Post: #1 Title: كم عدد المغنيين اليوم .... ؟ Author: علاء الدين حيموره Date: 04-11-2009, 00:12 AM Parent: #0
ذهبنا انا واخي مهدي في بداية الثمانينيات الى دار الفنانين لحجز فنان لمناسبة زواج اخونا .. سألنا موظف الاستقبال عن الفنانين الغير محجوزين للتاريخ والذي كان بعد اسبوعين من ذهابنا للدار .. فرد ان الفنانين كلهم محجوزين ما عدا ثنائي العاصمة ... التفت علي الاخ مهدي وقال لي مؤكد لانهم اثنين بكونو غالين شوية لكن ما ممكن نطلب انو يغني لينا واحد بس منهم يمكن يخفف علينا النفقات ؟؟
ابتسمنا وحجزناهم ...
ولكن اليوم واذا كان في كل شارع من شوارع الخرطوم في مناسبة زواج هل سيحتار العريس في فنان ؟؟؟
ببقى السؤال كم عدد الفنانين او بالاصح المغنيين اليوم ؟؟؟
Post: #2 Title: Re: كم عدد المغنيين اليوم .... ؟ Author: عزام حسن فرح Date: 04-11-2009, 07:13 AM Parent: #1
علاءالدين حيموره ...
الله يِكَتِرُم ... الغُنا ما سمِح وبِخلي الزول شفاف نان بِيمرُق أحاسيسو الفي الغالِب بِجاهِد يِـغَـتْـغِـتـا ... الله يِكَتِرُم بس ... يِكونو بِيِعْرِفو يِغنو ... وما يِشوِهو الغُنا الحبينا بيهو ... البكينا فوقو ... الفِرحنا ليهو ...
Post: #3 Title: Re: كم عدد المغنيين اليوم .... ؟ Author: ود الباوقة Date: 04-11-2009, 07:23 AM Parent: #2
حيمورة .. اها احسب عدد الفنانين ..
التلفزيون القومي 3000 فنان..
هارموني 770000 فنان
الشروق 5050 فنان
ساهور 8500 من مادح لي فنان ..
دا غير ( المتزرقين ) وسط الاحياء ..
الاجمالي 11 مليون وخرطمية ...
كدي راجع الحساب دا تاني اصلي ضعيف في الرياضيات ...
Post: #7 Title: Re: كم عدد المغنيين اليوم .... ؟ Author: علاء الدين حيموره Date: 04-11-2009, 09:56 AM Parent: #3
Quote: الاجمالي 11 مليون وخرطمية ...
كدي راجع الحساب دا تاني اصلي ضعيف في الرياضيات ...
ما اظنك ضعيف في الحساب لكن بتكون هفوة لانو العدد اكبر من كدا بشوية ...
وما جايب تمنو ..
Post: #4 Title: Re: كم عدد المغنيين اليوم .... ؟ Author: علاء الدين حيموره Date: 04-11-2009, 07:49 AM Parent: #2
Quote: الله يِكَتِرُم بس ... يِكونو بِيِعْرِفو يِغنو
دي المشكلة الاساسية في معرفة الغناء .. من حق اي شخص يأنس في نفسه الكفاءة برخامة الصوت وتناول جميل الكلام مع عذوبة اللحن ان يتقدم .. ولكن ما يحدث اليوم يمكن ان يسمى فنا ؟؟ ان ظواهر فنية تتساقط بمرور الايام ؟
شكرا عزمي الظريف ..
Post: #5 Title: Re: كم عدد المغنيين اليوم .... ؟ Author: ALZOLZATOO Date: 04-11-2009, 09:28 AM Parent: #4
ياحبيبنا،
كتبت ليك نص صفحة لكن راحت شمار في مرقة لكن ح نختصر ليك الكلام
يازول شدة الفنانين ماكتار لحدي ما العازفين بقوا من حملة التخصصات النادرة لووول يكه
كدي احسب البرامج البتخرج فنانين وقارنها مع باقي التخصصات يعني التقول السودان محتاج للفترة الجاية فنانين بس وياريتهم لو كانوا فنانين زي ناس زمان ديل معظمهم مقلدين غير جيدين .
بعدين الواحد تلاقيهو فنان بالليل ومداح بالعصر لووول
غايتو لو كنت المسعول كنت عملت الاتي
اي واحد صوتو غير مجاز وماعندو اغاني ملكه الخاص مايجي لافي جنب الاذاعة والتلفزيون
اي واحد مادارس موسيقى من اي معهد او مركز شباب مايحاول يكون فنان
اي واحد بيطلع حفلة وغير مسجل رسميا مايلوم ا لا نفسو
اي واحد فنان ومسجل زبطوهو بيمدح تاني ياكل فتة بس عشاء الفنانين راح شمار في مرقة
اي واحد بيقلد فنان يشوف ليهو اكل عيش تاني
طبعا اسع كلهم تلاقيهم بيقولوا يازاتووو انشاء الله ماتبقى مسعول
تحياتي
زاتوووو
التعديل لاضافة ما بعد عندو
Post: #6 Title: Re: كم عدد المغنيين اليوم .... ؟ Author: فتحي الصديق Date: 04-11-2009, 09:51 AM Parent: #5
علاء الدين طابت أوقاتك أحسب لينا كم أغنية جميلة خربوها وكسروا كلماتا وطلعوا أبو أهلها بالله..وخليك من عددم هسي..
Post: #9 Title: Re: كم عدد المغنيين اليوم .... ؟ Author: علاء الدين حيموره Date: 04-11-2009, 11:09 AM
الحبيب فتحي الصديق
تحية نضرة
Quote: أحسب لينا كم أغنية جميلة خربوها وكسروا كلماتا وطلعوا أبو أهلها بالله..وخليك من عددم هسي..
بالرغم من هنالك قلة من الفنانين احتفظت بلونية الاغنية الا ان الكثير جدا شوه تلك الاغاني ...
Post: #8 Title: Re: كم عدد المغنيين اليوم .... ؟ Author: علاء الدين حيموره Date: 04-11-2009, 10:51 AM Parent: #5
زاتو يا ظريف ...
Quote: بعدين الواحد تلاقيهو فنان بالليل ومداح بالعصر لووول
في واحدة من حفلات تكريم احد الفانين قال مقدم الحفل والان مع الفنان الكبير ... لتلاوة القران الكريم ..
خلفه العازفين كانو بظبطو في الآلات !!!!!!!!!!
اتخيل ...
Post: #10 Title: Re: كم عدد المغنيين اليوم .... ؟ Author: علاء الدين حيموره Date: 04-11-2009, 01:37 PM Parent: #8
واحد سأل صديقه قال ليه ولدك له ما كبر ؟؟ رد صاحبو قال ليه يادوب بتعلم في الغناء ..
