شادية عبدالمنعم ... معركة فشنك

في بوست دكتور أمجد الذي حاول فيه رد غلواء نجاة محمود
نشبت نيران صديقة بيني وشادية عبدالمنعم
ولمصلحة ذاك البوست المهم ، اعني بوست أمجد
فضلت نقل المعركة الفشنك مع شادية هنا

و أصلآ كنت عايزها معركة بعيدة عن المنبر

لكنها أبت

فاستجبنا لها

Quote: و أصلآ كنت عايزها معركة بعيدة عن المنبر

وأين المعترك؟

صدقني يا كما ليس هناك من معترك

(*)

يا (بركات) أحسن تحل مشكلتك مع الزولة دي برة البورد

ده لو كانت (شادية) صديقتكم الكانت نازلة عندكم هنا في (الدوحة)


تعرف كل يوم بثبت لي أنو البورد ده
صداقاته (قشرية) وما حقيقية ..

عشان كده الزول مايركز عليها ..
وكان ركز عليها , إركز ليها ...
ويتحمل نتيجة خواتيما ..



_____________________________
المداخلة دي عشان تتذكروا الإتنين
العيش والملح ..
وتفضوها سيرة وتريحنا من سلسلة
أصدقاء أعداء جدد إتعودنا عليها هنا ..

عشان قالت الحق حسب معرفتها بيك
بقت معركة ومنقولة من بوست لبوست
غايتو الزمن دا البقول الحقيقة
إلا يخت جنبو جيم ثري


يا كمال ياها شادية الكانت نازلة معاه في البيت

وعشان قالت الحق حسب معرفتها بالدكتورة نجاة (بيان)
حسب ما قرأت لشادية في ذلك البوست
ولو في الجزب الشيوعي ناس زي شادية دي
أظن أنني سأغير رأيي في بعض الشيوعيين

شكراً ليك يا كمال
لكن ياها شادية زاتها الكانت نازلة في بيت بركات تصدق؟؟
وأكرر ليك ما في معركة ولا حاجة

ولو بركات حاربني عديل وبطل الكلام معاي لما ألقاهو في حتة غلطان
بعتبره أخوي الكبير وخرفان وبقول ليهو أنت غلطان
وأخليهو ينصب المدافع وأدارق منها هنا وهناك


لك التحية يا كمال

Quote: ولو بركات حاربني عديل وبطل الكلام معاي لما ألقاهو في حتة غلطان بعتبره أخوي الكبير وخرفان وبقول ليهو أنت غلطان وأخليهو ينصب المدافع وأدارق منها هنا وهناك

كلام جميل ومقدر يا(شادية)

البداية كانت
وصف شادية لكلام قيل في حق نجاة وصفته بالبهتان

وانا سبق ان بهتتني نجاة
وذلك في بوست سابق ب مداخلات حوت إساءات وبهتان
واوردتها كل واحدة على حده
وهي

Quote: Quote: جد مخك كان فطرك ما بغديك.. Quote: لا تابه بما يقوله ابو ساندرا لانه كذاب وعينو قوية وسنو ملوية Quote: طبعا لازم نثبت ان ابو ساندرا من الرجال الذين اعدهم بالنسبة لي سقط متاع.. Quote: وفي النهاية يبقى القلا الكلام دا هو ابو ساندرا.. رجل من وزن الريشة..

ولها ، أي للست نجاة قول أخر في حقنا نعده من البهتان
قالت : أبو ساندرا زيرو أخلاق


شلت إساءات وبهتانات نجاة كلها ووضعتها امام شادية لترى البهتان
فكان رد شادية :

Quote: وأقول ليك حاجة صدقني في كوتاتك دي كلها ما شايفة أنو نجاة بهتتك في شئ

وبذلك تكون شادية مثلها ونجاة قد بهتتني
او وافقت على ان حضرتنا:
- مخ صغير وغبي
- كذاب و عيني قوية وسني ملوية
- سقط متاع
- وزن ريشة ، اي وزني خفيف


يحدي هنا يا شباب متابعين معاي
وموافقين على ان الست شادية قد وجهت لحضرتنا إساءات
وبهتان ؟

Quote: وبذلك تكون شادية مثلها ونجاة قد بهتتني او وافقت على ان حضرتنا: - مخ صغير وغبي - كذاب و عيني قوية وسني ملوية - سقط متاع - وزن ريشة ، اي وزني خفيف

زد على ذلك (زيرو أخلاق)

صدق سيف الجامعة حين قال
(يا مغرور ما دي الحقيقة رغم انك ما بتطيقا)

Quote: زد على ذلك (زيرو أخلاق) صدق سيف الجامعة حين قال (يا مغرور ما دي الحقيقة رغم انك ما بتطيقا)

يا بركات موضوعك مع شاديه انا علي قناعه انها قادره علي توضيح الامر ومناقشته معاك لكين معتز القريش وجه ليك اساءه بالغه انا بفتكر تلموا الموضوع دا من هنا وانت تشوف كلامك مع معتز انتوا الاتنين في الدوحه ولا ما كدي ؟؟
ومع شاديه يمكن معالجه الامر بالاميلات خاصتكم دا لو بتسمعوا نصحي لانه دي اشياء تدخل في اطار الخاص ولا حاجه للقراء بها

الأخت الدومة
شكراً كثيراً وأنت محقة تماماً
الموضوع محلول
بركات وأسرته من أقرب الناس إلى قلبي

حتى لو هو شايف غير كدة

صدق سيف الجامعة حين قال
(يا مغرور ما دي الحقيقة رغم انك ما بتطيقا)



الحقيقة الوحيدة في البوست ده إنو بركات أخوي رغم أي سوء فهم بيناتنا

ولو بركات جن فما زلت بعقلي
ولن اسمح ليك يا معتز أن تستغلني لتسئ لبركات

البيني وبين بركات ملح وملاح وأسر وصداقة سنين لن يفسده هذا البوست أو مية زيو

حكمة البوست :

Quote: ولو في الجزب الشيوعي ناس زي شادية دي أظن أنني سأغير رأيي في بعض الشيوعيين

أها (الجزب الشيوعي) فيهو ناس زي شادية
لكن انت البغير فكرتك شنو ؟



الصيد في البوست دة ما حبابوا
أفهمت ؟

كيفنك يا خضر

حاضر يا صديقي

حاضر

I got you

كتب كمال علي الزين "

Quote: المداخلة دي عشان تتذكروا الإتنين العيش والملح ..

ايوة يا كمال
عشان السبب ده بالتحديد
انا لم ارد عليها في البوست
وقلت : بدون تعليق

وفضلت ان اخاطبها هي مباشرة وفي ماسينجر البورد
رسلت ليها رسالة داخلية

لكنها فضلت ان يدور الموضوع هنا في البورد
فنوهت عن رسالتي الخاصة ليها ووصفتها بالتهديد
وذلك هنا:

Quote: ولو دي طرقة المعركة التي هددتني بيها في الماسنجر حقيقة أنا حزينة على صداقة بيك ظننتها للأبد وملح وملاح وجمال لا متناهي بيننا

أيوة حاولت مخاطبتها مخاطبة خاصة بالماسينجر
فنوهت عنها في العلن ، في المنبر العام
وإعتبرتها تهديد


لذلك بادرت بنشر الرسالة الداخلية هناك
وهنا أفعل :

Quote: From: أبو ساندرا To: شادية عبد المنعم Subject: فهمنا حاجة طالما انت عندك فيني هذا الرأي السييء المتفق مع رأي نجاة حول إني غبي وجاهل وسقط متاع وغيره كان على الأقل تقوليهو هنا في الماسينجر او بالإتصال ، ولكنك بايراده هناك على الملاء يؤكد رغبة التشفي وحرقي وعليه هي معركة سأديرها خارج المنبر انسي موضوع ماهيتاب وكل مايتعلق بي

اها ورونا التهديد وين هنا
نصيحتك يا كمال في العين والراس
بس اصلا اخدنا بها وعملنا بيها قبل ما تقول
صاح

التهديد

Quote: هي معركة سأديرها خارج المنبر

مش كدة وبس يا أحمد برضو قال لي ماهيتاب دي أنسيها يعني ما مكتفي بأن يعكر بيني وبين نجاة
بل عايز يدخل بناته وخاصة العاقلة الرزينة ماهيتاب

وده هو التهديد الحقيقي بالنسبة لي عشان صحي أنا ما بقدر أخسر ماهيتاب

أنا مش بحبها ساكت أنا بحترمها جداً وبحسد أي زول عندو بت زيها

كتب معتز القريش :

Quote: زد على ذلك (زيرو أخلاق) صدق سيف الجامعة حين قال (يا مغرور ما دي الحقيقة رغم انك ما بتطيقا)

للتوثيق
وبدون تعليق

كتبت دومة :

Quote: يا بركات موضوعك مع شاديه انا علي قناعه انها قادره علي توضيح الامر ومناقشته معاك لكين معتز القريش وجه ليك اساءه بالغه انا بفتكر تلموا الموضوع دا من هنا وانت تشوف كلامك مع معتز انتوا الاتنين في الدوحه ولا ما كدي ؟؟ ومع شاديه يمكن معالجه الامر بالاميلات خاصتكم دا لو بتسمعوا نصحي لانه دي اشياء تدخل في اطار الخاص ولا حاجه للقراء بها

أهلآ بالعزيزة دومة
1- فيما يتعلق ب شادية تعيقها كان جارح ومع ذلك لم أعلق عليه في البوست
وكاتبتها ماسنجريآبصيغة فيها عتاب وقلت لها كان تكاتبيني بالماسينجر او بالإتصال
لكنها أعلنت عن رسالتي وفضلت أن يكون الموضوع هنا وقدام الجماهير
فاستجبت ، خاصة وأن شتيمتها التي وافقت بها نجاة فادحة ومزعجة ولايمكن تفويتها
خاصة عندما تأتي من شخص قريب منك او كان كذلك
فتح الموضوع هنا لم يكن إختياري ، أرغمتني شادية عليه بإعتبارها رسالتي الداخلية
محض تهديد
وهدفي هنا إما أن انفي عن نفسي اساءات نجاة التي وافقتها عليها شادية
أو ان تثبت شادية الإساءات التي وجهت لي بالدليل القاطع

وقد تسألي ، ولماذا لم أطالب نجاة بذلك إبتداءآ
ببساطة لأن نجاة لاتعنيني كما تعنيني شادية ، هذا من جهة
كما أن الناس هنا تعودوا على إساءات نجاة وتجاوزاتها في حق وفي حق أخرين كثر
بما تعود معه إساءاتها غير مزعجة وان الناس بتضعها في اطارها
لكن لمن تجيي من شخص مفروض يكون محسوب عليك فلازم الزول يتصدى عشان يا إحترق للأبد
أو انتزع حقه

أرجو ان تكوني فهمتيني في النقطة دي

2- فيما يتعلق بالإساءة التي وجهها لي معتز القريش
فهذه ليست المرة الأولى ، وقريب ده فتح بوست بدافع الإساءة لي
لم أتداخل فيه ولم أعلق وإكتفيت بردود عدد من المتداخلين
وهي ردود تضع معتز القريش في مكانه المناسب
بما لا احتاج معه انا لتفنيد او دفاع

ولو انت تابعتي تاريخ معتز القريش هنا ح تكتشفي ان البون بيننا شاسع
فيما يتعلق بالادب والأخلاق
على الأقل انا لم توجه لي محكمة تهمة شنيعة ولم الاحق بسبب فضيحة إخلاقية
وانا أبدآ ماكنت شاتم ولا ملاحق للناس في شرفها او في أخلاقها
واكتر حتة ممكن أتصعلك فيها بتكون محض مزاح مع أصدقاء هنا
يفهموني ويقدروني إلا من رفض وحينها انسحب بهدوء

عندما تأتيني المذمة من معتز القريش او امثاله لا أحفل بها
عشان الرد ذاتو والله كتير عليهم

معتز لن يكف لأنه مجروح بتلك التهمة الذميمة
ويتمنى ان يراني وان يرى كل شريف في نفس موضعه
وده حلم لن يتحقق له أبدآ

كتب احمد التيجاني أحمد :

التهديد :

Quote: هي معركة سأديرها خارج المنبر

قد تبدو كذلك
ولكني لم أقصد ذلك
وإدارة المعارك ممكن يكون بالحرب والعراك
وممكن تكون بالحوار والعتاب
ولأنك ح تسألني نحن حنفهم قصدك كيف ؟

اقول ليك ان نيتي وهدفي يمكن الإستدال عليهم بعبارتي
التي قلت فيها لشادية كان ممكن تكاتبيني برسالة داخلية او بالإتصال
أي ، حتى ولو عندها رأي فيني سالب وبشع زي النوهت عنه
قلت لها ده كان يكون بعيد عن المنبر وقدام عيون الملأ

كتبت شادية في بوست أمجد

Quote: الحقيقة أنا ما وقفت مع نجاة في أي شتيمة شتمتها لأزول بل نقدتها لكن بينت الفرق بين لفظة شتيمة ولفظة بهتان ولا تنسى أنني من إستخدمت لفظة بهتان

انا مصر أفصل مشكلتي مع شادية عن بوست أمجد ليكرس لدحض نجاة فقط
انا وشادية نجيي هنا ، ولو مالبت شادية طلبي
ح أنقل مداخلاتها من هناك وأعلق عليها هنا
إتفقنا

بالنسبة لقول شادية في المقتطف أعلاه
انا ببساطة وضعت مقتطفات لما قالته نجاة عني
أن يعد قولها ذاك شتيمة او بهتان فأنا ما ساعي للتصنيف
أن كنت عايز انبهك إنها إتخذت معي لغة على الأقل نقول عليها غير كريمة
انت في المقتطف الذي جلبته ليك نفيتي أن نجاة بهتتني
بما يوحي او يؤكد موافقتك على رأي نجاة فيني

فهل الأمر كذلك ؟

Quote: - فيما يتعلق بالإساءة التي وجهها لي معتز القريش فهذه ليست المرة الأولى ، وقريب ده فتح بوست بدافع الإساءة لي لم أتداخل فيه ولم أعلق وإكتفيت بردود عدد من المتداخلين وهي ردود تضع معتز القريش في مكانه المناسب بما لا احتاج معه انا لتفنيد او دفاع ولو انت تابعتي تاريخ معتز القريش هنا ح تكتشفي ان البون بيننا شاسع فيما يتعلق بالادب والأخلاق على الأقل انا لم توجه لي محكمة تهمة شنيعة ولم الاحق بسبب فضيحة إخلاقية وانا أبدآ ماكنت شاتم ولا ملاحق للناس في شرفها او في أخلاقها واكتر حتة ممكن أتصعلك فيها بتكون محض مزاح مع أصدقاء هنا يفهموني ويقدروني إلا من رفض وحينها انسحب بهدوء عندما تأتيني المذمة من معتز القريش او امثاله لا أحفل بها عشان الرد ذاتو والله كتير عليهم معتز لن يكف لأنه مجروح بتلك التهمة الذميمة ويتمنى ان يراني وان يرى كل شريف في نفس موضعه وده حلم لن يتحقق له أبدآ

دي برضو للتوثيق مع وش مدردق من الضحك
على قول بيان الوضعتك في مكانك المناسب
وجات القريبة ليك وكانت نازلة في بيتك
لمدة تكفي لكي تعرفك على حقيقتك
جاءت هذه القريبة ليك وأكدت الكلام القالتو بيان
ودائما عوامل التعرية الطبيعية بتشتغل صاح

يا أخوي دا كرت محروق قروهو آلاف الأشخاص
وسمعوهو آلاف غيرهم وبرضو بعرفو منو (معتز)
ومنو (ابوساندرا) شوف ليك حاجة تانية
لأنو أنا الحاجات التانية العندي كتيرة
وانت عارف كدا كويس خالص خالص خالص
لكن زي ما قلت ليك قبل كدا انو دا ما أدبي
ولا دي أخلاقي وبرضو براعي لناس حكم القدر انهم
يكونوا جزء منك ... ما ليهم ذنب في انك انت كدا

شادية عبدالمنعم الشامخة كاويتلا ........ معقولة يا ابوساندرا

مع الجوطة دي لابتسمعها لا بتسمعك

ارخص حاجة بقت التلفونات

تحياتي لكما

النجيضة:
بوست كان هدفو يكون كويس
بعدين بقى ما كويس .. خالص خالص!

Quote: النجيضة: بوست كان هدفو يكون كويس بعدين بقى ما كويس .. خالص خالص!

يا ود الصايم كيفنك
النصيحة البوست ما كويس من الأول
وما كان في داعي ليهو

أنا شخصيا ما ح أزيد في البوست ولا كلمة
لأنه النتيجة المطلوبة لي من زمن هنا حصلت
وهي شهادة السيدة / شادية

ولا يشرفني ابدا أن أكون في مكان فيه
مثل هذا الشخص ...

ولكنني اقولها له كما قالها هو لشادية
ولكنني أختلف عنه في ادارتها
(هي معركة سأديرها خارج هذا المنبر)

وسلام يا ود الصايم يا صاحبي
ونتلاقا في مكان أنضف

Quote: وقد تسألي ، ولماذا لم أطالب نجاة بذلك إبتداءآ ببساطة لأن نجاة لاتعنيني كما تعنيني شادية ، هذا من جهة كما أن الناس هنا تعودوا على إساءات نجاة وتجاوزاتها في حق وفي حق أخرين كثر بما تعود معه إساءاتها غير مزعجة وان الناس بتضعها في اطارها لكن لمن تجيي من شخص مفروض يكون محسوب عليك فلازم الزول يتصدى عشان يا إحترق للأبد أو انتزع حقه

ياخي انا ذاتي انت لا تعنيني ولا يمكن يجي اخت تفسي في محل اختيار بين الاصدقاء
اختاروني يا انا يا فلان
لاني زولة كبيرة في السن وناضجة
حركان الاولية دي ما بتنفع معاي
تانيا شادية انت الختيتها في المحك دا

لانه البوست كان عن امجد
انت جيت شايل كوتاتك
حاشر روحك عايز تخت شادبة في يا انا يا نجاة
شادية زولة صميمة وفارسة
لا بتلف لا بتدور
بتقيف مع ما تظن
صاح
انت ليه عايز تدخلها بيني وبينك؟

شادية ياخي متأسفة شديد..

سلامات يا نجاة

برضو يا ريتك لو ما جيتي هنا

ولا تاسفي يا عزيزتي أنا قعدت في جمر أحر من كدة
والحبة ما جاتني

وأنا لست آسفة على ما طالني فللصداقة حق
كوني بخير

Quote: أنا شخصيا ما ح أزيد في البوست ولا كلمة

بارك الله فيك يا معتز
وكمان كان سحبت مداخلاتك تكون ما قصرت
و كمان يا ابوساندرا يا ليت لو تسحب مداخلتك لو أمكن

يا محمد عبد الماجد سلام

تعرف كثير من الكوارث في الدنيا حدثت بحسن النوايا

وأظن هناك أمجد بيقدر يطلع بي نجاة من كل هه الفوضى
وأظنه رمى إلى ذلك

وبي هنا فرصة ليعرف بركات بأن علاقتي بنجاة يجب أن لا تكون قصاد أخطاء نجاة

ود الشيخ لك التحية ومعاك الف حق
بس يا خوي عاد أنا مغتربة؟؟
التلفونات بالنسبة لي غالية
مال لا قبل لي به

بالنسبة لقول شادية في المقتطف أعلاه
انا ببساطة وضعت مقتطفات لما قالته نجاة عني
أن يعد قولها ذاك شتيمة او بهتان فأنا ما ساعي للتصنيف
أن كنت عايز انبهك إنها إتخذت معي لغة على الأقل نقول عليها غير كريمة
انت في المقتطف الذي جلبته ليك نفيتي أن نجاة بهتتني
بما يوحي او يؤكد موافقتك على رأي نجاة فيني

فهل الأمر كذلك ؟


لو قلت كدة من البداية كنت قلت ليك نجاة غلطانة وبس

لكن عليك النبي يا بركات ما تستهين بذكائي

ما أنا عاجناك وخابزاك

نمرة واحد ما دخلك أنت في كلام قيل ضد نجاة
لا إنت القايل ولا إنت نجاة
ولو عايز تقول لي عايني لي صاحبتك أنا عارفاها زي ما عارفاك
يعني السبب شتو الخلاك تدخل في بوست أمجد وتخيرني بينك وبين نجاة؟؟
ثم ثانياً أكرر ليك من كوتاك عرفت إنو ناجاة شتمتمك
والكوتات دي شتيمة
ما بهتان ولا كمان يا بركات عشان تصل للنتيجة الإنت عايزها ممكن تلوي عنق اللغة العربية ؟؟

وهل لأني قلت ليك ده ما بهتان أبقة موافقة شتم نجاة ليك؟؟
طيب ما أشتمك براي
ولا قايلني عشان بترفع عن الشتايم ما بعرف أشتم؟؟

رايك شنو لو قلت ليك بتحلم بي معركة ما حتلقاها؟؟
معركة معاي أنا يا بركات؟؟؟

ما حتلقاها عشان أنا بعرف أوجه نيراني وين

حيث العدو جاثم في الخرطوم والحر يلفح أهلها

Quote: لانه دي اشياء تدخل في اطار الخاص ولا حاجه للقراء بها

سلامات يا بركات

إذن يا عبد الرحمن،
أغفل عن هذا الموضوع رجاءا" .. و خليك مع ذاك البوست اللي
رحلناهو نيابة عنك بوصفو ملكية عامة و ارض على المشاع

.. بوست قضايا ما بعد المؤتمر الخامس ، الصراع الفكري داخل الماركسية
بوست محنة الرجل الفاضل/ محمد ابراهيم نقد وهو يصيغ الخط
السياسي - الثوري في واقع مُهترى و بالغ الرهافة و التعقيد

عزيزنا ابوو ساندرا

Quote: رايك شنو لو قلت ليك بتحلم بي معركة ما حتلقاها؟؟ معركة معاي أنا يا بركات؟؟؟ ما حتلقاها عشان أنا بعرف أوجه نيراني وين حيث العدو جاثم في الخرطوم والحر يلفح أهلها

عين العقل ياشادية

بالجد التلفونات والايميل بحسمو الموضوع دا





خالص الود

Quote: زد على ذلك (زيرو أخلاق) صدق سيف الجامعة حين قال (يا مغرور ما دي الحقيقة رغم انك ما بتطيقا)

معتز القريش
في محاولة بحث عن معركة مع ابو ساندرا.....!!!

كتب معتز قريش

Quote: [BB]وجات القريبة ليك وكانت نازلة في بيتك لمدة تكفي لكي تعرفك على حقيقتك جاءت هذه القريبة ليك وأكدت الكلام القالتو بيان ودائما عوامل التعرية الطبيعية بتشتغل صاح

كلام غريب وعجيب ومغرض ويستحق الرد من شادية

ولقد سبق للاخت بيان ان زارت ابوساندرا فى الدوحة ورغم خلافهما فيما بعد الا انها

لم تذكر او تنوه الى سوء معاملة اواى تصرف من ابوساندرا اساء اليها بل شكرته حينها على الضيافة وحسن الاستقبال

الجميل الحبيب ابو ساندرا
أنت دوماً ما تعطر أماكن تواجدك
بروحك السمحة فلا تغلو وتحمل الاشياء اكثر مما تحتمل
وشادية قطعت قول كل خطيب، بقولها:

Quote: وهل لأني قلت ليك ده ما بهتان أبقة موافقة شتم نجاة ليك؟؟ طيب ما أشتمك براي

ياخي لقيتك رايحة ليك شكله والظاهر سفر بت المغيرة عامل عمايلو،، بس روق وأحلى.

شادية: أكلنا من يدها الزلابية في حضرتك الجميلة، نربأ بها أن تسئ لك، وسوء الفهم لا يفسد للود قضية..
سلامي واحترامي لشاديةأينما ماحلت ولن ننسى الزلابية الاحسن من الشامية..
معتز القريش: كنت ولا زلت أظنك أكبر من هذا..فلك معجبيك ولا ابوساندرا كذلك،،

شادية وبركوتة
سلام

Quote: الحقيقة الوحيدة في البوست ده إنو بركات أخوي رغم أي سوء فهم بيناتنا ولو بركات جن فما زلت بعقلي ولن اسمح ليك يا معتز أن تستغلني لتسئ لبركات البيني وبين بركات ملح وملاح وأسر وصداقة سنين لن يفسده هذا البوست أو مية زيو

لا تسمحو لهم ان يقفوا بيناتكم!
ولتبقى الحقيقة الوحيدة التي سطرتها شادية
كونو بالف خير

هلا يا خاد العبيد

يا زول ما تخاف بركوتة روحو محرقاو ساكت

نحن بخير ما دام لنا أنتو

سلامي لك ولأسرتك (بختكم ما عندكم حر)

نحنا كهربتنا بتقطع 8 ساعات في اليوم بمناسبة دخول سد مروي وبدء الأمداد من محطة المرخيات

ياخ الكيزان جننونا بالكضب والحر

يا موردابي يا اصيل
إنت باقي ليك بركات ده ما عارفو؟؟
ياخ بركات زاتو عارف الشكلة دي يلقاها عند الغافل

والبنيات زاتهم بي طرفي بي جاي فركة كعب ونعمل إنقلاب ويلقى روحوا في السهلة
وهو عارف إنو الراجل الوحيد في أسرتين مكونات من عشرة نساء


بعدين أخوي لايوق وأنا عارفاهو

ماهيتاب كانت مسميانا توم أند جيري

تعرف أسة الشكلة دي بتخليني أدفع حق التذاكر من جيبي
كنت عايزة أحنك العجوز بركات وأجيب بناتي وأجي الدوحة

تعرف يا رؤوف ما كنت عايزة أجي البوست ده ثاني بعد ما وضحت وجهة نظري

لكن عشمك فيني يستحق أن أعود وأرد

معتز قريش أراد الإستفادة من البوست ليقدح في شخص بركات

الحقيقة أنا وبركات مما عرفنا بعض بنتشاكل وناكل من صحن واحد
وما فرق لو كان في بيتي أو في بيتو
وهو بس جن
لأنو عارفني لو في بيتو بقول ليهو ده غلط لو كان غلطان
وما بخاف من زعلو لأنو في الآخر أخوي

وبركات ما أظن محتاج شهادتي ليعرف كل من دخل بيتو
كرمه وحسن ضيافته وإحترامه لضيوفه
والحقيقة أنا ما كنت ضيفة في بيت بركات
أن كنت في بيتي وبيت أختي وأخوي ووسط بناتي

ولن يمنعني هذا البوست من العودة لبيت بركات

ووجودي في بيت بركات لن يمنعني من قول الحق
وللتاريخ وانا في بيت بركات قمت بالوساطة بينه وبين نجاة
ونجحت إلى حين

يا رؤووف يا خوي بركات روحو محرقاهو ساكت من الغربة

التحية يا هارون دياب
جبت الرايحة
وياريت يفتش عليها بعيد عني لأني لو بقبل بالدور ده كنت قبلتو من بركات تجاه نجاة
وهو أخوي

فيا ريت معتز يكف عن ذلك

شادية عبدالمنعم

تحيا ... و تسلم,

لكن هل من طريق لفكها عن هذا الأسر
الصغير, لنسمعها كيف تتحدث عن
السودان الكبير... فى زمن مرير

... مع وافر تقديري

موش قلنا ليك الصيد صعب هنا
ليتك تفهم ؟


ـــــــــــــــ
شكراً شادية
شكراً صديقتي والحين بحين !

أهلا بيك يا حيدر
والله أنا زاتي ما كان عندي وقت للزي ده
لكن أخونا غايتو برمج بي

كان نفسي هذا الجهد البزلناهو كلنا هنا
كان نفسي يكون في تحليل دلالات بيان الحركة الشعبية في الرقابة القبلية على الصحف
الحقيقة له دلالات خطيرة وفتحت بوست
لحق أمات طه في الجدل البيظنطي ده

وبدل كدة بقينا فيي شادية كتبت وبركات كتب



لك التقدير ويا ريت أمرق من هنا من غير رجعة

Quote: ويا ريت أمرق من هنا من غير رجعة

تكوني ماقصرتي تب ياشادية

ولازم يكون هناك في خط رجعة

وعشان مايتقطع الخط ده يستحسن انك تمرقي

Quote: وبدل كدة بقينا فيي شادية كتبت وبركات كتب

مش كانت :
بدر كتب و ما كتبت أمل

وقصة حزينة كدا امل ضيعت القلم قام بدر لقاهو قامت امل فرحت ؟

قوموا لما ينفع الناس
دربكم واحد
ما تفسحوا بينكم فرقات ينفذ منها البوم البعجبو الخراب
ما بقول كلامي دام من باب النصح حاشى لله العين ما بتعلا على الحاجب
لكن المخرف بذكروه . . . و للحق الاتنين بتتنافسوا بقوة فيها دي


التحية ليك يا صاحبة في الزمن الصعب
و تحية كبيرة للكبير الدائماً كبير

مدعو يا حيدر لهذا البوست
فهذا البيان كعمل سياسي من الحركة يؤرقني جدا


الحركة الشعبية تعمل بيان .. طيب نحنا نعمل شنو؟؟؟

شادية اختي العزيزة
اكرراعتذاري ليك

واكرر انا عارفة مدى معزتك لبركات

عشان كدابكرر اعتذاري ليك لما اموت



ورغم اختلافي معاك يا بركات
لكن بالجد الحاجة الحصلت دي المفروض تنتهي الان
شادية صديقة صدوقة والعيبة والشينة مابتجي منها

تدخلو الزول في ضفورو

جاتكم البلاوي

الغريبة انو بركات غادر البوست تلافيالأي مشاحنات مع من يعزها ومن يصطادون في الماء العكر
لكن شادية هي المصرة انها ترجع وترجع
خلاص عشان الملح والملاح

سلام يا صباح
صدقيني رجعت لذات السبب الذي من أجله غادر بركات

لتوضيح موقفي
وإرضاء بركات
فزعله عزيز علي جداً

وشكراً لحرصك على ملحنا وملاحنا
ياها المحرية في الصدقاء
لك تقديري

أيوة مفروض الموضوع ده ينتهي هنا

وانا أصلآ ما كنت دايرو هنا

وما كنت دايرو من أصلو

أرغمتني شادية عليه

مرة بصياغتها الغلط التي اثارت حنق العزيز بكري علوم
واثارت استياء ناس كتار بيناتنا هاتفوني

ومرة تانية عندما لم تفهم رسالتي لها بالماسينجر وعدتها تهديد
ونوهت عنها على الملاء ، مماقد يسبب حرج او يرفع حاجب الدهشة عند القارئي
وطبعآ للقارئي الحق أن يقول : أبو ساندرا هبب شنو مع شادية ماسنجريآ

بالنسبة للصياغة
عندما تكتفي بأن ماكتبته نجاة ليس بهتان
هذا بيدي معنى واحد هو موافقتك على ماكتبته نجاة ، صرف النظر عن تصنيف ماكتبته
لذلك الصياغة الصحيحة كانت تكون كالتالي
{ يا بركات القالتو نجاة فيك ده ما بهتان دي شتيمة لا اقرها عليها
ولكن اهو ده انت ودي نجاة وحلوا مشكلتكم مع بعض } دي كانت بتضعك في السيف سايد
بتلك الصياغة التعبانة اديتي فرصة للموتور ان يحاول الصيد في الصياغة العكرة
مش ؟

{ وبعد ده كلو كمان بتشكي و كمان بتبكي }

ثم هذه

Quote: يعني السبب شتو الخلاك تدخل في بوست أمجد وتخيرني بينك وبين نجاة؟؟ ثم ثانياً أكرر ليك من كوتاك عرفت إنو ناجاة شتمتمك والكوتات دي شتيمة ما بهتان ولا كمان يا بركات عشان تصل للنتيجة الإنت عايزها ممكن تلوي عنق اللغة العربية ؟؟

اها أعلاه لولوة منك ساكت
اول حاجة مش انا البدخل بين الأصدقاء عشان افسد بيناتهم
وماحصل ، لا في العلن ولا في السر تدخلت فيما بينك ونجاة
ولا عندي رغبة او حق في توجيه علاقاتك
انا ماخيرتك بيني وبينها
انا بس وضعت قدام عيونك طريقة نجاة في إستفزاز الغير
عشان تستدلي بيها وتعرفي لماذا الشباب الحلوين ديك زعلانين منها

و امكن عملت ليك كده عشان تستفيدي من علاقتك معاها لتنبهيها للحتة دي
مش لأفسد مابينكما
والحكاية ما حكاية لغة عربية ، انت قلتي ما بهتتك وسكتي
السكوت ده موحي وظالم وبيفتح مليون سؤال زي ماشرحت أعلاه
وانت فاهمة وبطلي اللولوة

ثم طفقتي تهرجلي ساكت
ونوهتي بأنني بخسر الناس كده ساااكت سمبلة
ودي برضو حتة ظالمة وما صحيحة
انا فقدت ناس لكن ماسمبلة
لكن هسع في لحظتنا دي انا ماعندي أي موقف حاد إلا من شخصين فقط
احدهما الذي حاول ان يصطاد هنا
والأخر بتعرفيهو كويس ، الكان معاك لمن كنا طالعين من حفلة الخامس
غير ديل تاني انا ما زعلان من اي زول
ولو في زول زعلان مني وشايف انا غلطان عليهو اليقول لي وانا بتعهد ابوس ليهو راسو

انا ماعندي طاقة هسع للزعل
وزعلتي منك دي براها نقصت من عمري شوية

.
.

ياجماعة إعتبروه تطفل مني :

ماعندي أي علاقة بالحاصل هنا لكن والله وربنا يشهد أحزنني هذا البوست .

من ذا الذي ترضى سجاياه كلها** كفى بالمرء نبلاً أن تعد معايبه.

ربنا يصفي القلوب ويذكركم أوقاتكم الجميلة مع بعض ويديم عليكم المحبة والأخوة .


تحياتي وتقديري.
.

تعليقات سريعة
------------------
- لو انا خسرت العالم ده كلو وإحتفظت بصداقة رؤوف جميل فقط لكنت انا الربحان
وكم مرة يا شادية حدثتك عنه فهذا شقيقي الذي لم تلده امي

- قد تكون معركة في غير معترك ، وقد يكون تركنا الواجبات والهموم الرئيسية
و وقعنا في بعض ،لكن كان لابد من هذا البوست ، على الأقل لأن شادية تعني لي شيئآ
ولو ما حرصنا على المعزات وزعلنا بسببها مابتكون فينا فايدة ذاتو للهموم العامة
وطاقتنا لإحتمال العام المزريء ومنافحتنا من اجل التغيير والجديد بنستمدها من مشاعر
الأخوة والصداقات العزيزة

- معليش يا صباح حسين ماكنت عايز ارجع هنا لذات الأسباب التي ذكرتيها
بس إلا الله غالب ، وكان لابد من تعقيبات وتوضيحات زي بتاعت الصادق المهدي ديك

- انا شاكر لكل من خط حرفا هنا وقدم النصيحة والتوجيه
اعني الجميع بما فيهم نجاة محمود ماعدا واحد طبعا

Quote: - مخ صغير وغبي - كذاب و عيني قوية وسني ملوية - سقط متاع - وزن ريشة ، اي وزني خفيف

آراء حادة جداً ..... ولكنها تبقى آراء!!!

ولدكتورة نجاة مطلق الحرية فى أن يكون هذا رأيها ....

البهتان هو اتهام شخص بفعل ما ... دون أن يمت الإتهام للحقيقة بصلة ...

الرأى لا يخضع لميزان الحقيقة والبهتان ...

ولكن يمكنك تسميته بأنه غلو فى الرأى ... وخلّى روحك رياضية ...

(وبعدين .... معركة ... وما معركة ... ولغة "ساحات الفداء" دى ... انسونا منها)












... المهم ....

كتب الموردابي :

Quote: ياخي لقيتك رايحة ليك شكله والظاهر سفر بت المغيرة عامل عمايلو،، بس روق وأحلى.

يا لذيذ انت
دي اكثر مداخلة ريحتني
وانت لسع فاكر اللقب ده ؟
انا كنت ظاني ان الجندرية فقط المتذكراهو

ايوة والله غياب بت المغيرة عامل منخوليا في الراس
وفي اي حتة

كلمة حق و إعتذار :
------------------------

العبارة التي فتحت المعركة الفشنك والنيران الصديقة
وهي :

Quote: وأقول ليك حاجة صدقني في كوتاتك دي كلها ما شايفة أنو نجاة بهتتك في شئ

أعترف إنني فهمتها بمعناها المتداول وليس بمعناها الأصلي الذي قصدته شادية
وهو المعنى الذي ورد في النص التالي: { وبهت الذي كفر } أي أفحم
وبذا يكون ابو ساندرا قادي دين ، ودي طبعآ معروفة ومفهومة
ولكن طلع قادي عربي كمان
وحاولت شادية ان تلفت انتباهي للمعنى بإشارتها للغة العربية

بس المشكلة ان المعنى الذي في الأذهان ، المعنى المتداول هو الذي سوف يقر
في رأس القارئي ويجعله يرفع حاجب الدهشة

الآن فهمت ذلك بعد مساعدة محترمة للفهم قدمها لي تلفونيآ الأعزاء
الدكتور ابوالحسن مصطفى والدكتور اسامة حمور ، فشكرآ لهما

و إعتذار لعزيزتنا شادية

Quote: أيوة مفروض الموضوع ده ينتهي هنا وانا أصلآ ما كنت دايرو هنا وما كنت دايرو من أصلو أرغمتني شادية عليه مرة بصياغتها الغلط التي اثارت حنق العزيز بكري علوم واثارت استياء ناس كتار بيناتنا هاتفوني ومرة تانية عندما لم تفهم رسالتي لها بالماسينجر وعدتها تهديد ونوهت عنها على الملاء ، مماقد يسبب حرج او يرفع حاجب الدهشة عند القارئي وطبعآ للقارئي الحق أن يقول : أبو ساندرا هبب شنو مع شادية ماسنجريآ بالنسبة للصياغة عندما تكتفي بأن ماكتبته نجاة ليس بهتان هذا بيدي معنى واحد هو موافقتك على ماكتبته نجاة ، صرف النظر عن تصنيف ماكتبته لذلك الصياغة الصحيحة كانت تكون كالتالي { يا بركات القالتو نجاة فيك ده ما بهتان دي شتيمة لا اقرها عليها ولكن اهو ده انت ودي نجاة وحلوا مشكلتكم مع بعض } دي كانت بتضعك في السيف سايد بتلك الصياغة التعبانة اديتي فرصة للموتور ان يحاول الصيد في الصياغة العكرة مش ؟ { وبعد ده كلو كمان بتشكي و كمان بتبكي } ثم هذه Quote: يعني السبب شتو الخلاك تدخل في بوست أمجد وتخيرني بينك وبين نجاة؟؟ ثم ثانياً أكرر ليك من كوتاك عرفت إنو ناجاة شتمتمك والكوتات دي شتيمة ما بهتان ولا كمان يا بركات عشان تصل للنتيجة الإنت عايزها ممكن تلوي عنق اللغة العربية ؟؟ اها أعلاه لولوة منك ساكت اول حاجة مش انا البدخل بين الأصدقاء عشان افسد بيناتهم وماحصل ، لا في العلن ولا في السر تدخلت فيما بينك ونجاة ولا عندي رغبة او حق في توجيه علاقاتك انا ماخيرتك بيني وبينها انا بس وضعت قدام عيونك طريقة نجاة في إستفزاز الغير عشان تستدلي بيها وتعرفي لماذا الشباب الحلوين ديك زعلانين منها و امكن عملت ليك كده عشان تستفيدي من علاقتك معاها لتنبهيها للحتة دي مش لأفسد مابينكما والحكاية ما حكاية لغة عربية ، انت قلتي ما بهتتك وسكتي السكوت ده موحي وظالم وبيفتح مليون سؤال زي ماشرحت أعلاه وانت فاهمة وبطلي اللولوة ثم طفقتي تهرجلي ساكت ونوهتي بأنني بخسر الناس كده ساااكت سمبلة ودي برضو حتة ظالمة وما صحيحة انا فقدت ناس لكن ماسمبلة لكن هسع في لحظتنا دي انا ماعندي أي موقف حاد إلا من شخصين فقط احدهما الذي حاول ان يصطاد هنا والأخر بتعرفيهو كويس ، الكان معاك لمن كنا طالعين من حفلة الخامس غير ديل تاني انا ما زعلان من اي زول ولو في زول زعلان مني وشايف انا غلطان عليهو اليقول لي وانا بتعهد ابوس ليهو راسو انا ماعندي طاقة هسع للزعل وزعلتي منك دي براها نقصت من عمري شوية

تاني يا بركات؟
بعد ما قلنا إنطميت وتاني ما حترجع البوست ده؟

ياخوانا أنا أدّعي بأني بعرف أبوساندرا كويس. وكتير منكم بيعرفوه.
والبيحصل ده أكيد خصم على رصيدك.

أما الأخت شادية (وأرجو أن تسمح لي ان اعتبرتها أختا)
فلم أعرفها شخصياً ..
ولكن .. من أدار الحوار أعلاه، بكل سماحة النفس ..
وشهادة من عرفها بمن فيهم أبو ساندرا ..

فإني أحييها وأعلن احترامي لها.

صاح يا شادية .. أبو ساندرا مطرطش
وطول عمرو مطرطش .. ويمكن زي ما قلتي روحو محرقاهو ..
عشان كدة .. لو بقى أي شئ يتقال .. قولوهو بالماسينجر أو الإيميل أو التلفون (على حسابو هو)

أرجو أن يتم ذلك،

Quote: المعنى المتداول هو الذي سوف يقر في رأس القارئي ويجعله يرفع حاجب الدهشة

الزميل المشاكس ابوساندرا

يسألني الله ماقاصدك قصد مباشر بمداخلتي دي في اي شيئ

لكن ما ورد في الاقتباس اعلاه يدينك شوية مهما توفرت عندك حسن النية

سبق لك ان فتحت بوستين بعنوانين يمكن أن يقرأهما اي انسان عادي نبفس الفهم الورد في اقتباسك ده

بوست بعنوان (ظوووووط....)

وبوست بعنوان (سقرطة...)

(أنا غايتو رفعت حاجب الدهشة لامن وصل قفاي)

والكلمتين ديل عندنا معروفات برضو بمعنى ماكويس

أكرر ليس لي اي قصد او عداء تجاهك يازميل بهذه المداخلة

ولك فائق تقديري

Quote: أرجو أن يتم ذلك،

ح يتم

وعلى حسابها

أصلها اليومين ديل بتقبض من المنظمات الدولية

أبو ساندرا كتب:

Quote: و إعتذار لعزيزتنا شادية

وشادية تكن كل احترام لأبو ساندرا

فأعتقد أن البوست ده بقى ما ليهو لزوم

=========

كما لا أعتقد أنو في داعي لفتح بوست جديد ما بين أبو ساندرا ومعتز القريش

فالاثنين في مكان واحد

ويمكن حل سوء تفاهمها أو مشكلتهما خارج المنبر (بالطريقة التي يرونها مناسبة)

مع أمنياتي بأن يلتقيا ويبدأ كل منهما الآخر بالسلام

ياحنين
وحاتكـ ماعاوز اتصل
لكن....
ممكن تقفل قدومك الطويل ده علي كده

Quote: و إعتذار لعزيزتنا شادية

وبتل هركات....يابركات....!!!!

كتب حيدر حسن ميرغني :

Quote: أكرر ليس لي اي قصد او عداء تجاهك يازميل بهذه المداخلة

عارف يا حيدر
وفاهم قصدك كويس
ولست اول من ينبهني لذلك
فاليوم فقط إتصل بي أصدقاء أعزهم كثيرآ
ويحتفظوا لي بتقدير خاص
عبروا عن عدم رضاهم عن البوستات التي ذكرتها
وعن بوست ثالث هو المتعلق بالتعدد

بررت لهم بأن لي توق للمعابثة مع الأصدقاء والترويح
ورفضوا تبريري بأن هذا يجب ان لايتم في منبر عام
و وجهوني لو كانت عندي رغبة ملحة في التواصل مع الأصدقاء بتلك الطريقة
فيجب ان يكون ذلك في موقع خاص بالأصدقاء فقط
قالوا انهم بيفهموني وبيعرفوني عن قرب
لكن الأخرين ليس كذلك
وحذروني ان مثل تلك البوستات سوف تؤخذ ضدي مستقبلآ


اوافقهم و أوافقك الرأي
والتزم بالاقلاع

وعشان حاجبك مايصل قفاك كمان

شكرا ليك ياابوساندر على ردك ده

وكمان على ده

Quote: انا شاكر لكل من خط حرفا هنا وقدم النصيحة والتوجيه اعني الجميع بما فيهم نجاة محمود

Quote: وعشان حاجبك مايصل قفاك كمان

حاجبي رجعتوا خلاص

Quote: اثارت حنق العزيز بكري علوم

ياخي! ما ليها حق والله...

تعرف يا بركات يا تخلينا نحجر عليك يا تخلينا نحجر عليك




الحمدلله الامور رجعت لنصابها وماف زول فارقلو زول بسببي

وشكرا ليك ياتبارك على فهمك
بس عايزة اقوليك الاراء الحادة دي نجمت عن مطاردات لا تنقطع ومكايدات
بلا سبب....

وليك التحية يا اريب

Quote: والتزم بالاقلاع

عشان نصدّقك .. قول بحاول

كتبت الشيخة نجاة محمود:

Quote: تعرف يا بركات يا تخلينا نحجر عليك يا تخلينا نحجر عليك

مافي خيار تالت أحسن من الإتنين أعلاه ؟
رشيدة وبناتها متفقات ان يبنن لي غرفة علوية يطلعوني فيها
بعد ما أخرف ويهدو السلم عشان تاني ما انزل واجيب ليهن الهوا

وانا وافقت بس إشترطت أن يرفعوا معاي كمبيوتر موصل بالإنترنت
ونظارة معظمة إتفرج بيها على الحيي من فوق

هسع ح اوسع طلباتي واقول يرفعوك معاي فوق

عشان خرفك ح يكون لذيذ


بحاول يا ابوالعزائم
والله بحاول

ابوساندرا

سلام يا عزيز

والله انا لافي من بداية البوست اقول ادخل و تاني اتراجع.

كدة تمام

عايزين ابوساندرا الما بتاع مشاكل، وكلام حيدر في حكاية البوستات ديك برضي انا بقول زيو!

ابوساندرا، يعني ما براي؟ برضي ام البنيات حالفة تختني في اوضة في طرف البيت و تقفل الباب لما اخرف ،نبقي رفقة!

كتب بدرالدين احمد موسى:

Quote: ابوساندرا، يعني ما براي؟ برضي ام البنيات حالفة تختني في اوضة في طرف البيت و تقفل الباب لما اخرف ،نبقي رفقة!

اهو كدة ح نصير 3

بإعتبار الشيخة يعني

غايتو لو جبتو لي البوليس زاتو ما بخلي الكلام دا
واقف لي في حلقي ياخ!

Quote: ابو ساندرا قادي دين

ياخ إنت عاوز تقد أي حاجة في الدنيا دي!

Quote: ياخ إنت عاوز تقد أي حاجة في الدنيا دي!

يا عمك ، ماقلنا أقلعنا

انت أسقطت الألف واللا شنو

Quote: انت أسقطت الألف واللا شنو

لحقو الزول دا أوضة السطوح ياخ!

يا بركة

قلت لي الاستاذة شادية (أصلها اليومين ديل بتقبض من المنظمات الدولية)

هي المنظمات دي موش طردوها ...

لكن لقيت خرفك صعب ، والله موش كان البنيات وامهن عملن ليك اوضة فوق زي (برج الحمام في بيوت الديم )

انت يعملوا ليك (اوضة تحت الارض ) اصلكم بتحبوا كدة

يا مخرف انت

Quote: بعد ما أخرف

لالالالالا في خرف اكثر من كدا جاي..سجممممممنا

Quote: يرفعوك معاي فوق عشان خرفك ح يكون لذيذ

ابو ساندرا انت اكبر مني بيجي خمسطاشر سنة غير الاجازات والجمع
لما انا اخرف انت بتكو لحقت امات طه...

انا ما مخرفة رافضة اي تعامل معاك لما اخرف طوالي ادور فيك عصايتي
يبقى من عنف لفظي لعنف جسدي
احسن تشوف ليك زول تاني.


والله يا حيدر انت اعلاهم قامة واكثرهم وسامة

يا عيال عطبرة عطبرة تفخر بعيالها
شوفتو اي زول هنا كعب من عطبرة؟

شنو يا شباب لميتو العدة ؟

و نحن حقنا وين من خرف شادية دا
يعني قطيعة تاني ما نقطع . . . ؟ تمشي تعلني الكلام القلتو ليك في بوست

البلد دي ما فيها اسرار ؟


يا كبير شيل لي حقي معاك
بالعدم شوف ليها مكان في السطوح معاكم
و هي ما غريبة على بيتكم يعني بتألف سطوحكم دا بسرعة و اهو خطوة تشجع بيان ذاتو


شباب الفي اول المداخلة دي مجاز ساي

تحية ليكم كلكم و تحية لسطوحكم ذاتو يا كبير من كترة الجاينه

انا لله يا (بركات) و (شادية)
مع الاخذ في الاعتبار ان هذه المداخلة بعد توقف لفترة طويلة عن هذا المكان الذي اصبح م4قرفا الى حد بعيد ...
ينعل .........
(انتو الاتين) دون اخذ اي اعتبار للفوارق السنية ..
انا شافع وانتو خرفتو

و فوق السطح زاااتو يقيدوك ..
و كل يومين تلاتة يحشروا ليك أم دلدوم و يمحطوك سوط سوطين .
بعد داك ينادوا ليك عوض باكرين ..
و كده و كده و زاد وجدي .


.....
زول فكّ الجزر زيك ما لاقاني ..
الحجر .. الحجر و بس .

كتب الاخ عز الدين بيلو( بعد إعتذار أبوساندرا للمحترمة شادية) :

Quote: وشادية تكن كل احترام لأبو ساندرا فأعتقد أن البوست ده بقى ما ليهو لزوم

كلام رائع وكلامه دا برضو مهم:

Quote: أعتقد أنو في داعي لفتح بوست جديد ما بين أبو ساندرا ومعتز القريش فالاثنين في مكان واحدويمكن حل سوء تفاهمها أو مشكلتهما خارج المنبر (بالطريقة التي يرونها مناسبة)

ولا أدري كيف فات علي أصحاب الشأن?

كمال

Quote: و فوق السطح زاااتو يقيدوك

مادام جيت يا ديامي انتو لازم تعملو اجتماع وتقرروا تعملو شنو بالمخرفين من الديامة

انا كديامية سابقة اقترح طريقة رث الشلك
وهي يشيل السم براهو
او حركة نبتة تولعو ليكم جريدة تجدعها فق السطوح
وتقولو المذنب "شلع" ولازم اي مخرف يموت
وتدوه السم يشربو براهو. عشان كمان الحكومة
ما تعدو زول تحاسبنا بيه...

كيف عاملين ما لاقيتصلا
ياريت لو يتصل بسعاد
وليكم جميعا التحية

Quote: و فوق السطح زاااتو يقيدوك .. و كل يومين تلاتة يحشروا ليك أم دلدوم و يمحطوك سوط سوطين . بعد داك ينادوا ليك عوض باكرين .. و كده و كده و زاد وجدي . ..... زول فكّ الجزر زيك ما لاقاني .. الحجر .. الحجر و بس .

ياخ يا عمده ... بركة ده نجضتو نجاض السنين



يا جماعة كويس إنو الأمور إنتهت على كده بالجد

________________________
إنت ام دلدومك ده لسه ما خليتو ههههههه

Quote: و هي ما غريبة على بيتكم يعني بتألف سطوحكم دا بسرعة و اهو خطوة تشجع بيان ذاتو

ياقيقا منو البولف ليه علي زول الولف معاه ذي سواقة العجلة في قيزان الرملة؟

حتعيش يا فتى عمرك كلو تحجز والحجاز ليه عكاز


عن
لجنة المسنات المعجبات بقيقا

بيان

Quote: وليك التحية يا اريب

هو احنا طلِعنا أرايب .... والله منوّرين ...
_____________________________


آى يا شباب .... قال الشاعر:

أشرب بارد ... فك العارض ....

(ولاّ هو دا بتاع الموية .... حكاية الخرف دى نعمل ليها شنو؟)







... المهم ...

إعتذارك يا بركوتة تاج في راسي من فوق
ولو قلت هرجلت أنا خفت تعملها وتزعل ماهتيتاب مني
وأنا النصيحة ما بستحمل كدة
قلت أعمل هيصة شديدة تخليك تتوغوش
بعدين أنا عارفاك لايوق
والناس قايلينك لسة حتخرف
أوضة السطوح علي (من مال المنظمات)
أسة رسل التذاكر (أرررربعة)

لزوم الإعتذار المادي


لكن لقيتك مشكلتك زي لميس تاج السر النجيب لا عربي لا دين
غايتو إلا أدخلها جامعة أمريكية

رسالة ود وتقدير لكل من دخل هذا البوست ناصحاً وعشمانا في كرم أخلاقنا
لكل من شارك في تهدئة النفوس وتطييب الخواطر

شكراً لخيركم الكثير

ياسر بيناوي
رؤوف جميل الذي طالما حكي لي بركات عنه (انه يحبك يا رجل ويقدرك)
الموردابي الجميل
حيدر قاسم
خضر حسين يا صديق القسى
حيدر حسن ميرغني
قيقراوي (عاد خرفي تلقاهو عند الغافل) في أم بنيات بتخرف؟؟ بيخرفوا أنبهات البنيات
تبارك شيخ الدين
محمد أبو العزائم أبو الريش إنت يا خوي تشرفني
عز الدين بيلو (ما في مانع يا بيلو نقلبها ونسة) شفت البوست بقى حديقة بحب تقريباص كل المتداخلين
بدر الدين أحمد
مصطفى سري (منظمتنا أقرب للوطنية) ولابسين حجبات
شوشتا يا أخوي الما بيخرف شنو ؟؟ أسة عليك الله قايل روحكبعد تجيب شافعين بتكون مركز؟؟
والله إنت بلا شفع زهجان بس مشتاقين ليك (وجيتك السودان دي إلا تعيدا لي)

عماد عبد الله يخوي القيد ده عرفنا سببو أم دلدوم دي (فش غباين) ولا فش خلق ؟؟
لأنه حيكون بقى لايقوق أكثر من كدة
لكنو زولنا عاد

نجاة محمود عاد يا بت أمي نسممو كيف؟؟ والبيونس كبرنا منو؟؟


لكم جميعأص ودي وتقديري

وخلونا نشوف بوست تاني نتونس فيهو

شول أشوانق
قيقراوي
شوشتا
كمال عباس

لو كنت عارف ، ياريتني كنت عارف
ان الشكلة دي بتلمكم هنا
كان اديت شدوية في صنقورها من زمن

ويا كمال عباس لحق العزيز الغالي رؤوف جميل مافاته في هذا البوست
وقول ليهو بركة قال ليك انت كوم والدنيا دي كلها كوم
بما فيها رشيدة وبناتها

طبعآ مش ح تفوت على فطنتكم
ان المداخلة اعلاه التي نزلت بإسم ماهيتاب بركات
من بنات افكارنا ولا علاقة لماهي بها
خاصة و إنها قد أنذرتني بأنها لن تتداخل في البوست المهبب
على حسب وصفها

ياريت لو كل نقاش مهما إحتد ينتهي بمثل هذه الروح الجميلة

دايما جميل يا أبوساندرة حتي لما تزعل

Quote: ياريت لو كل نقاش مهما إحتد ينتهي بمثل هذه الروح الجميلة دايما جميل يا أبوساندرة حتي لما تزعل

شكرآ جزيلآ يا صباح

ونهدي ليك { زعلك جميل زي بسمتك }



مصطفى سري يبتاع الحمام
عليك السلام

ومني السلام
ل سمية ثيرتي
وزحل خواجة

وكل الأخوة اللندناب طرفكم

ولو انت عايز توصل تحايا لأي أخو في الديم ممكن

بس إلا عماد عبدالله

ده بقى من بنات بحري

واخوك جنو وجن يقطع البحر ، قبال مراكب العمدة

Quote: بس إلا عماد عبدالله ده بقى من بنات بحري

لووووول يابركه نحن بنقول الله شاف ولمه
عماد دا شبهو وين غير بنات بحري !!!
( وجه غامز )

شيلي شيلتك يا خالتو
هسع بيركب ليك وش أسد
زي ما عمل ل حسين ملاصي
ويجي يزأر لينا هنا

Quote: يركب ليك

روووق يا ود ..

أصلها ما بتكون وش أسد ..
لو الشغلة بقت على الـ ( رِكّيب ) ..

نقطة نظام : زهايمرك كعب .



.....
دومة ..
بطّلي ( المديدة حرقتني ) دي .

لوووووول يا بركه ملاسي دا ما شبه ناس بحري
عشان كدا ملصناه في ام درمان
والزول العسل دا جبناه بحري
واديناكم دكتوره نجاه يا ديامه
لكين ممكن نستلفها عند الملمات بهذا البورد وهي كثر
fair deal

Quote: بطّلي ( المديدة حرقتني ) دي .

لي كدا يا عمده ؟؟!!!
ما شمت شرامه الديم فيني
وش باكي ومتنخج

Quote: واديناكم دكتوره نجاه يا ديامه

قسمتك ضيزي

الفيك عرفناها يا دومة

ماخاتي عليك ود بحري

الكان ديامي

هههههها يا بركه اديناكم هدافنا الذي هز كل الشباك
ورضينا بطابوركم الخامس دا نعمل شنو ما الزمن غلاب

دومة يا صاحبتنا الجميلة ..
ياخي بالغتي !!!
شفتي جرجرك كيف المنعول ده ؟؟
الكلام بتاع تركيب الوشوش ده المقصود بيهو هو ..
قام جابو ليك في بت أم روحك .. و انملص .

ثم يا دومة ياخ معزتك عندي ما دايره شهادة ..
أمسحيها لي في ( وشو ) لو ضايقك كلامي .


......
مرقتينا طابور خامس آخر العمر ؟؟
كتر خيرك .

يا عمدة

العجوز دة لسع ما لقيتو ليهو حل ، يعني غالبك تلقى ليهو (بنبر) وتختو ليهو في سوق الديم
وجنبو حبات (تبش ) وفوطة يقش بيها (حراق الشطة ) وتبعدو من النت دة شوية اصلا بقى يكابس (مع وجع عيونو )

Quote: تلقى ليهو (بنبر) وتختو ليهو في سوق الديم وجنبو حبات (تبش ) وفوطة يقش بيها (حراق الشطة )

ههههههههههههههه
اتخيلت المنظر

يا شباب هوي
عمدة
سري
دومة
محمد البشرى

وبالعدم بركات
البوست ده إتعمل عشان اتشتم فيهو
ولما طلع فشنك
حقوا اتشكر فيهو
الموت من الحياة ما معروفات

بعدين بمبر فيهو سياج نجيبو ليك من وين ياخ

ولا نأجر ليك زريبة شوك؟؟

كتب عماد بتاع بحري:

Quote: ( وشو )

بتاع حفير مشو ؟

طبعآ ماممكن تكون ما متذكر تاج السر وشو
سكرتير مركز { فرقة } الخرطوم جنوب للفن والموسيقى
الكان بيحجز الفنانين ويقبض المعلوم ويباري قريبو زكي عبدالكريم
وكمان كان صاحب وسكرتير عوض دكام في مستشفى الأسنان المركزي

السر وشو من ظرفاء الديم
بل ، من ظرفاء البلاد

تحية له عبر الأثير

يوم لو تأكدنا من عدم وجود أي رقابة هنا
ومن نوم البلاوي الاخلاقيين
ح نورد نماذج من ابداعات صديقنا تاج السر غلام الله
المعروف في الديم
والمنتشر في العاصمة المثلثة بإسم السر وشو

Quote: مرقتينا طابور خامس آخر العمر ؟؟

لوووووووول يا عمده يا اخي دا كله كان يخلوك لينا انت ما سمعت بالحدقوهو ما بدي وناس الديم وبحري انضربوا في ؟؟؟
. يا اخي فرحانه بيك بحري شديد رغم انك طابور خامس وكدا وبس كيف الديامه يقبلوا ويباركوا الصفقه دي.

Quote: البوست ده إتعمل عشان اتشتم فيهو ولما طلع فشنك حقوا اتشكر فيهو

يا شاديه يا اخي انت مامشكره خلقه شكر ناس البورد دا بتدوري بيهو شنو ؟؟؟

Quote: بعدين بمبر فيهو سياج نجيبو ليك من وين ياخ ولا نأجر ليك زريبة شوك؟؟

هوووووووووي يا سري وشاديه وكل الشمات انا ولدي بركه دا ما برضي فيه
دا يستاهل يختوه في قصر من قصور الحمراء وتحفه الحسناوات من كل جنب
وتنشد ه ولاده بنت المستكفي
.
هو بركه ولدي هين ولا هين ؟؟!!!

كتبت العسل
بت الفحل

Quote: هوووووووووي يا سري وشاديه وكل الشمات انا ولدي بركه دا ما برضي فيه دا يستاهل يختوه في قصر من قصور الحمراء وتحفه الحسناوات من كل جنب وتنشد ه ولاده بنت المستكفي

أو ، رشيدة بنت المغيرة

وهذا أعظم الأيمان

Quote: أو ، رشيدة بنت المغيرة وهذا أعظم الأيمان

هههها لكين ما انتهيت مني بالضربه القاضيه يا بركه ولقيتك بتعرف للبلبصه
اسه كدا تشمت فيني المدام حقتكم كمان
لووووووول شيوعي سوداني اصيل فهم يموتون علي دينهم .

Quote: لووووووول شيوعي سوداني اصيل فهم يموتون علي دينهم .

, وعلى دين غيرهم

بنت المغيرة بتحبك كتير
ثم انها مسالمة

فلا تخشي عاقبة دعمك لي

ولأنها تحبني
وتحب ناقتها بعيري
فإنها لطالما تجاوزت عن احلامي الفادحة

Quote: بنت المغيرة بتحبك كتير

عارفه يا بركه عروس ولدي فنجريه وجميله متل اسمها ورسمها
ليها مني مليون تحيه وكل الحب ليها وليك وللزهرات .
اقعدوا عافيه يا الزينين

ضحك ودالبشرى :

Quote: ههههههههههههههه اتخيلت المنظر

ضحك بهن يا يابا
كنت قايلك عميق الخيال بعيد النظر

كنت ، فاكرك معاي ، حبيبي فاكرك معايا
تسعد بي سعادتي وتشقى عشان شقايا

الاستاذة
دوما

تحياتي

(عارفه يا بركه عروس ولدي فنجريه وجميله)

شايف البوست المخسس للاخت شادية عملتيهو مقالدة ،انت والزول صاحب (تاج السر وشو ايام يا ابوساندرا مع قريبنا الدنقلاوي)

غايتو اقتراحي بتاع البنبر وجد من يثنيه ..

كتب مصطفى سري:

Quote: عملتيهو مقالدة

غايتو
بقيت زي بتاع السرة داك

لا بتقالد
لا بتخلي الناس يتقالدو



طبعآ ، لازم تكون بتعرف السر وشو

اللقب بالكامل ، السر وش الطيرة

والديامة بيدلعوه ب وشو

بنبر مع وشو في سوق الديم ؟

يا سلالالالالام
بتم الناقصة
ويجوا جون ديفيد وجماعته
وفريد فتاش
وأظرف الظرفاء عوض الصافي
وعوض زنقلة
وحسن ترقل
وابجوكو
وسوماك
وباكرتا
والحسنات التلاته ، حسن زايد وحسن طحنية وحسن عوض شيخ السوق

عليك دينك يا درش سلم على سمية ثيرتي
أظنها هسع بقت فيفتي فايف

يا بركوتا

(عليك دينك يا درش سلم على سمية ثيرتي
أظنها هسع بقت فيفتي فايف)

بقت فيفتي ثيرتي ( انت نسيت العد كمان وللا بتشخت في الحيطة ) هناك

عمدة وينو عشان نسالو ناس شخت الحيط ديل ...

تعرف الايام الجاية دي في زولة من الديم جيانا هنا انشاء الله لن نفصح عن الاسم حتى لا يصادرو جوازها
باين الايام دي مصادرات الجوازات شغالة تش ..يا بتاع شخيت الحيطة انت

Quote: بقت فيفتي ثيرتي ( انت نسيت العد كمان وللا بتشخت في الحيطة ) هناك

درش يا دقوس
انا قاصد الدبابة تي فيفتي فايف ، يعني بقت سمينة
زيها وزي أي زولة بعد العرس و الولادة

Quote: عمدة وينو عشان نسالو ناس شخت الحيط ديل ...

عمدة ما كان بيشختو ليه في الحيطة
لقد كان جار وللجار معزة وإحترام
كما كان ولد الحلة المدلل

الا تذكر وصفه حينما داهمتهم حريقة هناك ؟

بعدين شايفك جليت حكاية بتاع السرة سااااكت
غايتو جنس حسادة

Quote: شايف البوست المخسس للاخت شادية عملتيهو مقالدة ،انت والزول صاحب

لوووووول يا بركه يا حبيب تعال نتقالد ونكيد العوازل
يا بركه انت سيد الناس كلهم ناس سري وود البشري ديل حاقدين بس

كتبت بت الفحل العسل :

Quote: لوووووول يا بركه يا حبيب تعال نتقالد ونكيد العوازل يا بركه انت سيد الناس كلهم ناس سري وود البشري ديل حاقدين بس

نكيدهم جميعآ
مصطفى سري و ودالبشرى

ومن لف لفهم
زي ناس ودالصايم وخدر الفنان وخضر العريس
وشول أشوانق وكل من هم على شاكلتهم

وبالأخص عمدتنا

بالمناسبة وين الكومندنتنا فيصل مهمد هليل

بيكون لسع في الحت مع شيقوق ؟