مذكرة الجاليات السودانية باوروبا التي تم رفعها للاتحاد الاوربي ....

بروكسل بلجيكا

نحن الاوربيون من اصل سودانى والسودانيون المقيمين بدول الاتحاد الاوربى ، فى كل من بلجيكا وهولندا والمانيا وفرنسا ، نتقدم اليكم بهذه المذكرة الهامة والعاجلة ، بشأن قرار محكمة الجنايات الدولية الصادر فى الرابع من مارس 2009م ،والقاضى بتوقيف الرئيس السودانى عمر حسن احد البشير ، فى سابقة خطيرة تؤثر فى سيادة وحرية واستقلال السودان .

عليه نرى ان هذا القرار انتهك سيادة دولة حرة وعضو فاعل فى المجتمع الدولى وتدخل سافر فى شانها الداخلى ضاربا بمبادى القانون الدولى واساس العلاقات الدولية عرض الحائط فى سابقة خطيرة هى الاولى من نوعها فى التاريخ.

ان مثل هذه التدخلات ذات الصبغة الاستعمارية تذكرنا ايام الهيمنة والتسلط والبغى ، الذى كافح اجدادنا فى طرده وازالته من ارضنا ، بل ظلت تعمل لنسيان تلك العهود من التيه والظلم التى فرقت بين ابناء الوطن الواحد وتركت جروحا ظلت تنذف الى يومنا هذا.

واليوم واذ نفاجا بنفس الدعاوى التى سوقت للاستعمار سابقا بنشر العمران والتطور للشعوب المغزوة ياتى الاستعمار هذه المره بوجه جديد ، ياتى بدعاوى نشر العدالة والسلام وحقوق الانسان ، والتى اغفلت كل الظلم الذى يشهده العالم ، واختارت السودان لتنشر زيفها وخداعها فيه بهذه المسميات النبيلة اسما والمبطنة شرا.

ان القرار الذى اصدرته هذه المحكمة ، قد اساءة للمحكمة الجنائية الدولية فحولها من مؤسسة دولية ناشئة ذات مصداقية يرجى منها تحقيق العدالة الشاملة ، الى اداء انتقائية ازدواجية بايدى دول ذات نفوذ تستخدمها لخدمة اغراضها السياسية ومصالحها التوسعية فى وجه الدول الافريقية الفقيرة والصغيرة وهذا قطعا سيؤدى الى وأد هذه المحكمة الوليدة ويزيد من العداء والكراهية لدول الغرب وقد ظهر جليا ان هذه المحكمة التى ترى بعين وتغض الطرف بالعين الاخرى ، لا صلة لها بالعدالة وهى تغفل الجرائم المرتكبة فى افغانستان وفى العراق وفى فلسطين المحتلة وتؤكد بما سعت اليه ان الكيل يتم بمكيالين ، وتؤكد ازدواجية المعايير و بصوره مفضوحة ، نرفضها بقوة و ناسف لها وندينها بشده ، وترى الجاليات السودانية فى اوروبا ان العدالة الدولية تستقوى فقط على الشعوب والدول الضعيفة ، وخاصة الدول الافريقية التى ذاقت الامرين من جراء الظلم والتدخل واستباحة سيادتها تحت مختلف المسميات ، وتؤكد هذه الجموع التى خرجت فى هذه المسيرة الرافضة لهذا القرار الجائر انه قد اعطى اشارة سالبة لحركات التمرد ودفعها للاحجام عن الجلوس فى مائدة المفاوضات لايجاد حل عادل لقضية دارفور ، بانهاء ماساة المواطنين وتثبيت السلام . وتؤكد ان المساس برئيسها هو مساس بكرامة وعزة كل السودانيين فى كل انحاء العالم وان اصدار هذا القرار يمس رمز سيادة الدولة الاول . ويعتبر هذا الاجراء اهانة لشعب السودان كله ويبخس مجهوداته المتواصلة لانهاء حرب دارفور من جولات تفاوضية عديدة واتفاقات كان الاتحاد الاوروبى وعددا من دوله شاهدا عليها فى ابوجا وغيرها ، ونرى ان مثل هذه التدخلات غير المبررة قد تؤدى الى ما لا يحمد عقباه ، خاصة بعد ان استطاعت هذه القيادة المستهدفة ان توقف اطول حرب تشهدها القارة الافريقية واستطاعت ان تنشر السلام فى جنوب السودان .

ونرى ان القرار لا مشروعيته له مع عدم اختصاص المحكمة الصادر عنها بموجب عدم مصادقة السودان لميثاقها بالاضافة الى ان السودان ليس عضوا فيها .

بجانب ان هذا القرار مشروع لفوضى داخلية واقليمية ستقضى على الاخضر واليابس فى اقليم لا تنقصة الفوضى والتى قد تجعله بيئة مفرخة للارهاب وجاذبة له . ومن اجل كل ذلك ولغيره نرى ، ومعنا اكثر شعب السودان والعقلاء من المجتمع الدولى ان هذا القرار مرفوض جملة وتفصيلا ونتطلع اليكم فى ان تلعبوا دورا اكثر ايجابية لحل هذا المشكل بطرق اكثر حكمة وتعقلا رافعين اليكم ملخص ما نصبو اليه:

1-الجاليات السودانية فى اوروبا ترفض هذه القرار جملة وتفصيلا وتطالب كافة الدول الاوربية ممثلة فى الاتحاد الاوروبى والبرلمان الاوروبى برفضه والعمل على ايقافه.

2- رفض التدخل فى شئون السودان الداخلية .

3- تؤكد ان قضية دارفور شأن داخلى سيتم حله بالجلوس الى طاولة المفاوضات بين ابناء الوطن الواحد.

4- تعلن كامل تضامنها مع مطالب ابناء دارفور المتضريين ، خاصة البسطاء الذين يقعبون فى معسكرات اللاجئين وترفض ان يتم المتاجرة بمآسيهم من قبل قلة لا تمثل كل ابناء دارفور وترفض الجلوس للتفاوض لايجاد حل سلمى .

5-وتحذر المجتمع الدولى بمألات مثل هذه القرارات والتى ظهر اثرها وسؤها بما يحدث الان فى افغانستان والعراق .

6-وتحذر بان مثل هذه القرارات قد تفتك بوحدة واستقرار السودان بل ستؤثر على كامل المنطقة باثرها وستعمل على اشعال نار الفتنة بين ابناء الوطن الواحد وهى تهديد كبير للسلام الذى تحقق فى جنوب البلاد.

7- وتؤكد وقوف الجاليات السودانية خلف قيادتها التى ارتضت الجلوس والتفاوض سبيلا لحل مشاكل السودان .

8-وتشير الى ان العدالة الدولية لاتتجزا ويجب ان تطال كل من اجرم فى كل بقاع العالم خاصة المجازر التى حدثت فى غذة فى اواخر العام 2008م وان السودان كفيل بحل قضاياه دونما تدخلات خارجية تعمل لمزيد من الفتنة والشقاق.

9- وتاسف الجاليات ان مثل هذه التدخلات جاءت والسودان يشهد نموا وتطورا واستقرارا ملحوظا فى كافة مجالات الحياة مما قد يعطل هذه الانجازات والمشاريع الضخمة التى تعمل على رفع المعاناة عن كاهل ابنائه.

ود الباوقة.

ياخي الناس أتطورو أنتو يا كيزان لي هسع بتشتغلو بالطريقة المتخلفة دي؟

كده بالله لو سمحت أكتب لنا أسماء المنظمات والجاليات دي وعناوينها لأنو الخطاب ده ممكن أي واحد يكتبو من منزله ويفرض نفسه ممثلا للجاليات. أسماء المنظمات والجاليات يا حبيب وبسرعة.


دينق.

هوى ياكيزان ياحرامية

إنتو الله ماخفتو منو خايفين مالكم من اوكامبو??

كذب وغش وتلفيق وتزوير

إنتو ياناس ماتخجلو


تجيبو الغثيان

تبا لكم يا كيزان التافهين

Quote: مذكرة الجاليات السودانية باوروبا التي تم رفعها للاتحاد الاوربي ....

ود الباوقة ازيييييك !!!!!

قلت لى الجاليات السودانية باوربا ؟؟؟؟
بس انحنا ليه ما عندنا خبر ؟؟؟

غايتو عليكم جنس لبط

ود الباوقة ازيييييك !!!!!

الله يسلمك يا حواء ..


قلت لى الجاليات السودانية باوربا ؟؟؟؟
بس انحنا ليه ما عندنا خبر ؟؟؟

حواء ديل ناس اوربا الدور جاي عليكم يا ناس امريكا ..

ما سمعتي الاخبار الاخيرة ...

غايتو عليكم جنس لبط

لبط شنو؟؟؟

تبا لكم يا كيزان التافهين[/U

نتمنى لك عاجل الشفاء ...

تجيبو الغثيان

الغثيان بس ..

لس التقل ورا ...

ياخي الناس أتطورو أنتو يا كيزان لي هسع بتشتغلو بالطريقة المتخلفة دي؟

الفريطيق دينق ..

كدي خلينا من المذكرة ..المظاهرات المناوئة لقرار اوكامبو والتي جابت كافة العواصم الاوربية ما شفتها ..

تشوف طشاش طشاش ان شاء الله ..

Quote: كدي خلينا من المذكرة ..المظاهرات المناوئة لقرار اوكامبو والتي جابت كافة العواصم الاوربية ما شفتها ..

يا باوقة.

أنا غايتوا شفته صور مظاهرة مدفوعة الاجر أمام السفارة السودانية لمساندة المطلوب للعدالة الدولية عمر البشير، شارك فيها بعض الاجانب الذين تم الدفع لهم بالدولار، الدولار يا ود الباوقة الدولار. الدولار وأنت تعبان وشقيان في السعودية تلقط في الريالات وفي نفس تالوقت تدافع عن الانقاذ والجماعة هنا في واشنطن بلقوها باااااااردة وبي دولارتها. والله حالتك تحنن.


دينق.

أنا غايتوا شفته صور مظاهرة مدفوعة الاجر أمام السفارة السودانية لمساندة المطلوب للعدالة الدولية عمر البشير،

فرطقة ..

اين المستندات ...

هؤلاء الشرفاء تداعوا طواعية لنصرة رئيسهم البشير .حقين الدولارات ديل ناسكم انتو ..

شارك فيها بعض الاجانب

قصدك سودانيين زي حلاتك ماخدين ( التابعية ) الامريكية ..

والله حالتك تجنن ...

Quote: حواء ديل ناس اوربا الدور جاي عليكم يا ناس امريكا .. ما سمعتي الاخبار الاخيرة ...

اخبار شنو يا ود الباوقة ؟؟؟؟
بعدين القال ليك منو انا ناس امريكا ؟؟
يا زول بطل جقجقة !!!!

اخبار شنو يا ود الباوقة ؟؟؟؟
بعدين القال ليك منو انا ناس امريكا ؟؟
يا زول بطل جقجقة !!!!

حواء ..


اسف قاصد الفريطيق ...

Quote: هؤلاء الشرفاء تداعوا طواعية لنصرة رئيسهم البشير .حقين الدولارات ديل ناسكم انتو .. شارك فيها بعض الاجانب قصدك سودانيين زي حلاتك ماخدين ( التابعية ) الامريكية .. والله حالتك تجنن ...

ود الباوقة.

أنت لمتين حتفضل تنقل في أكاذيب الانقاذ؟ الى متى سوف تكون حمال أسافير؟

أول حاجة مافي حاجة أسمها في ناس بتساند ليها نظام مجرم زي نظامكم ده لله في لله في أمريكا.

الجماعة الطلعوا في مظاهرة الانقاذ ديل حقهم مدفوع. والدفع كان قبل الرفع والرفع هنا مقصود به رفع

اليافاطات التي تؤيد مجرمي الانقاذ. بعدين تابعية دي عندكم في السعودية مافي حاجة أسمها تابعية الله يتبعك

لقول الحق بدل الضلال الانت عايش فيهوا ده. قول أمين؟


دينق.

نحن فى الللجنة التنفذية للجالية السودانية فى هولندا ليس لدينا اى علم بهذه المذكرة .

ولم نشارك فى كتابتها او نشرها .

معتز جعفر
رئيس الجالية السودانية بهولندا

الأخ ود الباوقه
السلام عليكم ورحمة الله

الموضوع ده بالمناسبة بقى موضوع أمانة واخلاق
هشان كده دايرك تورينى ( الجاليات السودانية باوروبا ) دى ياتا
فى يات دول ويات مدن؟
لن أستطيع ان أحكم هل أنتم على حق فى هذا الاعلان أم لا
حتى تكتب لنا اسماء الدول والمدن التى توجد بها الجاليات التى رفعت هذه المزكرة

الأخ ود الباوقة

إذا تجاهلت طلبى هذا أو رددت على بشئ يخالف طلبى البسيط العادل
سأعلم أنا بانكم تحاولون تزوير أرادة السودانيين فى اوربا
وتدعون زورا وبهتانا ماليس بحق.

الود

Quote: نحن فى الللجنة التنفذية للجالية السودانية فى هولندا ليس لدينا اى علم بهذه المذكرة . ولم نشارك فى كتابتها او نشرها . معتز جعفر رئيس الجالية السودانية بهولندا

مسيلمة الانقاذ ود الباوقة.

أحسب عندك واحد. تعترف ولا يجوك الباقين؟


الاخ معتز.

شكرا لك كتير ولمساعدتكم في كشف أكاذيب الكيزان.


دينق.

أين أنت يا مسيلمة؟؟


دينق.

يا ناس الرياض؟

ما شفتوا راعي الكامري ود الباوقة حايم في السوق ولا حاجة؟


دينق.

شوف ياودالباوقة أو أيآ تكن,

الناس شبعت من كذبكم وتزويركم وخداعكم,

مافى مشكلة

بس تانى ماتجيبو سيرة الله تانى

مفهوم...

يعنى كذبو كذبكم
وماتسموهو كذب اسلامى

أى ملتحى كذاب ومهلل باسم الإسلام السياسى
فليكذب" فليس لهم صنعة غيرها"
ولكن بعيدآ عن الله..

up

أولا السودانيين ما جوا أوربا عمرة
وثانيا ممكن أسماء هذه الجاليات ولجانها؟

فوووق والله
ودايرين اسامي الجاليات السودانية في اروبا القالت الكلام ده يا ود الباوقة...
معقولة يا ود الباوقة الجقلبة تحصل بيكم الدرجة دلتا من التلفيق الشديد المفاجي

سبحان الذى يبتلى عباده بالصمت
حين يصمت الناطقين باسمه

مظاهرة حاشدة امام قصر الامم المتحدة بجنيف لحث المجتمع ا...كرة اعتقال البشير ..

اها
فووووق
يا ود الباوقة البوست مقنطر ليك في انتظار لستتة الجاليات

إنت يا ود البوقه ما بتوب

تاني جايب ليك كضبه جديده

اسماء الجاليات سريع يا مسيلمه

ابوكدوك ياخي مشتاقين والله
ووينك يا زول انشاء الله طيب ياخي....
وسريع نرفع ليك التقرير والتمام في فترة غيابك...
عندك القضايا الاتية
1-جاليات اروبية المطلوب لسسستة...زودي راكوبة ود الباوقة
2-كهرباء وسدود ...ودي في راكوبة محمد فرح...

وزولي ود الباوقة ده اتخيل ما بتوب اصلا
كل يوم والتاني نابل ليهو بمصيبة
وحبابك يا ابو كدوك مرة اخري في التيم العالم في مساككة الكضوبات الكيزانية

Quote: وحبابك يا ابو كدوك مرة اخري في التيم العالم في مساككة الكضوبات الكيزانية

كيكي يا جميل

ما بنخليهم ابدا

ود الباوقه ده زول مهزله وما بتوب
بعد قصة السفاره في العماره ديك قلنا الزول اخد درس يستفيد منو

لكن شكلو كده لا حياة لمن تنادي

اليومين دي يا نادر
(الياهو ياهو ياهو) الاسفيري عالي جدا
ولو بالغلط ساكت فتحت ليك بوست بتاع كوز...عينك ما تشوف الا قبقبة ومساككة من طرف...
وياخي الناس ديل فقدو في سبيل السلطة دي احساس بحاجات كثيرة في الدنيا دي
اهمها الضمير الحي..

سلام يا باوقة
تعال رد على الناس ياخ مطالبهم مشروع جداً عشان مافى زول يكتب كلام ما متاكد منو تانى

Quote: الأخ ود الباوقه السلام عليكم ورحمة الله الموضوع ده بالمناسبة بقى موضوع أمانة واخلاق هشان كده دايرك تورينى ( الجاليات السودانية باوروبا ) دى ياتا فى يات دول ويات مدن؟ لن أستطيع ان أحكم هل أنتم على حق فى هذا الاعلان أم لا حتى تكتب لنا اسماء الدول والمدن التى توجد بها الجاليات التى رفعت هذه المزكرة الأخ ود الباوقة إذا تجاهلت طلبى هذا أو رددت على بشئ يخالف طلبى البسيط العادل سأعلم أنا بانكم تحاولون تزوير أرادة السودانيين فى اوربا وتدعون زورا وبهتانا ماليس بحق.

Bauqa will come back when pigs fly

Quote: قلت لى الجاليات السودانية باوربا ؟؟؟؟ بس انحنا ليه ما عندنا خبر ؟؟؟ غايتو عليكم جنس لبط

ود الباوقة يااخ
السؤال الفوق دا سالتك ليه قبل كم
يوم كدا وما جاوبتنى عليه وبقيت تسوى ليك
فى كسور وبواقى . على كل حال انت ملزم بالاجابة
عشان تانى ما يجى زول يتكلم باسم الناس
ويقول فعلو وتركو

يلا جيب لينا اسماء الجاليات والمدن

بالله يا دينق مولع ليك نيران مالك؟ اكان ذكرتني قصة الكضاب ايام المهدية القال والله الاسد ساكيني من بحري لحدي امدرمان، قالوا ليه والبحر؟ قال ليهم والله الا كان في كلامكم دا؟
عموماً الارشفة جاية وبتحلناشوفوا ليكم ضنباً امسكونا منه

ياكيكى

ماشى وين ياأخى تعال,

الزول دا شرد وخلى البورد ذاتو,

البوست بقى ملك عام..

الواطة مرشوشة

وماتنسو تجيبو معاكم كوارع..
وياحبذا لو لقيتو ليكم زول بيعرف يعزف عود..

Quote: سلام يا باوقة تعال رد على الناس ياخ مطالبهم مشروع جداً عشان مافى زول يكتب كلام ما متاكد منو تانى

فوووق يا الجيلي
وعين هنا وعين هناك
وكل امنقور قدومو احمر (اوكما قال المثل)
بمعني احمد زي حاج احمدسبحة
وكلو كضب في كضب تقيل

أيوة يابنج,

ناس أحمد وحاج أب سبح,
كلهم من ذات الطينة
ذات الاسلوب وذات النهج,

يتعرو ويتعلقوا من السنتهم

كذب ودجل وغش وأساليب رخيصة

Quote: بالله يا دينق مولع ليك نيران مالك؟ اكان ذكرتني قصة الكضاب ايام المهدية القال والله الاسد ساكيني من بحري لحدي امدرمان، قالوا ليه والبحر؟ قال ليهم والله الا كان في كلامكم دا؟ عموماً الارشفة جاية وبتحلناشوفوا ليكم ضنباً امسكونا منه

الاخ محمد عمر.

ود الباوقة في النهاية بقى يمشي يفتح بوستات لبيع السمك.

الظاهر بناء الخزانات كان من أجل السمك البلطي.

وقصة الكهربا دي طلعت فشنك.


دينق.

؟

أين مسيلمة؟؟؟

جاليات !!!

نداء إلى رئاسة جمهورية السودان ورئيس المفوضية العامة للانتخابات:


يعيش ملايين السودانيين (ليس معروفاً على وجه الدقة عددهم إلا ان الاحتمال الاكبر يفترض انهم يشارفون 8 ملايين حيث يقدر تعداد السودانيين في الشتات بحوالي 20% من تعداد السكان) وهم ينتشرون في شتات القارات الخمس من فيجي في جنوب المحيط الهادي إلى يلو نايف في الاسكيمو الكندي، ومن امريكا اللاتينية إلى إسرائيل. ومن المفيد تذكر ان أغلب السودانيين في الخارج هم من صفوة المتعلمين السودانيين.
ويقول الدستور تحت البند الثالث بشأن واجبات المواطن:
23- (1) على كل مواطن سوداني أن يدين بالولاء لجمهورية السودان وأن يمتثل لهذا الدستور ويحترم المؤسسات التي أنشئت بمقتضاه ويحمي سلامة ارض الوطن.
(و) يشارك في الانتخابات العامة والاستفتاءات التي ينص عليها هذا الدستور والقانون إلا ان دستور الانتخابات الانتقالي يعود ويقول بان حق الاقتراع في الدوائر الجغرافية مشروط بالاقامة بالسودان لمدة الثلاثة أشهر السابقة على الانتخابات. ويقول الدستور ايضا ان على كل مقترع ان يبقى في مكانه لمدة 3 أشهر داخل الدائرة الانتخابية التي تسجل بها عند الاحصاء الأخير 2008م حتى يحصل على حق الاقتراع. إلا اننا نعلم ان السودانيين في الخارج سمح لهم بالاقتراع من قبل في الانتخابات العامة.
نحن المقيمون خارج السودان دون إرادة من معظمنا نناشد حكومة السودان مراجعة قانون الانتخابات بحيث يسمح للسودانيين في الخارج بالاقتراع في الانتخابات العامة وليس في انتخاب رئيس الجمهورية وحده. ذلك ان القانون حسب ما هو مفهوم يسمح فقط بالتصويت لانتخاب رئيس الجمهورية. هذا ويبدو ان السودان اصبح وفق اشارة الجهات المختصة بالاحصاء والانتخابات في الأمم المتحدة جمهورية رئاسية. ولعل الدستور -وقد صمم بهذا الوصف- من شأنه ان يعطي رئيس الجمهورية سلطات واسعة تجعل من الاحزاب محض كائنات زائدة عن الحاجة.
نحن الموقعون أدناه نطالب بحقنا في المشاركة في الانتخابات العامة مثلما يحق لمواطني كثير من الدول من مدنيين وعسكريين بالاقتراع في انتخابات بلادهم العامة وسوف نعمل كل ما في وسعنا لحماية حقوقنا بموجب الدستور الذي يعتبر الاشتراك في الانتخابات والاستفتاءات واجباً من واجبات الموطنة. كما سنعمل على حماية هذه الحقوق بموجب المواثيق الدولية مما يجعل الأمر بالغ الأهمية. ذلك اننا سوف نعمل على توسيع حملة الدفاع عن حقوقنا الديمقراطية وواجبنا الدستوري بوصف ان تلك الحقوق من حقوق الانسان
http://www.sudanese-diaspora.com/[/B]