Quote: أخى محمد الأمين أنا صاحب الفيديو أعلاه. الما عجبك فيهو شنو؟
إبراهيم عبد الحليم
أغنية جديدة للبنات فقط .. الرجال يمتنعون
الأخ محمد الأمين تحياتى.
فى أعتقادى أنو فى حاجات كتيرة ممكن نتفق عليها فى البوسط دة, لكن أولاً بالتبادى تجاوب على سؤال الدكتور ده. إتمنى أن يكون السؤال لأجل تطوير الأداء و ليس الزرزرة و البحث
المحموم عن كلمات الإطراء الجوفاء( على العموم الإطراء برضو مطلوب لأنو وقود المسيرة)...
المهم فى إنتظارك و بهدوء و تهذيب كما عهدناك تورينا وجهة نظرك.
العزيز إبراهيم عبد الحليم تشكر على الجهد و نرجو سعة الصدر, فالنقد يمكن أن يعتبر نصائح مجانية, نعم للمفيد منه.
صراحة كل اليوتيوبيهات المعروضة ليست بذاك السوء..كل الحكاية إختلاف فى الأذواق..
معلومة: الفنان نادر السودانى كما أعتقد أيضاعضو معانا بالمنبر
Post: #11 Title: Re: اسوء 3 فيديوهات (غنائية) سودانية شفتها فى الـ youtube Author: Mahmoud Mustafa Mahmoud Date: 04-13-2009, 09:09 PM Parent: #10
عبد الوهاب وردي من أسوأ المغنيين على امتداد تاريخ البشرية ، منذ بدء الخليقة إلى يوم الناس هذا...
This is my OWN view point
Post: #12 Title: Re: اسوء 3 فيديوهات (غنائية) سودانية شفتها فى الـ youtube Author: محمد الامين احمد Date: 04-13-2009, 09:26 PM Parent: #11
تحية طيبة للجميع
سوف اعود للجميع بالتعليق ان شاء الله
و لكن اولا اعتذر عن الخطأ الغير مقصود فى وضع كليب (قلبى الحنين ) ضمن المآسى اعلاه
سرعة القص و اللزق هى السبب ، و لو شفت الترتيب الحالى ح تصدقنى ، كليب (قلبى الحنين)
كنت فاتحو و بسمع فيهو فى نفس اللحظة الـ كنت بكتب فيها البوست ، و بعدين طلعت من غير ما اراجع
الموضوع ، فـ يا استاذ ابراهيم عبدالحليم لك العتبى حتى ترضى، و اى حكم تقولو انا راضى بيهو
فـ اغنيتك (قلبى الحنين) أغنية رقيقة و ضمن my favorites
بالغ اعتذارى و اسفى على الخطأ غير المقصود
Post: #14 Title: Re: اسوء 3 فيديوهات (غنائية) سودانية شفتها فى الـ youtube Author: إبراهيم عبد الحليم Date: 04-13-2009, 09:45 PM Parent: #12
Quote: فـ يا استاذ ابراهيم عبدالحليم لك العتبى حتى ترضى، و اى حكم تقولو انا راضى بيهو فـ اغنيتك (قلبى الحنين) أغنية رقيقة و ضمن my favorites بالغ اعتذارى و اسفى على الخطأ غير المقصود
فعلا أنا ملحنها على مايسمى بالريقى الناعم Soft Reggae
يا أخى محمد الأمين أعتذارك مقبول وحتى النقد البناء ألف مرحب به وكعربون صداقة هاك الأغنية كاملة صوت بس بدون صورة لأن الفيديوكليب تنازلت عنه لصالح قناة هارمونى متمنيا أن تنال اعجابك واعجاب قرائك. من هنا يمكن التنزيل
Post: #22 Title: Re: اسوء 3 فيديوهات (غنائية) سودانية شفتها فى الـ youtube Author: Abuelgasim Mohamed Date: 04-14-2009, 02:30 AM Parent: #14
الاخ محمد الامين سلام
صدقت والله يامحمد ديل ممكن يكونو اسوا اغاني في تاريخ الغنا
Quote: والله كلمة حق .. اغنية دكتور ابراهيم عبدالحليم روعة .. روعة
الله يسالك!!!!!بطل نفاق ياخي
يا دكتور حليم والله وبصراحه شديده جدا اغنيتك اكعب اعنيه في التلاته اغنيات (نشاز)
لا لحن... لااداْْء لاكلمات لا عزف علي الالات nothing....nothing man
Quote: Soft Reggae
there is no Reggae in that song
Post: #25 Title: Re: اسوء 3 فيديوهات (غنائية) سودانية شفتها فى الـ youtube Author: إبراهيم عبد الحليم Date: 04-14-2009, 07:20 AM Parent: #22
أخى أبو القاسم محمد يا أخوى أنت ما تا بعت البوست من الأول. أنا الفيديو بتاعى ليس بين هذه الفيديوهات الآن. شعرت من كلامك إنك قاصد الفيديو رقم 2 من الترتيب وده ما بتاعى. للتوضيح وتحية إبراهيم
Post: #15 Title: Re: اسوء 3 فيديوهات (غنائية) سودانية شفتها فى الـ youtube Author: نوفل عبد الرحيم حسن Date: 04-13-2009, 09:49 PM Parent: #12
ممكن نقول اغنية شروق مسجله من حفله وصوت العزف والغناء ما متوافق مع ملاحظة انه ناس قناة زول بالغوا شديد وممكن نقول الشباب ديل برضو تسجيل قعدة شباب وما فيها مواصفات صوت وبغنوا ساي ونسه وبجربو في اصواتهم دي لكن اغنية عبد الوهاب وردي الطالعه مباشره من التلفزيون القومي دي يقولوا فيها شنو ؟
Post: #19 Title: Re: اسوء 3 فيديوهات (غنائية) سودانية شفتها فى الـ youtube Author: محمد الامين احمد Date: 04-13-2009, 10:12 PM Parent: #17
اخونا نوفل حياك ، يمكن مهندس الصوت الكان فى النيل الازرق هو نفسو الـ فى قناة زول ! لانو كان عندها نفس المشكلة فى النيل الازرق !
لا لا ، الشباب ديل عاملين فرقة ، و كمان فى ناس بتدفع ليهم ايوه والله
عبدالوهاب ده ح نقول فيهو اكتر من القالو فيهو ابوه !!!
Post: #23 Title: Re: اسوء 3 فيديوهات (غنائية) سودانية شفتها فى الـ youtube Author: Mohamed Moatasim Date: 04-14-2009, 04:40 AM Parent: #19
Quote: محمدالامين
انت رجل نبيل واعجبنى فيك ادب الاعتـذار ..
لكن بالجد أبوجلابيه بدون زراير ده جادى؟؟؟ واللا بهظر ؟
Post: #24 Title: Re: اسوء 3 فيديوهات (غنائية) سودانية شفتها فى الـ youtube Author: عبده عوض Date: 04-14-2009, 06:25 AM Parent: #23
يا أستاذ محمد الأمين .. بتبالغ عدييييييييييل كدا !! الناس ( البدع !! ) ديل جبتهم من وين .. وناس فرقة جخرور دي قاعدين في ياتو جخنون ... مبالغة !!! ولله في خلقه ( .. فنون !!! ) .. الله يصبرك يا روح !!! هو نحنا ناقصين ياجماعة ...
Post: #26 Title: Re: اسوء 3 فيديوهات (غنائية) سودانية شفتها فى الـ youtube Author: ALazhary2 Date: 04-14-2009, 07:37 AM Parent: #24
. .
ياجماعة والله صوتي وأنا بغني في الحمام أحسن من صوت عبد الوهاب وردي :)
والله أنا بكتب الكلام ده وحزين لأنه ممكن كلامي يجرحه لكن فعلاً الزول ده أكعب فنان سمعته في حياتي ، ياخي ده أكعب من عمر إحساس زاته وأكعب ومن الفنان البيض الكان بغني نميري قال كلام وعنده اغنية تانية كلها لولوة لو لو بتحبني لكن خلاص ماعارف كده بشتنتني .
ياخي أنصحوه كلموه والله حرام حررااااااااااام
بصراحة كل النماذج أعلاه غير جميلة وبايخة بياخة السنين أبيخ من أمين حسن عمر وأبيخ من المذيع البيض الإسمه ناجي . . .
. .
Post: #27 Title: Re: اسوء 3 فيديوهات (غنائية) سودانية شفتها فى الـ youtube Author: قلقو Date: 04-14-2009, 08:41 AM Parent: #26
الأخ عبدالوهاب وردى.. بواسـطة الأستاذ محمد الأمين وبواسطة الأستاذابراهيم عبدالحليم.. ارجوك يااخ عبدالوهاب وأتوسل اليك بكل عزيز لديك ان ترحمنا من مسألة ان تغنى هذى وذلك رحمة بأبناء الشعب السودانى الذى والله العظيم هو ماناقص وانا اشكرك مقدما على استجابتك وجعلها الله فى ميزان حسناتك يوم القيامة. اخى الأستاذ عبدالوهاب وردى..انت تملك اقبح صوت سمعته فى حياتى وفى كونك ابن الأستاذ وردى فهذا لايعطيك الحق ان تلحق بنا كل هذه الأذية.منك لله .
Post: #28 Title: Re: اسوء 3 فيديوهات (غنائية) سودانية شفتها فى الـ youtube Author: نوفل عبد الرحيم حسن Date: 04-14-2009, 12:59 PM Parent: #27
Quote: الأخ عبدالوهاب وردى.. بواسـطة الأستاذ محمد الأمين وبواسطة الأستاذابراهيم عبدالحليم.. ارجوك يااخ عبدالوهاب وأتوسل اليك بكل عزيز لديك ان ترحمنا من مسألة ان تغنى هذى وذلك رحمة بأبناء الشعب السودانى الذى والله العظيم هو ماناقص وانا اشكرك مقدما على استجابتك وجعلها الله فى ميزان حسناتك يوم القيامة. اخى الأستاذ عبدالوهاب وردى..انت تملك اقبح صوت سمعته فى حياتى وفى كونك ابن الأستاذ وردى فهذا لايعطيك الحق ان تلحق بنا كل هذه الأذية.منك لله .
هههههه قلقو الله يديك العافيه ياخ كتلتني بالضحك
Post: #29 Title: Re: اسوء 3 فيديوهات (غنائية) سودانية شفتها فى الـ youtube Author: ناذر محمد الخليفة Date: 04-14-2009, 01:10 PM Parent: #27
Post: #31 Title: Re: اسوء 3 فيديوهات (غنائية) سودانية شفتها فى الـ youtube Author: ناذر محمد الخليفة Date: 04-14-2009, 01:43 PM Parent: #30
بالنسبة لي قرقة شحرور ..
يا جماعة ما تخلوا الجيل الجديد يعبر عن تطلعاتو ..!
ناس (السمحة يا ست الدلال) بتاعين هارموني أحسن منهم في شنو ؟!
Post: #32 Title: Re: اسوء 3 فيديوهات (غنائية) سودانية شفتها فى الـ youtube Author: إبراهيم عبد الحليم Date: 04-15-2009, 11:24 AM Parent: #31
Alazhary2
Quote: ياجماعة والله صوتي وأنا بغني في الحمام أحسن من صوت....
الحمام بديك عادة أجمل مؤثر صوتى:
-المدى Reverb or Echo -و الصدى أو التأخير Delay
هذا المؤثر الصوتى يستخدم بكثافة فى الأستديوهات عشان يجمل الصوت. بعبارة آخرى ليس المهم الصوت بل المهم فى عالم اليوم مهندس الصوت ههه.بيعمل من الفسيخ شربات.
Quote: عبد الوهاب وردي من أسوأ المغنيين على امتداد تاريخ البشرية ، منذ بدء الخليقة إلى يوم الناس هذا...
سمعت اسمه يتردد كثيراً... في هذا المنتدى وليس خارجه. كان الحديث يدور دائما في إطار المقارنة بينه وبين وردي الأب. لم أتخيل قط أنه سيكون هكذا. هل هي ـ كما يقولون ـ مجاملة السودانيين التي فاتت الحدود؟ هل التلفزيون مجامل؟ ولمن؟ وردي؟ أم عبد الوهاب؟ ما هو إحساس هؤلاء العازفين خلفه: متورطون .. أم مجاملون ... أم منافقون... أم مغلوبٌ على أمرهم؟ سؤال أخير (لم يعرفونه عن قرب): هل عبد الوهاب وردي بكامل قواه العقلية؟
في البداية اشكر كل المتداخلين ونحن نتناول هذة الخيط المهم مدفوعين بغيرتنا وحبنا لموسيقانا السودانية الخالدة كما تجدوني اتفق معكم غالبا ومضمونا في كل ما ورد من نمازج غنائية في هذة الوبست وبدون اي شفافية احب ان اوضح للجميع لم اكن راضيا عما قدمتة في تلك الامسية التي ونحن نحتفي بفنان بقامة الوطن / رحمة اللة الفنان الراحل المقيم مصطفي سيد احمد الذي اسري الساحة الفنية بالعديد من دورر الاغاني / ففي تلك الامسية طلب من كل فنان شارك في تلك الامسية بتقديم اغنية لهذة الهرم الفني لم يكن نادر السوداني محبا لغناء اغاني غيرة من الفنانين كما لم يكن في يوم من الايام مقلدا لاي فنان لايماني بالمثل البيقول سمح الغناء في خشم سيدة وكنت اقدم اعمالي الخاصة من خلال فرقة السودانيين او في شرايط الكست كما نزرت نفسي لتقديم شكل جديد للغنية لعدم غناعتي بتقديم الغنية السودانية بشكلها التقليدي لاسباب كثيرة لا اريد الخوض في دهاليذها في هذة المداخلة / اما بخصوص ما قدمتة في تلك الامسية لم يكن سوي المشاركة باحد اغاني مصطفي وكنت اعلم تماما سوف يعلن معجبي مصطفي سيد احمد الحرب وبلا هوادة منتقدين الشكل الذي تناولت بة هذة الاغنية / وتناسو تماما فكرة المشاركة وليس المقارنة من الالف .........لل ..........ياء .........لهم كل العزر لوقدمت هذة العمل ضمن مجموعة اعمالي / داخل البوم / قد ياتي نقدهم في محلوا فهنالك الكثير من السلبيات واجهت العديد منا ونحن علي خشبة المسرح / لم يحظي اي فنان منا بقدر كافي من البروفات لتجويد ما سوف يقدم مع العلم تعتبر اغاني الراحل مصطفي ليس كغيرها مما نسمعة فلها بريقها ورونقها اللذي قد يحتاج اي فنان مهما كانت مقدراتة الفنية لوقت لتجويد ما سوف يتغني بة لة / وهنالك مشكلة ازلية وهي الاجهزة الصوتية / الساوند /لم نكن نسمع ونحن علي خشبة المسرح بصورة مرضية تساعدنا للوصول بشكل غنائي يرضي احاسيسنا / وعلي الجانب الاخر تجد اللجنة المنظمة لهذة المناسبة في حالة استعجال وارتجال مما اربك العديد من الفقرات التي قدمت في تلك الامسية / وتاكيدا لما ورد نجد العديد من النماذج لما ورد اعلاة في الصعيد المحلي او العالمي / في الصعيد المحلي هنالك اخفاقات لكبار الفنانين وهم علي خشبة المسرح وقد تكن اخفاقاتهم لها نفس الظروف التي ذكرتها اعلاة فنجد انفسنا واجدين لهم الاعزار بقض النظر عن اي شئ وعندما نسمع عن فكرة جديدة اوشكل فني قد يكون جديدا لا تعتادة مسامعنا او لا تفهمة مداركنا نعلن علية الحرب حتي لو كانت في هذة التجربة مفاتيح لابواب سكك جديدة قد تقودنا لطرق اكثر وضوحا لاجيال قد تاتي من بعدنا تتبناها وتخلق منها اشكال تساعدهها في الخروج من الشكل الذي ندور في لولبة منز بدايا منتصف الخمسينات
Post: #35 Title: Re: اسوء 3 فيديوهات (غنائية) سودانية شفتها فى الـ youtube Author: Salahaldeen Nadir Date: 04-15-2009, 08:47 PM Parent: #34
نادر السوداني
انا بالذات ما من أنصار المثل البيقول: سمح الغنا في خشم سيدو وبالعكس أغاني كتيرة عجبتني عند مقلدين اكتر من عند أصحابها. المرحوم مصطفى سيد أحمد و كل الكبار وموسيقاهم لا قداسة لهم ومن حق أي (قادر) ان يطور فيها
لكن
الفيديو ده ماااااا...
على كل I think that we are on the same page
تحياتي
!
Post: #36 Title: Re: اسوء 3 فيديوهات (غنائية) سودانية شفتها فى الـ youtube Author: محمد الامين احمد Date: 04-15-2009, 08:50 PM Parent: #34
****** اود ان اتوجه بالشكر لكل من رفع فيديو كليب او مساهمة سودانية فى الـ youtube مها كان رآينا فيها ******
Post: #37 Title: Re: اسوء 3 فيديوهات (غنائية) سودانية شفتها فى الـ youtube Author: محمد الامين احمد Date: 04-15-2009, 09:09 PM Parent: #36
مزمل خيرى ، اذا فى زول نبيل هنا فـهو د. ابراهيم عبدالحليم ، تحياتى لكما مرة آخرى ========================================================== محمد معتصم ، سلامات ، غايتو كان يزرر الجلابية على الأقل ، ولا كيف ؟! ========================================================== ابو القاسم محمد، يا مراحب، اتمنى تكون الصورة وضحت اسه ، بعد الترتيب الجديد ========================================================== عبده عوض، تحياتى ، الناس ديل عندهم اكتر من كليب !!! شكلو سوقهم ماشى ========================================================== الازهرى ، حياك، لكن بالغت مع الفنان عمر احساس، الرجل ده ذو بصمة حقيقة فى ساحة الغناء السودانى، و لكن الناس اذواق، انا عن نفسى معجب بيهو جدا من زمان ========================================================== قلقو ، مرحب بيك ، و الله انا اتمنى صادق ان يستمع الى ندائك، , و لو مصر شديد خليهو يلحن من وراء الكواليس ========================================================== ناذر خلفية، حبابك، كنت اتمنى ان تفصل اكثر و انت زول عندك خبرة فى المجال ده ،لكن بالمناسبة فى هارمونى فى ثنائى كده عندهم اغنية اسمها (تستاهلى) مشرك ليهم من كم يوم ، بس ما اقادر الم فيهم ========================================================== محجوب البيلى ، نزلت اهلا ، ما عارف اقول ليك شنو ، لكن شوف البوست ده من الارشيف عبد الوهاب وردي في افادات ساخنة حول والده
Post: #38 Title: Re: اسوء 3 فيديوهات (غنائية) سودانية شفتها فى الـ youtube Author: محمد الامين احمد Date: 04-15-2009, 09:20 PM Parent: #37
الحبيب نادر السوداني، اول شئ اسمح لى احييك على روحك الرياضية (الفنية) و تقبل النقد بصدر رحب
و زى ما قال اخونا صلاح الدين نادر I think that we are on the same page
فى رآى انا الصوت ما نشاز ابدا ، انا سمعت الأغنيىة من غير ما اشوف الكليب ، و سمعتها و انا شايف الكليب
الحركات هى المبالغ فيها ، يعنى ما ماشة مع الأغنية دى، بس يا ريت لو تدينا نموذج من اعمالك
قلت انك كنت بتعزف مع فرقة السودانيين ! هل هى نفس الفرقة العندهم أغنية (يا غريب) الخربوها الشباب الفوق
جميل دي أنا عرفتهاهنا في البورد دا ، من مشاركاتك..
والله أبدا ما شكيت في ذائقتك الجمالية..لكن أنا بهديك
عمر احساس في العمل دا اسمعه تاني لعل وعسى..
(الفنان قال الحب قسم يا عيني)..
تسلم يازول ياذوق.
لك جزيل الشكر على لطف كلماتك ومشاعرك الأخوية النبيلة،وحسن ظنك وإهتمامك .
وكمان أشكرك تاني على الإهداء الجميل ، وأعني كل حرف من كلمة جميل .
تعرف المشكلة أنا سمعت عمر إحساس بغني في فيديو كليب مامتذكر كلماته لكن كان بايخ وكمان قبل فترة قريبة شفت ليه فيديو كليب تاني في قناة هارموني إسمه نتمايل نتمايل أو حاجة زي دي فما عجبني كمان وحسيت بيه بايخ ، لكن بالجد الأغنية الجبتها يا أبو مهيار جميلة وتطرب ، وكمان كلام ناذر عنه خلاني أفتش أفتش أغانيه وإن شاء الله أعيد الإستماع ليه من جديد.
خالص المودة والتقدير وربنا يملاك عافية وكمان أغتنم هذا البوست ،للإعتذار للفنان عمر إحساس .
. .
Post: #42 Title: Re: اسوء 3 فيديوهات (غنائية) سودانية شفتها فى الـ youtube Author: عز الدين بيلو Date: 04-16-2009, 02:24 PM Parent: #41
Quote: تحية طيبة للجميع
سوف اعود للجميع بالتعليق ان شاء الله
و لكن اولا اعتذر عن الخطأ الغير مقصود فى وضع كليب (قلبى الحنين ) ضمن المآسى اعلاه
سرعة القص و اللزق هى السبب ، و لو شفت الترتيب الحالى ح تصدقنى ، كليب (قلبى الحنين)
كنت فاتحو و بسمع فيهو فى نفس اللحظة الـ كنت بكتب فيها البوست ، و بعدين طلعت من غير ما اراجع
الموضوع ، فـ يا استاذ ابراهيم عبدالحليم لك العتبى حتى ترضى، و اى حكم تقولو انا راضى بيهو
فـ اغنيتك (قلبى الحنين) أغنية رقيقة و ضمن my favorites
بالغ اعتذارى و اسفى على الخطأ غير المقصود
حي أنا
يعني عشان شروق وود وردي ما أعضاء معانا هنا ولا شنو ؟؟
Quote: ام دور يابلد كل القبايل وهيبتا تاريخة ياعنوان جمالة وطيبتا
أم در يا بلد...
أعدت الاستماع للأغنية أكثر من خمس مرات فى خلال أقل من ساعتين أقل ما يقال عنها..ملـــحمة أمدرمانية أخرى
شكرا كوستاوى
Post: #48 Title: Re: اسوء 3 فيديوهات (غنائية) سودانية شفتها فى الـ youtube Author: محمد الامين احمد Date: 04-17-2009, 06:14 PM Parent: #47
ابو مهيار ، حبابك و البركة فى عمر احساس المرقك علينا
عز الدين بيلو ، برضو مقدر موقفك، انا غلطت و استهال ! لكن قول البغم و قول رآيك ! عندك اسوء من الفوق ديل ؟
كوستاوى ،تحياتى ، للأسف الأغانى ما اشتغلت معاى؟ لكن نحنا كلامنا على الفيديو ، و ليس على مسيرة الفنان يعنى شوف ده كليب قديم للفنانة حنان بلوبلو اضغط هنا و صراحة كان ازعاج ! التحية للفنان نادر السودانى برضو
Post: #49 Title: Re: اسوء 3 فيديوهات (غنائية) سودانية شفتها فى الـ youtube Author: Kostawi Date: 04-20-2009, 02:59 AM Parent: #48
Quote: كوستاوى ،تحياتى ، للأسف الأغانى ما اشتغلت معاى؟
ايوه والله
