Post: #1
Title: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-16-2009, 04:40 PM
بأخر نبض بطارية الكمبيوتر المحول نقول
الزمان : الأمس و اليوم و غد ...
المكان : واقعنا المظلم ...
يزعمون ان هدفهم إمداد كهربائى مستقر لكل بقاع السودان .
و بات السودان بجهودهم الجبارة نقطة مظلمة علي ظهر كوكب الارض
ادعوا جوراً الالتزم بالكفاءة الأعلى والتكلفة الأقل ...
و زادت تكلفة الكهرباء ... اما عن الكفائة فهي غائبة عن الساحة كغياب الكهرباء اليوم و الامس و ربما غد و بعد غد ...
شعار لامع أضيف "فائق العناية بالعاملين" ...
و نظالع في الصحف ان عاملا كهرباء يعملون لمصلحة الكهرباء قضيا اهمالاً ...
بكل تلك السلبيات "نكسب الرضاء الشامل لزبائننا وننمو لنصبح الافضل في مجالنا."
هذا دعواهم بظهر الكذب ...
"سنبلغ إن شاء الله الأفضل في مجالنا ونحقق ما يفوق متطلبات زبائننا بانتظام"
كذلك الانتظام في صفوف الكهرباء ...
" ونقابل حاجة البلاد في التنمية الإقتصادية والإجتماعية بعاملين محرضين ومدربين على وسائط التحسين المستمر وخفض التكلفة وإحكام سلسلة ترابط العمل وتطوير شراكة منفعة أساسها الثقة والتعاون مع موردين"
هي شعارات تتناقض مع مرحلة الردود الفعلية فاتحاً باب ردود الافعال ...
بالامس قطعت الكهرباء عن منطقتنا العامرة في السادسة مساء و لم تعد حتي منتصف اليل و اليوم ايضاً نفس السناريو يتجدد ؟
فاين هي كهرباء السودان ناهيك عن كهرباء السد المزعوم !
ام كانت كل تلك التصريحات و الاحتفالات للاستهلاك المحلي ! ..
و لا يوجد من الكهرباء ما يسد الاستهلاك المحلي و ربما السوق المحلي و ما جاوره ...
واقع مظلم سيادة المهندس مكاوي اظلمت به الخرطوم ...
و لا اظنه واقع مشرق .. يتماشي و نهج سياسة الجودة الشاملة التي اعلنتموها !!
فجوة كهربائية ابتلعت الكل فهلا استقلتم يرحمكم الله !!
مرة واحدة قولوا ما تفعلون و افعلوا ما تقولون !! تلك هي اسس الجودة سيادتكم !!!
|
Post: #2
Title: Re: فجوة كهربائية فهل ستبتلع معها مكاوي محمد عوض ؟
Author: نوفل عبد الرحيم حسن
Date: 04-16-2009, 04:46 PM
Parent: #1
سلامات يا دكتور
الكهرباء عندنا قطعت هسي ..
قلت امر علي سبيل التحيه قبل جاز المولد يخلص
|
Post: #3
Title: Re: فجوة كهربائية فهل ستبتلع معها مكاوي محمد عوض ؟
Author: Alrayah Senhuri
Date: 04-16-2009, 08:43 PM
Parent: #2
بعض الناس
لا يستقيلون
ولا هم يقالون
امشى اشتغل شغلتك
|
Post: #4
Title: Re: فجوة كهربائية فهل ستبتلع معها مكاوي محمد عوض ؟
Author: 3bdo
Date: 04-16-2009, 11:25 PM
Parent: #3
مكاوي + كباشي مفروض يستقيلوا ... خيبة وراء خيبة ... فشل وراء فشل ... ياخي حلوا عن سمانا قرفتونا
|
Post: #10
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-18-2009, 07:39 AM
Parent: #4
| Quote: مكاوي + كباشي مفروض يستقيلوا ... خيبة وراء خيبة ... فشل وراء فشل ... ياخي حلوا عن سمانا قرفتونا |
شعار جودة شامل جديد هدية لي ناس الهيئة اياها ...
تخريمة :
هم ناس الهيئة ديل كهربتهم بتقطع ؟
|
Post: #5
Title: Re: فجوة كهربائية فهل ستبتلع معها مكاوي محمد عوض ؟
Author: 3bdo
Date: 04-16-2009, 11:34 PM
Parent: #3
مكاوي + كباشي مفروض يستقيلوا ... خيبة وراء خيبة ... فشل وراء فشل ... ياخي حلوا عن سمانا قرفتونا
|
Post: #6
Title: Re: فجوة كهربائية فهل ستبتلع معها مكاوي محمد عوض ؟
Author: الملك
Date: 04-16-2009, 11:41 PM
Parent: #5
أثبتت الدراسات الحديثة للكهرباء
بالسودان
على ان سد مروى ,,,يقوم "بشفط" الكهرباء بدلاُ عن توليدها
...
...
|
Post: #7
Title: Re: فجوة كهربائية فهل ستبتلع معها مكاوي محمد عوض ؟
Author: كمال سالم
Date: 04-16-2009, 11:53 PM
Parent: #6
يادكتور كيفنك ..
يأخى فجوه الصغيره دى ؟ دى هوه
الجماعه طبعا لقوها فرصه فى يوم
صدور المذكره وقالوا نغش المساكين
ديل بالرد الرد والسد السد
وأهو اليوم داك مرا ,,
لا شفنا رد ولا سد ,,
وسوف يكذبون ويكذبون إلى أن تبتلعهم
الأرض أجمعين . قول آآآمين ,,
|
Post: #9
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-18-2009, 07:34 AM
Parent: #3
Quote: بعض الناس
لا يستقيلون
ولا هم يقالون
امشى اشتغل شغلتك |
الريح شغلي كلو بالكهرباء ... حتي تعود بكون بوستر في انتظار الكهرباء
|
Post: #8
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-18-2009, 07:29 AM
Parent: #2
Quote: سلامات يا دكتور
الكهرباء عندنا قطعت هسي ..
قلت امر علي سبيل التحيه قبل جاز المولد يخلص |
العزيز نوفل اكثر من الجاز شكلها الكهرباء بتجي يوم و تفط يوم لمن نحنا نفط سطر ...
شكرا نبيلا علي المرور
|
Post: #11
Title: Re: فجوة كهربائية فهل ستبتلع معها مكاوي محمد عوض ؟
Author: محمد ابراهيم قرض
Date: 04-18-2009, 08:23 AM
Parent: #8
تكون المكنات الجديدة (سيحت) ؟؟؟؟
|
Post: #12
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-18-2009, 05:21 PM
Parent: #11
| Quote: تكون المكنات الجديدة (سيحت) ؟؟؟؟ |
احتمال وارد ...
و لا الكهرباء الصينية لم تندمج مع تلك الانجليزية ...
و جاري البحث عن مشروع لرتق النسيج الكهربي ...
|
Post: #13
Title: Re: فجوة كهربائية فهل ستبتلع معها مكاوي محمد عوض ؟
Author: nazar hussien
Date: 04-19-2009, 02:56 AM
Parent: #12
تبتلع مكاوي مرة واحدة!!!!
يا زول انت ماك مؤمن؟؟؟
كدي خليها تبتلع لينا محمد فرح دا؟؟؟
كفانا...
|
Post: #14
Title: Re: فجوة كهربائية فهل ستبتلع معها مكاوي محمد عوض ؟
Author: هاشم نوريت
Date: 04-19-2009, 03:04 AM
Parent: #13
اخى انه زمن تنصيب الموالى وليس للكفاءة دور فى التعيين فليس غريبا ان يكون الاداء باهتا كما هو الان
هذا المكاوى فشل فى بورتسودان والان عين مديرا عاما للكهرباء عشان يحرق مصارينكم كما شوشوها لينا فى بورتسودان
الحمد لله عرفتو مكاوى عشان تعرفوا كم كانت حرقتنا وتعاستنا عندما كان مديرا هذا المكاوى لكهرباء بورتسودان
وما تنسوا انو المتعافى ايضا كان بداء حياته السياسية محافظا لبورتسودان يعنى نتكوكو نحن اول وبعدين انتو
|
Post: #15
Title: Re: فجوة كهربائية فهل ستبتلع معها مكاوي محمد عوض ؟
Author: هويدا شرف الدين
Date: 04-19-2009, 05:06 AM
Parent: #14
الحمد لله نحن الكهرباء عندنا ما قاعده تقطع
تقطع صباح تقطع عصر - خمسه ساعات علي خفيف
وفرت لينا ذاتو المصاريف
علي قول ناس الهيلاهوبا
|
Post: #16
Title: Re: فجوة كهربائية فهل ستبتلع معها مكاوي محمد عوض ؟
Author: الطيب بشير
Date: 04-19-2009, 02:01 PM
Parent: #15
يا دكتور هيثم مرحبا بك
أقرا كلام نزار صاحبي دا
Quote: كدي خليها تبتلع لينا محمد فرح دا؟؟؟
كفانا... |
و أنا بقول لي نزار بلاش تبتلع محمد فرح نفسو..خليها تبـلــّــعوا لسانو بس!
.
|
Post: #17
Title: Re: فجوة كهربائية فهل ستبتلع معها مكاوي محمد عوض ؟
Author: nazar hussien
Date: 04-19-2009, 02:15 PM
Parent: #16
Quote: و أنا بقول لي نزار بلاش تبتلع محمد فرح نفسو..خليها تبـلــّــعوا لسانو بس!
|
ابو بشير يا صاحب...ازيك وازاي الاهل...
ديل يبلعوا الفجوة والجنبها...
|
Post: #18
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-19-2009, 03:51 PM
Parent: #17
| Quote: ديل يبلعوا الفجوة والجنبها... |
هناك جبار فوق كل جبار ...
و كان بلعوا الفجوة انشاء الله ما تنفعهم ...
خارج النص ..
ما تزال الكهرباء مقطوعة منذ 12 ساعة !! هذا هو الوعد الصادق !!
|
Post: #19
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-23-2009, 00:25 AM
Parent: #1
المكان : سد مروي
الزمان: مفتوح
الموضوع : ممكن نقبل استقالة السيد اسامة عبدالله ايضاً ان احب ...
السبب : انقطاع يومي للتيار الكهربائي و لسه الطمي ما زاد الطين بله !
و لا اجابة شافية !
من حقنا كمواطنين/ رعايا ان نعرف متي ستنتهي هذه المسرحية الهزلية ...
من حقنا كاصحاب مال عام (و الناس بتشتغل عندنا و تاخد راتب من حقنا)
ان نطالب بمحاسبتهم ... ناهيك عن اقالتهم ...
من حقنا امداد كهربائي مستمر ...
من حقنا ايضاً ان نحلم ..
|
Post: #20
Title: Re: فجوة كهربائية فهل ستبتلع معها مكاوي محمد عوض ؟
Author: سيف الدولة كامل
Date: 04-23-2009, 02:34 AM
Parent: #19
الحمد لله الكهربا عندنا شغاله
يوم كده ما قطعت.. احسدونا
سيف الدولة كامل
نيويورك
|
Post: #21
Title: Re: فجوة كهربائية فهل ستبتلع معها مكاوي محمد عوض ؟
Author: nazar hussien
Date: 04-23-2009, 03:19 AM
Parent: #20
Quote: المكان : سد مروي
الزمان: مفتوح
الموضوع : ممكن نقبل استقالة السيد اسامة عبدالله ايضاً ان احب ...
السبب : انقطاع يومي للتيار الكهربائي و لسه الطمي ما زاد الطين بله !
و لا اجابة شافية !
من حقنا كمواطنين/ رعايا ان نعرف متي ستنتهي هذه المسرحية الهزلية ...
من حقنا كاصحاب مال عام (و الناس بتشتغل عندنا و تاخد راتب من حقنا)
ان نطالب بمحاسبتهم ... ناهيك عن اقالتهم ...
من حقنا امداد كهربائي مستمر ...
من حقنا ايضاً ان نحلم .. |
اريتو دا تفاؤلي بعد ها الحال يا دكتور
نحن تفاؤلنا لا هسي ما حصل مسعلة امنيات الاستقالات دي..لأننا قنعنا منها
من التسعينات
|
Post: #23
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-24-2009, 10:36 AM
Parent: #21
Quote: اريتو دا تفاؤلي بعد ها الحال يا دكتور
نحن تفاؤلنا لا هسي ما حصل مسعلة امنيات الاستقالات دي..لأننا قنعنا منها
من التسعينات
|
العزيز نزار
حلم الحران استقالة ...
بالمناسبة الاسبوع الجاي درجات الحرارة فوق ال 45 و كان الله في عون الجميع
|
Post: #22
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-24-2009, 10:28 AM
Parent: #20
Quote: الحمد لله الكهربا عندنا شغاله
يوم كده ما قطعت.. احسدونا
سيف الدولة كامل
نيويورك |
العزيز سيف ..
لولا الحظر كنا قلنا ليك رسل لينا..
هيثم
ANCIENT SUDAN
|
Post: #24
Title: Re: فجوة كهربائية فهل ستبتلع معها مكاوي محمد عوض ؟
Author: nazar hussien
Date: 04-24-2009, 12:35 PM
Parent: #22
Quote: العزيز نزار
حلم الحران استقالة |
بل الاستقالة (حلم) وفعل البردانين زي صديقنا سيف بتاع نيويورك دا
لأنو الحرانين ديل اصلا مشغولين بي حراق روحهم..
واستجاروا من الرمضاء بالنار....ومتوهطين في نارهم
دي...وغير يا نار كوني بردا وسلاما ما عندهم دعاء..
اها ناس البرد ديل حا يقولوا للنار كوني بردا برضو؟؟؟
ديل النار بعملو بيها باربكيو يا شيخ...في عز الصيف
شفت كيف يا سيدي البردانين بيعملوا في الحر شنو؟
|
Post: #25
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 04-25-2009, 09:39 AM
Parent: #24
امراض الحر تطرق الباب وهي من تعودت الدخول بلا استئذان ...
فكيف سيكون الحال اذا اضفنا التهاب السحايا الي الصورة المضيئة !! بلا كهرباء !!
اللهم الستر ...
|
Post: #26
Title: Re: فجوة كهربائية فهل ستبتلع معها مكاوي محمد عوض ؟
Author: Dr. Haitham Mekkawi
Date: 06-14-2009, 07:24 AM
Parent: #25
عادوا فعدنا ...
نحمل نفس مطالبنا ...
الاستقالة او الاقالة ...
مع هذا يتحدثون عن الشروع في ربط السودان و اثيوبيا كهربياً ...د
و صحي فراغ ام بلة !!!
|
|