Post: #1
Title: مرحباً بود الجزولي !
Author: خضر حسين خليل
Date: 04-08-2009, 05:23 AM
ود الجزولي المقصود أعلاه هو أخانا في المنبر محمد الجزولي
كان زهجان زهجة (يني) الليلة من الصباح شايفوا هنا وهناك
والله مشتاقين يا محمد
مدد ياشيخنا مدد
بعدين انت الفيس دة برضو قاطعتوا الفترة الفاتت ولا سويت ليك دريبات !
علي العموم يا مراحب
والله
|
Post: #2
Title: Re: مرحباً بود الجزولي !
Author: خضر حسين خليل
Date: 04-08-2009, 05:42 AM
Parent: #1
(كما تتفتح الازهار) !
ـــــــــــــــــــ
|
Post: #3
Title: Re: مرحباً بود الجزولي !
Author: خضر حسين خليل
Date: 04-08-2009, 05:51 AM
Parent: #2
صورة من بروفايل المحتفي به
|
Post: #4
Title: Re: مرحباً بود الجزولي !
Author: Emad Abdulla
Date: 04-08-2009, 05:56 AM
Parent: #3
نلقاها منو وللا من منعم ؟؟
أولاد الجنرال ديل أختاهم يا خضر ..
بيودروك .
|
Post: #5
Title: Re: مرحباً بود الجزولي !
Author: khatab
Date: 04-08-2009, 06:06 AM
Parent: #4
بركه الجيت ..
شكراً يا عريس
كلم قمارينا وماضى ابو العزائم
.
|
Post: #7
Title: Re: مرحباً بود الجزولي !
Author: خضر حسين خليل
Date: 04-08-2009, 06:46 AM
Parent: #5
خطاب
ازيك ياخ ازيك
باكر دافر دافر دافر
ابداً لا اتغرب لا مسافر
يوم بكرة جميل
ضواي ووسيع
بركة الشوفة يا صديقي
|
Post: #6
Title: Re: مرحباً بود الجزولي !
Author: خضر حسين خليل
Date: 04-08-2009, 06:43 AM
Parent: #4
ياعمدة
ازيك طاب صباحك (طابا شديد)
منعم غايتو أنا متضامن معاه في محنتوا ديك
والله يلعن ابو المعايش
غايتوا هو هسي في وظيفة لايحسد عليها
أما بخصوص الزول دة
فيبدوا انو هو برضو جاي مصلح شديد
قريت ليه كم مداخلة
والضحك شارطني
الله ياعماد
محن
|
Post: #8
Title: Re: مرحباً بود الجزولي !
Author: خالد حامد الجزولي
Date: 04-08-2009, 06:52 AM
Parent: #6
حقوا كان تفرز من العنوان
حتى تجنب الجماعة عناء
الدخول للبوست لمعرفة
أي من أولاد الجزولي المعني
تحياتي
|
Post: #9
Title: Re: مرحباً بود الجزولي !
Author: محمد الجزولي
Date: 04-08-2009, 09:38 AM
Parent: #8
الحبايب القاعدين والجايين ..
حلاوة الزهج انو بتفَكة في النهاية.. و بترياك حلو .. حلو ..
ماعندي ليكم هسة .. هسة بس غير .. ياسلاااااااااااااام ومعاها دِمِيعة بجنبة .. قدامكم ..
ويمكن .. ابكي شديد.. فخلوني وبعاوِد ..
والله معاوِد .. ولا فكاك منو (الخضر) ..
قلده مرشوشة بعبير وصندل للجميع بره وجوه ..
|
Post: #10
Title: Re: مرحباً بود الجزولي !
Author: محمد الجزولي
Date: 04-08-2009, 09:58 AM
Parent: #9
لكل الناس القيافة اعلاه .. بما فيهم انا طبعاً..
ـــــــــــــ
خضر الفي الكاسات ده ماحاجة بتتشرب .. ما تخليني افوت وتجي تجقِما .. سمح ؟..
|
Post: #11
Title: Re: مرحباً بود الجزولي !
Author: خضر حسين خليل
Date: 04-08-2009, 10:15 AM
Parent: #10
النار ولعت
هي النار هي النار هي النار ولعت
بي قلبي بطفيها
ـــــــ
والله ياودالجزولي مشتاقين عديل ولك أن تتخيل مقدار هذا الشوق
القصة يا صاحب وما فيها انني ما لامي في دريباتك
انت قاعد تمشي وين في اختفاءاتك العظيمة دي
يعني لا طلة في الفيس بوك لا نقابلك في سوق أحد
أما الكاسات فخليناها للحضور وليك برضوا باق اليومين ديل
في موضة تصوير للمترنحين ! وعادي جداً يتم اشتباه ومن ثم
يسوقوك لمحكمة البورد .
انا شامي ريحة سكر في المداخلة دي
وبما ان بسط الامن الشامل تحول من (كباسيل) تقبع في الحلال
الي منبر بكري ابوبكر ولكل الذي سبق انا ناصح لك يا صاحبي
وما تتخيل انك قاعد ليك في بلداً طيرها وناساتها وكاساتها
عجمي لالا ياخي المسائل لا تغرك !
أما نحن فبخير ونحمده حمداً كثيراً أن جعل لنا الفيس بوك مخرجاً
في حال أي اشتباه يحدث وأن جعل لنا اضافة للفيس بوك اصحاب
يقابلوننا علي الماسنجر بكرةً وعشية وفي ذلك لو تعلم راحة ما بعدها
راحة فتقول كلامك كلوا دون رقيب أو حسيب ضف الي ذلك ونسات دقاق دقاق
مع ناس انت بتحبهم وقد يأتين بين هذا وذاك شابات جميلات
يذكرنك بشبابك الغض مسفوح الاحلام فلا تملك حيالهن الا ان تردد في خشوع
ما بعده خشوع قادر الله قادر الله ثم تهديهن وردة وربما تفكر في اضافة رموز
أخر قاعدات جمب الوردة (ابتسامات وما الي ذلك) وما بين القوسين
هو فقط ما اردت توضحيه باضافة رموز اخري . حكم الاسمو ايه الماسنجر دة
مليان بلاوي وعادي تلقي زول يقالدك وغايتو ،
انها التكنلوجيا بالله حتي الاحضان صارت تتم بدون مقالدة حقيقية.
والعاقبة عندكم في المسرات
|
Post: #12
Title: Re: مرحباً بود الجزولي !
Author: محمد الجزولي
Date: 04-08-2009, 04:45 PM
Parent: #11
(خضر حسين خليل) ياصحبي .. يابديع .. عندي معاك ونس ياما وياما .. ويمكن فيهو نعدل المقلوب او نقلب المعدول .. مامعروف .. ياربي ؟
اشواقنا محيط وشوقك فيهو مركب صغير .. وعاجز شكري امام احتفائك بي وبسؤالك الحميم وإطمنانك الودود .. يسلم قلبك الكبير ..
اما عن الإنقطاعة فهي بزايد مازكرته لك في الفيس بوك (عظم الله اجره) تقلبات العمل ومستجتداته .. فالفترة السابقة تم نقلي الى غرب استراليا لإنشاء فرع جديد للشركة .. وبحمد لله تمكنا من الإنشاء والتسير .. وانت سيد العارفين الإنتقال وماأدراك ماجهجة .. والى ان يستقر الحال ينقطع المرء من اشياء كثيرة .. وأهمها مانحبه .. لكن .. ثم لكن ..
وبعد داك قوم ياأم البت موتي .. اها ..
عشان كده .. اسمع انت الكلام معاك مابخلص انا عارف ومجرب خليني النفرح شوية بالضيوف البوست وأقول ليهم الفي نفسي .. دي فرصة مابتتعوض
وانت بجيك .. نفتو كده لمن يقول كفى .. اها .. النمشي عل الضيوف ..
ـــــــــــــــــــ
الزول السمح خِلقة وكتابة .. عِلا اخلاق دي مابنعرفه .. (عماد عبد الله) ياأخ انا من زمان كايس معاك وبفتش كتاباتك يعلم الله
زي المورود ولمن القاها افرح افرح فرح جد واقراها براحة براحة .. واتمناها ما تخلص ولمن تخلص اعيده تاني ولمن تخلص افتش غيرا
(ياأخ انت ماتكتب لينا شيتاً مايخلص) .. عليك الله .. سمح؟ ياأخي اناسعيد جنبك هنا مبالغة ..
حبيبي الجِد (خطاب حسن احمد) وصاحب الأزمان بكل فصولها.. والأماكن بكل وجدانها .. سؤالك عني بجيني براهو مادايرليهو وسيط ..
ده ماسؤال (الدم) عاد فيهو كلام .. يأخي بس عليك الله اتوسط لي عند الصاحب الجميل ماضي ابو العزائم يعفو عنا ويسامحنا في تقصيرنا معاهو وهو برضو سال وسؤلو عندي قامتو مفرودا الى ..الأصبع ليهو ناقر .. وانا عارفو قلوبو ابيض .. ابيض قلبو عارفو .. هههههه ..
بس انت واصل في وساطك وطبعاً انت سرك باتع ..
الأخ (خالد حامد الجزولي) .. انت قريبنا يازول ولا شنو؟ .. لكن اعتقد انت ابن حامد الجزولي بتاع الموردة .. موش؟ الله يعلم .. المهم يازول مرحبيك حباب الجزولاب في كل العالم .. لكن هو كان يفرز صحي اااااي ياخضر غلاطان جننت الجزولاب لحدهِم .. معليش ياولدنا حامد امسح لي في وشي الشين ده خليهو يبقى ود انبعُلو زاتو مبسوط ياخضر ؟ ..
|
Post: #13
Title: Re: مرحباً بود الجزولي !
Author: حسين محي الدين
Date: 04-08-2009, 05:24 PM
Parent: #12
زهجة برضو!!!
حبابك ياود الجزولي
ويا خضر ربنا يديك العافية ياخ
محبتي
|
Post: #15
Title: Re: مرحباً بود الجزولي !
Author: خضر حسين خليل
Date: 04-08-2009, 05:48 PM
Parent: #13
حسين العزيز
وينك يا شاعر يا فنان
مالك بقيت بتطول في الغيبة
يات دروب المشيت فيها يا صديق ؟ يات دروب ياحسين
|
Post: #16
Title: Re: مرحباً بود الجزولي !
Author: محمد الجزولي
Date: 04-08-2009, 10:29 PM
Parent: #13
شنو ياحسين اااي زهجة .. خلاص دايرين تأولوا .. زهجة والله العظيم زهجة ..
بعدين انت قايل (يني) ده ماكان بزهج ولا شنو ؟
ــــــــــ
ياخضر ياأخوي انت مالقيت غير الزول الشُبهة ده , تشبه زهجتي (البريئة) بيهو ؟..
اللهم لا أعتراض في حُكمك ..
|
Post: #20
Title: Re: مرحباً بود الجزولي !
Author: خالد حامد الجزولي
Date: 04-09-2009, 06:41 AM
Parent: #12
السيد
الأخ
العم
الوالد
محمد الجزولي
ياتو واحدة تختار
| Quote: الأخ (خالد حامد الجزولي) .. انت قريبنا يازول ولا شنو؟ .. لكن اعتقد انت ابن حامد الجزولي بتاع الموردة .. موش؟ الله يعلم |
نعم أنا ابن حامد الجزولي بتاع الموردة بلا فخر
وأهو تشابه في الأسماء
تحياتي وشكري
خ
ا
ل
د
|
Post: #14
Title: Re: مرحباً بود الجزولي !
Author: خضر حسين خليل
Date: 04-08-2009, 05:41 PM
Parent: #8
العزيز خالد حامد الجزولي
معليش لعدم الفرز قلنا نصطاد بيهو المريدين من طرف
انا اسف والمرة الجاية حأكتب اسموا بالكامل !
مودتي ياخالد
|
Post: #17
Title: Re: مرحباً بود الجزولي !
Author: خالد العبيد
Date: 04-09-2009, 01:56 AM
Parent: #14
محمد الجزولي
مشتاقين
يوم تشرق ويوم تغرب
بتجينا بتين ؟
|
Post: #18
Title: Re: مرحباً بود الجزولي !
Author: باسط المكي
Date: 04-09-2009, 02:25 AM
Parent: #17
ود الجزلي
مراحب ..
ياخي فرحنا ..بعودتك
|
Post: #19
Title: Re: مرحباً بود الجزولي !
Author: mustafa mudathir
Date: 04-09-2009, 03:42 AM
Parent: #18
ياشباب هوي.
خضر والزملاء.
محمد الجزولي دا أخد عطاء أسترالي
بملايين الدولارات فما تشاغلهو بالله.
كلو الونسات دي ح تورم بعدين لما
الشمع الجابو دا يولع بالجازولين
ياالوابور جاز.
الناطق الرسمي بإسم الجزولاب
"وزوج أختهم حاليا"
مصطفى مدثر
|
Post: #21
Title: Re: مرحباً بود الجزولي !
Author: خالد حامد الجزولي
Date: 04-09-2009, 06:48 AM
Parent: #14
أخي خضر حسين خليل
طابت اوقاتك
Quote: العزيز خالد حامد الجزولي
معليش لعدم الفرز قلنا نصطاد بيهو المريدين من طرف
انا اسف والمرة الجاية حأكتب اسموا بالكامل !
|
No Problem
|
Post: #22
Title: Re: مرحباً بود الجزولي !
Author: حسين محي الدين
Date: 04-11-2009, 07:51 AM
Parent: #21
Quote: مالك بقيت بتطول في الغيبة
يات دروب المشيت فيها يا صديق ؟ يات دروب ياحسين |
حقيقة اليومين دي عملنا كلو ميداني وخارج الخرطوم
عشان كده الواحد مابقدر ينزل بوستات ويتابعها
وبتلقانا مع الناس الحلوين حايمين وكده،،،
و...
يازول يا ماش في شارع قلبي
سلام يغشاك وهبتك حبي
أديني دعاش أو ما تساهر بي
محبتي لكم جميعًا
|
|