Post: #1
Title: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: esam gabralla
Date: 04-11-2009, 10:25 AM
تمبس ده مافي زول شغال بيهو
قادننا وهبو وهبة ...
زمان - قبل ما يبوظ - لما تمبس كان ممتعكم بالاغانى شابكنو يا تامبا يا كيف كيف و كل زول عامل صاحبو .... اى نعم بقي لايوق و سغيل و ساكى لهو عباطة كده و فوق ده بقي امنجى .. لكن صاحبنا نسوى شنو , حارقانى حقارة الناس بيهو دى
و تمبس لسه ود سغير ما شاف جديدو , وهبة شكلو نازل معاش قريب ده
كان للشنا تمبس و وهبة الاتنين شينين
كان للامن الاتنين امنجية
كان للياقة الاتنين لايوقين
كان للفارغة الاتنين فارغين
و فوق ده تمبس ذوقو في الغناء راقي - الحاجة الوحيدة الكويسة فيهو - و يشاع انو كان قوانى كويس و بيظبط نبل درجة اولى
اى نعم حيجي راجع لنفس عوارتو البعمل فيها الفترة الفاتت , لكن العوارة ماليه البورد بقت يعنى على تمبس
البوست ده لو اتشال يبقي فيها قصد , اونأجر لينا جنساية لطيفة تكتب عن تمبس لانو مجانا ما بنلقي ..
|
Post: #2
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: انعام عبد الحفيظ
Date: 04-11-2009, 10:36 AM
Parent: #1
Quote: نعم حيجي راجع لنفس عوارتو البعمل فيها الفترة الفاتت , لكن العوارة ماليه البورد بقت يعنى على تمبس
|
غايتو يا عصام غير لياقتو ديك ما عندو عوجه
عايزين تمبس يرجع بس على شرط يرجّع لينا تمبس الزمان
ويخلي لينا جزء من اللياقة بتاعتو ههههههههههههههه
يخليها عشان يفصلوهو تاني ونقعد نقول رجعوهو
|
Post: #3
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: GamarBoBa
Date: 04-11-2009, 10:39 AM
Parent: #1
| Quote: البوست ده لو اتشال يبقي فيها قصد , اونأجر لينا جنساية لطيفة تكتب عن تمبس لانو مجانا ما بنلقي .. |
ارشح اميرة الشيخ يا عصام...
ماسكاني في كم ذلة هي...
انشاء الله يفصلوها...
لكن انت كبرت اللفه شديد ففي الغالب لو ما الناس سخنوا البوست شديد بكري ممكن يرخه ليك
|
Post: #4
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: عبدالكريم الامين احمد
Date: 04-11-2009, 10:51 AM
Parent: #3
حكاية قواني دي يا عصام
انا كخبير كروي سابق ما راكبة لي في راسي كلو كلو
يازول تمبس الشفتو ده لو اشاتت فيهو مظاهرة بتخش قووون,,,,ضروري نثبت الحكاية ومن ثم نطلق معاك لقدام...
- اضم صوتي لصوت قمر بوبا وبعيد ترشيح اميرة الشيخ عشان الناس تهرب من الرقابة بتاعة بكري وكدا..
وبعدين انت ما ممضون ممكن البوست ده زااتو ينحرف من مسارو في ظل دمك المطلوب لقبايل كثيرة..
اولهم الراقص بتاعي الاول (جازولت)..واحتمال القصة يكون فيها مصارعة ثيران هههه والبوست يمشي الخور لعدة اسباب وجيهة.....
تمبس يرجع بشعار لاات ثلاثة وهي
تمبس لايوق لا
سيرة بخاري القادينا بيهو لا
دخول لبوست بتاع هشام هباني لالا ثم لا...
|
Post: #6
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Raja
Date: 04-11-2009, 11:05 AM
Parent: #3
100%
تــامبــا.. تــامبــا.. تــامبــا.. تــامبــا..
عيب تمبس الوحيد إنه هلالابي..
كان للكعوبية والكلام الشين مالين المنبر لمن مدفقين..
تــامبــا.. تــامبــا.. تــامبــا.. تــامبــا..
|
Post: #30
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: esam gabralla
Date: 04-11-2009, 03:47 PM
Parent: #3
يا شباب و يا شابات
شكرا لكل من تضامن مؤيدا عدم عودة تمبس للمنبر ... عاش الشعب الواعى و ودالبشري
سلام انعام
| Quote: غير لياقتو ديك ما عندو عوجه |
كدى عيدي النظر تانى
| Quote: يرجّع لينا تمبس الزمان |
ما اظن ... الزول ده انضرب في الانكل ... دى عادة بتنهي اللاعب , الا يقي مدرب او مدلك ... تمبس ينفع مدلك
قمر سلام
| Quote: ارشح اميرة الشيخ يا عصام... |
دى بالذات ما عازا في بوستى ده , تجى تشبكنا ابولهب و حطين
| Quote: بكري ممكن يرخه ليك |
يا قمر بكرى ده قصتو باظت تب , لو رفدنا يكون ريحنا من حرقان الاعصاب , زول يخرب في بيتو و جهدو و تعبو بي يدو , يعنى يا اما يرخيها للاخر لامن تجوط او يشدها و يسدها لامن تطرشق؟ و كلو من غير وجهة واضحة او طريقة واحدة متسقة , شغل مزاجات و جربندية مع انو ادارة المواقع بقي نسبيا في لىيها اسس و قواعد.
|
Post: #5
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Ishraga Mustafa
Date: 04-11-2009, 11:01 AM
Parent: #1
| Quote: فلان الذي عرفت ..قلبي اديتو ليك سفة ..النبي يقطعك.. توجد سربعة |
السربعة ماعندك لكن...
-------
تمبس بنحلى بيهو ياعصام ياخ..
خفت اكتب تمبس الذى عرفت تقوم القيامة
فقلت اشتغل بتكتيك سياسى, اول هيبة وبعدين تمبس
|
Post: #7
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: بهاء بكري
Date: 04-11-2009, 11:12 AM
Parent: #5
| Quote: عيب تمبس الوحيد إنه هلالابي.. |
يارجوية اشتغلي معانا كويس
|
Post: #9
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Raja
Date: 04-11-2009, 11:20 AM
Parent: #7
هههههه يا بهاء..
ما عندك اي مشكلة.. لو بكري قال بس عشان كده. عليك علي أقوم بأكبر واسطة..
ليك وحشة.. أخبارك..؟
|
Post: #8
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Sana Khalid
Date: 04-11-2009, 11:19 AM
Parent: #1
Quote: البوست ده لو اتشال يبقي فيها قصد , اونأجر لينا جنساية لطيفة تكتب عن تمبس لانو مجانا ما بنلقي ..
|
تقصد شنو يعني يا عصام
انا ما لطيفة ولا عشان اسمي ما بنتهي بتاء مربوطة :)
مااا كتبنا و بكري لفحوا زي الما حصل شيء!
القصة قطع شك فيها قصد
لكن مقصود تامبا
اريتو بعديرجع.. يرجع لينا تمبس الامس خليهو حق اول امس داااااك
(تمبس اليوم) دا ما باقي لينا كلو كلو!
الله يجازي الكان السبب
|
Post: #10
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Sana Khalid
Date: 04-11-2009, 11:24 AM
Parent: #8
رجوية النزلة كيف؟
ان شاء الله عافية هسه؟
بالله تاني بلاش تفارقي
خليك هنا!
|
Post: #11
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: خضر حسين خليل
Date: 04-11-2009, 11:32 AM
Parent: #10
Quote: ارشح اميرة الشيخ يا عصام...
|
أثني
|
Post: #13
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: حيدر حسن ميرغني
Date: 04-11-2009, 11:51 AM
Parent: #11
مشكور ياعصام
صدقني عملت مايقارب الحداشر بوست
صاحبنا ومن يعاونوه سحبوا البوستات دي بأسرع مماتتصور
أخر بوست رهنت بقائه ببقاء بوست راوية لانه كان يشابهه في المضمون
حقيقي تمبس ماعندو وجيع
|
Post: #14
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: نيازي مصطفى
Date: 04-11-2009, 11:53 AM
Parent: #11
وحميده لا بواكي له
نطالب بعودتهم جميعا وكمان تراجي .
|
Post: #17
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: دينا خالد
Date: 04-11-2009, 12:22 PM
Parent: #11
عصام !
| Quote: و فوق ده تمبس ذوقو في الغناء راقي - الحاجة الوحيدة الكويسة فيهو - |
عشان ما نظلم الود دا ساى .. قالوا الغايب خاف الله فيهو (لووووول)
الود كمان لبيس كان قام على البدل خلى ساى
وكان قبل على التى شيرتات عينك ما تشوف الا النور ..
ياخ تمبس دا لبيييس انت بس ما تعاين فى الوش ..
بس كان جاء راجع واتشربك فيك باللياقة انا بررررررره ..
ـــــــــــــــــ
تمبس ! تانى عندك كلام فى المناضلين ؟ راجع لستة المتداخلين
شفت نحن بنعشق الراى الاخر (او اللايوق) على قول عصام كيف؟
وعشان كدا وحشتنا .. والله واحشنا
|
Post: #18
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: دينا خالد
Date: 04-11-2009, 12:24 PM
Parent: #11
وادى كمان مداخلة للود تمبس ...
اجدع ناااس ..
|
Post: #12
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Raja
Date: 04-11-2009, 11:50 AM
Parent: #10
سنوية يا حبيبة..
الحمد لله الليلة أحسن شوية.. لكن خلااااص شالت عافيتي..
يا عصام إنت مشيت وين هجرت البوست؟
وتاني وتالت: تــمبــا.. تــمبــا.. تــمبــا..
|
Post: #15
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Ishraga Mustafa
Date: 04-11-2009, 11:56 AM
Parent: #12
سلامات يا رجوية,
بركة بالشوفة ياختى,
انتى بتغطسى ووين ؟ ماتطولى الغيبه!!
|
Post: #16
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Raja
Date: 04-11-2009, 12:17 PM
Parent: #15
الحبيبة إشراقة يا غالية..
والله لو تعرفي البيً تعذريني..
تحياتي لوليداتي المعاك.. روفي وواصل
يا عصام غايتو مخيًر..
إحنا حنقعد نتونس بي هنا عشان نعمل (كموفلاج) لبكري عشان ما يتعامل معاهو كبوست وساطة ويخفس بيهو الأرض.. ههههههه
|
Post: #19
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Sana Khalid
Date: 04-11-2009, 12:29 PM
Parent: #16
| Quote: إحنا حنقعد نتونس بي هنا عشان نعمل (كموفلاج) لبكري عشان ما يتعامل معاهو كبوست وساطة ويخفس بيهو الأرض.. ههههههه |
|
Post: #20
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Ishraga Mustafa
Date: 04-11-2009, 12:33 PM
Parent: #16
تمبس عندو مليون وش ياعصام....... ده السبب!!
| Quote: إحنا حنقعد نتونس بي هنا عشان نعمل (كموفلاج) لبكري عشان ما يتعامل معاهو كبوست وساطة ويخفس بيهو الأرض.. ههههههه |
خلى بالك برضو هنا عليك النبى يارجاء
|
Post: #21
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: محمد البشرى الخضر
Date: 04-11-2009, 12:48 PM
Parent: #20
لا لعودة تمبس , لا لعودة وهبة
بكري و معاوناته 100 %
كدا بس
|
Post: #27
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Salahaldeen Nadir
Date: 04-11-2009, 02:50 PM
Parent: #21
| Quote: لا لعودة تمبس , لا لعودة وهبة |
نحن نؤيد قرار السيد
!
|
Post: #22
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Hamid Elsawi
Date: 04-11-2009, 12:49 PM
Parent: #20
رجاء
اشواق بلا حدود
أخبارك مقطوعة تماماً
تحياتي للجميع بطرفكم
و معليش يا عصام استغلال البوست
لكن الجماعة قالوا ونسة
|
Post: #23
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Hamid Elsawi
Date: 04-11-2009, 12:51 PM
Parent: #20
رجاء
اشواق بلا حدود
أخبارك مقطوعة تماماً
تحياتي للجميع بطرفكم
و معليش يا عصام استغلال البوست
لكن الجماعة قالوا ونسة
|
Post: #24
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Raja
Date: 04-11-2009, 01:04 PM
Parent: #23
يااااا حامد الصاوي..
إزيك يا غالي.. أنا لسة عايشة..
حأديك إيميل تكتب لي فيهو وبعدين أديك عن طريقه الإيميل المعتمد.. هههههه
شغلي كله (كموفلاج).. palomaa21 في الهوت ميل
يا شروق ما تخافي.. الإتنين في عيوني الأربعة.. ههههه
يا ود البشرى ياخ خليك محضر خير
وتمبا لازم يرحع
|
Post: #25
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Hamid Elsawi
Date: 04-11-2009, 01:31 PM
Parent: #24
رجاء
راجعي الماسنجر
|
Post: #26
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Rawia
Date: 04-11-2009, 02:15 PM
Parent: #25
سفة ياشين؟
_____________
حامد الصاوي ..أنا مالي مابترسل لي ماسنجر داخلي
لاقيت الصاوي في عرس معروف...بعد سنييين
|
Post: #28
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: هند محمد
Date: 04-11-2009, 03:06 PM
Parent: #26
| Quote: نطالب بعودتهم جميعا وكمان تراجي |
|
Post: #29
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Ishraga Mustafa
Date: 04-11-2009, 03:44 PM
Parent: #28
اها ياعصام...
البوست اتعطلت علامة الرد....
-----------------------------
ليه كدى يابكرى؟!!
|
Post: #31
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: حمور زيادة
Date: 04-11-2009, 03:59 PM
Parent: #29
يا حقارين يا شريرين يا وحشين ..
يعني كلكم شابكننا تمبس و وهبة و مرات تتذكرو حميدة و ميادة و سالي و ابو الحسين ..
لكن اصلو زول جاب سيرة العمدة مافي.
امانة ما اتلومتو ..
كافي البلا لا بوست لا ساكت مداخلة ؟
يعني الزول قاعد يرفع بوستاتو بالنقط و ما تشتغلو بيو
يوقفوهو ما تكوركو ليو و تقعدو تكوركو للاعداء ..
حركاتكم البايخة دي معناها عدييييل ما تجي.
اتوقع زول يلفح الكلام ده و يفتح بوست يكورك يا بكري المنبر و الوطن يفتقدان المناضل هناي.
حتى لو اتعملت .. متأخره و ما محسوبة.
و كيتن فيك يا عصام هاك الكول ده :
كل الشعب بيهتف تمبس
كل الناس بتقول يا هيبة
و المسيرة الهادرة بكره من قدام حاجه سكينة حتى قندهار و لا نامت اعين الجباء
وجع
|
Post: #32
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Ishraga Mustafa
Date: 04-11-2009, 04:13 PM
Parent: #31
Quote:
تمبس ود الحلة اللى بيقعد فى اللستك مكفكف جلابيتو السمنية وخاتى السفة بمزاج ويقوم سدارى لاولاد الحلة البعيدة اللى بيجوا يشاغلوا بنات حلتو
تمبس نجار, ينشر احزان الناس ويرميها فى تلج النفس المطمئنة
وطلبة بناء, يناول طوبة وراء طوبة ويبنى بيت للسكينة
تفقدو بالليل وتلقاهو مافى,
تعرف بعدين انو كان بيحفر فى الجابرة لمثوى الحبوبة الاخير
تمبس, سواق الحافلة, يشغل ليك الغنا السمح
تلقى الحافلة كلها صبحية عرس
تمبس – كمسارى بص ابورجيلة-
يضارى فى البنات من الواقف سدارى هناك يشاغل فى الصبية الناهد فيها شوق الحياة
تمبس مافارقة معاهو, يودو البص كلو للنقطة, المهم مافى زول يغلط على بنية
تمبس الخدرجى, يفرش خضار روحه ويديها للمساكين
ويرجع البيت غابة انسانية,
تمبس سيد الدكان, حلاوة حربة شوق طفولته يديها للصغار,
والطحنية للبنيات,
والبن للجارات,
مافرقت معاهو, كان جردوا الدكان وخسر,
المهم تمبس كسب نفسو..
تمبس, طالب فى الجامعة, طالب معرفة وعلم وطريق لبكره
قلمو فى جيب جعفر
وكراسو فى شنطة البت الحلوة ديك
جعفر ده منو مافارقة
والا البنية ديك فارقة
لانو تمبس بيعملها مع كل الطلبة, وبينحاز بشكل خاص لبنات الضهارى واولاد الريف
تمبس اللى بيسك الحرامى,
يقبضو ويجيبو البيت ويقاسموا العصيدة اللعملتها امو فى يوم ماطر
يقسم معاهو السفة ويخمس معاهو السيجارة ويقولو ليهو قوم فرتق,
تمبس تلقاهو فى نص المظاهرة..
يهتف عشان الناس الطيبة وفقرانه
وعشان تخدر ضرعات البلد ويتملى شطرها حليب عداله
يمشى الجامع يصلى وتلقاهو بالليل فى الحلفة عجاجة فرحو قايمة فى دارة الحلة
الحفلة اللى بيرص كراسيها,
بيرش ترابها لاقدام الحمام,
بيدق الصيوان, ويعرشو بقش روحو للامهات, اللى بيجهزن فى اكل العرس
يتفق مع الفنان, ويحاججو بمنطق الفرح, ويشرف شخصيا على عشاء الفنانين
تمبس يخلى عرضتو ويقوم بعضلات تبش السماحة يجر الولد اللى جنو يعبى الشكلة فى الحفلات,
تمبس يدق فيهو شواطين شرو,
يقوموا من الواطة وينطف معاهو بنطلونو
ويجى معاهو راجع يشاركو الرقصة والضحكة
تمبس يمشى الحجاز,
يشتغل ويرسل القروش عشان البيت والاخوات
ويشترى فى الهديمات والتياب لنسوان الحلة
وفى قلبو تلمع دبلة الحبيبة,
آمانة ماجاك بلد ياحبيتو, بلد ليهو مليون وش اسمو تمبس
يقعد يناقشك,
لايوق زى ويكة حقول خريفها تريان بمحبة ناس الريف
تزهجو يقوم بكش الولد يكاوش على كوتشينة حراق روحك
تلقاهو بيلعب فى {الضمنة} وضمانة حياتو وسط الناس
يلعب وخاتى باقى سيجارة وراء اضانو ويصحى فيهو شوق النجار
يخمسها مع الوليدات ويخمش سفة ويكفكف جلابيتو السمنية ويغنى ويعبيك فرح
شرامى نحو الحياة
ومقرم نحو الناس ودروبهم
مليون وش= مليون ميل مربع
تمبس لاقيتو فى دروب كتيرة مشيتها
شفت فيهو اخوى, ود الجيران, النجار, الخدرجى, وبتاع الطبلية الجاى من ضهارى البلد
شفت فيها الصديق اللى بتلقاهو وقت الضيق
وشفت فيها اخوى ود امى وابوى
تمبس عندو مليون وش.... ليها منحازة, بكل تناقضاتها الجميلة وحية.. |
|
Post: #33
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: محمد عبد الماجد الصايم
Date: 04-11-2009, 04:14 PM
Parent: #28
كسر سريع يا عمكـ
أب صلعة صاحي وقاعد يقفل في الحاجات!
ياخ أقول ليكـ حاجة
الزول دا ماسورة ساي!
خسارة التلج الحينزل آخر البورد هسي دا!
|
Post: #34
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: خالد عبد الله محمود
Date: 04-11-2009, 04:24 PM
Parent: #33
يا أخوانا أنتو ما بتفقدو إلا الناس الشينين ؟؟
يعني ميادة كمال دي ما عاجباكم؟ ما برضو موقوفة زيها و زي الشباب ديل ؟؟
نطالب بعودة جميع الموقوفين سواء كانو شينين أو حلوين ؟ 
|
Post: #35
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: Ishraga Mustafa
Date: 04-11-2009, 04:28 PM
Parent: #34
Quote: ماطعم ضحتك الآن؟
ماطول نهرك يا اطول انهار الدنيا الصادحة طيبة وانسانية ؟
حاولت امس الغناء, تذكرت تلك الاغنية التى كم فعقت {مرارتك} بها..
{تعال نتحدى حتى الخوف, تقول واقول اهواك}, وحين يكون مزاجك كما فى العادة معتدلا كطقس روحك الحلوة, تلكزنى لافعل,,
...
..
.
كان الزمان انقلاب..
انقلاب برضو عاطفى,
كنت عاشقة وانت اول من اكتشف ضجيج سمرته فى دمى
{ أحبك الآن وغدا افكر فى الطريقة} - يالشوقى ليك ياحنان
تغيظنى مشاكسا حين اصابتنى حالة الاكتئاب
حين جئت كوستى, مع ذلك الحشد المهيب,
{ يابت اللذينا ماتقولى دى الريدة اموت ركن انا ياخ.. }
كنت ياهيبة زمانها وطيلة فترة المرض لم اضحك..
وانت كما انت تعرف ان تكلكل الحزن وتخلى الفرح اللى مات يفرفر- يا ابن اللذينا آمنوا بالحياة.
حكانى {حبيبى} يومها عن عبدالملك,
عن ذلك البيت- بيت العنكبوت – فى بحرى
وحكانى عنك, عن الشعر, الكتابة, والبنات الجميلات,
حكانى عن ددرويش,
سمعنى اشعار حميد
واشجانى بسيرة زوربا, ماركيز, وواسينى الاعرج..
وكنتم عناكب القراءاة والاطلاع,
على شارع النيل, قصاد حدائق ابريل التقينا,
مجموعة من الاصحاب والصحبات
كنت يومها خريجة مشردة تنام على قدميها وشنطتها البائسة, كانت الدنيا ايضا بائسة بالانقلاب وسيرة الدبابة.
ضحكتك ياهيبة هى اول من رجّ كبابى روحى.
منذ تلك اللحظة صرنا اصحاب,
ترافقنا كثيرا,
تسكعنا فى حديقة الحيوانات, ولم انسى كم حاولت زمانيئذ ان تغرس فى روحى الفرح,
سرنا يوما- كدارى- بعد ان منّا الله علينا بعربيتك الفكسواجن- التى خسرت وتعبنا من دفرها.
خليناها متكولة جنب حديقة الحيوانات ودقينا الكدر, منو كان فيكم بيقدر على كدرى؟! الاجابة خليها فى سرك.
فى ميدان ابوجنزير قلت لك بدون مقدمات ودون ان التفت قلت لك {صاحبنا جاى} وقد صدق حدسى,
{يابت يانتى فكى ولا بتريدى صاحبنا ده}
عاد اكضب عليك, صحى بريدو, قلت لك ثم ضحكنا وانت تعانقه,
عشرون عاما تكاد تفصلنا عن ذلك الزمان,,
هى ذاتها سنوات من فرح, كفاح, شدو, بكاء, وفقد فادح ياصديق......
حزرتك ان تقول له اعترافى- ثم جريت كلمتك المحببة- الله كيييييييييييييييييييييييييف!!
حنين يا هيبة, عرفتك, حنين وفاتح قلبك للناس,
----------
بيتكم البسيط فى بحرى كان وسيعا بطيبة ناسه
ملاح القرع والحلة البنقعد نتشاكل فيها- تفاصيل اخوان واخوات- كانت الارض الرحم اللى جابهم للدنيا..
مجانين بالحياة كنا,,
جنون مابعده جنون,,
اتذكر تلك الدجاجة التى اجتهدنا يومها ان نوفر سعرها؟ شىء من حمدى السر, شىء منك وشىء من شقل
عرفنا يومها انو ايوب معتقل فى بيوت الاشباح, كيف فات علينا انو الدجاجة دى مابتصل الاّ الى اللى حولوا حياتنا الى اشباح؟!!
لمن حولوا ايوب لكوبر, سالته ان كان استلم الدجاجة؟ طبعا لا؟!!
حرقتنا القصة- انشاءالله ماتنفعهم بركة جاه النبى.
مجانين؟!! كنا, وياله من جنون.
مقطعين ومساكين وبنحب الحفلات,
وكم عرس {كجيناهو}!!
البنية – صاحبة نجوى- فى حى السكة حديد بالخرطوم,
بالله الحفلة ما انتهت وكانت الخطوبة اتفرتقت
البنية ديك, قلنا ليها نحنا جايين حفلة عرسها- قالت لينا لا عليكم الله, عافية ليكم
ياخ شدة ماكنا كج- خطوبتك الاولى- الله يطراها بالخير اتفرتقت,, هو صحى اللى فرتقها شنو ياهيبة؟
ياخ كان تكلمها تقول ليها البنات ديل- ناس حنان, اشراقة، جوى اخواتى لله والرسول ساى..
جنونا كان يا صاحبنا فى جنون الحياة..
لو ما مجانين نسافر للجزيرة, هناك وراء الترعة اللى شهدت دروب غرامى, بالفلكسواجن؟
انا كنت بسببى, انت كنتوا بتلوكوا فى جاه منو؟
كانت ايام ياهيبة..
تفاصيل عمر,,
توابل حياة
وطاعمة زى قهوة امى...اللى كانت بتحبك زى ولدها,, زينا واحد
لكن قول لىّ كيف حافظت على ضحكتك زى ماهى ياهيبة؟
قرابة العشرين عاما,,
تغيرت اشياء واشياء
وانكسرت فناجين الروح وصينى القلب اللى كان بيلمع داك, تتذكرو؟
يومها وانا اقرأ ايميلك- يامستهبل- كيف فاتت علىّ
ان اكون وسلمى الشيخ سلامة فى رسالة واحدة- يا ابن الحياة؟
حين اتصلت بيك, ما توقعت ان تدشر ضحكتك, ضحكتك ياها ذاتها..
هى ذاتها ياهيبة..
يالضحكتك الضاجة بالحياة..
يالانسانك الطيب.... ياطيب... |
|
Post: #36
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: د.نجاة محمود
Date: 04-11-2009, 05:15 PM
Parent: #35
Quote: لا لعودة تمبس , لا لعودة وهبة
بكري و معاوناته 100 %
كدا بس |
البشري عارف نظام بكري
الكلام بالعكسي ذي السحارة
تذكرو الحجوة ديك بتاعة لوقالت ليك كسري العدة معناها غسليها
الني فيك يابكري كان رجعت الظلامين الامنجية ديل...
لو حولة بالله البورد بلا امنجية فايدتو شنو..
سلام يا عصام
|
Post: #37
Title: Re: فلان الذي عرفت ..قلبي اديتو ليك سفة ..النبي يقطعك.. توجد سربعة
Author: محمد عبد الماجد الصايم
Date: 04-11-2009, 05:49 PM
Parent: #36
| Quote: بكري و معاوناته 100 % |
يا عمكـ
رفتونا خلاس ولا شنو؟
قاصد ست البوستات البايركس؟
أولتش حاقة أنا
|
|