Post: #1
Title: حاتم جريس وسري بخاري !
Author: خضر حسين خليل
Date: 04-08-2009, 10:25 PM
اختلفنا للأمانة في عنوان البوست ! هل نقدم جريس أم بخاري فإثنينيهما (رامين قدام) شديد ربما أبعد كثيراً من (أرموا قدام وراء مؤمن) ! النفرين ديل بالتحديد سيجملون هذا المنتدي بما عندهما من تجارب ودرر (علي قول هيثم سوائل) أو هيثم ضرار للذين يطيقونه فديه طعام مسكين !
النزير جريس وهو عضو بالمنبر العام وقاعد جمبي هسي يجزم أن وجود النفرين ديل قد يعمل وقد يعمل وقد يعمل المهم سري برضو أو كذلك كما تقول العرب العاربة والعرب المستعربة يقول سري في هذه اللحظة بالتحديد (سفة ياهيثم) ولكأننا ما قاعدين نستجدي في اصوات اصحابنا وصحباتنا ومن يؤمنون بضرورة انو من حق اي زول يكون في سودانيز اونلاين !
حاتم جريس دة خلووه ساكت بجي لو بكري سهل في تساهيل الباسويرد وبعرفكم بي نفسوا وقد يكونو رفاقنا ببلاد الهند والسند والدمام والجبيل ومؤخراً مدينة الرياض أدري بحاتم لكنه سيقول أكثر بكثير فهو حاتم والسلام !
عليه يا بكري يا ابن ام بكري النفرين ديل اديهم باسويردات وثق انهم سيكونون اضافة لمنبر من لا أي حاجة له
ـــــــــــــ
الموقعون
خضر حسين عضو
النزير جريس عضو
عوض هرون عضو
محمود اكمنتود عضو
حمد فتح الرحمن عضو
هيثم ضرار عضو شديد
النزير جريس صوتين
أمجد ضبع
عصام جبر الله ضبع مقيم بسويسرا
عماد عبد الله أسد مقيم بالسودان
وكذا وكذا وكذا !
وآخرون لا تعلمهم الله يعلمهم !
والفرصة مفتوحة للنقاش !
|
Post: #2
Title: Re: حاتم جريس وسري بخاري !
Author: Emad Abdulla
Date: 04-08-2009, 10:45 PM
Parent: #1
بالله سجلهم يا بكري ..
أديهم العضوية ياخي و النشوف آخرتها نحنا .
أسد قال .. !!
قصة عجيبة ياخ .
....
غايتو الله كان ما كان عمل حاجة إسمها ليل ..
خضر ده كان هسه مع ناس ياجوج و ماجوج .. يحفر سااااااااكت .
|
Post: #3
Title: Re: حاتم جريس وسري بخاري !
Author: خضر حسين خليل
Date: 04-08-2009, 10:46 PM
Parent: #1
وأمير عباس برضو يا خينا
|
Post: #4
Title: Re: حاتم جريس وسري بخاري !
Author: Amjed
Date: 04-08-2009, 10:56 PM
Parent: #3
البني ادم بكري
باسم كل الضباع العاربة و المستعربة و الافريقية
نحذركم و بشدة من مغبة عدم منح المذكورين اعلاه
عدد 2 باسويرد مدنكل
و لما في ذلك من خطورة على امن و سلامة البورد
من هجمات الضباع و غاراتها الليلية
بعلم الوصول و الاستلام
الضبع امجد
غابة الليل عيونو حمر
|
Post: #5
Title: Re: حاتم جريس وسري بخاري !
Author: Emad Abdulla
Date: 04-08-2009, 11:13 PM
Parent: #4
حاتم منو ؟؟؟
بكري هوووي .. الزول ده من إسمو بيكون عندو أجزخانة ..
إنت عارف خضر ده داخل على عرس ..
و جريس ده بيكون صاحبي ده خاتيهو لمسألة الـ back-up و الدعم و المساندة الدوائية ..
ما في عضوية ولا بتاع ..
لازم خضر يعتمد على نفسو و مقدراتو و بس .. بلاش فضايح .
دي واحده ..
التانية يا بكور ..
عاين ناس " سري بخاري " ديل .. !!
ده كلام ؟؟
شفت النوع ده بيكون أشولنجي - من إسمو ده - و كلامو كتير و غالااااااط ..
و نوع المسغفاتية الفقرانين و ما عندهم غير الحنك و النقق البيش .
ح يجي هنا يقدنا و يطوّل علينا الليل ساكت .
ما دايرين .
....
إنت أقعد باري لي ناس جريس و بخاري و حي بن يقظان و طيارتك .. إن شا الله يعدموك نفاخ النار ..
تعال بعد داك قول داير أعرس .
|
Post: #6
Title: Re: حاتم جريس وسري بخاري !
Author: خالد العبيد
Date: 04-09-2009, 01:36 AM
Parent: #5
خضر صاحبي العزيز
قصة عجيبة والله
البورد ده حا يكون زيو وزي سوق سركمتو !!
بعد شوية حاتم يجيب غسان وهبة
وسري يجيب سيد عكاشة
وسيد عكاشة يجيب زينب حلمي
وزينب تجيب سوزان زوجة عاطف خيري
والرطانة تدور ونطلع ملوص
امرنا لله تعالوا !!
|
Post: #7
Title: Re: حاتم جريس وسري بخاري !
Author: معتصم ود الجمام
Date: 04-09-2009, 01:51 AM
Parent: #6
خضر اخوي جريس منو وسري منو
سري اوعى يكون سري الواحد المعاكم ده
عماد انت اقعد ايد وبارك لمن تلقى روحك معلق في المشانق
يعلم الله انا جريس قريتا جرجس قلتا السعودية دي الانفتاح فيها وصل للحد ده
خضر اخوي مالك داير تخرب بيت عماد الخلا ليكم الخليج بكل عقالاتو ... وتكفى رشح ناس غير
ديل ...............
|
Post: #8
Title: Re: حاتم جريس وسري بخاري !
Author: Mannan
Date: 04-09-2009, 04:13 AM
Parent: #7
ناس حركة عدم الإنحياز زحوا غادى
انا غايتو منحاز انحيازا لآ إنحياز بعده لهؤلاء الأفزاز
والعتبة قزاز
والحجاز نصيبو عكاز..
ويا بكرى عليك الله بطل إبتزاز
واديهم باز (اقصد باسويرد)
خلاص السجع كمل يا لزاز...
منان الفراز
|
Post: #9
Title: Re: حاتم جريس وسري بخاري !
Author: خضر حسين خليل
Date: 04-09-2009, 08:14 AM
Parent: #8
الأعزاء
عماد الاسد
أمجد الضبع
ود الجمام
منان
تحياتي الحارة لكم وقوفكم مع الشابين ديل يعني أنو الدنيا لازالت بخير
سأعود لمداخلاتكم ومقترحاتكم وفقنا الله وإياكم لما فيه خير البشرية!
مرفق أحدث صور للمدعو سري بخاري !
بكرة بتهون القواسي ويبقي عندنا كم بكاسي
راقد فوق رأي ما ساي ! سبحان الله حتي رقدتك بي فهم
غياب البهجة ما هداك !
ـــــــــــــ
جميع الصور مصدرها آية الله الــ(فيس بوك) !
نقترح أن يتم استخدام الصور في بروفايلات السادة المتضامنين والمتضامنات ذلك لتشكيل جبهة قوية
للضغط علي إدارة المنبر !
إنها لثورة حتي النصر
|
Post: #10
Title: Re: حاتم جريس وسري بخاري !
Author: أسامه الكرور
Date: 04-09-2009, 08:53 AM
Parent: #9
ياخدر ديل بعد دا حيحتلوا المنبر
وبعد شويه ينقلب رطانه .. ونقعد نحن زى الأطرش فى الزفه
أنا بثنى الباسوورد لى سرى بخارى
أما حاتم جريس البجى الدمام ويزوغ .. نرفض بشده
وكمان نقترح سحب الباسوورد من النذير جريس ... كده بس
|
Post: #11
Title: Re: حاتم جريس وسري بخاري !
Author: هيثم درار
Date: 04-09-2009, 09:49 AM
Parent: #10
أثنى وبشدة إعطاء الجميلين جريس وبخارى الباسويرد
ومعاهم أمير عباس كما قال خضر (رض)
| Quote: شفت النوع ده بيكون أشولنجي - من إسمو ده - و كلامو كتير و غالااااااط .. |
عماد عبد الله دى انت قلبت فيها هوبا عديل كده،
يا بركة دى اسمها بى ضبانتا
وبعد ده كلو يا عماد الزول ده ضكران ضكرنة ما عادية اخو اخوان جد
|
Post: #12
Title: Re: حاتم جريس وسري بخاري !
Author: 3bdo
Date: 04-09-2009, 02:32 PM
Parent: #11
عنصرية وكده ... ندعم اشتراكهم في البورد
البورد ده كل واحد عنده كمية من اهله اعضاء ... اشمعنا نحن لأ
حلفا دغيم ولا باريس
|
Post: #13
Title: Re: حاتم جريس وسري بخاري !
Author: فيصل محمد خليل
Date: 04-09-2009, 03:03 PM
Parent: #12
حتمية دعم اللوبي النوبي
للتاثير على استراجية المنبر
يطلب منا دعم جريس و سري
وجاك بلى يا ود العبيد
|
Post: #14
Title: Re: حاتم جريس وسري بخاري !
Author: ابو جهينة
Date: 04-09-2009, 05:23 PM
Parent: #13
| Quote: عليه يا بكري يا ابن ام بكري النفرين ديل اديهم باسويردات وثق انهم سيكونون اضافة لمنبر من لا أي حاجة له |
أؤيد بقوة دخول الإتنين ... مع تحياتي لأبو النسب حاتم جريس و النزير جريس
|
Post: #15
Title: Re: حاتم جريس وسري بخاري !
Author: GamarBoBa
Date: 04-09-2009, 06:23 PM
Parent: #14
سري ده مالو سمن كدة؟؟؟
انتو المغتربين ديل بتاخدوا حقنة انسولين من غير سكري وله شنو
يازول بنثني...
التثنية يا خضر الا في المنبر ده
ونحن نثني ونتحمل المسئولية للنفرين ديل
|
Post: #16
Title: Re: حاتم جريس وسري بخاري !
Author: Amjed
Date: 04-10-2009, 04:04 PM
Parent: #15
خلاص يا جماعة
الضبع قمر قال بيستحمل المسئولية
اديهم الباسويرد يا بكري ياخ
|
Post: #17
Title: Re: حاتم جريس وسري بخاري !
Author: abdulgafar mohd saeed
Date: 04-10-2009, 06:34 PM
Parent: #16
سري بخاري انا في الحسبة جدو خال والدته و حاتم جريس صديق عزيز و و رجاءا بكري تستجيب للنداء
|
Post: #18
Title: Re: حاتم جريس وسري بخاري !
Author: elsharief
Date: 04-10-2009, 11:32 PM
Parent: #17
حاتم جريس ( مدراس - الهند) يا الف مرحب
والف شكر للأخ خضر مع الأمنيات من صاحب الموقع العضوية لحاتم جريس وسري بخاري
|
Post: #19
Title: Re: حاتم جريس وسري بخاري !
Author: awadharoun
Date: 04-11-2009, 07:48 AM
Parent: #18
تقول لي سري مثقفاتي ياعماد
والله قلت ليهو خضر عامل بوست في سودانيز اون لاين طالب ليك باس ويرد
قال لي لا ياخ انا قاطع تذكرتي على البحرينية
وحاتم جريس
علاقتو بالانترنت الايميلات البتجيهو في الشركة على الاوت لوك
يابكري كلام في سرك واسمع كلامي ماتديهم
|
Post: #20
Title: Re: حاتم جريس وسري بخاري !
Author: الارقم عبدالله طلب
Date: 04-11-2009, 08:04 AM
Parent: #19
اديهم باسورد يازول
الكلام دا وااااااااااضح
خضر ازيك
اتضامن مع سرى من قبل جهوية التقانة
تحياتى له شديييييييييييد
|
Post: #21
Title: Re: حاتم جريس وسري بخاري !
Author: النزير جريس
Date: 04-11-2009, 01:57 PM
Parent: #20
بالغت عديل يا بكري لسع ما حسمت الموضوع يالطولة بالك يا حبيب ... بس كده كفاية ويلا رسل الباسورد للحلوين المنتظرنك ديل وسيبك من كلام ناس عوض هارون وأسامة الكرور ...
مع خالص ودي ..
|
Post: #22
Title: Re: حاتم جريس وسري بخاري !
Author: Mohamed Idris
Date: 04-17-2009, 05:20 PM
Parent: #21
نثني وبشدة وباصرار منح العضوية لهؤلاء التروس (حاتم جريس وسري بخاري)
|
Post: #23
Title: Re: حاتم جريس وسري بخاري !
Author: خضر حسين خليل
Date: 05-19-2009, 12:36 PM
Parent: #22
يا بكري خلاس ادي حاتم براهو الباس ويرد
سري زهج وقال ليك نخدمك في الافراح
|
Post: #24
Title: Re: حاتم جريس وسري بخاري !
Author: هيثم درار
Date: 05-19-2009, 12:57 PM
Parent: #23
| Quote: سري زهج وقال ليك نخدمك في الافراح |
يا خدر سرى مالو بقى زعًال سريع كده ياخ
هسى شايفو زعلان منى ،
كدى كلمو قول ليهو طوُل بالك شوية
|
Post: #25
Title: Re: حاتم جريس وسري بخاري !
Author: الطاهر ساتي
Date: 05-19-2009, 01:06 PM
Parent: #24
أنا إعترض ..
نظام رأى آخر و كدة ..!!
|
Post: #26
Title: Re: حاتم جريس وسري بخاري !
Author: Mannan
Date: 05-19-2009, 01:32 PM
Parent: #23
اقتراح
حقو نعمل إنقلاب على بكرى ونقلع منو الباسويرد بتاعو
يا بكرى يا بتاع البتاتيع كلهم.. اعمل حسابك وافتح ليهم حسابات
وحسابك يوم الحساب...
نورالدين منان
|
Post: #27
Title: Re: حاتم جريس وسري بخاري !
Author: ولياب
Date: 05-19-2009, 02:14 PM
Parent: #26
بما أن إنتماءنا البوردي ولا سيما النوبي يفرض علينا الوقوف بجانب أخوتنا في كل (الهجرات)
وبما أن بكري لحد حسه ما جاب خبرهم ، خلينا نعمل شيرنق يا خضر ويا عماد ويا فيصل ويا نزار ويا قريبي عبدو ويا منان ويا جلال ( جنس عنصرية) ، كل واحد فينا يتبرع بحرف من الباسوورد حقو ، وحاتم وسري يقوموا بالقسمة العادلة للحروف ( مش للسلطة والثروة) ويجوا خاشين توووووووووش .
|
Post: #28
Title: Re: حاتم جريس وسري بخاري !
Author: خضر حسين خليل
Date: 05-19-2009, 06:01 PM
Parent: #27
الطاهر ساتي
انت رجل غير ديمقراطي !
وزول حقار .
ـــــــــــ
الاخوة المشاركين هنا
حقيقي الواحد بقي يحس بالتهميش أو الاستهماش علي قول طيب الذكر سالم عثمان مختار .
جبهة عريضة من أجل سري وجريس
|
Post: #29
Title: Re: حاتم جريس وسري بخاري !
Author: نبيل عبد الرحيم
Date: 05-20-2009, 01:17 AM
Parent: #28
الأخ خضر حسين
أثنى وأبصم بالعشرة لأنهما أكيد سوف يضيفوا للبورد
أولا لأن أحدهم هو حاتم نور الدين جريس أبن خالى
وثانيا أن خضر هو من قدمهم
ومنتظرين نشوف مشاركات حاتم وسرى فى القريب
وتحياتى للنزير
|
Post: #30
Title: Re: حاتم جريس وسري بخاري !
Author: أم سهى
Date: 05-20-2009, 01:50 AM
Parent: #29
كدي نقطة نظام يا خضر
انا من قبيل بقرأ في البوست ده وفرحت بقدوم حاتم جريس حبيبنا -
لكن يا الحلفاويين بصراحة كدة عملتوها واضحة ... يعني جنس عنصرية!!!! لا اله الا الله!!!!
عليك اللهم شوف كم زول جاء داخل البوست ده يؤيد بس عشان نوبي وحلفاوي او ود خالى وود عمي
اجي يا ربي؟؟
غايتو انا فشاني عوض هارون لوووول وعاينو ...حاتم حيجي يدخل يسلم ويشكر الناس وتاني.. ( الشوفة يا روفة) هههههه
ياخ انتو اظرف ناس
اودهم واصلها جايطة خليها التجوط زيادة
تحياتي لناس الدمام كلهم والمشو منها كمان
|
Post: #31
Title: Re: حاتم جريس وسري بخاري !
Author: HAIDER ALZAIN
Date: 05-20-2009, 09:20 AM
Parent: #30
Quote: الاخوة المشاركين هنا
حقيقي الواحد بقي يحس بالتهميش أو الاستهماش علي قول طيب الذكر سالم عثمان مختار |
من عمايلكم .. !!!!
** لو كلام عوض هارون الفوق داك صاح إذاً .. أنا بثني وياريت بكري يستجيب ...
|
Post: #32
Title: Re: حاتم جريس وسري بخاري !
Author: نبيل عبد الرحيم
Date: 05-20-2009, 11:41 AM
Parent: #31
Quote: كدي نقطة نظام يا خضر
انا من قبيل بقرأ في البوست ده وفرحت بقدوم حاتم جريس حبيبنا -
لكن يا الحلفاويين بصراحة كدة عملتوها واضحة ... يعني جنس عنصرية!!!! لا اله الا الله!!!!
عليك اللهم شوف كم زول جاء داخل البوست ده يؤيد بس عشان نوبي وحلفاوي او ود خالى وود عمي |
المحترمه أم سهى
هى ماعنصرية من جانبى ولكن لأنى أعرف إمكانيات حاتم الثقافية والإيدلوجية وأعرف أنه سوف يكون إضافة للمنبر
وبعدين يكفى تهميش الحكومات المتعاقبة على حلفا الجديدة وكأنها من كوكب أخر .
لك المودة
|
Post: #33
Title: Re: حاتم جريس وسري بخاري !
Author: ياسر بيناوي
Date: 05-20-2009, 12:39 PM
Parent: #32
اها يقوم سري بخاري توووووووووووووووشك يجي داخل المنبر ومعاهو منو
حاتم جريس
يقووووووووووووووم حاتم جريس يدخل المنبر ما يدخل زي الناس يطالب
بباسوورد مدنكل لي عصام نجم الدين ( جريس برضو )
يقوم عصام جريس يجي داخل ونقول ليه مشتاقين وكيف ناس البيت
طوالي يطلب عضوية لهيثم جريس
اها يقومو يتلمو علينا ال جريس وهاك ( ايقنلول اي قيا اي فجوبا فقيقا تيلي )
نححححححححححححححححححححححححمد ياربي
اها ياباشا الشباب ديل ما تقصر معاهم تب
خالص الود
|
Post: #34
Title: Re: حاتم جريس وسري بخاري !
Author: ارصد محمد جلال
Date: 05-20-2009, 03:08 PM
Parent: #33
حاتم جريس ده عنده علاقة بهاشم جريس ولاتشابه اسامي ياخدر ؟
وسري ده زولنا وقريبي ..
الاتنين حلوين
ويلا يابكري ماتقصر مع الناس ديل..
تحياتي
يا
سكداوي
|
|