|
نعى اليم الزميل عبدالوهاب علي الحاج...المستنير وهبة فى رحمه الله
|
|
 Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: mohmed khalail)
|
Quote: فوق
وبرضو منو الاداك ضو اخضر عشان تدخل مسامتنا |
نعيم علي ذلك الشاب الخلوق.. الذي ترىء في عينيه ذاك الكم الهايل من الانسانية لانسان ماقدر يدخر لنفسو
غير الالم وحب الاخرين. يعمل بورشة لتصليح السيارات طوال النهار في جو السودان الكلو حر وغبار. بعد الانتهاء من العمل
يذهب زملاه لمنازلهم كي يستعدو ليوم اخر ممنين النفس بيوم اقلا حرارة وارق، ولكن يذهب الصديق لدار المايقوما
ليتفقد اطفال الذات، وما ينقص المخزن من اشياء. يداعب الاطفال ويفرحون بحضوره حد التدفق. ودي شهادة وحاتكم.
كنت بفتكر في الماضي ان لنعيم مكتب واسع ومكيف داخل الدار كما يفعل الاخرون ، ولكن اكتشفت ان مكتبه مكتب متحرك عز الهجير ليجمع
لاطفال المايقوما ما يسد الرمق. تارة تجده في الصحافة وتارة اخري في المطار وداخل صرافة وطالع من صيديلية حاملا الادوية
متوجها بها للدار. حتي يوم الجمعة يوم الراحة تلقي نعيم ياهو نعيم كل يوم.
.
.
.
mohmed khalail
كدي قول لي من الاداو؟
.
.
مع فائق الود
راني السماني
| |
 
|
|
|
|
|
|
|
|
Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: حنين للبلد)
|
Quote: يا نعيم علي
يا ولد يا سودان
ربنا يديك قدر قلبك الكبير ده ويهنيك من نعيمه ويفتحها عليك فتحا يقدمك ويخضر ضراعك...لله عباد اختصهم و...ونعيم منهم..
يااخي ماتتخيل كيف بحترمك وبقدر فيك كل الخير البتسوي في ده...
هنيئا ليك بالخير البتسويه ....في ميزان حسناتك يارب. |
سلامات عوافي
اخي حنين
.
.
عارف ياصديق ناس كتيرة جدا من المهتمة باطفال المايقومة.. يفعلون ذلك من اجل زيادة كوم الحسنات.
ولكن نعيم وعلي ما اعتقد، ما الزول الداير حسناتو تزيد لجراء ما يفعل او من اجل ذلك يفعل ما يفعل. مش في ناس كده الله خلقهم شفافيين، صادقين وجميليين جواهم من غير اي مؤثرات خارجية او متطلبات مستقبلية؟
.
.
نعيم ده بس واحد منهم.
.
.
.
شكرا علي المرور.
| |
|
|
|
|
|
|
|
|
|
Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: rani)
|
Quote: سلامات عوافي
اخي حنين
.
.
عارف ياصديق ناس كتيرة جدا من المهتمة باطفال المايقومة.. يفعلون ذلك من اجل زيادة كوم الحسنات.
ولكن نعيم وعلي ما اعتقد، ما الزول الداير حسناتو تزيد لجراء ما يفعل او من اجل ذلك يفعل ما يفعل. مش في ناس كده الله خلقهم شفافيين، صادقين وجميليين جواهم من غير اي مؤثرات خارجية او متطلبات مستقبلية؟ |
ياراني
نعيم شاب قل مثله هذا الزمن...احترامي له ولك.
أختك حنين
| |
|
|
|
|
|
|
|
|
|
Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: rani)
|
ناس دايره، تطرحني واموت
والعار يفوت
والخلق في إيد الكريم
لو قالو كن لابد يكون
وجع أمي كان، ساعة الوضوع
وخز الضمير
ولدوني في عز الهجير
فوق التراب
ما فوق سرير
وصرخت في، وجه الزمان
رجعني لدنياالامان
لكن محال
لا فرحة طافت
بالمكان
لا ضل عشان
بيهو إستجير
وبسمت في كل الوجوه، بسمة غرير
لا شالني أب طاف بي
يباركولو الرجال
لا عم لا خال
وحضن أمي كان
عين المحال
وانا روعة، آية من الجمال
.
.
.
يتبع...
| |
|
|
|
|
|
|
|
|
|
Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: سيف الدولة كامل)
|
Quote: والله يا راني انت وود المدير مدرسة قايمة بذاتها
عرفتو درب قلوبنا كويس, ونعن قلوبنا معاكم
واطفال المايقوما اولادنا. وعشرة دولار شهريا
من ناس امريكا وكندا اكيد بتدخل البهجة
في نفوس اطفالنا الحلوين... يالا يا جماعة
تسلم يا راني
سيف الدولة كامل |
مرحبابكـ... اخي سيف الدولة..
اتفضل علي باحة بيتنا الطيب.. ماعون اطفال.
حقيقة فكرة الدعم في من زمن ومن المفترض كنت اعمل بوست بهذا الخصوص، بس منتظر بعض المعلومات من الصديق نعيم بخصوص توفير بعض المتطلبات للدار.
سوف اوافيك بالتفاصيل فيما بعد واتوقع بوست معنون بهذا الخصوص.
.
.
مع شكري
راني السماني
| |
|
|
|
|
|
|
|
|
|
Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: rani)
|
*
**
***
.......
............
..................
يا احساسي........ بجمال جواكــ.
ما انا بهؤاك....................... ما انت كمان
خليتني .......................................احـــس
بالفرحة......................................... وبالأنسان
يا انسان......................يالضؤ.....................الخافض
ممزوج ....................بعطرك...................... وبالمزيكة
يا احلي.... حــــ.... ــــــقـــــ... ـــــيــــ... ــقـ... ــة
برجع منك ................................................. للاصحاب
احجيهم ................................................... عنكـ
يسمعو في...................................... ومشدوهين
ومـــا ............................... عارفــين
حـــتي ..................... كلامــي
بيطـــلع ................ منكــ.
.....................
.............
.......
***
**
*
| |
|
|
|
|
|
|
|
|
|
Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: rani)
|
راني
سلامات
Quote: ولكن نعيم وعلي ما اعتقد، ما الزول الداير حسناتو تزيد لجراء ما يفعل او من اجل ذلك يفعل ما يفعل. مش في ناس كده الله خلقهم شفافيين، صادقين وجميليين جواهم من غير اي مؤثرات خارجية او متطلبات مستقبلية؟
|
هذا ما يسميه نعيم التعامل الربوي مع الإله
وانظر لجمال التعبير وجاذبيته
..
ان تتقوم بالعمل لانه واجبك تجاه المجتمع والانسانية
وليس لزيادة رصيد دنيا او حتي آخرة
أفخر انك صديقي
وبكرة فعلا احلي
| |
|
|
|
|
|
|
|
|
|
Re: نعيم الولد الحضن مايقومة الاسيئ والوجع، منو الاداك ضؤ اخضر عشان تدخل مساماتنا؟ (Re: فادية اليمني)
|
Quote:
هذا ما يسميه نعيم التعامل الربوي مع الإله
وانظر لجمال التعبير وجاذبيته
..
ان تتقوم بالعمل لانه واجبك تجاه المجتمع والانسانية
وليس لزيادة رصيد دنيا او حتي آخرة |
ود الزبير ازيك ياخ..
كيف اخبارك، والحالة عموم؟
قلت لي تعامل ربوي؟
وهذا ما يصطلحه نعيم في تحديد شكل واطة زول بيقوم بعمل ما. "داك" البيجي من اقصي زوايا الذات الجوانية لممارسة واجباته تجاه المجتمع والأنسان، بشكل مطلق علي مدى أتساع الكون؟
يقول : "المثقف"، عندما خلق الرب الكون والبشر. فضل ان يعطي كل من عباده في عز النهار، مقدار مختلف من الثروة والمال والبنون حتي يرى باقي الخلق الاختلاف...
ولكن عندما قرر ان يعطي الرب العقل للبني آدم فضل ان يكون ذلك في عز الليل، والظلام الدامس كي يفتكر الكل انه يمتلك افضل العقول...
ولكن، لم يذكر ذالك المثقف كيفية توزيع الرب للمشاعر والانسان، داخل البشر.. ربما لذا لم نعي الفرق!!
.
.
نعيم ياصديقي ود الزبير..
زولاً، من زمن تاني.. تفرقنا منه مسافة يشتهي الغرقان شهيق.. زي ما قال ود خيري.
.
.
هنا يا صديقي، تعلن حمامات القول طيرانها بعيداً، عندما يكون الكلام عن ذلك الانسان "الشفيف"، الما (بيشبهنا).
.
.
وهنا ايضاً، تضامنا مع "الحمامة".. إعلن الوقوف!
.
.
ودي
راني السماني
| |
|
|
|
|
|
|
| |
rani
كمال علي الزين
mohmed khalail
SHIBKA
مجدي عبدالرحيم فضل
Mohammed Ibrahim Othman
معاوية المدير
سيف الدولة كامل
رانيا قاسم
فادية اليمني
فيس بوك
تويتر
انستقرام
يوتيوب
بنتيريست