مكالمة مع سارة.... يوجد تسجيل...

الزمان 1993 .المكان (إنيوفك ) قرية صغيرة تبعد حوالي
200كيلو من المحيط المتجمد الشمآلي .الحياة فيها تكاد تكون
معدومة... ساقتني خطآي إلي تلك القرية لاقضي فيها فترة من
حياتي بين ( الأسـكيمو ) وقبائل أخري متعددة, فترة كاتت بجد
عصيبة... جمعتني تلك الحقبة بمجموعة من الأخوان, كلنا كنا عزآبة,
الأسرة الوحيدة التي كانت بيننا هي أسرة أخونا عبد الهادي
عثمان, هو وزوجته وإبنته ( سآرة ) التي كانت أكثرنا وحشة في
تلك الصحآري الجليدية, عزاها الوحيد كان التلفون. كانت تتصل
بي دوما وتظل تتحدث لوقت طويل, وعندما يأخذوا منها السمآعة
تنفجر بالبكاء...
مواقف عصيبة تمخضت عن مولد هذه القصيدة التي أرجو أن تجدوا
فيها العزاء والسلوي...

يامعاوية المدير
احنا الكبار وما قدر سارة
ضايقين بالغربة والقفلة والتلفون ..

لا اعرف كيف اعبر عن هذا النص المفعم بالحس والانسان،
ولكن اكد انه من اجمل النصوص التي قرأتها... كان كافيا اسم سارة ليشدني إلى سحر عالم لم يبرحني منذ بدايتي الابحار في جوانب النص
ففي النص حرارة دفينة تشعل في القارئ حرائق عميقة، ليجد نفسه يسائل كل القيم والعلاقات.انه يزج بك في عالم وجودي بامتياز
انه نص تخلخل كل أنواع العلاقات التقليدية في الغربة بين الأفراد بين الرجل والمراة بين الطفل والوالد بين الصديق والصديق بين الوقت والزمن
كما أنه ينتج صورا مثخنة بالرمز الحابل بالدلالات الذي لا يتوقف عن إعادة تركيب وتشكيل عالم الغريب في الغربة. إنه نص يفيض بمعادلات الكائن والممكن والمستحيل، من خلال تقابلات تكشف عن عدد لانهائي من الثنائيات التي لا تتوقف عن إشراك كل العوالم فتخلق، بصورة ذكية مطرزة، فضاء من التوازيات التي دوماً ما نحتاجها هنا.
.
.
.
شكراً صديقي معاوية لاتحافنا بهذا النص العميق، واسمحلي ان اضيفه هنا.
...و واصل... تدفق
.
.
.
مع فائق الود
راني السماني

*
*
*
مكالمة مع سارة
معاوية المدير
.
.
.

هلو ســــارة...
أسمعي مني أحكي ليك
عن نآسـا
قالوا الغربة غدآرة
بتخلي الزول أكان
برآها يفارق أرضو
وأكان غرق
يسيب فرضـو...
وقالوا لينـا :
أوعو الغربة وأشرآرها
بتشقي الزول
تحرقوا بلهيب نآرها...

أبيت أسمـع
نصيحة أهلي يا بنية
قلـت كـلام
بيحكو بيهو عصرية
ويفرقوا بيهو
وكـت الضيق
مع الجبنة النهارية
وأديتهم قفاي ومشيت
وفي دروب الفراق طشيت
وجيت في الغربة إتضآرا

قالت لي: إنت ربحته
إنت لقيـت
ومن شبك العذآب فكيت
تعال أدخل حبابك جد
ركزته تمآم وفته الحد
ولومك بيآ
حآلك ضمة ما بنهد
نظمت لي
قصيد وكـلام
وسبحت بي
في عآلم من الأحلآم
وهدت حيلي بالأنغآم
.
.
.
يتبع

(2)
.
.
.


ومره العام
ورآهو العآم
وفجأة صحيـت
لقيت الدنيا
حولي ضـلآم
وإنفتحت علي الآلآم
أقسم الليل أعانيها
وباقـي الليـل
أفكر في كـلآم أهلي
القبيل قآلوهو ياسآرة
بقيت في نفسي أتضارآ
ولقيت الغربة جد حآرة
ولقيتك إنت يا سارة
وحآسي بيك
جيوش الوحشة عآصرة عليك
بكرة تهـون
وترجعي للبسترو الحآل
بلد ترجآكي بالشبآل
فيها العم وفيها الخآل
والعمآت والخآلآت
والجـآرآت
الداخلآت والمارقآت
يشيلوك ويطايبوك
وبي فلليل يحجوك
وتكرفي نسمة الوديان
وتسمعي نفحة الآذآن
والنسمآت تجيك مآرة
تنومي وتصحي يا سآرة

يلاقوكي الصباح بالشآي
وبدل من رنة التلفون
بتسمعي رنة الكبآي
وتنبسطي ويجوك بجآي
يجوك بجـآي
وتقدلي فـوق
ربي أمدرمآن
وتلقي الـدنيا
قايمة أمآن
وقآعـدة أمان
.
.
.
يتبع

الأخ المدير تحياتي

النص عجبني نص جميل

لكن بس في لفظة واحدة ما عجبتني وهي "وتسمعي نبحة الأذان" ليتها لو تغيرت إلى "نغمة الأذان" أو أي لفظة تانية مناسبة وأنت شاعر أقدر على تغيرها بالمناسب

وشكرا على النص الجميل والمعبر

الاخ معاوية هذه روعة ما بعدها روعة...القصدية جميلة ومليئة بالصور المكانية التى تسير اشجان كل من هجر الديار وعاش فى ارض المهجر كما ان تفاعلك مع معانى القصيدة والذى ينبع من معايشة حقيقية و الالقاء الجميل اعطى القصيدة زخم فيه كثير من الصور والمعانى البلاغية.
لقد ايقظت وهيجت فيناحاسية تزوق الشعر الذى طالما فقدناها فى هذه الغربة وهجير شمسها الموحش.

خالص الود

سيف جبريل

Quote: ومره العام ورآهو العآم وفجأة صحيـت لقيت الدنيا حولي ضـلآم وإنفتحت علي الآلآم أقسم الليل أعانيها وباقـي الليـل أفكر في كـلآم أهلي القبيل قآلوهو ياسآرة بقيت في نفسي أتضارآ ولقيت الغربة جد حآرة

لا اله الا الله..
جنس الكلام ده..بخلينا..نجوعر الليل كلو
الله يديك العافيه..
وسلامنا لي ساره

السيد المدير

اقدم طلبي هذا للانضمام لكوكبة

معجبي هذه القصيدة الرائعة

ودي

أختي شبكة...

مأ أصعب أن يفارق الإنسان مراتع
صباه, وديار الأهل والأحباب...

غايتو يا شبكة, اللي شبكنا يخلصنا...

أشكرك علي مرورك الذي سرني كثيرا...

الأخ الحبيب رانـي...

أشكرك عميق الشكر, وأنت تضع بصماتك علي هذا
النص, وتخرجه بهذه الصورة التي إكتسب رونقه منها...

النص ملك لك... وملك مشاع للجميع...

شكـرا أخي رانـي...

أخي كمال عكود...

أمتن لك بجزيل الشكر علي مرورك البهي,
وإعجابك بالنص...

يبدو أنني لم أخرج نطق الكلمة التي أشرت
اليها بطريقة وأضحة...

فالكلمة هي أصلا ( نفحة ), مفرد ( نفحات )...

أشكرك علي التنبيه ... ولك مني مودة بلا حدود...

أخي سيف الدين جبريل...

أشكرك علي إطراءك العفيف, فأنا ما تخطيت
حدود التعبير عما يجيش بخاطري, وما أنت إلا
إنسان ينضح بطيب الكلآم ويجود به...

أعتز بك أخ وصديق وأشكرك مجددا...

أخي هـوآري...

أشكرك شكر, قدر ريدتك للبلد...

قال تعالي: (ولو أنآ كتبنا عليهم أن أقتلوا
أنفسكم أو أخرجوا من دياركم ما فعلوه إلا قليل )
صدق الله العظيم

أخي هوآري... قرن الله تعالي فراق الأوطان بقتل النفس
لما يجد فيه الإنسان من مرارة لوعة الفراق...

نسال الله أن يصبر الجميع...

أخي العزيز فيـصل...

وهل أستطيع أنا, أن أرفض لك طـلب!!!!
يأخي طلبك علي العين والراس...

أسمح لي أن أقبل طلبك, وأهديك النص...

لاتحرمني من مرورك, أري بين حناياك رحابة صدر
وطيبة تسع الثقلين...

مودتي وشكري, لك معا...

Quote: يبدو أنني لم أخرج نطق الكلمة التي أشرت اليها بطريقة وأضحة... فالكلمة هي أصلا ( نفحة ), مفرد ( نفحات )... أشكرك علي التنبيه ... ولك مني مودة بلا حدود...

أخي معاوية جميل نفحة وأنت المصيب يا صديقي وأنا المخطئ العتب على السمع يا أخوي صاحبك ختير على قولة أهلك الشاميين ختير أي صار اختيار والاختيار عندهم هو الرجل الشيبة الطاعن في السن

شكرا لك مره أخرى اخي معاوية على النص الجميل والذي يذكرنا ما يذكرنا

أخي عكود...
ســلام...

ما زلت بخيرك. ولاك ختيار ولاحاجة...

شكرا علي مرورك وتفاعلك...

Quote: بكرة تهـون وترجعي للبسترو الحآل بلد ترجآكي بالشبآل فيها العم وفيها الخآل والعمآت والخآلآت والجـآرآت الداخلآت والمارقآت يشيلوك ويطايبوك وبي فلليل يحجوك وتكرفي نسمة الوديان وتسمعي نفحة الآذآن والنسمآت تجيك مآرة تنومي وتصحي يا سآرة يلاقوكي الصباح بالشآي وبدل من رنة التلفون بتسمعي رنة الكبآي وتنبسطي ويجوك بجآي يجوك بجـآي وتقدلي فـوق ربي أمدرمآن وتلقي الـدنيا قايمة أمآن وقآعـدة أمان

شكرا ليك يا معاوية... نص جميل و معبر... ربنا يسهل رجعة سارة و جميع السارات لبلد خير يحتضنهم و يوفر ليهم حياة كريمة يستحقها كل إنسان.... بلد لا تتجول في أجوائه طيور الظلم و الظلام.

ود المدير يا شاعر يا رزين

اولاد الباوقة دايما منورين

نديدي في المنبر والله صوتك

هيج الكثير في دواخلنا وتسلم

سارة وربنا يديها الصحة والعافية

و ان شاء الله نشوف سمحا يا رب

تحياتي لك و للاسرة الكريمة

سيف الدولة كامل

نيويورك

آمين, أخوي العوض...
من خشمك ولباب السماء

كتر خيرك كتير, وشكرا علي طلتك السمحة...

سيف الدولة, نديدي...
نعلك طيب...

بسطتني جيتك بالحيل, يا أخوي ربنا يقدرنا,

ونقدم الفيهو الفايدة...

تحيتك وصلت, وسلم لي كتير علي وليداتك...

يا ود المدير

الله يديك العافية ويرجعك انت وسارة للبلد سالمين

ويرجع الجميع لأحضان الوطن الدافئة

حقيقة صوتك ملئ بالشجن

وإلقائك أكثر من رائع يا روعتك ويا روعة القصيد

المدام ذرفت دمعات ساخنة وهي تتخيل سارة إبنتها لينا ذات العامين

لكن الحمد لله لحقناها بكومة مناديل

ورفضنا ان نسمعها القصيدة مرة اخري


صدقك أنطق الحروف

متعك الله بالعافية



معزتي


سيف اليزل

(3)

.
.
.

وحس طنبور أهلنا
شمآل ينآديكـي
وتمشي شمـآل..
حنين القمري يشجيكي
والنخلآت تضآريكـي
والسخلآت تبآريكي
تمرح يومي
بين إيديـك
والنيل مويتو
كابة عليك
وتلعبي فوق جدول
الموية يفرح بيك
وبدل ( بارني )
هناك بت أم لعآب بالكوم
بتلعبي بيها طول اليوم
وبدل ماتشاهدي تلفزيون
حجي الحبـوبة
قبل النوم بيكفيكي
.
.
.
يتبع

الم السنين يا ود المدير ....


الم الغربه .....


اشيل وادفن فيه ........


ومرات اتناسه
واشغل نفسي .....


بس الليل عرفته تخاطبه بلغة كلماتك الموزونه
الرائعه

لغه حنينه فيه ريحة الجروف

جروف نيل امدرمان وحيشانه وكبابي الشاي .......



يالله عليك لوحه رائعه ...................







مساحات من الود والتقدير

أخي السيف...
ربنا يتقبل الدعاء...

نزولا لرغبتك, كانت هذه البدآية...
كتر المناديل للمدام, أنا حالف إلا أرجع كل
زول أهلوا...

أشكرك شكر أبوابه مشرعه...

ســلام كتير جدا للأولاد...

الأخ العزيز وليم أندريا...

إنها الغربة, وقعها علي نفوس أبناء البلد
جد صعيب. لكننا نعلل النفس ونمنيها, بحفنة
كلمات عسي أن يكون فيها شي من السلوي...

جروف النيل في أمدرمان, نحمل معنا كل
الصور الجميلة, ونهاجر, ليظل الحلم بالعودة
يراود نفوسنا...

وليم...إن شاء الله نرجع...

أغرس لك في مساحات الود, أشجار مودة, وإحترام,
لتنتج أواصر خوة, جزورها في الأرض, وفرعها في السماء...

استمعت للتسجيل أمس ليلا..
وأخذتني الذكريات الحيه معها ومع سهر وألم أيام طويله..
فجأه وبقدرة قادر صارت سنينا!

الغربه في وسط جليد..او في قلب صحراء..
او حتي في مكان أخضر..
تبقي لئيمه ان لم تكن بيئتنا..
لئيمه لانها ليست خيارنا الا لأنه افضل الاثنين..

.........

.........

وجعني التسجيل وجعا ليس من المروض ان يكون جديدا..
الا انه أوجعني لايقاظه الاحساس الذي جاء في الكلمات ليشرح الحال..
.........

..........

أرجع لك في وقت آخر باذن الله..

تحياتي..

استمعت للتسجيل أمس ليلا..
وأخذتني الذكريات الحيه معها ومع سهر وألم أيام طويله..
فجأه وبقدرة قادر صارت سنينا!

الغربه في وسط جليد..او في قلب صحراء..
او حتي في مكان أخضر..
تبقي لئيمه ان لم تكن بيئتنا..
لئيمه لانها ليست خيارنا الا لأنه افضل الاثنين..

.........

.........

وجعني التسجيل وجعا ليس من المروض ان يكون جديدا..
الا انه أوجعني لايقاظه الاحساس الذي جاء في الكلمات ليشرح الحال..
.........

..........

أرجع لك في وقت آخر باذن الله..

تحياتي..

up for listening

الأستاذة مـني...

لا الأرض هي الأرض, ولا السماء هي السماء...
بشر بطعم الحسرة والألم...

ولكننا نحاول دوما أن نجد العزاء
بين حنايا الحروف...

في إنتظار رجعتك...

مع شكري وتقديري...

راني

لا يفوتني ان ازجي لك كل التحايا ايها الجندي المجهول

التحية لك وانت تعين صديقك ود المدير

وتفرح الالاف من المستمعين

و ربنا يعدلها عليك محل ما تقبل يا رب

ودمت ذخرا للوطن


مودتي


سيف اليزل

(4)
.
.
.

بتمشي إن شاء الله يا سارة

تشمري تبني من الطين
قصـور آمال
وتلقي دوآم معاك أطفال
قلوب الناس تشيلكم فأل
تنططي تجري طول اليوم
والأ لعاب هناك بالكوم
ما بتتحبسي جوة البيت
يجيبك للسرير النوم
تجي الحبوبة
تمسح ليك كريعآتك
وتفرحي تنسي دمعاتك
ويحلبو ليك من الضأن
لبـن صـآفي
ماجابوهو من دكان
مراح أهلك دوآم شبعان
والحاضنا الجروف رويآن
بتمشي إن شاء الله يا سارة

تشمري تبني من الطين
قصـور آمال
وتلقي دوآم معاك أطفال
قلوب الناس تشيلكم فأل
تنططي تجري طول اليوم
والأ لعاب هناك بالكوم
ما بتتحبسي جوة البيت
يجيبك للسرير النوم
تجي الحبوبة
تمسح ليك كريعآتك
وتفرحي تنسي دمعاتك
ويحلبو ليك من الضأن
لبـن صـآفي
ماجابوهو من دكان
مراح أهلك دوآم شبعان
والحاضنا الجروف رويآن
بتمشي إن شاء الله يا سارة
.
.
.
يتبع

لحفظ الملف في جهازك
اضغط هنا
اضغط بيمين الماوس واختار "حفظ باسم"

thanks a lot rani

لك من التحايا اجزلها

يا سلام اخي معاويه نص جميل جدا


واصل هذا الابداع .

أخي الكباشي...

أشكر لك إطراءك الجميل, المحفز...

أشكرك أيضا علي ترحابك بي عند وصولي هنا...

حيآك الغمام أخي محمد الأمين...

طبت وطابت أيامك...
أشكرك علي المرور الجميل...

up

... لك مني جزيل الشكر أخي سيف اليزل ...

ود المدير...

ود المدير

سايق التاكسي بتاعك ولا هاميك

الناس ترمي في دميعاتها وتستف في شنطها

ولسان حالك يقول:

أنام ملء جفوني عن شواردها ويسهر الخلق جراها ويختصموا


دمت بخير

سيف

حليل النوم يا ود البرعي...

تحياتي...

حليل النوم يا ود البرعي...

تحياتي...

واحد من الباحثين السودانيين ذهب الى المحيط المتجمد وهنالك وجد سخص مدتدثر بالفرو ولكن لاحظ على وجهه شلوخ الشايقية فقال الباحث فى نفسه( معقول البشرية دى وصلت هنا) فاقترب من الرجل وسأله(الاخ سودانى؟) فأجابه الرجل مشيرا الى شلوخ وجهه(نان ديل..............)

معاويه المدير كيف حالك وأحوالك وساره بقت عروسه وأبوها صار شنكيب
لا يستطيع الوقوف ولا الجلوس وكذا أمها فقد ذهب شبابهما فى غربة ما
زالوا أغرابا فى جنباتها ومازالت أحلامهما كما كانت أولا الرجوع إلى
وطن حان وإلى أعراف مازالت تدرجهما فى المنافى والملاذات
وكويس إ نك قلتها بصوت الحاس بالحقيقه والقابض على جمرها متعك
الله ولك السلام



منصور

أخي المنصور...
الحمدلله, إنت أريت حالك زين...

حليلو أخونا عبد الهادي, كان عسكري يهز ويرز,
وأحسن زول بيظبط عدس.
الغربة كما الهدآم, أخذت منه ماأخذت ومازال يتسكع
في عرصا تها...

سلامي له ولأسرته الكريمة, ولجميع ناس كالقري. وحتي
التقيكم, أرقدوا عآفية...

أخي عمار...

زولك الباحث ده, ما مشي الصقيعة دي.
لأنو كان مشي, كان لقي قريبك السنجك ده
شليخاتو إنمسحن...

شهرين ظلام كان مديت أصبعك ما تشوفو,
وشهرين الشمس فوق صنقوعك طول اليوم...

شكري ليك بالجرانين...

مساء الخير نديدي الظريف

جينا ندي سارة طلة ونطمئن عليها

وخلي بالك يا معاوية انا ابو وليدات

اديكم العافية ويخلي ليكم الاموره

سسسسسسسسسسسسسسسسسسسسسسسسسسسسساره

Quote: راني لا يفوتني ان ازجي لك كل التحايا ايها الجندي المجهول التحية لك وانت تعين صديقك ود المدير وتفرح الالاف من المستمعين و ربنا يعدلها عليك محل ما تقبل يا رب ودمت ذخرا للوطن مودتي سيف اليزل

سلامات اخي سيف،
يقف الحرف عاجزاً امام احرفك عزيزي وقبلها امام احرف صديقنا المشترك معاوية المدير.
كل ما نود عمله هنا، هو، إخراج حرف اخينا معاوية لبراح عالمنا الاسفيري هذا، حتي يتمكن الكل من المشاركة في الاستمتاع والاستماع والنقد حتي لا ندفن هذه التجربة الناجحة كما فعلنا مع الكثيروووون.
.
.
.
سعيد جداً لحضور حسك الراقي هنا والمشاركة ودعم البوست حتي يرى النص النور، وأسف جداً لعدم الرد حينها اصابة العلة رشاشي، ولم اتمكن من الرد.
.
.
.
فائق شكري
راني السماني

(5)
.
.
.

تلقيهم هنآك
في لهفة مشتآقين
يحضنو عيونك الحلوين
صدورهم بالحنان تنضح
ناسا خلقة مبسوطين
نشيل الغربة
نحن سـنين
عشان ياسارة
يفرحو هم
وتلقيهم دوآم
بوجودنا فرحآنين
وفي غربتنا ما سآلين
وبس عايزين
نكنون في ديارنا متلمين
ديار الـغربة
ما بتسع المتلنا يمين
نحن يسعنا بيت الطين
ونفوس ناسا عزآز وكرآم
هناك في لهفة مستنين

.
.
.
يتبع

يمسيك بالخير نديدي السيف...

وربنا يخليلك وليدآتك ويحفظهم ...

up

(6)
.
.
.

هلو ســارة...
الهي المولي يرعاك
وترجعي لبلدنا أمآن
تعيشي الفرحة
في الســودآن
وسـط ناسـا
عـدآل وحنـآن
بتمـشي
إن شاء الله
يا ســــآرة...
.
.
.
تمت

شــكرا رأنـي...

ود المدير...

فوق لمزيد من الاستماع والاستمتاع

صباحك عسسسسسسسسسسسسا يا سسسسسسسسسسسسسسارة

you too

يا ودالبرعي, وكامل...

البنية دي ما عذبتوها عذآب...

تحيآتي...

يا ود المدير نان البنية شيخا ما كارب

لازم نصبح ونمسي عليه ونتبرك ونتمسح بالبنية

بركاتك يا شيخنا

معاوية..
لك كل التحايا علي هذه القصيدة الرائعة

التي تصور الغربة بكل المها وشجنها

وهي لسان حال كل المهاجرين

تحياتي,,,

أخـي إيهاب...

كلما إتسعت براحات الغربة, شعرنا فيها
بالضيق والإختناق, لأن أرواحنا دوما تحلق في براحات
الوطـن الحبيب...
كما قلت هي بؤرة الم, وشجن...

أشكرك شـديـد...

أ.معاوية المدير


مرحباً بك في هذا الحوش


و تشكر على هذا النص البديع ..




تحياتي ..

الاخ / معاوية المدير

تحياتي الطيبات

اشكرك جزيلا لهذه القصيدة المعبرة والمفعمة بالمعاني التي لامست الدواخل واججتها شوقا الى الوطن

.
.

موضوع جميل يا معاوية

بس العنوان يخوف أنا قايلها سارة تانية .

.
.

ود المدير
تحياتي وسلامي
رغم أنو كلنا في الهم شرق وفي الغربة اللئيمةلكن قد تختلف الامكنة
التسجيل لم يفتح وقد وصلني ايميل من الاخ جعفر كرم الله من كندا بالبوست
توقعت أن تكون واحدة من أغنيات ود الحوري
تحياتي مرة أخري

أخي شهاب...

أشكر لك مرورك, وترحابك, وإعجابك...

كلها أدلة علي معدنك الذهبي الذي لا يصدأ...

لك مودتي كاملة لا ينقص منها شئ...

أخي/عـمـر...

في ديار االغربة, ينهكنا التعب, فنفترش
أرضها, ونلتحف سماءها, ونحلم بالوطن,ونلجاء
للحروف عساها تعبر عن ما في نفوسنا المتعبة...

لك مودتي وتقديرى...

أخي/الأزهري...
تسلم الشمارآت الجابتك. علي وزن
تسلم البطن الجابتك...

الحقيقة أنا ليس لي علم بالموضوع الآخر, إلا أنه أخبرني
بعض الإخوة عقب إنزال البوست...

بعتذر لكل الإخوة, والأخوات الذين أتو بنفس الدافع الذي
أتحفني وأسعدني بحضورك...

لك مني جزيل الشكر...

أووع تكون في غلطات إملآءية وكده,

صراحة الواحد من يوم خته كراعو

في المحل ده خايف منك..

(وش خآآآيف شديد)

أخي, وقريبي/علي الكرآر...
لك من السلام, والتحايا جراب مليان...

فعلا حاولت أن أكتب عن الراحل(ود الحوري), ووجدت له شريط
بحوذة المرحوم(الصادق الشيخ) وكان يفترض بعد رجوعه من الخرطوم
أن نسجل معا حلقة لتلفزيون أتبرا, وأخذ منه الشريط, لكن يد
المنون كانت أسرع. خرجت من أتبرا حزينا عليه غاية الحزن
نسال الله لهما الرحمة, والمغفرة...

أرجو أن توفق في فتح التسجيل, وإذا تم, الرجاء إفادتي...
في إنتظارك...

تحياتي, وأنا زول قريبا ليك. يعني سررك...

up

ود ناس المدير
حياك الله وحفظك اينما كنت
يا أخوي أنا عارف ( السراره) والأرحام
وأتشرف جدا بأمثالك الطيبين الاصيلين
القصيدة وصلتني باللفه من اخونا جعفر كرم الله من كندا وفتحت
الله يفتح عليك
عندي برضو شريط حار من المرحوم الحوري
يسمع في ساعات الشوق
تحياتي لكل اهلنا شرق وغرب

سري/علي الكرار...

بركة الجمع, وشايف ود كرم الله ما قصر معاك,
وياهه الفيهو محرية.

شريط الحوري بالحيل مغرود فيهو. ربنا يجمعنا في
ساعات الخير...

سلامي ليك وللمعاك...

.
.

الأخ الكريم الزميل معاوية

شكراً جزيلاً على كلماتك الطيبة.

بعدين ياخي لو راجعت مداخلاتي بتلقى الأخطاء الإملائية بالكوم والردوم، ماتتغشى ساكت وتفتكر القبة تحتها فكي :)

أخوك بس بزعل من الأخطاء الشنيعة الما بتتبلع زي لما واحد يكتب ليك إسم الجلالة (الله) كده (اللة)

أخد راحتك ياحبيب وإتجدع في اللغة العربية وقشة ماتعتر ليك :)

بعدين ياخي أنا زول الله ساكت الغنماية تاكل عشاي .

مرة تانية منور المنبر ومرحب بيك وربنا يملاك عافية ولك خالص التحية والتقدير والمودة .

.
.

أخي الأزهري...

أعجبني فيك تواضعك الجم, وأحي فيك روحك الطيبة...

كده الواحد أصبح مطمئن.

أشكرك شديدأخي الأزهري...

وتاني شكرا كمان...

اماني ما وجعتني يا ود عمي

ماتشوف وجع يا ود عمي...

قدر ما قلنا نكتم وجعنا, الدميعات, روب, روب,
روب يشتتن. شن نسوي يا ود عمي???

Quote: شــكرا رأنـي... ود المدير...

لا شكر علي واجب يا صديق..
الشكر لاحساسكـ العالي وراقي..
.
.
كل الود
راني السماني

الحبيب الغالي ود المدير

سلام وتحايا...

سعيد جدا ان ارى في داخل هذا الحوش قامة كبيرة من قامات الادب والفكر ..
والتمس لي العذر ان جاء ترحيبي متاخر بعد الشيء وذلك لظروف غيابي عن الموقع لفترة طويلة.
ومتشكر كتير علي هذه القصيدة الرائعة وقد سمعت يتردد صداها في اصقاع المحيط المتجمد الشمالي..
حيث وجدت كلماتك الحنينة اذان صاغية في وسط الجالية السودانية بالاسكيمو.. (انفك) -مسقط راس القصيدة-
وقد قام الاخ المفضال جعفر كرم الله بتحميلها ثم بثها عبر اسير الموجات المحلية ب(الايبوت) لكل السودانيين المتواجدين هنا..
كما انه قام بنشرها عبر الايميل لكل اصقاع الدنيا(حتي الاخ الباشمهندس احمد الخلف(العراقي) استمع اليها وهو بارض المغرب - طنجة).

امل ان تزيدنا من هذا الابداع الرائع..

وتقبل تحيات واشواق الجالية السودانية بالاسكيمو
اخوك
حامد عبدالله.

الأخ العزيز الغالي/حامد...

التحية ليك يا حبيب ولناس إنيوفك...

أشكرك علي ترحابك, وأصلوا الناس حياتها ظروف...
بشكر الأخ جعفر عبرك علي الحملة الإعلامية المكثفة التي
قام بها لنشر القصيدة...

الوصية بالمهلة. بطلب منك. تبليغ سلامي لجميع الإخوة بإنيوفيك:

العبيد, عبد الله, جعفر, البلولة, عصام, أمير, ود العجب, الحضري,
صلاح مالك, وجميع الذين سقط إسمهم سهوا...
الأخ الحبيب الزول الطيب أحمد الخلف له مني عاطر التحايا...

ســـلام لجميع الأهل,ودمتم في حفظ الله ورعايته...

ملحوظة: سلامي للعوض السائح إن كان بإنيوفيك...

up

fooooooooooog

فوووووووووووووق