أسماء وهمية !

بوست أوحى به الجدل القائم في قضية (منال خوجلي ) .

•ومنعا لأي سوء فهم دعونا نثبت إن الكثيرين ممن يكتبون بأسماء غير أسماءهم ليسوا بالضرورة مجهولين

وان إطلاق صفة وهمي قد يكون ظالم للبعض ..بمعنى أن هناك من يستخدم الـuser name لأسباب ليست من بينها


التخفي ..مثلا لأنه معجب بالإسم الذي إختاره ..لأنه يعبر عن شخصيته أو حتى لأنو لا يأخذ موضوع الكتابة في منبر


عام على محمل الجد .

ولكن ما صحة ما يقال عن مؤسسات ، جماعات ، فئات ،أيا كان ، تستخدم أسماء وهمية لتمرير أجنداتها ،


أو حتى للنيل من فلان أوعلان ؟ هل هذا صحيح ؟ أم أنها مجرد إفتراضات وإجتهادات ؟

ثم علينا ان نفرق بين من يكتب بأسم وهمي ..وبين من يكتب بأسمه ولكن لايريد ـوأطنها حرية شخصية ـ



لأحد أن يتعرف عليه أقصد (الصورة ) .

متى يكون الإسم( الوهمي ) وأميل لإستخدام( المستعار) مشكلة ؟

هل يمكن ان تجعلنا عدم معرفة الناس لأشخاصنا أكثر جرأةً ..فتكا ..وفجوراً في الخصومة ؟

النقاط أعلاها أردت منها أن تكون مضابط ننطلق منها لنقاش الموضوع ..بموضعية لا أشك أن الجميع


يملكها ...

Quote: هل يمكن ان تجعلنا عدم معرفة الناس لأشخاصنا أكثر جرأةً ..فتكا ..وفجوراً في الخصومة ؟

الاخت داليا تحياتي


قيل (( من امن الحساب اساء الادب ))

Quote: هل يمكن ان تجعلنا عدم معرفة الناس لأشخاصنا أكثر جرأةً ..فتكا ..وفجوراً في الخصومة ؟

ضعف الشخصية
والمعرفة
وعدم الإلمام بالموضوع ...
والشلاقة ..!!!
والشتارة
وضعف الحجة
وفوق هذا كله
الإسم المجهول !!
يعطي الدافع لكثرة الجرأة والفجور .......

Quote: ضعف الشخصية والمعرفة وعدم الإلمام بالموضوع ... والشلاقة ..!!! والشتارة وضعف الحجة وفوق هذا كله الإسم المجهول !! يعطي الدافع لكثرة الجرأة والفجور .......

نعم يا عِمران حسن صالِح وبِالإضافة إلى ذلِك مَن خاف مِن < الإضطهاد السِياسي > ... فلَيس مِن الحِكمة
عِند بعض الناس أن < يجهروا > بِالقَول < الحق > طالما في الإمكان < الإسرار > بِهِ ... فيكونوا قد
قالوا قَولهُم ولم يَخرصوا وسَلِمت أبدانِهِم وأخلصوا ... حتى الأمِنون في مهاجِرهُم يأملون في < يُسر >
الزِيارة وأمل العَودة والإسْتِقرار والكف عن التِرحال ...


إحْتِراماتي داليا ،،،

Quote: فلَيس مِن الحِكمة عِند بعض الناس أن < يجهروا > بِالقَول < الحق > طالما في الإمكان < الإسرار >

الحق والجهر متلازمان كما أظن ...لكن الناس أعذار ..وكلو زول بتعامل مع الأشياء من منظورو الشخصي وحكمتو

الخاصة يا عزام.

Quote: الإسم المجهول !! يعطي الدافع لكثرة الجرأة والفجور .......

معقول يا عمران .

Quote: قيل (( من امن الحساب اساء الادب ))

أهلين يا كومندان



تعرف يتخيل ده برجع للشخصية ..لأنو في تانين بتعاملو باسم وهمي ..وما بعملو مشاكل ، ولا بأذو الناس يعنى


بتصورانو المشكلة في الشخص نفسو غض النظر عن أسمو الشايلو ..والله أعلم .

ســلامات داليا...

"إحرص على أن تظل تلك الشعلة في داخلك متقدة والتي يسمونها الضمير"...

Quote: إحرص على أن تظل تلك الشعلة في داخلك متقدة والتي يسمونها الضمير"...

شكرا يانون3 على حسن ظنك .

Quote: أو حتى لأنو لا يأخذ موضوع الكتابة في منبر عام على محمل الجد .

وإذا لماذا التخفي
ما دام لعب عيال

Quote: متى يكون الإسم( الوهمي ) وأميل لإستخدام( المستعار) مشكلة ؟

بيكون مشكلة لمن الواحد يكتب باسمو الحقيقي
و بيكتب باسم تاني - مراويد – عشان يقل بيهو أدبو.

Quote: بيكون مشكلة لمن الواحد يكتب باسمو الحقيقي و بيكتب باسم تاني - مراويد – عشان يقل بيهو أدبو.

وهذا مربط الفرس و الاشكال الاساسي

الكتابه بأسمين في هذا المنبر .

Quote: الكتابه بأسمين في هذا المنبر .

هل هي رائجة جدا في المنبر سؤال خلينا نطرحو من خلال النقاش يا بكري ؟

سلام يا داليا ..
كنوع من الاصطلاح ممكن نقول الاسم المستعار هو اللقب .. يعني زي " ود البلد ديك " .. " العجيب " .. "عاشق الوطن " .. ابو راس " .. الخ ما يفتح الله به على الناس من القاب يعتقدون انها تعبر عنهم ..
الغريب طبعا انو الامر ده قديما قيل انه خاص بالفتيات في سن المراهقة ..
اغلب الفتيات يحببن ان يطلقن على انفسهن القابا رومانسية تعبر عنهن لأنهن لا يتعبرن اسماءهن المجردة معبرة عن شخصيتهن ..
فكانت الفتاة تكتب اسمها في دفتر مذكراتها المكتوب بقلم البك الاحمرو الازرق و الخضر : الحب الضائع
او ترسل مشكلتها او رأيها الى صحيفة بامضاء : الوتر الحزين
و حكى دكتور احمد خالد توفيق انه عرف فتاة كانت تلقب نفسها بـ " أخر شئ محترم في الدنيا "
صاحب اللقب ( الاسم المستعار ) غالبا ما لا يجد غضاضة في التعريف بنفسه و حقيقته.
لأنه مقصده من الاسم الاستعار ليس التخفي بل التعبير عن نفسه.
فمن يقدم نفسه باسم " العجيب " يفعل ذلك لأنه يعتبر أن العجيب يعبر عن شخصيته بأكثر مما يفعل اسمه العادي "أحمد حسن محمد علي" الاسم العادي الخالي من اي دلالات.

اما الاسماء الوهمية فهي اسماء شخصيات كان ادخل انا هنا و بدلا عن التسجيل بحمور زيادة اسجب بـ " على ساتي " و امارس وجودي تحت حماية هذا الاسم.
هنا يتضخم الاسم الوهمي ليصبح شخصية وهمية.
لأنه جاء لحماية الشخصية الحقيقة و بديلا لها.
فلو كنت من مدني سأقول اني من شندي لزيادة التعمية.
و لو كنت درست في جامعة الخرطوم فسادعي اني درست في جامعة زالنجي.
و اذا اضطررت لذكر قصة عن احد اصدقائي ساقوم بمنحه اسما اخرا.
و رويدا رويدا يتكون عالم وهمي جديد يصنع حياة لعلي ساتي الذي لم يوجد.
هذا الاسم الوهمي يساعد بشدة على امن العقوبة. مما يجعل صاحبة متفلتا كما اشار الزميل عمر عثمان اعلاه.

في تقديري انه في سودانيز اون لاين اصبح العرف بتكوين اجسام للبورداب امرا جيدا يحسم مشكلة الشخصيات الوهمية.
فليست مشاركة احد في نشاط للبورداب الزام له بالصداقة.
لكنه تعريف بنفسه و تعرف على الاخرين.
هذا يكسر تماما حاجر التعمية الاحادية القائم من ان احدهم يعرف داليا حافظ لانها تضع صورتها و يتحدث عنها الناس و تتحدث هي عن نفسها و اشيائها بينما الاخر في الظلام التام لا يعرفه احد.



اما قصة الواحد عندو حساب باسمو للكلام السمح و حساب وهمي او مستعار للمشاكل فدي مشكلة بكري عاد.

داليا سلامات
مجرد اختزال الفكرة في شخصية وهمية أو مستعارة علي النحو السابق في مجمل الموضوع اراه غير كافي للخروج بنتائج واضحة.
بمعني هل الكتابة والمراسلة أو ممارسة اي شيء في الانترنت يعني أنك أمان
بالعكس
قد يعتقد البعض أنهم في مأمن ولكن الذي يحدث أن لا حرية للتعبير ولا حتي الحرية الشخصية.

هنالك بعض الطرق التي يستخدمها البعض يمكن أن تقيك من كثرة المتلصصين بمثال بسيط،انتي صحفية ولا تريدين اي شخص ان يتسلل الي بريدك الالكتروني لمعرفة مصادرك....استخدامك لبريد الياهو من جهازك الشخصي أأمن من استخدامك للهوت ميل لانه يمكنك تفعيل خاصيةsign-in seal التي تجعل دخولك الي سيرفر الياهو بشكل آمن.

أسئلة يمكن أن تدور بخلد البعض
بنفس الفهم هل تعتقدين أن السلطات المصرية عندما قبضت علي اسراء عبد الرحيم مؤسسة مجموعة اضراب 6 ابريل ولقبت بعدهابرئيس جمهورية الفيس بوك ، هل قامت ادارة الفيس في اعطاء السلطات المصرية المعلومات اللازمة؟؟لا اعتقد ذلك.

كيف يتم التعرف علي اخطر الهاكرز بواسطة السلطات؟

اذن للسلطات في اي بلد سبلها في التحري والتدقيق وتمتلك التقنية الكافية لمعرفة ما يدور.

شيئ آخر قوانين الانترنت حتي الآن حديثة حتي القضاة والمحامين ليسوا علي دراية كافية بشق مهم جدا في هذا الاتجاه...يعني التقنية نفسها.


الاخ حمور:

تحليلك ده ما بعرفه لكن انا لما اخدت اسمي المستعار ده كان قناعتي انو انا ما داير اتعرف علي الاسفير كله او الاسفير يعرفني انا ذاتي منو وبعد داك كانت الفورمة بتاعة التسجيل في الموقع مفتوحة قدامي واغنية القمربوبا شغالة ركبت الاسم واتخارجت وفي اسماء كتيرة ارسلها بكري للناس دون استشارتهم مثل بت قضيم

انا في اعتقادي اصلا مافي حاجة اسمها شخصية وهمية، في ناس ممكن تدقس الادارة زي سوركتي جات قدلت يوم كامل وكسروا ليها تلج لحدي ما الناس آمنت وامونة بت الامتداد...ديل قدروا بقرايةمحددة لما يدور في البورد ونجحوا في استغفال الإدارة.

حكاية التثنية نفسها اصلا ما كافية لكن ممكن تكون مخرج ما بطال لكنه ماكعب.

Quote: مجرد اختزال الفكرة في شخصية وهمية أو مستعارة علي النحو السابق في مجمل الموضوع اراه غير كافي للخروج بنتائج واضحة.بمعني هل الكتابة والمراسلة أو ممارسة اي شيء في الانترنت يعني أنك أمان بالعكس قد يعتقد البعض أنهم في مأمن ولكن الذي يحدث أن لا حرية للتعبير ولا حتي الحرية الشخصية.

قمر بوبا سلام

الأمان المثار في مجمل الطرح هو الأمان الإجتماعي بمعني التخفي من الناس ،وبالتحديد من مجتمع سودانيز اون لاين ، وليس من السلطات أو الملاحقات القضائية فقط
و
أنا قلت في البداية

Quote: وان إطلاق صفة وهمي قد يكون ظالم للبعض ..بمعنى أن هناك من يستخدم الـuser name لأسباب ليست من بينهاالتخفي ..مثلا لأنه معجب بالإسم الذي إختاره ..لأنه يعبر عن شخصيته أو حتى لأنو لا يأخذ موضوع الكتابة في منبر عام على محمل الجد .

وبما أنها مجرد أمثلة فممكن نضيق ليها

Quote: لكن انا لما اخدت اسمي المستعار ده كان قناعتي انو انا ما داير اتعرف علي الاسفير كله او الاسفير يعرفني انا ذاتي منو وبعد داك كانت الفورمة بتاعة التسجيل في الموقع مفتوحة قدامي واغنية القمربوبا شغالة ركبت الاسم واتخارجت

والذي يمكن تلخيصه في عدم الرغبة في التعرف بالآخرين وهو سبب آخر نضيفه للأمثلة السابقة .



يعني ما في إختذال والموضوع مفتوح ليناقش من كل الأوجه .

Quote: في تقديري انه في سودانيز اون لاين اصبح العرف بتكوين اجسام للبورداب امرا جيدا يحسم مشكلة الشخصيات الوهمية. فليست مشاركة احد في نشاط للبورداب الزام له بالصداقة. لكنه تعريف بنفسه و تعرف على الاخرين.

لكن بالمقابل ياحمور إذا في زول ما عايز إتلم بالناس ـ طريقتو كدة ـ وعايز إقول كلامو ده هنا وأمشي .. مش مفروض نحترم ده ؟

Quote: هذا يكسر تماما حاجر التعمية الاحادية القائم من ان احدهم يعرف داليا حافظ لانها تضع صورتها و يتحدث عنها الناس و تتحدث هي عن نفسها و اشيائها بينما الاخر في الظلام التام لا يعرفه احد.

بس ده خيار خاص ..وليهو علاقة نوعا ما بالشخصية لكن ما بأكد انو الآخر في الظلام سيء وداليا البتضع صورتها

ومكشوفة دي جيدة .



مزيد من الحوار يا حمور بالجد الموضوع عايز نقاش .

Quote: بيكون مشكلة لمن الواحد يكتب باسمو الحقيقي و بيكتب باسم تاني - مراويد – عشان يقل بيهو أدبو.

وكيف بنصل لإنو فلان الحقيقي ده بكتب بالأسم الوهمي الفلاني ..من أسلوبو ؟ ، بالتخمين ؟، لأنو في زول عارف


أفشى السر ، ولا ماضروري نصل ؟

Quote: وإذا لماذا التخفي ما دام لعب عيال

ما هي النفوس دي ما بنقدر نفهمها يا رغيم وما في حكم مطلق ، واحد عايز يلعب ويشاغل ويهظر بدون ما يفقد وقارو ..ده

مجرد إحتمال طبعا .

Quote: هل يمكن ان تجعلنا عدم معرفة الناس لأشخاصنا أكثر جرأةً ..فتكا ..وفجوراً في الخصومة ؟

هذا هو الجبن بعينه ... متخفيا وراء كيبورد




تفعيل قوانين المنبر هي صمام الامان وهي السد المنيع لكل خارج وخارجه عن القوانين والاخلاق
سوي كان اسما حقيقا ام وهميا



تحياتي داليا

Quote: هذا هو الجبن بعينه ... متخفيا وراء كيبورد

إذا كان التخفي بغرض أذية الآخرين والنيل منهم بالتأكيد جبن ما بعده جبن يا نوفل .

Quote: هل هي رائجة جدا في المنبر سؤال خلينا نطرحو من خلال النقاش يا بكري ؟

بكري ما بيعرف .. لو بيعرف ما كان كتب رودا مردا هي رودا مردا!

من روائع هذا الشعب السوداني المحزلق وغريب الاطوار والصفات، وكثير الشمات والشمارات، سوء صفاته التي يدفنها بالتعميم.
تجد الواحد منا قد افتضحته نفسه يمارس الجلافة بلا ادنى حدود ذوقبة دنيا عليا، فيدفن فعلته في عمومية الشعب الما ناقص مشاكل قائلاً:
- (السودانيين ديل أجلاف كيييف!!).
شعب الفيهو مكفيهو، تعب من الجوع والجلافة وتعليم نفسه الحضارة بأقسى الدروس، تشريد أبنائه وخبرائه لدركسونات التكاسي بنيويوك وواشنطن، وتبديل اسماء شعرائه ومثقفيه ومشاهيره يمحلات الديلفري الي ارقام فيتحول xxx الذي ملاء الجرايد وقلوب البنات ضجيجاً الي 64 تسمن وتغني من جوع الماضي الملوث بالجلافة والخلافة علي الجلافة والسخافة وفي الكلام المعلب (انا ما عندي علاقة مع السودانيين) ودفن العيب الفردي في العيب الجمعي. شعب يضحي افراده و علمائه ومشاهيره بأسمائه خارج سمائه التي لا يصلح سواها للمطر، لينتِف ريش العادات القبيحة والصفات الفردية المرمية جزافاً وعجزاً في الجمعية شيالة التقيل أم قدحاً يكفي الجيران والضيفان وما بنكفي، لكن ورغماً عن هذ التضحيات تجد متبلدين ومتبلدات يخلفون الرجلاتِ والرِجلات و يسهِبون في المعلوم لديهم والمخفِي ويضعون اليد تحت الفك بصيغة من إمتلك زِمام الأمر وتجار العمر وحلق شعر العيب ومسك الغيب ..
مشى منهم من مشى وواصل الما بلحقوا السبق الجدِع مؤمنين بحكمة (المابتلحقوا) جيب أجلو، ويشتكي من يشتكي من عادة اهمال رد السلام وتبديل الاسماء بالالقاب وبئس (الاسم) الفسوق.

Quote: مشى منهم من مشى وواصل الما بلحقوا السبق الجدِع مؤمنين بحكمة (المابتلحقوا) جيب أجلو، ويشتكي من يشتكي من عادة اهمال رد السلام وتبديل الاسماء بالالقاب وبئس (الاسم) الفسوق.

كلامك لا يحتاج تعليق يا متوكل .

ما هي المسألة في تقديري يا داليا بتبقى انت بتكتب شنو و ليه ؟
دي البتحدد حقوقك في اخفاء الشخصية خلف الاستعارة او الايهام.
يعني في كتابات ابدا ما بتحتاج تتعرف على كاتبا شخصيا.
و من كامل حقو يكون في الظلام.
زول بيكتب قصة .. زول بيكتب اخبار بمصادر ..زول حتى لو ناقش بيناقش بهدوء و موضوعية
ده بيبقى زي حوار القراء مثلا في جريدة .. تكتب مقال و واحد يرسل ليك يرد عليك

لكن لما الزول يخش في حوار صداقات .. او حوارات خشنة و اتهامات و مشاكل ..
دي ما تصرفات زول يقول من حقي ان ابقى في الظلام
عاوز تصاحب داليا حافظ في المنبر ليه و انت مدسوس ؟
تشتم حمور زيادة و تقول من حقي انو مافي زول يعرفني ؟
في تقديري الحق ده سقط بمجرد اختيارك للتعامل التفاعلي الحميم (تعامل المودة او تعامل الشجار)
الما عاوز زول يعرفو ده بيكون زول في حالو
لكن مجرد ما تهابش بخير او شر يبقى من حق الناس تعرفك انت منو.

انا بفهم انو الزول البيقول خلوني في الضلمة لكن من حقي اشاكلكم و اصاحبكم ده زول اناني.
بيدي نفسو حقوق بيحرم الاخرين منها.












قمر بوبا ..
الحالات الخاصة القديمة دي اظن الواقع هسه اتجاوزا ..
يعني كل مواقع الانترنت الحوارية تقريبا لمن بدت بدت باسماء مستعارة.
لأنها كانت تعامل فكري خبري و تنفيسي بحت
لكن الليلة عالم الانترنت اصبح حقيقي كعالم الواقع و ربما اكثر.
شوف انت بتقضي كم ساعة من الناس الهنا دي و بتفهما اكتر من ناس حوالينك كيف.
التمدد ده هو الغير القواعد القديمة للعبة.
بقت في صداقات و عداءات و اكاذيب و عروسات و طلاقات و بلاوي

Quote: يعني في كتابات ابدا ما بتحتاج تتعرف على كاتبا شخصيا. و من كامل حقو يكون في الظلام.

لا أجد من العدالة في شئ أن يمنح
ما سبق من كتابات للكاتب هنا
الحق في التخفي
وتمنع الآخرين

إذن ماذا لو تغير اسلوب كتابة هذا أو ذاك ؟

أعتقد أن الاسماء الوهمية إحدى أسباب اختفاء بعض الحقيقية
تحياتي للجميع

Quote: أعتقد أن الاسماء الوهمية إحدى أسباب اختفاء بعض الحقيقة

الحقيقة ما بتختفي لكن ما بكون في زول فكر أو أتعمد أنبش وراها ..مالم يتطلب (الظرف) الجري خلفها .

Quote: الحالات الخاصة القديمة دي اظن الواقع هسه اتجاوزا .. يعني كل مواقع الانترنت الحوارية تقريبا لمن بدت بدت باسماء مستعارة.

وللآن يا حمور 90% من المنابر بتسمح التسجيل بأسماء مستعارة
البغير ما التمدد ولا الانترنت البقي عالم واقعي يا حمور
الانترنت عالم واقعي من يومه..
الاتغير يا حمور هو اتخاذ خطوات قانونية في بقعة يعقتد البعض انهم يد القانون لا يطالهم

يا حمور شخصية وهمية ولا مستعارة ولا وزير بيئة بتعامل مع الانترنت يمكن أن يتم ملاحقاته والتجسس عليه وعمل ارشيف له
الجدير بالنقاش ان اي مستخدم له حقوق وواجبات المفروض يعيها...


سؤال تاني
بإفتراض انني امتلك منبر للنقاش ومجرد تعاوني كمدير للموقع واعطائي المعلومات للجهة العدلية تعتبر كافية لكي تنجر الجهة العدلية مهمتها؟
اليس من حق الجهة العدلية نفسها ان تتثبت من المعلومات التي قدمتها لها...
ياخي انا مدير منبر او صحبه بتعني حاجات كتيرة جدا
اولها انو الداتابيز بتاع الموقع ده ممكن اعدل فيه اي شي من تاريخ تسجيلك لكتابتك لاي حاجة.
وانا ذاتي مدير المنبر الفلاني عندي مشكلة مع كاتب وقدمت معلومات خطأ للجهة العدلية ووديت زول في ستين داهية...في زول بعرف كدة ولا الجهة العدلية تكتفي فقط بتعاون اي مدير موقع والسلام.

وبعدين مسألة وهمية ومستعارة الليلة ليه في الفيس بوك مافي، يعني ولما تخش اليويتيوب والناس المسجلة باسماء مستعارة ونازلة في بعض شتائم وملفات مضروبة وغيرها ،لما تكون في قضية هل تعتقد انو الزول ده بتحله انو شخصية وهمية ولا مستعارة؟؟

الـDNS لا يعرف شخصية وهمية ولا مستعارة...تجي خاش النت ده برقمك زيك وزي اي تلفون وبعد داك العداد بدور.

شوفوا الاقتباس ده:

Quote: (1) هناك أمر آخر أدهى وأمر ..!! وهو أنه يمكن لمزود خدمة الإنترنت من خلال برامج معينة، أن يراقب ويكتشف كل أفعالك عندما تتصل بالشبكة ..!! ويشمل هذا التدخل السافر .. عناوين المواقع التي زرتها .. ومتى كان ذلك ..؟ والصفحات التي اطلعت عليها ، والملفات التي جلبتها، والكلمات التي بحثت عنها، والحوارات التي شاركت فيها، والبريد الذي أرسلته واستقبلته، وفواتير الشراء التي ملأتها، والخدمات التي اشتركت بها ..!!(2) أهذه إنترنت أم أنها فرع عن إحدى وكالات الاستخبارات العالمية..!! إن أكبر المخاطر التي يواجهها الشخص الذي يتجول في سجن الإنترنت، هو ما يسمى بالمجموعات الإخبارية ..!! وهو ما يسمى بلغة الإنترنت (News Groups) إذ تدخل رسائلك ضمن أرشيف خاص بها، حيث يمكن لأي شخص الإطلاع عليها وربما بعد عشرين سنة ..!! وربما يطلع عليها أحفادك أو أي جهات أخرى ، وقد تستخدم يوماً كسلاح ضدك ..!! فالإنترنت لا تنسى ..!! (3) كثفت الشركات الإسرائيلية جهودها خلال العامين السابقين على تطوير تقنيات الإنترنت، وأنتجت مجموعة برامج نالت انتشاراً عالمياً واسعاً مثل برنامج الدردشة الشهير (ICQ) الذي تنتجه شركة (Mirabils) وفيه فجوات يمكن استغلالها والتجسس على أجهزة الكومبيوتر من خلالها. (4) وأنتجت شركة (Abri Net Ltd) الإسرائيلية العام الماضي برنامجًا يدعى (Session wall-3) يستخدم لتحليل المرور على شبكة مزود خدمات إنترنت، وينتج تقريرًا يتضمن تفاصيل دقيقة جداً عن تصرفات مستخدمي إنترنت. وقد جرَّب "لانس جولاندر" صاحب مؤسسة (Terrangon Media) في ولاية "أوريجون" الأمريكية هذا البرنامج، فأذهله مستوى تفاصيل المعلومات التي أنتجها البرنامج عن زبائنه، وقال: "خُيَّل إليّ أنني أراقب المستخدم من بين يديه، مما جعلني أشعر بالغثيان، لقدرتي على رؤية تلك التفاصيل الدقيقة

مافي حاجة اسمها وهمي ولا مستعار...في علم بوري الناس اي شيء
مافي حاجة بفكوها في البداية ساي ويلجموها تاني

Quote: مافي حاجة اسمها وهمي ولا مستعار...في علم بوري الناس اي شيء مافي حاجة بفكوها في البداية ساي ويلجموها تاني

ده كلام حلو


وأعجبني كذلك الإقتباس الجبتو يا قمر بوبا

Quote: هناك أمر آخر أدهى وأمر ..!! وهو أنه يمكن لمزود خدمة الإنترنت من خلال برامج معينة، أن يراقب ويكتشف كل أفعالك عندما تتصل بالشبكة ..!! ويشمل هذا التدخل السافر .. عناوين المواقع التي زرتها .. ومتى كان ذلك ..؟ والصفحات التي اطلعت عليها ، والملفات التي جلبتها، والكلمات التي بحثت عنها، والحوارات التي شاركت فيها، والبريد الذي أرسلته واستقبلته، وفواتير الشراء التي ملأتها، والخدمات التي اشتركت بها ..!!(2) أهذه إنترنت أم أنها فرع عن إحدى وكالات الاستخبارات العالمية..!!

لكن السؤال بصلو للشخص نفسه ولا الجهاز البستخدمو؟

Quote: الما عاوز زول يعرفو ده بيكون زول في حالو لكن مجرد ما تهابش بخير او شر يبقى من حق الناس تعرفك انت منو.

جبت الخلاصة ..لكن نحن في الآخر بنتعامل مع الشخصية أكتر من الإسم وحتى البياخد إسم مستعار عشان إتكلم
براحتو ..معناهادي شخصيتو الحقيقية ،ولمن إظهر بإسمو بلبس قناع وبنافق ،لكن إذا الموضوع بصل لحد أذية

الناس بأي شكل من حق الناس إكشفوهو لأنو هنا بكون حفر قيرو بأيدو .

Quote: بيكون مشكلة لمن الواحد يكتب باسمو الحقيقي و بيكتب باسم تاني - مراويد – عشان يقل بيهو أدبو.

لووووووووووووووووووووووووووووووووول
ياخ - مراويد - بيكون عندو حمي في المفاصل من ورود إسمه بكرة و عشيا

Quote: بكري ما بيعرف .. لو بيعرف ما كان كتب رودا مردا هي رودا مردا!

ولا كان قال عمر إحساس من دارفور
لوووووووووووووووووووووووول للطيش


_
سلام يا شباب

Quote: ياخ - مراويد - بيكون عندو حمي في المفاصل من ورود إسمه بكرة و عشيا

المثير للسخرية انو الكلام فايت اضنيهو بغادي و عامل فيها أطرش.

Quote: المثير للسخرية انو الكلام فايت اضنيهو بغادي و عامل فيها أطرش.

و إنت عايزو يعني يا حسين يجي و يقول انا مراويد ؟
ما يقدرش ياخي ..



_
مراويد .. هو .. مراويد

Quote: بكري ما بيعرف .. لو بيعرف ما كان كتب رودا مردا هي رودا مردا!

ملاسي:
نوبي
أول حرِف في إسم مراويد الاصلي شنو؟


*







ما بي الضرورة أول حرف مراويد كلها،
حرِف من مرواد واحد كفاية.
المِكحل مني

Quote: و إنت عايزو يعني يا حسين يجي و يقول انا مراويد ؟ ما يقدرش ياخي ..

طيب اللماضة فوق كم!

.....

منى خوجلي شكرا على المرور .

نوبي وناذر شكرا على المرور ..ما وريتونا رايكم لكن.

مساء الخير

احيانا الاسامى الاصلية او الوهمية ليست لها اهمية او دور معين,لكن الاهم هو الهدف وموضوع النقاش.

من التراكمات الكثيرة فى مسار الحياة التاريخية فى عهد ولى , واثناء جلوسى فى كافتريا احدى

الجامعات بالخرطوم, دار مقدمة حوار للتعارف مع احدى الطالبات

لو سمحت اسمك اية با انسة؟

فردت الانسة(....)

عاوز الاسم تعمل بية اية؟

فاكتشفت ان التعامل بجوهر الموضوع هو الاهم فى اغلب الحالات.

اللة تعالى يضرب الامثال ويقصص قصص للحكم والمواعظ منها الحقيقى ومنها للموعظة العامة.

تجدى شخص اسمة اليوم جورج بعد فترة يغيرة لمحسن وبعد فترة فكتور وبعدها ....

مودتى

دلويا العسل سلامات

في المنبر ياداليا تكتب باسمك الحقيقي مشكلة

تكتب باسم مستعار مشكلتين

الخلاصة

كده أوب وكده أوبييين !!!


تسلمي وليستمر النقاش المثمر

الاستاذه داليا حافظ

لك والجميع كل الود والاحترام

فى اعتقادى ان اللجوء الى ارتداء الاقنعه قد تبرره الدوافع احيانا...

فمثلا سياسى صاحب اراء مخالفه للسلطه الحاكمه ويخاف من بطش وتسلط عسسهاعليه اوعلى من حوله...

اوصاحب يراع مشهور يود تقييم بعض خلقه بعيدا عن صيت اسمه..وهكذا دوافع تظل رغم الجبن الذى يعتليها

دوافع نبيله...

ولكن ان ترتدى الاقنعه بدوافع تصفية الحسابات والضرب تحت الحزام فهذا هو الجبن الذى نبغضه ونرفضه

الاستاذه داليا حافظ
اعتقد انه ثم فرق بين الاسم المستعار والاسمي الوهمي كما ابتدرتي الموضوع بعدم
اعتراضك علي الاسم المستعار
حيث ان الاسم المستعار لا يعني انه انه وهمي وممن الممكن ان يكون الاسم الحقيقي المكتوب لشخصية وهمية من صنع احد ما ليتخفي خلفه ويكتب به ما يشاء دون حساب او عقاب
وفي بداية ها المنبر في مطلع عام 2000 كان جل الاعضاء يكتبون باسماء مستعارة الا انهم يتعارفون خير معرفة فيما بينهم وعلي ما اعتقد كانت رودا مردا بداية للشخصيات الوهمية والتي لا سبيل لمعرفتها او الالتقاء بها
وليس خوفا من المسئولية القانونية بقدر ما هو نوع من الجبن وعدم المقدرة علي المواجه حيث المسؤلية القانونية اتجاه ما يكتب في المنابر يكون اثباته بالاي بي ادريس اكثر من الاسم حيث يمكن للشخص ان يدعي بانه لا علاقة له مطلقا بهذا الاسم كما تهكير المنابر والاستيلاء علي كلمة مرور العضؤ قد تشكل خط دفاع قوي لتشكيك المحكمة في اثبات علاقة الشخص الحقيقي بالموضوع محل المسؤلية
لذا تشكل الرقابة في المنتديات خط رئيسي في حماية معتقدات الناس وسمعتهم بواسطة الحزف والحظر
وهذا ما افتقدناه في المنبر منذ فترة طويلة مما جعل البعض يفضل الابتعاد عنه
واتمني ان تكون قضية منال خوجلي سبب لمراجعة الاخ بكري في سياسته في الرقابة
واتمني من كل قلبي عودة الادارة الجماعية للمنبر
ولك خالص احترامي
حبـــــــــــــــيب الكـــــــــــــــــل

سلامات استاذة داليا
الموضوع معقد إلى حد ما و لا يقبل الأحكام المطلقة
يعني مستخدم اسم وهمي و خالق شخصية بتفاصيل غير حقيقية - بغض النظر عن غرضو شنو - لكن ما شتم ولا أساء استخدام الحساب
دا في رأيي احسن من واحد شتم و عمل السبعة و ذمتها باسمو ووجهو الحقيقي
وزي ما تفضل الإخوة يجب نفرق بين النيك نيم و بين الشخصية الوهمية أو ذات التفاصيل الغير حقيقية
تناولت في بوست سابق حالات قريبة من الموضوع مرت على البورد
من خالد السر لآمنة كريم لعباس الضو لـ؟؟؟؟ يا قلبي لا ت...زن... لماذا تكذبون؟
الغريب في أمرهم انهم خلقوا شخصيات بتفاصيل واقعية و على اساسها تواصلوا مع الأعضاء خارج المنبر
بشكل اقرب ما يكون للخداع رغم انهم ما اساؤوا أو شتموا احد كما في حالة محمد ناصر الأخيرة

موضوع مهم يا داليا اشكرك على طرحه للنقاش


أمر يا عمك

Quote: في ناس ممكن تدقس الادارة زي سوركتي جات قدلت يوم كامل وكسروا ليها تلج لحدي ما الناس آمنت

وين و متين الكلام دا ؟

يـا أمي دسي كروك خليني ننبذ بت أم كرو













_______________
داليا أزيك

سلام ياداليا
وبوست في السلك ومواكب
الكتابة باسم مستعار تصبح ازمة ومعضلة مزمنة ان استغلت بوجه غير سليم في الاساءة والتحرش والكلام الفاضي
الموجه ضد الاخريين او مضايقتهم...
الموسف هو التستر ومحاولة التذاكي علي الاخريين باشاعة الكذب واللولوة من اخريين يدرون كهنة الاسم الغامض
او التواطو مع المجرم الاصلي...
وفي المنبر ده المدهش هو ان بعض الشخوص يمارسون الرقيص علي وجبات الاسماء الوهمية ولا يغطون دقونهم التي كانو بها يتسترون علي تلك الاسماء...وحتي عندما كشفت تلك الاسماء القناع نكروها وقفوا بعيد وعملو شخيت
ومارسو ضدهم التهديد
هذا زمن انعدام المبادي و تساقط اوراق التوت والاقنعة الملبوسة كذبا ومسرح اسفيري ملي بالعبث

Quote: الموسف هو التستر ومحاولة التذاكي علي الاخريين باشاعة الكذب واللولوة من اخريين يدرون كهنة الاسم الغامض او التواطو مع المجرم الاصلي...

أهلين يا عبد الكريم

لكن تعرف إن وجد هؤلاء فالتستر على الجريمة ..برضو جريمة، خاصة إن كانت كتم الحقيقة فيهو ضرر وأذية حقيقية بتقع

على شخص بعينو

Quote: يـا أمي دسي كروك خليني ننبذ بت أم كرو

أهلين راوية مثل معبر !

Quote: وزي ما تفضل الإخوة يجب نفرق بين النيك نيم و بين الشخصية الوهمية أو ذات التفاصيل الغير حقيقية

تمام ، وراجعت الرابط يا ود البشرى وطرحك فعلا كان بصب في نفس الإتجاه .

حبيب الكل

Quote: لذا تشكل الرقابة في المنتديات خط رئيسي في حماية معتقدات الناس وسمعتهم بواسطة الحزف والحظر وهذا ما افتقدناه في المنبر منذ فترة طويلة مما جعل البعض يفضل الابتعاد عنه

هل تعتقد أن الرقابة هي الحل يا حبيب الكل ؟، هناك لوائح في المنبر ، المشكلة أنها تطبق على البعض والبعض الآخر

لا ..ولحسن ظني ببكري فأنه لا يتابع الكل ..المهم من وجهة نظري هو الرقابة الذاتية ومعرفة الشخص أن ما يكتبه يسآل

عنه ، بالأضافة للوائح تحجم طبعا .

Quote: واتمني ان تكون قضية منال خوجلي سبب لمراجعة الاخ بكري في سياسته في الرقابة

نتمى أن تكون هذه القضية سبب لكي يراجع الكثيرون أنفسهم ، ليست فقط لأن محاسبةالقانون تنتظرهم ولكن لأنهم سيكونون من الأشخاص غير المرحب بهم في نقاش هادف وخميرة عكننة .


كامل إحترامي

Quote: ولكن ان ترتدى الاقنعه بدوافع تصفية الحسابات والضرب تحت الحزام فهذا هو الجبن الذى نبغضه ونرفضه

طبعا مرفوض يا طارق وكلامك ده من الخلاصات الحنلخصها في نهاية النقاش .

Quote: الخلاصة كده أوب وكده أوبييين !!!

مع حبة تعديل ياندو "تكتب بأسمك وب ..ما تكنب بأسمك ووووب عليك" .

Quote: احيانا الاسامى الاصلية او الوهمية ليست لها اهمية او دور معين,لكن الاهم هو الهدف وموضوع النقاش.

هو ذاتو ياسيف البناقش بإحترام حتى لو بحدة مافي زول بفتش وراه ..عادة ده بحصل لما المواضيع تاخد طابع سخيف .

سلامات يا داليا...

المهم افكارك النيرة الواضحة ،مواقفك ،فهمك وتفهمك وليس تهكمك ، ذوقك وأدبك وحتى انتقادك عن بينة وليس إدعاءات وتشكيك...وبرضو (الملافظ سعد)... والشخصية المتوازنة (المتوارية) عن قصد نبيل تطابق مع (الحقيقة)... وحتى عندما تفصح عن نفسها يتأكد من يعرفها انها "وقع الحافر على الحافر) يعني Identical... شكراً لسلاسة الموضوع

أختنا العزيزة داليا

موضوع مهم ،، قبل فترة طويلة جدا سنوات كتبت بوست أقترح فيه علي الاخ بكري

ضرورة أن يغير النظام وأن يفرض علي كل عضو الكتابة بأسمه الحقيقي وتلك كانت أيام

لييست كهذه الايام ،،، والسبب أننا نكتب مانكتبه دون خجل أو خوف وهناك كثير من المنتديات

تعج بالاسماء المستعارة لأشياء في نفس ( يعاقيب ) ولكن طبيعة هذا المنبر لا تحتاج الي تخفي

أو أسم مستعار بأعتباره منتدي رصين ويدور به جدل مفيد كثيرا .

فأنا لا أري داعي للكتابة بأسماء مستعارة من أصلوا ،، لان ذلك غير مفيد للكاتب وللقاري



لك تحياتي ولضيوفك

Quote: مافي حاجة اسمها وهمي ولا مستعار...في علم بوري الناس اي شيء مافي حاجة بفكوها في البداية ساي ويلجموها تاني

Quote: ولكن ان ترتدى الاقنعه بدوافع تصفية الحسابات والضرب تحت الحزام فهذا هو الجبن الذى نبغضه ونرفضه

Quote: الكتابة باسم مستعار تصبح ازمة ومعضلة مزمنة ان استغلت بوجه غير سليم في الاساءة والتحرش والكلام الفاضي الموجه ضد الاخريين او مضايقتهم...

Quote: الموسف هو التستر ومحاولة التذاكي علي الاخريين باشاعة الكذب واللولوة من اخريين يدرون كهنة الاسم الغامض او التواطو مع المجرم الاصلي...

دخلت المنتدى باسم { ابوحراز }
ولايمت الاسم لي بأي صلة
ولكن كان ذلك مكافاة على قرية وادعة أهدتني شهادة أكاديمية واحترمني أهلها
لهذا حملت هذا الاسم
وبعض قرائي من قريتي طلبوا مني كثيرا تغيير الاسم
على أن يحمل اسمي الجديد اسم موطني الأصلي
والمشكلة أن الكثير من القراء عرفوني بهذا الاسم
لدرجة ان كثيرون منهم حينما يتصلون لايقولون { عثمان }
بل دائماً { ابوحراز }
واصبح الاسم ماركة مسجلة مثل بينسون أند هدجيز وغيرها من الماركات
أما في اجتماعات البورداب سواء في جدة أو الخرطوم فالاسم الحقيقي معروف
والتخلص من الاسم القديم يحتاج لفترة
خاصة وأن القراء تعودوا على الاسم
ويبدو لي ان الحكاية تحتاج الى تهيئة نفسية
سواء للقاريء أو الكاتب
ومن أخطائنا الكثيرة أننا أحياناً ندخل بعض البوستات لمجرد اسم الكاتب
بينما قد يكون هناك شخص غير مشهور في سودانيز ولديه موضوع في غاية الأهمية
ربما من خلال هذه النظرة تمسك بعض كتاب سودانيز اون لاين بأسمائهم المستعارة
وعلى كل حال يمكن ان يتم التغيير تدريجيا
مثلاً ابوحراز { عثمان ابراهيم}
وشوية شوية يتم مسج الاسم من مخيلة كل زوار وقراء سودانيز

Quote: وعلى كل حال يمكن ان يتم التغيير تدريجيا مثلاً ابوحراز { عثمان ابراهيم} وشوية شوية يتم مسج الاسم من مخيلة كل زوار وقراء سودانيز

شكرا أبو حراز و ما عارفة إذا كانت الفكرة بتناسب الجميع ..ولكنها عموما مخرج لكل الدايرين يعرفوا بأنفسهم .

شكرا منال خوجلي على المرور .

Quote: طبيعة هذا المنبر لا تحتاج الي تخفي أو أسم مستعار بأعتباره منتدي رصين ويدور به جدل مفيد كثيرا .

البتتكلم عنو ده المفروض لكن ما دايما يا سوركتي بدور فيه نقاش مفيد ، ومرات كتييرة جدا بيكون فيهو إتهامات

،إساءات ،إشارات ،وتلميحات غير لائقة أبدا مهما إختلفت مع الآخر فالبقوم بده وهو معروف بتحمل الأوزار والتبعات

والبعمل كدة وهو مجهول أول شيء الناس بتقول ليه انت منو ذاتك ؟وأظهر وغيرا ..وفي الوقت داك من وجهة نظر المساء إليه بكون كلو شي جائز وهكذا .



كل التحايا .

Quote: المهم افكارك النيرة الواضحة ،مواقفك ،فهمك وتفهمك وليس تهكمك ، ذوقك وأدبك وحتى انتقادك عن بينة وليس إدعاءات وتشكيك...وبرضو (الملافظ سعد)... والشخصية المتوازنة (المتوارية) عن قصد نبيل تطابق مع (الحقيقة)... وحتى عندما تفصح عن نفسها يتأكد من يعرفها انها "وقع الحافر على الحافر) يعني Identical...]

كلام لا نملك إلا الإتفاق معه يا نون 3.

نلخص النقاش حتى الآن في التالي :




1/ توصيف الكتابة باسم وهمي : هو الكتابة بإسم غير حقيقي وتفاصيل وهمية توحي بان هذا الشخص موجود بالتفاصيل المذكورة بغرض التمويه والتعمية وهو نوع مرفوض من معظم المتداخلين .

2/ عدم مسؤولية الشخص فيما يكتب غالبا تكون هي (المحك )، إذا ان الناس لا تنتبه ولا تستهدف إلا للأسماء التي تتسبب بالمشاكل .

3/ أن وجد سبق إصرار على التخفي بغرض أذية الآخرين فهو فكرة (عقيمة )إستنادا على التقدم العلمي ووجود (برامج )تقوم بكشف
هؤلاء .

4/ ضرورة إدانة التستر ـإن وجد ـ على أشخاص بعينهم قاموا باذية آخرين .

5/ تفعيل قوانين المنبر وضرورة أن لا تكيل الإدارة بميكيالين ...وقبل كل ذلك الضمير .



**ولابد للإشارة لإستجابة من يحملون أسماءا مستعارة وتفهمهم وتحدثهم عن أسبابهم الخاصة ـ رغم أنهم غير ملزمين ـ وتقبلهم لطرح الفكرة

بروح جميلة .

وأتمنى ان يتواصل النقاش عن نقاط أخرى غير الملخصة أعلاه وتنبيهي في حال نسيت الإشارة لنقطة مهمة ..

..
.
رأيكـ فى اسمى شنو !!؟؟


__________

المهم انت حقيقة

فيوووووووووووووووووو

اخت داليا سلام
ونجي لموضوع الاسماء والالقاب

اول بتبادي انا داخل باسمي كامل بعضهم استغرب وبعضهم استنكر وبعضهم علق بأني واقف في صف الجوازات
هناك مقولة تقول تكلم حتي أراك ممكن يوازيها اسمك منو يا حلو يعني الواحد شاف السمحة ديك وعاوز صلة التواصل باسمك منو؟
واماتنا زمان ما بجيبن اسم الزوج علي لسانهم بس بالكنية ابو فلان وابو وليداتي مناداته بامسة مجرداً يعتبر شيء من العيب آنذاك
وبين الحبان ما اجمل ان تنادي المحبوب باسمه مجرداً من غير القاب لانه قمة التوالف
وهنالك ما دلع من الاسماء من جده لحفيدها او من جد لحفيده .. او من حبيب لحبيبة او من متيمة بشخص معين وهكذا دواليك

اماالألقاب فبعضها للشهرة وتلتصق بالانسان اكثر من اسمه لدرحة ان بعضهم احياناً اذا نودي باسمه الحقيقي يبدو متضجرا

وحكاية اسم المستخدم في النت فهذا عرف تكنلوجي يترك لك الخيار بان تتسمي بأي ما شئت ولكن محور الموضوع كان في الغرض ولكل اسبابه
وعاوزين نشوف الاسباب من اصحاب الاسباب

واهي العزيزة داليا اسماء في حياتنا

الفاضلة / داليا
تحية طيبة
الموضوع هذا موضوع مهم جدا ، وأنا في اعتقادي الشخصي أنو المشكلة ما في الأسماء المستعارة فقط
المشكلة الحقيقية في مستوي كتابة هؤلاء الاشخاص ، إذا كان الشخص بيؤمن بقضية معينة كيف ما كان
نوع هذه القضية لدرجة أن يفتح لها نافذة في هذا المنبر من المفترض أن لا يهتم أن يكون أسمه
مستعارا أو غير ذلك لأن المسألة مسألة مبدأ يؤمن به لا أكثر ولا أقل .
وربما يكون الأسم مستمد من حبه لشخصية معينة أو امتنان لجهة معية أو انتماء لقبيلة معينة
أو غير ذلك ولهم الحق في هذا .
لدي ملاحظة بسيطة وهي حين ما ذكر الأخ القمر بوبا ( في ناس بكسر التلج ) أنا في رأي إذا ما كان
الناس إنجرفت وراء تودودات غريبة الغرض منها إرضاء الطرف الآخر لشنو وعشان شو ما كان إدقست أصلا
ووصلة مرحلة تكسير التلج .
وايضا كما تفضلتي أنتي ( واحد عايز يلعب ويشاغل ويهظر بدون ما يفقد وقارو ده ) أنا ممكن أهظر بدون
أن افقد وقاري أو ان امس او اجرح احد .
أخطر شئ يا داليا أن يكتب الشخص بأسم فلان أبن فلان الفلاني ويكون هذا الأسم مستعارا
اشكركم على سعة صدركم

لك ولهم التحية اين ما كنتم

الاخت دالـيا

تحياتى

الموضوع شيق ومهم جدا ...

سبب واحد يخلى الزول يكتب باسم وهمى مافى .!!

دة معناه ( فى نظرى ) زول جبان وبس ..!!




خالص الود ،،،

Quote: نلخص النقاش حتى الآن في التالي : 1/ توصيف الكتابة باسم وهمي : هو الكتابة بإسم غير حقيقي وتفاصيل وهمية توحي بان هذا الشخص موجود بالتفاصيل المذكورة بغرض التمويه والتعمية وهو نوع مرفوض من معظم المتداخلين . 2/ عدم مسؤولية الشخص فيما يكتب غالبا تكون هي (المحك )، إذا ان الناس لا تنتبه ولا تستهدف إلا للأسماء التي تتسبب بالمشاكل . 3/ أن وجد سبق إصرار على التخفي بغرض أذية الآخرين فهو فكرة (عقيمة )إستنادا على التقدم العلمي ووجود (برامج )تقوم بكشف هؤلاء . 4/ ضرورة إدانة التستر ـإن وجد ـ على أشخاص بعينهم قاموا باذية آخرين . 5/ تفعيل قوانين المنبر وضرورة أن لا تكيل الإدارة بميكيالين ...وقبل كل ذلك الضمير . **ولابد للإشارة لإستجابة من يحملون أسماءا مستعارة وتفهمهم وتحدثهم عن أسبابهم الخاصة ـ رغم أنهم غير ملزمين ـ وتقبلهم لطرح الفكرة بروح جميلة . وأتمنى ان يتواصل النقاش عن نقاط أخرى غير الملخصة أعلاه وتنبيهي في حال نسيت الإشارة لنقطة مهمة ..

الأخت دالية و حديثي المنابر الإنترنيتية
أولا بالتبادي
السلام عليكم

ثانيا لكل ظاهرة تاريخ و الما عندو تاريخ ما عندو حديث و مستقبل

نخش في التاريخ

من أوائل المنتديات السودانية للنقاش في المواقع الإنترنيتية هو موقع سودان نت أسس سنة 1999 يعني قبل 10 سنين تقريبا. كان من شروط العضوية هو ملء بيانات الإسم و اللقب وعنوان الإيميل. لاحظي اللقب هو الكان و لاذال هو البيظهر عند التداخل في البوستات و لكن الإسم الحقيقي بكون موجود في البروفايل.

عند إنضمامنا لبورد سودان نت sudan.net كان معظم, لو ما كل, الأعضاء نازلين بألقابهم (طبعا لاحظي خبرتنا الحديثة مع النت و الشي الجديد عليك, ما بتخش فيه بتكلك) المهم حكاية اللقب دي أنا فكرت فيها و إعتبرتها شرط من شروط العضوية قلت لنفسي أسع الناس ديل أجيب ليهم لقب من وين. خطرت لي فكرة إنو أمشي و أشوف ناس البورد ديل بستعملوا ياتو نوع من الألقاب
مشيت لقيت الألقاب من شاكلة:
WadOmdur
Atbarawi
Halfawi
Swakini
Sudania2000
Amatong
Shatat
Wad Albalad
Bakash
Yadollana
Tabaldina
garasho
aza
Ridha
doma
Bayan


and so on.......

لاحظي الألقاب بالإنجليزي, الزمن داك الكتابة بالإنجليزي و مرة مرة دومة doma بتجي تتفلسف علينا بالألماني و أنا كنت بخش في بوستاتها وأخبرها ليها (من الحب ما خرب)....
المهم إستهويت أسماء المدن السودانية
مدينتي الأولى هي أم درمان و لكن ذلك الإسم أستعمل من أحد الأعضاء Wad Umdour
فقررت إستعمال مدينتي الثانية Kostawi

بعد مدة ظهرت سودانيزأونلاين و الصديق بكري أبو بكر من واشنطون.
( و طبعا ما الحب إلا للحبيب الأول....) بكري تعب معانا تعب شديد عشان نحول إقامتنا من سودان نت لسودانيز.....المهم حولت لسودنيزأونلاين و جريت معاي أغلب أصحابي من بورد سودان نت لسودانيزأونلاين و بكري أصر علينا بأن نستعمل نفس الألقاب الأصلية و بالإنجليزي كمان لأنو في تقديرو إنو نحن ناس مشهورين و سكرنا كتير و ح نجيب ليه الحمام.....بالمناسبة لاذلت أكتب في سودان نت بإسم Kostawi
أها لو دايرا تعرفي الناس العجائز الفي البورد دا

1-الإسم بالإنجليزي Kostawi, jini, Tabaldina, dom, bayan,sudania2000
2- إستعمال اللقب بدلا عن الإسم الحقيقي
2- إستعمال لقب من البيئة المحيطة ملخبط برومانسية السودانيين العجائز

يعني دومة doma بتحب الدوم لأنها كانت بتتوحم بيه أيام زمان

Tabaldina لانو كان بجكس جنب التبلدية
و نحن جنب العنبة
bayan لأنها كانت بتاعت مشاكل و بتحب البيانات البتصدر من الظلاميين
jini طبعا مجنون


يا دالية يا بت يا ظريفة دا ما وهم دا تاريخ
نحن الجيل الأول الطور ليكم منتديات النقاش الإنترنيتي و ساهم في حلحلت المشاكل التي كانت تواجه هذه المنابر.

حاولي أن تمري على بوست تاريخ سودانيزأونلاين (1999-2009)

و لك التحية و الود


بوست طاعم

Quote: دة معناه ( فى نظرى ) زول جبان وبس ..!!

Quote: jini طبعا مجنون

الفيكم عرفتها!
اتمنى ان لا يفهم البعض وهم كثر هنا ان استخدام اسم حقيقى يبيح ما لا يبيحه الاسم الحركى!
حقيقى ام حركى انا اعتقد ان الاساءة فى الحالتين واحدة وهى تعبر عن عدم احترام الذات واحترام الآخروالفرق بين الاتنين ان صاحب الاسم الحقيقى
انتحارى!
داليا ازيك انتى كل الناس ما زيك! مواضيعك مرتبة تنبئ عن احترام النفس واحترام الاخر
جنى

سلام للجميع
واحترامي لكافة الآراء هنامع اختلافي مع بعضها

في رأي الشخصي ان اسم الشخص مستعار كان أو حقيقي لا يلغي نفسيته أو تربيته وأخلاقه
كان ممكن اسجل بأسم عزيزة محمد أو ذكية نور الدين ويظل أسم مستعار ولا يمت لي بصلة وتظل كتاباتي كما هي
سيئة أو جيدة
في كل الأحوال ما يحدد علاقات الناس ببعضها هي الحروف التي تكتب وليست المسميات، بدليل أننا كثيراً ما نعجب بتعليق هنا أو رأي هنا ولا نذكر بعدها من كتبه!!
ومسألة الألقاب ليست بالضرروة أن تكون بسبب الرغبة في الكلام الفارغ او الشتيمة أو سقط القول، قد تكون لأسباب منطقية حرام ومن الظلم أن نتجاهلها ونستخف بها لمجرد ان البعض منا ولو كانوا أكثرية، يتمتع بحرية الدخول باسمه الشخصي وبياناته الأصلية

شخصياً لم اختر اسم بت قضيم وقد كان هذا من اختيار الأخ بكري عندما ارسلت رسالتي الأولى للتسجيل هنا
وأذكر أنني تضايقت وقتها من عدم حنكوشية الأسم وعدم رقته ورومانسيته لكنني لم اهتم كثيراً إذ انني فعلاً لا اهتم بأن يعرفني العالم بناء على أسمي أو قبيلتي أو عرقي

وهذا أحد الأسباب المنطقية التي قد تدعو أحدنا لاستخدام لقب (وما زلت اصر على أنه لقب وليس اسم وهمي) إذ أننا من المفترض نكتب هنا حرفاً وليس شكلاً ولا مسمى ،،

لو كان الموضوع قانون وتفعيل وما إلى ذلك، فاعتقد أن المرحلة القادمة سيطلب من الأعضاء وضع صورهم الشخصية تأكيداً لأن صاحب الأسم هو صاحب الصورة، ونقلب الموضوع جوازات بحري وضرائب المغتربين

شخصياً لا انوي
الكتابة باسمي الحقيقي، وسببي أنني اعتقد أن حرفي محترم سواء أن كتبته باسم بت قضيم أو باسم محمدين
والنت السايبيري الفضائي مساحة تسمح لنا بأن نتحدث بحرية دون اللجوء لربطات العنق والملابس الرسمية
نتحدث ببساطة وحب، ووالله لو كان لفظي سئ أو كلماتي مغرضة، تلقائياً سيبعد الأعضاء عني وتلقائياً ستنقطع علاقتي بالنت أو بالمكان الموجودة فيه حتى ولو سجلت بمليون لقب، على رأي المصريين (اللي فيه داء)
كجارة لئيمة يكتشفها الجيران بعد فترة معايشة فيقاطعونها تلقائياً
فلما الخوف إذن من لقب ما؟؟!!

بعدين الكثير منا اختار لقباً تجنباً لمشاكل كثيرة قد تحدث، منها مثلاً ما حدث لي قبل فترة قصيرة من أن سجل أحدهم باسمي (بت قضيم) في بورد آخر وسرق كل كتاباتي بالنص ثم تعب فريح نفسه وادعى أنني مت!!
لو فرضنا أنه كان اسمي الحقيقي وأحد أقربائي في أي مكان في العالم قرأ أنني مت؟؟
أو أنه استغل اسمي لعمل علاقات كثيرة مع الشباب؟؟
أو أو أو
وبعدين، مسألة أن اللقب قد يمنع العلاقات الشخصية وتوابعها من زواج وطلاقات وغيرها، فهذا الكلام غير منطقي، فالشاب مثلاً الذي اعجب بحرف إحداهن لو كانت تكتب باسمها أو لقب ما اكيد سيسعى لمعرفتها عن طريق ايميل او شات أو غيره وأكيد سيجدان بعد ذلك قنوات كثيرة للتعارف أكثر وتقوية العلاقة لو كان مقدر لها أن تقوى
ما اعتقد أن شخص يسعى للارتباط بشخص ما لمجرد أنه سجل باسمه كاملاًٍ في بورد ما في عالم سايبري كبير، أكيد الحرف الكلمات والسلوك عموماً هو ما سيشدشخصاً لآخر.

وسؤال محايد، لماذا فكرة (الخصوصية) في مجتمعنا ركيكة الفهم؟؟!!

رجاء رجاء احترموا صاحب اللقب طالما هو محترم نفسه
ولا تحرمونا من خصوصية نستحقها طالما أن سلوكنا مستقيم ولا غبار عليه
وطالما أن كلمتنا وحرفنا ونقاشاتنا هادفة ومثمرة بغض النظر عن اسم صاحبها
واللي يعوج كلامه، بلقب كان أو اسمه الحقيقي أو اسم مستعار، فعليه السلام
قولوا له باي باي
واللي يسمح لأحد أن يخدعه بلقب ما ويدقسه يبقى هو المحقوق و (القانون لا يحمي المدقسين)


وسماح وسلام

Quote: التخفي بغرض أذية الآخرين والنيل منهم وهو بالتأكيد جبن ما بعده جبن

مشكلة ممارسة الفجور في الخصومة والاعتداء ((الشخصي)) على نحو تصفوي ظاهرة بارزة فشل بكري فشلا ذريعا في وضع حد لها
وظاهرة الاسم المستعار هي سبب واحد من اسباب هذا الفجور في الخصومة وتحويل الخلاف في الطرح والفكر الى مدعاة للوقاحة والقذارة في الرد وعلى نحو شخصاني
ولكن ذلك ليس دائما طبعا
فهنالك اصحاب اسماء مستعارة هم اكثر مودة ورصانة من كثيرين يكتبون باسمائهم الحقيقة ويعانون من العنف اللفظي الموجه الى المحاور بعينه
وبالتالي فالمشكلة بالنسبة لي - وبرغم تأييدي لاعلان الاسم كاملا والعنوان كمان - تكمن في الاعتداء والتهجم التصفوي ضد المحاور النقيض و لذلك فانني ادعو الى ان نركز على المشكلة بها التحديد مستصحبين توابعها ومتعلقاتها من نوع الاسم المستعار وغيره
المشكلة هي الفجور في الاختلاف والعاطفة المعبأة بالايدولوجيا العنيفة ومحاولة سحق وانهاء وجود الاخر النقيض فكريا ككيان في مجتمع البورد، عبر ترصده وتسقط اخطائه والتركيز على عيوبه وهناته لأجل مضايقته وتسفيهه او من خلال نبش واستدعاء خلفيات قد تكون ظنية ملتبسة ارتبطت بالخصم خارج البورد وكل ذلك تحقيقا لغاية تشويهه ودحره وتصفية وجوده
هذا بكل تأكيد مما يفسد بل وينسف عملية الحوار المستمر الذي يتيحه منبرنا الجميل وبالتالي تتضاءل فرص خلق ارضيات مشتركة او على الاقل ايجاد تفاهمات وتفهمات فيما بين النقائض الايدولوجية للعيش المتجاور ( على صعيد الوطن الافتراضي هذا تمهيدا وتجريبا للتعايش معا عبر واقع سودان الوحدة والسلام مستقبلا ان شاء الله تعالى)
فما هو الحل لتيك المشكلة المزمنة في البورد؟
ما الذي يضمن لنا ممارسة الاختلاف - حتى جذريا- بهدوء واحترام متبادل؟؟
لكم محبتي
________________
رب اشرح لي صدري

تحياتى

لمدة سبعه سنوات وانا مسجل فى سودانيز باسم وليد 500

لم يتاثر شخص بكون الاسم اسم وهمى وقد اجد نفسى فى 500
اكثر من اسمى الحقيقى البتعامل بيه اليوم ومافى اى اسماء وهميه
فى سودانيز اونلاين اى اسم وهمى هنالك بروفايل حقيقى عند بكرى ابوبكر

ومتى ما حصلت تجاوزات يمكنك ان ترجع لصاحب الموقع ويمكنه ان يفيدك بما يستلزم ذلك

في غير الاذيه وسوء النيه .. انا كنت عايزه يكون اسمي مستعار
ودا للخصوصيه .. مش من اعضاء المنبر الانا اخترتو بي ارادتي وبتداخل مع اعضائه برضو بي ارادتي
بس من الناس البره المنبر .. عارفه يا داليا انا في شغلي في كميه من الموظفين بيقروا سودانيز اونلاين
اول ما ادوني الباسويرد وبديت اتداخل مع الناس .. واحد من ناس الشركه كفشني وماقصروا معاي الباقين
انت يا دلال بتكتبي في سودانيز ؟؟ وادوكي الباسويرد كيف ؟؟ انتي طلعتي مخابرات يعني ..
وانت امبارح علقتي كذا .. وفلان دا منو العامل ليك بوست ؟؟؟
القصه ابداً ما مريحه

الاسم المستعار بعبر وبيرمز لحاجه من جوه الزول ..
والبني آدم الكويس بيظهر وما بحتاج تعريف
وكمان النيتو سيئه بيظهر وما بهم الناس منو ولا حتى اسمو

سلامات يا داليا
اتمنى تكوني تمام؟

دا بوست هام جدا
قبل فترة ظهرت ظاهرة اسمها البعاعيت وهي شخصيات سجلت واختفت وحينما كانت الادارة جماعية قام البعض
بتنشيطها وتوزيعها على القرايب والحبايب
الذين يكتبون باسماء اخرى..
في شلل عندها اسماء سجلوها ايام الرخصة ودي بتظهر في مناسبات الشكلات..
ودي تعرفيها كيف لما تلقى زول ما عندك معاه اي سابق كلاش ولا معركة
مباريك من حتة لحتة ويسئ ويكذب تعرفي طوالي الزول دا عنده اسمين
ولا يملك ن يستخدم اسمه المعروف معاك لانه جبان وقذر,,والحاجة دي عملوها ناس من الجنسين
رجال ونساء..

وهناك نوعية يا بكري دي بت خالتي عوضية محامية في الامم المتحدة وحلت مشكلة دارفور
رسل ليها باسورد وتعمل ليها ايميل يلا بكري طوالي يدي عوضية اسم
يلا طوالي المتوسطة او المتوسط يستخدمو ودي حصلت مرتين منها هنادي الفضل عضو اللجنة المركزية
للحزب الشيوعي وبت عمها شروق على فضل..وطبعا تم كشفها لانها دقست مرة حين استخدمت اسم شروق عل انها هنادي
غير تطابق اللغة وقائمة الاعداء.. ايضا استخدمت اسم شروق في استخدام كلام بذئ ونابي للمختلفة معهم
وخلق قصص واكاذيب الى ان راجع بكري الاي بي وتكشف له تطابق الاي بي واوقف الاسم
والمضحك لم نر اي بوست من هنادي يطالب بارجاعها..
وهذا ما حدث في قصة منال خوجلي..
كما اعرف اسم كان يستخدمه قروب من الناس والناس دي عاملة معارضة يسارية وكدا
تم توقيف الاسم الذي طلبه رجل الى الان يكتب في سودان نت وهو من المؤسسين..
ويوما ما انا حاجي اكتب عن الزول دا..
لانه استخدم اسم ىخر ليسئ لي حين دافعت عن رجل ممتاز جدا جمعتنا به الايام في ذات المدينة الكان فيها
هذا الرجل دخلنا بيته واكلنا طعامه واكل طعامنا ودخل بيتنا وحسبناه اخ كريم
فأتي واساء لذلك الشخص في محاولة لتشويه سمعته حين تصديت للدفاع عنه بما اعرف
تحول الى محاولا خلق ماضي مشين لي ظانا انني ساخاف واصمت
كغيري من النساء في هذا الموقف..
المرضى ديل البنادوا بالديمقراطية ما هم الا وهمات ضايعة..



والمضحكك جدا انه بعض من الاسماء الوهمية المتنافية اتهمتني انا و ومعتز باسم شخص
رشحه تمبس ومعتصم يعرفه عدد من ناس الرياض..
والغربية ان من يستخدم التنافي والتعدد كلهم ينتون لحزب بعينه..
لا اعرف كيف ينظر حزبهم لهذا الامر..
في زول فصيح وموسمي الجريان لا يظهر الا في الزنقات تعرفي دا اسم ملبت
لقلة الادب والانحطاط..

Quote: (( من امن الحساب اساء الادب ))

السيناتورة

طبعا زمان قليل جدا الكان بيدخل بي اسمو الحقيقي

لكن نعم كانت الاسماء كلها او معضظمها غير حقيقية لكن الناس كانوا حقيقيين بي معني الكلمة

يعني تعاملهم راقي ومحترم والذ حاجة لمن الواحد بيقابل التاني بيقول ليهو بي اسمو الوهمي

يعني انا مثلا بقول لي حبيب الكل ياحبيبنا ولي الفاتح زيكو يا ابو الزيك اها اللقب بقى هو المستخدم

وكنا بنعرف بعض كلنا تقريبا ، لكن للاسف اصبحت الاسامي المستعارة ستارة لضعيفي النفس يمارسون من ورائها

مافي انفسهم من ضغينة .

اسع انا مازاتووو لكن زول كويس لووووول يكه لا بشاغل لي واحده ولا بنبذ لي حزب ولا عندي مشكلة مع زول

بمجرد مااعمل خروج من النت تاني مابتذكرو الا لمن افتحو تاني .

انتي بس خليك مع الناس القدام مابتجيك عوجة لووووووول يكه

اسع بالبوست بتاعك ده يمكن نفقد بعض الاصوات الوهمية خلي الشغلانة بعد الانتخابات

زاتووووو

الواحد فينا اتاري مكجن ومشموم وما مهضون للدرجة دي.
ربنا لا نسالك حب البورداب اصحاب اسماء الله الحسني والمبشرين بجنة الآنترنت ليس لكتاباتهم ولكن لأسمائهم الحقيقية فقط .....ربنا لا نسالك رضاهم عنا...فقط نسالك ان يتقبلوا وجودنا معهم في البورد...
ربنا انك تعلم ان كثرة الاسماء ليس دليل الشر لذلك لك اسماء عدة..
ولا الاسم الواحد دليل خير لان لآبليس وشيطان أسمآ واحد.

حكمة اليوم
الاسم لم يكن يومآ الدليل لحسن الانسان او سوءه

داليــا
كلام عمران عين العقل ..

Quote: ضعف الشخصية والمعرفة وعدم الإلمام بالموضوع ... والشلاقة ..!!! والشتارة وضعف الحجة وفوق هذا كله الإسم المجهول !! يعطي الدافع لكثرة الجرأة والفجور .......

Quote: الواحد فينا اتاري مكجن ومشموم وما مهضون للدرجة دي.

Quote: ربنا لا نسالك رضاهم عنا...فقط نسالك ان يتقبلوا وجودنا معهم في البورد...

امين