Post: #1
Title: معالم وذكريات.. امدرمان ..الخرطوم..بحري
Author: عمر الفاروق
Date: 04-14-2009, 08:22 AM
ميادين ..مطاعم..شوارع..شخصيات ..بيوت..أسر..أسواق..أزقة ..محطات..
دعوة توثيقية لتبادل المعارف بين مدن العاصمة القومية الثلاثة ..
ناس امدرمان عندهم مطاعم كده كان ما أكلو فيها ما بيرتاحو ..يقولوا ليك فول الجان وفول الواحة الكلام وقف..
يضربوا تحلية الفاخر من امسيات الفاتح الكوتش..
وتكتمل المزاجية العالية وانت في شارع المدايد ورحم الله حاجة الروضة ..
الما لعب في ميدان ابو عنجة ما لعب كورة والما حضر كورة بين ابروف وبيت المال وبيت المال وودنوباي وودنوباي وابروف ما حضر كورة ..
الما مشى في شارع الفيل ما مشى ..
والما لف سوق امدرمان ما لف..
حي فنقر وذكريات .. الركابية وذكريات ..المسالمة وذكريات ..
ميدان المولد ويااا سر الليالي..
وزي ما قالت الاغنية الاربعين شارعين في سنادة وفي عابدين ومااا ادراك ما المحطات دي..
فيضان النيل في خور ابوعنجة ..
الفكرة بالله يا شباب عايز اعرف اكتر عن الخرطوم وبحري ونتبادل المعارف ونوريكم امدرمان واي زول يورينا احسن مطعم عندهم احن ملاعب اجمل اسر اسخن كورة
|
Post: #2
Title: Re: معالم وذكريات.. امدرمان ..الخرطوم..بحري
Author: محمد عبد الماجد الصايم
Date: 04-14-2009, 08:35 AM
Parent: #1
دي بيضنة صباحية برضو ولا شنو!
خلي بالكـ اليومين ديل عندكـ فراغ عجيب خلاس
|
Post: #3
Title: Re: معالم وذكريات.. امدرمان ..الخرطوم..بحري
Author: maia
Date: 04-14-2009, 08:43 AM
Parent: #1
Quote: الما مشى في شارع الفيل ما مشى ..
والما لف سوق امدرمان ما لف..
|
الاخ العزيز عمر الفاروق
طيب احنا لا لفينا في سوق امدرمان ولا بنعرف شارع الفيل ده ذاتو بوين
اها يعني حنكون بعد الزمن ده كلو لا مشينا ولا لفينا ؟؟ ( وش ضاحك)
والله امدرمان دي بصراحة لو مشيت فيها من غير دليل عادي جدا ممكن اتوه
لكن مرحبا بك في الخرطوم وبحري ضيفا من امدرمان الشقيقة
|
Post: #4
Title: Re: معالم وذكريات.. امدرمان ..الخرطوم..بحري
Author: محمد عبدالرحمن
Date: 04-14-2009, 08:53 AM
Parent: #1
Quote: ناس امدرمان عندهم مطاعم كده كان ما أكلو فيها ما بيرتاحو ..يقولوا ليك فول الجان وفول الواحة الكلام وقف..
يضربوا تحلية الفاخر من امسيات الفاتح الكوتش.. |
| Quote: واي زول يورينا احسن مطعم عندهم |
لاتكتب تحت تاثير الجوع .. شكلك جيعان بس ....
|
|