Post: #1
Title: عيادات العلاج بالقران فى الخرطوم
Author: هاشم نوريت
Date: 04-19-2009, 04:32 AM
تلفزيون الانقاذ نقل اليوم بعضا من صور عيادات العلاج بالقران هكذا وصفها والمريض ياتى اليها ويدفع رسوم مقابلة ويحصل على العلاج وذكر احد المختصين بانهم تمكنوا من علاج بعض الحالات التى فشل الغرب فى علاجها ولجاء اليهم بعض المرضى بعد ان فشلوا فى الحصول على الشفاء فى دول مثل برطانيا و امريكا والقضية هنا لا اريد ان اقارن بين العلاج بالقران و العقاقير بل السؤال عن ما هى الضوابط لمثل هذه المشافى كيف يرخص لها وما المؤهلات التى يجب ان تتوفر فى من يقومون بمزاولة العلاج بالقران؟ الا يمكن ان يكون هذا العمل بابا واسعا لدخول اهل الشعوذة للمارستها تحت حماية القانون لهم؟
اين انتم اهل الاختصاص لتقولوا لنا اين الخطاء والصواب فى هذا العمل
|
Post: #2
Title: Re: عيادات العلاج بالقران فى الخرطوم
Author: ناصر جامع
Date: 04-19-2009, 05:17 AM
Parent: #1
انت يا هاشم بقيت من المستنيرين ولا شنو؟
|
Post: #3
Title: Re: عيادات العلاج بالقران فى الخرطوم
Author: أحمد الشايقي
Date: 04-19-2009, 06:56 AM
Parent: #2
تمشي المراكز دي, تلقى اسماء الشيوخ (معاذ- وهيثم - وأبوذر - والبراء)
حاجات حديثة جداً وفرش حديث وعيادات عينك عينك,
مافيهم شيخ اسمه ود أب رقية , ود عديل الشيل, راجل أم طرقاقة والاسماء القديمة ديك,
| Quote: اين انتم اهل الاختصاص لتقولوا لنا اين الخطاء والصواب فى هذا العمل |
إنت يا ود نوريت أول مختـص , وفتاويك جاهزة تودي المشنقة , بقيت تفتش على المختصين ؟
أحمد الشايقي
|
Post: #4
Title: Re: عيادات العلاج بالقران فى الخرطوم
Author: محمد عمر الفكي
Date: 04-19-2009, 09:57 AM
Parent: #3
والله يا هاشم انا شفت شوف العين في مريض قريبي جلد وبونية وامرق يا شيطان وام الصبيان ومرق بالاصبع الكبير واتدسي جنب الضفر وفي النهاية الضرب والكبع والبونيات دي كلها مافي الزول دي في الشيطان !!!!! وعلى يد منو؟ سلفيين قصيري الجلباب معفي اللحي؟!!!! طيب خليتوا شنو للصوفية والزمن دا كله محاربينهم في شنو؟
|
Post: #7
Title: Re: عيادات العلاج بالقران فى الخرطوم
Author: هاشم نوريت
Date: 04-19-2009, 01:53 PM
Parent: #4
| Quote: والله يا هاشم انا شفت شوف العين في مريض قريبي جلد وبونية وامرق يا شيطان وام الصبيان ومرق بالاصبع الكبير واتدسي جنب الضفر وفي النهاية الضرب والكبع والبونيات دي كلها مافي الزول دي في الشيطان !!!!! وعلى يد منو؟ سلفيين قصيري الجلباب معفي اللحي؟!!!! طيب خليتوا شنو للصوفية والزمن دا كله محاربينهم في شنو؟ |
شكرا محمد عمر ربنا يشفى قريبك وبعدين ماتفتكر كل مقصر للازار سلفى يلم فيك تكفيرى يقوم بيك سدارى "حزام ناسف"
الخوف اخى من شرعنة الشعوذة وذلك بالترخيص لبعض المشعوذين ليدخلوا الينا من باب العلاج بالقران الا تعتقد التدقيق هنا مهم؟
|
Post: #6
Title: Re: عيادات العلاج بالقران فى الخرطوم
Author: هاشم نوريت
Date: 04-19-2009, 01:45 PM
Parent: #3
اخونا الشايقى الاسماء غير مهمة لان الشعوذة ليست حكرا على احد
لا شك مثل هذه العيادات هى باب واسع يغرى الكثيرين للولوج الى عالم العلاج بطرق شتى ومسؤولية ضبط هذه العيادات تقع على الدولة
وانت تعلم حالها الان
حكاية نقل الفتاوى خليتها لما اصبح فى سودانيزاولاين عدد لاباس به من اهل الاختصاص
|
Post: #5
Title: Re: عيادات العلاج بالقران فى الخرطوم
Author: هاشم نوريت
Date: 04-19-2009, 01:38 PM
Parent: #2
| Quote: انت يا هاشم بقيت من المستنيرين ولا شنو؟ |
لا ياخوى الاستنارة دى لسه بعيده بس ما اخشاه انو ناس فكى فلان وعلان يطلعوا معالجين بالقران وتحت حماية القانون
|
|