Post: #1
Title: ســلامة ...ســلامة كــبيرة والله
Author: فادية اليمني
Date: 04-14-2009, 00:16 AM
Parent: #0
حاج عبد الودود رجل متفائل.. في أحلك المواقف يبسط الأمور.. فإن حدث حادث حركة .. قبل أن يرى شيئاً يردد سلامة.. سلامة كبيرة والله .. وبعد أن يسأل انشاء الله مافي عوجة.. لا بس السواق مات.. سلامة كبيرة.. كان ممكن يموتوا الراكبين معاه.
وان وقعت امرأة مسنة.. يصيح سلامة.. سلامة كبيرة.. فيحملونها الى المستشفى وبعد صور الأشعة يتضح انها كسرت حوضها ورجلها اليمنى ويدها اليسرى.. فيواصل بعد ذلك سلامة كبيرة والله.. كان ممكن يحصل ليها ارتجاج في المخ... وتنشل.
في الخريف وقع حائط منزل حاجة حوا ومات أبو الوليدات وابنه الأصغر إذ كانا جالسان تحت الحيطة فيقول: سلامة.. سلامة كبيرة والله الما كانت قاعدة العايلة كلها.
مرة جاءت البيت ابنته المتزوجة تسحب أطفالها باكية.. الراجل طلقني.. أخذ يردد سلامة سلامة كبيرة والله الما طلقك بالتلاتة.. بين دموعها تقول له: طلقني بالتلاتة يا بوي: يقول سلامة.. سلامة كبيرة.. لانو البطلق بالتلاتة ده معناها منفعل شديد سلامة.. سلامة كبيرة ما مد إيدو عليك.. كان عمل ليك عاهة.
مرة في بكاء حاج (عبد الدايم) قال لولده الكبير بعد أن شال معه الفاتحة.. المرحوم مات بي شنو؟ فقال له: جاتو ذبحة .. فقال له سلامة.. سلامة كبيرة الما مات بالسرطان كان اتعذب.
أضجر تفاؤله ناس الحلة فشكوه لأبنائه فاضطروا للاجتماع به وقالوا له: ناس الحلة شكو منك.. فقال سلامة.. سلامة كبيرة.. فقال ابنه الأكبر بحسم: سلامة كيف يعني.. سلامة كبيرة يا ابني عشان البقت على ناس الحلة ما شكوا معاهم ناس حلة تانية.
أخيراً قرروا أن يعاملونه بالمثل فإن شكا من الرطوبة قالوا له: سلامة.. سلامة كبيرة الما عندك معاها سكري ولا ضغط.. قال ليهم: صحي والله سلامة كبيرة.. لما أعيت الناس الحلة تركوه في حاله واستحملوه
ذات يوم.. حدث حادث جلل في الشارع الرئيسي حافلة انقلبت ثم اصطدمت بها شاحنة.. فجاء الى الموقع يردد سلامة.. سلامة كبيرة.. فقال أحد الحضور ويبدو انه غريب: سلامة كيف يا حاج.. فقال: ماتو كلهم.. فقالوا: كلهم .. الحافلة انتهت ولا بتتصلح.. فقالوا: الحافلة بقت حديد معجون.. قال سلامة.. سلامة كبيرة والله.. فقالوا له: هذه لحظة المجابهة.. فقالوا له: الناس كلهم ماتوا.. والحافلة انتهت فكيف تكون سلامة فرد عليهم: سلامة.. سلامة كبيرة الما كنا راكبين معاهم!
سلامة.. سلامة كبيرة والله انه الكهرباء ما قطعت قبل ما اتم البوست كان ما شفته
__________________
منقول
|
Post: #2
Title: Re: ســلامة ...ســلامة كــبيرة والله
Author: نوفل عبد الرحيم حسن
Date: 04-14-2009, 01:16 AM
Parent: #1
| Quote: سلامة.. سلامة كبيرة والله انه الكهرباء ما قطعت قبل ما اتم البوست كان ما شفته |
سلامه .. سلامه كبيره والله .. لو الكهرباء قطعت ما كان قرينا البوست دا
حاج عبد الودود دا بذكرني بحاج شفقه يا فاديه
قالوا حاج شفقه دا زول شفقان جدا وما بصبر علي اي شي .. دائما مستعجل
لو مشي مشوار مع الناس يكرهم العافيه . قوموا . خلاص . ارح نمشي
ويقوم اول واحد ويسبق الناس
حصل في احد الليالي ان توفي شخص في قريه تبعد منهم قليلا
وكالعالده بدأ يسعجل في الناس عشان يطلعوا ويمشوا شيلوا الفاتحه
حاجه فلانه هوي البسي توبك وارح اللوري واقف . ونادي معاك حاجه فلانه
ياحاج فلان بالله عمتك دي ألبسها في اللوري خلينا نمشي نشيل الفاتحه ونجي راجعين سريع
بعد كل الناس ركبوا اللوري . بدأ يوصي فيهم : يا جماعه هوي ما نتأخر في بيت البكاء
نشيل فاتحتنا ونشرب قهوتنا ونجي راجعين .. يا جماعه هوي نشيل فاتحتنا ونشرب قهوتنا ونجي راجعين
لما اللوري قرب لبيت البكاء قال ليهم يا جماعه هوي ما تنسوا نشيل فاتحتنا ونشرب قهوتنا ونجي راجعين
لما اللوري وصل بيت البكاء : تلب ونزل اول زول .. لقي صيوان العزاء قداموا مباشره
رفع يديهو وقال ليهم : القهوه
|
Post: #3
Title: Re: ســلامة ...ســلامة كــبيرة ( بوست خفيف)
Author: فادية اليمني
Date: 04-14-2009, 08:45 AM
نوفل
يسعد صباحك
Quote: سلامه .. سلامه كبيره والله .. لو الكهرباء قطعت ما كان قرينا البوست دا
|
بركة الما قطعت وشوفناكم
وعمك حاج شفقة ده لذيذ خالص ههههههههههههههه
بس بوصيك خليك متفائل زى عمك عبدالودود ده
وان شاء الله ما بتجيك عوجة تب
|
Post: #4
Title: Re: ســلامة ...ســلامة كــبيرة ( بوست خفيف)
Author: محمد عبد الماجد الصايم
Date: 04-14-2009, 09:25 AM
Parent: #3
دي زاتا سلامة .. سلامة كبيرة والله!
كان ممكن أي زول ينط فيكـ في حلقكـ
الكلام دا غايتو أنا قريتو قبل كــدا
وين
وين
وين؟
ما متذكر!
سلامة .. سلامة كبيرة والله!
|
Post: #5
Title: Re: ســلامة ...ســلامة كــبيرة ( بوست خفيف)
Author: فادية اليمني
Date: 04-14-2009, 10:36 AM
Parent: #4
ود الصايم
سلامات
صباحات نيلية
Quote: كان ممكن أي زول ينط فيكـ في حلقكـ
|
سلامة سلامة كبيرة بقى حلقى ما رقبتى كان موتا (وش متفائل)
انا عجبتنى فكرة عمى عبد الودود فى التفاؤل
الزول الشال فيه الفاتحة هو مات وانتهى خائف عليه من عذاب السرطان
ونسي عذاب القبر ههههههههههههههه
كن متفائلاً
|
|