كبار أفريقيا في دوري المجموعات

اتوقع :
المريخ السوداني
الاهلي المصري
النجم الساحلي التونسي
القطن الكاميروني
مازيمبي الكونجولي
زيسكو الزامبي
اسيك ميموزا الايفواري
أول أغسطس الأنجولي
وأتمني من كل قلبي أن يخذلني الهلال وتأهل بدلا عن أول اغسطس الأنجولي
يتبع ........

مع العلم أن تأهل مريخ السودان أصبح مسألة وقت ليس إلا ..
يتبع .....

ياطلحه ,, مساك زين ,, ومبروك للأحمر الوهاج ,,



يأخى خليهم يتأهلوا وبعدين نقصيهم نحنا ,,

صحيح أن هلال الخرتوم خذل كل التوقعات وتأهل بقدرة قادر إلي
الدور ثمن النهائي بعد أن كان قاب قوسين أو أدني من الخروج
المبكر وهو ما سيمنحه دفعة معنوية جيدة لمتابعة مشواره بالبطولة الكبيرة .
لكن الأمر في هذه المرحلة سيختلف حتما إذ أنه سيقابل فريقا
قويا ترقي على حساب خصم شرس وله خبرته وباعه الطويل
في هذه المسابقة وهو كانون ياوندي الكاميروني ، كما أن الأرض
لن تكون الأرض ولا الجمهور هو الجمهور في انجولا ، ففى جزيرة
ريونيون لعب الهلال وكأنه وسط جمهوره إذ كان عدد مشجعي
أصحاب الأرض قليل جدا لم يتجاوز العشرات وبذلك أنتفي عامل مهم
من العوامل التى تعتمد عليها العديد من الفرق الأفريقية عندما
تلعب بأرضها كالهلال الذي غالبا ما يحقق الفوز بسبب جمهوره
في حين يخسر بسهولة في المواجهات التي تقام بأرض الخصم
وأيضا غالبا ما يكون للجمهور النصيب الأكبر من أسباب خسارته
يتبع ..

.

Quote: .

والله حاسي بيك النقطة دي ختيتا عشان اتواضع واشرفك في بوستك ده وانا ما حا اخزلك خصوصا وانت اعلنت انك عايز تتبعني في موضوع الشهرة ده فكان لابد من الاخذ بيدك وانت في بداية المشوار..

Quote: صحيح أن هلال الخرتوم خذل كل التوقعات وتأهل بقدرة قادر

إضافة لي اللاعب المرجيحة والخطة بتاعت حدايق 6 ابريل ...

Quote: لكن الأمر في هذه المرحلة سيختلف حتما إذ أنه سيقابل فريقا قويا ترقي على حساب خصم شرس وله خبرته وباعه الطويل في هذه المسابقة وهو كانون ياوندي الكاميروني

اها طالما بديت تتكلم عن البااااع والميييع النديك النجيضة الممكن يكون كتبا واحد بيشجع فريق ارغامانتو الانغولي في انغوليز اون لاين وهو يكايد صاحبه فرطوقاني باسولي:
" هتنتوتو باغموغو واكيوكو كانون ياوندي تنقا بالي كندورة طوطا يور بالابالا باااع شدييييد "
وده ترجمتو يا عزيزي :
" هذا وقد كان الهلال قد فاز على كانون ياوندي واخرجه بنفس الطريقة بركلات الترجيح وتأهل للمباراة النههائية عام 87 عندما احرز كندورة ضربة الجزاء الاخيرة وصد يور ضربتي جزاء"
لو قلت لينا هلال زمان ما زي هلال اسة نقول ليك وكانون زمان ما كانون اسة لانو كانون زمان يا يمة كان كانون السرور ..!!
لول مرة اكون مطمن لتأهل الهلال ولو تأجل الى حين ولكن يبقى مسألة وقت إن شاء الله ..

Quote: وفي السياق قصدك كندورة واللا الثعلب ..؟

العجب مالو ؟؟ علاء الدين يوسف ؟؟؟ لالالا ياخ والله ما جبت سيرة اي بصمة هنا..
ما تزعل يا طلحة ياخ انا عارفك زول غضبك جميل زي بصمتك..
تخريمة :
ياخ انت لو بتفهم كان بقيت مريخابي؟
عااااادي ياخ ما تتحسس من عدم الفهم ده ..

طلحة
والله العظيم قلت أدخل اسلم عليك بس ما أكتر
لكن لقيتك زايد في البتسوي فيهو
غلبني السكات

Quote: صحيح أن هلال الخرتوم خذل كل التوقعات وتأهل بقدرة قادر إلي الدور ثمن النهائي بعد أن كان قاب قوسين أو أدني من الخروج المبكر وهو ما سيمنحه دفعة معنوية جيدة لمتابعة مشواره بالبطولة الكبيرة

قوام قوام نسيت زنقة تاكسي رواندا
ومتين ؟؟؟؟؟
في الدور التمهيدي
ما بتخجل عليك الله
وكمان بتتكلم في البطولة الكبيرة ؟؟؟؟
بتعرفها من متين ؟؟؟؟؟
علي كل يا طلحة
السلام عليكم ورحمة الله وبركاته

طلحه اخوي
مسكاقمي
الحمام الميت الاسمو ذي يوم الماهية اول اغسطس
معقول يرش الرشاشات ويرميهم برا
لا لا لا
يا طلحه
قول كلام غير دا
دا حمام ميت
غايتو نشوف اليوم المغرب
والفي القدر يجيبوا المغراف ( ذي ما بيقولوا اخوانا الشوام )
غايتو يا الرشاشات ان اتأهلتوا ووب وان مرقتوا ووويبين

الوهيج كمال سالم
مبارك ليك وعقبال الكأس بإذن الله
كما واتمني أن يخذلني أبو الهل ويتأهل

قليص أفندي عمر الفارغ ( سقطت الواو سهوا )
إتا بتقول في شنو آجنا ..؟؟ ما فاهم أيتها حاجة عليك الطلاق
وفي السياق قصدك كندورة واللا الثعلب ..؟

Quote: أول أغسطس الأنجولي

يا طلحة كمان ما تبالغ انت

وأتمني من كل قلبي أن يخذلني الهلال وتأهل بدلا عن أول اغسطس الأنجولي
يتبع ........

أخوي طلحة

عليك الله كلمني الساعة 8 مساء اليوم
لو إنت في السعوديةجوالي 0569313788
عشان تشوف الهلال خذلك كيف ؟
بلاش هضربة ياخوي المريخ متين دخل دوري المجموعات في الأبطال
دي أول مرة ليكم ورغم إنو لسه في شوط تاني وأخاف من الحسرة عليكم بعدين

مع تحياتي

طلحة عبدالله



قلت لي القصار طالو

الحبيب فضل كرار
سلامات يا زول محترم
معروف عن الإمبراطور المريخي أنه لا تعيقه زنقات ولا تثبته ورطات ولا هلمجرات
المشكلة في أبو الهل وحلك عند الله
ربنا يفك زنقتو حاليا

يا قليص الفاروغ
طبعا المعروف أنو انصار ابو الهل فالحين جدا في المغالطة والمكابرة والسفسطائية
تقول ليهم البطولات الخارجية يقولوا ليك عفنة وما عايزنها ظاطو
تقول ليهم المحمولة جوا يقولوا ليك وصيف وتصنيف وتخريف
تقول ليهم 2و12 يقولوا ليك علاء الدين شال قروشكم وخان عهدو ونزل من القمة للسفوح
تقول ليهم المريخ أقدم من الهلال يحلفوا بي طلاق تلاتة انهم حفروا البحر
تقول ليهم اي شىء لازم يلكنوا ليك ويمشوا يتعشوا عادي وينوموا ..
عشان كدا التكتيك بعد شوية ح يتغير وح نقول ليكم انتو احسن ناس
وفريقكم بطل عالمي .. ونحن على يقين أنكم ح تجوا تلكنوا وتواصلو العجن واللت والمكابرة .
هسع دي الهلال ح يغلب الفريق الانغولي شر هزيمة في مقابرو وح يتأهل للمجموعات
ويرش المريخ ظاطو ويشيل الكاس وينطط بيهو .
أها .

Quote: طلحه اخوي مسكاقمي الحمام الميت الاسمو ذي يوم الماهية اول اغسطس معقول يرش الرشاشات ويرميهم برا لا لا لا يا طلحه قول كلام غير دا دا حمام ميت غايتو نشوف اليوم المغرب

حمزاوي اخوي مسكاقمي