فلآ) علي هذه الأرض في حدود:
24 عمود.
بدون تقفيل (هيكل) مع بدرون (pasement).
الرجاء من أهل الإختصاص مساعدتنا في معرفة سعر التكلفة.
كما أطلب من الأخت هويدا محاولة أفادتنا بخصوص التمويل,
وكيفية الإتصال بالبنك...
لكم مني جزيل الشكر ...
|
Post: #57
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-23-2009, 05:51 AM
Parent: #56
والله مشغوله شويه لكن خلال اليوم بوافيكم بشروط التمويل العقاري فقط
لأني شايفه كل المتداخلين عاوزين يبنو اراضيهم
تلفون البنك
0024983777917
|
Post: #58
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: حسين نوباتيا
Date: 04-23-2009, 06:37 AM
Parent: #57
اخونا بريمة ازيك
Quote: مبلف التمويل لا يزيد عن نصف مرتبك الشهرى مضروبا فى فترة التمويل وهى 60 شهر لبنك السلام و15 عاما لبنك الخرطوم.
اصدار شهادة من مخدمك بتحويل كافه مستحقاتك للبنك فى حاله تركك العمل او اى سبب اخر يمنعك من دفع اقساطك الشهريه.
دفع 10% مقدم التمويل ( السلام) و15% (الخرطوم)
نسبه المرابحه(السنويه) 8.5% للسلام وتتراوح بين 8.2 و9.5 (حسب فترة التمويل لبنك الخرطوم).
رسوم اداريه للرهن وخلافه حوالى 6 الف جنيه.
وللحقيقه مستوى الخدمه ممتاز فى هذين البنكين ومافى تتلته كتيرة بعد ان تقدم كافه المستندات المطلوبه.
الان الى الحساب: منزل بجبرة مربع 18 ( احسن مربع) يبلغ حوالى 250 الف جنيه ، مساحته 300 متر ومبنى طابق ارضى بطريقه Load Bearing ,اى حاله وسط بين البناء التقليدى ونظام التسليح الخرسانى وهذا المنزل لايحتمل سوى طابق ارضى واول وللحقيقه يكون جيد جدا لسكن الاسر الصغيرة. واذا تمنكنت من اعلاة واشترى البنك منزلك السعيد لمدة 10 سنوات عليك دفع مبلغ شهرى حوالى 3.500 جنيه شهريا= 1800 دولار .
|
والله الحسبة دي اخير منها عقود العمل بتاعت المصري لماليزيا!!!
دا نهب مصفح بالعقود و لا انصح احد بالسقوط فيه..
بعدين يا بريمة الحسبة ما 168k$ بل 216k$ دا غير 13k$ مقدم ..اضافة 3k$ رسوم رهنية يعني 232k$
دي تشتري ليك بها بناية 3 طوابق في امريكا مع السوق الواقع ده و تسكن مجانى وتجمع ليك بالميت 1000$ ايجارات
|
Post: #59
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: حسين نوباتيا
Date: 04-23-2009, 07:14 AM
Parent: #58
اخونا ابوالليف
انت زول مفيد جدا وشكرا علي المعلومات القيمة ..
لو سمحت انا عندي سؤال بخصوص الاتى
Quote:
لا يوجد دفع مقدم ونسبه تمويل المرابحه 8.5% سنويا. |
طيب ما هو العمل اذا ذادت تكلفة بناء المنزل قيمة مبلغ القرض المصدق به ..
مثلا اذا افترضنا ان المبلغ المصدق به هو ال250 الف لبناء منزل ما
وبما ان الدفع يتم بفواتير لاصحاب المحلات مباشرة ناقص القيمة المضافة ال15% الذي يقوم بدفعها صاحب القرض
و صعود الاسعار المعروف..واذا عرفنا ال250 الف حددت بناءا على الحد الاقصى لراتب العميل ال50% من الراتب الشهري "يعني ما في امكانية زيادة"
طيب اذا التكلفة الحقيقية كانت 300الف من الذي ياتى بالفرق؟؟ هل يمدد البنك فترة الدفع ام ماذا؟؟
بعدين كلمة مرابحه دي فضفاضة !! يعني هل تضاف ال21250 وهي قيمة حسبة ال8.50% في المثال اعلاه مرة واحدة فقط و تصبح القيمة المستحقة الدفع هي 271250
دون تغير في الحسبة نهائيا ..ام هي تسمية اسلامية لسعر الفائدة و يمكنها التذبذب صعودا و نزولا..
|
Post: #60
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-23-2009, 07:16 AM
Parent: #58
| Quote: يا نزار ما عنك مشكله بس تجي بالسلامه |
ان شاء الله نحي لا الزمن داك والبوست دا ما يأرشفوه
قولي لي ليه يا هويدا؟؟
لي زي عشرين سنة برة السودان
وكل القدرت عليه قطعة ارض الازهري دي
وكل ما اجي اقول ابنيها...يكون عندي خمسة مليون والمقاول يقول عايز 250 مليون
يعني يكون عايز ليه خمسين زي خمسة مليوني دي...
اها مشيت ساككت ناس (الثري دي بانيل) ودي طريقة في البناء ادانا ليها
ناذر الخليفة حي الدنيا دا...برضو لقيتهم عايزين عشرين زي خمسة
مليوني دي...
قنعت كلو كلو وقلت ابني طين...ابو يدوني تصديق
قالوا دي درجة اولي ولازم تتبني بمواصفات معينة
تقول عايزين يسكنوا هم!!!
قلنا نبدلها بي درجة تالتة والفرق + الخمسة مليون نبني بيه جالوص
وهو غير الطين القبيل داك...
لقيت درجة تالتة في الازهري اغلي من درجة اولي في الازهري
وطلبوا مني اديهم خمسة مليوني دي ومعاها القطعة الدرجة
اولي حتين يدوني درجة تالتة بي غادي لي السكة حديد...
سافرت ورجعت لقيت درجة اولتي بنو جنبها كلية شنو كدي الطبية
مشيت حنست الحارس قلت ليه اديني كسار الطوب دا...
قال لي عايز خمسة مليون!!!! واصلها ياها زاتا في كل مرة
بجي بيها,,,(انت قايلاها موفرها (دي ما حقوق الاجازة)
اها المرة التانية لقيت الكلية سوروها بي سلك (شايك)
(نحن بنقولها كده) والحارس ما فيش...وزول انضم معاه
ساكت ما لقيتو...دحين لقيتك هسي...ما تسوي لي سوات
ناس الحكومة والحارس...واجي القي البنك العقاري
سوروه...والله تتغابي في بوستيك دا العرفة...
والله تعايني لي بي فوق لي النضارة...ياهن خمسة مليوني زاتن
وقطعتي وانا...بجوك بي خشم الباب...كان خليتوهن يدخلن...
يا حسين نوباتيا...اقتراحك وجيه بشأن امريكا لكن باقي ليك محارس المطارات
دا بنقدر عليه...(بوووو) وتلاتة ساعات في امستردام...وبووو وترانسيت في
نييورك....وبوووو وتكسي لي شيكاغو (وبعدين سيد التكسي زاتو نقول ليه شنو.
الا يكرمنا القدر بي ود هباني ونقول ليه نحن اهل هيثم الدندر حتين ينستر معانا
|
Post: #61
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: حسين نوباتيا
Date: 04-23-2009, 07:39 AM
Parent: #60
نزار الرجل اللذيذ " راعي البلطي"
ده كلام شنو يا ولدنا 3D Panel بقى غالى كدة؟؟
طبعا انا قافل عليهو بكل كروتي.. لانو عندي صديقي بداء البناء قبل عشرة سنين
وانتهي قبل شهر لفيلا بسيطة و هو صاحب الارض .. كلفه البناء 314000$
وكان بمشي الصين براهو يجيب الابواب والشبابيك والمواسير وخلافه ..
الزول ده كان صغيروني ووجيه قبل المشروع دا ..والله يا نزار تشوفوا هسي بقى دي
العندوا الزهايمر تجيب ليهو سيرة البناء في السودان بتشوف عينو اتملات دموع وتمسكوا العبرة..
بعدين شيكاغو شنو تعال لاخوك هنا في East cost طيارة واحدة تكون في بطن الحوش
|
Post: #62
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-23-2009, 07:59 AM
Parent: #61
الأخ نزار
اول حاجه ابدا ليك بالمهم - انت قايلني عجوز ذيك ولابسه نظارات ،
ثانيا ودا الأهم تجي بالسلامه بس خلي التلفون اعلاه معاك وما عندك مشكله وبالأمس وصولوني ناس ما مشتركين في سودانيز بس قروا الموضوع وعرفو المكان وجو طوالي ووجهناهم للإدارات المختصة وما عندك مشكله
|
Post: #63
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-23-2009, 09:37 AM
Parent: #61
Quote: نزار الرجل اللذيذ " راعي البلطي"
ده كلام شنو يا ولدنا 3D Panel بقى غالى كدة؟؟
طبعا انا قافل عليهو بكل كروتي.. لانو عندي صديقي بداء البناء قبل عشرة سنين
وانتهي قبل شهر لفيلا بسيطة و هو صاحب الارض .. كلفه البناء 314000$
وكان بمشي الصين براهو يجيب الابواب والشبابيك والمواسير وخلافه ..
الزول ده كان صغيروني ووجيه قبل المشروع دا ..والله يا نزار تشوفوا هسي بقى دي
العندوا الزهايمر تجيب ليهو سيرة البناء في السودان بتشوف عينو اتملات دموع وتمسكوا العبرة..
بعدين شيكاغو شنو تعال لاخوك هنا في East cost طيارة واحدة تكون في بطن الحوش |
انت يا حسين بي كأساتك الشافتن عيني دي داير تبني بي ثري دي بانيل؟
كان كدي نحن الطين ما نعشم فيه!!!
وصاحبك دا قول ليه البركة في شوفة عبرتك المتأخرة دي..
يا صاحبي انا مشيت ابدأ في اجراءات ترخيص البناء بس
و قالوا لي امش كدا وامش كدا وجيب كدا وجيب كدا وشوف
المساح واملي الفورمة ديك وروح المجاري وامش ناس الكهرباء
وراجع ناس التخطيط... عرفت ان الموضوع اكبر من عبرة صاحبك دا
فعبرة صاحبك العندو 314 الف دولار دي زغريد فرح ساكت..
نحن زي عبرتو دي نرمي ليها في الودع...ويمكن لو وصلتها
اعزم صاحبي حافظ عبدالرحمن يعزف لي في يوم عبرتي الكبري...
اما بخصوص عيزومتك للايست كوست فشكرا عليها يا حبيب...وهي مقبولة تب...وربنا يسهل
|
Post: #64
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-23-2009, 09:48 AM
Parent: #63
Quote: ثانيا ودا الأهم تجي بالسلامه بس خلي التلفون اعلاه معاك وما عندك مشكله
وبالأمس وصولوني ناس ما مشتركين في سودانيز بس قروا الموضوع وعرفو المكان
وجو طوالي ووجهناهم للإدارات المختصة وما عندك مشكله |
توجهيني لادارات مختصة ما قروا البوست دا؟
وبدل ما تعايني لي براك (من فوق لي الما نظارات)
يعاينوا لي جماعة...ويدوني شاي ويطردوني؟
لا
احسن تطرديني انت...ولا من شاف ولا من دري
الادارات المختصة اتلقي كل واحد فيهم مشترك في بورد
وتاني يوم...القي ليك السايبر دا كلو...
(بلاي شفت الراجل اب نضارات المبهدل داك...قال عايز يبني قال!!!!
ولوووووووووووووووووووووووووووووووووووووووووووووووووووول
بلاي ما شفتو يتراجف ويقرأ في سروا...ويمرق في الورق
من جيوبوا كيف؟؟؟ ولوووووووووووووووووووووووول
وكمان قال بيعرف المديرة...(ههههههههههههههههههههههه)
عرفة الانترنت دي عرفة هي...طيب ما اوباما قاعد يكتب
في الانترنت...مالو ما قال رسلو اوباما (لوووووول)
وعامل فيها مغترب كمان...قول لي عمك داك واظنو مشترك في سودانيزاونلاين
الباشمهندس هيثم بتاع المشروعات الفي البنك العقاري قال ليك
هاك الطوبة دي...(ولوووووووووووووووووووووووووووووول)
واطلع منكم بي فضيحة ولوووووووووووووووووووووووووول
|
Post: #65
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: abullif
Date: 04-23-2009, 10:15 AM
Parent: #64
الاخ حسن نوباتيا,
اشكرك,
البنك بصدر كل الشيكات مرة واحدة وفى يوم واحد وبى كدة نتجاوز مفارقه الاسعار. السؤال الان هو كيف تكمل البناء بعد ان توفرت المواد المطلوبه ( دة بافتراض او سقف تمويلك يشترى كل المواد) والاجابه انو عليك ان تدفع للعماله ( يمكم تكون مباشرة ودة بقلل التكاليف لكنو بضاعف ضغط الدم....) او ان تستعين بمقاول وهو اكثر كلفه , يعنى , لا بد من وجود مبلغ حوالى 30% من قيمه التمويل حتى تكمل بناءك. يوجد خيار شراء الشقق الجاهزة وبنك الخرطوم لديه شقق فى حى النصر ( مقابل عفراء فى شارع افريقيا ) لكن اسعارها جد مرتفعه. سعر الشقه مساحه 80 متر حوالى 170.00 ج تدفع 15% مقدما وتسكن فورا.
فكرة التمويل لا تنجح بدون استثمار العقار , الافضل تشترى عقار جاهز به طابق ارضى واول وتقوم بتاجير جزء او كل العقار حسب حوجتك للسكن.
ارجو ان اكون اجبت على سؤالك.
ابواللبف,
|
Post: #66
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: abullif
Date: 04-23-2009, 10:35 AM
Parent: #65
الاخ حسين,
قيمه المرابحه لا تتغير , اليك مثال
ملبغ التمويل : 100.000ج
نسبه المرابحه 8.5% مضروبه فى الرقم اعلاة فى عدد سنوات التمويل ( مثلا 10) يساوى 85.000 ج
نضيف مبلغ التمويل لنسبه المرابحه لتصبح 185.000 ج
نقسم المبلغ اعلاة على عدد الشهور لتحصل على المبلغ الشهرى
185.000/120 يساوى 1541 ج شهريا.
فى حاله دفع مقدم ال 15% ، يخصم من مبلغ التمويل وتكرر العمليه.
وشكرا
|
Post: #67
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-23-2009, 12:05 PM
Parent: #66
يا سلام يا شباب
والله ما قصرتوا .. نورتونا بالزيادة .. ولكن للحقيقة أخوكم وناسوا قنعوا من خيراً فيها تب.
عشمى فى السلام .. ومراح البقر .. وديك الدجة فى الوادى .. لا غابات أسمنت لا وهم.
بريمة
|
Post: #68
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-23-2009, 02:25 PM
Parent: #67
Quote: ملبغ التمويل : 100.000ج
نسبه المرابحه 8.5% مضروبه فى الرقم اعلاة فى عدد سنوات التمويل ( مثلا 10) يساوى 85.000 ج
نضيف مبلغ التمويل لنسبه المرابحه لتصبح 185.000 ج
نقسم المبلغ اعلاة على عدد الشهور لتحصل على المبلغ الشهرى
185.000/120 يساوى 1541 ج شهريا.
فى حاله دفع مقدم ال 15% ، يخصم من مبلغ التمويل وتكرر العمليه.
وشكرا |
في حالتي اذا عايز تمويل 200 مليون في عشرة سنين يعني اضرب الارقام الفوق دي
في اتنين واقسمها علي 240 ويكون علي ان ادفع للبنك 3028 شهريا...
لا...انا عايز اقاسم البنك في بيتي...هو يدفع 100 وانا ادفع مية
بعد ما يقيموا الارض واذا عايزين فرق حا ادفع ليهم بعد ما يبنوا
ويسجلوا البيت او الاي حاجة يشوفها البنك بيناتنا هم نص وانا نص
وكل زول يدوهو نصوا ان شاء الله يشربو
|
Post: #69
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: ناذر محمد الخليفة
Date: 04-23-2009, 07:29 PM
Parent: #68
نزار حسين ..
Quote: وكل ما اجي اقول ابنيها...يكون عندي خمسة مليون والمقاول يقول عايز 250 مليون
|
أنساك من المتين وخمسين مليون ..
أديني خمسين مليون في يدي وأنساني شهرين كدي ..!
لو الإجازة الجاية نزلت مع ناس نسيبتك تعال أسألني ..!!
ودا تحدي بتاع جعليين ..!!
رايك شنو ؟!!
|
Post: #71
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: حسين نوباتيا
Date: 04-24-2009, 08:07 AM
Parent: #66
اخونا ابو الليف مشكور على التنوير..
نعم قد اجبت على سؤالي ..رغم ان الاجابة كانت محبطة جدا ..
لانها تعني ان البنك غير معني بتمام البناء بل جل همه ان يخصم
نصف الراتب كل اول كل شهر بغض النظر عن اكتمال الاستثمار واستفادة صاحب القرض منه..
اما الاتي
Quote:
الاخ حسين,
قيمه المرابحه لا تتغير , اليك مثال
ملبغ التمويل : 100.000ج
نسبه المرابحه 8.5% مضروبه فى الرقم اعلاة فى عدد سنوات التمويل ( مثلا 10) يساوى 85.000 ج
نضيف مبلغ التمويل لنسبه المرابحه لتصبح 185.000 ج
نقسم المبلغ اعلاة على عدد الشهور لتحصل على المبلغ الشهرى
185.000/120 يساوى 1541 ج شهريا.
فى حاله دفع مقدم ال 15% ، يخصم من مبلغ التمويل وتكرر العمليه.
|
فهذا لعمري العن من سعر الفائدة بكثير لانها تحسب مقدما و تضاف للقيمة الكلية للقرض once and for all
في حين ان سعر الفائدة يعاد حسبته كلما نقصت قيمة القرض بناءا على الدفوعات الشهرية..
يعني لو اخذنا مثالك هذا قيمة القرض 100000 مضروب في سعر الفائدة الثابت 8.5% مقسوم على عدد شهور السنة 12 الناتج = قيمة الفائدة الشهرية= 708
و قمنا بطرح قيمة الفائدة الشهرية 708من الدفعة الشهرية 1541 ثم نطرح الناتج 833من القيمة الكلية للقرض 100000= القيمة المتجددة للقرض 99167
والفرق هنا يا عزيزي ان نسبة ال8.5% في المرابحة تضرب في القيمة الاصلية للقرض باستمرار في حين في سعر الفائدة تضرب على القيمة المتجددة للقرض
يعني بالارقام الفرق كالاتي..
الارباح التى يحصلها البنك من صاحب المنزل بالمرابحة = 85000
الارباح التى يحصلها البنك من صاحب المنزل باعمال سعر الفائدة = 48799
و في كلى الحالتين النسبة ثابتة 8.5% و قيمة القرض ثابتة 100000 و مدة الدفع ثابتة 10 سنين
اذن هذة المرابحة ما هي الا ذبح للمواطن بصورة اسلامية "بعد توجيهه شطر القبلة"
وبرضو يقولوا ليك سعر الفائدة حرام!!!!!!!!!!!
|
Post: #70
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: حسين نوباتيا
Date: 04-24-2009, 06:24 AM
Parent: #63
يا ولدنا كاسات شنو ؟؟ قطعت قلبي.. قلت اخش احلف اقول ليك والله داك كان عصير تفاح.. لكني لقيتك قاصد كاسات تانية!!!
تعرف يا نزار.. المجهود البزولوا صاحبي دا كان كفيل ببناء قرية سياحية في اي دولة اخرى غير السودان لانو عمل كل الحاجات by the book
يعني الجهد المبزول اكتر بكثير من الانجاز لدرجة ان الانجاز بكون لا طعم له في النهاية ..
يا زول اسمع كلامي و شوف عرض ناذر ده احتمال تفرج على ايدوا وانا واقف وراك في الصف..
مع انو مرات بفكر واقول بدل الزول يضيع قريشاتوا في البلد المافيها كهرباء دي اخير الزول يمشي يشتري ليهو ضيعة في الهند في راس جبل و يلبد هناك..
|
Post: #72
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-24-2009, 09:54 AM
Parent: #70
Quote: أنساك من المتين وخمسين مليون ..
أديني خمسين مليون في يدي وأنساني شهرين كدي ..!
لو الإجازة الجاية نزلت مع ناس نسيبتك تعال أسألني ..!!
ودا تحدي بتاع جعليين ..!!
رايك شنو ؟!! |
تعرف يا ناذر تحديك دا دفعني الي ان اطمع
قي الخمسين دي تبني لي ارضي وطابق..
وسرحت قلت ناذر دا الا يعمل جمال والي
ويدخل ايدو في جيبو عشان المقصورة تبين
عموما انا قبلان...ان شاء الله بيت جالوص
بس يكون بيت...نص بيت بكري الهناك
وحا اجيك شهر سبعة حضر عودك...(ما عايز ليه اوتار؟)
|
Post: #73
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: حامد محمد حامد
Date: 04-24-2009, 11:43 AM
Parent: #72
| Quote: وحا اجيك شهر سبعة حضر عودك...(ما عايز ليه اوتار؟) |
نزار اخوى
بالله سوقنى معاك
عندى عرض مغرى لناذر الخليفة
|
Post: #74
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: ناذر محمد الخليفة
Date: 04-24-2009, 05:01 PM
Parent: #73
مرحب بيك حامد ..
|
Post: #75
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: Biraima M Adam
Date: 04-24-2009, 05:18 PM
Parent: #74
ناذر
دخل أخوك برضوا فى حكاية الخمسين مليون وأنا جاهز يوم 15 أغسطس.
أها النشوفو أخرتها مع الجعلى
بريمة
|
Post: #76
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: هويدا شرف الدين
Date: 04-27-2009, 07:01 AM
Parent: #75
ملخص تصديق العملية التمويلية
وهي الإجراءات والخطوات اللازمة من مرحلة فتح الحساب وحتي تصديق العملية التمويلية
1. تقديم طلب للتمويل بالفرع المعني.
2. إستيفاء كافة المستندات المطلوبة لمنح التمويل.
3. فتح حساب.
شروط المقاوله بصوره عامه
1. تصريح بالبناء وخرط مصدقه.
2. الخرط تصدق من الإدارة الهندسيه.
3. شهاده بحث.
4. جداول الكميات.
5. شهاده توضح التدفقات النقديه لمعرفة من أين سيتم سداد الأقساط.
6. يتم رهن القطعه للبنك وتعطي 65% من قيمة الأرض للبناء ، لكن إذا وجدت ضمانات أخري تزداد قيمة المبالغ للبناء.
7. المقدم يتراوح بين 10% إلي 20% من قيمة البناء.
8. كلما ذاد المقدم قلت قيمة الأقساط.
9. توجد بالبنك إدارة هندسية ومقاولون.
|
Post: #77
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: النورس الحزين
Date: 04-27-2009, 07:58 AM
Parent: #76
و الما إشترى أرض لسه يقيف فى الصف دا ولا كيف
كدي بالاول أدونا معلومات عن أسعار قطع الاراضي درجة أولي فى المناطق الثلاث الخرطوم بحري و امدرمان ( بصورة تقريبية ) المساحة تكون بين 450-500 متر مناطق ( الازهري - المجاهدين - الفيحاء - الشهيد طه الماحي - )
بعداك الزارعا الله بتقوم
|
Post: #78
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-27-2009, 08:16 AM
Parent: #77
| Quote: الازهري - المجاهدين - الفيحاء - الشهيد طه الماحي |
ديل كلهن في الخرطوم...
في ام درمان وبحري نفتش ليك وين؟
اها الازهري درجة تالتة من 20 الي 40 حسب المربع والخدمات والجيران
ودرجة اولي برضو حسب الكلام الفوق دا من خمسين وانت طالع
المجاهدين دي...ما فيها زول عايز يبيع...لانو مربوع قدام الازهري
الفيحاء وطه الماحي دي من خمسين وانت طالع...
الخرطوم الزمان...من نمرة اتنين وانت طالع لا نهاية الصحافات وجبرات
بي مليارات وميات...تمشي كمان بي هناك علي الشجرات والكلاكلات بي خمسينات
تجي بي جاي علي عبيد ختم والرياض والمنشيات بي مليارات...
تمشي بي غادي بري بي ميات (لكن الميات الفووق ديك)
امدرمان البنعرفها زمان ديك...مافي زول ببيع ولا في زول بيقدر يشتري
الا الحتات الجديدة...القريبة للابيض دي بي خمسة مليون واتنين مليون
وكدة...اها نجي لي بحري...برضو بحري الفي راسك ديك ينطبق عليها
ما ينطبق علي ام درمان...الا تجي الخوجلاب...والوادي الاخضر ومدينة
الصحفيين ...والحتات دي بي اتنين وتلاتة...ناس الاملاك والشعبية
والصافية..وشمباتين...ديل ما فيهن طريقة...ناس الدروشاب والسامراب
ديك بي عشرينات...(قصرت معاك)
|
Post: #79
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: النورس الحزين
Date: 04-27-2009, 08:29 AM
Parent: #78
و الله يا نزار تب ما قصرتا
لكن ياخ فى إجازتي القريبة دى شهر 2 الفات كنت كرة يتقاذفها السماسرة بطريقة السهل الممتنع
لفيت ليك الحتات دي كلها و إليك المحصلة و قارنها مع ما تفضلت به (كان غشوني قول لي لانى شاكي )
الازهري مربع 1 او 2 فى حدود ال100-120
الازهري مربع 29 خلف المدينة الرياضية بحدود ال170 المساحة تلتميات
المجادهين تلتميات برضو بحدود ال250
المعمورة بحدود ال150-170 قريبة من دال ولا شنو ما عارف
جبرات التاشرات بحود 100-120
الشهيد طه الماحي بحدود ال200-220
بحري الفيحاء او حي الجامعة على شارع القذافي 450-500متر بحدود ال200 الى 230
مربعات الجريف 150-250
امدرمان الفيحاء ولا اسمها شنو البعد مدينة النيل بحدود ال100-110
|
Post: #80
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-27-2009, 08:50 AM
Parent: #79
Quote: الازهري مربع 1 او 2 فى حدود ال100-120
الازهري مربع 29 خلف المدينة الرياضية بحدود ال170 المساحة تلتميات
المجادهين تلتميات برضو بحدود ال250
المعمورة بحدود ال150-170 قريبة من دال ولا شنو ما عارف
جبرات التاشرات بحود 100-120
الشهيد طه الماحي بحدود ال200-220
بحري الفيحاء او حي الجامعة على شارع القذافي 450-500متر بحدود ال200 الى 230
مربعات الجريف 150-250
امدرمان الفيحاء ولا اسمها شنو البعد مدينة النيل بحدود ال100-110 |
يا اخي ديل غشوك ساي وبس...ديل ضربو ليك في اتنين عديل كدي
الازهري مربع 29 بي 170؟ اذا قالوا ليك بيت معقولة
المجاهدين دي يمكن...لأنها قطع قليلة...وشغالين فيها حريق مما وزعوها
بحري الفيحاء بي مية بس
ام درمانات دي الاحياء الجديدة فيها كان فيحاء كان غيرها
اولا بعيدة وتانيا...دي اسعار سماسرة ساكت...برضو بي نص
الاسعار دي بتلقي...
ويتخيل لي الناس الادوك الاسعار ادوك اسعار بيوت ما قطع فاضية..
|
Post: #81
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: النورس الحزين
Date: 04-27-2009, 09:32 AM
Parent: #80
و الله يا نزار تصدق ما بيوت
قطع عديل
كدي انت قاعد فى البلد ولا برة
لانو لو برة بتكون محتاج تعمل ابديت
و كان جو البلد محتاجين مساعدتك زى ما انت محتاج مساعدة ناس البنك العقاري هههه
|
Post: #82
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: ابوعبيدة حسن محمد
Date: 04-27-2009, 10:10 AM
Parent: #81
ياريت ناخد فكرة عامة عن اسعار مواد البناء وصلت وين ( ارتفعت ،انخفضت، مستقرة)؟
والتكاليف المذكورة فوق هل خاضعة لتغيرت اسعار مواد البناء ام ثابتة ؟
|
Post: #83
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: nazar hussien
Date: 04-27-2009, 10:19 AM
Parent: #82
Quote: الله يا نزار تصدق ما بيوت
قطع عديل
كدي انت قاعد فى البلد ولا برة
لانو لو برة بتكون محتاج تعمل ابديت
و كان جو البلد محتاجين مساعدتك زى ما انت محتاج مساعدة ناس البنك العقاري هههه |
لا كان كدي دايرين يغشوك..
انا قاعد برة لكن اعتبرني كمساري طيارات...ما غبيت من البلد كتير
قبل تلاتة اسابيع كنت هناك...وعارف الاعيب السماسرة كويس...
انت كان سعلت ساكت بدوم الاسعار دي وكان دخلت ايدك في جيبك
بقسموها ليك النص...
وبعدين تاني ماشي قريب جدا....بس انت وريني عايز وين بالتحديد
عشان اجيب ليك بي نص اسعارك الادوك ليها دي...وبعدين المسألة المهمة
هي انو ما يغشوك ويبيعوا ليك قطعة بايعنها تلاتين مرة...دي شغلانة
دايرة مساكك في الاراضي...وتكون شاهد علي استخراج شهادة البحث لغرض
البيع من فرنها طازجة ما يجيبوها ليك بايتة...امكن تسممك
|
Post: #84
Title: Re: أستفسارات عن بنوك وشركات التمويل العقارى فى السودان .. هل من يعرف شركة تبنى منازل بالأقساط.
Author: النورس الحزين
Date: 04-27-2009, 10:10 PM
Parent: #83
و الله يا عم نزار شغلك نضيف
Quote: ..وبعدين المسألة المهمة
هي انو ما يغشوك ويبيعوا ليك قطعة بايعنها تلاتين مرة...دي شغلانة
دايرة مساكك في الاراضي...وتكون شاهد علي استخراج شهادة البحث لغرض
البيع من فرنها طازجة ما يجيبوها ليك بايتة...امكن تسممك |
دا زاتو المطير النوم
|
|