Post: #1
Title: إنتقام إمرأة ...
Author: ابو جهينة
Date: 04-07-2009, 10:45 AM
قصة رواها لي الراوي أنقلها لكم بتصرف :
****
قام الزوج بالاشتراك مع زوجته و أم أولاده ببناء منزل (العُمر) وبعد أن انتهى من بناء طابق أرضي ودور مرتفع فوقه قرر الزواج على شريكته في البناء والحياة الزوجية ، ولم يكتف بذلك بل أسكن زوجته الجديدة في الدور العلوي وأمر زوجته الأولي بالبقاء في الدور الأرضي.
وقد أوْغرتْ أفعال الزوج صدر الزوجة الأولى ضد زوجها وتظاهرت بموافقتها على ما قام به زوجها وأقنعته بأن يكتب الدور الأول باسمها بالنظر إلى أنها شاركته في البناء، فوافق ، وبعد أن تسلمت أوراق إثبات الملكية للدور الأول من المحكمة ، فاجأتْ الزوجة زوجها بطلب الطلاق كما طلبت منه أن يتولى حضانة الأطفال و نقلتْ الأطفال إلى الدور العلوي ليسكنوا مع زوجها و زوجته الجديدة.
كل محاولات الأقارب للإصلاح بين الطرفين قد باءت بالفشل فاضطر الزوج لطلاقها .
وبعد أن أتمتْ الزوجة شهور العدة أقدمت على الخطوة الأخيرة من انتقامها بأن تزوجتْ من شخص آخر وأسكنته معها في الدور الأرضي ( طبعا بنفس البيت الذي يسكن فيه زوجها) ، و أمعنتْ في إذلال طليقها بالجلوس في فناء منزلها بالطابق الأرضي مع زوجها الجديد و ( آخر ونسة و قرقرة و كلام في الريدة ).
مما أدى إلى أن يصاب الزوج بحالة سيئة دخل على أثرها مستشفى الأمراض النفسية ولا يزال تحت العلاج.
هذا يعني إن تزوج عليها و هي شريكة حياته و كفاحه و ساهمتْ معه في بناء المنزل ، فهذا أمر عادي بالنسبة له.
و لكن إن تزوجتْ هي حتى بعد أن طلقها فهو أمر يؤدي إلى الجنون.
أرأيتم ما تتحمله بعض النساء؟
|
Post: #2
Title: Re: إنتقام إمرأة ...
Author: سمرية
Date: 04-07-2009, 11:14 AM
Parent: #1
يا سلااااااااااام عليها الزولة دي .. بردت بطني وعفيت منها ...
ودا الانتقام ولا بلاش ....
ابو جهينة ...
ازيك ؟!!
|
Post: #3
Title: Re: إنتقام إمرأة ...
Author: عماد محمود علي
Date: 04-07-2009, 11:29 AM
Parent: #2
Quote: هذا يعني إن تزوج عليها و هي شريكة حياته و كفاحه و ساهمتْ معه في بناء المنزل ، فهذا أمر عادي بالنسبة له.
و لكن إن تزوجتْ هي حتى بعد أن طلقها فهو أمر يؤدي إلى الجنون.
أرأيتم ما تتحمله بعض النساء؟ |
بصراحة كده ياريس انت الايامات دي ما براااااااك ، شغال لينا أنتقامات سااااااكت .. دجانقو بس ....
ياريس تعال عشان الملوحة وبعدين نقعد نحكي حكايات جاكي شان دي ..... حيرتنا ياخ ....
مودتي ......
سمرية .. ياخي اتصلحي معانا ياخ .. إنتقام شنو ؟ الاسلام حلل أربعة مش اثنين ....
|
Post: #8
Title: Re: إنتقام إمرأة ...
Author: ابو جهينة
Date: 04-08-2009, 12:30 PM
Parent: #3
العمدة
| Quote: بصراحة كده ياريس انت الايامات دي ما براااااااك ، شغال لينا أنتقامات سااااااكت .. دجانقو بس .... |
لإن أتتْك الريح فكن إعصارا
| Quote: ياريس تعال عشان الملوحة وبعدين نقعد نحكي حكايات جاكي شان دي ..... حيرتنا ياخ .... |
بعد الملوحة بيكون فيك حيل تحكي ... يادوبك ترفع حواجبك
|
Post: #4
Title: Re: إنتقام إمرأة ...
Author: ابو جهينة
Date: 04-07-2009, 11:12 PM
Parent: #2
سمرية
Quote: يا سلااااااااااام عليها الزولة دي .. بردت بطني وعفيت منها ...
ودا الانتقام ولا بلاش .... |
إنتقام مرتب ترتيب صاح
Quote: ابو جهينة ...
ازيك ؟!! |
خالعاني المرة اللضيضة دب
|
Post: #5
Title: Re: إنتقام إمرأة ...
Author: علاء الدين حيموره
Date: 04-07-2009, 11:39 PM
Parent: #4
كدي وبصراحة كدي ورينا الايام دي قصتك مع الحروم ديل شنو ؟؟؟
|
Post: #6
Title: Re: إنتقام إمرأة ...
Author: محمد أبوالعزائم أبوالريش
Date: 04-08-2009, 07:26 AM
Parent: #5
يا ريس ما تشمّت ناس سمرية ديل فينا .. ديل ناس مغرضين.
أنا لو من الزوج أقوم أحرّش الأولاد يلعبوا كورة في البيت عشان يعملوا ليهم إزعاج لحدي ما يطلعوا من الدور الأرضي.
سؤال:
الزوج الجديد الدلوكة ده (سلاح الإنتقام) رأيو شنو؟ مبسوط بالقرقرة وكلام الريدة المتلفز ده؟
|
Post: #7
Title: Re: إنتقام إمرأة ...
Author: ALZOLZATOO
Date: 04-08-2009, 07:38 AM
Parent: #6
حبيبنا ابو العزائم
ياخي الزول لقى ليهو سكن مجاني والله يضحك للصباح ، بعدين العملية شكلها كلها بيزنس هي لقت الحاجة العايزاها وهو كمان لقى الحاجة العايزها ياحبذا كمان لو سجل الدور الارضي بي اسمو وبعد داك قام اتزوج تاني وقسم الدور الارضي على اتنين كل مرة نص كان طوالي الزوجة الاولى مشت رقدت في المستشفى في السرير الارضي بتاع زوجها لووول يكه كان تكون قصة لذيذة او كان بعدما سجل البيت بي اسمو يقوم يبيعو للزوج الاول ويطلق الزوجة اها الزوج الاول يجي لي مرتو الاولى يقول ليها ماقلتو نوبة وتطلع الشغلانة كلها اتفاق بين زوجها الاولاني وحبيبها التاني
يعني شغل حكومة وكده لووووووووول يكه
تحياتي ليك ولي ابو جهينة
زاتوووو
|
Post: #11
Title: Re: إنتقام إمرأة ...
Author: ابو جهينة
Date: 04-09-2009, 04:27 PM
Parent: #6
قريبنا محمد أبو العزائم
تحياتي
| Quote: أنا لو من الزوج أقوم أحرّش الأولاد يلعبوا كورة في البيت عشان يعملوا ليهم إزعاج لحدي ما يطلعوا من الدور الأرضي. |
ما أظن العكليتة دي بيطلعا مجرد إزعاج شفع ..
Quote: سؤال:
الزوج الجديد الدلوكة ده (سلاح الإنتقام) رأيو شنو؟ مبسوط بالقرقرة وكلام الريدة المتلفز ده؟ |
دة داخل بمجهودو بس ... و أكيد متفق معاها عشان يجننو صاحبنا دة
|
Post: #9
Title: Re: إنتقام إمرأة ...
Author: ابو جهينة
Date: 04-09-2009, 00:17 AM
Parent: #5
علاء
| Quote: كدي وبصراحة كدي ورينا الايام دي قصتك مع الحروم ديل شنو ؟؟؟ |
لما نتقابل فيس تو فيس و يكون د.جيب زيادة حكم بيناتنا
|
Post: #10
Title: Re: إنتقام إمرأة ...
Author: نادية عثمان
Date: 04-09-2009, 00:43 AM
Parent: #9
والله نجضتو نجاض أب قبورة وكونه يجن ده أبسط شئ ممكن يعملو طبعا ..!!
قصة التركين دي حقيقية يعني في تركين بالجد عند ناس عماد ؟؟!
|
Post: #12
Title: Re: إنتقام إمرأة ...
Author: ابو جهينة
Date: 04-09-2009, 06:27 PM
Parent: #10
الزول ذاتو
تحياتي
Quote: ياخي الزول لقى ليهو سكن مجاني والله يضحك للصباح ، بعدين العملية شكلها كلها بيزنس هي لقت الحاجة العايزاها وهو كمان لقى الحاجة العايزها ياحبذا كمان لو سجل الدور الارضي بي اسمو وبعد داك قام اتزوج تاني وقسم الدور الارضي على اتنين كل مرة نص كان طوالي الزوجة الاولى مشت رقدت في المستشفى في السرير الارضي بتاع زوجها لووول يكه كان تكون قصة لذيذة او كان بعدما سجل البيت بي اسمو يقوم يبيعو للزوج الاول ويطلق الزوجة اها الزوج الاول يجي لي مرتو الاولى يقول ليها ماقلتو نوبة وتطلع الشغلانة كلها اتفاق بين زوجها الاولاني وحبيبها التاني
يعني شغل حكومة وكده لووووووووول يكه |
دة أجمل تعليق متسلسل منو فيهو ...
ياحبذا كمان لو سجل الدور الارضي بي اسمو وبعد داك قام اتزوج تاني وقسم الدور الارضي على اتنين كل مرة نص كان طوالي الزوجة الاولى مشت رقدت في المستشفى في السرير الارضي بتاع زوجها لووول يكه كان تكون قصة لذيذة او كان بعدما سجل البيت بي اسمو يقوم يبيعو للزوج الاول ويطلق الزوجة اها الزوج الاول يجي لي مرتو الاولى يقول ليها ماقلتو نوبة وتطلع الشغلانة كلها اتفاق بين زوجها الاولاني وحبيبها التاني
يعني شغل حكومة وكده لووووووووول يكه
زي قصة دخلت نملة و أخذت حبة و خرجت
دمت
|
Post: #13
Title: Re: إنتقام إمرأة ...
Author: ابو جهينة
Date: 04-10-2009, 12:42 PM
Parent: #12
أستاذة نادية
سلام
| Quote: والله نجضتو نجاض أب قبورة وكونه يجن ده أبسط شئ ممكن يعملو طبعا ..!! |
يعني لو قعد مع نفسو و قام بمحاسبة نفسو ما كان جن ... و لكنها أنانية الرجال.
| Quote: قصة التركين دي حقيقية يعني في تركين بالجد عند ناس عماد ؟؟! |
حقيقية جدا
ما تخافي
التركينج هو الأكلة الوحيدة في العالم الما عندها تاريخ إنتهاء الصلاحية .. بيكون قاعد مفنجل عويناتو إلى أن يقضا الله قراصة كانت مفعولة
|
Post: #14
Title: Re: إنتقام إمرأة ...
Author: مريم بنت الحسين
Date: 04-10-2009, 01:34 PM
Parent: #13
القصة دي قريتها قبل فترة في الجريدة، وحصلت لواحده هنا في السعودية.. والله عجبتني عجب.. وفشّت بطني..
حكيتها لجارتي السودانية، قالت لي عندهم ناس جيرانهم في السودان، حصل معاهم نفس القصة.. لكن ديك، سجّلت البيت كلها بإسمها.. قبل ما يتزوج عليها.. واول ما اتزوج وجا يجيب العروس، لقاها واقفه ليه جنب الباب.. وطردتوا... والعروس خلّته.. ومشت عرّست ليها واحد أصلا من زمان كان دايرها قبل ما الزول ده يعرّسها.. وفتحت ليها كوافير (كان راجلها مانعها تفتحه).. وفتحت للعريس الجديد محل حلاقة.. والقشة بقت معدن.. اما صاحبنا.. فاستلم ليه صينية.. وبقى يفلّع بالحجار.. ويجي جنب بيته القديم.. ويكورك باسم مرته...
هع.. عفيت منها
|
Post: #15
Title: Re: إنتقام إمرأة ...
Author: ابو جهينة
Date: 04-11-2009, 08:04 AM
Parent: #14
تحياتي مريم
| Quote: اما صاحبنا.. فاستلم ليه صينية.. وبقى يفلّع بالحجار.. ويجي جنب بيته القديم.. ويكورك باسم مرته... |
نفس مصير صاحبنا الفوق .. بس الفرق إنو الأولاني لسع ما وصل درجة الفليع في الصينية
|
|