Post: #1
Title: كتمت .. حر بالطريقة الصاح !!
Author: صلاح أبودية
Date: 04-14-2009, 12:04 PM
Parent: #0
لينا كم يوم فى الخرطوم ..
عندنا جنس حر !!
الشمس جات قريبة ..
وهواء ما فى كلو كلو !
تمرق الصباح من البيت تلفحك السموم..
تقول ختو ليك مكوة فى وشك !
وكمان لو جاك مشوار نصت نهار ..
وقلت كده ودخلت قلب الخرطوم !!
الله ما قال بى قولك !
ترجع البيت نهاية اليوم ..
تلقى الكهرباء قاطعة !
تقول تستحمى عشان ترطب !
تلقى الموية قاطعة !
حى على الصلاة ..
الحمد لله المغرب جاء !
تصلى المغرب وتكّل فى الجامع لغاية العشاء !
أها النوم كيف مع الكتمة !
تنوم جوة مع المكيف لا الكهرباء مضمونة لا الموية مضمونة !
بعدين إنا ما عندى مكيف !
تنوم برّة فى الحوش !
تعد عشرة خطوات من حيطة الجيران ..
وعشرة خطوات من بير السايفون !
تصحى الصباح تلقى نفسك فى خور شمبات !
|
Post: #2
Title: Re: كتمت .. حر بالطريقة الصاح !!
Author: صلاح أبودية
Date: 04-14-2009, 12:24 PM
ناس الإرصاد الجوى مطنشين !
وناس وزارة الصحة برضو ..
حتى الآن لم يظهر مصل السحائى !
وطبعا السنة الفاتت قالوا لينا ما فى تطعيم ..
عديل كده ما فى تطعيم !
قالوا إلا تصل الحالة لمرحلة (وباء) !
كلام عجيب !
|
Post: #3
Title: Re: كتمت .. حر بالطريقة الصاح !!
Author: صلاح أبودية
Date: 04-14-2009, 12:33 PM
Parent: #2
ناس الكهرباء قالوا ..
تانى مافى كهرباء بتقـ/طع فى الخرطوم ..
لأنو كهرباء السد خشت الخرطوم !
خشت بى جاى ومرقت بى جاى ؟
خشت وين يا جماعة ؟؟؟
|
Post: #4
Title: Re: كتمت .. حر بالطريقة الصاح !!
Author: محمد هشام
Date: 04-14-2009, 12:39 PM
Parent: #3
Quote: ناس الكهرباء قالوا ..
تانى مافى كهرباء بتقـ/طع فى الخرطوم ..
لأنو كهرباء السد خشت الخرطوم !
خشت بى جاى ومرقت بى جاى ؟
خشت وين يا جماعة |
كمان دايره ليها مدة
لحدي ما العفش بتاعة يصل
بعدين انا حاسي
انو الشباب ديل
بعد ما عملو السد
وكبري توتي
حيعملو لي الخرطوم مظلة كبيرة
تضامنا مع الرئيس
|
Post: #6
Title: Re: كتمت .. حر بالطريقة الصاح !!
Author: عمر عثمان
Date: 04-14-2009, 12:51 PM
Parent: #4
Quote: تعد عشرة خطوات من حيطة الجيران ..
وعشرة خطوات من بير السايفون !
تصحى الصباح تلقى نفسك فى خور شمبات ! |
تعرف يا جنابو
عشان كده قلتا لامين
تعمل السايفون نظام
تركي
يعني ماسوره بس
من دون بير
|
Post: #8
Title: Re: كتمت .. حر بالطريقة الصاح !!
Author: صلاح أبودية
Date: 04-14-2009, 01:02 PM
Parent: #6
عمر !
كيف حالك وربنا يكتب السلامة !
Quote: تعرف يا جنابو
عشان كده قلتا لامين
تعمل السايفون نظام
تركي
يعني ماسوره بس
من دون بير |
فعلا يا عمر !
لأنو أمين لو عدّ عشرة خطوات من الجيران
وعشرة خطوات من بير السايفون ..
حا يلقى رقبتو فى سوق الشعبية !
|
Post: #7
Title: Re: كتمت .. حر بالطريقة الصاح !!
Author: صلاح أبودية
Date: 04-14-2009, 12:58 PM
Parent: #4
محمد هشام !
سلامات !
Quote: كمان دايره ليها مدة
لحدي ما العفش بتاعة يصل |
يعنى العفش بتاعها فى السير !
أوعى يكون إتخلف ؟
وبعدين يشيلو الديباجة ..
وإنت عارف الباقى !
|
Post: #5
Title: Re: كتمت .. حر بالطريقة الصاح !!
Author: هشام الطيب
Date: 04-14-2009, 12:50 PM
Parent: #3
صلاح ..
سلامات ..
كتمت ساي دي كتمت كتمة عجيبة خلاص .. !!
زكرتني نكتة المسطول القال (الشمس دي شكلها ركبو ليها بطارية جديدة ) !! 
اليلة أول يوم لي في السمستر الثاني في الكلية وكحال الكادحين راجع قبل شوية (كداري) من الشهداء أمدرمان لحدي بحري (موزة ) زي ( الموزة)
الحااجة الكويسة إنو في أزيار كتيرة في الشارع ، كل ماتمشي خطوتين تلقالك زير وتقعد تشرب وماتروى , تشرب وتحس بي إنو في (بخار) طالع من جسمك ..
..
غايتو رمضان كان جا في حر زي دة
الله أعلم ..
!!
|
Post: #9
Title: Re: كتمت .. حر بالطريقة الصاح !!
Author: صلاح أبودية
Date: 04-14-2009, 01:06 PM
Parent: #5
هشام !
ربنا يعينك ياخ !
| Quote: كل ماتمشي خطوتين تلقالك زير وتقعد تشرب وماتروى |
المشكلة مرات تلقى الزير ما فيهو كوز!!!!!
|
Post: #10
Title: Re: كتمت .. حر بالطريقة الصاح !!
Author: هشام الطيب
Date: 04-14-2009, 01:13 PM
Parent: #9
| Quote: المشكلة مرات تلقى الزير ما فيهو كوز!!!!! |
كتر خير علب الصلصة القاعدة وراء الازيار ..
|
Post: #11
Title: Re: كتمت .. حر بالطريقة الصاح !!
Author: نوفل عبد الرحيم حسن
Date: 04-14-2009, 01:18 PM
Parent: #9
والزايد الطين بله الكهرباء تجي تقول لينا ( ياااائك ) وتقطع تاني
هسي في المنشيه هنا قاطعه من صباح الرحمن ولحدي هسي ( الساعه 15 : 3 ) ما جات
سخنت ولما زادت سخانتها ... سخنت تاني
|
Post: #12
Title: Re: كتمت .. حر بالطريقة الصاح !!
Author: صلاح أبودية
Date: 04-14-2009, 01:25 PM
Parent: #11
نوفل !
نهارك سعيد !
Quote: والزايد الطين بله الكهرباء تجي تقول لينا ( ياااائك ) وتقطع تاني
هسي في المنشيه هنا قاطعه من صباح الرحمن ولحدي هسي ( الساعه 15 : 3 ) ما جات |
بازول !
كيف الكلام ده ؟
قطعت ولّ كملت ؟
كدى راجع العداد !!
|
Post: #13
Title: Re: كتمت .. حر بالطريقة الصاح !!
Author: عبد اللطيف بكري أحمد
Date: 04-14-2009, 01:49 PM
Parent: #12
يازول بطل جرسة ، حركاتك دي كل سنة تعمل
قبل إجازتنا ،،
بل سخانة بلا كهرباء بلا حنكشة ضباط مظلات!!!
جهز السواكني وأدي على النضام مامورية خشم القربة!!
=
قال حر قال!!!
ألعب غيرها!!
|
Post: #14
Title: Re: كتمت .. حر بالطريقة الصاح !!
Author: صلاح أبودية
Date: 04-14-2009, 01:59 PM
Parent: #13
عبد اللطيف ..!
كيف الإمتحانات ؟
| Quote: جهز السواكني وأدي على النضام مامورية خشم القربة!! |
على النضام ؟
إنت ما عرفت إنو عبدالحفيظ إتسجلت فى تيم الجلا ؟؟
كان جاى الإجازة !!
بالله تعال بالفارهة ..
عشان عندنا نية نمشى معاكم العمرة !
|
Post: #15
Title: Re: كتمت .. حر بالطريقة الصاح !!
Author: عبد اللطيف بكري أحمد
Date: 04-14-2009, 02:15 PM
Parent: #14
| Quote: عشان عندنا نية نمشى معاكم العمرة ! |
خلاص شوف لينا قالوا في تربتيك تسليم من الرياض إلى الخرطوم مباشرة،،
وما مشكلة عمتك سواكن دي خليها للرجعة،،
جادي والله ،، أسأل لينا عن الموضوع دا!!
|
Post: #17
Title: Re: كتمت .. حر بالطريقة الصاح !!
Author: صلاح أبودية
Date: 04-15-2009, 08:04 AM
Parent: #15
| Quote: جادي والله ،، أسأل لينا عن الموضوع دا!! |
إن شاء الله !
وبالمرة تشوف إستاد المريخ !!
|
Post: #16
Title: Re: كتمت .. حر بالطريقة الصاح !!
Author: نوفل عبد الرحيم حسن
Date: 04-14-2009, 02:31 PM
Parent: #12
Quote: بازول !
كيف الكلام ده ؟
قطعت ولّ كملت ؟
كدى راجع العداد !! |
المنشيه شرق مسجد سنهوري تحديدا
نحن بنشحن عدادنا ب 4 مليون شهريا
باقي ليك دا عداد بقولوا كهربتو كملت ؟
اخيرا جات هسي ... كان ما تقطع تاني
|
Post: #18
Title: Re: كتمت .. حر بالطريقة الصاح !!
Author: شكرى سليمان ماطوس
Date: 04-15-2009, 08:38 AM
Parent: #16
التحية لصاحب البوست
وعقبال ما ُتفرج و تهبب النسايم
خرجت من السودان فى يوليو 1979 متأبطاً شهادتين
الأولى كونى مؤمن و الثانية كونى جلست لإمتحانها
منذ ذلك التاريخ وحت اليوم زياراتى للوطن ترعاه العناية
لا تزيد عن المدة المحددة فى عقود العمل و سنين الإغتراب
كانت فعلاً فى ذلك العهد، تكتم عند المغارب و ينعدم الهواء
و لكن زخات مياه الخراطيش تهبب ليك دعاشاً كاذب و لو لحين
أقرأ كلماتكم و شعر جسمى من الرأس لأخمس القدمين ينقذ
لا أتخيل أن أكون فى موقع دون كهرباء لمدة تزيد عن دقيقة
كالهواء للحياة و الماء للسمك و كالفساد للكيزان
لكم الله يا أهــــــــــل
ش
|
Post: #20
Title: Re: كتمت .. حر بالطريقة الصاح !!
Author: صلاح أبودية
Date: 04-15-2009, 09:52 AM
Parent: #18
الأخ : شكرى !
| Quote: خرجت من السودان فى يوليو 1979 |
تحيـاتى وربنا يرد الغربة إن شاء الله !
وتجى تاخد ليك ساونا معانا هنا !!
|
Post: #19
Title: Re: كتمت .. حر بالطريقة الصاح !!
Author: صلاح أبودية
Date: 04-15-2009, 09:31 AM
Parent: #16
Quote: نحن بنشحن عدادنا ب 4 مليون شهريا
باقي ليك دا عداد بقولوا كهربتو كملت ؟ |
نوفل !
ربنا يبارك ويزيد!!
المشكلة إنو القـ/طع ما بفرز !!
|
Post: #21
Title: Re: كتمت .. حر بالطريقة الصاح !!
Author: انعام عبد الحفيظ
Date: 04-15-2009, 10:06 AM
Parent: #19
Quote: لينا كم يوم فى الخرطوم ..
عندنا جنس حر !!
الشمس جات قريبة ..
وهواء ما فى كلو كلو !
|
كلو كوم وقطع الكهرباء في الحر دا كوم تاني
الله كريم علينا يا صلاح (وش حرااااااان)
ـــــــــ
يا صلاح عليك الله بعد حر السودان دا
ربنا مش مفروض يدخلنا الجنة طوالي!!!
|
Post: #22
Title: Re: كتمت .. حر بالطريقة الصاح !!
Author: صلاح أبودية
Date: 04-15-2009, 10:39 AM
Parent: #21
إنعام !!
كيف حالك ؟
وبركة بالطلّة !
| Quote: كلو كوم وقطع الكهرباء في الحر دا كوم تاني |
فى كوم تالت يا إنعام ما تنسيهو ..
مع قطـ/عت الكهرباء والعرق ..
تقوم تعضيك نملة سوداء حاقدة !
ولغاية ما تقلع الجلابية وتنفضها تكون عضتك عشرين مرة !
وبعد ده كلو ما تلقاها !!
|
Post: #23
Title: Re: كتمت .. حر بالطريقة الصاح !!
Author: صلاح أبودية
Date: 04-15-2009, 11:21 AM
Parent: #22
بشرى سارة !
أصدرت الهيئة العامة للكهرباء اليوم بيانا فى الصحف اليومية ..
أشارت إلى أن القطوعات ستكون ببرمجة عادلة !
هاك العدل ده !
|
Post: #24
Title: Re: كتمت .. حر بالطريقة الصاح !!
Author: صلاح أبودية
Date: 04-19-2009, 07:54 AM
إنتـصر المريخ ..
فبرد الجو !!
|
Post: #25
Title: Re: كتمت .. حر بالطريقة الصاح !!
Author: صلاح أبودية
Date: 04-19-2009, 09:00 AM
Parent: #24
عشان الجماعة ما يزعلوا ..
إن شاء الله الهلال ينتصر اليوم ..
عشان المطر تصب عديل كده !
|
Post: #26
Title: Re: كتمت .. حر بالطريقة الصاح !!
Author: صلاح أبودية
Date: 04-20-2009, 09:49 AM
بعد إذن الأخ ناذر ..
عاوز مروحتك دى سلفة أرطب بيها البوست ده !!
|
Post: #27
Title: Re: كتمت .. حر بالطريقة الصاح !!
Author: صلاح أبودية
Date: 04-26-2009, 10:52 AM
Parent: #26
يقال أن درجة الحرارة وصلت يوم أمس الأول 52 درجة !!!
والله اليوم أظنها فاتت الستين !!
الله يستر !!
|
|