Post: #1
Title: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-06-2009, 01:05 PM
وهي المبلغ الذي صدق به الكونغرس لسد عجز ميزانية حكومة الجنوب .
|
Post: #2
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: شمس الدين ساتى
Date: 04-06-2009, 01:09 PM
Parent: #1
مصطفي ود عثمان اسماعيل قال نحن شعب جيعان
يعن ممكن نشحد
وناس وداحمد البشر ناس القمة شحدهوم برضو
قروششششش بالهبل.
بت النيل
|
Post: #3
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-06-2009, 01:11 PM
Parent: #1
القرعه لم تكن لتمتد لو إستند الجنوب على سياسات إقتصاديه متينه وواعيه
أمريكا وبكل تأكيد لاتطعم بدون مقابل وحفنة البنكنوت التي ملأ بها الكونغرس (قرعة) باقان بكل تأكيد سيكون مقابلها عائد مجزي جداً وهو إنشاء قاعده صواريخ بالجنوب وهو ماتخطط له أمريكا منذ وقت طويل وكنت أشرت لهذا عندما إشترى جنرال بالمخابرات الامريكيه قطعة أرض بالجنوب توازي مساحتها إمارة دبي .
|
Post: #4
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: شمس الدين ساتى
Date: 04-06-2009, 01:18 PM
Parent: #3
ود فرح الحكومة بالمقابل شغاله بيع في حاجات كتيره
وفي بيعه اثار تمت من كم يوم كانت خطيرة وزول قال بغم مافي
انا لاادافع عن احد لكن اليومين دي كلو شغال بيع
بت النيل
|
Post: #6
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-06-2009, 01:33 PM
Parent: #4
شمس الدين والتوقيع بنت النيل
شنو الزغلله دي ياأخ/ت
|
Post: #16
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: شمس الدين ساتى
Date: 04-07-2009, 02:26 AM
Parent: #6
مافي زغلله
شحده
شحده
باص ويرد وكده
كلو بشحد
|
Post: #17
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 06:12 AM
Parent: #16
Quote: مافي زغلله
شحده
شحده
باص ويرد وكده
كلو بشحد |
اول مره اشوف لي زول بشحد باسويرد
هو الباسويرد بقروش ؟؟؟!!!
ماعلينا
شفتي باقان ده شحاد كيف ؟؟
|
Post: #5
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: Abdulbagi Mohammed
Date: 04-06-2009, 01:22 PM
Parent: #3
| Quote: أمريكا وبكل تأكيد لاتطعم بدون مقابل وحفنة البنكنوت التي ملأ بها الكونغرس (قرعة) باقان بكل تأكيد سيكون مقابلها عائد مجزي جداً وهو إنشاء قاعده صواريخ بالجنوب وهو ماتخطط له أمريكا منذ وقت طويل وكنت أشرت لهذا عندما إشترى جنرال بالمخابرات الامريكيه قطعة أرض بالجنوب توازي مساحتها إمارة دبي . |
وطيب مالو؟؟؟
|
Post: #7
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: omar alhag
Date: 04-06-2009, 01:36 PM
Parent: #5
عائد مجزي جداً وهو إنشاء قاعده صواريخ بالجنوب وهو ماتخطط له أمريكا منذ وقت طويل وكنت أشرت لهذا عندما إشترى جنرال بالمخابرات الامريكيه قطعة أرض بالجنوب توازي مساحتها إمارة دبي .
والله ده تحليل معمل استاك ما يقدر يحلل زيو
|
Post: #18
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 01:07 PM
Parent: #7
| Quote: والله ده تحليل معمل استاك ما يقدر يحلل زيو |
أخوك خطير ياابوعمير بس البلد ضيقه
|
Post: #8
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-06-2009, 01:42 PM
Parent: #5
ياراجل
قول كلام تاني
|
Post: #9
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: adam khatir
Date: 04-06-2009, 01:57 PM
Parent: #8
أخى محمد فرح سلام
دى شحدة ما خمج وعلى عينك يا تاجر - قال اصدقاء الحركة الشعبية !
دى نفس الميزانية التى رصدت لقرنق بحياتو وديل أولادو قبضوها
مودتى
|
Post: #10
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: azhary taha
Date: 04-06-2009, 03:05 PM
Parent: #9
ديون السودان حوالي 30 مليار مليون دولار....وهي ديون تتحملها الاجيال القادمة....
كل المشاريع من سدود وطرق تم بناؤها من هذه الديون .....يعني مليارات الدولارت ماسرقة والكم مليون ديل سرقة????
عجبي
|
Post: #11
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: علاء الدين صلاح محمد
Date: 04-06-2009, 03:19 PM
Parent: #10
| Quote: الشحده الجد جد .. باقان يعود من أمريكا محملاً بـ(275) مليون دولار |
و انتو قادرين حتى تشحدوا
انتو شحدتوا ما ادوكم
انبرشتوا ما ادوكم
بعتوا اخوانكم في الله حتى البلد
ما ادوكم
حتبيعوا
اه ما حيدوكم
البركة في باقان اللي في نص زيارة جاب لاخواننا في الجنوب 275 مليون
واجيك من الاخر حتى لو خنتاها في حيبوا
كم
مقابل اللي انتو نهبتوه من 1989م
صحيح الاختشو ماتوا
|
Post: #12
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: NEWSUDANI
Date: 04-06-2009, 03:53 PM
Parent: #11
أنتو بن لادن دفع كم يالله ؟؟
أنتو ما ياها دي أمريكا اللي تتمنوا عودة وتطبيع العلاقات معاها يا الله؟؟؟
الفرق بيننا نحن بنقول الرقم عدييييييييييييييل عشان كده أنتوا زعلانين ولا شنو ؟؟
اللهم لا تؤاخذنا بما يقول الجهلاء منا
|
Post: #13
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: Rawia
Date: 04-06-2009, 04:04 PM
Parent: #12
محمد فرح
ممكن أستأذنك وأخت صورة باقان اموم هنا
بمناسبة أني حضرت الندوة هنا في فرجينيا من يومين وعجبني كلامه القالو عن التنمية في السودان وعن أحلامه
في بناء سودان واحد قوي ونزاهة الانتخابات وحاجات تانية كتير بتفرح إنه في ناس بتفكر وعندها رؤى مستقبلية
للسودان قاعدين في سدة الحكم
___________
لو وافقت بجي راجعة أختها
وشكرا مقدما (أين كان ردك)
|
Post: #14
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: jini
Date: 04-06-2009, 05:39 PM
Parent: #13
Quote: عائد مجزي جداً وهو إنشاء قاعده صواريخ بالجنوب وهو ماتخطط له أمريكا منذ وقت طويل وكنت أشرت لهذا عندما إشترى جنرال بالمخابرات الامريكيه قطعة أرض بالجنوب توازي مساحتها إمارة دبي .
|
لا ترحموا لا تخلوا رحمة الله تنزل!
انتوا موش بتجيبوا فلوس من اخوانكم المسلمين كمان هم يجيبوا قروش من اخوانهم المسيحيين ويبنوا كنايس كتيرة ويعملوا قواعد عسكرية لامريكا
زى قطر والكويت والعراق والمانيا والفلبين والدول التانية الفيها قواعد!
اسال نفسك ليها الحكومة حقتك ما ادتهم المبلغ دا بسوى ليهم شنو! وخاصة انتوا قلعتوا منهم وزارة البترول!
تمنعوا خلق الله من الشحدة!
انتوا هسة بشيركم البشحد على عينك يا تاجر وبتكلم عن الكرامة ويكورك نحن المنظمات الخاصة طلعنا ليها الكرت الأحمر ما فى زول يقسم اغاثات
اى زول يجيب اغاثات فى الميناء او المطار! هو لو فى كرامة بالجد يرفض الاغاثات ويتحمل مسئولية ناس دارفور الطحنهم وشردهم فى القبل الأربعة!
يا أخى قول كلمة الحق مرة واحدة!
السودان دا ما حق الانقاذ براها حق كل السودانيين!
جنى
|
Post: #15
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: Abd Alla Elhabib
Date: 04-06-2009, 07:33 PM
Parent: #14
(11) مليون دولار من واشنطن للخرطوم
Quote: Quote: "الرأي العام "
توصل تقرير صدر عن الحكومة الأمريكية إلى أن واشنطن منحت أربع دول تعدها الأخيرة راعية للإرهاب منحاً مالية وصلت قيمتها إلى (55) مليون دولار في إطار برنامج يهدف لنشر الاستخدام السلمي للطاقة النووية.وقال مكتب المساءلة الحكومي التابع للكونغرس الأمريكي أمس إن حكومات إيران وسوريا والسودان وكوبا تسلمت منحاً مالية تقدر بملايين الدولارات عبر برنامج دولي تابع للوكالة الدولية للطاقة الذرية تدعمه الولايات المتحدة. وأوضح التقرير أن إيران تسلمت ما بين العامين 1997م و2007م وعبر برنامج الوكالة الدولية للتعاون التقني ما قيمته (15) مليون دولار، في حين حصلت سوريا على (14) مليون دولار. أما السودان وكوبا، فحصلت كل منهما على أكثر من (11) مليون دولار، وفقاً للتقرير. وتعد الولايات المتحدة أكبر ممول لبرنامج الأمم المتحدة وقدمت له خلال العام 2007م مبلغاً يقدر بـ (20) مليون دولار. |
|
ومال ... دى كانت زكاة الفـطر .. يامرجــف !!
|
Post: #26
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-08-2009, 10:59 AM
Parent: #15
| Quote: ومال ... دى كانت زكاة الفـطر .. يامرجــف !! |
حسه (مرجف) دي لزومه شنو ؟؟؟!!!!!
المهم
دي مساعدات ضمن برامج معينه ودي بتختلف تماماً عن إنك تمشي تشحد وتمد القرعه
أقرا خبر الزياره كويس
أجراس الحرية: واشنطن: عبد الفتاح عرمان
تعهد الكونغرس الامريكى بمنح حكومة الجنوب مبلغ (275) مليون دولار امريكى لمقابلة عجز ميزانية هذا العام بعد أن شهدت اسعار البترول هبوطاً فى السوق العالمية، وتم ذلك عند زيارة وفد الحركة الشعبية للكونغرس الامريكى صباح امس حيث حضر اللقاء من الحركة الشعبية رئيس وفدها لواشنطن باقان اموم و عضوية كل من عبد العزيز الحلو و دينق الور و ازيكيل جاتكوث و من الجانب الامريكى السناتور دونالد بين رئيس لجنة افريقيا فى الكونغرس الامريكى و اعضاء اخرين. ووصف باقان اموم اللقاء ل(اجراس الحرية) بالهادف و البناء، تابع:" ناقشنا معهم تنفيذ اتفاقية السلام الشامل و الانتخابات القادمة و مشكلة دارفور ثم طلبنا منهم دعم حكومة الجنوب، وتحقق لنا ما جئنا من اجله. وفى سياق اخر التقى وفد الحركة الشعبية ظهر امس بمقر وزارة الخارجية الامريكية بنائب وزيرة الخارجية الامريكية جميس ساتبيرغ، وطبقاً لباقان اموم ل(اجراس الحرية) قال:" ناقشنا الوضع فى السودان و تنفيذإتفاقية السلام الشامل و ضمانة إجراء إنتخابات حرة و نزيهة و العمل على إيجاد حل لمشكلة دارفور. واصفاً اللقاء بالمثمر و الايجابى. واكمل:" نحن جئنا لواشنطن فى وقت جيد خصوصاً و الإدارة الجديدة الان تبلور سياستها تجاه السودان، وقدمنا لهم مقترحاتنا فى الحركة الشعبية لكيفية التعامل مع الوضع فى السودان، ولكنه احجم عن الكشف عن ماهية تلك المقترحات.
شوف ماتحته خط ده
طلبنا منهم دعم حكومة الجنوب
جنس قوة عين غايتو
|
Post: #24
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 01:47 PM
Parent: #14
اخ جني
تحيه طيبه
المعضله الاساسيه هو أن هذه الاموال لن تصب في التنميه لكنها ستصب في اماكن اخرى
الحركه خسرت هذا العام مئات الملايين من الدولارات كلها أريقت في الفساد والاسلحه المهربه المعطوبه
نصيب الحركه من البترول وحده يكفيها لخلق بنيه تحتيه جيده للجنوب
سوء الإداره فقط هو ماجعلهم يتسولون الفتات من امريكا وغيرها .
|
Post: #23
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 01:41 PM
Parent: #13
اخت راويه
البوست بوستك ويمكنك إدراج اي صوره تشائينها
اما حديث باقان عن التنميه فللأسف هو مجرد حديث لكن عند لحظة التطبيق تذهب كل هذه الاحلام أدراج الرياح
حديثهم عن التنميه مجرد حقنة تخدير للجماهير التي ماتلبث أن تصحو على واقع أمر من الحنضل نفسه .
|
Post: #22
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 01:37 PM
Parent: #12
نيوسودان
حتى لو سعينا للتطبيع مع امريكا حيكون التعامل بطريقة خد وهات
يعني تبادل تجاري
علمي
ثقافي
مصالح مشتركه وكده
لكن أخذ مبلغ دون أي مقابل
دعم سااااكت كده
معونه
دي ماعندنا
لأنو دي بتخش في باب الشحده
|
Post: #21
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 01:33 PM
Parent: #11
علاء الدين صلاح
نحنا بنتكلم عن الشحده كمبدأ
ماظريفه باقان يمشي يمد لي قرعه في امريكا ويشبكهم والله ميزانيتنا ضاربه وامورنا معكسه
دي سمعه ماكويسه للسودان
|
Post: #20
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 01:29 PM
Parent: #10
Quote: ديون السودان حوالي 30 مليار مليون دولار....وهي ديون تتحملها الاجيال القادمة....
كل المشاريع من سدود وطرق تم بناؤها من هذه الديون .....يعني مليارات الدولارت ماسرقة والكم مليون ديل سرقة???? |
أزهري
لو عرفت ديون السودان ساعة إستلام الإنقاذ السلطه فستعلم أننا نسير في الطريق الصحيح
عموماً نأمل ان يستفيد مواطن الجنوب من هذه الـ(منحه) لاأن تذهب لحسابات البنوك الكينيه
|
Post: #19
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-07-2009, 01:26 PM
Parent: #9
Quote: أخى محمد فرح سلام
دى شحدة ما خمج وعلى عينك يا تاجر - قال اصدقاء الحركة الشعبية !
دى نفس الميزانية التى رصدت لقرنق بحياتو وديل أولادو قبضوها
مودتى |
العزيز ادم خاطر
زي ماقلت دي الشحده الماخمج
وبدون خجله
ميزانية الجنوب مقدوده تماماً وقد وعد الكونغرس أن يرقعها تماماً
لو أراد الأمريكيون الإصلاح لدربوهم على الإداره وإستغلال الموارد لكن امريكا تطعمك السمكفقط ومن المستحيل أن تعلمك كيفية إصطياده .
مؤونة عام من الود
|
Post: #25
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: Deng Goc
Date: 04-07-2009, 02:34 PM
Parent: #19
محمد فرح
الماعاجبك شنو؟؟
الشحدة؟؟؟ ولى ترقيع ميزانية الجنوب ؟؟؟؟ ولى انها تمشى حته تانية؟؟
قلت مديونية السودان كان كم ...وقت جماعتك سرقوا البلد؟؟؟ كان كم؟؟؟ وحسه كم ؟؟؟؟
والمديونية دى جات ماشة تتقدل على السودان ؟؟؟ ولى بقرعة كاربة؟؟؟؟
ياخى ....اخير الشحدة ذى حكومة الجنوب عملت ولى اخير السرقة ذى ماجماعتك بسرقوا نصيب
اللجنوب من البترول حسه....؟؟؟؟
اخير ياتوا فيهم؟؟؟
ماعندك موضوع ولله
|
Post: #27
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: محمد فرح
Date: 04-08-2009, 12:27 PM
Parent: #25
دينق قوك
قلتلي سارقين قروش البترول
يازول كوس ليك شماعه تانيه لي فشلكم الذريع في التنميه
حقكم جاييكم وبزياده كمان
كلامك ده مابتقدر تخدع بيهو اي طفل
|
Post: #28
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: خالد حاكم
Date: 04-08-2009, 07:58 PM
Parent: #27
محمد فرح المتخصص فى حكومة الجنوب ....
بختك , بكره ,الله لا قدر الجنوب لو انفصل ... عندك وظيفة جاهزة ( الاستاذ محمد فرح الخبير فى شئون دولة جنوب السودان) يعنى حنشوفك كتير فى الفضائيات ....
الله ينعل ابو الانتماء الاعمى , ان كان كده!!!!
يا راجل قول مرة واحدة , كلمة حق ولو على نفسك وخلى الاصطياد فى الماء العكر !
فعلا الكيزان طينة واحدة وان اختلفت اثنياتهم!!!
|
Post: #29
Title: Re: الشحده الجد جد .. باقان يعود من أمريكا محملاً بـ(275) مليون دولار
Author: Mannan
Date: 04-09-2009, 05:24 AM
Parent: #28
كانت ديون السودان 14 مليار دولار عندما استلم الكيزان السلطة والآن 30 مليار دولار يعنى 16 مليار دولار رغم مداخيل النفط ... يستدين السودان لبناء السدود ويعلق الديون على رقبة الأجيال القادة.... منهم لله... منهم لله...
وبعدين كلام بيع الآثار دى شنو؟؟؟؟
| Quote: وفي بيعه اثار تمت من كم يوم كانت خطيرة وزول قال بغم مافي |
ياخوانا ورونا الحاصل شنو؟؟ الجماعة ديل حيبيعوا الآثار كمان!!!! يا ساتر أستر..
منان
|
|