Post: #1 Title: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: عمر الفاروق Date: 04-15-2009, 10:27 AM Parent: #0
الما حضر كورة ليفربول وتشيلسي امبارح مااا حضر .. اجمممل ما في المباراة كان جمهور الليفر وهو يحي لاعبيه بالرغم من الخروج وهم يرددون : you will never walk alone ياخ الانجليزي ده ماشي معاي باااسطة يا حاقدين :) الروعة كانت في طريقة تسجيل الاهداف والذكاء والتوقع العااالي للاعبي الفريقين خصوصا الهدف الاول لليفربول.. مباراة اكدت إنو التدريب ده علم عدييييل كده وكورة الصدفة ونا س هييي قون دي ماف.. فريق يتقدم بي هدفين لحدي نهاية الشوط الاول .. وفريق يتقدم 3-2 وفريق يتقدم 4-3 وفريق يتعادل 4-4 ويقرب يجيب الخامس والسادس كمان والكورة ما وقفت.. كل ما المعلق يقول خلاااص انتهت ناتهت يجي قون يلخبط الحسابات .. ما بتوقع في زول قال الكورة دي ممكن تنتهي 4-4 تمنيت الليفر لانه الفريق القادر على هزيمة برشلونة حتى يتاح المجال لمانشستر بالفوز باللقب دون عناء.. ما تخافوا مانشستر ان شاء الله الليلة متأهل ... وانا ما زي عبد اللطيف .. عبد اللطيف راهن على الماكينة الامانية ففقد المرسيدس الالمانية .. وانا حا اراهن على الشياطين الحمر وما خايف على عربيتي ال...... ما تخجلوني وتسالوا من نوعا سمح؟
Post: #2 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: محمد عبد الماجد الصايم Date: 04-15-2009, 10:32 AM Parent: #1
تعرف يا عمكـ أمس جوني ناس بيض كــدا حضروا معاي الكورة باللاي الرموت دا زي إشارة التخصصي جكك .. جكك .. جكك لا شفنا دي ولا شفنا دي! وأنا جني وجن الزول يشيل الرموت ويقعد يتراشق ويعمل ليكـ فيها روبرتو كارلوس زاتو! تصدق من الـ 8 أقوان ما شفت غير واحد بس! والله بالزعل جابو العشا أكلت لي زي سبعة قراصات بالويكة! ياخ قربت أقول ليهم وهم مارقين شيلو معاكم كرت السجم دا ياخ!
غايتو الليلة لو جوني إلا أعمل فيها عيوني واجعاني وأحرد الكورة زاتو!
بالمناسبة مان وضعو صعب شديد عربيتكـ لحقت ماكينة عبد اللطيف يا عمكـ! شكلو حنفتع لينا تشليح قريب دا
Post: #3 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: محمد عمر الفكي Date: 04-15-2009, 10:47 AM Parent: #2
الفاروق وود الصائم تشيلسي انشا الله مولعة فيه حريقة هو والهلال سوا، عليكم الله اختوا مريخ مانشستر دا ، كجيتوا الهلال ابعدوا من مانشستر كفا عليه قونين بورتو الجابهم في مباراة الذهاب. غايتوا اليلة لو شفت فيرغسون يلوك في لبانته ديك ايمكن اسافر له مخصوص اعضيه في حلقومه دا وارجع.
Post: #4 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: عمران حسن صالح Date: 04-15-2009, 11:16 AM Parent: #2
والله يا عمر الفاروق أنا أمس جاني إحساس كده إنو أنا حبوبتي إنجليزية عديل كده ... ياخي توتر وكوارييييييك وإزعاج للعمارة وشغال بين الكورتين في الربع ساعة الأولى لحدي ما حسيت إنو الريموت وقف في مباراة البلوز وما قادر يتحركـ .. على الحظ حضرت تعادل برشلونة وكان طبعاً حصة لحاله ... هاكـ شووووووووف .............
Post: #5 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: Isa Date: 04-15-2009, 11:29 AM Parent: #4
سـلام يا عمـر:
Quote: تمنيت الليفر لانه الفريق القادر على هزيمة برشلونة حتى يتاح المجال لمانشستر بالفوز باللقب دون عناء..
غـايتو بالغت عديييل كدةيا فاروق،، علاوة على مبالغتك الأصلية بالمراهنة على فوز مانشستر، وتعلم أن بورتو (متقدم) بالتعادل 2-2 في مانشستر، كما أنه لم يسبق لفريق أن فاز على بورتو في إستاده من قبل.. عشان كدة بعتبر دا تفاؤل مفرط من جانبك مش تحليل مبني على حقايق وتقديرات! والعربية محجوزة من هسي.. لكن كونك تقول أن ليفربول قادر على هزيمة بارسيلونة (ربما دون عناء أيضا)، وليه؟ عشان مانشستر ح يفوز بدون عناء! بالبطولة.. يعني سيفوز على ليفربول أيضا.. رغم أن مانشستر ما زال بعيد عن الصعود.. فـدي تبقى المبالغة الأكبر.. المهم: أنا أراهن على فوز شيلسي على بارسيلونة وعلى بورتو والفوز بالكأس،، لسبب واحد: لعبقرية المدرب خوس هيدينك فقط لا غير!.. بس أنا عربات ناس السعودية ديل ما بقـدر عليهن،، العايز يراهـن بي عجلة يبقى علينا جاي!..
Post: #6 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: abuguta Date: 04-15-2009, 12:43 PM Parent: #5
الفاروق والشباب اللذاذ
العقلية كانت فى اهداف جلسى ,,هدف اليكس وهدف دوروقبا اهداف عاوزنها تجى كدا,,اما الخواجى الوحيد الفى جلسى سجل اهداف رجولية
انا بقول الفاينال,,,,ازرق,,,وفتشو وين الزرق
عمر فاروق عيالك بتاعين الارسنال ديل الا تجيب ليهم بامبارز,,الليلة بمرقو منها لكن صدقنى بورتو قادم بقوة,,,
وجهة نظر برضو توجد سيارة كوريلا قير عادى بخاخ
Post: #7 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: خالد عبد الله محمود Date: 04-15-2009, 04:13 PM Parent: #6
عمر الفاروغ ... ياخ أنت سجمان و رمدان و مصــلع وإنجليزيك أخير منو عربي محمد عادل و حالتكـ بالبلاء .. وبعد ده كلـــو طلعت بتشجع مانشستر ؟؟؟
تعرف لو ما كنت هلالابي كنت جيت طخيتكـ بالنار زي ما بقولو الصعايدة
ياخ أنا مانشستر ده بكرهو أكتر من المريخ !!! في الدنيا دي ما مكجن إلا أربعة فرق : مانشستر و المريخ و ريال مدريد والنصر السعودي و لو لقيت طريقة أحرقهم بجاز كنت عملتها ..
Post: #8 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: عبد اللطيف بكري أحمد Date: 04-16-2009, 10:01 AM Parent: #7
ياحبيبنا عمر ،، قربت تتخارج من عربيتك ، بس خليها معاك شوية لدوري الأربعة،،
= البوست دا امس كان مهكر ، حاولت ارد عمل حركات كدا،،
= المباراة كانت تكتيك عالي ، ومعاك راهنا على الشياطين ،،
= خالد عليك الله شيل الكلمة الشاذة في القائمة بتاعتك دي (المريخ) عشان نضارب معاك عديل كدا!!
=
Post: #9 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: النورس الحزين Date: 04-16-2009, 10:58 AM Parent: #8
عمر الفاروق
اخوك بشجع شيلسي برضو
بس ياخ الكورة فعلا كان فيها مشكلة ( كهربتا زائدة ) ههههه يعني معقول كورة تصفيات نهائية تنتهي 4-4
ان شاء الله تكون سمعت تصريحات (قوز )هههه هيندك كما ينطقها المعلق الزول دا قال هنالك ثغرات واضحة و كبيرة فى فريقه و اذا رغب فى الفوز بهذه البطولة عليه بذل جهد مضاعف من اجل سدها
ياخ معقول قونين فى دقيقتين
Post: #10 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: رقم صفر Date: 04-16-2009, 11:51 AM Parent: #9
والله ياعمر الماتش كان تاريخي ، وفي قوون كده تبادلوه مجموعة من اللاعبين ، احسست بانههم يلعبون بالمسطرة
تناقلوا الكرة بينهم ثم جا القووون .
لا زلت اسأل نفسي نحن ليه تاعبين نفسنا مع الهلال والمريخ ليه ؟؟؟؟
فعلا مباراة تاريخية
ومبروك صعود مانشستر ، رغم انني كنت مشجع بوردو
Post: #11 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: شهاب الفاتح عثمان Date: 04-16-2009, 06:45 PM Parent: #10
Quote: فعلا مباراة تاريخية
ومبروك صعود مانشستر ،
Post: #12 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: ارصد محمد جلال Date: 04-16-2009, 07:21 PM Parent: #11
المان وبرشلونة في النهائي والكاس للمان زي كل مرة ..
عليك الله شجع شيلسي وابعد من المان وبرشلونة ..
اخبارك شنو ؟ ان شاء الله طيب
Post: #13 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: محمد المختار الزيادى Date: 04-16-2009, 07:40 PM Parent: #1
دعواتنا للارسنال بهذا الكأس
اراهن بالهمر بتاعتى
Post: #14 Title: Re: ليفربول وشيلسي مباراة تاريخية ..واراهن على ماشستر يا عبد اللطيف وعربيتي جاااهزة Author: محمد المختار الزيادى Date: 04-16-2009, 08:08 PM
