Post: #1 Title: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-06-2009, 08:56 AM Parent: #0
ظهر في الفترة الاخيرة في ساحة الغناء السوداني فنانين شابين يدعيان أحمد الصادق وحسين الصادق (لا ادري ان كانا أشقاء ام هي صدفة في تشابه اسماء الاباء) وعن طريق الصدفة عثرت علي تسجيل لكمية من أغانيهم التي ظلو يرددونها في الحفلات العامة والخاصة ، شئ وحيد يربط بين هذين الاسمين هو مسخهم لجميع الاغاني التي تغنو بها ، فطيلة تقليبي لهذه الاغاني الممسوخة لم يساورني شك بأنها لا تشبه الغناء ولو في جزئية منه شعرت بحالة من الغثيان تعتريني ، موسيقي مشوهة لا تشبه الموسيقي ، فرق كبير في الزمن ما بين هذه الموسيقي المشوهة والالحان الممسوخة (أظنه مقصود كنوع من النيو لوك الغنائي الجديد).
متي يعلم هؤلاء وأمثالهم أن أغاني العمالقة يجب أن تترك كما هي عليه ؟؟؟
Post: #2 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: محمد عادل Date: 04-06-2009, 09:04 AM Parent: #1
يابكرى الخير هم اخوان احمد اكبر من حسين والاتنين كانو مداحين شغالين مديح ساكت فجاة قلبو
Post: #3 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: أيمن دياب Date: 04-06-2009, 09:16 AM Parent: #2
سمعت أحمد الصادق.. وحسين الصادق.. كل زمن عندو موضة ونجوم.. ما بطالين وماعندهم عوجة.. المقومات عندهم موجودة.. والأقوى والأهم هو الصوت.. وينو عمر الفاروق.. خلينا نسمعو كمان..
Post: #4 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-06-2009, 09:44 AM Parent: #3
Quote: يابكرى الخير هم اخوان احمد اكبر من حسين والاتنين كانو مداحين شغالين مديح ساكت فجاة قلبو
محمد عادل ازيك
طيب وكت اخوان ما كان يعملو ليهم فرقة علي الاقل يصلحو الصوت بتاعهم بدل الجرجرة الفارغة البعملو فيها دي
Post: #5 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-06-2009, 09:48 AM Parent: #3
Post: #6 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: يحى الشريف Date: 04-06-2009, 10:25 AM Parent: #5
امس اول مرة احضر حفلة لاحمد الصادق .. صراحة الود غناي شديد .. غايتو على الاقل ده كان معظم الناس الفي الحفلة من خلال تعابير( وشوشهم) ..كل الفنانين الكبار بدو بتقليد القدامهم وبعد داك عملو شغلهم براهم .. المهم وجود الموهبة في الاصل
بعيدا عن الغناء كنت اتمنى استمرارهم في المديح لانهم الاتنين كانو مداحين شديد على حسب ما سمعت
ودي واحترامي صاحب البوست
Post: #7 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: معاذ حسن Date: 04-06-2009, 10:39 AM Parent: #6
بكري سلامات احمد الصادق ما سمعته لكن حسن صوته جميل جدا وخامته متفرده تحياتي
Post: #8 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: أيمن الطيب Date: 04-06-2009, 10:47 AM Parent: #6
سلامات يا بكرى,,, والله محمد عادل دا يوم بكتل ليهو زول جد جد.,, إختزال الموضوع فى المفيد!!!أداك القصة ساندوتش يا حبيب!!!! المدّاحين قلبو مع العدادات وكدا,,, بعدين ما يقلبو كيف ما العالم كلهم بقوا مدّاحين !!! ومدّاحات!!!! ضايقوهم فى (أراضيهم)!! حدثنى صديق عن فنان شاب جديد وحينما جربت الإستماع إليه لم أستطع إكمال الأغنية للنهاية!! وقد يأتيك من يقول لك لا فهؤلاء الشباب فنانين!!!! فلا تستغرب يا صاحب فغير مسألة المذاهب فى حب الناس!! لا تنسى أيضا أن الذوق العام ومقاييس جودة الفن من عدمها وإمكانيات الفنان قد أصابها ما أصابها,,, !!
Quote: يابكرى الخير هم اخوان احمد اكبر من حسين والاتنين كانو مداحين شغالين مديح ساكت فجاة قلبو
مودتى,,
Post: #9 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: عمران حسن صالح Date: 04-06-2009, 11:03 AM
ديل يا حبيب جيل الفنان (أبو سلسل ) ... والله لوكان جدي حياً لمات حزنــاً .....
Post: #10 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: مزمل خيرى Date: 04-06-2009, 11:06 AM
الاخ بكرى
تحياتى
بغض النظر عن نوعية الأغانى .. بالذمة كدة اصواتهم مش قوية وجميلة .؟؟
Post: #11 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-06-2009, 11:31 AM
Quote: سلامات يا بكرى,,, والله محمد عادل دا يوم بكتل ليهو زول جد جد.,, إختزال الموضوع فى المفيد!!!أداك القصة ساندوتش يا حبيب!!!! المدّاحين قلبو مع العدادات وكدا,,, بعدين ما يقلبو كيف ما العالم كلهم بقوا مدّاحين !!! ومدّاحات!!!! ضايقوهم فى (أراضيهم)!! حدثنى صديق عن فنان شاب جديد وحينما جربت الإستماع إليه لم أستطع إكمال الأغنية للنهاية!! وقد يأتيك من يقول لك لا فهؤلاء الشباب فنانين!!!! فلا تستغرب يا صاحب فغير مسألة المذاهب فى حب الناس!! لا تنسى أيضا أن الذوق العام ومقاييس جودة الفن من عدمها وإمكانيات الفنان قد أصابها ما أصابها,,,
أيمن الطيب كيفنك حقيقة الصوت صوت مداحين لكن يتخيل لي لو استمرو في المديح كان احسن ليهم مع اني لم استمع اليهم وهم يمدحون المصطفي (ص)
محمد عادل دا حكاية قايمة بي ذاتا كمان
Post: #12 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: نوفل عبد الرحيم حسن Date: 04-06-2009, 01:27 PM Parent: #11
سلامات بكري اختلف معك حول حسين واتفق معك حول احمد حسين صوتو جميل وقوي .. واختياره للاغاني موفق - رغم انها ليست ملكه ولكن الاختيار ينم عن حس مرهف وتذوق للغناء الاصيل احمد صوته برضو جميل .. لكن تمكن مشكلته في اداء اغنيات الهشك بشك .. حسب وجهة نظري بتوقع لحسين مستقبل زاهر
بكري ازيك لا حول الله انت يا دوبك سمعت بيهم انا من سنتين "ومن غير ارادتي" موبايلي كله مليان اغاينهم وكذلك الكمبيوتر طبعا اولادي وبناتي غرامهم الاول النصيحة والحق يقال عندهم حنجرات قوية وحسين صوته اجمل لكن محتوى الاغاني حدث ولا حرج ويا ما دخلت في نقاشات مع شبابي حسع العاجبكم شنو ودايما ردهم يا ماما دي اغاني شباب بتعبر عن واقعنا امشي انتي اسمعي الكابلي ووزردي وزيدان لكن ديل بعكسوا واقعنا ونحن معجبين بيهم البنيات الله اديهم العافية اصروا اوديهم حفلة حسين الصادق حيموتو عشان بس يسلمو عليه كانهم لاقو الرسول المهم اصواتهم لذيذة وفيها قوة ورخامة لو استثمرت جيد مشاريع فنانين وبيني بينك خلسة مرات بسمع ليهم براي صفية
Post: #14 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: نوفل عبد الرحيم حسن Date: 04-06-2009, 03:22 PM Parent: #13
Quote: بكري ازيك لا حول الله انت يا دوبك سمعت بيهم انا من سنتين "ومن غير ارادتي" موبايلي كله مليان اغاينهم وكذلك الكمبيوتر طبعا اولادي وبناتي غرامهم الاول النصيحة والحق يقال عندهم حنجرات قوية وحسين صوته اجمل لكن محتوى الاغاني حدث ولا حرج ويا ما دخلت في نقاشات مع شبابي حسع العاجبكم شنو ودايما ردهم يا ماما دي اغاني شباب بتعبر عن واقعنا امشي انتي اسمعي الكابلي ووزردي وزيدان لكن ديل بعكسوا واقعنا ونحن معجبين بيهم البنيات الله اديهم العافية اصروا اوديهم حفلة حسين الصادق حيموتو عشان بس يسلمو عليه كانهم لاقو الرسول المهم اصواتهم لذيذة وفيها قوة ورخامة لو استثمرت جيد مشاريع فنانين وبيني بينك خلسة مرات بسمع ليهم براي صفية
صفية كفارة وسلامتك والله
Post: #16 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-07-2009, 08:21 AM Parent: #12
Quote: سلامات بكري اختلف معك حول حسين واتفق معك حول احمد حسين صوتو جميل وقوي .. واختياره للاغاني موفق - رغم انها ليست ملكه ولكن الاختيار ينم عن حس مرهف وتذوق للغناء الاصيل احمد صوته برضو جميل .. لكن تمكن مشكلته في اداء اغنيات الهشك بشك .. حسب وجهة نظري بتوقع لحسين مستقبل زاهر
والله دي معلومة جديدة يا نوفل بتاعت حسين وصوتو الجميل واحمد هشك بشك
ربما لا نختلف في الصوت القوي والجميل لكن الاختيار والتغيير الذي يطرأ علي الاغاني زائدا الموسيقي المشوشة بتحسسك انك بتسمع في اغاني ممسوخة، الا توافقني الرأي في ذلك؟؟
Post: #17 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: شمهروش Date: 04-07-2009, 08:33 AM Parent: #16
والله يا بكري حرااااااااااام
انتو يا اخوانا الابداع مابتعرفوووه
Post: #18 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: جمال السنوسي Date: 04-07-2009, 08:40 AM Parent: #17
يا اخوانا
الفنانين السودانيين كتار جدا
من زمن زنقار ولحدي نجوم الغد
بقت في قائمة للاغنية الواحدة بصوت عدد كبير من المؤديين
كل زول مننا يسمعا من الفنان البعجبو
ويا دار ما دخلك شر
يعني مثلا اغنية ( يازمن) للراحل ابراهمي عوض
عند اسرار
وعند نانسي عجاج
الناس بتسمع هنا وهنا
وفي ناس يسمعهوها من سيدا ابراهيم عوض
القائمة طويلة للسمع وكل زول فيكم يسمع من الفنان البعجبو
وواللا شنو
جمال
Post: #19 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: Hawari Nimir Date: 04-07-2009, 08:44 AM Parent: #17
حسين الصادق
Post: #21 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: Hawari Nimir Date: 04-07-2009, 08:48 AM Parent: #19
الا توافقني الرأي في انو حسين الصادق عندو شرخ كبير في صوتو وليس لديه اي نوع من التطريب (يعني الا يسمعو زول مجبور عليهو) ولا في سبيل الموضة فقط ؟؟ ودي موضة شنو البتخلينا نسمع أمثال هؤلاء ؟؟؟؟
Post: #25 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: الرشيد ابراهيم احمد Date: 04-07-2009, 03:01 PM Parent: #19
بكري سلامات انا المحيري بس الغناء اصبح مشبع بالفاظ غير كريمه كل خائن وخاينه دا شنو دا
Post: #20 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: خالد عبد الله محمود Date: 04-07-2009, 08:48 AM Parent: #17
لولا إختلاف الأراء لبارت السلع وكل جيل عندو الفنانين بتاعنو .. نفس الكلام ده يا بكري إتقال على محمود و فرفور و حتى قبلهم إتقال على وردي و محمد الأمين ... في النهاية الحاجة الجميلة بتعيش والحاجة السيئة بتذهب في طي النسيان .. شخصياً شايف إنو الشباب ديل ما بالسوء ده و الإثنين بملكو أصوات قوية و أداء جيد في معظم الأوقات مع ملاحظة أنهم لسه في بداية المشوار ...
Quote: لولا إختلاف الأراء لبارت السلع وكل جيل عندو الفنانين بتاعنو .. نفس الكلام ده يا بكري إتقال على محمود و فرفور و حتى قبلهم إتقال على وردي و محمد الأمين ... في النهاية الحاجة الجميلة بتعيش والحاجة السيئة بتذهب في طي النسيان .. شخصياً شايف إنو الشباب ديل ما بالسوء ده و الإثنين بملكو أصوات قوية و أداء جيد في معظم الأوقات مع ملاحظة أنهم لسه في بداية المشوار ...
خالد عبد الله ازيك محمود وفرفور ووردي وود الامين ما كانو بالسوء دا، ديل فنانين السلاسل فنانين : اشتقت ليك يا منقا اشتقت لي صفقك هوي يا بخت العسل ال الله فيني دفقك (بالله عليك دي غنية؟؟ )
Post: #26 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: نوفل عبد الرحيم حسن Date: 04-07-2009, 09:39 PM Parent: #22
Quote: انا المحيري بس الغناء اصبح مشبع بالفاظ غير كريمه كل خائن وخاينه دا شنو دا
الغناء زي المرايا بعكس الحاصل .. قول يا لطيف بتحتار اكتر لو سمعت اغنيه القنبله واقتلني بمسدسك واملاني انا رصاص يا ساتر .. حرب بس .. كلو مدافع ودوشكات
يا أخي شكرا لك لتعريفي وبعض أصدقائي على هذه الموهبة الرائعة..
أرجو أن تستمع لهذه الأغنية بحياد..
انها من أجمل ما سمعت مؤخرا..
هذه دعوة للجميع للأستماع..
د. صفية سلام لك ولعيالك الذواقين..
تحياتي..
Post: #28 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: Abomihyar Date: 04-08-2009, 03:01 AM Parent: #27
Quote: بكري سلامات انا المحيري بس الغناء اصبح مشبع بالفاظ غير كريمه كل خائن وخاينه دا شنو دا
هذا التعليق ينم عن ضعف المعرفة بالغناء السوداني..
فأغنية( يا خائن عهود حبك) التي غناها هذا الشاب في الفديو
أعلاه هي للفنان الكبير الراحل حسن خليفة العطبراوي ..
Post: #29 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: Ustaz Date: 04-08-2009, 06:53 AM Parent: #28
السلام عليكم جميعاً يا اخوانا غناء الحقيبة رائع في كل شي مفردات ولحن واداء لكن لكن لكن الى متى الاصرار على التقوقع في فلك غناء الحقيبة مع العلم انني من جيل الغناء الحديث كما يسمونه ( السبعينات والثمانينات) كما قال الاخوان كل جيل وله زوقه وكل زول بيسمع حسب مزاجو فما في داعي لان ننعت بعض الفنانين الشباب (ب- ما بعرف يغني او صوتو كعب اوووووو) يعني البارحة انا كنت بسمع في اغاني كرومة سيد الاسم وعملت كسرة بنادر خضر وبرضو كل زول يسمع البعجبو سلام
Post: #30 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: انعام حيمورة Date: 04-08-2009, 01:14 PM Parent: #29
قلت ليك يا بكري والله الاولادديل شفوت كيف !!
هسى حا انزل ليك الاغنية مرة بي صوت بي احمد ومرة بي صوت حسين ..
وحضرت حفلة مرتين بي حسين والله جنس حركات واللبس كيف كيف والعجب ربطة الراس أوف !!
المهم انا حبيت اصواتهم وطريقة غناهم ياخي اخير لي مليون مرة من محمود عبد العزيز !!
(غيرت رايك فيني ) بي صوت احمد الصادق
Post: #31 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: انعام حيمورة Date: 04-08-2009, 01:36 PM Parent: #30
يابكري خلينا نرب البوست دا شوية ياخ ..
Post: #32 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-09-2009, 06:12 AM Parent: #30
قلت ليك يا بكري والله الاولادديل شفوت كيف !!
هسى حا انزل ليك الاغنية مرة بي صوت بي احمد ومرة بي صوت حسين ..
وحضرت حفلة مرتين بي حسين والله جنس حركات واللبس كيف كيف والعجب ربطة الراس أوف !!
المهم انا حبيت اصواتهم وطريقة غناهم ياخي اخير لي مليون مرة من محمود عبد العزيز !!
يمكن او احتمال ..لو داير تسيبنا جرب وانت سيبنا ..بس مش من البداية بعد
المقطع الاول...
نحاول تاني ونركز مرة تانية لعل وعسي ....
سلمت من كل سوء
Post: #36 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: احمد محمد بشير Date: 04-12-2009, 00:35 AM Parent: #35
احمد وحسين ديل معلميييين يا عمك انت بس كبيرتا يا شيخ...
ما تنقص من قدر الاولاد ديل سااااكت.
وعندهم اعمال خاصة بالكوم.. وانتا بس امشي الموقع داwww.sudanese.net وبتسمع العجب.
تحياتي لك ولضيوف البوست..
Post: #37 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-15-2009, 09:15 AM Parent: #36
..
Post: #38 Title: Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) Author: بكري الخير Date: 04-16-2009, 11:37 AM Parent: #37
ولا البت السمعت الخال الراحل المقيم محمد احمد عوض بغني في رائعته عندي كلمة احب أقولا عن مصيري ومصيرك وفي اثناء تجليه في تطويع اللحن والكلمات اذا بها تصيح ، دا منو البغني في غنية احمد الصادق وبالدلوكة كمان ؟؟؟؟
الحبيب محمد عادل اليوم سمعني مقطع من اغنية اشتقت ليك يا منقة واشتقت لي صفقك من اداء واحد من المذكورين أعلاه ، بس يا محمد عادل الزول ممكن يشتاق للمنقة لكن بشتاق للصفق كيف ؟؟؟
