خطاب النميري الشهير قبل الإنتفاضة

أبوعاج أخوي قال في خطابه الشهير قبل السفر لامريكا وبعدها كانت الانتفاضة والتي سبقتها شوية مظاهرات

ليه تأكلوا طلاطة وجبات ما كفاية اطنين
وليه تشربوا فميطو ما تشروا مواص
وبدل الحلاوة الماكنتطوش دي ما تاكلوا تمر
بعدين الجنية ده بعد شوية كان لقيتوا واقع مابندقروا تشيلو
وماتلبص مرة الرئيص تيبان من سويسرا ولا لندن هي مرة نجار ولا غفير
بعدين انا لو ما ماشي امريكا مستعجل كنت فرتكت المظاهرات دي ببوري عربيتي


عليكم الله ده رئيس عاوز ليه انتفاضة

في نفس الخطاب قال سئ الذكر:
"في ناس بقولوا نحن إنتظرنا لحدي ما المدارس أجّزت، وقمنا زدنا السُكّر." ثم أردف مجيباً على هذا القول: "هي الحكومة بتخاف من الطلبة؟".
الله يخيّبك يا العوير الدلاهة.

Quote: بعدين انا لو ما ماشي امريكا مستعجل كنت فرتكت المظاهرات دي ببوري عربيتي

عليك أمان الله لو ما كان سافر كان فرتكها بعطسة.



_____
كلو من سوار الدهب.

يا عُمر الفاروق الزول ده أصلو ما بيخيب ظني ... في كل بوستات نميري

شكرا للحضور الكريم

ما قال بيجي مالوا ماجا

وتلا ذلك موكب "الردع" الهزيل و حاسم حاسم يا أبو القاسم وثلة من المنتفعين ابو ساق وغيره وشعب السودان العظيم في مسيرة الأربعاء الثالث من أبريل والتي كانت بداية الأنطلاقة ويالها من أيام

فاصل ونواصل

إتملص زي البروة في يوليو 71 !

(كلو من سوار الدهب)
.

كلو من شامبي و الإحيمر !!

كان الرجل بحق قاهراً وجبروتاً وصاحب قرار decisive ( صائباً كان أم خاطئا) ولم يك أحداً يصدق فى ابريل 1985 أن حكمه سيزول بهذه السهولة والسرعه بعد 16 عاماًتعددت فيها المحاولات من كل القوى السياسية لانهاء حكمه وتبدلت فيها السياسات وبطش فيها بمن بطش وتعلم الرجل من تجارب الزمان عدم الثقة فى أى شخص خاصة المقربين منه ..وكان سِميعاً من الدرجة الأولى ...وللأسف الأكبر لم يستفد الحكام اللاحقين كثيراً من تجربته وتكررت النسخ الكربونيه من نفس المسلسل (البطش بالخصوم ثم الدعوة للعزوم)...

الرجل فى تقديرى الشخصى شخصية جديرة بالدراسة والتحليل ...بكل سلبياتها وايجابياتها ...شخصية متعددة النواقص لم ينعم الله عليه ببسطة فى العلم والمعرفة إلا المحدود فكان حاقداً على العلماء ويفتخر بأنه (أنا البليد أهو حاكمكم إنتو الشطار أهو لا تسوو شئ ) كان على آخر القائمة فى مدرسته (طيش حنتوب)وكان الطلاب يهتفون ضده وأمامهم (حمار يلبس بيق هات = طاقية الضباط) ويرددون (لن يحكمنا طيش حنتوب..)
لم ينعم الله عليه بالزريه (وهى إرادة الله فى خلقه) وماتتركه من اضافات على شخصية الفرد...قال تعالى:(...المال والبنون زينة الحياة الدنيا والباقيات الصالحات خير وأبقى)ً ولكن أنعم عليه بحكم البلاد (قل اللهم مالك الملك تؤتى الملك من تشاء ......إلخ) صدق الله العظيم,

تحياتي لكما .. المعز وسوركتي

موكب الثالث من ابريل كان مشهد .. ضم كل الوان الطيف من القوي الحديثة والتي كنا نتمني ان تشرك بفعالية في حكم هذا السودان .. القانونيين .. الأطباء .. الصيادلة .. المهندسين .. العمال .. الطلاب .. وكان العصيان المدني ومارس ماسك كتف ابريل ..

كتب ملاسي

Quote: عليك أمان الله لو ما كان سافر كان فرتكها بعطسة.

دي اساءة للشعب السوداني

فكر قبل ما تكتب دا اصلآ و لو بتعرف تفكر

شنو .. زعلتك العطسة .. ما ياهو .. تقدر تنكر!

تلك هي الحقيقة و إن مشيت على كفيك؛
لولا سفره و لولا وزير دفاعه كان لي الليلة حاكمكم.