Post: #1
Title: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمر الفاروق
Date: 04-18-2009, 08:32 AM
خلفية تاريخية :
عمران حسن صالح زميل البورد وفي احدى يالي امشير قام بتحنيكي سيرمس شاي وكبابي اعتز بها كثيراً كونها اول عدة لي في بيت الزوجية ..اتجرجر معاي وكمية من الزوغانات اضرب ليهو يا عمران انت وين عشان اجي اشيل الحاجات يقول لي انا بعيد مرني بكرة ..
امرو بكرة يقول لي معليش يا ابو عمير تعال ليها المسا بخليها ليك عن بتاع البقالة ..
اجي لي بتاع البقالة الاقي ليك عمران مخلي لي ورقة مكتوب فيها :
العزيز عمر معليش طلعت مشوار والاسرة ما ناسي موضوع السيرمس بس كنا مستعجلين ..
الصدفة وحدها جمعتنا في حديقة واذا بعمران قااااشر بي كباياتي وسيرمسي الما بيغباني وقال تصدق يا عمر كنت حاااااسي انو حا الاقيك وهاهاهاهاهاهاها قعد يضحك ولمن جو يقوموا يرجعو عااااااادي ضاير ليكم سيرمسي والكبابي في ضهرية عربيتو وفووووو كسح ..
حينها ادركت تماما إنو السيرمس والكبابي غادرت دون رجعة مما كلفني شراء طقم عشاء كامل لارضاء الحكومة بعد ما اقنعتني انو دي كانت سيرمس حبنا وكباية حبنا ولا تعوض وان وزونها ذهبا مع العلم إنو خاتم واااحد بس كان كفيل بي انها تنسى الموضوع ..
ومن يومها وانا اضمر لهذا العمران شئ من حتى وما توقعت ان تزول هذه الحتى ..
فلاش باك :
البوست ده عبارة عن تكسير تلج واااااضح وماا داسيهو ولا ناكرو ..يا جماعة والله عندنا هنا في الرياض زول اسمو اسماعيل عباس اصصصلو ما ممكن يكون بني ادم زيينا كده !!!
انا كنت قايل روحي براااي الطيبان واخو اخوان لكن طلع في زول بينافسني:)
الناس البعيدين ممكن يراجعوا مداخلات هذه الاسماعيل الذي تبدو بسمة في شفتيه ..وسيجدون كل الاحترام من هذا الاسماعيل ..
الناس الفي الرياض هنا باقي لي لو ما ايدوني في كلامي ده احتمال يطلعوني لم افي هذا الرجل حقه ..
مشاركة فعالة في كل الفعاليات حضور انيق ضحكة من القلب يلقاك هاشا باشا ..
مع الكبار كبير ومع الشباب تحلف تقول تحت العشرين وممكن عادي يستضيفوهو في برنامج النيل الازرق بتاع تحت العشرين ديلك..
حكيم يدعو الي لم الشمل ..
وحقاني بيقول للاعور اعور في عينو ..
والاهم من ده كللللللللللو زول خدوم وده السبب الاساااااااسي للتلج بتاعي :)
طيب واييييييه دخل عمران ؟
الحسنة الوحيييدة إنو قررت في يوم اعمل كمين ومداهمة لي عمران عشان اشيل السيرمس والكبابي بتاعتي فخططت للهجوم دون سابق انذار لي عمران في البيت وفي وقت غداء لاني واثق تماما انو عمران يقدم الشاي للضيوف مستخدم سيرمسي العزيز ..
وقد كان وفي جمعة جامعة دقيت لكم الباب كو كو كو كو كو فتح لي ولدو المسيخ محمد (محمد صرح لي امو إنو بيت ناس عمر الفاروق ولااااا حلو تقول ليهو لالالا يا حمودي قصدك حلو ؟ يقول ليها لالالالالا ولاااااااااااااااااااا حلو )..
دخلت وما خاب ظني والسيرمس تتوسط الناس ويمها اذكر تمبس ومعتصم وعبدالله داش من الحضور ..
اها في اليوم داك لاقيت ليكم الزول الجميل اسماعيل عباس ده ..
وعقدت مقارنة سريعة بين كونو عمران يحنكني سيمرس وكبابي وبين انو يعرفني بي زول زي اسماعيل ده ..
في البداية ما اكضب عليكم كفة السيرمس رجحت ..لكن شوية شوية بدت الكفة تتوازن إلى ان اتخذت اخيراً قرار إعفاء السيرمس والكبابي لي عمران مقابل معرفة اسماعيل ..
تخريمة :
يا عمران ياخ تعال شيل ليك حلة وكمشة وعرفني بي زول تاني ..
|
Post: #2
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: إسماعيل وراق
Date: 04-18-2009, 08:57 AM
Parent: #1
إسماعيل عباس رجل إستثنائي.. خلوق.. خدوم.. أخو أخوان.. وفوق ذلك رجل منضبط وملتزم.. له التحية والتقدير.. ولك أخي عمر وكذلك للأخ عمران.
|
Post: #3
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: محمد عمر الفكي
Date: 04-18-2009, 09:11 AM
Parent: #2
الاخ عمر
الاخ اسماعيل عباس من ارق والطف الناس واخو اخوان ولولا الخوف من ان نكسر ظهره لقلنا المزيد بس فيه عيب واحد وهو عارفه. اما الاخ عمران فهو لا يختلف كثيرا عن اسماعيل ولكنه يشترك معه في نفس العيب واقول لك حاجة يا عمر انت برضه انسان فاضل لكن فيك نفس عيب عمران واسماعيل.
طبعاً قبل ما تعرفوا حتقولوا لي عيب شنو ؟ لكن بعد ما تعرفوا حتعذروني وكان مغالطيني اسالوا هارون دياب قولوا ليه الشئ دا عيب ولا ما عيب؟
ايداهو بسلم عليكم انتوا التلاتة ومعاكم تمبس وود الصائم
|
Post: #4
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: مجاهد عبدالله
Date: 04-18-2009, 09:12 AM
Parent: #2
سلامات أخ عمر ..
هذا الرجل بالرغم من عدم معرفتي له ولكن أعرفه بما يخطه هنا من كلام فهو يؤكد لك بأن هذه البشرية قد أنجبت انبياء فعلاً من قبل وأن القديسين الذين إجتباهم المسيح ابن مريم كانوا على قدر كبير من سماحة النفس وأن تتمة مكارم الأخلاق ممكنة برغم هذا الزمن العضير ..
شكراً لك ياعمر فهي النافذة التي وجدت نفسي لابد لي من أن أسطر معزتي لهذا الرجل الذي جمعتنا به هذه الأسافير ..
ودي وتقديري ..
|
Post: #5
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: حيدر حسن ميرغني
Date: 04-18-2009, 09:54 AM
Parent: #4
شكرا ياعمر لانك اتحت لي فرصة بفتش ليها عشان اقول كلام طيب يستحقه هذا الرجل
وهنيئا لك بشهادة جاتك من ود الفاروق
الله يحفظك
|
Post: #6
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 03:55 PM
Parent: #5
أول حاجة يا " مطموس " نوثق للكلام ده :
Quote: خلفية تاريخية :
عمران حسن صالح زميل البورد وفي احدى يالي امشير قام بتحنيكي سيرمس شاي وكبابي اعتز بها كثيراً كونها اول عدة لي في بيت الزوجية ..اتجرجر معاي وكمية من الزوغانات اضرب ليهو يا عمران انت وين عشان اجي اشيل الحاجات يقول لي انا بعيد مرني بكرة ..
امرو بكرة يقول لي معليش يا ابو عمير تعال ليها المسا بخليها ليك عن بتاع البقالة ..
اجي لي بتاع البقالة الاقي ليك عمران مخلي لي ورقة مكتوب فيها :
العزيز عمر معليش طلعت مشوار والاسرة ما ناسي موضوع السيرمس بس كنا مستعجلين ..
الصدفة وحدها جمعتنا في حديقة واذا بعمران قااااشر بي كباياتي وسيرمسي الما بيغباني وقال تصدق يا عمر كنت حاااااسي انو حا الاقيك وهاهاهاهاهاهاها قعد يضحك ولمن جو يقوموا يرجعو عااااااادي ضاير ليكم سيرمسي والكبابي في ضهرية عربيتو وفووووو كسح ..
حينها ادركت تماما إنو السيرمس والكبابي غادرت دون رجعة مما كلفني شراء طقم عشاء كامل لارضاء الحكومة بعد ما اقنعتني انو دي كانت سيرمس حبنا وكباية حبنا ولا تعوض وان وزونها ذهبا مع العلم إنو خاتم واااحد بس كان كفيل بي انها تنسى الموضوع ..
ومن يومها وانا اضمر لهذا العمران شئ من حتى وما توقعت ان تزول هذه الحتى ..
فلاش باك :
البوست ده عبارة عن تكسير تلج واااااضح وماا داسيهو ولا ناكرو ..يا جماعة والله عندنا هنا في الرياض زول اسمو اسماعيل عباس اصصصلو ما ممكن يكون بني ادم زيينا كده !!!
انا كنت قايل روحي براااي الطيبان واخو اخوان لكن طلع في زول بينافسني:)
الناس البعيدين ممكن يراجعوا مداخلات هذه الاسماعيل الذي تبدو بسمة في شفتيه ..وسيجدون كل الاحترام من هذا الاسماعيل ..
الناس الفي الرياض هنا باقي لي لو ما ايدوني في كلامي ده احتمال يطلعوني لم افي هذا الرجل حقه ..
مشاركة فعالة في كل الفعاليات حضور انيق ضحكة من القلب يلقاك هاشا باشا ..
مع الكبار كبير ومع الشباب تحلف تقول تحت العشرين وممكن عادي يستضيفوهو في برنامج النيل الازرق بتاع تحت العشرين ديلك..
حكيم يدعو الي لم الشمل ..
وحقاني بيقول للاعور اعور في عينو ..
والاهم من ده كللللللللللو زول خدوم وده السبب الاساااااااسي للتلج بتاعي :)
طيب واييييييه دخل عمران ؟
الحسنة الوحيييدة إنو قررت في يوم اعمل كمين ومداهمة لي عمران عشان اشيل السيرمس والكبابي بتاعتي فخططت للهجوم دون سابق انذار لي عمران في البيت وفي وقت غداء لاني واثق تماما انو عمران يقدم الشاي للضيوف مستخدم سيرمسي العزيز ..
وقد كان وفي جمعة جامعة دقيت لكم الباب كو كو كو كو كو فتح لي ولدو المسيخ محمد (محمد صرح لي امو إنو بيت ناس عمر الفاروق ولااااا حلو تقول ليهو لالالا يا حمودي قصدك حلو ؟ يقول ليها لالالالالا ولاااااااااااااااااااا حلو )..
دخلت وما خاب ظني والسيرمس تتوسط الناس ويمها اذكر تمبس ومعتصم وعبدالله داش من الحضور ..
اها في اليوم داك لاقيت ليكم الزول الجميل اسماعيل عباس ده ..
وعقدت مقارنة سريعة بين كونو عمران يحنكني سيمرس وكبابي وبين انو يعرفني بي زول زي اسماعيل ده ..
في البداية ما اكضب عليكم كفة السيرمس رجحت ..لكن شوية شوية بدت الكفة تتوازن إلى ان اتخذت اخيراً قرار إعفاء السيرمس والكبابي لي عمران مقابل معرفة اسماعيل ..
تخريمة :
يا عمران ياخ تعال شيل ليك حلة وكمشة وعرفني بي زول تاني .. |
...
تاني شي فقد أعلنت عليكـ الحرب وتؤازرني أم محمد ( لأنو راس السوط لحقه ) ..
تالت شي تمبس وداش واسماعيل عباس ومعتصم أقيفوا بعيد الدم ما يرشكم ..
رابع شي شوف ليكـ محامي شاطر يا سجم ...
|
Post: #7
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: محمد عبد الماجد الصايم
Date: 04-18-2009, 04:02 PM
Parent: #6
توثق شنو يا عمكـ
رجع للزول دا كبابيهو ياخ!
___
سمعة ما بنكفيهو بالكلام والله
|
Post: #8
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: ismeil abbas
Date: 04-18-2009, 04:51 PM
Parent: #7
أحبتى المتداخلين...
أشكركم على جميل الكلمات فى حقى..واستغفر الله العظيم..من ان يصيبنى الغرور ..بها.لآن النفس أمارة بالسوء.
عمر الفاروق...لك التقدير وألأحترام...وياريت لو عرفتك من زمان..كان بدل عمران ما يشيل منك السيرمس والكباية كان شلتهم انا...
Quote: اتخذت اخيراً قرار إعفاء السيرمس والكبابي لي عمران مقابل معرفة اسماعيل ..
|
عمران رجع لى عمر الفاروق السيرمس والكبابى عشان يفك أسرى..وأول ما ترجعهم كلمنى عشان أضرب لعمر الفاروق وأقول ليهو عملت DELETE لتلفونك كمان واعتبر البينى و بينك إنتهى..
لقد قسمتم ظهرى................مودتى..إسماعيل محمد احمد عباس...
|
Post: #9
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 04:59 PM
Parent: #8
| Quote: عمران حسن صالح زميل البورد |
وريتني محلي عندكـ يا كريه .. ( والله الليلة أحكها معاكـ حكـ )
|
Post: #10
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Ahmed Abdallah
Date: 04-18-2009, 05:02 PM
Parent: #8
عمران
ووووووووب عليكـ
وقعت وما سميت
ود الفاروق لسانو متبري منو
خلى شروق ابوالناس لافة صينية عديل تجي انت تلف ليك ترمسة
|
Post: #13
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 05:26 PM
Parent: #10
زمااااااااان يا عمر الفاروغ مرة تفلسفت ( زي فلسفتكـ دي ) وقلت لي نفسي يا ود خليكـ من الشغل (الإنت فيهو ده) وشوف ليكـ وظيفة جديدة في مكان نضيف ومرتبو لذيذ ، ها قدمت ليكـ في مصنع الشفاء في أول أيامو ، تم تعييني مسئولاً عن المستودعات وما فيها من معدات ومُدخلات إنتاج وأدوية .. الخ . أها قمت بديت أشتغل وجبت لي بتاع دينا ينقل بعض الأشياء غير المهمة إلى مستودع خارجي ، وأقوم أسوق ليكـ السواق معاي لإستراحة الموظفين (فيرست كلاس ) وأفطِروا ليكـ من فطور المصنع ( كبده وبيض وخبز فاخر ودلع شديد ) ، تصدق دي أكتر حاجة كانت مزعلاني بعد ما خليت الشغل عندهم بعد أسبوع فقط ، المهم مدير المصنع في ذلك الوقت د. فيصل (يعمل والي الآن لإحدى ولايات اليوم ) وينزل ليكـ فيني مذلة وإنو ده إفطار العاملين فقط ومفروض الراجل ده يمشي لي أيِ ست طعمية بره ويدبر حالو ، يا زول ما قلت حاجة وأكلتها في حناني ، اليوم التاني زولكـ ساعة الفطور كان بره مودي شحنة للمستودع الآخر ، وحينما رجع طواااااااالي على الخبز الفاخر ، وطلب ليكـ فطور كارب ، وجاني ليكـ ساعي المدير جاري دكتور فيصل عايزكـ ، لقيت ليكـ الزول زعلااااااااااااااااان ، أنت يا عمران ما عايز تسمع كلامي ولا شنو؟ ، يا ريس ياتو كلام ؟؟ ، ياتو كلام ؟؟ عامل ما فاهم ، أنا أمس ما قلت ليكـ الزول ده تاني ما يجي يفطر هنــا ، طيب يا ريس الزول ده أنا أقول ليهو ما تجي تفطر هنــا ولا كيف ؟؟ آآآآآآي تقول ليهو !!!! ، والله يا ريس ما بقدر على حاجة زي دي ، عموماً أصلو الراجل حا يشيل حسابو اليوم وانتهى الموضوع ، لا ما انتهى !!! كيف ما تقول ليهو ، وعلت الأصوات حتى قلت للراجل إنت ما سوداني ولا شنو ؟؟ ، ياخي نحن نجيب البنبر جنب الحيطة ونكوركـ لي ناس علوية ، يا علوية الرجلة بتاعة أمس كملت ولا لسه ، هاك الصحن ياهو ده أدينا منو شوية ، أجي أطرد لي زول ما ياكل معاي وأنا جايبو لي شغل ؟؟، والحتة مقطوعة !!. وكان آخر عهدي بمصنع الشفاء بعد دوام أسبوع واحد فقط .
العلاقة شنو يا عمر الفاروغ :
| Quote: إنت ما سوداني ولا شنو ؟؟ ، ياخي نحن نجيب البنبر جنب الحيطة ونكوركـ لي ناس علوية ، يا علوية الرجلة بتاعة أمس كملت ولا لسه ، هاك الصحن ياهو ده أدينا منو شوية . |
..
تجي بعد سنة ونص تقول لي عفيت ليكـ السيرمس والكبابي كمدخل لي كسير تلجكـ لإسماعيل ...
أرجاني لسع جاييييييييييييييكـ ...
|
Post: #19
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 05:51 PM
Parent: #10
سلا يا أحمد عبد الله ..
Quote: عمران
ووووووووب عليكـ |
تابع بس وأديني رايكـ بعدين .. الليلة ما لقيت فرصة للشهرة عدييييييييييييل كده ...!!!!
|
Post: #11
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين يوسف علي محمد
Date: 04-18-2009, 05:07 PM
Parent: #8
غايتو يا عمر الفاورغ لقيتك بيضة نعام بس
إنت يا زول أتاريك جااااااادي في حكاية العدة دي
يا راجل!!!!؟
يا أخوانا تتخيلوا زول مسافر من الرياض للخرطوم عبر الفارهة الخطوط السعودية و ماشي لي حبيبتو مشروع زواجو خطيبتو اللي في المطار حتلاقيهو يقوم يجيهو زول في البيت لحظة بيستِّف في عفشو و ماشي على المطار يعني في الوقت البدل الضايع يقول ليك بكل بجاحة:
- لو سمحتة ياخ مكن تشيل ليك معاك الصواني دي!!!!؟
و تخيلوا إنو المسافر دة كان قايلة صواني شاي قوووووووومي يا صواني أطلعي صواني صفرة المدورة الكبيييييييييييرة ديك حقت المناسبات و المِسيخيت من الرياض ناقش فيها إسمو بالجنبة نظام ما تضيع و كدة
أها تخيلوا المسافر ينزل لي خطيبتو مشروع زواجو و شايل معاهو من الطيارة صواني عدة
ياخي أنا بكتب و العبرة خانقاني لأنو المسافر دة كان أنا و الصواني كان منقوش فيها في شكل نقط مدقوقة بي مسمار(عمر الفاروغ شيخ الدين)
لا و أبيخ حاجة إنو كان جاي بعدي بي أسبوع
|
Post: #12
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: مرتضى الكجم
Date: 04-18-2009, 05:24 PM
Parent: #11
نرجع لعنوان البوست
Quote: إسماعيل عباس ده من ياتو كوكب يا جماعة
|
من كوكب الدنيا لسه فيها خير وناس طبيبين بجد
..
التقينا به اسفيريا..ودخل قلوبنا من اول مشاركة له معنا
نتمنى اللقيا الحقيقية
مودتى لصاحب البوست السمح بالحيل
الذى حلق بنا الى سيرة هذا الكوكب
....
|
Post: #14
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمر الفاروق
Date: 04-18-2009, 05:34 PM
Parent: #12
اسماعيل وراق:
| Quote: له التحية والتقدير.. ولك أخي عمر وكذلك للأخ عمران. |
والله الزول ده دخلتو معانا ساااااااااااااي ومن باب انا والكاشف اخوي :)
تحياتي ليك كمان ..
ود الفكي:
| Quote: اما الاخ عمران فهو لا يختلف كثيرا عن اسماعيل |
يا راااااااااااااااااااااااجل..
قوووووول كلام تاني..
بالمناسبة العيب الانت بتتكلم عنو ده طلع في ولد عمران محمد تصدق ؟؟
المجاهد :
| Quote: هذا الرجل بالرغم من عدم معرفتي له ولكن أعرفه بما يخطه هنا |
والله الما بيعرف اسماعيل ده زول ما محظوظ ..ياخ يكفي إنو الزول ده انا ختيتو في مكان سيرمسي العزيز ..
شوفتو ما ساهل كيف؟
الحيدرا :
| Quote: وهنيئا لك بشهادة جاتك من ود الفاروق |
والله ماف شي حا يطير الناس منو غير شهادة عمر الفاروق دي..!!
ياخ في كم زول ضربو ليهو قالوا ليهو بالله انت بتعرف عمر الفاروق ده ؟؟
تصدق يا حيدر جاووب ليهم بي حيييل ميييت وبي خجلة كده وقال ليهم:
ااااااااااي والله لكن ما شديد!!!
|
Post: #15
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Ahmed Abdallah
Date: 04-18-2009, 05:39 PM
Parent: #14
|
Post: #16
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمر الفاروق
Date: 04-18-2009, 05:40 PM
Parent: #14
عمران سرامس:
ياخ اوووول شي نتفق على حاجة ..
عيك الله ام محمد دي بعييييييد من الشكلة والله انا عااااااااارفا بتكون كل يوم بتديك السيرمس ملانة كركدي كمان عشان ناس امردامن ما بيحبو يرجعو الحاجات فاضية لكن انت ما شاييقي!!!
تشيل السيرمس والكبابي وتضرب الكركدي في الشغل ..
وتجي راجع فتحتك للباب طاااااااااخ تضرب يدك في جبهتك ونظام :
لاااااااااااااااا ياااااااااااااااااااااااااخ نسيت السيرمس تصدقي ؟؟؟
مبدئيا كده يا زميلي في المنبر:) السيرمس عفيتا ليك لانو مقابلها جبت لينا اسماعيل وكان عايز اعفي ليك الكباية شوفي لي زول شغال في الجمارك او الاراضي..
تخريمة :
والله افتقد لي تمبس بشدة لانو كان حا يخوض معاي المعركة دي ويلحقك الهبانية ..
|
Post: #17
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمر الفاروق
Date: 04-18-2009, 05:47 PM
Parent: #16
دقييقة بس يا اسماعيل وباقي الحلوين ..
علاء الدين الشايقي التاني؟؟:
ايواااااااااااااااااااااااااااااا ..
اولا خلينا نتفق على إنو الصواني للاسف لم تصل بيتنا وانت عملت بيها نايم لانك يا حبة كنت ماشي تعرس ..
بالله عليك في زول بيعمل الدعوة فطور ؟؟؟
لا وكمان سفرة ؟؟؟
ياخ انت من زمن الدعوة صفرة ..
كويس انو صلاح اخوي كان من المعازيم وقرا اسمي في واحدة من الصواني ده غير دقستك الدقستها لمن لبست البنطلون الانا مرسلو ليهو وفاتت عليك تقلع الورقة الملصقة فيهو :
للأخ الغالي صلاح يجده بخير..
علاء الدين ياخ انت عملت ليك عملية ماااااااااااف زول عملا في التاريخ ..
احب حداااااااايق القصر زاااااااااااااااتو :D:D:D:D:D
|
Post: #20
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين يوسف علي محمد
Date: 04-18-2009, 05:58 PM
Parent: #17
Quote: دقييقة بس يا اسماعيل وباقي الحلوين ..
علاء الدين الشايقي التاني؟؟:
ايواااااااااااااااااااااااااااااا ..
اولا خلينا نتفق على إنو الصواني للاسف لم تصل بيتنا وانت عملت بيها نايم لانك يا حبة كنت ماشي تعرس ..
بالله عليك في زول بيعمل الدعوة فطور ؟؟؟
لا وكمان سفرة ؟؟؟
ياخ انت من زمن الدعوة صفرة ..
كويس انو صلاح اخوي كان من المعازيم وقرا اسمي في واحدة من الصواني ده غير دقستك الدقستها لمن لبست البنطلون الانا مرسلو ليهو وفاتت عليك تقلع الورقة الملصقة فيهو :
للأخ الغالي صلاح يجده بخير..
علاء الدين ياخ انت عملت ليك عملية ماااااااااااف زول عملا في التاريخ ..
احب حداااااااايق القصر زاااااااااااااااتو :D:D:D:D:D |
جاييك والله جاييك
دقايق بس زول جاي من سفر أجيبو و أجيك راجع يا عمر الفاروغ
الليلة ندق الصفايح و نطلِّع الفضايح
|
Post: #23
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين يوسف علي محمد
Date: 04-18-2009, 06:56 PM
Parent: #20
قلتة لي شنو يا الفاروغ 
ياخي بنطلون شنو المرِسلو لي أخوك
يا ود أخجل
ما أنا الجيت أغطي ليك قدام ناس بيتكم بعد إتحرجتة نتة و إتكسفواهم من عدم الهدايا و جبتني على ملا وشي عشان نسيِّرك من المطار و لحفلة حِنّة الساعة 1ظهراً في عز الصيف!!!؟
في زول بيعمل حفلة الساعة الواحدة ظهراً بتوقيت الثورة الحارة دشليون!!!؟
نسيت يا عُمر الأمجاد
على قول أخونا عقيد لمن كنت أنا راعي أمجاد داماس يوم كنت تجيني تقلع مني المفتاح و تجقلِب بيها في شوارع الخرطوم زيها زي الكارو و في النهاية تديني ليها لمبة البنزين محمِّرة جمرة بس و إنت عامل فيها عميان !!!؟
نسيت إنك بتجيني و تشيل عربيتي و يا كافي البلا كيس نايلون فاضي ما غمتّو لي
نسيت دة كلو
|
Post: #26
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Ahmed Abdallah
Date: 04-18-2009, 07:07 PM
Parent: #23
علاء الدين
شيل حالو شالو الـ........... كمل سكرنا
|
Post: #28
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين يوسف علي محمد
Date: 04-18-2009, 07:31 PM
Parent: #26
Quote: علاء الدين
شيل حالو شالو الـ........... كمل سكرنا |
أبو حميد (أب شنب)
ياخي الزول دة عليهو جنس محن
هو ناسي إنو نحن دافننو سوا و كنا مع بعض في مكتب وااااااااااااحد
يوم بجي بحكي ليك دهنستو للسعوديين الحيرت الفلس طين و اللبنانيز في حنانم و قالوا ليهو من الليلة إنت شيخنا
تخيّل كسّر تلِج للسعوديين لمن بقّوهو مدير علينا كلنا وهو أصغر واحد فينا سناً رغم صلعتو الكبيرة دي
ياخي حنيف البنقالي بتاع المطبخ جا يوم قال لي:
- إنت نفر شمشار هذا سوداني!!!؟
قلت ليهو لالالالا دة صومالي بس ماخد جوازنا
|
Post: #25
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين يوسف علي محمد
Date: 04-18-2009, 07:00 PM
Parent: #17
Quote: علاء الدين ياخ انت عملت ليك عملية ماااااااااااف زول عملا في التاريخ ..
احب حداااااااايق القصر زاااااااااااااااتو |
دي مش ولا ظِن يقولا وراي بشر ذاااااااااااااتة
والله أنا لي يوم الليلة ممحّن في العملتو دة كيفياخي صحي الشوايقة ديل غتيتين :)
|
Post: #18
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 05:48 PM
Parent: #14
بعدين يا مقطع إنت !!!
نحن ما ولاد طبقة وااااااااااحدة !!
بيت زبالة وزير أخخخخخخخخخخخضر وحلتين وكفتيرة وكبابي شاي (عثمان حسين) الواحدة إلا الناس ينسوها في مكان حتى يتخارجو منها
وصابونة غسيل في حمَام الجردل داااااااااااكـ
وبشكير ريحتوا تجيب الطاشي
وليفة لونه بني من كترة الإستعمال
ومعجون أبو وردة مفتوح بي موس عشان (تكارن) الباقي الفيهو ......
جاي الليلة بعد ما ربنا فتحه شوية تقول لي كبابي وسيرمس ، حقو تطلعه كرامة ساااااااااااي كده لي الله
|
Post: #21
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عبدالغفار محمد سعيد
Date: 04-18-2009, 06:04 PM
Parent: #18
الزملاء الأعزاء
هذا الموقع فى طريقه كى يصبح مهكرا بالكامل خلال ساعات
على الجميع تحزير بكرى ابوبكر
لقد كتبت خيطين بهذا المعنى، لكن الهكر
سحبهما!!!!!
ساهموا جميعا فى الدفاع عن الموقع
هناك شخص بإسم
Gawiy
يعمل على تهكير الموقع، ومؤكد سيكون قد مكر حساب قوى
كى يستغله فى التهكير
|
Post: #22
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 06:09 PM
Parent: #21
| Quote: على الجميع تحزير بكرى ابوبكر |
إنت بي صِحِكـ يا عبد الغفــــار ..
بكري ده وين هو ؟؟؟
|
Post: #24
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: طلحة عبدالله
Date: 04-18-2009, 06:59 PM
Parent: #22
قصة مثيرة
وكلها عبر
أرجو ان تعم فائدتها القراء قبل الأعضاء
وعاش ود ام بعلو وبت أبو بعلو برضو
ملحوظة :
يا قليص أنت كان مشارك الباشمهندس دا في البورد قول لينا ياخ ..
|
Post: #27
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 07:21 PM
Parent: #24
طلحة عبد الله يا حاقد :Quote: أرجو ان تعم فائدتها القراء قبل الأعضاء
وعاش ود ام بعلو وبت أبو بعلو برضو |
هسي عليكـ الله ما اتكيفت وضحكت لامن رميت رقيبتكـ دي لي وراء ..
عليكـ الله ما أخير ليكـ من الخبوب الباقي ..
|
Post: #29
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: طلحة عبدالله
Date: 04-18-2009, 07:48 PM
Parent: #27
عمران صالح
ما تخربوا طبع الزول دا أكتر من كدا يا خوي
|
Post: #30
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-18-2009, 08:04 PM
Parent: #7
ود الصايم
Quote: توثق شنو يا عمكـ
رجع للزول دا كبابيهو ياخ! |
شكلي بعد ده بنضم للمعارضة ( ود البشرى وصحبه ) 
|
Post: #31
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عبد اللطيف بكري أحمد
Date: 04-18-2009, 10:43 PM
Parent: #30
سمعة الحبيب , غايتو الله يسترك من عمر الجزلي دا ، ههههههه،،،
حاولت أضيف لما قيل عجزت والله ،،،، هي فترة في عمر السنين ليست
بالكثيرة ، ولكن والحق يقال : نعم الرجل ونعم الأخ الشهم الكريم،
وجده ينبري لكل الأنشطة برحابة صدر ويتصدر أعمال الدعم المادي
والمعنوي في الكثير بوستات إغاثة الملهوف ودعم المحتاج،،، يدفع بسخاء
وأجمل من دفعه متابعته للحالة للحظة إغلاق ملفها تماما إستعداد لحالة
أخرى،،،
أجد نفسي مضطرا أخي سمعه أن أقول هذا في محفل يحتفى بك فيه،
وطالما صاحب التلج البقى رخيس ذاتو متوسد الدايمة معانا هنا فلنطلق
لقولنا العنان،،
شكرا ياعمر ، أنا عارفك من كجين البارسا أنك زول ما ساهل،، وأقول ليك
خليك من سرامس عمران دا أنا قعدت جنبو في واحدة من لمات البورداب
وكان ود الباوقة جايب سمك من بحيرة السد ولا فطير ما بعرف غايتو
المهم عمران دا شهانا العافية ،، يازول سرامسك عندي أنا ،،
تحية للحبايب الروح الطيبة ، ويلا نحتفي ببعضنا ونعلي قيمنا الرائعة
بتمجيد من هم أهل لذلك وأبو السباع أحسن نموذج،،
|
Post: #32
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-19-2009, 06:35 AM
Parent: #31
Quote: حاولت أضيف لما قيل عجزت والله ،،،، هي فترة في عمر السنين ليست
بالكثيرة ، ولكن والحق يقال : نعم الرجل ونعم الأخ الشهم الكريم،
وجده ينبري لكل الأنشطة برحابة صدر ويتصدر أعمال الدعم المادي
والمعنوي في الكثير بوستات إغاثة الملهوف ودعم المحتاج،،، يدفع بسخاء
وأجمل من دفعه متابعته للحالة للحظة إغلاق ملفها تماما إستعداد لحالة
أخرى،،،
أجد نفسي مضطرا أخي سمعه أن أقول هذا في محفل يحتفى بك فيه،
وطالما صاحب التلج البقى رخيس ذاتو متوسد الدايمة معانا هنا فلنطلق
لقولنا العنان،، |
لا حولااااااااااااااااااااااااا
ده كلو في سماعين حقنـــا ده ؟؟؟؟
|
Post: #33
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Hussein Mallasi
Date: 04-19-2009, 07:20 AM
Parent: #32
| Quote: يا عمران ياخ تعال شيل ليك حلة وكمشة وعرفني بي زول تاني . |
زيد عليهم طقم العشا الجديد و اكلمو ليك يعرفك بعبد الرزاق الطالب 
|
Post: #34
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عبد اللطيف بكري أحمد
Date: 04-19-2009, 07:34 AM
Parent: #33
Quote:
لا حولااااااااااااااااااااااااا
ده كلو في سماعين حقنـــا ده ؟؟؟؟ |
والفطير كيف؟
|
Post: #35
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: الرفاعي عبدالعاطي حجر
Date: 04-19-2009, 08:33 AM
Parent: #34
Quote: فلاش باك :
البوست ده عبارة عن تكسير تلج واااااضح وماا داسيهو ولا ناكرو ..يا جماعة والله عندنا هنا في الرياض زول اسمو اسماعيل عباس اصصصلو ما ممكن يكون بني ادم زيينا كده !!! |
من الجميل ان نبذل الشكر لمن يستحقه , اسماعيل عباس عرفته ابان زيارتي الرياض في دعوة زواج الانيق معتصم وحصاد الرحلة فيما بعد عرفته هو معرفة بإسماعيل عباس الذي بيني وبينه معرفة السنين وصحبة دهر فكأنما بي اعرفه منذ الرفقة الجميلة لأيام الشباب اسماعيل رجل يستحق الثناء ... شكرا للفاروووق انيق الحروف وشكرا للاستاذ عمران حسن صالح وتحياتي وتقديري لاسماعيل عباس الزووووول الراااااااقي جدا.
........................................................................حجر.
|
Post: #48
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-19-2009, 10:07 AM
Parent: #35
الرفاعي يا حجر ..
تسلم يا ذوووووووووق ...
|
Post: #36
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Khalid Saeed
Date: 04-19-2009, 08:40 AM
Parent: #34
حبيبنا ود الفاروق ..
والله سمعة حبيبنا .. وزول ماساهل وكلس تب .. له التحية والتقدير ..
وعمران كمان حبيبنا ويستاهل تعفي ليهو الكباية والترمسة ..(هيهيهي]
لكين لقيتك شيال حال [ ههيهيه]
|
Post: #39
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: انعام عبد الحفيظ
Date: 04-19-2009, 08:56 AM
Parent: #36
إسماعيل رجل مهذب ومحترم وودود يجبرك على إحترامه
وطيبته واحده من أهم ملامح شخصيته
له مني كل الإحترام والود
ـــــــــــ
عمران رجّع الكبابي والسيرمس لشيّال الحال دا :D
|
Post: #43
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: محمد عمر الفكي
Date: 04-19-2009, 09:15 AM
Parent: #36
يا عمران وعلاء الدين
عليكم الله الزول دا خلوه، يا اخي شلتوا حاله وبشعتوا بيه.
عمران
انا جاي الرياض بعد اسبوعين وبجيب ليك معاي موية زمزم لكن ما عندك لى كبابي؟
|
Post: #47
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-19-2009, 10:04 AM
Parent: #43
محمد عمر الفكي ..
Quote: عمران
انا جاي الرياض بعد اسبوعين وبجيب ليك معاي موية زمزم لكن ما عندك لى كبابي؟ |
نمشي نجيب ليكـ الرابط بتاع واي واي جيبوا لي أولادي ...!!!!
|
Post: #37
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: محمد عبد الماجد الصايم
Date: 04-19-2009, 08:46 AM
Parent: #34
الفتة دي بتلحقنا في الغدا يا ربي؟
|
Post: #38
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Maawya Hussein
Date: 04-19-2009, 08:55 AM
Parent: #37
انت يا ود الصايم عمران دا شابكنا ارشيفين دعوه لعمل شيئ ما اكثر فائده !!فايدتو طلعت كبابي وتيرمس بس !!
يا عمران في مقبل الايام الجايه في المنبر دا اختار ليك لقب من الالقاب التلاته وريح لينا عمنا صالح دا شويه
_ عمران كبايه
- عمران تيرمس او ممكن تعرفو التيرمس
-عمران عده
|
Post: #41
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين حيموره
Date: 04-19-2009, 09:05 AM
Parent: #38
Quote: اسمو اسماعيل عباس اصصصلو ما ممكن يكون بني ادم زيينا كده !!!
|
فعلا اخونا اسماعيل ود عباس دا زول راااااااايق ومبتصم وصبوح ..
قد كل ما يقال من حميد خصال في هذا الرجل لن يوفيه حقه ..
بتمنى ليه كل التوفيق من كل قلبي ..
والله تاني ندخل بوستاتك يا اب صلعة ..
شكرا ليك عمر الفاروق
|
Post: #46
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-19-2009, 09:59 AM
Parent: #38
خالد سعيد ...
انعام عبد الحفيظ ...
ود الصايم ..
معاوية حسين ...
والله أنا صليحي في المكان حسابو مهكًــر وصاحبو متضامن معاهو .. ( تمبوشي والشفيف )
الله يرجعهم وينصفوني يا ما عندكم عُشرة ...
|
Post: #40
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمر الفاروق
Date: 04-19-2009, 09:02 AM
Parent: #37
ود الصايم :
Quote: توثق شنو يا عمكـ
رجع للزول دا كبابيهو ياخ! |
معقولة بس يا ود الصايم كوراكا واحدة منك ترجع لي كبابيني؟؟ياخ انا بكورك لي سنتين والله انا متأكد الكباباي دي لو قاعدة معاي لحدي اسة كان بقت جكاكا..
الكجم :
شكرا ليك ولي دعمك لحملة التلج المكسور..
احمد يا ود عبد الله :
| Quote: خلى شروق ابوالناس لافة صينية عديل تجي انت تلف ليك ترمسة |
والله اسسسة دي شروق لو اتبرعت لي بي السيرمس بنسى موضوعا انا موضوعي في الدنيا دي كللللها سيرمس ..
بعدين بي مناسبة الصينية دي وييين الصور اياها القت بتدعمني بيها ابان الحملة وما ادراك ما الاوبرا..
طلحة مراجيح :
Quote: أرجو ان تعم فائدتها القراء قبل الأعضاء
وعاش ود ام بعلو وبت أبو بعلو برضو |
وتمنياتي الصادقة لي بعلو زاااااتو بي دوام الصحة والعافية ..
القراء ديل ما تشيل همهم لأنو في قارئ(باركود وكده) دفع لي في المواصلات وقال لي ياخ انت مش الفاروق؟
|
Post: #45
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: حمزاوي
Date: 04-19-2009, 09:44 AM
Parent: #40
| Quote: إسماعيل عباس ده من ياتو كوكب يا جماعة |
من المريخ
|
Post: #42
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: ابو جهينة
Date: 04-19-2009, 09:09 AM
Parent: #37
عمر
Quote: فلاش باك :
البوست ده عبارة عن تكسير تلج واااااضح وماا داسيهو ولا ناكرو ..يا جماعة والله عندنا هنا في الرياض زول اسمو اسماعيل عباس اصصصلو ما ممكن يكون بني ادم زيينا كده !!! |
صدقا ما قلت يا رجل
إسماعيل يستاهل تذويب تلج القطب الشمالي كلو
|
Post: #44
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: محمد عمر الفكي
Date: 04-19-2009, 09:23 AM
Parent: #42
الحاجة الغريبة
اسماعيل - الفاروق (شحاد الترامس) علا الدين - عمران (سيد الترمس ذاتتا) - عبد اللطيف - ود الصائم(عامل نائم لكن بيولع فيها) كلهم هلالاب نسال لهم اليوم هزيمة منكرة تخليهم يلبدوا يومين تلاتة ويعلنوا هدنة من (ترامس)والغبراء دي
|
Post: #49
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: محمد عمر الفكي
Date: 04-19-2009, 10:17 AM
Parent: #44
كتب عمران
نمشي نجيب ليكـ الرابط بتاع واي واي جيبوا لي أولادي ...!!!!
عمر الفاروق
شد حيلك اتاريك ماك غلطان
|
Post: #55
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: البشير دفع الله
Date: 04-19-2009, 11:19 AM
Parent: #42
Quote: صدقا ما قلت يا رجل
إسماعيل يستاهل تذويب تلج القطب الشمالي كلو |
كل التحايا والود يا فاروق
والتحية لضيفك الكريم اسماعيل عباس
والرجل يستحق وأكثر .
.
.
.
.
.
.
......................
اسماعيل عباس ده خالي لزم
التلج الأتكسر ده ما بنلقى لينا منو لوح
|
Post: #56
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمر الفاروق
Date: 04-19-2009, 11:24 AM
Parent: #37
علاء حيمورة :
| Quote: والله تاني ندخل بوستاتك يا اب صلعة .. |
وزمان ما بتدخلا مااالك ؟ أهي رجس من عمل الشيطان ؟
والله انا زوا بيطعم الشاي بي الملح ده زاااااتو ما عايزو يجيني في بوستاتي:)
خالد سعيد:
غايتو احسن حاجة بتضمن انو لو عمران شال منك سيرمس فلو لو لو لو جاتك فتأكد بي أنها نضيييفة وما تخاف ما حا تحتاج لي نفس العملية اياها بتاعت حفلة البركل ..
الريس ابو جهينة :
ياخ معقووولة لكن ؟؟؟ الراجل لااابد وعامل فيها شعره كسواد الليل وكان مبسووط بي حكاية إنو إبن العشرين دي ..تقوم تجيب ليهو صورة عاملة زي الواحد فول وعليهو صفيحة جبنة ؟؟!!!!
|
Post: #58
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمر الفاروق
Date: 04-19-2009, 11:36 AM
Parent: #37
حيمورة :
| Quote: عمران من الناس الذين تمنيت صداقتهم لاتعرف اكثر على كل ما هو جميل في هذه الشخصية .. |
والله شكلك فعلا شلت الكباية وجربت العينة ..
:) :) :)
|
Post: #50
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: هاشم أحمد خلف الله
Date: 04-19-2009, 10:39 AM
Parent: #1
عموري الحبيب ياخ إسماعيل ده من كوكب خليك حلو
فهو كما قال الشاعر
أن الكريم لكربيع تحبه للحسن فيه
وتهش عند لقاءه ويغيب عنك فتشتيه
شهادتي فيهو مجروحة يا حبيب فهو صديقي اللدود
تخريمة :-
عمران والله مشتاق ليك عديل كده
والزول ده ما ترجع ليهو إي حاجة
كفاية عِرف إسماعيل عباس في بيتك
لكن لو بينكم رسائل لا سمح الله ممكن ترجعا ليهو
برضو هو بستاهل وبعدين راعي عامل السن ياخي
ماشايف صاحبك ده صلعتو وصلت وين !!!!
أموت أنا في شروق ابو الناس وكيتاً على عمر الفاروق
عايز اديها قصيدة تغنيها لي ( معليش مافي وجوه ضاحكة )
|
Post: #51
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-19-2009, 10:48 AM
Parent: #50
الوجيه الشاعر : هاشم
| Quote: ( معليش مافي وجوه ضاحكة ) |
واحد هدية لي محمد عمر الفكي ...
بالمناسبة يا هاشم بتفق مع الفاروغ في طريقة سمعو للأغنيات
|
Post: #52
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين حيموره
Date: 04-19-2009, 10:56 AM
Parent: #51
عمران من الناس الذين تمنيت صداقتهم لاتعرف اكثر على كل ما هو جميل في هذه الشخصية ..
اتمنى ذلك
وبرضو بنشكرك عمر الفاروق
|
Post: #53
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: محمد عمر الفكي
Date: 04-19-2009, 10:58 AM
Parent: #51
بالمناسبة يا هاشم بتفق مع الفاروغ في طريقة سمعو للأغنيات
بداية خط الرجعة، ان شاء الله يكون برضو بداية خط رجعة للترمس والكبابي برضو.
اقول لك حاجة
الساعة هسي 2 امش اتغدا واشرب الشاي بترمس الفاروق وفي كبابيه عشان لو فوت الغداء انا بضمن لك من كورة الهلال الليلة عشاء مافي.
|
Post: #54
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين يوسف علي محمد
Date: 04-19-2009, 11:09 AM
Parent: #53
أها كيتاً ليك يا محمد عمر
أنا و الفاروغ بنختلف في أي شيء إلا الهلال (لسان طويل ممدود)
|
Post: #57
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين حيموره
Date: 04-19-2009, 11:29 AM
Parent: #54
| Quote: والله انا زوا بيطعم الشاي بي الملح ده زاااااتو ما عايزو يجيني في بوستاتي |
يعني تاني خالد سعيد دا ما يمر على اي بوست من بوستاتك ... ؟؟
كدي ادينا كباية من كبابي عمران دي نجرب العينة ...
|
Post: #59
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Tabaldina
Date: 04-19-2009, 11:48 AM
Parent: #57
..
.
اليويمن دىالظاهر اشتريتللمره خاتم
شايفها طالقاك فى السهلة وكمان داير تشيل منها
كمشة وحله ..
غايتو الواحد لمن يلقى مرتو مشغولة يجى يتفاصح ..
____________
التحية للرجال الطيبون
اسماعيل وعمران وعموم الاهل بالرياض
والثمامة والخرج وضواحيها ..
|
Post: #60
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: عمران حسن صالح
Date: 04-19-2009, 01:22 PM
Parent: #59
تبلدينا يا بلدينـــــا
رديت ليكـ بي هناكـ ولقيتو مافيش ...
خليكـ مع التيار يا باشـــا ....
الحيكومة طايري ...
|
Post: #61
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: علاء الدين حيموره
Date: 04-19-2009, 01:45 PM
Parent: #60
عمران صديقي
حضرت ليك شريحة موبايلي بما انو الشمار وصل بالتفاصيل المملة ..
عربون الصداقة لقيتو كيف ؟؟؟
|
Post: #62
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: Abdlaziz Eisa
Date: 04-19-2009, 01:47 PM
Parent: #61
انه ملك ولى حق الملكية
ارجو منك ان لا تكتب عن هذا العنوان
وعليك ان تختار عنوان اخر
واطالب بشدة الباشمهندس بكرى
باسترجاع البوست
الولايات المتحدة السودانية
|
Post: #63
Title: Re: إسماعيل عباس ده من ياتو كوكب يا جماعة ..ويا عمران عفيت ليك السرامس والكبابي..
Author: إسحاق بله الأمين
Date: 04-19-2009, 01:54 PM
Parent: #60
أخوناالفاضل / سماعين ود عباس
زولا تحبه قبل ما تشوفه
سمحاً شوفته تسر البال وتجبر الخاطر
الباريء يحفظك يا اسماعيل
|
|
